2003 年 3 月 4 日 星期二 【雨】

豔遇``...?!
同+x返去做gym, 點知free book o個度無人, 走入hall就見到平時做登記ge校工們, 咁o岩佢地又唔夠力推籃球架, 咁就召左我同埋+x入去幫手推車喇~ 做gym之前ge晨操~! 卒之要九點幾十點先有得做gym...未夠十點半又比佢地走黎清場...無癮呀~~! (加左碼黎做果然係"支力"左好多呀!) o係canteen又見到fung bee 個女神又同肥仔一齊...hehe~~
lunch去左禾輋食野...上到去商場, 比個校服"幼齒"望左一眼, 死fung bee就開始口痕走黎笑我喇...haha~~跟住我地落左去大排檔食, 食食下野, 隔離檯班校服男女玩得好大聲, o係好奇心拘使之下, 我就望左過去, 好死唔死, 其中一個"幼齒"又望到我望佢, 我同佢四目交投, 即時啞晒呀我...佢又無言....情況超尷尬and 無奈呀~!! 我頂唔順喇, 第一次咁樣, 即刻轉身就笑, 笑到拍晒檯~~ fung bee, avis, kei又笑到收唔到聲, 仲唔止tim, kei話個學生妹足足望住左我四秒咁多(當時唔我咩都唔知, 見到佢見到我o個陣我已經轉左身...)!!! 即時令我勁驚呀`! 班死野開始串我喇, 又話我想繼續留o係度唔想走住...足足笑到放學呀~~!! 不過今日ge事真係前所未有, 好搞笑~~
眨下眼到左三點半, 要考英文, 強項啦, 今次完全玩天才ball, 肯定唔會低分, 死pierre四點先返到, 連測驗都遲大到...想點!
今日就係咁完左...呢兩日唔知做乜, 好少o係屋企講野...好似啞左咁...做咩事呢???
今日lunch實在太搞笑喇, 66%~

>>March 5, 2003 at 1:05:41 AM GMT+8

2003 年 3 月 3 日 星期一 【晴】

nth special...
尋日做功課做到成一點九先訓, 今朝又要七點三記身, 又睇訓又"支力"...超唔想返學!
返到去project堂, 由八點半一路驚到十點幾...原因係個個人都要出去viva, 比佢問下個circuit點行...乜都無做過ge我又點會識丫...唯有同alan佢地o係度研究, 仲要靠七分運氣, 兩分知識同埋一分努力....卒之到左我...都唔知叫做得唔得...好快就next...總算鬆一口氣啦!
lunch返黎係連續四堂電腦堂, 知有頭兩堂係有心機上, 最後兩堂係專比我地上網ge...死fung bee成日都要坐我隔離, 目的得一個--玩我個icq! 佢專拎我d人黎玩, 真係比佢玩謝!
今日就係咁無聊咁過左去, 唯一特別就係lunch o係ive見到好多人: 有fung bee個女神啦(不過人地又係同個肥仔一齊喎!); 同埋好有氣質ge"紅眼鏡", 真係好正, 我地班人就三番四次咁o係佢面前經過, 低能人都都知我地有d野~~! 最衰我地今日唔合作, o係fung bee女神面前做到佢一穫就好喇~
haha~
65%
聽日英文測驗...

>>March 3, 2003 at 11:57:27 PM GMT+8

2003 年 3 月 2 日 星期日 【晴】

廁所怪談...
晏晝大約三點, 同carrie and her fd去左"食德小館"食野, 咁o岩個net fd又o係o個食緊野, 今次仲唔比我見到佢ge真面目! 雖然我無走埋去相認...
三點幾食完野, 各散東西, 我就去左pierre度, 本身話今日要傾project d野, 但係去到lift口都已經聽到佢地o係入面開緊片d聲...今日變相係上黎玩!
到左四點幾五點, pierre去完廁所, 但係度門開唔到, 佢出唔番黎~~我地出盡法寶都係開唔番個鎖...我好掛住pierre呀, 更掛住個廁所...我要用呀~~! 返有d主人咁架, 客人黎到佢就自閉, 無禮貌~ 就o係佢閉關o個陣, +x幫佢硬食左個傳教士ge電話...成半粒鐘架...! 卒之到左成六點幾, pierre無計可施, 唯有以暴力解決一切--用鎚仔爆鎖!! 佢重見天日喇~ 我打埋舖機就衝左入去lu...i miss u, toilet!
我地一路打機打到成九點先叫左pizza上黎食, 食完野再打機~!
我地睇住ka lok玩佢買ge新game--零, 呢隻game 真係過癮, 係講一個女仔拎住部相機去影靈異相, d畫面象真到你唔信, 玩緊o個陣好似播緊CG咁, 氣氛又正, 似午夜兇靈+鬼鈴! 我地又要驚又要玩, 其中一場仲嚇到pierre面都紅埋, 又叫, 又爆晒粗~~就連ka lok都話唔夠膽一個人玩tim, 驚嚇情度可想而知~~!
玩到十點幾就走lu, 仲有功課未做...個project又未prepare...死得....!
65%玩足一日...

