2003 年 5 月 12 日 星期一 【晴】

busy><"
今日成七點九先起身...訓到好似暈左咁, 連鬧鐘響過都唔知! 遲左成四個字先到粉嶺火車站, 好在alan仲未走姐! 到左八點七到啦, pierre打比alan, 佢居然返到學校...而且佢仲係"闔家"入面最早返到ge一個, 真係奇蹟喇! 見個pk阿sir又無點到名, 我就同alan, pierre落左canteen嘆早餐先上番去! 而今日我係做得最多野ge project堂!
lunch之後都無乜特別事發生, 到左三點半係C++ ge堂, 忙到連書都未溫過就話要test! 好在係open book test姐, 唔係實死得! 又好在有一半ge題目本書係有solutions, 先至唔駛死得咁慘, 其他ge題目就唯有靠f.5 ge殘餘記憶同埋打天才波喇!!! 不過一定合格先啦~
五點未夠就放左學, 少有咁同耆英一齊企火車返去~!
返到屋企就死喇, 今日要做好多illp, 聽日要交晒...有排死呀! 而家呢個時間仲做緊(12:15), 好耐都無試過做功課做到咁夜喇! 大家努力!
64%~

>>May 14, 2003 at 3:47:39 PM GMT+8

2003 年 5 月 11 日 星期日 【晴】

母親節快樂~
朝早mum見到檯面上ge禮物, 真係surprised到爆炸! 即刻開左佢ge新cd 黎聽, 擺到想嘈醒我啦~!
一朝早就返左深圳, 嘩, 十點半返到去, 真係母親節快樂啦~! "女麻 女麻"!
同阿爺and崑睇波, kings又輸...鬼咩, webber傷出, 無得打!
兩點幾去左剪下個頭, 本身個髮型and d colour實在太唔掂喇, 一於去搞下先得! 到左成五點先返到屋企, 今次個hair都算唔錯, 染左個火紅色ge頭髮, 成個醒神晒, 正呀! 過左一陣, 就撩崑and mum開檯, 點知阿"女麻"又話黎打, 仲打到鬼死咁大, 幾十蚊一舖上落...聽到都心寒! 好在o係我未輸ge時候出現左個大財神--阿爺! 我一輸佢就好豪氣咁dum左幾張廿蚊出黎, 話輸左就佢ge, 贏左入我數! 嘩, 有條大水喉射住~~~打打下無幾耐老爸就訓醒落黎, 到佢射住崑, 即係變成左我同崑淨係負責摸牌, 有錢就我地收, 正到咁~~
晚餐食盆茶, 八點就走, 今日真係賺唔少, 打牌+油水+預早生日大利是300大元, 尋日唔見左ge錢今日返晒黎, 而且仲有賺tim~! 嘩, 母親節快樂啦~~!
比阿爺佢地兩個話我戴左眼鏡靚仔左喎~haha~~~
九點半返到屋企...好眼訓...><"
*kwan生日快樂, 又一個19仔!!
唔知幾時先可以四仔+四嫂咁出街呢??
65%~

