2003 年 10 月 27 日 星期一 【晴】

好"支力"囉真係！經過兩日既辛苦...
尋晚都係攪到成點先訓，一訓訓到今朝 0720！
起身攪完一輪都唔係好知自己做緊咩囉...
撘 1A 勁訓，訓到天昏地暗呀！好彩知醒落車嗟！
返到公司，俾人串我個樣好"迷"囉！會唔會先 -.-"

放工冇開會就走左喇！同 Tracy 去左行街街買野！
去左 FACESSS 0個度呢！好靚呀0的野...呵呵~~~
行完就去左 join 大家去生日會喇！今晚既活動呢...
係同燕 & Carrie 慶祝生日呀！我地去左萬福食 Buffet...
OK 喎！唔錯唔錯...尤其0的刺身勁正呀下 *o^
我地仲係咁同0的 Bear 影相添！真係好得意呀佢地！

食完 Buffet 差不多 2300 走，之後去左唱 K 啊！

>>October 31, 2003 at 11:55:53 AM GMT+8

2003 年 10 月 26 日 星期日 【晴】

今日既開始依然0係 Wendy 屋企！哈哈...
玩左好多遊戲呢，大家都玩到癲晒囉！呵...
好耐都冇試過玩得咁盡 & 咁放喇！好正好正 *o^
我地玩左 Twister、非洲話事 pair & 七級豬呢！
每個遊戲都各有各精神囉！超級勁好笑...

首先，玩 Twister 既時候我地分組如下：
Ivy & Wendy, 我 & 燕, Andrew & Steven, 康 & 梅佬
第一回合既代表分別有：Wendy, Steven, 康 & 我
第二回合既代表呢就係：Ivy, Andrew, 燕 & 梅佬
兩個回合大家都扭得勁攪笑囉！我同燕係比較舒適架！
佢地其他差0的攬住左隔離0個個囉...好明顯呢...
第二回合就係緋聞男女既分組啦！真係咁0岩架咋！
不過耐力計呢...就好似以第二組既好0的，
我地組就差少少咁啦！諗返計...其實呢...
會唔會係有人為左睇野而話飲呢？呵呵呵呵~~~

之後玩非洲話事 pair，又係勁攪笑囉！
大家諗既懲罰真係... -.-" 以下既係勁難受架囉！
(1) "mung" 兩條 "加拿大" 毛再用唻打個平結 by 梅佬
(2) 除底褲打平結 by Andrew
(3) 除左對襪塞落個鼻 by Wendy
(以上呢點後尾因為冇可能而改成除左對襪出唻錫！)
(4) 當眾度三圍 by 梅佬 ← 呢句係三合一架，分體為：
當眾度腰圍、當眾度坐圍 & 當眾度上圍 by Ivy, Andrew & 燕
(5) 化個黃夏蕙個妝 by 燕
(6) 以濕度 98% 既咀唇咀指定異性一啖 by 梅佬
(7) "mung""加拿大" 毛及腳毛各一打平結及接繩結 by Ivy
(8) 用腳趾彈 d r m f s l t d' by Wendy
(9) 用火機 "彈" 晒右腳既腳毛 by Steven
(10) 扮打飛機 by Ivy
(11) "中" 個頭落馬桶 by 燕
(12) 食指定人士既頭髮半條 by Andrew
以上既懲罰當然有0的係成功咁做左架！呵呵~~~
除左呢0的難受既懲罰之外，仲有 1D 創舉添！包括...
(1) Ivy 用 1"53 飲左一罐 Coke Lite
(2) 梅佬當眾扮打飛機 3 秒 (佢係勁 enjoy 架下！)
(3) 梅佬被 corn & 磨 5 秒

