2003 年 1 月 29 日 星期三 【晴】

好唔掂呀....明明返九點鐘, 要七點半起身, 但係個人實在太"支力"喇, 又未好番晒, 所以七點九過d先起到身...八點八先去到粉嶺火車站, 今次終於都要alan等我喇...返到去ive好在仲趕及點名~!
上班主任ge CO2, 但係個個都係做接住落CO1 ge功課...(其實係九成人抄緊...)v.v"
ka lok同pierre都無返, 成朝都靜應應咁...無乜生氣!
十一點半都未夠就放學, 要諗下去邊度死好!!! 跟住去左沙田食野先算...食完野, 我傾完個電話之後, avis同fung bee終於都忍唔住問左我"o個個"問題...我都係唔想咁多個人辛苦先咁做架jar...寧願一個人受晒好過!!
然後我地出左黎周圍行下, 走下一個, 走下又一個...最後得番五條友: 我, alan, avis, fung bee, kei......死fung bee望ge野(視線)果然同我一樣呀~~~下次我地返去撞過佢地姐, fung bee~hehe^^
唉, 跟住又行下HMV...d時間仲係過唔得快...好早呀, 跟住我就提議一齊去機舖打機, 睇唔出avis都打呀, 我同佢仲有阿基一齊玩左個racing game, 痴線架~~~
出左黎行多陣就兩點半, fung bee 要去學車, avis又話要返ive傾作戰計劃, 佢地兩個分別走先...得番我地三條友...走lu~!
返到fanling, 約左ho仔出黎hea, 佢今次仲好死到請我食tea, 鬼咩, 有張十蚊現金卷, 不過唔駛錢, 我又何樂而不為呢~~由於佢約左人bbq ge關係, 傾唔得耐就要走lu....不過佢都問左我"o個樣"ge問題, 照直答左喇!! 無奈地四點幾返到屋企....><"
打機-->online-->打機-->online..........好似好free 咁....放左半日假!
喂喂, 71202同學仔, 我想將我地上次影相o個十個人改個"黨名"呀, 好讓我易寫日記~~出現人物如下: 我, alan, avis, florence, fung bee, gary, kei, pierre, ka lok, +x, 記住幫我諗~~

*祝carman今日生日快樂, 心想事成, 身体健康, 學業進步, 恭喜發財.....~
to yan: 其實都諗唔到想o係度寫咩, 淨係想提下個名~~^^" 努力返工啦你~!

>>January 29, 2003 at 11:56:39 PM GMT+8

2003 年 1 月 29 日 星期三 【晴】

to carrie:
我上次真係好認真咁答你架喎, 你自己唔信知ma, 但係我想知你問黎做咩...係你好奇呀...?
會唔會真係咁簡單先? 又要做乜咁問....?

