2003 年 6 月 11 日 星期三 【雨】

法定休息日~
明明就約左alan今朝八點三一齊返ive, 但係條死野就無出現到, 自己一個孤身上路!
o係火車度聽左兩個電話, 第一個就係avis打黎, 第二個係carman, 佢居然有求於我喎~問我拎學生證, 可惜同佢撞時間, 跟住就係咁同佢吹, 落左火車都無收線, 又無拎把遮出黎, 濕身lu! 最拎都唔係咁, 去到個隧道滿地泥濘, 行返去ive腳鞋頭黃晒, 黑人憎!
返到去, 食住咁聽avis講解, 佢講半粒鐘好過pk班主任教三堂, 而家d阿sir好唔得, 尤其係做班主任o個d! 九點三仲未見到alan出現, 打去佢屋企先知佢仲訓緊, 尋日仲串我咁早訓tim, 而家睇下邊個死!?
做份卷o個陣又差d訓著...又唔識做, 好"劣"! 坐我前面ge pierre做左唔夠兩個字就訓左, 唉...! 我就係咁做, 識幾做幾多...十一點三就出左黎...話識又唔講得, 唔識又唔似喎...如果阿sir手鬆d都會合格掛....
我地出晒黎之後就去左canteen度hea左陣, ka lok走先, avis話落雨c濕唔行咁遠食野, 淨番我, alan, fung bee, pierre and +x, 五仔就咁向住pizza hunt出發, i wanna eat~~~
也好耐都無去pizza hunt, 個waitress kiko轉左look wor, 而且我地同佢都熟埋, 成日都叫佢過黎吹水, 好好玩~不過都係玩姐~ 我地 見到有個新黎ge waitress, fung bee問kiko, 佢靚d定係個新黎ge靚d, kiko好肯定同埋好搞笑咁答:" 梗係我靚d la~", 答得好丫, 不過係問o個個好野, 呢d咁ge問題我宜問唔出! 食到一點幾地走左lu...fung bee又走先!
淨番, alan, +x, pierre同埋我! 佢地二個首就就走去試下個武士game, 睇佢地玩到勁tired ar, pierre好搞笑! 跟住佢地去左"drive bus", 經過每人玩左幾舖之後, pierre開始上手, he may be a "great driver", 因為有我o係佢隔離做領航員ma~
玩完之就用左十蚊同pierre玩左兩舖"尖叫racing"...幾難玩咁...好易uncontrol!! 輸晒就唔玩喇, 見到隔離有人玩crazy taix, 部taix唔crazy, crazy ge係個driver, 條友勁到無輪! 個map記到熟晒, 又有good skills, what a crazy driver, 玩左最少半個鐘都未死! 痴線!! 轉個身, 睇另一個人玩, o個部問題機問d野又深又捉智失, 個係個player勁到無人有, 淨係d理科同埋卡通唔識先問我地(因為我地四個成日都o係佢身後叫個答案出黎, 又中喎), 我地都有份玩~
最後玩ge係"太鼓之達人", alan同pierre玩到勁唔arm beat, 好樣衰~ 打到五點鐘盡興而回!
夜晚太悶, 諗住游下乾水賺番多少零用...點知打到十點, 我同崑一人輸左十多元比mum...破滅! ><"
聽日又要收拾心情溫書喇...
68%!
to low b chris, 邊個黎都開心啦...唔通同我要對住條仔講"你黎左我好開心呀~~" ?! 我真係開唔口喎...你ge趣向唔同左~?? :D
to pierre, 我可能炒唔晒, 我睬過你~!

