2003 年 11 月 6 日 星期四 【晴】

哈哈...今朝叻叻的知醒起身，好野！撘到 1A......
不過係由百幾級樓梯開始跑落去上車囉！呵呵~~~

尋晚 update 完個 homepage，今日返到公司睇睇......
唔覺意咁發現個 message board 多左個 message 呢！
勁高興，睇完0個野勁攪笑 & 勁難受囉！話時話丫......
其實如果唔係個 message 我都唔記得有件咁既事發生囉！

今日既主要工作係清理我檯個 "亂葬崗"，真係亂到有點難受......
好彩半晝已經執左 9 成，哈哈......終於可以舒舒服服咁做下野喇！
晏晝又去左買外賣，等左勁耐囉......完全有俾人耍既感覺呀！好 "慶" @@
食飯又係咁俾人串，好無耐囉 -.-" 點解次次都係我呢？唉......
下晝本來諗住清晒0的野，點知 "MOR" 下"MOR" 下又乜都冇做過......

由於某0的原因，本來聽日開既生日會變左今日開......
1730 同 San 去左拎蛋糕，個樣好靚架，但係之後食落 "漏" 左少少！
開開下生日會我就走先喇，因為今晚仲要開會......開 1900 但我 1915 先到！
好彩之前打左上去話遲到嗟，不過我上到去大家食緊蛋糕囉......
0的蛋糕勁靚勁吸引，係 Tracy 買上唻架，可惜我真係食唔落囉！

今晚開會又係笑左成半個會，仲無啦啦諗左句西九 Slogan 出唻：
『 一二三四五六七　多勞多得　D R M F S L T　西九好得 』
真係好得呀呢句野，笑左我地勁耐！之後又無啦啦講左去唱 K 囉......
由於上次約食羊肉去唔成，所以今次約唱 K 一定要約得成呀！
得四個都要照去架喇！我地仲即時 send 晒 e-mail 俾各位同事囉！勁 *o^

21XX 散會，做埋0的野之後我地落左東京食飯，呵呵......好滿足！
有成 8 個人呀，有黎主任啦、伍氏伉儷啦、翠絲啦、LU 姨姨啦、
師姐啦、小丙媽媽啦、仲有我呀！好明顯得到又係嘈爆左人地個場囉！
大家不停咁大笑、大笑同埋大笑，笑到好辛苦囉！卒之攪到成 2345 先肯走......

>>November 7, 2003 at 3:13:55 AM GMT+8

2003 年 11 月 5 日 星期三 【晴】

不幸的又唔知醒起身，通常讚完自己之後都係咁......
好當然又係撘的士返工啦，一個星期第二次喇......
聽日絕對唔可以再係咁架喇......如果唔係勁快破產！

今日好似好忙咁，但好明顯唔太願做野囉我係！
放工後同 Dor & San 去左行街街，之後再過左倫敦食飯，
今晚係 San 結婚班兄弟姊妹食飯，好多人囉！仲勁嘈添......
其實都傾唔到0的乜野，因為一對新人0係度......可以點傾？
食到 2200 大家就散喇！之後同 Dor 一齊撘地鐵返屋企......好早~

今晚因為 167 Sports Day 單野所以同 Wendy 傾電話，
話時話我真係好耐冇同佢真正咁傾計喇！個感覺又好似同 Daddy 傾咁，
雖然唔係講左好耐 & 好多野，但係今晚大家都講左好多自己既諗法同感受......
原來我同佢某方面睇既野都幾一致架！大家講既時候都尷尷尬尬咁，勁攪笑 *o^

無故失蹤 ～ 原來真係好難受架！不過唔同位置有唔同既諗法 & 感受嗟......