>>January 29, 2003 at 12:49:38 AM GMT+8

2003 年 1 月 28 日 星期二 【晴】

今日身體持續抱恙呀....唔係幾想講野...o係火車上正諗住溫書之際, alan遞左三本頭文字d比我, 整到我即刻走去"檢查"下有冇問題, 無溫到lu, 不過係補測黎姐, 唔駛咁緊張! ^^"
返到入課室...嘩, 大穫喇呢次, maths阿sir派卷! 仲要係續個見tim...我差唔多係最後o個個收到份卷ge...見到fung bee份卷得28分仲以為可以破佢tim, 點知我同佢一樣分數, 真係arm ar! 但係就低到無淪...死alan有成87分, 係咪出貓架!
lunch又放得晏又話要影印assignment, 所以就留守o係canteen喇! d野食真係好唔掂....不過就見到阿孖邊妹喎...之後又見到幾次, 一次lunch可以見到三次, 真係巧合喇!
時間o岩o岩好, 夠鐘上ct...由放食左藥ge關係, 上堂o個陣好眼訓, 又好"支力", 所以一路徘徊於訓與唔訓之間, 勁難頂呀!!!
捱過了...三點鐘放學, 但係C program阿sir黎到, 係問問題ge時間, 同學們都埋首於書本, 為左為自己爭番口氣--要合格, 但係我就無乜心情溫喇...根本就集中唔到, 勁難頂呀, 好唔想留o係d咁ge環境, 跟住去左canteen行下先上番去!!! 臨三點半, 我地成班人去左溫janet, 想話佢知我地要補測, 唔上堂住. 就o係我地行緊去教員室之際, 咁都比我撞到佢...可惜丫...唉.....
miss 同阿sir理論完之後就比我地提早半粒鐘o係三點半考....呢班pk仔唔係用腦去諗過先做program架, 而係背program...咁有咩意義丫, 仲要係互相抄襲, 可惜我無份...完全係靠自己實力去做, 又睇下你地拎唔拎到四十分!
補測完返返去上英文堂...真係好難集中...想死! 五點半放學...返去locker拎番d comics就走lu...~!
+x又話要去買air froce one, 聽日可能會有成三四個人著住同款唔同色ge鞋返學呀~
to carman: 唔好唔開心, 笑番啦....keep smile ar!
to pierre: 做乜好似咁大穫咁....新年喇...和和氣氣啦, 比多幾日你平復下心情啦...

>>January 29, 2003 at 12:13:32 AM GMT+8

2003 年 1 月 27 日 星期一 【晴】

尋日十二點半訓...到今朝七點要起身, 好明顯係唔夠訓, 所以今日就黎料, 成個人病晒咁...約埋pierre一齊返, 知道佢又同屋企人吵左...情緒好惡劣咁...我又係粒聲都唔想出...返到去avis都覺得奇, 做乜張檯咁死氣沈沈?? 跟住我想食藥但又未早餐, 所以就同gary落左去canteen食三文治喇...食完返到上去, 我ge情況果然有所改善, 精神左好多...但係把聲一早都拆晒...
做做下野, 條粉皮阿sir走埋黎嘈我地唔做野...而且唔跟佢recommand ge野黎做, 我地做得切就得啦, 你ge職責只係睇住我地jar ma, 我地點做關你叉事咩, 你又唔係有份幫手, 嘈嘈嘈!! 佢咁樣一黎就搞到我地成組人興晒, 全組六個人都比佢嘈過! 佢咁仲唔收手, 仲要組組走埋去煩人地, 正仆...! pierre忍佢唔住終於都同佢嘈左幾句, kei都加左把口...好興呀佢地! .\_/."
十二點半放lunch, 由於要返三點半, 我地就提意食完野去影貼紙相, 之後再去行花市!
首先去左禾輋, 無位喎, 咁就局住去沙田, 但係途中就比pierre見到佢個女神, 開心番晒啦, 死仔! 本來佢地仲未諗到去邊度食, 但係我講左一句野之後我就悔喇--"不如去M記丫~笨!" 呢穫真係捉蟲喇...喉嚨好唔得...今次簡直去送死, 以毒攻毒呀...
食完野去左新城市影大合照~~有十個人影, 如下: 我, 基, pierre, +x, alan, fung bee, floence, avis, gary, ka lok, 超多呀~ 十個人逼落部機入面好熱, 但係好好玩, 4+6(死ka lok)成日出向住我出"撩陰掌", 成個痴漢咁, 影/得好開心~~呢張就係我地最人齊ge合照--團年照呀~~^^
照完相去左行左個知咩公園...勁低b, 兜左個圈之後就走~!! 玩完一大輪之後就行左去瀝源o個邊o個個花市, 都無野行ge...但係死ka lok就左去撩個sales, 呢條友仔勁白痴呀`~~~
上左兩堂無聊ge c++, 完全無聽過書, 淨係icq同埋玩games....唔係為左點名實唔返呀...
五點四放學去左踢陣毽...我都無乜起過腳, 事關完全發唔到力呀...
食藥食到個人好tired...希望o係新年前好番!!!!

