2003 年 11 月 18 日 星期二 【晴】

尋晚 18XX 食完藥就訓左喇，一路訓到今朝......
0745 先起身洗白洗頭，當然得到又係的返公司.....

今日呆呆咁過左一日，其實都唔係好知自己做過咩......
放工行左過碼頭撘 1A 返屋企，其實都係為左勁訓嗟......

返到屋企未夠 2000 又訓，唉......咁樣訓法都唔係辦法，
不停咁訓，其實都係唔想俾自己有咁多時間亂咁野嗟......

>>November 19, 2003 at 9:00:52 PM GMT+8

2003 年 11 月 17 日 星期一 【晴】

返到屋企已經差不多 0045，即刻執晒野洗白白！
返去中又差0的暈低，一日之內第三次喇......唉......
最慘係暈到轉晒但係個人又暈唔晒喎......咁奇怪既~

昨午開始個頭勁痛，返到屋企照舊，諗住沖完涼會好0的......
點知都係冇變，所以洗完頭去左吹頭，吹左陣就去訓覺喇！

今朝 0700 起身返工，一起身又見暈，個頭又依然極痛......
所以決定請 Sick Leave，卒之 1210 起身，上 MSN 睇下公司野點，
因為本來今日有野要返去做，但係返唔到，所以要同事幫手......
攪掂得 7788 之後又返房訓過，訓到 1530，打落去掛號......
要等到 1630 先有得睇，1630 落去 around 1700 睇完，好野！
醫生同我解釋左一輪0的唔係病既頭痛，等我仲以為我係啦......
跟住佢話：「妳今次係病0個0的呀！」哈哈......個情境勁攪笑囉 -.-"
唔知點解睇頭痛同暈都有成半打藥囉！一拎既時候見到真係唔想食......
不過唔得呀......今次應承左自己一定要食晒成個療程呀！因為次次都冇食晒~

今晚 The Rock 同幾位畢業同學影相呀！好吸引的......真係好想去！
但係因為病病所以我去唔到啦，因為真係好暈，好對唔住呀！
難得咁齊人......但係我都唻唔到，好唔高興啊，一日最衰都係自己啦 v_v

本身已經心情唔好，仲要病一病，唉......完全冇得救！死晒 >.<
可憐的又俾人串我成日 Sick Leave 囉！我都唔想架大佬......

>>November 17, 2003 at 5:20:24 PM GMT+8

2003 年 11 月 16 日 星期日 【晴】

返到屋企極速攪掂晒0的野去訓覺，好驚唔知醒......
當然到最後如我所料，搵埋人 morning call 都唔起！
卒之 0745 先起，得到咪又的去愛民囉 -.-"

約左 Louisa & Ivy 食早餐，食完就上 HQ......
今日係 YM FA Comp，應承左同事幫手，點知......
我覺得我去唔去都冇乜影響囉！早知我唔去啦......
朝早坐坐下同明仔傾計，一傾就唻料，喊左成粒鐘.......
好似自 9 月尾開始我都冇試過咁癲，喊到講唔到野囉！

個 Comp around 1400 完，之後我地去左泳池餐廳 Lunch，
Lunch 過後返 HQ 執櫃，執到好多我地個年代0的 documents 出唻囉！
執完野又同 Kitty 傾計，傾左差不多兩個鐘，又好似今朝早咁囉.......
同 Kitty 傾完計都已經 19XX，本身個人都已經 "支力"，但隻眼仲 "支力"！

1930 仲要開 PMT Meeting，少有的今次開足三個鐘，開到成 2230 囉！
開完會我地一齊落左旺角極之好食飯，食完就返屋企喇！好 "支力" 呀 >.<

呢個星期過得好辛苦，真係好辛苦 ～
今日真係好唔開心，冇諗過無啦啦會咁......
唔好既事情接二連三咁湧埋唻，可以點做？
每日早午晚都不停咁喊，根本解決唔到問題......
自以為自己仲好撐得既時候，原來事實並唔係......
今次...真係撐唔住喇！完全有身心疲累既感覺......
要迫自己呢個時候接受現實，係一件好殘忍既事......
我真係唔想囉，我已經好煩好 "支力" 好辛苦喇......

>>November 17, 2003 at 5:34:51 PM GMT+8

2003 年 11 月 15 日 星期六 【晴】

又同自己玩作對，勁 "支力" 但極唔願訓.......
本來 set target 話兩點要訓，點知兩點涼都未沖......

最後攪到 3 點幾 4 點先訓，今朝呢......極唔願起身！
扭擰到成 0815 先起身，其實仲有諗過唔返工囉 -.-"
慢慢打的返去都遲到囉，加埋冇左成 $80 呀......

