2003 年 2 月 5 日 星期三 【晴】

嘩, 你班pk仔丫~~
o係度玩晒野咁呀~~~ fung bee就黎笑爆我個咀呀, 曬駱駝~~
re 西莉亞:
乜咁似"犀利呀"咁ge, 原來你個名可以咁英架~
我一路都無人吼呀...勁慘...我記得上次見到你個fd, ah may都好似幾唔錯架喎, hehe~~~
你上次又話唔係咩人地, 乜而家你默認呀~? 我睇唔出你點解會有咁多人同你表白架喎~ 係咪佢地未訓醒呢~~? haha講笑~
re pierre:
講搶鏡程度, 你敢認第二無無敢認第一啦~
不過有冇人同你講過, "你著記龍袍都唔似太子"呀? haha~~
至於傾電話ma, hehe, 係秘技, 唔教呀~~自己搵人學下"口技"啦~ wah hahahaha~~ <--ka lok式笑法!

>>February 5, 2003 at 12:23:48 AM GMT+8

2003 年 2 月 4 日 星期二 【晴】

what a boring day!!
尋日三點半先訓, 倒頭大睡便到十一點半...都唔係幾夠皮...! 本來話今日出去hk一日遊ge, 點知突然又話唔駛住...玩咩, 等我仲推左阿沁ge邀請, 放左佢飛機ar...><"
悶到痴晒線, 係咁o係度打機, 打到兩點rachel打黎, 同佢傾左陣, 跟住就到carman打黎, 一人傾左半點鐘, 一小時ge光陰就咁過左...一起身到成三點都未食野, 崑淥左個面黎食, 食完又要洗碗, 真係黑人憎喇~~!
到左夜晚九點, 姑姐一家終於殺到, 好在係兩個大人, 一個生番姐!
聽日行情: the peak~~ 好耐無去過, 不過聽日就要七點鐘起身....
what a bull shit and boring day!!!!

>>February 5, 2003 at 12:02:32 AM GMT+8

2003 年 2 月 4 日 星期二 【晴】

今朝五點幾已經起身, 好早呀...如果唔係有得睇帝王對火箭, 你打死我都唔會咁早起身!! 真無癮呀...由第一節開始kings已經比rockets head住廿分黎打, 我都睇到無晒癮, 未夠七點就訓番, kings太令我失望!!!
訓到十一點起身, 跟住又約下人咁, 到左一點就約左chris, ho, carrie and 崑一齊出去唱k, 見yan又返工又係兩點, 就同埋佢一齊出喇~~~
兩點未夠就去到旺角, 點知死人魚魚撘錯車...等左好耐呀~~兩點半到就去到neway city 唱k~今日唱k勁貴, 每人要87蚊呀~! 不過我就好抵唱, 唱到把聲都拆埋, 不過本身都未好番, 只係將情況惡化姐~haha~
五點幾落樓, 崑走先, 我同ho and 魚就去左影貼紙相, carrie 同chris就等等下走左...! 今次影相真係bull shit ar....不過就好搞笑, 好似影婚紗相咁, haha~~~影完就行下旺角咁囉....好悶, 死pierre佢地又要打機打到七點幾先走得, 悶死呀! 魚同ho又問我"o個d野", 八八掛掛咁~~講起chris同carrie, ho仔話第時一定要做伴郎喎, 咁如果係做就其餘三仔都做架啦~但係無lala講到咁長遠又真係搞笑左d喎~~
終於都捱到七點半, 去左pizza hunt搵pierre佢地, 一去到就有fung bee, alan, pierre, kei, +x, 反而我就係最遲入黎o個個, 會唔會太牌左d lei~hehe, 唔好意思喎~ 一路食又一路玩, 不過今日少左ka lok, 硬係差左d野咁~ 預約"闔家"年初七人日去踩單車, 不過有人唔識喎, 唔知邊個呢~+x?
食完野去左信和兜左好耐, 跟住又入埋機舖, 不過好耐都無入過cyber city打機喇~ 死pk仔pierre打"北斗之拳"好很勁, 而且好搞笑, 佢搞笑左今日著左件黃色唐裝衫出黎, 唔係耍太極, 而係打拳~~
出番去都成十點半, 走lu~ that's all, 今日幾開心~
68%~