>>January 28, 2003 at 12:08:37 AM GMT+8

2003 年 1 月 26 日 星期日 【晴】

晏晝差唔多三點去打波...今日手神真係麻麻...同ho and 崑一隊, d波比我射衰晒, 做左個負累...打得好辛苦! 但係之後好好多喇, 因為同chris and kwan一隊...壓力大減呀~
最正都係最後o個round, 神準呀~ 如入無人之景咁~ ho仔根本mark我唔住, 任得我射, 入比你睇~~~hehe, 仲正到o係佢面前左成六七球三分, 收晒佢皮~ 最尾o個場唔止射ball掂, 連助攻一樣得, 我傳左不下五六球彈地靚波比崑個fd, 個個都話傳得勁呀~~勁滿足~!
打完就去左m記度hea, 死ho仔又去左瘟女, 得番chris, kwan X2同埋我坐o係度吹水, 今日ge話題係髮型, 唔止講人, 仲講埋卡通人物tim, 白痴架~ 今日總算盡興而回~!
今日新鞋落地...呢對鞋比我預期中唔好著...因為我打到左腳起左水泡, 可能係新鞋關係啦, 但係就好易襯衫~~
哎呀...真係唔好彩, 中招tim, 都唔知幾時"乃"野, 搞到而家成日咳同埋乞chi tim...我發覺我係會一季一次咁樣架...搵人關心下我丫唔該~!

>>January 26, 2003 at 11:23:52 PM GMT+8

2003 年 1 月 25 日 星期六 【晴】

一早同mum提款之後就去左大家樂食早餐, 約左low b chris十一點, 佢照舊例遲, 十一點三先出現...點知佢黎到就叫餓...又要去食野...不過我太飽, 無食到~! 好似好耐無見, 一路食同佢一路hea, 講起豪仔同佢條女, 有異性冇人性呀條友, 約親佢都唔出, 仲驚死我地睇"sit"嫂夫人咁~~~!
食完野去左旺角, 首先去波鞋街, 睇黎睇去chris都無乜心水, 事關佢出左部電話, budget下降至四百...想買鞋? 下次啦! 我睇黎睇去都係得兩對心水, 間間都同價, 其中一對比lok買左, 我再買都無意思....惟有行多幾間睇下對鞋有冇平d...行行下, carrie同yan出左黎, o係佢地出黎之前, carrie好認真咁問左我一個問題, 又要我好認真咁答佢...咁你認為我ge答案如何, carrie?
我同chris周圍睇, 佢地兩個就悶咁耐...鬼咩...買鞋係最猶疑架....唔好意思喎...見到yan好似無乜聲氣咁, 原來佢唔舒服呀...>.<"
睇左好耐, 都係對air force one 都係最抵做, 又可以著黎for walk, 又可以著黎打ball wor, 買左lu, 價值$569...跟住去埋super X買左條長d ge波褲, 盛惠100大元! chris 睇中d波3又無arm size wor...無奈之下就過左對面樓上喇....o係 Ozone佢終於睇中左件波衫, 我又買左件衛衣, 百二呀...
行到"支力""支力"地, 就去左大快活hea, 吹完一輪就繼續我地ge行程, 去左新天地睇褲呀...不過好貴呀...無乜錢, 唔買住lu, 等遲d買短褲~! 行完之後, 見到yan真係無乜反應咁...見到佢咁真係唔知點...無無聊聊又少少餓之下, 五點幾入左吉野家坐, 佢地三個都有食野, 淨係得我飲野...仲要係yan 唔要我先有得飲...真吹漲~!
回程喇, o係火車上面笑聲不絕, 幾好玩呀~ 死yan居然講佢自己個弱點比我知, 今次你仲唔死~! 不過唔要到幾時先可以咁樣再玩過...time goes busy....
chris要去carrie度, 得番我同yan o係粉嶺落, 送埋佢撘車我就走lu~!
今日都算唔錯, 買到想買ge野, 仲要係唔駛就住咁買~ 我咁大個人都未試過拎住一千蚊大條道理咁買衫褲鞋襪!

