2003 年 2 月 13 日 星期四 【晴】

我地搞左個"EN功課抄襲團", 約定朝早十點o係canteen 等, 目的係為左今朝份功課啦, 個個都好q懶--等抄~! haha, 抄到十點十去左踢三個字毽先去上堂....
上堂o個陣都覺得好似少左d野咁, 原來就係fung bee 唔o係度...十一點三打比佢, 佢話睇緊e生呀, 仲話唔返學tim...唔通真係我傳比佢?! 都係我唔好...唔好意思呀fung bee!
呆呆滯滯咁上呢堂, 全部時間都係睇"金田一"渡過...十二點半放學pierre帶頭去西田食野...咁arm又撞到carman...~.~||| 食完野kei約左fd睇戲, 走先, 跟住我又唔想咁早返屋企, 就陪+x, avis, pierre佢地去揀禮物比另一半喇...首先去左又一城ge Log On, 入到去見到好多人o係度揀緊野...但係女仔佔多數...唉, 好感觸呀, 如果有人肯o係節日前咁幫我野你話幾好呢...跟住佢地出左去睇其他野, 但係去完Log On之後就無乜心情lu...跟住去左旺角潮流特區行, +x同埋pierre就分別買左手呃同埋頸鍊, 但係pierre仲未夠本, 佢埋第二度買多隻錶先夠喉! 先至拍左七日, 而且係第一個情人節, 學avis話齋, 睇佢出年送得幾多! hehe~
行多左陣就撘火車走lu~ o係火車上面我地四個都白白痴痴咁, 不停係咁講avis 個名(淨係讀最尾個音, 但係要double咁讀, 即係"vis vis", +x話ge~) 講完呢樣之後就上中文堂--學量詞呀, avis見+x咁臭串亦都不甘視弱, 叫+x做"一篤+x", 笑爆呀, 白痴仔~~!!! :-D 跟住pierre又拎avis 個名黎唱山歌...內容都唔係好記得tim...聽日要問番先知!
一日就咁過去...其實今日返學都得d無聊...
祝fung bee快d好番...好內疚呀而家...
reply:
avis(艾華斯, 家姐, 大佬, 大師兄), 睇唔出原來你都幾多名架喎! 我地邊都無唔關心你呀, pierre一知道左你砍頭黎檯件事就即刻黎"呵"你啦~ 佢一個頂晒我地咁多個架喎~haha~~
希望你聽日唔會買d cheap cheap朱古力比我地食啦~
pierre, 駛唔駛將你拎A- ge事o係度講...我都有B架喎...知你口技出眾喇~~
你聽日同miu慶祝你地拍拖頭七呀, 仲要係踩正情人節tim, 祝你地聽日玩得開心d la~
to fung bee, 駛唔駛比番d湯藥費你呀...?
to ka lok, 好快無事ge...過多幾日你就可以繼續"DFG" 啦~~~ wahhahaha~~
得番50%...

