2003 年 11 月 29 日 星期六 【晴】

尋晚過完荃灣拎埋野返到屋企都已經 0030，中途勁講電話，
講到就唻冇晒電囉！返到屋企再傾左陣，先捨得去洗白白......
尋晚同 Ken 講電話既時候 "火羅" 左囉！唔記得講開0的咩......
我唔覺意將 "力水" 講左做 "水力"，之後就俾人勁串囉......
然後再講電腦 & 計算機既問題，又俾人再串囉！勁難受 -.-"

洗完白白之後去左整相 & 整歌，勁滿足！我終於捨得 upload 星期日0的相喇！
不過我部機既速度真係令人感到好難受囉，我攪掂晒所有野都已經成 04XX，
整 & 等待既中途見到梅同學 online，之後同佢 chat 左陣就轉左傾電話喇......
傾到我攪掂晒返埋房執好晒野準備訓先收線，不過0個時都已經差不多 0500 喇！

今朝又唔願起身，卒之媽媽0係廳打電話去我手提叫我起身囉！好一招新招！
之後 13X 出尖咀，0845 出到去，好凍呢今日真係，我又著唔夠衫喎......唉.......凍死 >_<

返到公司冇耐收到 Gary 既 E-mail，等左成晚喇！呵呵......勁高興呢！
因為佢 send 左佢細佬張相俾我睇呢！得三歲架咋，真係好得意架！勁 cutie 啊 *o^

今日放工有好多人唻接我，有燕、愷盈、Tracy、芷萱、Louisa 姨姨、小時、
嘉豪 & 梅佬，其實係因為同燕 & 愷盈影畢業相，中場唻我公司樓下食飯咋！
佢地食飯既時候我同嘉豪去左行 Muji，買左棵好靚既白色小形聖誕樹呢！好靚架 *o^
之後我地就打的過左 Poly 影相喇！去到 1400，影到成 1730 咁滯囉！好犀利！
我地除左影人影景之外，仲不停咁同0的公仔影添呀，勁攪笑，佢地勁得意呀 *o^
中途 15XX 我地去左 Poly Staff Can 食 Tea，食左一般多野，六個人都係 $66 咋！

同佢地影完相我就 101 過左金鐘，因為今晚要去幫手招呼廣州紅會既人，
又係好似舊年咁，除左我之外仲有 Daddy Andrew & 曦雯呢！仲見到 MoMo 呀！
最攪笑係佢地0個邊竟然有人認得我囉！弊喇......俾人點相話我玩得好癲添！
個交流晚會 2200 完，清埋場 around 2230 先離開 Head Office 呢！

離開 HO 同 Daddy 一齊地鐵出旺角，之後 join 左阿 Jei、B 仔 & Tom 呢......
我地本來諗住去飲野，有人介紹去間 Full Cup Cafe，佢個中文真係叫 "呼吸" 架！
點知上到去冇位，咁諗住轉陣地啦，但係行行下我撩左大家去影貼紙相囉.....
我地落左銀城影，又試左新機呀今晚，係 Hamomimi 機呢！勁靚呀！哈哈哈哈......
影到尾既時候，"呼吸" 有人打唻話有位問我地仲要唔要，終是我地就折返上去喇！
去到我地坐左0係露台位，唔好講笑，超級勁凍囉 >_< 不過佢個環境真係唔錯呀！
坐到差不多 0100 我地就走喇，因為真係好凍呢！唔該一定要搵次再去過呀！

>>December 1, 2003 at 12:51:58 PM GMT+8

2003 年 11 月 28 日 星期五 【晴】

離開 Neway City 之後同黎主任一齊打的返屋企，呵呵~~~
返到屋企都係 0030 左右，不過以我一貫既作風呢......
攪掂晒野去訓覺既鐘數又係 03, 04 0個0的囉....... -.-"

今朝又唔知醒起身，成 081X 先起，咪又伸手囉！唉.......
聽朝誓要知醒起身呀！成個星期加加埋埋已經的左就唻 $300 囉！

呢幾日返工，一係就勁忙、一係就勁閒，好奇怪.......唔係好中意咁！
放工之後都係即走，先同 Dor 去左 Extravaganza 買禮物 & 行街街......
佢走左之後我就去左逛 City Super & 去 Page One 睇書，因為未夠鐘！