>>January 26, 2003 at 12:51:20 AM GMT+8

2003 年 1 月 24 日 星期五 【晴】

今朝做lab ge堂個個都玩遲到, 我八點八上到去, 係第四個返到, 連阿sir都玩遲到, 問你死未! d工件又o係晒fung bee個locker, 佢又未返, 整到我要訓住等佢返!!!
十一點半放lunch, 今日有三個鍾, 出奇地我地唔去大家樂, 而係去左哈迪斯食...d野一般jar....跟住兩點返到ive, +x拎左個欖球出黎, 跟住我地就圍圈傳下波仔, 玩落好易上手, 跟住三點半放學我地又黎玩, 今次avis都有黎玩, 佢呢穫仲唔死, 個欖球勁難接, 但好好玩, 因為可以跑下, 好耐都無跑過喇...~而且仲o係"佢"隔離玩tim, 但係今日比我見到又如何?! 淨係得個望字, 仲要扮到好似唔識咁...都係我衰....
玩到唔知幾點, 奶媽話要走, +x又唔想一個人唔知去邊度hea到八點先練波, 所以就同奶媽走, 走ge同時仲要拎走埋個欖球, 明明玩緊數字球架ma....無得玩喇而家...又要踢毽....但係氣氛就好唔同...因為得番四個人玩....無野好講...突然無mood ar...
聽日要去買鞋...希望可以買到心水新年~!
我作出了決定, 費事煩到人地!!!

>>January 24, 2003 at 11:33:22 PM GMT+8

2003 年 1 月 23 日 星期四 【晴】

今日又同+x早返做gym ar...希望真係可以做到d成績出黎比自己睇~!
今朝比alan同奶媽放左飛機...得番兩條友!
奇蹟地, 十一點成身軟晒咁去上堂都無訓到覺, 真係勁喇~
成阿sir成十二點七先放我地走, 去到連大排檔都無位, 死未! 逼放無奈之下就揀左間無乜人ge"陳根記"坐低, 無他ge, 原因係"好景"ma, 可以直接望到gary個女神--polly~ 食飯o個陣我地繼續講賤野, 乜野"潮流興啜波子", 全部都係出自ka lok口, 呢條友丫, 賤精黎架~不過真係好搞笑~佢地唔講ro咪幾好!
返到去上digital electronic, 派卷呀...炒晒啦...無乜邊個合格, 我得廿七分, 但係都高過好多人...你地淨係掛住打機...抵死! 無得怨架你地! 不過最慘都係阿基, 明明識做, 但係就將"odd"同"even"調轉左, 整到無左成廿分...唔合格....佢即刻好down...v.v"
跟住做lab, pierre出名唔聽書, 乜都唔識, 但係出奇地比佢爆出左個大冷門, 佢可以連續駁到兩個IC ge logic operation!! 相反, 擁有最好人材ge alan組合要到臨最後幾分鐘先駁到一個(members: alan, +x, ka lok, kei, gary, 佢地個個平時都識呢d野...可能一時鬼um眼姐...)阿基連番失敗就乜都無野好講...唔好灰心啦! 最慘都係奶媽, 佢一個拖四個唔做野ge人, 全部都係由佢一手一腳做晒...阿昌太令我失望...又話要努力d, 到左而家又係咁...唉~!
呢幾日個個都好似邪靈付体咁, 個個都了無生氣, 一放學就個個鬆人...搞咩呀...不過日返八點半, 放五點半又真係幾"支力"......
*今日又見唔到我想見ge人...好似發生左少少事咁...唔知係咩事呢...?