>>June 12, 2003 at 12:33:19 AM GMT+8

2003 年 6 月 10 日 星期二 【雨】

放縱2...
今日九點幾起左身...冒雨去左食早餐, 無理由同自己個肚作對! 十點半返到黎屋企...由於時間太早, 無心情溫書...玩左陣...
到左差唔多十二點幾, 阿爺佢地殺到...佢地兩老一黎到我就成日都唔自然, 不過佢地有佢地講, 我就有我玩...到左兩點幾, 崑放學返到, 咁樣我先自在d...
lunch無食到, 三點幾先食左一件蛋糕, 滯晒...! 準備溫書之際, 四個已成家立室ge人又開檯...點溫...!
一路到左五點半...dinner!! 八個人, 六樣"宋", 點食都食唔晒...最慘就係我, 今日輸到我洗碗...七點三開始洗...足足洗左三個幾字先洗得晒...勁煩!
書就到左八幾先正式溫...發覺今日好難習中, 又唔係唔夠訓, 都唔知做乜! 而且我睇小左呢一科, 越溫就越唔識...聽日炒硬!
63%
to low B chris, 你又學人玩野呀...你果然係low b....
to 魚, 似乎最有心係你喎, 日日都係睇野兼留野, 你黎我梗係開心啦, 黎多d最好~~
*祝崑生日快樂, 16歲, 半成年?? 我遲早捉佢入機舖架喇!

>>June 11, 2003 at 12:15:11 AM GMT+8

2003 年 6 月 9 日 星期一 【晴】

放縱!
今日考IM呢一科, 個個都好老定, 因為阿"佐治"sir比左份"要"我地溫, 佢心d tips不嬲都準到唔準, 而尋晚我又唔知做乜唔即時要左佢, 要到左今朝o係火車度先拎出黎睇下...計埋食早餐ge時間, 差多一個鐘到啦, 跟住就走上去課室門口度等入場喇! 但入上到去, avis, fung bee, ka lok, pierre佢地仲未捨得入場, 因為佢地覺得呢科唔用三個鐘咁多, 要o係門口度睇左陣份"要"先!
結果, 不出我地所料, 一個鐘果然係絕對夠時間做得完, 多得阿"佐治"sir, 今次終於都多一份卷合格...呀! 唔係...應該係話我終於都少一科補考...!
我地幾隻野o係canteen度坐左陣, 跟住就拉隊去alan喇~ 放縱下先!
十一點幾未夠十二點就上到去, +x, pierre, alan急不及待咁開左拳皇打...而我呢...惟有拎alan d"妖物"出黎睇...悶到我丫...坐左好耐, 終於都到我落場喇, 我地四個人一齊玩winning 5, 我同pierre same team vs alan and +x! 最後我地兩個係輸左2:3...未夾過jar!
一點幾落左樓lunch, 去左一間我極少去ge小館度食, 一邊食一邊伏崑, 好好彩, 又比我伏到佢喎! 食完野地五個去左影印, 去埋惠康, 再返去alan度打機!
我同崑又係呆等佢地三個...過左成半粒鐘有多先有得打! 今次打winning係玩單挑, 死+x連贏左佢地幾個, 到左第二打先贏番佢, 此人甚難對付, 我地球來球往, 第一次同人玩咁難入波!
後來pierre同+x先走, 淨番地崑o係度打到六點幾先返屋企...
今日就係咁放縱完畢...聽日又要溫過書喇...CO2!
63%...
to 小白, 你都唔係成日o係屋企啦!
to carman, 你都可以話係稀客...難得你黎留野, 梗係開心啦! 你都要開心d呀...笑下啦, 香港人~!

>>June 10, 2003 at 12:31:29 AM GMT+8

2003 年 6 月 8 日 星期日 【陰】

扮乖乖``
由於尋日太過早起身, 今日訓到成十一點先識郁, 想繼續訓, 但係又訓唔著咁, 而起左身又覺tired, 都唔知想點咁...一點前, 我o係度畫番夜校d 功課...
lunch o個陣, mum話可能要去馬鞍山探親, 心諗呢次大穫...乜都未溫, 不過唔埋得咁多啦, 食埋野好快手腳咁畫圖,!到左四點幾, mum問左我地意見, 憑住崑一己之力, 我地今晚可以唔駛出去, 繼續溫未溫ge書!
呢科好似無乜上過堂咁...睇完佢比d notes, 話識又唔係, 話唔識又唔講得, 唉!
今日就好似好乖咁o係屋企渡過...難得就係我唔想出街!
祝大家聽日好運!
60%
to 小白, 有幾次我想搵埋你出黎swim ga, 可惜你無手提jar! ^^