今晚約左 Jessie 食飯呢，後尾 Wendy 都唻左，我地呢.......
去左堪富利士道0個間和民食，我 1930 去到等位等到 2100 先有囉 -.-"
等左勁耐 & 激肚餓囉，一坐低我地就不停咁話食呢樣食0個樣......
卒之我地 total 叫左 3 round 野食，計埋甜品成 4 round 囉！好犀利！
當然唔少得又係影相啦，係咁玩自拍囉我地！攪到 Waiter 哥哥以為我地要幫手~
食完飯大約 2240，埋單一人都係 $110，好抵呢！之後我就過左荃灣拎野喇！

>>November 30, 2003 at 6:05:37 AM GMT+8

2003 年 11 月 27 日 星期四 【晴】

尋晚係咁傾呀傾，卒之傾到成點先走，真係傾左好多野......
走0個陣仲以為冇車撘，原來仲有地鐵，尾班車返觀塘係 0111......
所以好安心咁落去撘，但係等左勁耐先有車囉，有冇攪錯......

0係個月台等等下車既時候梅佬打唻，佢已經返到旺角囉 -.-"
佢真係勁快，早知聽佢講出旺角轉 Van 啦！不過唔緊要啦......
起碼佢同我講電話由九龍塘講到返商場 7-11 丫，勁偉大呀！呵~
本來已經返到樓下架喇，點知姐姐打唻話好肚餓，所以走左去買野食！
返到屋企約 0130，OK "支力" 啦！送左禮物俾姐姐執埋少少野就去洗白喇！

今晨洗白前照左照個頭，發現自己多左好多白頭髮呢......
最慘既 "meng" 極都有！卒之決定唔 "meng"，遲下一定要去染左佢！
真係好犀利，點會多左咁多架？以前都冇咁勁......好恐怖囉！究竟我做過0的咩呀？

差不多 0400 先訓，都已經估到自己今朝起唔到身，中晒啦......
0805 先起，乜都趕唔切囉......So......又 77 左出尖咀，唉......大鑊大鑊~

今朝0的時間過得好正常，呢兩日做野既時候唔知係咪整親隻手，好痛 >.<
晏晝同 Dor 去買飯盒，買左個假既茄汁豬扒飯 (其實係素食) 返去......
仲去左 7 仔買野飲 & 阿華田雪糕......勁高興！一人一個 ~ YEAH *o^
今日 Sandy 放假，所以得番我地 4 個，成個 Lunch 大部份時候0係度進行討論，
討論一個 29, 30 既數學問題，好明顯除左 Dor 之外，大家都好正常架！

完 Lunch 冇耐，同 AT 既 Gary 講電話，佢話我知我頭先買既新野飲 -
"冰極檸檬綠茶" 係唔好飲架......慘~ 好彩買左一枝嗟，初時仲想買兩枝.......
不過我仲未試呀，遲0的先啦......可能我會覺得好好飲呢......呵呵~~~

放工去左買 boots，呵呵！當然係買左尋晚 b + ab 試新0個款啦！好貴喲 >.<
不過算啦，好難得會見到靚又著得靚架嘛......加上都係自己俾一半嗟~~~Hehe~~~

買完野過左金聲 join Tracy，今晚係我地人力資源發展小組(前線職員組)既重點發展項目 -
卡拉 OK 大聯盟既大日子，當然會齊人啦！哈哈哈哈......不過得我地兩個準時囉！
食左個丸子，之後就去 Neway City 喇！今晚唔算好多人，加加埋埋 11 個囉有......
包括以下同事：伍氏伉儷、小丙、翠瑚、Tracy、燕、少雯、Kitty、濛哥、Louisa、同埋我！
雖然唔係好多人，而且每個單位都有代表呢！玩得勁高興之餘笑到傻晒囉......
跟住有個位又勁影相，因為燕帶左袍 & 影大合照嘛！0係 K 房影畢業相都係第一次囉！
唱到尾段既時候大家都已經開始搵懷舊高興歌唱，一如以住大家都係中意揀以下呢0的......
火熱動感 La La La、熱力節拍 Wou Bom Ba......呢系列既歌！但竟然有一首歌難到大家，
呢隻就係當年好多寶麗金歌星一齊唱，個 MTV 係好多紅色油罐當鼓打咁既呢......
大家諗左勁耐都諗唔到，於是我地搵左個 waiter 哥哥問，點知我地同佢形容完一輪之後，
得到既答案係：「我得 19 歲架咋，我應該唔知囉......」接著佢就行左出去......
幫我地問一個比較年長少少既清潔糾察，呢個糾察好到幫我地打去 "打碟部" 問囉！
經過一輪周圍問之後，終於俾少雯問到佢個朋友，原來0個隻歌係《鼓舞飛揚》囉！
說時話，今晚好多歌我地都唱左兩次或以上，好明顯大家由未聽過變到已經識唱囉......
最攪笑係當我地唱第三次《好心好報》既時候，黎主任同芮區長兩位話我地 "又唱"......
點知呢句說話過後，得到係要佢兩個合唱第四次，但係佢地唻之前係完全未聽過架囉！
出唻都唱得好正呢！兩位果然犀利，平時唔覺唔覺，原來兩個唱歌都好好聽架 *o^
我地由 1915 玩到 0000，今晚真係好好玩 & 好高興呢！唔知會唔會有下次呢？