最後就係豬豬部份喇！今次個個都做晒豬豬呀 *_*
哈哈...不過其實大部份都係因為衰多口應人而攪成咁！
好不幸的呢個遊戲係因為師姐變左七級豬而結束架 v_v

玩完三個遊戲大家就坐低食下消夜傾下計...
我地仲發現梅佬個重要部位呢，原來係義肢唻架！
仲可以用唻磨刀架添！簡直就係驚人發現呀 *o*
不過過後 Ivy & 梅佬已經去左搵周先生玩喇...
之後呢，Ivy & Andrew 未夠 0400 就先行退席囉...
我地又傾下計又食下野再聽下歌，就拎左啤玩大 D 囉！
好明顯我係冇玩啦！天 D 事件又再一次講出唻...
慘慘的三年後既今日我仲俾人串緊呢件事囉 :'(
卒之睇佢地玩，又傾呀傾咁...我地停既時候已經 0600 喇！

收拾行李我地 06XX 離開 Wendy 屋企，各自返屋企...
我去左撘飛 Van，吹走全程囉！大鑊...好似想發燒！
撘到去九龍灣轉的士，返到屋企已經差不多 0700 喇！

返到屋企用極速執野沖涼洗頭，0745 再出過門口！
好勁囉！好彩冇人知我 0700 先返屋企！如果唔係死梗~
本來仲諗住去食個早餐，點知係食唔切架囉！激死...
實在太想飲杯柑桔蜜喇，因為喉嚨激痛，但係搵唔到 v_v
卒之買左支蜂蜜綠茶頂住先，0845 先上到 Head 囉！

今朝教 YFA，好彩班妹妹乖嗟！所以教得唔辛苦...
不過講完四個鐘頭書，個頭同喉嚨真係有點兒那個囉！
落堂之後落左旺角搵 Wendy 入石澳去 YMGC 2003！
其實入去時間唔耐，坐一坐囉！但係臨走既時候呢...
我同 Wendy 行左出海邊吹海風，個感覺真係好正呀！
幾 "支力" 都已經唔記得喇！0個刻完全唔想走囉！
真係要搵次走入去行下吹下風，好鍾意個感覺呀 ^.^

完左 YMCG 後約左 Jessie 出返旺角，攪掂晒0的野喇！
哈哈！我地之後去左新世紀間和庭食飯，唔錯架呢間野~
我地兩個都勁 "支力" 勁肚餓囉！食左勁多野...
慘慘喇！越唻越肥呢...近排發現自己肥左呀！點算 :'(

同 Jessie 食完飯就返屋企喇！返到去都係 2200！
已經有成 39 個鐘冇訓喇！個殼同0的內臟都散晒咁囉！
不過今晚都係冇得早訓架喇！因為仲有好多野未執呀...

>>October 31, 2003 at 11:54:50 AM GMT+8

2003 年 10 月 25 日 星期六 【晴】

星期六，聽日唔使返工，好野！
不過要一早起身教書...都咪話唔死......

今朝如常起身返工，放工即閃上 Head 開會，
師兄過左唻同我一齊撘 Van 上 Head，呵呵......
行到 Head 門口撞見師姐呢！三師兄妹一齊上 Head......
好正啊！呵呵 *o^ 上到 Head prep 定開會0的野，都冇時間食野......
好彩師姐幫我買野食 & Carrie 幫我買野飲咋！錫晒妳地呀 *.^

1430 開始開會，一路開呀開，開到 1730......
之後0的 UOs 留低問野傾下計，緊接又要開 DSM......
我連 U 都換唔切囉！全場係得我一個換唔切囉......激死！
不過奸奸的我開開下會走左去換衫，呵呵......勁！
換完衫個頭好似癲婆咁囉，之後繼續開會，開呀開開到成 2100！
連開左 6.5 個鐘會囉......破晒紀錄呀！之後仲有 Uniform Subsidy 拎 ~ Yeah *o^

開完會攪掂晒0的野落左樓下打爐呢！但係我同燕 & Daddy 2200 先走...
因為要趕下場啊，而我地既下場呢......就係 YM Faci. Gathering 喇！
我地飛的去 Wendy 屋企 join 佢地，去到佢地玩緊大富翁囉！
等佢地玩完既時候......我地0係度睇電視 & 食野囉......