>>May 14, 2003 at 3:29:45 PM GMT+8

2003 年 5 月 10 日 星期六 【晴】

破財!
今日帶左300蚊出街, 返到屋企得番幾十蚊! 錢係咁用法ge:
朝早同kwan去唱k, 都算多人, 四仔啦, 小白and阿歡, 咁多人全都係比面kwan jar, 聽日生日! 一點我就走左lu! 仲有個半鐘就豪比佢地!
三點都唔駛就放左學, 一心諗住kwan真係會黎沙田一齊買野, 但係條友仔話唔去篤波又去, 小白同阿歡又跟佢地...得番我一個...比人放左飛機咁!! 好在fung bee佢地都有番少少人性, 連同kei, alan, ka lok四個陪我一個去沙田買野! 都算有番d安慰! O係未出校門前, ka lok o係塊board度搣左fung bee女神張相出黎, 話要scan左佢喎~
但係我地又點會咁安份淨係去行丫, 去到中途折返, 去左沙龍打機! 全場淨係睇kei, alan, ka lok玩, 我一蚊都無用過, 又無人陪我砌車, 入機舖唔駛錢勁唔似樣, 惟有o係門口夾公仔...五蚊就好似倒水咁唔見左...過多無幾耐就去買野喇...時間係五點二! 本身諗住叫埋阿魚出黎幫下眼...好在無叫到姐!
諗極都諗唔到買咩比mum好...又帶唔夠錢喎, 得番二百幾, 迫於無奈去左muji兜下...買左個價值85 ge散紙包比佢! 本身諗住去sasa買mask架, 又醒起佢會去格價...都係唔好喇!
最後去左HMV行, 見到有隻cd好似幾o岩佢, 買左110蚊, 燒錢咁燒! 下次買老翻好過lu~七點半返到屋企!
食緊飯o個陣mum又向我施加壓力...暗示我無d表示, 成日都咁睇我, 都習以為常喇呢排! 有少少灰! 今日又唔係正日, 咁心急做乜喎, i'd like to give u a surprise! 做人子女甚艱難! 今日佢講ge野我聽唔到!! 為左做大佢, 叫崑加多二百蚊cash過佢嘆~! 其實最無表示o個個唔係我...所有主意都係我出架!
完~
63%...錢錢錢錢><", 好窮呀!
期待緊17/5~

>>May 14, 2003 at 3:27:36 PM GMT+8

2003 年 5 月 9 日 星期五 【晴】

tired die...
朝早九點返到去, 都話逢星期五係high day la, avis今日好似食錯野咁成個人好high, 同平時fung bee一樣, 又唱歌又周圍辣火頭, 痴架~可憐ge fung bee好似比我地進貢左比avis咁, 任由佢虐待~十點半我同alan蛇左落canteen食早餐, 飽餐一頓十點十上返去繼續做!
lunch有十一個人一齊食, 難得我地"闔家"人齊, 係近兩個月黎第一次, 再加一個楊威, 好多人呀~~間野d野食都幾好食架, 可惜唔夠食啦! 但係中途有一段小插曲...唔知係咪fung bee, me and ka lok玩得太過份...整喊左家姐...最後當然係無事...掛! 如果係我地衰, sorry ar! ><...我好驚人喊!
食野都食到一點半, maths堂都費事上, 得楊威同埋gary走左, 而我地就走左去行街同埋打機~都好耐無入過機舖喇, 叫ka lok同我砌車, 我用架FC連贏左佢架evolution兩次, ka lok, 玩山路唔駛用架咁大power ge車架~阿kei打機都幾勁架, pierre今日就差d喇, 成日都輸, 難得贏左又要走~! 我地玩到差唔多三點半先返去上英文堂lu!
janet勁好人啦, 勁放水派tips, 呢d teacher去邊度搵~~! 5:30放學返屋企, 好耐都無放學踢毽lu!
今日完...好tired, 乳酸發作!
64%~!

