2003 年 6 月 19 日 星期四 【晴】

擺明玩野~!
一朝早食完早餐就打比alan, 十一點九去到佢屋企, 準備溫書, 操機and畫圖! 我可以一心三用: 傾住電話咁畫圖同埋唱歌...連自己都覺得勁!
打左一陣幾之後, 到左一點半幾就去左lunch. o係m記度見到崑, 臨走o個陣又見到ho仔, 佢入黎同我地hea左陣, 跟住我地三個就出番去個廣場度走喇. 正當我同ho仔行行下, 有個學生女走埋黎, 奇怪ge佢好奇怪咁問我地有冇"散紙唱", 奇就奇在唔見佢手上拎住"大餅", 而又無講唱幾多! 擺明玩野~ 跟住我又問番佢想唱幾多, 佢話要十蚊, 我話無, 跟住佢回應要幾蚊, 我都話無~ 我又擺明玩野咁玩番佢地~ ho仔又真係走去"um"錢wor...! 最後ho仔都係無, 而個學生女個樣係笑住咁走...! 擺到明係玩野~! ha~
死ho仔拉住我唔比我返alan度先, 要八我d news, 又話好耐無見我, 對於我好似乜都唔知咁...就連我返夜考都唔知!! 條死仔丫, 同佢傾下啦當! 原來佢同條女吵左! 過兩日應該會無事ge...
三點多上番alan度, 執野o係陣手快, 想撕番貼左o係繪圖板上面ge圖落黎...點知一時手快...比我連埋張圖一齊撕爛左...他媽的! 尋日先浪費左張, 今次仲要係畫好先唔要得...wtf!!! "荷蘭橙"...
拿拿臨畫過張, 同alan好趕咁出左去, 先去佢四叔度, 再撘火車出油麻地! o係火車度先正式溫書......要爭取時間!
本身死alan話約左"人"見面先, 但係條粉皮alan遲遲都唔打比人comfirm一下...點知人地已經走左...累我白行一趟, 出晒汗and煙! 佢擺明玩我姐! 唉...當減肥...><"
六點返到白英奇, fung bee仲未返到...正式上堂o個陣我地三個又調左位, 而前面兩位少女又係欠一個, 九成係比個阿sir嬲走左! 無驚無險又放學喇~!
alan約左"人地"八點半...pierre就同miu去左霸位食野~ 我地四個人差唔多九點先上到去會合佢地兩個~!
食野o個陣我地"無意"咁串到alan, 佢成日都話"無野好講", fung bee and pierre就傻左咁, 成日都引到我地大笑~!
食完野我地六個人去左影貼紙相, 最衰alan又話要趕住開門比佢阿媽, 如果唔係實可以玩耐d!
時間夜了, 十點幾係時候走人, fung bee and "人地"相繼走先, pierre 1 pair o係沙田落車, 我同alan返粉嶺...o係火車度溫書...無時間喇~!!
69% 擺明玩野...玩到無時間...!

>>June 20, 2003 at 5:58:56 PM GMT+8

2003 年 6 月 18 日 星期三 【晴】

發洩!
CT慘死...一入場就唔記得晒d公式...唉...坐得我坐足鐘先走, 十二點半拎埋個ball就去食飯!
約晒人兩點半打o係粉嶺打, 一心諗住實夠時間, 點知我地去左pizza hunt happizza...我地以last day見kiko為由...好一班年青人!
去到pizza hunt真係有d令我地失望呀, kiko入左廚房做野, 可惜可惜, 今餐晏仔無得玩~
我地食左好耐, 到左兩點半都仲未走...耆英打黎吹, 拿拿埋單走人...以平民憤!
結果三點三先返到粉嶺...唔知係咪太耐無打, 佢地願寧打個波都唔打我~^^
開始打o個陣手風勁唔順, 想死, 隻左手廢左...又要重新學過!! 打左唔知幾耐, 休息完之後玩"o.u.t.", 又好似比我射番順隻右手, 三分準到佢地嘩嘩聲~
射左好耐, kawan, chris and me撩人地鬥波, 咁arm alan又返到黎, 佢拉兩個唔知乜水打我地"奇蹟之隊", 第一舖, 我地三個好無鬥志, 人地又高, 籃底屈晒機, 先輸10蛋! 奇恥大辱!!! 一定唔可以咁落去, 第二舖我地好落力, 搏晒命咁, 無錯係可以搶番幾分, 但係打打下佢chris and kwan飲完水之後就唔打...好吊癮! 難得我鬥志旺盛, ct考得差, 好想發洩!!! 都係下次先覆桌!
七點幾先同崑返到屋企, 仲係燃燒緊鬥志!!!!
68% 激昂!
to carman, 我眼見ge係事實~~! 下次盡量就啦bbq, 好多人都要兼顧...