>>November 6, 2003 at 2:33:58 PM GMT+8

2003 年 11 月 4 日 星期二 【晴】

今日個人仲酸緊呢，不過冇咁軟喇......要繼續變好呀！
0720 起身，當然又係 1A 勁訓啦！哈哈.....訓到變晒形 -.-"

早餐過後開始努力工作，正當努力中既時候收到一個消息......
呢個消息呢......就係 → 老細今日唔舒服所以唔返！
公司所有人既反應就係：「下？哈哈......」場面何其壯觀呀 *o*
好明顯得到係大家今日都冇乜 mood 做野啦......好正常既咁又~

Lunch 我地成 Team 去左食雞，食食下雞仲0係度講雞囉！
講左勁耐呀仲有，但係真係唔明，點解大家咁清楚0的行程既？
飯後同 Sandy 奉旨去行街，因為準備星期四既生日會呢！

放工之後同 Dor 落左旺角行街，同佢行到 1930 我就過左雅蘭，
約左 Jessie 食飯，我地去左 basement 既泰越軒食，唔錯喎......
雖然個冬陰海鮮湯勁辣，但係0的野食都 OK 喎！幾好幾好~~~
食完野去左買野，大出血呀！一晚之內用左 $5000-$6000 囉......
發癲的啊！咁大個女都未試過咁樣，好明顯係因為癲左囉！
享受用既過程，因為發洩左某0的野出唻，不過之後睇返就... -.-"

今晚無啦啦又好 "mung" 呢，夜晚同 Daddy 傾電話又俾佢問咩事......
最好笑佢好認真咁同我講：「妳真係變態架......」哈 ～ 我覺得好好笑！
好耐冇同 Daddy 傾電話喇，雖然唔係講左好多野，但個感覺好好......
原來呢，我一路都以為佢應該知既野佢都係唔知架！估唔到......呵呵~~~~~~

>>November 5, 2003 at 12:59:31 AM GMT+8

2003 年 11 月 3 日 星期一 【晴】

尋晚 2100 都未夠就訓左喇！好滿足 ～ 因為真係好唔夠訓！
0540 起過身，以為自己 0700 可以起到，點知 0800 先起囉...
唔緊要啦不過，咁 "支力" 既情況下，對自己好少少啦......

撘的的返工，想訓又訓唔到，成個人酸痛到死 >_<
今日真係好辛苦，個人勁 "支力"，但係 1D 都唔眼訓......
呢個感覺真係前所未有既難受，仲好不好受 & 好辛苦呀真係......
成個人又酸又軟，冇晒表情，仲要頭痛添！不過由今日開始......
我要控制住自己唔好食咁多 Panadol 喇，唔係又俾人話我好似吸毒架喇！
可能因為太 "支力"，個人心情都好唔好，成日都冇乜點出聲......好難得！

晏晝同我既 teammate 開左個 chat，但係0係度講 "有諗得謄" 事件囉！
事件目標好明顯就係哥哥啦，四比一既情況下.......佢俾人講左勁耐...... -.-"
那邊廂做做下野俾粒釘一野挑起左右手中指指頭塊皮囉，好核突呀！
今晚放工要 OT，因為要開會呢，本來開 1830 但係 1930 先開囉......
卒之開到 21XX 先完呀！打多個電話就走喇！走左落 Muji 行左個圈......
買左少少野就去撘車返屋企喇！本來仲諗住去行 b + ab，可惜唔夠時間......

離開公司落到樓下見到某人同某人，真係嚇左一跳......一份 RESUME 囉！
如果比我一年前見到呢個情境，應該會想死囉，但係一年後既今日......
估唔到會變左咁樣，0個下我不停咁笑囉，仲要扮見唔到佢地，好好笑！
仲證明左，原來我 "自叉禍" 呢個習慣都唔係咁大問題嗟......呵呵呵呵~~~~~~

>>November 3, 2003 at 11:20:51 PM GMT+8

2003 年 11 月 2 日 星期日 【晴】

消夜時間 = 今日既開始，非常豐富呀......
有杯麵、五香肉丁、午餐肉，仲有野飲同生果呀！
不過呢......我又有 "火羅" "火羅" 事件發生囉 -.-"
話說我 "綠" 緊個牛肉米既時候，冇將包調味料拎出唻......
卒之我落水既時候......俾恩人發現左囉，好偉大的~
佢拎返出唻之餘仲幫我唧埋落去添！唉......又俾人串囉 -.-"