返到公司，極多野做，次次星期六都係咁架喎......
得半日但多野做到乜咁......慘慘呀~~~~~~ 差0的仲要 OT 囉！

到最後都 O 左半個鐘，之後同 Ken 去左麥當當食 Lunch，
呢個星期四五六一連三日咁去囉......勁呀！肥死喇今次實......
食完 Lunch 我就入突破喇！因為今日係 HIV/AIDS Instructor Gathering Camp 呀！
入到去都已經 1530 咁滯，真係好眼訓囉，但我已經撘咁耐車訓足咁耐囉！
最犀利係企火車既時候都有訓，由此可見今日既眼訓程度簡直強勁！

今次個 Camp 唔錯呀，雖然唔係好多人，但大家都好快夾到......
玩得勁癲，係咁狂笑囉！我入到去開始玩左0的遊戲，傾下個 Course，
然後就食飯喇，食飯前大家仲狂食左 10 mins 既零食囉！犀利呀.....
食飯既時候我同小飛同學仲發生左「向左 "LAW" 向右 "LAW"」事件囉......
食完飯返上房閒談左一陣，又傾返個 Course 0的野，之後睇左餅帶......
睇完帶我地 1 行 14 人出去左沙角食糖水呀！都係多得 Winnie & 駒有車咋！
0岩0岩好坐晒 14 個人，犀利呀！我食左個鮮什果喳咋，幾好味架喎...好多料！
食完糖水 22XX，我同小飛 & Sean 就走喇，因為大家都有事唔過得夜.....
我地由沙角行返火車站，好似好遠咁但其實都唔係丫，行過有條瀝源橋既時候...
大家0係度講 "不准過橋" 囉！返到出火車站睇住架 89x 走，慘慘的......
卒之差不多成 12 點先返到屋企，好 "支力" 好 "支力"，真係好 "支力"......

可唔可以搵次話唔理就唔理呢？恐怕我唔得囉......
呢期 PAD 唻得好頻，仲隱藏得好好添！哈......

>>November 17, 2003 at 3:59:10 PM GMT+8

2003 年 11 月 14 日 星期五 【晴】

0000 沖完涼之後咩都冇執，坐左0係度發呆......
發發下呆 aifaye 同學打唻，講佢既恐怖經歷......
我覺得佢好慘慘 & 勁無奈囉！0的人會唔會咁先......
同學記住要好好 take care 自己呀！唔好再諗喇......
講完恐怖經歷又講下東講下西，俾同學話我變態囉 -.-"
我都知我0個個習慣比較奇怪，但都唔算變態呀......我諗！
講完一大堆野，我地卒之講到大約 0200 就訓喇！

今朝 0700 彈左起身，正準備衝出去刷牙洗面之際......
先醒起今朝拎左鐘頭假去打針，so......即刻撻番落床再訓過！
(好明顯係兩個鬧鐘校左唔同時間響囉！又傻婆左喇今次......)
0825 真係起身，本來姐姐話同我一齊去，點知我刷完牙開始叫佢......
叫到我出門口佢都未起，仲話一齊出去喎，唉...... -.-"
由於呢幾日個樣真係嚇親自己，所以趁今朝有0的時間化左個粧......
可能太耐冇畫過自己個樣既關係，硬係覺得好似怪怪地咁......anyway......
我成 0920 先出門口囉，但我約左 1000 喎！仲諗住撘 1A 梗係撘唔成......
走左去撘 13x，真係越唻越憎呢架車，等得耐之餘行快線都成日塞車......
卒之我 1010 先去到診所囉！去到等左陣，打完針走得差不多 1045 咋！
等候期間聽到好多人去做 Body Check，真係唔知原來 check 1 check 都咁貴架！
加加埋埋成千銀呀，一年 check 一次的話咁咪好甘？嘩......痴線的啊！
唔......聽說打完針有機會會發燒架，唔知我有冇事呢？發燒雖然辛苦，但我中意喎！

打完針順路的走左去麥記食早餐，因為太肚餓喇！還掂都係的返公司嗟......
呢個早餐食得特別有意思，因為間麥記係我由細食到大架！(佐敦道地庫0個間)
諗番細個小學放學既時候好中意同家姐扭婆婆帶我地去食雪糕 & 薯條......
當然唔係次次都有得食啦，間中去一次都好滿足喇！間野裝修靚左好多......
但個格局依舊，裡面0的人都一樣......好明顯坐0係度係睇報紙 & "hea" only......
話時話，我第一次迎彩一都係0係0個度......諗返起都好攪笑囉 *o^