>>June 19, 2003 at 10:39:18 AM GMT+8

2003 年 6 月 17 日 星期二 【晴】

太陽出來了!
朝早餓醒左, 去左食早餐...返到屋企又搞下個日記, 又呆下咁就到左十二點幾一點喇...
一點半出門口準備返ive溫書, 考CT會死得人, o係屋企完全係無心機可言...坐老爸架車去到禾輋落車, 快過撘火車勁多, 半個幾鐘就返到!
返到去, o係canteen已經有四個自己友o係度, fung bee, pierre, ka lok, 當然avis一定唔少得! 我自己一個坐隔離檯...!
今日佢地揀住好得意, 因為佢地張檯隔離就係fung bee女神...仲有佢條仔同埋死肥仔~~! 呢個情景真係難得! 而canteen ge另一邊廂就坐住carman佢地. 不過佢地似返黎吹水多過溫書!
到左四點, ka lok走人, 又要辛勞地工作, 加油! 有個canteen阿姐執野o係陣話左個壞消息比我地知, 就係今日無夜校, canteen要四點半收檔! 玩野咩! 仲諗住溫到五點幾先走, 而家比我預期之中早左好多! 溫都溫唔切啦!! 算吧啦...今日唔好日...! 總好過o係屋企自己黎, 進度一定好慢!
五點半返到屋企...沖涼, 食飯, 洗碗同埋其他垃垃什什野, 搞到成九點先再溫過...!!!!! 呢次大穫...kk fung.仲話補考仲難過份正卷...我真係唔想去挑戰佢!
65%
隨著考試即將結束, 太陽亦都蒲頭, 好多活動等緊我地, 一於留港消費~!

>>June 19, 2003 at 10:42:01 AM GMT+8

2003 年 6 月 16 日 星期一 【陰】

個日記又登入唔到...而d留言都好似有d問題, 希望快d正常番!
集体自殺...
尋日聽到一d消息之後令我多左樣野諗, 書都溫唔入腦...而個個都係對呢科無乜信心, 好似入試場自殺咁! 但係呢份卷比我想像中易做, 可惜溫極都係唔識, 所以今早份考試卷都係半等死...! 我地個個都十一點幾就出左黎...!
十二點幾去到kfc食野, 又吹左好耐, 睇怕都無乜呢d機會囉...
食到一點我同pierre, alan早走, 因為約左kwan swim!
轉眼間又到左兩點幾三點, pierre, alan, kwan, me and小白就出發去swim!
今日游左好耐, 又去埋大池度學, 果然係易好多, 我就黎識喇~~ha~
六點, 我地五個成個人散晒咁走, alan返屋企眠, 淨抵我地四個o係m記食野and hea~
六點九返到屋企...今日完!
68% 桃花?? 咁我係咪要開心d ar~~?
to ar chi, 多謝晒你喎, 無野比得上o係考試中收到鼓勵更warm~ (雖然好多人都鼓勵過我~)快d教我整到好似你咁呀~!

>>June 17, 2003 at 10:38:16 AM GMT+8

2003 年 6 月 15 日 星期日 【陰】

Lazy Manner, Fung...
嘩...尋日成四先訓...第一次淨係icq都可以玩到咁耐! 跟住就昏睡至十一點半比電視ge nba聲嘈醒! 都好似好耐無睇過, 慢慢欣賞下先~!
lunch完之後無乜心機溫EN...全因無從入手! 堂又無乜點留心上過, 最近又成日都走堂, 唉...種下左禍根! 自從mid-tream之後, 個個人ge意志都變得好消沈, 無乜鬥志, 經過sars holiday仲死, 返學邊左係hea時間(當然唔係全部, 只係某幾科..), 自信同鬥志都無埋...
晏晝就一路係咁hea下hea下咁過左...到左五點先捨得拎本書出黎溫, 溫落仲係一頭冒水, 想死...我諗呢科十成九都係要補考...god bless me...><"
to ar chi, 好靚呀~ 其實我一早都想改下d字ge顏色, 不過唔識之ma...唉, 我仲好似係讀電腦tim...~
to 死pierre, 你係咪玩野丫~? 要飛仲有colour, 又唔教我..><" 仲要串77咁~!