>>October 31, 2003 at 12:14:36 PM GMT+8

2003 年 10 月 24 日 星期五 【晴】

縱使尋晚未夠 2200 返到屋企，依然 00XX 先洗白.....
洗完白個頭全濕咁走去訓，得到今朝起身既時候仲係濕架下！

今朝又係 0700 起身，一起身個感覺唔係幾好......
發瘟的未夠 0730 就出左門口喇，又撘 1A 勁訓，
結果未夠 0830 就出到尖咀，激早！仲去 Mc 記食埋早餐！
食完早餐返到公司都只係 0845 咋，又做開門0個個呢......

今日超級勁忙，做到想死！但係唔知點解......
做咩都好唔如意，拎咩趺咩、做咩亂咩......救命 >.<
雖然換左新 keyboard，但我都係覺得舊0個個好0的......
可能未慣啦~ 要俾0的時間自己好好適應下既......
Lunch 又同 Dor & San 去左茶軒食飯，好滿足呢！

今日個頭好痛呀！痛得好緊要！點解會咁架？

好想癲好想喊，但係時間同地點唔容許我做呢樣野......
正常左 3 個禮拜，我諗......睇唻都係時候回復唔正常喇！

>>October 24, 2003 at 3:11:10 PM GMT+8

2003 年 10 月 23 日 星期四 【晴】

尋晚又勁訓，起身沖完涼食埋藥又訓過......
0700 起身，刷完牙洗完面又訓過，0750 即起換衫！

撘 0810 班 13X，冷九又訓......呵呵~~~ 好滿足！
唔使佐敦轉的仲買埋早餐冇遲到，難得難得！
食完0的藥真係好辛苦，吽下吽下咁......勁難頂！

晏晝又冇帶飯，同 Dor & San 去左 Deli 食，超滿足！
不過下晝返到公司勁恰囉！0的藥真係好勁呀......

終於換左新 Keyboard 喇！哈哈......好野！

今晚同家姐慶祝生日，去左 Hyatt 食 Buffet......
好高興因為好耐冇食，不過冇胃口食囉......唉......
食完野 2200 未夠就返到屋企喇！因為走左去打的呢！

唔知點解，今晚個 Info update 極都 up 唔到......好難受！

原來年頭轉過棵膠桃花係真係有效架......
不過真係 "膠" 架囉！大家已經不停咁印證緊 -.-"

原來後兜係會有暗湧架......多謝同學*

>>October 24, 2003 at 11:35:14 AM GMT+8

2003 年 10 月 22 日 星期三 【晴】

尋日訓左一整日，晨早起床先洗個頭 & 洗個白！
洗完就 1A 返工喇！又係不停咁訓囉......

病病返工個人 "溫溫燉燉" 咁，全日就好似舊飯咁！
都唔係好知自己做緊乜，諗住聽電話點知打瀉左成杯水...
連個 Keyboard 都浸埋！唔係唔勁呀化......倒得出水囉 -.-"
渾渾噩噩咁過左一日，放工即返屋企勁訓......飯都冇食~~~

今日同人賭兩樣野，每樣一餐飯，不過兩餐都輸晒喇......
我乜都冇啦！慘慘喇......人地就高興得過囉...... >.<

估唔到連 1 + 1 x 2 我都會計錯......太過份喇！

>>October 23, 2003 at 5:15:19 PM GMT+8

2003 年 10 月 21 日 星期二 【晴】

討厭自己 ～ 講得出做唔到......何必攪到自己咁辛苦呢？

>>October 23, 2003 at 11:27:20 PM GMT+8

2003 年 10 月 20 日 星期一 【晴】

尋晚 "支力" 到嘔，未夠 12 點就訓左喇！勁！
訓得勁舒服，今朝 0715 自己起身，去左撘 1A 再訓！

經過尋日，今日個人好明顯完全散晒，身心疲累......
返到公司俾同事們話我個樣勁殘 & 唔掂呢，依然勁 "支力" 喲 >.<
除左0的內臟好似打散晒之外，今期個殼直頭好似爆裂左咁......
勁發冷頭痛頭暈肚痛樣樣齊，仲俾人話我面青口唇白呀下......
超級勁吽 & 呆囉！尋晚開始仲咳添，睇唻真係唻料！哈......自虐得逞呀！