食完消夜我地就乖乖返房喇！其實呢......
因為要趕班小朋友訓覺，那邊廂就等緊下場既消息！
不過攤攤下等等下 167 班妹爬左過唻同我傾計呢......
好攪笑呀，真係冇諗過走左咁耐同佢地既關係都唔錯喎！
傾左陣 Wendy & 燕都 join 埋我地，成個 167 聚會囉！
唯獨師兄冇過唻，梗係啦......我地0係女仔房嘛！呵呵~~~
成晚傾左好多學校野 & 紅記野，有0的位仲好攪笑囉......
(1) 全身著 Burberry's 衫，咁咪即係全身打晒格仔？
(2) 師姐們既男朋友s 應該係......？(呢個唔係唔難受呀化 -.-")
(3) 原來師兄已經退左休架喇？
我地傾到成 04XX 先訓，訓左兩個鐘，0600 又起過身呢......

今日繼續第 2 日既課程，正當我訓得兩個鐘既情況下......
早餐冇胃口，帶第 1 Part 已經要啪快 2 倍喇！唉......悲哀~
不過對住我班仔仔女女就好0的啦，因為佢地乖乖嘛！哈哈哈哈~~~
我地既 Solgan 好正架：四三二一　油旺高一　全場第一　YEAH!!!

晏晝 02XX 出 Camp，跟車上返 Head，不過攪掂晒0的野都成 16XX 喇！
之後同師兄師姐、梅佬、康 & Steven 去左花園食 Tea，其實呢......
呢個會變左係我既 Lunch + Dinner 囉！因為激肚餓，Lunch 又冇乜點食喎......
話說撘 VAN 落旺角既時候，梅佬俾左佢0的小禮物我睇......
睇到有一張勁攪笑的 ～ 有個小朋友將 "梅佬" 寫左做 "悔老" 囉！呵~~~
食完野佢地一路傾我一路恰囉，卒之就嗌走喇！去左撘飛 Van 返屋企......
真係好 "支力" 啊！連行都唔想行，仲要拎住一袋二袋，唔係唔想死呀化......
今晚要早訓， 一定要早訓，好酸好酸.......成個人都好酸呀 >.<

由上星期開始係咁俾人話，叫我唔好啪咁多 Panadol......
乜我真係食得咁嚴重咩？大家講到我好似食上癮咁囉 >.<
不過呢，我會減量咁食架喇！其實比起以前，我真係食少左......

>>November 3, 2003 at 9:43:56 AM GMT+8

2003 年 11 月 1 日 星期六 【晴】

睇完戲差不多成點先返到屋企，YLT 既野......
1D 都未睇過未掂過，仲要加上乜都未執，型爆呀！

沖完涼都已經 02XX，執埋野整好晒都 03XX......
冇乜心機睇 Faci. Handbook 呢！起身再算......04XX 訓覺！

0715 起左身，都算犀利，咁都起到喎......仲好精神添！
084X 返到公司，買左早餐終於都捨得睇本 Handbook 喇！
好彩都唔係我想像中咁恐怖咁難嗟，之後教過類似的應該冇問題既！
可惜的......11XX 開始發現自己唔多妥，由頭痛到落腳.....仲加暈~
乜都未開始架，今次大鑊喇！即啪 Panadol & 搽白花油......

放工即閃上 Head，好彩同學幫我買左個魚柳飽餐，不過呢......
趕到咩咁呀，又要買野又要換衫，卒之個餐都冇食晒......0徒晒喇......
14XX 開車，15XX 入到粉嶺！呵......今年要做 Room IC，我間房有成 21 人囉！
好勁！勁型的我地係訓 tatami 房呀！好攪笑......勁屋企 feel 囉！
不過不幸既係我地條 Key 成個都開唔到架囉，攪到要搵人幫拖......