好野~下個再下個禮拜五有得睇李克勤concert~期待呀~~~

>>January 23, 2003 at 11:45:56 PM GMT+8

2003 年 1 月 22 日 星期三 【晴】

九點返到去同alan, +x食完早餐就去左上堂, 收到風ka lok剪左個阿旺頭, 開頭都難以想像, 但係一見到佢返到黎就即刻令到我地笑爆咀~~事關佢剪左個punk look, 而且佢仲比人界左一間間, 尤其係後尾枕o個度, 界到好似比電單車碌過咁~最搞笑就係佢"素頭"返學, 又唔gel, 又唔染, 超可愛~~我地笑足佢個頭成日~~死文輝番到黎仲笑阿ka lok成個hip hop佬咁, 成日o係度"check it out~"~~^^
上上下堂, 阿sir提外話講開"147", 跟住問我地知唔知佢講乜, florence一知半解, 亂咁黎~ 無lala大大聲咁o係阿sir面前講左句"哦, 我知喇, 一死7(當然個7字係粗口~)~"
去左禾輋食野, 行去同埋行番黎途中我地又勁講核突野, 乜野"雀仔", "荷蘭橙", "潮漲"呀o個d, 個個都亂咁黎, 玩死avis~~
完野先知pierre個女神o係第二間, 今次佢灰到爆, 實dum春dum死佢~
嘩, 跟住行返ive途中見到好多人, 首先係fung bee個女神迎面而黎, 好鎮奮呀佢~跟住我地落樓梯o個陣又比我地見到拍kfc廣告o個個model, 仲要係o係我隔離略過喎~ 返到ive, o係我地隔離打排球ge就係傳聞中拍過Y2K ge Yen...過左無幾耐又見番fung bee個女神~ 今日真係撞鬼咁撞, 最衰就係見唔到我想見ge人!
放學撞到大舊同佢一齊走~今日真係笑到停不了, 尤其係ka lok個頭同埋avis ge "level"~
replay:
fung bee, 我就日日差唔多啦, 可能對你黎講就唔同, 你見到你個女神2 times wor, 佢仲望左過黎tim~梗係開心死你啦~ pierre就慘d 喇...只可遠觀, 而且唯一令佢人生覺得甜ge野--糖, 都比gary無唔該咁啜左, 真係可憐咯~~ fung今日應該會好滿足!

>>January 23, 2003 at 12:21:35 AM GMT+8

2003 年 1 月 21 日 星期二 【晴】

為左"強身健体", 同埋操fit自己, 我同+x約左今早返去做gym, 九點半都未夠, 同佢o係canteen食完早餐就開始做喇...操到成身軟晒...十點半返到去上堂, 出奇地ro團返齊咁滯! 實在太恐怖喇~!
十二點半放lunch, 去到禾輋入左間上海館都成十二點十過d, 夾硬黎先有份坐, 我地仲要有九個人tim! 我碟麻婆豆腐係最遲黎, 成一點一過d先有得食, 但係點半要上堂...無奈地我要極速吞噬...我最憎就係食飯時間趕頭趕命! 今日ge食飯速度快得驚人, 用左個半字就食完, 連avis同我自己都嚇親!!卒之, 好安全咁準時點半上到課室, 我地仲夠時間串阿sir遲到~
上堂o個陣, ka lok同pierre又夾份玩阿sir, 頂呢兩條友唔順呀~不過好搞笑, 全靠佢地先唔駛上堂訓著!
五點半放學直返屋企...好"支力"呀今日.....
佢地呢幾日開始講番其他野, 就算係聽核突野都好過日日講ro~!
呢排唔知做乜...個個都話要放學走去返工...仲要做到成十一點...yan又係咁, carman又係咁, 佢地咁快就谷得咁行, 情況真係令人擔心...雖然寄情工作唔係壞事, 但係小心体力透支呀你地~!!!
*god bless u all !

>>January 21, 2003 at 11:59:03 PM GMT+8