>>March 3, 2003 at 12:59:10 AM GMT+8

2003 年 3 月 1 日 星期六 【晴】

洗錢~``
今日去左唱k...途中carrie同埋佢個fds出現, 但係佢地幾個分房唱, 直至唱完先出黎一齊"打招呼"...次次都係咁, 一唱完k就唔知去邊好, 睇戲? 篤ball? 行街? 返屋企?? 最後, chris, kwan, carrie and me係揀左行街...我地去左聯合度行, 我同kwan就買左兩對鞋帶, 幫我地對air force one做裝飾~呢樣野亦都係我同kwan今日ge唯一收穫!!
好似次次行親街carrie同埋chris都有d野架喎, 好似今日咁, 佢地兩個又唔知搞乜, 由一開始行街, 佢地兩個好少講野, 好似arm arm 嘈完黎咁, 搞到我同kawn and carrie's fd唔知點好...
行完旺角就去左沙田, 行完無印再兜左一陣就走喇...真係太"支力", 我同kwan就黎頂唔順喇....
就o係撘火車o個陣, chris 終於都正常番d, 佢地仲識玩, 我地就安落囉....唔駛好似成日得罪左人咁~!
今日就係咁, 收到好多尋日bbq d相, 仲o係度回想緊尋日玩緊ge野~
62%
http://www.geocities.com/bbqphoto280203/index.htm

>>March 2, 2003 at 12:34:25 AM GMT+8

2003 年 2 月 28 日 星期五 【陰】

新春"聯誼"會--bbq記``~
八點半返到ive並唔係去上堂, 而係同alan去左食早餐! 我最鐘意上呢科架喇, 時間又free, 上堂又自由, 可以好輕鬆咁做野!
返到去見到fung bee, 條友仔成個好似食左春藥咁, 成個人high晒, 成朝都o係度唱歌, 痴痴地咁~ 我地個個都睇唔過眼, 好想o係lunch做番佢一穫--磨呀~~
十一點半就放左lunch, 見時間多得很, 我, alan, avis, pierre, fung bee, gary, +x, florence就去左禾輋飲茶, 但係任我地點dum時間, 都仲係好早, 一點幾已經返到ive! 照舊又係踢毽, 死fung bee仲係無收歛到, 我地一早就搵左個藉口去做佢, 就係見到佢個女神就郁, 但係一路都見佢唔到, 做fung bee ge計劃就咁打消(只限今日jar!)。
點半去左上通識, 一個鐘就上electronic tutor, 抄埋功課就放學, 我全日等左呢個時刻好耐!!
約左佢地四點o係上水等, 我同alan遲左幾個字先到. 去到ge時候已經見到kwan同埋shu到左, 真係好耐都無見過佢, 肥左d喎佢~等埋chris黎到, 五個人去買完野shu就話要走, 真係快....眨下眼就到左七點幾, 又係開始燒ge時候, 人就分批黎到, 人數如下: "四仔", 耆英, alan, penny, rachel, 阿歡, 勛同埋佢表妹, 十一個!
我地成班有好多人都無見, 個個都玩得好high, 其中, 個個都話alan變左好多--即係話串左好多呀~~!
而我地亦都將"happy conner"(磨柱)呢樣玩意帶左入黎, 我亦都係被磨ge幸福兒之一, 其餘三仔見到我咁樣就不遺餘力咁手指拗出唔拗入...幫佢地都唔幫我! 好在係我主場, 最後都係力保不失!!! 過左無幾耐, 第二個係ho仔, 我見到佢頭先咁落力做我, 今次我實會"幫"下佢ge, 受死啦~~~死仔好大力, 已經上埋鞍, 但係始終差少少, 不過唔緊要, 佢ge過程已經比penny拍下~!haha~
今日亦都影左好多相, 幾好玩~ 佢地到左成十二點幾先走, 都係第一次玩到咁晏jar~
*long time no see~65%(hyper...hyper....~)