>>February 13, 2003 at 11:55:59 PM GMT+8

2003 年 2 月 12 日 星期三 【晴】

今朝又係唔願起身呀, 超眼訓! 趕頭趕命返到去好在仲未點名, 但係好出奇地avis仲早過我地, 嚇死咩!
我地成張檯都無一個人留心上堂, avis訓覺, +x, fung bee畫公仔, alan睇game書, 我睇comic, florence就唔駛講啦~~ 過左無幾耐, kei返左黎, 而avis 就o係睡夢中比個電話驚醒, 出去聽完返黎就問佢係咩電話, 點知原來佢話係唔知咩抽獎, 抽到佢有兩張廣東兩日遊ge飛~! 本來這並非一件甚麼了不起的事, 但係佢正想打比人約人去ge時候, 笑料就發生喇: d 人又懶, 唔走出去先傾, 又想"懶"型咁學人"烏"低身傾電話, 但係又唔夠位"烏", 一彎腰o個下就好似同張檯咁砍左埋去...嘩...我就坐佢隔離, 又嚮又震, 你估佢個額頭痛唔痛丫拿~! 佢就比我地即時大笑左人地出黎, 仲要驚死人地唔知佢砍到咁~~haha~~~
到左lunch, pierre同kei就勁串avis"鐵頭功", 笑足成日, 笑到飛起~~
食完野返到ive又係踢毽, 好多人踢....到左成一點八先上去上堂, 我地都算大牌咯, 成十幾個一次過入去! 我地係特登咁遲上去, 吹咩~橫豎都無心機上堂ge~!
見到fung bee就好想捉佢去磨柱, 但係今日唔好彩呀...咁o岩坐正檯角位, 而下面有一碌柱, 正想捉fung bee去玩之際就比佢吹雞, alan走埋黎幫手捉我...可惡呀, 好在對腳合得實姐...如果唔係我呢個"柱子"之身就咁比佢地破左...可憐我對腳就擋到瘀左....><"
放左學要做lab...又唔識做, 因為我地全班做得太差喇, kk fung話要下次重做...玩野咩!! pierre睇唔順我地班其中一位女同學...pierre居然毒到話"咁多人死唔見你死?!", 但係並唔係對住事非主人講, 睇黎pierre真係好不滿佢ge態度!!
放左學, 同左alan, kei, +x去左大埔中心買陪ka lok買ps2, ka lok揀games揀左好耐, 比+x話佢似細路仔, haha~ 到左成六幾, 約左rachel o係新達等, 都好耐無見佢喇, 佢叫我陪佢去揀朱古力比人, 跟住就同埋+x同埋alan行左陣就返屋企喇...本想"作"rachel買朱古力比我食架...不過見佢又唔係我邊個, 自己條喉嚨又未好番晒, 今日年就放過佢啦~!
返到屋企居然比father執走晒d"宋"...實行"遲返無功者飯宋不留"政策! 搞到我要用湯撈飯, 仲要食湯渣充飢....今日真係黑仔喇!!!
今日好番唔少...但係d菌好似轉左比好多人, fung bee, avis, pierre好似有多少反應...祝佢地好運啦, ha, 我ge影響力真係大喇~~!
65%

>>February 13, 2003 at 12:47:02 AM GMT+8

2003 年 2 月 11 日 星期二 【晴】

好"支力"呀今朝, 所以成七點九先起身, 約+x八點三遲左少少tim, 唔好意思...比佢見到我面青口唇白個衰樣tim...而且成個人都好呆, 十問九唔應咁....sor ar! ><"
返到去食食下早餐又見到fung bee 個女神喇, haha~ 九點四上到去做gym...無奶力丫..! 做到十點三比人趕左出黎lu~!
math堂family淨係得pierre無返, 聽佢地講原來佢昨夜嘔左四穫! 嘩...真係慘...不過我都唔好得幾多, 成日都與紙巾為伴, 最衰就係avis同florence無"幸福"啦, 如果唔係可以分d比我...!
lunch o係canteen食, 我地對眼飽晒眼福^^ "~但係我無胃口, 無食到野....! 死gary同ka lok未食飽飯就講埋d賤野, 笑到我地死, 乜"扭擰擰", pk 仔丫~~最搞笑就係連avis都加埋把口, 佢又比我用"鼻涕"呢兩個字搞到食唔落飯, hehe~~~
三點半有半粒鐘空堂...踢毽時見到ka yu, 阿昌又同佢亂吹, 呢種咁ge討論方式我唔係幾like, 因為次次阿昌同人講親野都牽涉到我, 好憎!!
英文堂好眼訓....@.@ 五點半放學又踢毽...真係好佩服自己點解唔舒服仲可以有咁大活動量! 踢完毽, 去到火車站pierre要走先, 佢要去causeway buy, 因為"real real要買錶錶比miu miu" ar~(real=realize=pierre)
今日就係咁過去...成個病樣出晒黎....
to pierre, 溝奶溝到出事喇, 係咪衰呢~ 好d好番黎過你個sweet sweet 情人節啦~
我都要快d好番...唔好成個病瘟咁..!!!
68%

>>February 11, 2003 at 11:58:08 PM GMT+8

2003 年 2 月 10 日 星期一 【晴】

由於alan八點先醒, 我就打左比carman, 諗住同佢一班火車返喇, 不過去到火炭先一齊行jar wor...>"<
返到去居然比我見到阿基, 佢竟然會咁早, 真係早到嚇親人~! 呢條粉皮可能食錯野, 成朝都o係度捉人字失, 搵位講賤野~笑到我地爆咀呀~~haha~
lunch, pierre約埋阿miu黎食野, 佢都唔知死, 比avis串到一楝都無, 句句都扯到"行", 好搞笑, 笑到我肚都攣埋~~而kei兜飯可能落左藥, 食到佢勁講野, 仲差d整到我噴飯tim!
食完野, pierre送miu 返ive 先, 我地就去左好運陪avis買呔夾. 兩點幾返ive踢毽, 好耐都無踢過喇, alan隻左腳都係咁生蟲, 而我都係最勁o個個, 我地踢踢下miu都過黎踢左陣~明明係上三點半, 但係我地成三點十先上到去, 真係大牌~!
上電腦堂又係同無上無乜分別, 不外乎上網玩icq同埋睇漫畫, 多得kei d金田一jar~
放左學大家都話tired...返屋企lu~
呢排天氣熱番唔少, 個個都話要整番個游水團喎...但係我唔識游喎...
pk丫...唔知衰咩, 而家個傷風/感冒又番發tim, 勁流鼻水同埋勁鼻塞...感覺上比上次仲甘好多呀...而家好眼訓...都唔想諗同埋打咁多...
62%