>>June 16, 2003 at 12:11:36 AM GMT+8

2003 年 6 月 14 日 星期六 【陰】

六月中的六月.
因為尋日游水關係, 今日倒睡到十一點先起到身, 起左係成身實晒, 好梗!
今日好耐去唱k, 等左chris好耐都無電話黎, 咁咪打去約佢唱k, 結果約左kwan同崑and chris四仔出去!
明明約左兩點火車站等, 我同崑雨點三先去到已經好唔應該, 點知chris成三點四, 五先到, 睇佢個樣又同平時無乜分別, 都唔知做乜! 佢話今日會約到特別嘉賓, 放過佢啦今次!
三點都未夠, chris's fd仲未出到, 我地四仔就去左打機, 今次係第一次帶崑入機舖打機! 同chris玩左兩舖racing...生疏晒, 好耐都無玩lu! 跟住kwan又走左去篤ball, 淨底我地幾個, 而崑亦都自己一
個玩, 好似好無聊咁!
打完機去左green box度唱, 開左間大到唔信ge房比我地, 足足可以容到廿人, 我都係第一次用咁大間房jar! chris一開始無乜點唱到, 得我同崑o係度勁唱, 間房又大, 好free~ 唱左成半粒鐘, kwan先返到黎, 多個人係用多支咪, 無乜分別姐~! 如是者又過左好耐, chris個fd阿june(六月)黎到, 佢仲帶埋兩個fds黎, 但係我地幾個好似當佢地無到咁照唱~ 後來佢兩個fds又走埋, 淨番六月一個女仔同我地四條仔唱!
今日都好抵唱, 四點未夠就可以唱到八點幾, 不過把聲拆左...
唱完k就去左影貼紙相, 似乎呢一樣係例行公事! 死kwan影左幾耐都無出過錢, 衰得佢丫!
食完野阿六月姐約左人走先, 我地四條仔走左去沙嗲王食, 好快食完就走左!
十點幾上火車, o係火車度我地四個傾心事, 各人都講下自己ge見解, 好似好close咁! 明明好早上火車, 但係都唔知點解成十一半返到屋企!
今日d時間去得好快...又係乜都未做過!
68%~
*差d寫漏左呢件事: 話說我地四條仔去緊打機途中, 去到行人專用區cyber city對出有一班人o係度影相, 我地一個唔小心行近左, 就比個著住橙色衫ge後生仔拉住, 佢話佢係一本新magazine ge staff, 要捉d途人黎影...真係唔知好彩定係唔好彩, 我同崑就成為佢地ge攝影對象, 死kwan同chris又行開一二邊喎...得番地兩個...前面有兩個女仔影緊...條友又唔比我地走...整到我地兩個好似傻仔咁企左o係度等! 攝影師影o個陣我先知咩叫強顏歡笑! 影完之後仲話會post出本雜誌度登, 打格仔先好出街丫~~!!! 本野好似叫做<<17>>, 下個月17號出版...有機會可能見到我...!

>>June 15, 2003 at 4:01:58 AM GMT+8

2003 年 6 月 13 日 星期五 【雨】

敢死隊!
今朝一起身, 見到個天好光, invisible左好耐ge太陽伯伯終於蒲頭, 可惜一剎光輝唔係永恆, 去到粉嶺火車站個天又陰番!
次次都係咁, 一去到火炭又落雨, 我比個天呃晒, 又無帶遮...我同alan又係要濕住身咁返學...
一個二個返到去都好勤力, 個個都溫唔切..好注重呢科...! 晨咁早, 九點就有人打比我, 仲以為係同學們, 原來係yan, 佢返去唔夠半粒鐘就考完oral走得...佢就好啦, 咁早放左! 上到去試場, 係個pk班主任睇煬, 睇到佢就實無運行, 麻Q煩, 成日都嘈住晒, 勁唔想聽到佢打死人聲, 睇得出坐前面ge pierre最唔妥佢, 帶個口罩都講究過人!
十一點半出黎, 份卷好似識識地, 又好似唔識咁....不過都係唔識居多, 都未溫晒! 算把啦...放學!
今日番alan, fung bee, pierre and me去食, 我地去左哈迪斯, 又吹下咁, 又係賤野~haha
食完野又去左打機, 玩crazy taxi o個條友又o係度, pierre玩完一舖巴士之後都係無轉到人玩, 唔同左ge係d時間...有成三百幾秒, 仲多過上次! 佢就好啦, 四蚊可以坐成粒鐘! 無喇, 跟住兜下就走喇...時仲係好早, 兩點!
o係火車度約左chris去游水, 三點半到去到, 幾好丫個天, 好似開始熱咁!
返完屋企再出去o個陣約小白出黎一齊swim, 難得佢又會去喎, 不過chris話有雷暴警告, 同佢商量左成幾個字先決定照去! 四點人齊, 得我地三個...
換埋衫出黎見到個天又玩野, 成日都突然落雨, 玩都比佢玩謝! 好無奈...去到無得落水...雨並唔係問題, 唔好行雷閃電先得架大佬!! 我地等左好耐, 到左成五點幾先落水...勁得人驚, 好多閃電...不過唔理得咁多, 成個池唔係得我地三個, 仲有四個低b仔...香港比佢地影衰晒!
個場咁空, 學swim一流! 睇唔出小白都係唔識swim...而且仲屎過我, hehe~教番佢都仲得呀~~~今日我又有少少進展喇~去多幾次就搞掂~! 臨走o個陣我地o係門口磅重, chris 122.5磅, 我就121, 小白就102.5, d數字好似有d出入...
六點半出番黎, chris踩單走先, 我有帶遮喇今次, 差d又比個天陰到! 小白無遮, 惟有送埋佢返屋企...經過廣場o個陣佢勁驚比熟人見到....唔好話佢, 我都驚比人撞到繼而誤會! 行左成個字先送到佢樓下, 第一次聽個死小白客氣~ 咁熟, 唔駛咁客氣~! 唔通落雨都唔遮你咩~
跟住我就要一條友行番轉頭...獨個兒上路!
上身好tired...+眼訓....
65%個天仲情緒化過我, 成日都唔同天氣! 幾時先好天...? 好耐都無踢過毽...!