>>March 1, 2003 at 7:45:06 PM GMT+8

2003 年 2 月 27 日 星期四 【晴】

無聊...
呢排唔知搞乜...好似約親人都會遲到咁, 以今朝為例, 我又遲到, 令+x要一個人返ive canteen等我, 好在大舊o係度, 可以同佢hea下姐....返到ive同+x食埋早餐就開始做gym, 到左差唔多十點八, fung bee已經o係canteen等緊我地落去做功課喇...我同+x落到去都差唔多十一點, 決定唔做lu~
o係locker o個度又見到大舊, 佢見我拎住咁多漫畫就比我吸引住, 話要跟埋我去上堂睇喎! 好在阿sir唔認得佢係隔離班姐~
lunch去左大排檔食, 肚飽之餘連睇都飽晒啦~ha~! 食完野就返學, 照舊又係踢一陣毽先去上堂, 又係o係踢緊o個陣睇到"紅眼鏡"~ 興奮死gary喇~~!
一路係咁上digital electronic, 教d野同CO1/2都係一樣ge, 幾乎全部都無野咁滯! 三點上完堂又要去做lab...但係又唔知做乜...o係一組人入面我係最無貢獻o個個.......到五點半放學, 今日真係充實喇!
*今日聽到個消息, 就係pierre可能o係一年之內去英國...係壞消息黎...佢ge處境同我有d似, 同樣都係受到屋企壓力而除時離開hk...不過佢ge情況更糟, 新婚夫婦快要別離?!
壞消息一個...55%

>>February 28, 2003 at 12:42:37 AM GMT+8

2003 年 2 月 27 日 星期四 【晴】

近排, 唔係部腦有問題就係上網有問題, 整到呢個日記唔係日日都有野睇, 而且讀者們都開始少黎, 人氣升幅急降, 再唔可以人氣日日都過五十...唉...

>>February 27, 2003 at 9:55:07 PM GMT+8

2003 年 2 月 26 日 星期三 【晴】

激鬥篇*~!
勁低b ge ive教師, 一個以同樣理由(放左年假)黎經常補堂, 另一個就次次都上早一個鐘而唔寧願補堂, 逢星期三就係咁喇, 個pk班主任成日都早一個鐘上, 明明呢日應該係返十點, 而家變左返九點, 成得人啦! 我同+x日日都返咁早, 無一日返晏...好喇, 連上三個鐘係人都死啦, 講d野又好資料性, 又要咁早返, 佢比我地幾個字休息都算好, 就o係佢放break ge時候我就光明正大咁拎本"金田一"出黎睇, 點知居然咁都唔比, 仲話再睇就收書! 呢d咩世界, 睇野可以令我鬆弛神經呀!!!!
十二點放左lunch, 我地好早食完野就去左買野飲...比我地見到"紅眼鏡"呀, 好正喎~~~^^
返到ive仲好早, 踢毽time~ 踢踢下就見到fung bee個女神, 佢又同個肥仔一齊呀~人地真係"熟"架姐~我地為左做就fung bee, 玩得出位d都要架喇, 死fung bee丫, 我地明明有條橋可以令女神對佢留下深刻印象, 就係o係女神面前碌柱叫fung bee磨一磨之ma, 咁都唔肯~~
玩完野就走去上堂, 行緊途中見到"佢"..."佢"睇我唔到..."佢"睇我唔到...v.v"
好不容易先捱到三點放學, 我同+x, alan即走, 返左粉嶺打ball, 今次我係以崑佢地呢班弱旅先吸引到+x去玩!
我地三個去首先去到球場, 踢住毽咁等佢地黎到, 開頭alan好似仲未熱身咁, 但係都猛咁叫我爆佢籃, 玩得兩球, 呢條友仔開始黎料, 感覺上佢ge手感開始返番黎, 又不斷o係籃底屈機, 可惜都係敗於我隊~!(打打下比alan下巴撞到我頭頂...嘩, 痛到丫!! 其中, 好似比alan封左幾球tim...屈高~!)打到咁上下, 有幾個似乎打得下ge學生哥走黎跟隊, 我痕左好耐喇, 終於都有人比我發洩下喇~我同alan同埋崑一隊都數人地成三四分(註: 我地只係打七分jar!) hehe, 我又封左人地一球上籃, 個波仲飛左出底線tim~好正呀~~~! 今日都算打得幾滿足, 因為我今日未輸過! ha~
返到屋企, 間房仲未有電...唯有睇金田一渡日...好乖仔, 十二點三就訓左喇!
65%...