食完早餐的返工公司都只係 1110，一返到去就即刻要開票囉！真係開到火都唻埋~
Lunch 同 Dor, San & Bo 去左僻靜，我同 San 之前仲走左去隔離 Bazzar 行囉......
0的野勁靚呀，好彩成功地控制住自己，只係買左把遮同 3 個 File，好靚靚架 *o^

食完飯走去買左杯 24 味飲，近排0的 "熱氣" 好勁！遍佈成個人......
尤其左下智慧齒位，痛到我想死，食親野都痛囉而家......救命呀 >.<
晏晝返到公司勁唔願郁，將0的野慢慢咁做囉！本來諗住入埋 PV 都冇入......
之後同 Dor & Bo 研究個 Yahoo! Messenger 又同哥哥 MSN，真係有點兒......
不過呢，我同 Dor 發現左個 Yahoo! Messenger 裡面有得打機架，勁攪笑！
但係我出唻出去都淨係出到個 "水波" 囉，其他0個0的都唔得既......

1710 開完票去左開會，其實0個刻勁眼訓囉！好彩入到去冇訓咋......
如果唔係真係樣衰死呀 >.< 開完個會出唻都已經 175X 喇！0的野......哈哈！
去埋個 Let 出唻已經過左 1800，放工！本來熄晒機 ready to go 架喇......
點知老細叫我 check 野，即刻借左人地部機開番個 MSN，可惜的......
相關人物經已收工，我以為我又收得啦......原來仲未得！因為要追人交 report，
最難受係要企0係某同事面前睇住佢做個 report 跟住收埋囉！小學生咩 -.-"

走得既時候已經 182X，好彩都唔算太晏！接著就行左過天星撘船喇......
好似好耐冇過過海咁，夜晚撘船個景好靚，不過都唔及上次0個陣黃昏靚！
過到灣仔本打算撘巴士過銅鑼灣，但發瘟的想行，於是就行左過銅鑼灣喇......
蕩下蕩下差不多蕩左兩個鐘，行到好 "支力" 囉，因為今日唔係著 Converse！
期間走左去舊大丸0個幢野，諗住去行商務，點知原來已經執左......好無啦啦囉！
行唔成商務行左 Franc Franc，佢0的野真係好鬼死靚，不過都幾貴呀......
行完之後頂唔順要抖，走左去 JP 隔離間茶軒，坐下抖下食下野等下 Hollie，
(唔覺唔覺，原來我好鍾意去茶軒食野架喎，今晚去仲見到幾個明星添 :p )
食到尾聲既時候 Hollie 到達，俾晒0的野我，辛苦佢喇.....袋野真係幾重架！
跟住大家就唔停咁傾呀傾，一傾傾左又差不多兩粒鐘，其實唔係好夠囉我覺得！
又知道左0的野，勁攪笑的原來大家都類似既遭遇囉！講出唻0個野唔係唔難受呀~
不過呢，原來我真係好耐冇見過佢喇，離開茶軒落到樓下大家都好似仲有好多野想講......
之後佢同我講：「企0係度傾多兩句啦，又唔係成日見到妳，望多妳兩眼嘛......」
聽完呢句之後真係有0的打冷震架，不過個感覺好攪笑囉，佢竟然咁同我講......
但講真，如果唔係因為要拎野我都唔知幾時先會見到佢......唔......
呢個星期初 Bibi 先打唻話好耐冇見，話約下星期出唻，唔知出唔出得成呢又？
今晚過後，又有新野要記住：做人要堅決0的！(繼撇脫之後另一巨獻呀~)

同 Hollie 企完街就去撘 601 返屋企喇，慘慘的冇位坐，仲要拎住袋重野 v_v
企0係度都算啦，點知去到某站有位女士上左車，係咁迫埋唻，唔知迫咩囉......
真係好想鬧佢，攪到我完全郁唔到囉，唔係唔辛苦呀嘛，不過算啦......唔癲~

唉......今日著左三件衫都覺得凍，真係...好明顯我有問題 =.="
點解0的人仲可以短袖衫咁出街架呢？我尋日開始帶頸巾喇......
仲諗住今日三件夠頂啦，點知......噢！睇唻聽日都係帶定會安全0的！

>>November 15, 2003 at 2:32:37 AM GMT+8

2003 年 11 月 13 日 星期四 【晴】

0000 仍在旺角，差不多成 0100 先返到屋企......
好 "支力" 呀真係，沖完涼野都冇執就訓覺喇......
今朝叻叻的起到身，當然撘車時又訓到天昏地暗啦！