>>November 29, 2003 at 10:18:52 AM GMT+8

2003 年 11 月 26 日 星期三 【晴】

尋晚撘車既時候同 aifaye 講電話，講到返屋企樓下......
返到屋企放低袋又傾過，今次就分別同 Kitty & 小丙傾......
其實真係好中意同佢地傾計，因為過程中會得到好多野......
不論係學到野定係得知自己既轉變都好，總之個感覺好好啦 ^_^

傾完電話已經 0200，之後再去沖涼洗頭，攪掂0的野都已經 0245......
再 check 埋部腦，成 03XX 先去訓，真係好 "支力" 喇......
卒之乜都冇執，鬧鐘又冇校，玩玩下個電話既時候訓著左......
到今朝 0745 自己起左身，好犀利囉呢下，邊有可能我會自己起身......
之後先發現原來唔覺意咁訓著左，電話唔見左......俾我訓左入個被竇度囉 -.-"

其實 0745 起身有足夠既時間可以去撘巴士，但係今朝真係好唔舒服......
加上中晒既時候，我選擇左慢慢唻再撘的士囉！越唻越覺得自己敗家 v_v
返到公司繼續唔舒服，仲要痛足一整日......點解會咁架？好辛苦呢真係......
連啪兩粒 Panadol，蛇左入房扒左陣，情況依然令人想死......真係好痛~
下晝有 Leave 既衝動，但係到最後都打銷左呢個念頭，費時啦......

晏晝去左飲茶，同 Mida 補祝生日，本來總共有 8 個人去......
點知叫晒野唻晒既時候有兩位話趕唔切唔唻喇喎！得番 6 個......
大家即時就係諗0的野一定食唔晒囉，到最後又用番一貫既處理手法 -
就係 "十五二十" 分左佢，唔好講笑都剩番幾多，好彩的我冇事囉......

下晝做返早幾個月0的 Leave Record，一路做呀做令自己忘記痛楚，
當然......係唔成功架啦，唯有飲下熱野暖下佢等佢好0的啦......~~~
放工之後本來諗住即走，點知唔記得 print 野要開返機整囉 ~ 白痴左！
卒之 182X 先走，之後落左樓下搵叔叔，因為佢同同事唻新港食飯，
所以走既時候去左搵佢，同佢見一見面，哈哈......之後星期日再見呢！

離開新港過左 Tom Lee，本來諗住買飛睇除夕夜 Twins 既倒數演唱會，
但係已經全部 full 晒喇......冇得睇！不過買左飛睇《酸酸甜甜香港地》呢！
買完飛去左又一城，約左 aifaye 同學，其實今晚約左佢同梅佬傾計......
但係我叫左佢陪我去試 boot 呢，b + ab 又出左對新既長 boot 好靚靚呢 *o^
之後又去左 Shiseido 買遲來的生日禮物俾姐姐，當然自己都有入貨啦，
糧尾仲係咁打的加買野，下個月真係要勁慳喇！不過仲要去玩呢......

梅同學0係我買緊 Shiseido 既時候到達，所以買完野之後我地就去左食野喇！
由晏晝講到見面，到最後我地係去左麥當當食餐囉！佢個粟米湯勁正呀 ^o^
食完野繼續坐0係度傾，但係傾傾下勁凍，於是轉移陣地去左 PCC，坐得勁舒服！
不過坐到 2300 佢就清場喇......又要走！卒之我地走左去歌和老街公園......
坐左0係個涼亭度又繼續，傾到 22XX Daddy Andrew 唻埋 join 我地一齊傾呢！

呢個星期變左 "傾計週" 咁，日日都同唔同既朋友傾計，好攪笑 ^_^
經過今個凌晨，個人好似輕鬆左，但係其實亂左好多......不過算啦！
唻緊呢個星期日要俾自己好好休息一下......多既休息唔得，一日 OK 卦！

