2004 年 4 月 1 日 星期四 【晴】

愚人節快樂啊！今日真係好似玩緊自愚呢......

續尋晚既唱 K 食飯飲野傾計聚會，我地由 18XX 踩至 03XX 呢！
都咪話唔勁喲！呵*** 計落仲堅過返工添呀！離開格蘭一的落左旺角......
大家就各自歸家喇！返到屋企......已經差不多 0400 喇 -.-"

返到去開電腦，見到 Bobo 在線，同一時間原來佢已經洗左白囉！
而我......係0岩0岩返到屋企呀！會唔會由旺角返大埔會快過返觀塘先？
同佢講完幾句到我去洗白，洗完既時候王太起左身，"哦" 左我幾句......
之後我就一直對住部腦直至 0615，初初諗住唔訓架......但係頂唔順，訓左！

0615 訓到 0815，叉左兩個鐘頭電又要返工喇！
朝早異常精神，仲可以清醒地同人吹水發癲0個下先勁！
今日俾人起底，哈......雖然好無奈但係勁攪笑囉......
話說 Mr. R 問：「喂！你幾多歲呀？」嚇親後我答佢：
「下？你咁問既？點答你呀？你一係俾個 Range 我答你係定唔係啦！」
Mr. R 諗左陣，問：「咁呀......21-22 囉！」聽完之後唔係唔呆呀~
會唔會係 Range 係 21-22 先？哈哈哈哈***** 不過呢......
Finally 證實左佢係大過我架！呵呵呵呵***** 估唔到喎真係！

放工又過左 HO 開會，今晚開 JU Co.，準備開會既時候......
問錯野勁 "火羅" 囉！好勁的今晚 2100 就開完會喇！YEAH~~~
開完會同 Din 一齊走，一路行一路傾，我地由 HO 行到落天后囉！
著住對跟跟鞋都可以行得咁多，好叻叻啊！今晚傾左好多野......
平時同佢都係玩多，除左開會之外，今次都係第一次咁認真地傾計 :P

傾完計，就 601 返屋企喇！好好好 "支力" 呢，要返去繼續叉電！

>>April 2, 2004 at 10:03:36 AM GMT+8

2004 年 3 月 31 日 星期三 【雷雨】

晏左起身，打的返工！大鑊喇......打的現象又再出現 v__v

今日......不停做野！仲有研究下個 Access，又俾我發現到0的野！

放工，同而家 & 舊同事們去左格蘭 Green Box 唱 K，好 OK 喎！
個 Buffet 唔錯，但晚餐唔得！整體上 OK 架，好在平過 Neway 囉！
繼星期一唱 K 既「如果有位」事件後，今日又有另一傑作......
話說點緊歌，我同 Step 話要唱《逆插玫瑰》既時候......
Bobo 竟然聽到我地講要唱《勁插玫瑰》囉！會唔會係勁插先 -.-"

>>April 1, 2004 at 12:46:18 PM GMT+8

2004 年 3 月 30 日 星期二 【颱風】

經過尋日既唔開心事件，今日撘 0830 班車都堅持撘到尖咀先落......
仲要買埋我最愛既火腿蛋三文治早餐先返去添，哼......

返到公司努力地 "逗" 埋份 Minutes，最後都係決定聽日先完左佢！

今晚放工要過 HO 上 HIV/AIDS Instructor 個 Workshop......
離開公司既時候落毛毛雨，以為冇事啦！仲懶係慳錢咁走左去撘船，
點知 "lai" 晒野，上船既時候冇啦啦落狗屎，心知不妙......去到中環仲勁！
卒之冇得行過去，變左打的過 PP 搵 Bo Bo 姐，因為佢有遮嘛......
去到先買野食醫肚，買買下收到 Bo Bo 姐電話，原來佢把遮都漏左0係學校 -.-"
最後，我地就打左俾秀文喇！哈哈......好偉大的佢特登拎左兩把遮唻接我地呢！
不過就算有遮我地都係成個人濕晒囉！因為實在太太太大雨喇......