>>May 14, 2003 at 3:25:29 PM GMT+8

2003 年 5 月 8 日 星期四 【晴】

好唔掂...!
朝早九點幾起左身, nba直播已經做到第四節就完場, 之後不出所料, 籃網贏左塞爾特人, 襯仲早, 同kwan去左食個早餐返到黎都係十點半, 而the nba finals of 1997公牛對爵士先arm arm 開波, 我等睇番呢場好耐架喇! 咁好死又會播喎, 目的係回顧jordan ge輝煌成就, 但係就好似佢死咁ge...! 睇到佢以前ge狀態仲係top fit, 有一班好隊友作支援, 可以毫無顧忌咁射, 又可以去得好盡, 同心合力咁奪取總冠軍, 相反過去的一個球季, 佢打得好辛苦, 而目的為何? 奪過無數獎項ge佢, 獎項或對佢黎講以經再無意思, 換黎係一個更神性ge任務—培育新人成為明日之星! 但係佢而家打得好辛苦, 彈跳力唔見晒, 再飛唔起, "波神"都係人...佢老左喇...!
晏晝去左剪頭髮...唉, 唔好提...條友連我惟一ge selling point—長長ge"的水", 都幫我cut左一半...又剪得好樣衰, 都唔知下次仲會有d咩做唔出, 所以I swear that i'll never go that salon again!!!
之後比chris約左去打波, alan, ho仔, 都有出現, 架埋我, 崑, chris五個, 夠做啦! 今日手風都唔錯! 射波好準, 尤其三分~~ 中距離又得, 但係只限住進攻jar, 鬼咩, 尋日玩得太"支力", 今日無奶力走呀! 可惜ge係ho仔今日唔準呀...外圍有我, 內線有alan...咁ho仔ge作用係咩呢...? 出過一身汗, 今日好盡興, 好準~!
夜晚八點幾, 見d hair太差勁, 好似好7同埋kai咁...決定即刻染多次(d colour cut 走晒lu...無晒色, 好唔捨得o個種色呀...><”), 洗完頭之後發覺”貨不對板”完全好似無色咁...由深紅色變左深紫色...好似無染過咁, 天呀! 呢個係咩世界!!!!! 聽日返學可能要戴頭巾!!!
65%

>>May 14, 2003 at 3:23:42 PM GMT+8

2003 年 5 月 7 日 星期三 【陰】

楊威勁!
朝早堂癈野CO2又係無乜人返, 我地"闔家"得我, avis, alan, Florence, fung bee, ka lok, 而+x, Pierre, gary, kei就完全無視今日, 多一日day off!
lunch avis有事行開先, 換入黎ge係楊威! 我地又去左kiko間pizza hunt度食, 今次係第二次去, 遲d我地就黎變熟客架喇~! 我地個個都成日都係咁kiko前kiko後, 好白痴~~~
本身坐緊個位好"悶", 都無景ge, 但係多得科雲屎(Florence)肯同我調位先好d jar, 坐fung bee隔壁就正爆喇~! 佢可以睇到隔離班會考生...^^! 呢隻死仔眼甘甘咁, 佢望緊乜都一目了然, 佢"眼神騙不過"我地, 而我地全張檯都"眼睛想旅行"! 可憐ge ka lok就比我離棄左lor~ 但係呢個死野就唔心息, 成日借d意向後望, ha~死仔丫~!
我地食野食到成點半先走(1:30 start lesson), 兩點返到去, 見到d人可以周圍走, 又係計數, 呢個時間返黎係arm ge! 我連chair都未坐暖, 交左兩條數就走得, 咩世界~最抵死就係遲到成半個鐘都無遲到, avis 唔返黎係咁ge!
放左學仲係好早, 同alan and 楊威去左打乒乓波, 原來我對佢地黎講係高手...我已經屎到唔屎...求其搵個人都打謝我啦...不過幾好玩~~~成幾年都無打過lu~
打到三點半到啦, 再落左去個hall度同楊威同埋佢個fd打羽毛球, 呢樣野我又係好耐都無玩過...我諗都有成三至四年喇...其實我想玩好耐架喇, 一過無人肯玩jar ...! 同alan落場之前, o係場邊見到佢地兩個人係咁o係度打, 勁到你唔信呀! 校隊ge實力...好得人驚, 睇到我同alan都眼凸凸~~! 直到真係同佢地玩, 佢地兩個讓住賽都係好勁...簡直無得頂呀! 過左無幾耐, 同alan one on one, 個死仔好屎呀~幾乎用左手都贏到佢~ 跟住楊威黎同我單挑…讓賽都好勁! 到左同佢個fd玩, 佢毫不留力, 好勁呀, 完全唔係佢手腳!! 不過佢係輸比楊威架! 呢個唔讓ball仲好~因為可以睇下自己實力去到邊ma~
哈, 經過今日之後, 發覺自己ge level係何其眇少! 不過好好玩, 好耐都無大量出汗喇~!
65%~