>>November 27, 2003 at 10:24:35 AM GMT+8

2003 年 11 月 25 日 星期二 【晴】

送完 Bi 走本來諗住撘巴士返屋企，但實在太 "支力" 喇...
所以又走左去打的，破產期間打的，傷上加傷呀真係 v_v
返到屋企都係 0015，勁快！呵呵呵呵~~~~~~

返到去即刻沖涼，攪掂都未夠 0100，跟住用電腦啦......
真係用到火都唻埋，恨不得打爛佢呀！激死我喇 >.<
會唔會打一句中文句字要等成 30 秒先出得晒0的字囉！
太過份喇......好想換機好想換機好想換機......不過冇 $$$ 呢~~~

用完腦執下野，攪到成 0300 先訓，勁 "支力" 囉......
今朝又搵人 morning call 我，不過 call 完我又訓過囉......
訓到 0740 起身，起身既時候 feel 到個膊頭酸到扒0係度 >.<
即刻拿拿淋走去刷牙洗面換衫化粧出門口，0800 就走左喇！
難得今朝成屋人都0係度囉！因為今日係姐姐既畢業典禮呀 *o^

今日帶左飯，留0係公司食，大家都帶晒自己以前0的相相返唻，
講左幾個月今日終於都帶晒喇！勁攪笑囉，全個 Lunch 就係睇 & 笑......
大家以前個樣真係......哈哈哈哈......好好笑囉！仲好難受添......

放工上左 HQ 開會，我一路都以為開 1900 原來係 1930 囉！
勁 "支力" 的 ～ 撘車上去既時候又訓著左，差0的唔知醒落車囉 :P
開會開到 2100 左右，之後等埋 Louisa 我地落左去食粥......
食完粥同燕落左旺角行左陣 & 傾計，23XX 先走，又飛 Van 返屋企~

>>November 26, 2003 at 12:14:35 PM GMT+8

2003 年 11 月 24 日 星期一 【晴】

0000 0係大角咀行返出旺角撘 Van，平時呢......
既唔 "支力" 又冇乜野拎既時候，話咁快就行到出去！
但係今晚......勁 "支力" 又拎住一袋二袋，行極都未到囉！

經過尋日一日既勞碌 & 發癲，真係 "支力" 到極點......
加上上星期健康生活左一個禮拜，今日簡直想死 >_<
今朝鬧鐘 0700 開始響，熄左佢之後又繼續係咁訓......
到梅佬 morning call 我既時候已經 0800 喇！唔係唔大鑊呀化？
即刻彈起極速刷牙洗面加換衫，都 0820 先出門口......
但可惜都已經太遲喇，又的左返公，呢個月0的的士錢好甘呀~~~

晏晝同 Teammates 開左個 MSN Chat，講開我......
大家都覺得我放完假之後返唻 "ｐaｉr" 左好多囉......
講真我自己都覺既，放完假返唻成日都唔想返工，
仲要 1800 放工即閃，然後即返屋企訓覺！原來呢......
俾自己休息得太多真係唔係一件好事，得到一個反效果 =_=
冇辦法 ~ 我係一個不折不扣既 "Ａ+" 人，犯賤呀真係......
係時候要同自己做番個 Ｅ，問題真係越唻越嚴重......
與此同時，感激咁多位同我 Ｅ 過既戰友......

放工之後留左0係公司開會，今晚早左開所以可以早走！
本來應承左話返屋企食飯，但係趕唔切啦...... -.-"
跟住即時 MSN 興起同 Bibi 約去飲野，成功架係！呵呵......
離開公司地鐵過九龍灣，落到地鐵站撞到 Ken 囉，勁邪~~~
去到德福 2120，點知 Bi 姐未走，所以去左食個雞餐......
食完逛左陣，以為 Bi 姐就到，點知打俾佢佢竟然仲0係公司囉！
後尾唔理佢返屋企，但當我行緊樓梯去巴士站既時候佢打唻，
話飛緊的過唻囉！So......我又走番轉頭，搵番佢！唉......