今晚 HO 除左我地之外原來仲有 FA Lecturer 既 Briefing & 開 GT Co......
所以見到勁多人呢！有阿旺啦、大佬啦、少雯啦......呵呵***
而我0個邊呢，都唔弱架！度度都有0的人，我地個個都玩到癲晒囉......
完左 Workshop，離開 HO...... 就去撘 601 返屋企！想好好訓一覺！

>>April 1, 2004 at 10:44:45 AM GMT+8

2004 年 3 月 29 日 星期一 【晴】

又係星期一喇！辛苦埋呢個星期下個星期可以抖下 :P

星期一開會已經成習慣喇，放工又要留低......
今晚一樣走唔甩，仲諗住會好似上個星期咁快啦......
點知今晚開到成 20XX 囉！勁眼訓、勁急、勁救命 -.-"

晏晝 aifaye 同學打唻撩唱 K，哈哈*** 佢成功左呢！
我開完會就過左去 join 佢地喇！唔知係咪生意問題......
原來而家好幾間 K 都唔限時間唱喎，咁著數既？
今晚兩位男士唱歌唱得勁開心囉，不過我地就唔弱......
係咁點歌，點點下點到 Full 晒！Yeah ~~~ 呵呵呵呵***
話說梅先生拎住個 Remote 揀歌既時候，鍾先生話：
「《如果有神》丫唔該！」點知佢得到既回應竟然係：
「如果有位啦！」大家即時 focus 左去梅先生度囉！
唔係唔好笑呀化？咁都講得出既，果然係無限創意，勁呀 *o^

唔......近呢兩次唱 K 唔錯，上次狂嗌，冇唱到其他歌......
今日呢，雖然我唱得 2 個幾鐘，但係唱返上次想唱既歌喇！
兩次都好滿足呢！哈哈......後日，仲有我呢兩個星期既第三次！

>>April 2, 2004 at 10:31:52 AM GMT+8

2004 年 3 月 28 日 星期日 【乍雨乍晴】

尋晚早早訓覺，避免悲劇再次發生！訓得太多訓唔著......
好彩 ~~~ 有《獨照》陪我訓 *o^ 至於今日......行程如下：

[ 0730 - 0815 ]
某人晨早用某人既電話打唻嗌我起身，仲以為我唔知佢係邊個！
呵呵**** 好彩我聰明！我係知道架......哈哈哈哈****** 起身后......
刷牙洗面洗頭吹頭換衫走人，今日個樣......恐怖得很啊 >__<
加上上星期晚晚勁早訓，而家？成面勁爆......瘡呀！唉~~~~~~

[ 0815 - 0900 ]
落到觀塘買左個麥記早餐，一邊撘巴士一邊食！好味 *o^

[ 0900 - 12XX ]
溫書，上 Rescue Instructor Workshop 呢！遲0的要教書啊！
不過今日溫書既時候......發現自己0的野都已經冇左 7788 喇......

[ 1300 - 1400 ]
的落左太子聯邦飲茶，因為 Na Na 今日牛一，我地一早打俾佢......
叫佢出唻飲茶，呢餐茶人數多至 14 人呢！包括：Na Na、師兄、Andrew、
我、Natalie、詩、濠哥、康、小丙、Tracy、Louisa、Carrie & 伍區長...勁呀！

[ 1400 - 1800 ]
3 班半既 YFA Exam，大家都考到嘔晒血囉，救命 -.-"
考考下仲 "邀請" 左姨姨去買下午茶，非常豐富的有燒賣、薯條 & 雞翼呢！

[ 1800 - 1900 ]
考完試後發癲、清 T3、清下午茶食淨既野食......好 Full！

[ 1900 - 1945 ]
又的落新世紀，買飛睇戲、行街.......