>>May 14, 2003 at 3:20:35 PM GMT+8

2003 年 5 月 6 日 星期二 【雨】

無聊...
今日好無聊呀...八點半好難先掙扎到起身, 跟住又係去左食早餐, 十點o係火車會合alan上火車...今日居然佢早過我, 十年難得一見!! o係火車度我打左第一個用新電話打出ge電話, 對方係fung bee!
十點半返到去canteen, 好多人都上左英文堂, 見到kei, avis, ka lok, fung bee, 阿昌佢地幾個...死文輝拎左架o係7仔度換番黎ge mini搖控車黎玩, 好白痴架, canteen黎架, ka lok仲拎黎勁玩tim, 我唔識佢地架~~! 但係佢坐我隔離!
成十一點先上去maths堂, 白白痴痴咁過去...lunch去左食樂美...坐門口位, 好樣衰! 死pierre又同阿miu一齊食, 同檯兩個路人甲都頂佢地唔順, 要調位!
Ct堂好無聊咁過去...3:00 to 3:30去左踢毽先上英文堂...勁搞笑呀呢次英文堂, 得六個人上! 有我啦, alan, Pierre, gary, +x, Florence! 其他人全部都上左朝早ge英文堂...佢地好似唔駛訓咁!
放左學返屋企...臨到火車站又見到carman, 見到三次喎今日...死+x好串咀丫! Carman行得好快, 好似好趕咁...又去左第二卡, 過左好耐先打比佢...跟住一路係咁傾...傾到返屋企...
62%, wt a boring day!
reply:
to 姿, 好悶呀? 悶咪打多d比我囉, 你hate d乜...?
To yan, 好呀, 一定會約你地兩個出黎ge, 不過睇下幾時之ma, 不過未必會人齊架喎...今時今日, 你都可能唔得閒啦!
To realize, 哦, 我知喇, 不過每個人都有情緒, 都係唔開心一陣間姐~何況你都睇唔出我有咩唔妥啦~ o係人地面前咪無事囉, 乜你見到我好唔開心咩~? 你保重呀..大埔人...! 小心傳埋比你個miu miu ar....!

>>May 7, 2003 at 12:44:53 AM GMT+8

2003 年 5 月 5 日 星期一 【雨】

輸清光....
係人都知今朝紅雨, 可以訓到好晏先起身, 但係我就唔係咁喇...因為我好早就起左身...
六點幾七點, mum話比我知今朝唔駛返學住, 但係我都係唔放心, 睇左三個字香港早晨, 確保ive唔駛返學先得! 睇完諗住有覺好訓...點知7:33a.m.第一個電話到, 係gary打黎, 問我駛唔駛返...乜佢都會咁早架咩?! 聽完佢電話, arm arm先訓得番, kei o係7:41打黎...又係同一問題, 答完佢就上番床喇! 好難先訓得番, 7:55個電話又響! 今次係alan...佢知道唔駛返都打黎單聲過我知...有心喇...我都知唔駛返! 聽完電話又上番床, 比人嘈左幾次...睡意都無乜, 但係都還可以合得埋對眼, 到左8:01, 我部手提ge悠揚鈴聲再次響起! 阿昌都襯熱鬧打黎, 又係同一問題...都唔爭在答多次喇...都唔知佢點解會起左身ge...平時明明無十點都唔蒲頭, 今日仲要咁早tim...不過佢係我最激唔落條氣, 因為佢有講"唔該"~ 聽佢地電話並唔問題, 問題在於我訓上格床, 而惟一手提收到ge地方就係電腦隔離, 每次電話響我都要跳落床, 飛線再聽...係麻煩呀!! 足足四次....既然都無得好訓, 就刷牙算啦...原來我刷緊o個陣有一個missing call, 係阿姿打黎, 要覆call, 不過我傾緊o個陣嘈聲左崑...佢好似好無辜咁....><"
八點幾打機打到九點幾就去左食早餐喇...跟住就悶左成個朝早...
晏晝兩點, 我地三個再次開檯, 開頭都好地地贏緊, 但係一路係咁輸...次次都係無後勁ge...最後又輸左十幾蚊....眼癱癱!! @.@”
今日完..."紅雨假"!
64%...