今次久別重逢既感覺好好，只可惜時間實在太少啦......
我地0係德福個水池0個度坐 & 傾計，點知 2303 俾人清場囉 -.-"
話時話，我都係剛剛先知有清場呢回事囉......咁都有既~~~
離開水池行左去地鐵站口傾，傾傾下又走左落巴士站傾......
卒之傾到 0005 送埋 Bi 上車先捨得走，好明顯大家好耐冇傾過計，
仲有千千萬萬既野要講咁囉......唯有要等下次喇！今晚呢......
又發現大家既經歷激似囉！仲要加埋雙傷，唔係唔死呀化 =.=

>>November 25, 2003 at 12:39:12 PM GMT+8

2003 年 11 月 23 日 星期日 【晴】

尋晚 23XX 同 aifaye 傾電話，然後 2345 扮晒野咁 3-way 打俾梅佬，
講左一大輪無謂無聊野，其實都係諗住同佢講 "生日快樂" 嗟~~~~~~
正當我隻錶夠鐘既時候，我同 supposed 既壽星仔講生日快樂啦......
點知得到既係兩位同學輪住同我講：「喂...未夠鐘喎！」唉...... -.-"
會唔會先？我個 supposed answer 壽星仔會好高興咁話多謝架嘛......
真係可惜喇！感覺有如被拒絕一樣......咁難受呀！唔高興呀 >.<

同佢地講到 0025 左右就收線喇，因為大家都要早早起身嘛！
臨收線我仲叫左梅佬 morning call 我添，免得我又唔知醒起身啦 :P
我地兩個今朝要 0900 去到目的地，我起身既時候已經係 0820 喇！
當然......起身之後我又 "he he hur hur" 咁出門口再飛的上 HQ 囉！
唉......又的囉 (#$%^&*%*()&#$*) 慘喇慘喇 ~ 要好好控制一下自己唔好的！

上到去真係0岩0岩好囉！0900 開始教書，諗住早少少上去 prep 啦......
到最後梗係冇啦！今次呢班 YFA，好似冇之前0個0的教得咁好呢......
唔知點解會咁覺得囉，總之就係覺得自己教得好差啦......點算好呢？
本應 1300 落堂，但後尾 1230 就放左喇！可能因為我一早講左今日早放啦！
所以佢地 1200 開始已經停晒工咁，問佢地係咪想走一個二個都話係囉 -.-"

落堂之後返番 Staff Room 食 aifaye 同學買既愛心飯盒，勁餓......
飯盒係好好味既茄汁酥炸雞球飯呀，勁好味！(嘉豪介紹，果然係正！)
食完野坐左陣就換 U 喇，哩咁 "HEA" 囉！尋晚今朝都冇熨 U 喎......
所以今日全日要攬住件風褸過活......得到既結果會係熱死囉...... >_<

1340 離開 HQ，同 aifaye, Ken & Hei Man 一齊撘 109 過 HO 睇 Enrolment，
今日係西九 4 團 AU 既 Joint Enrolment 喎，點可以唔去支持下呢？係咪先......
過到去大家就係不停影相影相同埋影相囉！跟住同佢地傾計又係咁狂笑喎......
勁辛苦......笑到我個牙 "交" 差點兒甩左出唻囉！仲笑到好 "支力" 添！
話說尋晚同梅 & aifaye 講電話既時候講開今日個 Enrolment 既 Entertainment......
梅同學話有個 Drama，佢都有份做，但係佢都唔記得左自己句對白係乜......
於是我同 aifaye 一見到佢出場，就即刻 "部" 住，睇下佢個 "角色" 係咩啦......
點知呢......原來佢個角色係一個 Right Marker，而佢句對白呢......
就係0係 Penny 嗌做 Sizing 既時候0個句 timing......"ONE" 囉！會唔會唔記得先？
我同 aifaye 完全笑到停唔到囉0個刻，唔係唔想死呀化？好一句唔記得既對白 -.-"

難得的我地今日 The Rock 勁齊人呀，仲影左大合照添！雖然中間出現好多阻滯......
但意志堅定 (唔換 U) 既我地，到最後當然係成功左影到 11 人既大合照啦！哈哈 *o^
影完相大家都即刻換返晒衫，準備下場！下場呢......就係梅同學既慶祝活動喇！
但係我同 aifaye 走左先，因為我地要去準備下場所用既物資同道具呀！不過呢......
行行下去撘車既時候，我就同 aifaye 講喇：「不如我地去食0的野丫，我頭先冇食野呀！」
當然，佢諗既同我講既......係一樣架！哈哈哈哈......就係咁，我地就走左去元氣坐低啦！
行去元氣既途中，大家發現大家既 U 袋都好重喎，於是就決定急 Call Daddy Andrew......
過唻幫我地拎野！Yeah ~ 好野 *o^ 其實之後係一齊去左食 Sushi 先囉......Hehehehe -.-"