>>June 8, 2003 at 11:57:57 PM GMT+8

2003 年 6 月 7 日 星期六 【雨】

遊車河...
今朝0520就起左身, 整裝待發, 0545就出門口lu...真係好似未似過咁早走, 好似著草咁...心諗咁早一定有車撘啦, 點知成六點都上唔到車, 迫住揀架粉嶺火車站黎撘, 再轉火車去上水...0615準時咁到左美心...pk kwan and chris都未到><"等到0635, chris先出現, 果然不改佢大排ge遲到性格!
為左等佢...我地幾個同大隊失散左, 兜左幾個圈先搵番, 好在都係上水姐! 但係甫一出門就諸多阻滯, 似係對今朝ge萬人"創舉"埋下伏筆...
o係巴士度無野好做, 好在kwan帶左副啤出黎解悶! 叫埋前面小白一齊鋤d...睇唔出佢個死野又幾打得下喎...而我就持續運滯...副副都係屎牌, 無得贏ge!
坐左唔知幾耐, 終於都要左機場...出面, 個個都坐晒o係自己架巴士度等入, 唔好ge事情終於都發生--落狗屎!!! 連天公都不做美...等得耐, 大家都"急", 但係又未入到機場, 而外面只有一個油站ge 男女共用公廁...d人多到好似排羅湖過關咁...同埋淨係女, 點解ge, d仔呢??? 原來d仔比較open, 費事咁gentleman, 去左第二邊草叢搞掂!! 此草叢非常露天, 有遮等於無遮, 仲要個個企晒o係度tim...我, chris and kwan都唔理得咁多, 解決~~~~!!
我地上返架車...都成九點幾十點, 個綵排時間都過晒, 過多無幾耐, 我地個car leader宣佈: 由於天雨關係, 今日活動將會取消! 我地真係比個天激到啤一聲! 惟有認命, 原車返歸!!! 好無奈.....呢此游車河唯一賺到ge就係食物同埋件紅色風褸! o係架車度我教小白摺龜, 佢教番我摺玫瑰~
十二點返到上水, 我地企硬唔會咁早走, 決定去唱k, 我地三仔去食野先, 小白返屋企涼沖再出黎!
chimargun 架我地, o係架火車上面勁打啤, 完全排除所有世俗眼光! 好快咁o係沙田落車...
o係新城市廣場見到劉德華...
未夠三點我地就去到富豪度唱喇, 今次係1號房, 四個人佢就比間中房我地~
死low b chris唱k怒震音....而我好似唔識唱咁...因為慣左唱和音...對獨唱毫無頭緒! 小白唱得又好似勁左喎, 而kwan就好似無乜分別~
唱到六點三先收房, 好似未識過四個人唱到三個幾鐘!
*各位沙田ive同學請注意: o係沙田撘的士去富豪, 如果出示到張的士單據, 唱k可以平15蚊!
我地四個去返沙田火車站, 小白話搵佢家姐走先, kwan又要去搵佢mum, 得番我同low b chris返屋企!
今日大置上完...無奈!
64%
精神40%, 不太眼訓!
to pierre, 聽住先啦, 但係我覺得都係會游唔成, 最起碼fung bee成日話出又唔出啦~~! 而且都好似無乜時間...