Lunch 冇帶飯，由於唔舒服所以唔想食野，但係呢......
都係俾 Sandy 足左我落去買野食，卒之......食左個飯團囉！
下晝食完飯笑完以為好少少，點知原來都係一樣......
夜晚放工即走，因為買左飛睇 Show Up! 容祖兒演唱會！
(其實呢 ~ 如果唔係一早買左飛，我今日就唔會死頂返工......)
我地去左一平安食呢，可能因為晏晝冇乜食野啦......
所以呢......今晚我自己食左成個飯囉！勁！好犀利......

今晚個 Concert 好正呢！又好似當年0個個咁又有 K 唱囉！
大會仲有個紅色小心心既燈仔派，好得意架！不過呢......
"火羅" "火羅" 的我一路睇一路 Fing 既時候 Fing 左落前面0個行囉！
好彩有個姐姐幫我執番咋，勁唔好意思囉！因為唔知有冇整親人嘛......
好明顯得到係大家勁笑我囉！唉......真係超級勁 "火羅" 呀 >.<
今晚仲有 Twins & Boy'z 做嘉賓，好犀利呀......有成 4 個嘉賓喎......哈~

睇完 Concert 都已經成 233X 喇！本來諗住去尖東撘 13X 架......
但係行行下發瘟想繼續行，卒之行左出佐敦，不過途中又暈囉 -.-"
卒之行到嘉利大廈見有車就上，返到屋企都差不多成 0100 喇！

今日收到個 E-mail 係講唔同月份出世既人唔同既特質，
睇到自己個月份既時候，好似講得幾準咁......哈~

Loves to joke. Attractive Suave and caring. Brave and fearless.
Firm and has leadership qualities. Knows how to console others.
Too generous. Extraordinary spirit. Easily angered. Angry when provoked.
Observant. Careful and cautious. Thinks quickly. Independent thoughts.
Loves to lead and to be led. Loves to dream. Talented in the arts, music and defenses.
Sensitive but not petty. Poor resistance against illnesses. Learns to relax.
Hasty and rusty. Romantic. Loving and caring. Loves to make friends.

不過呢......好明顯我係冇 Loves to dream & Learns to relax 架囉！

>>October 21, 2003 at 1:28:10 AM GMT+8

2003 年 10 月 19 日 星期日 【雷雨】

今個凌晨本打算刨左本 Faci. Handbook，點知......
睇左幾頁就訓左著喇，佢仲陪埋我一齊訓覺添呀 -.-"

激早起身，校鬧鐘 0545，實際 0605 起身...... OK 啦！
本來約左師兄 0640 觀塘等，但係因為著 U 麻煩......
所以呢，之後改左 0650 彩虹，等我仲 "he he hur hur"......
的埋落去，點知師兄遲到囉！早知我唔咁趕啦......

0710 左右到 SKM 地鐵站，約左恒生銀行等......
但係原來佢0個度係冇恒生架囉！哈哈......勁攪笑！
好明顯，大部份既人都遲到囉！仲要俾人串 "AU 係準時0的架"...
之後我地去左食早餐，朝早已經笑到癲左，不過著住 U......
當然要保持番少少儀態啦！我地食完野就上學校喇！

今年又係教 HSL，好彩佢地個個都好乖嗟，仲好攪笑架！
好明顯......成班不論 Faci. 定同學都係傻架囉！玩到丫......
佢地今年玩 Bingo 0的問題真係幾嚇人，無啦啦問人擇偶條件囉 -.-"
教左幾年今年教得最滿意 & 高興喎！雖然好 "支力"......但好滿足！