食完 Sushi 我地就出發去旺角買野喇！撘地鐵既時候撞見 Alena & 男友呢！
出到旺角買野，都買左一段時間，因為要慢慢揀，揀個最靚最正既禮物俾梅同學嘛！
攪掂晒0的野我地就出發去 Steven 屋企喇，仲要施計唔俾壽星仔發現個蛋糕......
不過我覺得佢其實知囉，又要扮唔知 & 唔出聲，仲同我地講話要留番0的氣唻反抗囉！

>>November 25, 2003 at 3:15:43 PM GMT+8

2003 年 11 月 22 日 星期六 【晴】

今晨 0200 先訓，成個星期最 "早" 既一晚......
呢個星期習慣左早睡早起，所以突然有點兒唔係好慣呢 -.-"

撘 080X 班車，083X 就出到尖咀喇！正當我去買早餐之時，
Bo Bo 打唻話買麥當當，問我食唔食，可惜我諗住食腸粉啦...
所以冇食到呀！返到去又係我開門呢......

放工之後同屋企人去左飲茶，我請客呢！哈哈...話時話~
我做左野咁耐都好似冇請過公公婆婆飲茶呢...好衰咁添 :P
飲完茶同佢地行左陣，之後我同媽咪返左德福行街街......
我諗住去買 boot，點知著左褲睇得唔靚，所以得個試字！
唔緊要，下個星期搵晚0係尖咀再試過呀要！不過呢......
雖然買唔成 boot 但0係 Sofina 個 counter 買左成千蚊野，
都咪話唔犀利，我仲見 PN 出左新既 Mascara，好想買呀 v_v
行完街街落左淘大買外賣返屋企食，淘大又唔同左樣囉...

今晚食左個限定版既 Haagen-Daz Melon 雪糕呢...美味啊 *o^

>>November 25, 2003 at 12:37:35 PM GMT+8

2003 年 11 月 21 日 星期五 【晴】

尋晚整完一輪 2300 訓覺，今朝又 0740 起身......
極速 0800 前出左門口，去左撘普通 13X，天氣又凍凍......

Lunch 我地成 team 人去左 Hard Rock 食，好富貴咁！
不過咪話，近至 Sandy 遠至哥哥，大家都係第一次去咋......
不過佢0的野食真係唔錯既，成個餐連加一成 $72 喎......
唔好食點得呀？最正都係個雪糕呢，尤其支 Spoon 好攪笑！
好明顯係俾小朋友用架囉其實 -.-" 呵呵呵呵~~~~~~

今日食飯既時候要重提 Dor 既 "十" 事件......
慘慘的佢俾人串話要講 "TEN"，講講下大家就開始無聊，
話要講下 "開晒" & "收晒" 如果用英文既玩法......
哥哥即時話 "Clear"......會唔會先？之後再得到 Bo 既......
"All Receive" & "All Release"，我地呢 team 既創意勁勁呀！

臨走當大家睇幾點既時候，0係度研究 Dor 隻 "自私錶"...
正當大家講緊咩品牌既時候，哥哥呢......竟然將 Cyma 聽左做 Puma 囉 -.-"

晏晝唔願做野，開左 ICQ send 野俾 Jessie，點知......
Send 完就一路係咁傾呀傾，又講返上星期初既問題......
講真，佢諗0個個 point 我真係冇諗過喎...原來又一個問題！

放工出左旺角買野，買完就返屋企喇，難得返去會食飯！
見今日狀態 OK 所以有落去食，胃口還算可以啦 ^-^

要用最短既時間，忘記所有唔開心！
要重新振作起唻，今次一定要成功呀！

>>November 24, 2003 at 2:56:24 PM GMT+8

2003 年 11 月 19 日 星期三 【晴】

尋晚本來諗住 22XX 起身食藥，當然到最後係冇起到啦！
卒之今朝 04XX 開始醒下訓下，0610 頂唔順起左身......

起身沖涼洗頭，攪掂晒0的野時間依然多的是......
見落雨提早 0730 出左門口，撘車既時候又勁訓......
訓到過左龍囉 -.-" 好彩時間尚早，仲趕得切去個麥當食早餐！

今日好明顯比起尋日精靈左少少，但係都係呆架喇......
放工本來想去買野，但係都冇買到，又返左屋企......
返到屋企難得的睇電視，睇台慶囉......果然係一年一次呢 -.-"

好煩好煩......真係好煩！點解會攪成咁架究竟？

>>November 19, 2003 at 9:16:42 PM GMT+8