>>February 11, 2003 at 12:03:09 AM GMT+8

2003 年 2 月 9 日 星期日 【晴】

尋日同pierre o係icq度傾計計到三點半, 係因為我講我d故仔比佢聽, 佢而家咩都知道晒啦, 差唔多知得最多係佢~~所以今朝好眼訓, 明明想出去食早...但係太早喇, 訓到成十一點先起身睇nba, 好眼訓丫...@.@"
今日全日都無野做, 晏晝打比kwan, 佢又話篤緊波, i hate that game!! 耆英又話唔得閒, ho仔又要去瘟女...無奈啦, 無得打波! 好悶咁上網...好在carman返返下工打黎同我hea 下時間姐, 如果唔係真係唔知點開死~!
到左五點幾, 同崑o係屋企打下波練下技術, 又踢下毽咁, 跟住就食飯...
全日o係屋企可以悶成咁...聽日就要返學, 但係我未收拾好心情呀...好唔想七點鐘身, 送LMF首"大懶堂"比自己!
to pierre, 你o係度自爆同話比全世界人知無乜分別, anyway, 祝你同佢日日都開開心心啦~!
PS. 你實比avis佢串死姐~
reply siu, 你講得無錯, fung bee o個日ge行為同痴漢無乜分別, 希望佢返到學校唔會咸濕我啦~~
60%

>>February 9, 2003 at 11:41:12 PM GMT+8

2003 年 2 月 8 日 星期六 【陰】

死喇...返訓tim, 明明係要九點起身, 點知到左九點九先彈起身....三個字之後就執好妝去食早餐, 出到去mum已經幫我逗到一百蚊利是~十點五食完野, 十點八先到火車站, 遲到兩個字tim, 比kwan做左近期最早到o個個~!
kawn同ho仔都出現埋, 淨底就係例遲--chris, 最後佢都出現埋, 但係carrie仲未到, 咁無計啦, 叫chris等埋carrrie先黎啦~!
去到旺角我地就五仔一女唱k喇, 唱到把聲差d拆晒, 今日隨左少部份無唱之外, 差唔多首首都唱, 好似練歌咁, 好抵唱~不過kwan就差d喇, 自己又未好番喎, 又要走黎唱, 抵佢勁走音啦~
唱完就四個陪ho仔一個去左荷里活, 瓊華, 先達同埋新天地買鞋同埋袋....跟住我地又去左影貼紙相, 今次四仔又黎喇~行行下途中, 居然比我o係鬧市之中撞到pierre, 死pk仔又係去唱k喎~~比佢見到我地四仔齊集個勢tim~~
行多左無幾耐, 五點走人, chris要去同carrie見家長呀, 聽講幾好喎, 不過佢地兩個之前就發生一段少插曲, 不過無事丫~
返到屋企係六點幾, may e同佢個honey黎左, 佢地帶左紀念品/手信同埋利是黎, hehe~今日淨袋兩舊水~~七點, 佢兩個仲有我同埋崑and mum去左阿婆度食飯, 成九點幾先走呀~! 死媚姨成日都令人發笑, 想死~~
返到屋企就拆利是, 今年得好少呀, 得千五都唔夠....><"
今日就係咁~!
68%
冇情人ge情人節is coming....

