2003 年 12 月 9 日 星期二 【晴】

打完爐走都已經 0010，之後返埋屋企都差不多 0100 喇！
今日係 Sandy 既大喜日子，要幫手做姊妹呢......呵呵~~~
幾個鐘頭後又要起身，但係乜都未執呢......慘慘喇~~~

本來諗住洗完白白即刻訓覺，聽朝先執野......
但又唔係好信得過自己喎......SO......執左少少先敢訓！
已經校晒鬧鐘電話仲叫埋 Dor Morning Call，卒之呢......
係媽媽 0630 走過唻叫我先捨得起囉 -.-" 遲左半個鐘......
極速攪掂晒0的野 0700 出門口，好彩都仲趕得切 0730 到炮台山！
不過呢......我去到炮台山先收到 Dor 既電話，話佢仲0係彩虹囉 -.-"

最後 0800 到達酒店，收過利是就開始一日既行程喇！
阿新郎 & 班兄弟遲左唻到，好明顯就特登遲唻避遊戲啦！
接新娘之後就飲茶啦、再返男家又飲茶啦，然後就到我地就係飲茶喇！
飲完茶返左酒店幫 Sandy 換衫，攪掂 check out 再去紅棉路註冊，
哈哈.......佢0的花仔花女真係好得意架！勁 cute 呀！最可惜冇同佢地影相啦~

註冊完本來諗住同班兄弟姊妹去食個 Tea，點知我同 Catherine 都趕唔切去~
變左0係酒樓食蛋糕，不過到最後趁去拎西餅既時候去左麥當當食薯條呢 :P
最攪笑呢......我地去拎西餅既時候，本來諗住去搵聖安娜餅屋啦，
點知佢張餅咭 show 既幾間分店都全部關門大吉囉，哈~ 之所以我地可以麥呢！

食完薯條返酒樓就開始 prep 晚宴既野 & 換衫喇！本來我同 Eva 做司儀，
但係後尾都變返 part 阿昌，OK 啦！大家都勁緊張囉，跟住個咪又唔生性喎......
臨開始既時候俾佢地叫左我去 set 頭 & 補妝，今次係 Kathy 幫我整架~
整完之後佢地個個都話好靚呢，但係我自己睇就真係好唔慣囉！嘻嘻......

成個晚宴攪到 23XX 完，走既時候我都懶得換衫呢，因為好 "支力" 喇！
加上我地 call 左 8 折的，之後 2345 度就同 Dor & Catherine 就一齊的返屋企喇！

>>December 11, 2003 at 7:15:59 PM GMT+8

2003 年 12 月 8 日 星期一 【晴】

睇完 Bear 出左旺角食野，食完就去撘車返屋企喇！
唔係好願返屋企，不過要返工丫.....所以冇得揀...... -.-"
由行去撘車開始同梅佬傾電話講到0係屋企樓下......
又係不停咁 "He He Hai Hai" 囉！唉...... 真係冇得救！不過呢......
多謝同學又提左我一句：「可惜的 ～ 天使一出場便死掉了......」

返到去攪掂晒野 02XX 訓，今朝都唔錯呀，起到身......不過係 0750 囉！
撘巴士呀今日終於都，點知勁塞車，又遲到囉......都已經懶得轉的士喇......
返到去好似好多野做咁，但係好快又攪掂晒喇喎......好攪笑囉 -.-"
Lunch 又同 Teammate 去左硬石頭食，佢個椰菜花火腿湯好好味呢！

夜晚放工上 Head 開 JU Meeting，開到尾又好高興咁嗌攪 X'mas Party，
勁攪笑囉，我次次開親0的會都會有 Friendship Function 攪出唻架喎！
開完會差不多 2200，等埋 Tracy 放學，我地一行四人落左金雞既麗都打爐，
師姐放工之後都唻左 join 我地呢！雖然好 "支力" 但係好高興喲 *o^

>>December 11, 2003 at 6:39:09 PM GMT+8

2003 年 12 月 7 日 星期日 【晴】

又係玩作對既時候，既頭痛又好 "支力"，偏唔肯去訓！
偏要開電腦坐低、偏要開 ICQ 仲要用 online mode，平時？......

同自己作對到差不多 0300 先肯訓，之後要 0730 起身......
當然我都知自己會點啦，叫左人 morning call 我，點知......
電話聽唔到，鬧鐘 "才禁" 熄左，再訓過......得到 0830 驚醒！
教書教 0900，哈哈......呢幾個月星期日用既的士錢都幾係野......