放完假返到公司，成 7X 個 E-mail 要 check......
仲有成疊 PV 等我入囉！努力努力......要快0的清晒佢！
今日成日都好眼訓，連洗面都唔 work，睇唻呢......
真係要搵日放工返屋企好好訓下，不過......我諗都幾難！

放工同 Sandy 一齊去左剪頭髮，講左勁耐終於捨得去喇！
我地走左去撘 215x 返觀塘，去到都係 1900，勁快！
等等下阿海都唻埋，我地三個輪住剪囉！好攪笑......
我剪完之後師傅幫我 set 左個頭呢，並唔係夾唻夾去0個0的，
其實係用支棒棒整 "luen" 左我0的頭髮一條條咁，效果唔錯架！
Sandy 不停咁同我講好靚，不過我睇左勁耐先睇得慣囉！

我地卒之0係間 Salon 撓攘到 2100 先走，之後去左味千食飯！
食完飯我就撘 Van 返屋企喇，聽朝仲要去打針呢，今晚要早訓！

好討厭的 ～ 點解次次 "的" 起心肝之際......總會返轉頭架？

>>November 13, 2003 at 11:18:20 PM GMT+8

2003 年 11 月 12 日 星期三 【晴】

一如以往，話要早訓但得到遲遲都唔訓......
今日係最後一日假期，睇唻一切回復正常喇......

"MOR" 到 02XX 先訓，今朝早約左師姐 0800 荔枝角，
其實訓既時候已經擔心緊唔知醒，點知.......果然中左！
0615 鬧鐘響時的確起過身，但係諗住攤多陣，一攤攤到 0725！
驚醒之後 "he he hur hur" 咁攪掂晒0的野 0745 出門口飛的士落彩虹，
一上的我就即刻打俾師姐，呢個時候原來佢都係剛剛起身！
收線之後仲要收到佢個 Voice Mail 既 MSG 囉 -.-" 呵呵......我地好勁！

到最後......我地卒之差不多 0900 先去到深水 "土步" 運動場.......
年年都話下年唔返去幫手，但係得到年年都會返，下年真係唔返喇......
今年都算幾悠閒，我地兩師姐妹不停咁傾計囉！一個星期見成三四日都係咁...
仲要俾阿琪琪姨話我地講0的野好悶囉 -.-" 唔...今日好見到好多 Miss 阿 Sir
又係咁同佢地傾計呢！哈哈......講講下發現原來大家都好老喇~~~
晏晝飯我地兩師姐妹去左飲茶，最衰富大執左啦，我地去左幸福樓......
但真係唔太得囉，0的野食又貴又唔係太好食，都係富大好0的......

完左 Sports Day Service 即上 HQ，趁撘巴士既時候恰左陣......
因為真係好 "支力"，放假諗住訓下點知日日都走左出去做野！唉......
上到去由 1730 開會開到差唔多 2300，總共開左成 3 個會，犀利！
不過到最後唔記得左做其他野囉，呢個星期要搵日上去做埋佢呢......

開完會我地成區人同少雯一齊去左樂園食麵，佢個魚麵真係好得意架！
食完野我同師姐陪師兄 & Daddy 去搵野掃，好明顯佢地係唔夠飽啦......
我飲左個薄荷野菊花茶，唔錯架！薄荷得唻又唔會冇左0的菊味，唔......
得閒要去試埋其他唔同既茶呢！呵呵呵呵~~~ 佢地個 Q 餅都好似好好味咁啊 *o^

六日假期過得好快，安靜完以為自己好左，原來......只係表面囉！

>>November 13, 2003 at 1:50:25 AM GMT+8

2003 年 11 月 11 日 星期二 【晴】

00XX 返到屋企，應有一個新開始......
"安靜" 左四日，從中得到短暫既釋放......
但四日既過去，代表左一切回復正常......
希望呢一歇對自己真係有幫助啦 ^_^

好鬼凍呀真係......救命 >.<

>>November 11, 2003 at 2:37:23 AM GMT+8

2003 年 11 月 10 日 星期一 【晴】

朋友們果然清楚我，又一次粒聲唔出的玩失蹤......
今次都破左兩個紀錄，一係咁多次時間最長......
二係熄足咁多日電話，連個 voice mail 都留爆埋！勁！

>>November 13, 2003 at 11:36:03 PM GMT+8

2003 年 11 月 7 日 星期五 【晴】

離開東京同黎主任一齊打的，返到屋企 00XX ，一入屋......
家姐就問我係咪好 "支力"，仲話我個樣好面青口唇白咁囉！
乜真係去到咁嚴重咩？因為佢已經唔係第一個咁話我喇......

望住個鐘突然覺得淨番唔係好多時間，要好好把握！

>>November 7, 2003 at 3:19:38 AM GMT+8