>>May 6, 2003 at 1:31:33 AM GMT+8

2003 年 5 月 4 日 星期日 【雨】

my new mobile!
又係九點幾十點同mum食早餐, 食到十點幾就出左去上水買機喇!
開頭都無乜idea, 直至比我見到一部好合眼緣而且好o岩我心水ge機—Sagem My X-5d, 不過係歐洲機, 唔知保養o個方面係點, 都係拎本詳程睇下好...天公不做美啦, 人地周街行o係度揀機, 佢就勁落狗屎! 整到我個身都濕埋...!
同mum周圍又行下, 又睇下有冇心水兼夾下價, 終於都係決定買呢部, 走唔甩架喇, 問埋d details, 簡直keep到卑! 有hifi鈴聲咁把閉就梗係叫個sales整比我聽下, 唔聽由自可, 聽落先知原來係jade買廣告o個部...~! 銀色機殼, 唔錯唔錯! 可惜得265色咁少~~!
返到屋企成兩點喇...開始摸下部機先, 嘩, 正! Easy to use! 無咩好講~~~! 好抵做! 總值$1238~
晏晝四點, 三個人又開檯...好似發左瘟咁, 開頭o係三舖之內贏左十幾蚊, 但係不出四舖, 我開始輸喇...打到六點三左右, 我就已經唔見左廿二蚊...what the hell!!
三個人打到唔想打, father煮完野就食飯喇!
今日完...希望聽日唔好落雨!
66%~ i have a new mobile!

>>May 6, 2003 at 1:22:18 AM GMT+8

2003 年 5 月 3 日 星期六 【雨】

project+eng project(ppt, present, demo...)
今朝九點半就彈左起身, 目的係為左同mum出去睇下手提ge格價, 準備聽日買!
行到十一點幾, 比carrie同埋yan約左去食lunch(唔知點解會無lala約我ge....?) 同佢地食野o個陣勁似撘檯, 我地坐左落一張六人檯度, 佢地兩個坐埋一齊, 我坐對面, 中間比menu, 醬油等等隔住...! 死carrie勁串, 比左杯檸水我插, 咩意思~~~! 佢地三個一個新婚, 一個失婚, 仲有我單身...一張檯乜都有!
食完野我走先, 向pierre屋企進發! 去到大埔, 見經過, 約左rachel出黎hea左陣, 好耐無見佢, 好似一次肥過一次咁ge...!
上左去pierre度就正式做野, 好可惜, florence支"辣雞"係虧ge, 想做都唔得, 跟住全部都落晒去avis度...我地個個都唔係做野...又吹水, 又開ka lok d片片黎睇! 我地好似好衰咁, 乜都係得番avis 一個人黎做...唔該晒! 無左佢我地會好唔掂!!!!
四點幾o個陣係最人齊, pierre同miu兩口子, avis, alan, florence, ka lok, kei, fung bee, me, gary, 奶媽同埋pierre阿媽! 真係好難想像pierre間屋咁細都可以塞到咁多人...!
見我地無野好做就開ps2黎打, 首先同ka lok砌左三舖"街道", 比晒時間佢o係屋企操, 仲會輸比我~雖然都贏左我一次~ 跟住佢地怨聲四起, 惟有轉玩winning, 同ka lok一team, 惡鬥fung bee+alan, 真係好難打, 同ka lok無乜默契, 佢隊野又唔夠fung bee fight, 第一舖先輸5:1; 第二舖, 佢地玩野, 我同ka lok幾經努力打到加時, 最後覆桌成功, 贏3:2, 仲要係踢少個!!!
佢地之後玩KOF, 我就入左房玩icq...見分鐘多得很, 就打比阿姿, 橫掂好都都無搵佢, 四個字之後收線, 落街食飯!
同kei and alan去左kfc度食毒藥(食完會爆瘡+好易咳, 因此命名!), 食完野行多陣就走喇!
今日完結, 聽日買機!
62%
比阿魚話返屋企似入森林tim!

>>May 4, 2003 at 1:21:21 AM GMT+8