>>June 14, 2003 at 12:58:42 PM GMT+8

2003 年 6 月 12 日 星期四 【雨】

二缺一...
好早就起左身, 但係就食完早餐then打機...朝早無溫過書...一點幾出左去同mum lunch, o係海皇粥店度撞到arm arm 放學ge豪and his gf, 佢地入黎打過招呼就走, 臨兩點, 崑黎埋我就走喇, 係時候返學校溫書!
明明o係粉嶺同埋火車o個陣又氣仲係好好, 但係當我一落左火車就落大雨...大安指意自己有帶遮, 點知搵下個袋原來比自己捉蟲...仲要愈落愈大...要rush ar...又狼狽, 又勁樣衰, 最驚就係學avis咁p左o係地下...><"
返到canteen, 前半身盡濕, 背後就無乜事...可想而知我ge速度之高! WTF! 坐低左仲要比佢地嘲笑, 佢地好彩啦, 返黎o個陣無落雨, 個個都無帶遮!
用左成三四個字安頓好, 正式溫書, 一溫番d basic野先知有好多都係唔掂...呢次死得! 都係多得avis, alan, +x教路!
溫左唔知幾耐, 我同avis買左隻熱狗返黎食, 我地又開始講賤野! 由我個熱狗條腸開始講起...講講下, 我, fung bee, pierre就討論"訓低", fung bee 話pierre likes to play "貪食蛇", 聽到我地aur晒頭, 經佢解釋後原來係"灘夕瀉"(<--唔出得街, 唔可以原汁原味...無癮><")! 講講下個話題去番pierre度, 講佢屋企係"炮房"...經佢講解之後, 原來係事實! 張椅比佢整到變左牙醫床! 而去到kitchen又有得玩, 死+x今日賤到唔賤, 講左另一成語ge異解, 就係"肉隨針板上"!! 笑到我地收唔到聲~~ ^^
咁樣講一講, 時間過得超快, 到五點半, 到走lu! 好在最唔明ge都比avis講明左姐, 但係就溫唔晒><"!
六點半返到夜校, fung bee同alan調左位, 要邪一邪佢, 唔知好彩定係咩, 前面兩位無準時出現, 變得好空, 個view正左! 到左成七點幾, 前面其中一位終於都出現, 但係另一個就唔見左, 唔通佢唔方便所以唔返(唔好諗其他野!)? 不過今晚好靜...
八點放左學, 去左大家樂度食, 食完野又吹水, 話題又離不開我...不過好在有alan講我分擔一d, hehe~ 不過咁, fung bee就聽我地講得多, 但係好少聽佢自己講佢過去喎, 死仔丫!
我地坐到十點零七先走...好夜tim!
差多去到火車站, o係個轉彎位比人迎面大聲"喂"左野, 嚇死我, 仲以為係邊個, 原來係mandy...撞正佢出街!
o係火車上面我爭取時間溫書...又問alan...又明多左喇...~
十一點四十分先返到屋企...又唔駛溫...聽日要八點半返到ive溫先得!
今日完, ho sleepy...@.@"zzz
67%
各位同學仔, 暫定22/6 bbq, 黎就留個言比我啦~ 最好就帶你地d 老婆仔出黎啦, 尤其係+x, 就走喇, 點都要見下, fung bee話ge~!

>>June 13, 2003 at 12:49:17 AM GMT+8