>>February 4, 2003 at 1:43:39 AM GMT+8

2003 年 2 月 2 日 星期日 【晴】

祝alan生日快樂~!
八點半都未夠就比fa and mum扯左起身去食早餐...當時我仲係熟訓當中架...
去完粉嶺食野, 就去左上水買"宋", 返到黎都只不過係十一點半, 但係仲可以睇到我最想睇ge nba地帶~~
成點幾先去到婆婆度食飯...仲約左佢地兩點半去打波tim...點知要到兩點半先走得, 好在距離屋企好近ga姐, 只需五分鐘ge路程~
今次佢地都好準時喎, 三點多d去到, 已經見到有耆英, 豪仔, penny, 同埋chris, 加埋我同崑o岩o岩夠六個人, 夠做啦~
打打下, 同三個串精打, 呢三條粉皮串77! 控波又唔係勁喎, 成日都得個樣, 淨係識賣弄花巧, 又如何?! 又咪比我偷左幾球, 挑~~不過...奇蹟之隊唔人齊...搵左耆英夾波, 無乜默契咁, 都係比人連續幹掉三場!! 不過我仲係咁準~個個都驚晒呀~~~haha~
請左豪仔飲野, 自己又買左杯野就走lu...好"支力"....
打完ball, carman打黎問路...傻架~~
心情:65%...

>>February 3, 2003 at 12:03:09 AM GMT+8

2003 年 2 月 1 日 星期六 【晴】

BBQ~~"
朝早同alan返到去唔係去上堂先, 但係去食早餐, 真係他調~我最鐘意就係上星期五朝早, 因為自由度好高, 好好玩~! 死fung bee一返到到黎就好似食錯藥咁, 成日o係度痴線, 係人都想磨佢一穫~~
十一點幾lunch, 我地去左禾輋飲茶, 任我地食得點慢, d時間都係過得好難, 埋單返到ive都係得一點多d, 返到去又係踢毽! 一路都想做fung bee一穫, 但係無乜藉口, 今日就放佢一馬!
一點半上埋通識同埋唔知做乜ge electronic之後就放學, 我全日都等左呢一刻好耐!
放左學就即仆返上水等集合, 去到已經見到kwan同埋shu o係度, 死chris要四點半先到(我地係約四點架...), 人齊就去買野, 買左成四百幾蚊野...! shu約左佢阿媽要走先, 今次一別又要到唔知幾時先見到lu...
返到屋企, 搞得野黎, 七點幾先開始燒, 到左成八點, 人先叫做齊: "四仔", alan, penny, rachel, 阿歡, 耆英, 勛and her 表妹~ 我地全程都玩得好開心, 仲好顛tim! 而我就差d o係自己個場比人破柱, 好在寧死不屈, 幸保不失呀~不過ho仔就無咁好彩, 比我地三四個人檯左走去磨佢~得左~~正呀~
同rachel影左都幾多相, 仲比勛個表妹話"襯"...細佬女多事...! 到左十一點到 , rachel走先, 送完佢走, 返到屋企, chris同ho o係度換心得, 但係交還交, 最好就唔好將伴侶ge反應講埋出黎 , 咁樣好似好無品!
到左十二點半佢地先走...今日好tired, 聽日唔知會有邊個去唱k lei...
今日影左好多相呀, 65%~