>>June 8, 2003 at 1:03:00 AM GMT+8

2003 年 6 月 6 日 星期五 【雨】

can i swim??
本身仲諗今朝可以好free咁做下夜校d drawing或者睇下notes...點知因為尋晚睇到個死人site話聽日要著藍色長褲, 今朝又要仆出去買過先得!
好無奈丫...明明已經等到唔落雨, 但係mum又要同fds hea, 要唔落等到落, 再要落等到唔落...成粒鐘!
出到上水...想搵條褲都咁難...一路係咁兜下兜下就到左一點幾...返粉嶺搵放學ge崑...純粹係伏佢, 等唔到都算數!
我同mum去左海皇粥店度食, 食食下又真係比我地伏到崑喎! 望一望呢度ge周圍環境, 唔知點解成間野全部都係女性...男ge數埋都唔夠十個...講真ga! 食食下野...感覺到成日都有人望住...究竟係咩人呢?? 我同崑望埋佢, 原來係兩個學生女, A同埋B, 一路食就一路望, 好唔自然...A and B走先, 我地又o岩o岩食完去埋單, 整鬼佢丫, 明明走左都番轉頭同個counter唱錢^.^, 擺到明咁喎~ 跟住我地三個人就走喇, 同一條路, 我地跟住佢地, 痴佢個痴, 行行下都可以180度望番轉頭囉...呆晒! 之後, 唔知A定B又同我地一架車....
明明約左chris兩點九, 之後又將個時間再三推遲, 到三點三, chris都係未得囉, 都唔知想點! 結果, chris, kwan, me and 崑四個要三點半先入場!
都係我有先見之明, 話到明今日會有好多 人 去, 不出所料啦~
我地游游下, 有兩個女仔成日望住我地手指指, 好似圖謀不詭咁, 我地四個都覺得好奇怪, 點知chris話佢可能識ge! 但係就比佢吹到啤一聲囉, 人地都成日望住佢, 佢咁都唔同人 地相認, 唉~~
游下玩下咁到左唔知幾時, 好似對swim突然間有所領悟, 而家識左八成~
地係咁玩, 玩到又落雨...點知仲閃埋電...唔走都唔得啦, 六師弟s!
六點幾去左m記度hea, 跟住行左陣, 走lu!
八點幾九點, 無見兩日ge老爸終於歸家...佢並唔係去左邊度, 而係arm arm o係威爾斯出返黎...哽雞骨累事! 呢件事原來係尋日晏晝發生, 到左今朝mum先我講, 原因係我尋日返緊學, 少事唔同我講! 佢究竟當我咩呀! 租客好唔好?! 我都係住o係呢間屋架!!
講起雞骨, o係同一隻雞入面佢傷到兩個人, 第一個係我, 事發當日係前日dinner, 話說我o趙緊佢, 佢就一野用尖骨插埋黎, 插住o係上"岳"唔出得...要我用手o猛! pk丫, 一扯出黎就係咁標血..."chimargun"(照讀係"痴孖筋")架...好在好快咁止左血姐! 呢隻雞真係毒物!!!
tat's all~
65%~