0900 開始上堂，之後同佢地考試，晏晝再教第二班......
今日朝 9 晚 6 連環直踩，我都覺得自己有0的癲......
晏晝 break 既時候0係梳化訓著左囉......呵...... -.-"

教完書落左尖咀，今晚同燕去睇《甜甜酸酸香港地》呢！
套劇好好睇呀，0的歌又正喎，如果佢出 Soundtrack 就正囉！
Highly Recommend 呀！佢 1 月會再演呢，好想睇多次啊......
睇完劇都差不多 2300 喇，之後我地過左碼頭0個邊睇 Bear Bear......
好得意呢！不過我覺得 Habour City 大堂0個0的得意0的嗟！
帶左相機影相，不過一用 Night Mode 就勁震囉！有冇攪錯 -.-"

>>December 8, 2003 at 4:32:26 PM GMT+8

2003 年 12 月 6 日 星期六 【晴】

今日全日都好 "MENG"，唔知做乜......又一個無啦啦！
朝早0係公司差0的係咁鬧人，當然到最後控制住左......

Lunch 同燕去左 Habour 茶軒食飯，之後一齊上 HQ......
因為下晝要教 YFA，其實朝早有諗過今日唔上堂，
但係梗係唔得啦，幸好......上到去班女都算乖而可愛！
不過上堂既時候勁做公司野囉，仲要麻煩到 Gary 添......
勁唔好意思囉！Non-office hours 都係咁煩佢......抱歉抱歉！

上完堂飛落太子拎衫，多左兩條帶囉 -.-" 不過是但啦......
拎完衫再即刻仆過德福，約左 Bi 姐去睇《忘不了》呢！
套戲唔錯呀，勁中意樂樂囉！當然仲有唔少得既勁喊位啦......
好明顯我地兩個係去「借題發揮」啦！喊到眼都腫晒~

睇完戲成 2200，我地落左 Pizza Hut 食 Dinner！
試左個新野 - "金粟芝士釀雞翼"，都算幾得意 & 唔錯喎！
食完野就返屋企喇！離開德福既時候仲撞見 Iris (Fan) 添！

今日個頭依然勁痛，不過又唔同尋日隻痛喎......
最近呢......真係有點兒嚴重失控，就快崩潰喇......
想喊但喊極都喊唔出既感覺原來真係好辛苦 >_<
喊得出既時候......又喊得唔夠痛快、兼且唔夠盡情......
見過人喊到流鼻血未？咁激我都係第一次，但真係好好笑！

>>December 7, 2003 at 12:58:02 AM GMT+8

2003 年 12 月 5 日 星期五 【晴】

尋晚洗完白做左陣織女，織到 0200 先訓覺，有個新發現~
今朝早聽晒四隻歌先起身，哈哈......得到成 0745 先起囉！

食左個小牛蛋早餐之後今日就開始忙碌工作喇......
點解成日都係咁架？一係就忙到嘔晒咁，一係呢就......唉......

Lunch Esther 過左唻同我地食飯，我地去左百人一朱......
全程勁笑......究竟負負係咪真係得正架呢？真係好攪笑囉！
返到公司 Dor 同我玩左個遊戲，好攪野架.....不過玩玩下有人用房囉！
但我真係冇諗過原來咁都可以玩到囉！更攪笑既係，我竟然有兩個咁 "好"？

今晚同哥哥 & 寶寶去左 AMC 睇《亞馬遜迷藏》呢！Um......還可以啦！
好攪笑架，不過有好多位都有唔0岩故既，我同哥哥就不停咁駁故囉...呵~~~
難受的俾佢兩個串我今次破左紀錄，成齣戲都冇喊過......會唔會先 -.-"

睇完戲就返屋企喇，因為哥哥唔俾我行街街呀，叫我返屋企睇電視......
返到屋企都未夠 2200，本來真係諗住睇電視架，不過睇唔成，因為劇唔高興！
所以返左房自閉勁喊，其實係無啦啦囉......喊得好唔痛快，唉......好想發洩！
之後就係咁狂織勁織，原來狂織都有0的幫助架，織左成粒鐘先出返唻......
真係唔明點解0的人可以煩得咁緊要架？早知係咁就唔咁早返啦，0徒晒0的時間！