>>March 1, 2003 at 2:22:23 AM GMT+8

2003 年 2 月 1 日 星期六 【晴】

哎呀...尋晚都唔知做乜鬼, 訓極都係唔夠訓...到左今朝又比mum八點半未夠就叫醒左...真係lor你命!! 九點幾去左飲茶, 個部長就真係奇怪, 居然派利是比兩個老人家, 都唔比我同崑兩個"細佬哥"! 哼~!
返到去只不過係十點幾十一點...漫畫又睇晒, 電視又無野睇喎, 惟有拎番d comics出黎再睇多次...唔得喇, 實在太眼訓, 恰恰下咁@.@...漫長ge晏晝就係咁開始喇!
after lunch....好在叫做有d節目睇下姐...不過都係悶架喇...
但係呢個時候亦正係我地銀包豐收ge時候, 因為好多親戚朋友不斷係咁湧黎, 佢地走黎派錢架, 正爆~~~其實呢個都唔係主要目的, main reason was that--佢地黎開檯! 嘈到死呀, 開左成兩檯...仲有唔知邊個個仔and女o係度狂dup沙炮落地下, 仲要有回音o個下先抵死, 我地一家四口頂呢個環境唔順, 本來話要食埋dinner先走架, 但係三點就走左lu!!
返到黎粉嶺只不過係四點, 好早....online見到ho仔and魚, 要約下佢地去睇戲先得~~
比ho仔知道左我今年收到咁多錢, 即刻比佢鋤一餐tim~~不過呀...豪一次咁多啦~
*祝各位恭喜發財, 身体健康...我仲未好番呀...條喉嚨仲o係度玩野...見到好多美食都要戒口, 滋味殊不好受, 唉...病住黎過年, 最衰都係o個日去左kfc同佢地食團年飯啦...
今日心情呀...一般啦...60%

>>February 2, 2003 at 12:11:15 AM GMT+8

2003 年 2 月 1 日 星期六 【晴】

補寫尋日31/1 ge日記...晴...仲係好熱tim!
晏書, 換衫前收到father ge三百蚊"零用錢", 無用利是封入, 開頭仲以為算係比左, 但係換衫後, mum封左一人兩封利事比我地, 無啦啦多左五舊水呀, 勁happy~~~~
三點幾出門口, 準備北上, 首先去左粉嶺食tea, 好耐都無試過一家四口唔o係屋企食飯, 食到好似四點幾就走喇, 離開香港!
未夠五點就去到深圳喇, 排隊最耐ge反而係排的士龍...痴線架, 前面一家人成日都唔上車, 排左勁Q耐!!!
好喇, 返到去第二個屋企, 坐左無幾耐, 睇左一陣漫畫就要出去食飯...
成家人坐埋一齊, 連埋工人一個, 有十一個人...話題居然係圍繞住我...不斷問我讀書讀成點...講講下仲大穫...由於姑姐而家搬左去杭州住, 又話同新浙江大學好近....死喇, 叫我過去讀浙大! 又阿爺又猛話呢間大學係全國第三勁學府, 對上就係清華同埋北大...瞬間感到前所未有ge壓力...除左mum and father幫我講下好說話之外, 佢地個個都不斷游說我過去o個邊度...大劑喇!!!
食完飯, 我地一家同姑姐一家諗住去行下年宵, 但係我又食完藥, 好很"支力", 而且d氣氛異常恐佈, 周圍都有人放煙花, 仲有d o係我面前爆...又嘈又驚, 整到我燥晒!!! .\_/. "
o個度ge擠湧程況比維園有過之而無不及, 而且大陸地方出名多扒手, 勁無安全感, 周邊又滿佈煙花爆破的聲音, 如果人潮行得快d, 係要連走帶跌o個隻, 就真係好似打仗走難咁...好一個煙火的季節!! 多人, 加上無安全感, 逼於無奈未入到去, o係門口略過就算, 無入過去, 好在!!
返到去沖完涼就收到阿爺同姑姐佢地封利是~正呀~~~
悶極無聊又無得online, 惟有拎阿基借比我ge"頭文字d"同埋"金田一之少年事件簿"出黎睇, 係佢地陪左我過呢個無聊ge夜晚, 多謝晒!
照舊一點半先訓....