1700 完 Course，換番便服就走人喇！之後呢......
我同 Tracy、愷盈 & 燕去左行又一城，好耐冇去過喇！
其實真係好吸引架，不過因為個袋袋太重喇，所以冇乜心機睇野！
只係 "係咁二" 行下，但個感覺都唔錯呀！因為又同自己玩作對嘛......
個人越 "支力"，就越要迫自己行，越唔想返屋企......哈~~~~~~

行完之後我地 join 埋伍氏伉儷，行左過南山村食飯......
我地又去左品香樓呀！今次好犀利呀，0的野食唻一碟清一碟！
好勁好勁 ~ 食晒！因為大家都好肚餓 & 佢0野好好味呢！呵呵......

食完野我同燕又行返過又一城，再逛左陣先去撘車......
返到屋企都係差不多 2200，勁早呀！哈......不過真係好 "支力"！

頭先食完野無啦啦落雨，一路落雨照行出去淋個感覺真係好正！
尤其0係好 "支力" 既情況下，真係一流呀！好舒服呢......

>>October 21, 2003 at 12:52:11 AM GMT+8

2003 年 10 月 18 日 星期六 【晴】

洗完白 01XX，好不穩定！無啦啦走左去吹頭...哈...
縱使好 "支力" 但都唔想去訓，又同自己玩作對遊戲......

突然諗返起 Year 2 年頭既自己，每方面都好冇方向......
近來呢種感覺好強烈呢，我諗係其中一個導致 PAD 既原因......
跟住又變番好似 7,8 月咁？確係唔太想架......不過 feel 到自己會囉！
我諗我會好好咁控制一下自己既，唔可以俾自己崩潰架......
有0的野......既然冇把握，點解仲要咁執著呢？倒不如放棄吧.......

凌晨時分最鍾意 update 人地 info，呵呵......發現左0的0野！
早前放0係 info 既一句說話竟然俾某同學 copy 左落佢 info 呀！
冇諗過......會有咁既事發生！更冇諗過......會係呢位同學！好好笑......

太夜訓之後，得到係今朝唔願起身，成 0800 先起身囉...... -.-"
當然係用飛快既方法返去啦，因為今朝要返去開門嘛......
返到去即叫早餐，呵呵...好滿足！今日大家既做野意慾都好低呢...

話說今日 Bobo 講開想唱 K 既時候，發生左一個笑笑小插曲呢......
因為佢講話想去加拿芬間 Green Box 唱 K，點知佢講左.......
「去加拿芬間 Evergreen 唱丫」哈哈哈......勁攪笑呀！

今日放工之後要 OT，O 到成 15XX 先走......飯都未食呀！
離開公司行到海防道已經見暈，立刻衝左入間茶餐廳坐低......
食左個三文治做 Lunch，不過依然敢死去飲凍奶茶架下......
食完野以為自己冇事，仲走去遊左陣街，遊到 Park Lane 尾段又暈過，
之後就行左去佐敦撘車喇！撘車期間想訓但訓唔到，好彩......
梅佬中途打唻同我傾電話嗟！呵呵......唔該你啊同學！

其實本來見暈諗住返屋企，但基於某0的原因......都係唔返！
卒之去左德福行街，行行下媽媽唻左 join 我，行街 & 食飯......
買左對黑藍 Air Force，好野！好耐冇買過波鞋喇！呵呵......
行完街食埋 Deli. 都已經差不多 21XX 喇！個頭依然勁痛......唉......
聽日 CMT 0的野乜都未睇乜都未 prep，仲話早訓喎......0徒氣囉！

唔......一路都冇留意，原來真係有意思架！
謎底終於都解開喇......不過１Ｄ 都唔值得高興！
時間呢個問題，真係一個好大既問題......
既然已經有左決定，點解仲要繼續落去呢？

>>October 21, 2003 at 12:50:38 AM GMT+8