>>February 9, 2003 at 12:46:39 AM GMT+8

2003 年 2 月 7 日 星期五 【雨】

日記下半場--演唱會
終於o係六點五十五分返到屋企, 好趕咁食完一碗多d ge飯, 又好快咁去左執番d眼耳口鼻...吹到歪晒...><", 七點一同崑出發~! 好趁忙呀...chair都未坐暖..."
八點三準時入場, o係門口有人派吹氣棒, 今次有野玩喇~成八點半先開波, 但係一開己經氣氛良好, 而且全場爆滿, 一萬二千幾個座位坐無虛席~!
演唱會開始, 梁榮忠走埋出黎楝篤笑, 串爆juno同埋余文樂佢地~!
克勤唱現場好正, prefect ar, 相反, 譚詠麟把聲就拆左, 無咁好聽ge~! 演唱會去到中段, 成班女dancers走出黎跳舞, 超正呀^^~
呢兩個人都好識搞氣氛, 叫全場觀眾幫佢地打拍子, 你好難想像全場一萬二千幾人, 有九成人都一齊打beat, 好齊心, 氣氛好好, 個個都打得好投入, 呢樣野係我上次去leon個演唱無ge! 今次絕無欺場~! 到左尾段, 兩條友走晒出黎, 場館將無謂ge燈光全部熄晒, 剩番ge就係深藍色柔和燈光, 而本身預設o係天花上面ge"滿天星"燈光亦隨之而亮起, 現場觀眾就置身於一個露天歌劇院, 一邊聽住歌者演唱"隕石旁的天際", 一邊可以仰望繁星~! 勁有feel~!!!! 唔去就o徙晒!
完場前, "左麟右李"出黎半帶搞笑氣氛咁講左李克勤ge心路歷程, 唱多幾首快歌就完場lu, 十一點半走得, o岩o岩三個鐘!
十二點半先返到屋企, 今日趕頭趕命, 好tired ar...踩單車又用pat pat避震, 而家唔可以坐硬chair咁滯!
*死fung bee講就最叻, 今日單車團唔出現, 返學你就有排受~!
70%!

>>February 8, 2003 at 2:33:07 AM GMT+8

2003 年 2 月 7 日 星期五 【陰】

今日日記上半場--踩單車
朝早為左早d叫pierre起身而要九點未夠就起身, 但係個死野到左十點幾先聽我電話><", 既然咁早起左身就同mum去左上水食早餐, 食完行左陣就返粉嶺等alan同+x...為左等佢兩個, 本來約十二點變左十二點三先到....
lunch time就食野先, 我, +x, alan, ka lok, pierre and his女神mui去左間唔知乜做食野, 但係全場得我同ka lok無食, 跟住就去百佳買野就會合其他人喇~! 去到大埔舊墟, d人陸續黎到, 等齊之後就有成十二個("闔家"<--欠fung bee, kei's fd--羚羊, florence's bf and his表弟)! 跟住我地去左揀車, 同埋比個機會+x and mui學下踩, 死+x用左幾個字就識踩直路, 而mui就...唉~ 不過反而比個pierre一個機會, 因為佢可以同mui踩雙人車, sweet爆啦~~
出發喇, 我一路o係pierre隔離同佢一齊行, 目的係為左串佢, 皆因佢今日係絕無反抗能力, 原因心照啦~勁好玩呀~好可惜, 當我地上左天橋o抖o個陣, 個天居然會落起雨上黎...無奈呀, 唔通連個天都唔鐘意pierre?! hehe~
見到雨細d我地就起程, 但係好景不常...o係吐露港o個條大直路又落狗屎...><" 我今日仲要係著住ball褲tim...好凍, 又濕晒呀!!! 好在唔係落左好耐姐, 停左lu~ 途經pierre屋企(某天橋底), 真係想停低叫佢沖杯熱茶比我飲, ha~
終於都到左一個比較大d ge地方比我停下同埋影下相...o抖左好耐我地先再郁, 又踩左左好耐先到沙田, 原來行路同踩單車經過ive ge分別係咁大架喎...沿住城門河咁行好似好悠閒咁, 種feel好正~!
終於都"捱"到大圍, 我地又o係天橋底停左好耐...呢個時候已經係四點幾喇, 影左相同埋玩左好耐之後見到咁遲, 又吊癮喎, 所以我地拿拿臨決定踩返轉頭! avis即刻苦瓜乾咁ge面口, 殺左佢好過, 少數服從多數, 今次無得佢揀~
唉呀...佢地d体力真係好差, 又行下停下, 又慢喎, 擔誤左唔少時間...好快咁就返到影相o個個碼頭, 今次我地又o係度影相同埋吹水, 之後先再郁...世界真細小, 踩踩下吐露港o個段路咁都比我撞見舊年個fd阿杰, pierre之前都見到個架喇, 今次到我~!
同伴們分批到達start point....等左好耐...點知收到風+x半路抽筋...都叫佢做多d運動架啦~人齊之後就好快咁返番入舊墟, 六點二...趕死我咩, 我仲要飛返屋企食飯, 然後七點要出門口去睇"左麟右李"演唱會架! 時間緊迫, 唯有走先, 未同晒佢地say bye tim...
*我決定o係呢個summer 要學識游水~!!