>>February 1, 2003 at 5:13:19 PM GMT+8

2003 年 1 月 31 日 星期五 【晴】

要返大陸, 日記暫停一日, 不便之處, 敬請原諒...~

>>January 31, 2003 at 12:43:18 PM GMT+8

2003 年 1 月 30 日 星期四 【晴】

七點三食埋晚飯仲洗埋碗...出到去都未夠八點, 仲約左kwan同埋久未蒲頭ge璇姐去維園阿昌度玩~好耐未見過璇姐喇, 佢學人負離子, 仲髮黑番d頭髮, 而且唔戴眼鏡tim, 差d唔應得佢!!
九點幾去到維園...見到太多人o係阿昌檔口喇, 都無乜心情幫佢叫賣, 所以我就同kwan周圍行下先喇, 但係璇姐一早就已經一個箭步衝左入去幫手喇...好搏命!!
"兩仔遊園記"就咁開始, 我同kwan不時逆走....好難行....就算係順流咁行都跟本埋唔到岸, 淨係得個行字...但係我同佢對眼都"唔得閒"~ 小心睇野呀~~~ 條死仔真係唔好彩喇, 唔小心撞跌左買餅乾ge姐姐ge餅, 仲碎左tim, 本來唔想買, 但係呢穫唔叫佢比錢都唔得啦, 我都出左一半錢架..><"
差唔多十點, 返番去阿昌度, 我同kwan一去到就多左好多生意, 梗係啦, 靚仔喎~死璇姐就好落力咁叫, 乜要架咩~d人全部係自己行埋黎買野, 我企左點幾鐘都做左成百蚊生意, 勁呢~ 佢勁叫都係徒然~
十一點半, 等到anthony黎到我就同kwan走先, 好都在jar, arm arm 到左火車係尾站車, 真夠運~

>>January 31, 2003 at 2:30:03 AM GMT+8

2003 年 1 月 30 日 星期四 【晴】

明明話八點半返去做lab ga ma...點知八點九返到ive, 個阿sir居然未黎, 唔理喇, 做住先算! 點知到左九點幾, 勢色唔對喇, 阿sir仲未到!! 一問班長之下先知阿sir唔返, 順帶連11:00至12:30 ge堂都唔駛上, 玩野咩! 仲未好返架ma, 想訓耐d都唔得, 咁早返到去又唔駛上堂, 仲要無點到名tim!! 真係"sit桌"...>.<"
好喇, 到左臨十點幾十一點, 要執野之際, 我地o個組發生離奇失竊案, 把剪線鉗居然唔見左, 成十個人搵左成幾個字都無...卒之解決方法就係要賠錢...無奈啦我地! 我地掂都未掂過架...!!
放左學, 等埋ka lok同pierre, 跟住去左UA排隊買飛睇戲, 今次係睇"捉智雙雄"呀~不過我對呢套野無乜興趣...至在柴娃娃姐~
由於時間緊迫, 我地淨係去左kfc食團年飯, 我地* "闔家"十個人+楊威都黎埋, 好熱鬧呀~今次係我去kfc咁耐最抵食ge一次, 因為我食左三件雞, 一碗飯同埋兩杯汽水呀~~
食完野, 我, alan, ka lok, kei, pierre, avis去左睇戲...套野係真就係幾好睇(劇情jar...), 但係佢拖得太長黎做喇, 居然整到我恰眼訓...出左黎個頭仲好痛tim...>.<"
睇完戲就返屋企喇...好tired....唔知今晚去唔去得成維園呢...?
*闔家means: 我, alan, avis, florence, fung bee, pierre, gary, ka lok, kei and +x, 係你地班不中用ge子鬼逼我用呢兩個字黎代替我地十個名架~!
reply to 71202 classmates:
喂, 而家我地係要改個team name ar, 做乜好似個個都幫avis改"代號"咁...把咩! 仲有呀, 個名咁長不如我打番晒你地d名出黎仲好~你地咪玩野wor~~

>>January 30, 2003 at 5:17:12 PM GMT+8