[ 1945 - 21XX ]
睇《見鬼２》呀！繼《地下鐵》后都未睇過戲喇 v__v
預告片時間睇到《救命ＫＯＭＡ》個 Trailer，好吸引！
下個目標，呵呵....... 4 月 20 號......一定要睇呀！

[ 21XX ]
離開新世紀，行去撘車返屋企！

>>March 29, 2004 at 5:37:54 PM GMT+8

2004 年 3 月 27 日 星期六 【乍雨乍晴】

尋晚飲完野 00XX 先離開尖咀，撘 1A 返屋企......
點知訓過龍喎 -.-" 攪到0徒左 1X 分鐘行返屋企！

返到去勁頭痛，即刻洗白......洗完確係好左......
之後坐左陣電腦前，接著......頂唔順......要訓覺呢！

一早計劃好，今日要逃 & 帶班 JU 去血庫參觀......
點知昏迷左，到 12XX 先醒......但本應係約左 0900 油地囉！
真係失策囉今次，一起身 Missed Call 達至廿個囉...... -.-"
咁樣昏迷法都係第一次，以後要好好控制一下自己呢......
死喇！今日真係好好好唔好意思呢，希望冇下次啦......

最後......今日全日呆左0係屋企，當休息一日啦！

>>March 27, 2004 at 9:27:48 PM GMT+8

2004 年 3 月 26 日 星期五 【乍雨乍晴】

呢個星期晚晚都好夜訓，唔知係咪因為咁所以攪到唔舒服！
今朝一起身個頭勁痛，初初仲諗住 SL 一下，點知呢......
突然醒起今日有姐姐唻 2nd In......美夢幻滅，即刻起身返工！

返到去 1015，做左一輪野，發現唔對路......原來呢......
姐姐個 2nd In 係下晝 1600 囉！激死我喇！早知下晝先返啦 -.-"

今日 1700 開 Management Meeting，當然一如以往......
唔係準時開啦！今次算唔錯喇，1745 就開喇！呵呵呵呵***
不過呢......又係開到夜一夜囉！今晚......開到 2000 完會！

開完會坐多陣就走喇，尋晚同 Inty 姐發瘟話今晚出去劈......
當然最後係成功啦！哈哈*** 放工落樓下 join 左佢去金湖食野，
食完上左雅仕飲野，我地好耐冇一齊飲過野喇！不過好攪笑......
去到佢播左一大堆 K 歌，我地不約而同地話：「我地應該去唱 K 囉 -.-"」

我地由 20XX 坐到 23XX 走，飲淨一枝...因為大家都飲到個肚超級勁脹囉！
真係前所未試呀！都係第一次飲到脹左...仲要勁清醒0個隻！脹到咁......
我寧願醉住唻脹囉，勁辛苦！本來仲諗住下場去睇戲，點知......
Check 到最尾0個場都係 2155 囉！So......冇得睇......Finally 呢......
我地去左麥當當食薯條呢！哈哈哈哈*** 好好味呀！但勁攪笑囉！
會唔會兩個人飲完野肚勁脹之後竟然走去食薯條囉？好好笑...... *o^

今晚呢......好滿足！可惜既係唔可以征服埋0個枝 "Green Island"......
仲有睇唔成戲，不過最大既問題係......我地大家都著唔夠衫囉 v__v
成晚係咁狂嗌凍，條行又冇乜人喎......得返我地0係度係咁行......
不過好奇異的，點解星期五既晚上 & 深夜竟然冇人0係尖咀呢個鬧市行既？

>>March 29, 2004 at 4:43:47 PM GMT+8

2004 年 3 月 25 日 星期四 【晴】

尋晚又冇食飯之後開會再返屋企，今次醒目......
返去唔敢食野，如果唔係0岩0岩好飯個肚又痛過！

今朝呢，又 0745 先起身......好彩趕得切撘巴...轉的！
返到去食左好耐冇食既吞拿魚三文治，開始工作......
朝早很忙，飲水去 Let 完全冇時間，下晝先叫好少少......