>>February 8, 2003 at 2:05:44 AM GMT+8

2003 年 2 月 6 日 星期四 【晴】

九點幾出左去同姑姐佢地飲茶...我都唔想又咁早起身...飲到十一點幾十二點返到屋企, 一個無聊ge朝早就咁過去....><"
晏晝一點, 接到ho仔電話, 約我去買衫喎, 我提議去元朗~因為好耐無去過~約左兩點, 但係kwan就兩點七先到, 痴架....去到元朗食完tea就開始行喇....首先行新天地...嘩, o個度真係靜到爆, 但係ho仔同埋kwan o係o個度買到野喎!!!
由於kwan話要買鞋...揀黎揀去又唔arm心水, 而且又貴喎, 所以惟有打比carman問下行情喇...係得佢o個間未去...迫於無奈唔去唔得啦! 好耐無見~
入到去舖頭, kwan揀左對鞋, 我好想打佢! 原因有二: 1.因為o個對係我本身想買, 但係比lok買左先, 再買就跟風...2.而且呢對同我著緊o個對有九成相似, 擺到明同我撞晒...唔打唔得~~
買晒野就諗住今晚出黎食, 但係我同kwan都唔想得三仔咁寡, hehe, 跟住就逼ho仔叫"四嫂"出黎亮下相~~好野, 約左佢o係粉嶺等, 但係死豪仔又唔比我地一齊等...於是就同kwan去左許留山食住少少甜品先, 佢地黎到又食...搞左好耐先有得食正餐><"...
三仔o係度食, 一女o係度睇住我地食, 死豪仔實係谷住谷住咁喇, 成九日無見人地, 我同kwan又o係度阻住晒, 佢做唔到好多野tim~ho仔, 駛乜怕羞姐~~
食完野就返屋企!!
reply:
西莉亞, 你想點丫~我又無直接出黎你想點, 你諗到d咩丫~
情人節就到...好慘....><", 唉~~
做咩呀你, 你唔抵得我有咁多人黎留野呀~你自己都可以做馬, 自己留比自己架喎~不過我就唔駛咁做喇, 人緣好ma~你吹咩~~~
pierre, kwan-kwan = 崑, 所以唔駛咁驚~
to kwan, 我實會踩番你兩踢以洩我心頭之憤...! .\"/. "
to carman, 唔好意思, 阻住你做野~
to myself, 比你見到又點丫...可以做得d咩...?
70% la....

>>February 7, 2003 at 1:18:07 AM GMT+8

2003 年 2 月 5 日 星期三 【晴】

痴線架...真係要七點幾起身...知唔知我好眼訓...><"
就係咁, 今日ge山頂遊就咁展開...首先兩家人(my family and 姑姐's family)去左粉嶺ge大家樂食野...呢期係咁去大家樂, 就黎食到我厭..><", 食完野都未夠九點就話要走, 要去紅碪會合埋伯父一家!
終於都到左好耐未去過ge地方--the peak, 纜車好耐無坐過喇, 好得意呀個感覺~
去到都無乜野做ge, 首先去左個有望遠鏡ge地方睇野, 痴線架o個度, 超凍~.~||| 我地又冒住大風咁o係o個度影相, 今日唔係咁夠泥用架...亂晒啦~!!! 但係比我見到個奇景, 就係有一對"鬼"男女居然o係d咁ge地方著熱褲, 無野呀!? 當然, 上面唔只hk人, 仲有好多國家ge人聚集, 我同崑就梗係唔會放過呢個機會啦!! 如果咁arm 比我見到有一個差唔多年紀ge日本女仔, 我實走埋去同佢講"welcome to hk"~~
跟住行左個平地都有ge mall, 不過d野唔算貴喎又~ 最衰無乜心水可以買番黎丫, 就係呢樣野比較可惜姐~!
去到山頂就淨係行...行左一陣間唔知咩徑就折返, 原因係班"為人父母者"無力行...too bad~~行埋上個山頂公園竭左陣就走lu! o個陣都成點半!
去返金鐘撘地鐵走人, 再要轉番火車返fanling...全程粒幾鐘都無坐過, 真要命!! 又眼訓喎...z_z"
返到去上水大排檔食左個肥叉肥燒肉飯, d肉肥到得番一半係食得...呃錢! 我以後唔會再去o個間度食野!!
返到黎無野做..打機and 打機...also打機, 偷得浮生半日閒~~
咁日就咁玩完~! 聽日我想打ball, 隻手開始痕喇!! 我好...好...好痕...痕呀...我..我我...要要...打...波波...呀呀~~ haha~
65%...

>>February 5, 2003 at 11:53:29 PM GMT+8