執完野換完衫就開始成個課程喇，趕到死呀 x_x
一開始玩，玩完就教呀教，食完飯又繼續，直至 RC Nite......
勁 "火羅" 呀今晚，話說 RC Nite 前大佬訓話既時候......
我個電話響左出聲囉！"火羅" 到暈 -.-" 全場都聽到呀唔該......

其實 RC Nite 都冇乜點聽，掛住同其他人傾計......
中途仲出左去拎野 & 傾計，完左 RC Nite 就返左房洗白白喇！
洗完白白個頭滴晒水咁，又走返出去開 Evaluation，準備宵夜！

話說今日同 aifaye 同班組員做 Introduction 既時候......
我地介紹左 The Rock 呢個 Organization 俾佢地知呢！哈哈......
我地同佢地講，我地既宗旨係 "宣揚油旺文化"，仲會定期攪音樂活動.....
而個活動呢，就係 Neway K Buffet 團喇！好鬼正呀！不過呢......
好明顯講完0個下係得我地兩個勁笑，但班組員好似唔知發生緊咩事囉 -.-"

>>November 6, 2003 at 2:24:24 PM GMT+8

2003 年 10 月 31 日 星期五 【晴】

本應今朝可以晏起身，因為要過九龍灣整野.......
但係後尾約左姨姨食早餐，所以......應該一切如常！
可惜的......我約左佢 0800 觀塘麥記，但係我 0745 先驚醒囉！
得到係 "he he hur hur" 咁攪掂0的野 0800 出門口飛的落去架......

麥記又出左 Hello Kitty & Shinkansen 既玩具呀！唉......又要買喇！
今朝買左架火車，但係仲爭扎緊買唔買 mimi 呀！因為好似冇咁靚......
食完早餐就地鐵過九龍灣拎腦，勁早呀今次，拎完眼光光咁 1A 返尖咀！
好慘呀.......想訓都訓唔到，迫住全程睇街 send message 囉.......

返到 Office 好明顯大家都唔願郁，因為大解放嘛今日......
Lunch 成班人去左五十嵐食飯，好耐冇一大班人出去食飯喇！
不過呢...我地個 "班" 都轉左好多喇...其實只係一年時間左右...

今晚本來約左人食飯，但係有人臨時唔得囉！哈...好難受！
所以之後就將同姨姨既約會提早左，本來係 2100 後 My Coffee，
卒之係 1930 UA 德福囉！不過 finally 變左 2200，因為 1930 full 呀！
我地去左睇《豪情》呢，由於未夠鐘，所以我地 1930 買完飛.....
之後去左 KFC 食飯 & 周圍行街囉！雖然得 2.5 個鐘，但好似好耐咁......

近來亂得要死，可唔可以唔諗咁多野？
我要努力咁做呀做，直至做死自己為止......

>>November 1, 2003 at 2:00:56 AM GMT+8

2003 年 10 月 30 日 星期四 【晴】

最近已經養成 0700 起身，0745 出門口既習慣喇......
日日都撘 1A，仲可以勁訓添，不過今日訓得勁辛苦 >.<

呢幾日訓左都好似冇訓咁，一郁就酸到咩咁......
唉 ～ 救命！咁樣落去都唔係辦法，睇唻要研究一下！

今日收到 Ken 既長途，佢會 22/11 返香港喇！
好野......我地 The Rock 就唻可以齊晒人喇！太好喇！
佢仲話 23 號 AU 個 Enrollment 會到添呀！哈哈.....