>>February 27, 2003 at 9:50:58 PM GMT+8

2003 年 2 月 25 日 星期二 【晴】

黑仔...
朝早無乜特別野發生, 不過做gym ge人物同平時有d分別, 就係懶鬼+x o係前一晚唔知做過d乜黎, 話"支力"唔做, 所以我就約實alan去做喇, 條友仔虧晒, 好似唔見晒d体能咁!
math堂過後就係lunch, 去左"食樂美", 難得星期二咁少時間都出左去食, 更難得就係坐我o個張檯ge四個人全部都係四眼: 我, pierre, fung bee, avis, 今日得八個人食...愈黎愈少人一齊食喇!
o係禾輋行番學校o個陣見到"佢", 比ka lok問左句野:" 點解佢唔同你眼神交流ge?" 我即刻啞晒...我點知人地喎...><"
由一點半一路上堂上到五點半先放學...好tired ar...
行去火車站途中見撞到大舊, 跟住一齊走...返到粉嶺, 我同+x陪alan去左粉嶺中心買"無雙", 睇黎佢地繼"ro"之後, 又一令佢地沈迷ge"巨著"!
返到屋企, 到左夜晚十點幾, 屋企無lala跳掣, 成間屋都無電, 我走去開番個總掣, 點知又停過電, 試多兩次之後都係咁, 我同崑就意試到今次唔野少...! 再經過幾次失敗之後發覺係原來間房ge 線路有問題...估唔到o係ive讀circuit真係可以應用到o係我ge生活入面, 但係咁樣並唔係好事! 因為我間房無電用, out of electronic! 無得用"腦" ar!!!!
arm arm 先整番好上個禮拜ge問題而家又有新一個, 真係穫穫新鮮穫穫甘!!!
下降至50%....

>>February 27, 2003 at 9:03:10 PM GMT+8

2003 年 2 月 24 日 星期一 【晴】

忐忑不安的一日...
"o下...唔係掛...?"呢個就係我今朝o係project堂, 聽到pierre話見到"一d野", 講完比我知ge反應...佢講o個陣我幾乎接受唔到呢個事實...居然係咁..."impossible, unbelieveable, i don't believe that"我的反應就係咁諗...聽完之後, 個人仲係好呆, 又諗野, 又幫唔到阿基手, 拎本金田一出黎又無mood睇, 真要命!
好在有電腦用, 我地去左嫂嫂(跟fung bee叫法, 係阿miu)個日記度, 而家仲留d野擺小敬上檯(小敬即係pierre或阿銓), 玩謝佢! 我決定唔可以比我ge mood down心情帶到晏晝, 所以就好投入同佢地一齊顛, 我地用部電腦玩占卜, 用自己ge生日日期同埋名黎測, 睇下你ge愛情觀, 處事態度...等等, 又真係好準喎, 唔係我去信佢, 係佢批中我, 玩左好多個, overall都講中左我七成, 問你死唔死, 好似o係佢地面前大起底咁! 去左avis 個留言畫版度, 見到pierre用左三個鐘做出黎ge"杰作"--短片, 我地個個睇完之後都笑爆咀, 簡直想死~~haha^^
無無聊聊咁到左十二點半放lunch, 去左好運ge M記度食, 我地入到去好似天堂咁, 我同fung bee同埋gary係咁玩人, 因為在場有太多學生喇^^ 最搞笑就係做counter o個個姐姐仔, 佢比我地三個搞到一間間, 但係佢仲笑面迎人, 因為我地實在太搞笑喇~~! 一於要去多d先, 呢間m記我最鐘意喇, hehe~~(最應境就係fung bee o係適當時候講左句"我最憎死肥仔喇!", 笑爆全場~~)
食完野去左影貼紙相, 其實係我為左想睇下我四眼個樣會係點架jar~~由於吸引左上次control唔好ge經驗, 今次我地都影得唔錯, 尤其係後期加功~~! 睇番上次同今次影, 我個樣又真係好唔同喎~! 個樣斯文而且大個左~唔人齊ge全家幅--少左+x, ka lok同埋florence...
返到ive踢左陣毽就上電腦堂, 就o係上堂前就見到peirre今朝所講ge"關係人", 搞到我又有d mood down tim...無聊咁上堂o係度玩icq同埋等放學!
放學o係籃球場見到"理工"(闔家ge人應該知我講邊個!), 就比佢引左去打ball, 開頭有gary, alan, fung bee, man fai, pierre阿昌同埋我打, 仲記得alan比我封左球應ge, 成個波比我"bad"左出街~~好正呀~! 但係man fai, fung bee, gary中途走左...得番四個, 二鬥二最好不過. 死alan終於都認低威, 要我教佢控球, 順手教埋pierre, 今日我成個教練咁~~同alan打波好似要爭入咁, 因為我地互相都好似防唔到對方咁, 邊個一唔入就輸! 打到七點, hea 左陣就走...
返到屋企都成八點幾, 食唔落飯, "了"左兩野就唔想食...唔通係今朝ge事令我咁...?
65%, 可以完成左我今日ge心願--影貼紙相, 而且仲即興去左打波, 算係咁啦, 唔好比d不快事搞到自己辛苦! (其實得到求證之後, 發覺係虛驚一場, 但係我始終都係覺得呢件事好快會發生!! 不詳ge預感...

>>February 24, 2003 at 11:56:01 PM GMT+8