>>June 7, 2003 at 12:17:12 AM GMT+8

2003 年 6 月 5 日 星期四 【晴】

親切=懶熟?!
一朝早拎住個紙袋出門口以為唔會整濕, 但係點知行行下, 兩塊田中間ge夾道水花四淺...整到我成身都濕晒...晨早流流學咩人淋菜喎...一間間, 整定今日會無運行!
尋日又唔係訓得多, 一點先走去訓, 今日又要照舊七點幾起身, 但係就鬼打都無咁精神, 考maths好似無乜壓力咁...可能一早都已經豁左出去, 死就死! 相反, alan就死下死下咁, 佢居然話訓下醒下咁訓得唔好, 太緊張?? 唔係掛! 佢都會緊張....
同佢返到canteen, +x已經o係度做緊數, 對我黎講都係咁, 食個早餐定下神先, "i wanna eat!". 食食下, pierre同avis都返到黎, 佢地又一齊食, 但係個canteen就偏偏唔開冷氣, 擺明要趕客!
去到課室門口, 見到ka lok坐左o係地下"入定"...好唔掂過佢...原來佢尋日返工直落到今朝都無返過屋企...真係辛苦喇...縱使佢係咁, 但係有人個樣仲殘過佢, 就係家姐喇...一個二個都比math折磨成咁, 真係可憐!
我做到未夠十二點半就出左黎, 佢地仲o係入面死鋤爛鋤...唉, 算把啦, 六師弟s...得就得, 唔得就唔得喇! 十二點九終於都叫做人齊可以去食飯!
去左禾輋飲茶, 秒秒鐘歡聚歡笑~! 笑足全程, avis返學校溫書, alan, fung bee, kei, +x, pierre and me去左沙田行...
去到沙田, kei and +x返屋企, 得番我地四個, 去左機舖都逛...一排無入機舖, 多左好多野玩, 多左個打鼓, 一大台"巴士", 劍game, war game同埋crazy taxi都有, 而且有人仲好勁, 無黎一排乜人都有, 最誇都係有條友玩街霸, 玩到乜grade都有: XS, S++, A, S....出招又快又勁, 睇到我地個個眼突, 拍案叫絕!!! 唔經唔覺又到左五點幾, 係時候走人, pierre一個返ive, 我地三個就返白英奇!
去之前我地都諗緊今日又會有咩事發生...但係去到學校門口, 咁都會比我地撞到囉...
上到課室先知咩事...一個好似懶熟咁...一個就親切?? 但係佢地就有一個共通點, 就係keep係人地d hw唔願放, 又唔睇~ 好在今日有alan"陪"我, 唔駛我咁孤單姐~ 對佢地都無乜好講...主動囉!
"i wanna eat!", 好肚餓, 次次諗去邊度食都諗到我地頭痛, 最後落腳於"沙嗲王"度食. 我地同一個男人撘檯...此人非同少可, 我地三個人講野佢又撘嗲, 關佢蛋治! 又同電話入面o個個擺晒款咁, 勁臭串! 九唔撘八咁, 我坐佢隔離都幾驚! 最後條友終於都走先, 氣紛先開始緩和!
我地食完野又講番o個d事, 佢地真係話我o個樣丫...一間間...我並唔係咁...唔通要死纏?! 你地唔明我架喇! 一路係咁吹到成十點先走!
o係火車上面又同alan hea, 呢條友仔唔同左以前好多, 以前唔聲唔聲, 而家就成日都嚇人一驚! 變左喇~~
今日好似好精神咁...但係返到黎先知tired!
62%....星期六去機場砌心心~

>>June 6, 2003 at 1:29:24 AM GMT+8

2003 年 6 月 4 日 星期三 【晴】

算把啦...六師弟...!
尋日可以話係我對上一個禮拜以黎最早訓ge一日! 一點半就上左床, 跟住就一野訓到十一點半先比電視聲嘈醒, 訓左成十個鐘, 乜都飽晒~ 連個黑眼圈都唔見埋~~~正呀~!
朝早呆呆滯滯咁就過左...想去swim...對maths完全提唔起勁...如果學校今日開門就好...起碼有人會教我先!
到左啦唔多兩點, mum撩打牌...尋日佢叫我地去sing k已經拒絕左, 如果而家再拒絕唔知會點...半推半就之下就開檯...呢d咁ge壞學生...打到成四點幾先開始溫書...唉...好似連自己都放棄左自己咁, 打打下牌o個陣, mum said"如果你出年無書讀, 又唔搵唔到野做就要去英國闖下, 你大個仔喇..."(刪下數分鐘長氣說話...) 呢科跟本唔arm 我讀...只能嘆句世事令人無奈!
到左夜晚...對呢科maths都係毫無頭緒...淨係睇左avis寫o個份"精華"...我諗我聽日都有廿分掛...
算把啦六師弟...聽日先算!
60%