今日個頭痛得好緊要呢，仲要係 "LAR" 住 "LAR" 住咁痛......
頂......真係好辛苦囉 >_< 由朝痛到晚，究竟咩事呢？

>>December 5, 2003 at 11:16:47 PM GMT+8

2003 年 12 月 4 日 星期四 【晴】

離開九龍城 0020 返到屋企，極速去左洗白白~
返到屋企開始胃痛......可能因為頭先冇乜食野啦！
媽媽地去完旅行返唻喇！不過今次冇手信呢 v_v

攪到差不多 0230 先訓，勁 "支力" 呀......
今朝呢，乜都響完之後我又繼續訓過，完全唔願起！
卒之成 0844 先起身，唔係唔嚇死呀化 >.<
即刻用最快速度攪掂晒0的野飛的返公司，返到去 0945，
好彩老細今日返左深圳嗟，如果唔係就勁樣衰囉 -.-"
不過好唔好彩的我今朝先發現自己0的比較保暖褸洗晒囉......
攪到著得0個兩件薄薄咁走出街囉......勁凍勁難受呀下 >_<

今日 Brenda 返工喇！我一返到公司即睇左佢0的 BB 相！
BB 女好得意架，肥嘟嘟咁......好似我！一樣咁可愛嘛！呵呵~~~
Lunch 我地大班人去左飲茶，飲到晏一晏先返囉......嘻嘻~~~

放工落樓下轉左兩個圈就撘車返觀塘喇，訓到我丫......
難得同屋企人食飯，早早食完就已經返屋企！好罕有.......
返到屋企埶埋 Sandy 結婚0的野，玩左陣就去洗白喇......
好難得過埋晒0的咁平靜既生活喇，間唔中一次都唔錯呢~~~

今日依然有胃痛呢，唉......唔中意！跟住呢......
成個晏晝 + 夜晚左眼又不停咁眼眉調，唔知做咩事呢？

>>December 5, 2003 at 3:04:28 PM GMT+8

2003 年 12 月 3 日 星期三 【晴】

織左陣野 0100 先去訓，舒服埋今晚咋......
唔知係咪舒服過頭，今朝唔知醒起身囉......
呢幾朝返到公司九點幾就開始恰眼訓，唔掂呀 -.-"

今日 Lunch 我地走左去 TOY"R"US 呢......
因為買禮物俾 Brenda & BB 呀，Brenda 聽日返喇！
我地買左個轉轉公仔 Bar & 靚靚學行車俾 BB 呀！勁靚！

下晝執返晒之前0的手尾，所以好快就 1800 喇！
放工過左九龍城，約左 Bibi 唱 K，本來諗住勁發洩......
但係都唔成功，不過 OK 啦！我地兩個都唱得好高興呢！呵~
由 1915 唱到差不多 2345，勁呀！唱左好多歌......好野！
不過唱到尾 feel 到自己吽吽地發燒呢......好 "慶慶" 咁 >.<

3 個鐘去左打...... 好傷 >_< 又係時候要好好控制一下自己~
今次有點兒唔同左，因為平時只得魔鬼，今次竟然有天使......
不過呢......有天使對我唻講，可能係一件好事！

>>December 4, 2003 at 11:53:44 AM GMT+8

2003 年 12 月 2 日 星期二 【晴】

尋晚返到屋企又做織女，織到成 0200 先訓.....
今朝四個鬧鐘既效應依然係 work 架！最高興既係~
我遲左少少出門口但係撘到架冇人既 13X，勁快到尖咀！
由屋企出到尖咀都係半個鐘左右，我仲要訓足全程呢！
但返到公司竟然俾哥哥話我面青口唇白，唔係卦？又唻？

今日 Lunch 我地成 team 人加 Mida & 阿海去左 Trendy Toon Town 食飯，
0個度0的野唔錯喎！個境又 OK 靚，不過最衰我地唔係坐靚0個邊啦......
0的野食都算好味架，價錢就一般啦！繼硬石頭之後呢度都唔錯呀！

今晚放工之後同 Dor & Catherine 去左行街，買衫 for 下星期二......
我地由家樂行到去聯合，Dor 既買衫速度依然驚人，嚇死 Catherine 囉！
Dor 佢仲要成日話我地兩個行過又唔入，入左又唔睇囉... -.-"
行完一輪卒之都買左！哈哈......試完望落有0的唔慣......著到咁型！
不過真係我0個件要星期日先有得拎呀，希望 OK 啦！呵呵~~~~~

行完都已經差不多 2100，"支力" "支力" 呀！之後我地去左別府食飯，
佢有個咩巨峰提子梳打唔錯呀，幾好味架！勁 "火羅" 囉我地因為佢......
食完野我地三個一齊飛的返屋企，好方便呀！一人都係 $28 咋，勁抵！

>>December 3, 2003 at 12:54:24 PM GMT+8

2003 年 12 月 1 日 星期一 【晴】

一心諗住尋日休息日過後要早訓，點知呢......
因為買左冷，所以已經全神貫注於0的冷度喇！
一晚攪掂一條，開第二條喇！可惜既係......
第二條未諗掂點織，所以成晚都係咁織完拆拆完又織！
本來 set target 0100 訓，點知 0300 先訓！哈哈......
今晚同家姐孖舖一齊訓，好多年冇試過喇，對上一次......
都好似已經係0係坪石既時代囉！真係好耐喇......