本來今日放工之後約左 Carrie 去睇《20.30.40》呢！
但係後尾佢因為牙痛，去左睇醫生，所以呢......冇得睇 v__v
跟住師姐0係我一收工既時候打唻，撩去食飯！呵呵......
0係大家都唔想返屋企既情況下，呢個係一個唔錯既選擇！

等師姐覆電既期間落左樓下行街，0係 Muji 買左條裙.......
哈......好靚的！又唔算太貴，最緊要係0岩心水嘛......買！
買完野返左上公司拎遮，然後同契媽一齊走，再落旺角......
落到旺角師姐未到，又走左去再行街，又買左對閃閃耳環！哈*

師姐到左之後，我地去左味千食飯，好滿足......
食完野過左新世紀，之後 Wendy 唻左 join 我地......
去左 Delifrance 傾計，講開大家各自既財政問題......
真係要好好咁諗下......點樣可以儲到更多 $$$ 呢？
坐到人地執野，我地去左 "行" 商場，行到0的舖頭都閂呢！
今晚呢個 Combination 都好似未試過呢......好得意啊~~~

下個目標，我地要去......Strawberry Forever 呀！期待~~~

>>March 29, 2004 at 4:17:24 PM GMT+8

2004 年 3 月 24 日 星期三 【乍雨乍晴】

尋晚卒之差不多 0400 先訓，今朝呢......
掙扎左好耐，唔肯起身......攪到 0815 先起！
當然最後係獎勵自己，打的返工啦！哈哈***
話時話，我撘左咁多次的返工，都未用過 aifaye 個電話...

返公司前仲去買埋玫瑰小龍蝦三文治，真係好好味！
今日朝早同上半個下晝0係度瘋狂勁打 Minutes，好犀利！
個腦竟然冇閉塞，0的英文出得異常既流暢呀！好奇怪......
流暢還流暢，但係呢......個頭勁痛 & 勁暈囉 x__x

放工撘船過中環再行過 HO，得閒自己靜下行下個感覺真係唔錯！
過到去都未夠鐘，仲有時間同大家嘻嘻哈哈左一大輪......哈*

今晚開會既情況好大差別，一係就笑到癲左，一係呢......
就全部都唔出聲，靜到咩咁！好攪笑囉！初初係咁話 2100 散！
到最後當然......唔得啦！不過都係 2200 嗟！好過之前~~~~~~
臨走時勁攪笑囉，大家將阿秀既「唔好 "DIN"」加 YY 既 "手語"...
整左個新笑話出唻，下次有 EHLI 既聚一定要宣揚開去啊！呵呵呵呵*

這 星 期 我 的 新 寵 ， 有 以 下 兩 樣 ：
* 我 最 愛 吃 的 糖 果 ： 必 理 痛
* 我 最 愛 塗 的 香 水 ： 白 花 油

>>March 25, 2004 at 4:18:13 PM GMT+8

2004 年 3 月 24 日 星期三 【乍雨乍晴】

尋晚 2300 未夠返到家，抵達後第一件事...... BOOT 機！
要玩就要付出代價，所以成晚都坐0係電腦前面，瘋狂咁打呀打！

早場 0045 收工，抖左陣溫左陣 F&B 再洗埋個白......
差不多 0200 先返到埋腦前，因為姐姐呢個晨又要做功課 -.-"
努力過後，仲有 around 10 pages 未打，我決定......聽晚繼續！

臨走前 check 下0的 Message Boards，當然依舊......冇乜人去 v__v
突然發癲想轉下 Homepage 個板面，直既用過、橫既都用過......
有冇邊位電腦高手可以俾0的高見或者過幾招唻，等我玩下新野呢？
以前同最近都有人同我講話用 Flash 整 Homepage 正，有0的興趣呢.......

17 度既凌晨.....我竟然仲可以著住件 T-shirt 周屋走，好凍 >__<

>>March 24, 2004 at 2:54:30 AM GMT+8