收工過左 HO 開會，之前去買 Mc 晚餐，又有粟米湯喇！
買個餐 +$4，好好味呢！係我最愛既粟米啊，呵呵~~~~~~
到達 HO 未夠鐘開會，先飲左個湯，正！之後玩掟蕃茄呢！
好好玩架！個蕃茄真係攤得好靚呢！仲有隻老鼠同屎添呀......
不過可惜佢地 "痴" 住左0係天花板，所以冇得玩呢......Oh~

今晚個會 2100 就完喇！之後就返屋企喇......
撘車諗住訓又訓唔到，卒之變左0係度講電話囉......
返到屋企都係 22XX.......犀利！未夠 0000 就攤左落床喇！

呢個《好心好報》越唻越好聽呢 ～ 真係好正呀 *o^

近來 PAD 既指數又有上升既跡象......慘慘喇！
快0的到下星期啦.......好期待呀！可以放低下自己......

>>November 1, 2003 at 1:45:32 AM GMT+8

2003 年 10 月 29 日 星期三 【晴】

尋晚又係話早訓又係唔成功，次次都係咁 -.-"
00XX 上床，但係 02XX 先訓囉！只係睇下野執下野...呵~

今朝依然 0700 起身，攪掂晒0的野同家姐一齊出門口...
好難得的...佢咁早起身仲要唔難嗌喎！勁呀！
撘車又係勁訓時間，今日訓到0岩0岩好呀...犀利！

呢排朝早都好忙呢，慘慘的今朝勁忙既時候仲要俾人串囉...
因為同某人傾計而得到 "梅菜扣肉" 事件...有冇攪錯？

今晚約左才食飯，後尾佢女友同奶茶都出左唻呢！
呵呵...我地去左星加坡餐廳食，食完我送左佢地去佐敦...
之後我就撘車返屋企喇！佢地去左打波囉 -.-"

唔...呢幾朝起身都肚痛添，唔知做咩事呢？
又冇胃口食野喎，周圍既人係咁叫我去睇醫生囉...救命~
最好笑 Dor 仲話介紹我去邊度邊度睇囉... -.-"

>>November 1, 2003 at 1:34:57 AM GMT+8

2003 年 10 月 28 日 星期二 【晴】

唱 K 唱到 0145 左右走，同 Tracy 同伍區長一齊打的...
返到屋企 02XX，洗完白 03XX...勁 "支力"...
攪掂晒攤落床已經 0400 喇！訓得三個鐘又起身...
撘 1A 諗住訓，點知掛住 send SMS 囉！呵...訓得三個字！

返到公司早餐都冇食，本來仲諗住作左篇 Proposal...
點知朝早做到死左，冇停過囉！一望已經 1250... -.-"

Lunch 同 Bo & San 去左食 Mc 記，好耐冇食...
0的薯條好好味呢！不過我仲咳 & 喉嚨痛緊架囉...
晏晝返到公司諗住開始做份 Proposal，點知勁眼訓...
乜都做唔到架下！連住半粒鐘不停咁打呵欠囉！好辛苦...
打到喊晒咁，仲要俾人話好似有毒癮咁囉！好無奈...
好彩 ATA 既朋友打唻講下電話，先至叫醒左少少囉...

放工約左 aifaye 同學，傾唻緊 YLT 0的野...
激快的我地話咁就分好工喇！犀利呀 *o^ 之後仲行左陣街...
行到 20XX 我就返公司樓下搵 Bobo，去左睇戲喇！
我地去左睇香港電影史上獨一無二的 3D 立體視頻驚嚇片...
即係《咒樂園》囉！套戲...好抄日本鬼片囉有0的位...
驚就冇喇，但係好核突囉！不過都有喊位喎...呵呵~~~
佢0個0的 "請戴上眼鏡" 同 "請除下眼鏡" 真係好難受囉...

睇完戲撘 1A 返觀塘食野，途中有班阿叔上左車...
嘈到乜咁，等我諗住訓下抖下都唔得...太過份喇！
成 2300 先返到觀塘，去左食粥，不過冇乜胃口呀...
碗粥都食唔晒，少有少有！激 "支力" 的食完野就返家喇...

今日 MSN 好難受的一句，同學...唔該妳喎 -.-"
"哦!!!!!zip時間....岩岩好...你去搵你個個,我去搵我個個"

>>October 31, 2003 at 12:15:10 PM GMT+8