今朝校左四個鬧鐘 (其實係鬧鐘 + 電話)，叻叻的自己起身呀！
幾驚又唔知醒呀 ~ 仲有兩朝，一定要知醒起身唔好遲呀......
今日都仲係好凍呢，著住左件厚厚衫加埋頸巾都仲好凍啊 >_<
0840 出到尖咀，去左買麥當當早餐，好耐冇食呢......好美味！
今期開心樂園餐換 Qoo 呀！好得意呢 ^o^ 唔......換唔換好呢？

今朝0係公司好似發冷咁囉！本身一件 Tee 加內毛毛外套 & 頸巾，
返到公司點知仲凍，再加埋公司件褸，勁腫囉！但係都仲好凍喎......
Lunch 我地去左 KFC 食，最後又0係度猜 Partner 猜隻雞翼囉 -.-"

今日星期一，放工又要留低......今晚都算好少少，0810 就散會喇！
之後0係公司 "hea" 左陣，再同哥哥 & Joe 一齊行落佐敦食飯，
我地去左 "粗菜館" 呢！佢0的野食好正正架，之前淨係去過九龍城0個間，
原來佐敦呢間都唔錯喎，個粥好好味架！呵呵......一人都係 $70 幾蚊！抵！
走既時候好明顯捧住左個肚囉！今晚哥哥請左我個幾蚊呢，呵呵呵呵 *o^

>>December 2, 2003 at 3:39:57 PM GMT+8

2003 年 11 月 30 日 星期日 【晴】

離開呼吸轉陣地其實係轉左返我屋企囉！呵呵......
雙親又出左國，姐姐又唔返喎，所以變左去我度呢！
難得咁多人送我返屋企，正如 Tom 所講，生活體驗呀！
大家唻到我屋企第一件事食杯麵囉，食完就睇電視......
好明顯當時大家輪住都好眼訓囉，但又要堅持唔訓喎 -.-"
睇完電視大家傾左陣計，3 點幾 4 點既時候佢地就走喇！
落街0個野激凍呀下，邊有可能咁凍架？已經褸加頸巾架啦 ~

送完佢地走返上屋企坐左陣，我就開始對住部電腦喇......
玩玩下心血來潮又執過個 Homepage，加返個 Gallery 喇！
不過呢......係未有相住架！因為太多都唔知放邊0的好......
攪完一輪 05XX 先走去洗白白，好凍.....洗完白就去訓覺喇！
成 23 個鐘冇訓，完全冇理個頭濕 "TAT TAT" 就訓左喇......

由 0600 開始訓，訓到 12XX，唔係家姐走都唔知......
呢 6 個鐘既覺就係訓得好舒服，連電話都聽唔到囉！勁！
休息日嘛 ~ 就係咁架啦！呵呵......如日有多幾日可以咁訓就正囉！
1225 覆電話約叔叔去飲茶，衰衰咁話訓多兩三個 "字"，點知......
訓多左成粒鐘囉 -.-" 再起身已經 1325 喇！拿拿聲刷牙洗面換衫化粧，
攪掂都差不多 1400，落到街行去撘車先發現自己唔記得拎電話......
勁樣衰！當然係即刻折返返屋企拎啦，行左兩轉又冇左0的時間......
之後飛左出旺角，出到去成1425，勁唔好意思的叔叔等左勁耐囉 ^_^

飲完茶我同叔叔入左粉嶺探奶奶呢，入去成程火車又勁訓......
完全唔覺自己已經由旺角入左粉嶺......撘完奶奶未夠 1600......
之後我同叔叔又出返旺角，0係新世紀行左陣街，買左件褸呢......
行左冇耐之後叔叔就先走返屋企，我繼續行，行到 1730 度先走！

離開新世紀之後去左買冷織頸巾呢！勁高興！舊年都冇織......
今年仲唔織返夠本？呵呵......買晒野整埋尋晚張靚相就返屋企喇！
今晚同姐姐 & 旋旋食 Dinner，佢地上左惠康買壽司呢！勁滿足！
初初我地仲以為唔夠食，於是買埋腸粉燒賣，點知到最後食唔晒呢~
食完野我就開始織頸巾喇！成晚不停咁織呀織，唔知今年織到幾多條呢？

>>December 1, 2003 at 12:54:48 PM GMT+8