>>June 5, 2003 at 12:28:13 AM GMT+8

2003 年 6 月 3 日 星期二 【晴】

"謝"LEmOn...
第一次溫書溫到兩點半...仲要係溫英文tim! 真係史無前例! 唔知係驚, 係緊張, 定係慣左, 個鬥鐘未響就醒過幾次...但係好唔好采有少少想番訓, 好在最後都紮醒到...唔係就一定死梗!
返到canteen, 好似無開冷氣咁...但係唔食野又唔得, 事關我會做做下恰著, 所以都係要搵少少野落肚, 醒一醒神先! 人地食野, alan就走去痾野...真係一間間...得番我一個食! ><"
九點半開始考, 本來做reading都好地地...但係做左差唔多廿分鐘, 我就開始恰眼訓...死得未丫, 咁做法一定唔會高分...而且到writing o個陣, 平時ge組織力唔見晒, 又唔夠時間做...呢次係我第一次做得咁霉, 仲要係做英文tim, 炒得呀!!! 連最唔擔心o個科都令我好擔心...後日就考maths...預左死得轟烈呀!
有見及此, 我地十二點九就食完野返到ive溫書喇! 佢地個個都拎d數出黎計...而我呢...毫無頭緒! 好在到左一點幾, avis開班考我姐! 用左一點鐘好快咁講左阿sir用幾堂講ge野, 大致上都明佢講乜, 但係要計就....=.=|||
計計下又講其他野...唔得, 真係好眼訓...三點幾恰左半粒鐘, 都無乜分別咁...唉...! 唔知做乜咁, 比我地見到fung bee個女神(已成過去??), 唔知做乜講講下又去左我度...死+x丫~知你係講緊我啦, 仲講埋出黎話唔係喎, 知唔知咩叫做"多言多敗"丫~! 跟住avis又問我野...比佢話我好容易tim...其實係"when one is over, another start", 唔係同一時間就得啦...><"
唔知到左四點幾, alan, +x and me都走先, 得番avis同楊威o係度溫...佢地好勤力!
58%...worry about the english exam...
30% for精神...
唉...今朝好似個腦有問題咁...講野勁食螺絲, 比+x串!

>>June 4, 2003 at 12:36:23 AM GMT+8

2003 年 6 月 2 日 星期一 【晴】

白費光陰...
十點出去食早餐, 十一點幾先返黎到黎...搞下搞下d時間又要左成一點幾...又要等老爸食完個lunch先可以走, 咁樣就到兩點...!
成兩點九先去到駕駛學院, 唔係為左等老爸得閒今日出黎幫我問野, 我實唔會咁浪費時間! d手續又多又煩, 到左成三點半先走得...咁就唔見左個幾鐘...
成四點幾先返到粉嶺, 一路行先一路食我ge 唔知午餐定係tea...仲要一路行一路食, 好耐都無試過咁趕!
去到alan度, 好似狗竇咁款...張檯全部都係notes, 又有零食, 幸好, 佢地都係溫書中, pierre溫maths, alan溫英文...我就抄番d數落去notes sin...跟住過左無幾耐, 我地比好多野引誘...好多妖物o係alan屋企...有雜誌啦, 漫畫同埋icq...死得! 我地又o係度吹..."war game"...pierre勁呀!!!
到左七點幾八點, 我開左個icq...驚人ge消息出現左...唔知係好事定係壞事黎呢...? 到左八點幾, 我地三個餓到痴晒線, 要去食dinner喇!
alan 介紹左間台灣食肆, 要由祥華行到去花都, 好死遠!
去到間野, 我地叫左好多野食, 一人一份吐司, 面and drink....我同alan食到反晒肚, 但係pierre好似生左蟲咁, 話仲未飽..><". o係食野o個陣, alan八左好多我同pierre ge野...比pierre話心趕, 但係事實並唔係咁樣, 係人地估到...我仲未出手...! 今次係第次同pierre o係粉嶺食飯...原來佢都有我好多icq ge人...
返到屋企已經就黎十點半...d時間好唔見駛...要溫英文!
60%好番好多!

>>June 3, 2003 at 12:57:22 AM GMT+8