2004 年 3 月 23 日 星期二 【颳風】

今朝 0745 先起身，竟然趕到 0810 班車仲唔使轉的！
出到尖咀去左麥記買早餐，我完全唔知佢減緊價囉 -.-"
落到去排隊，0的人好似唔使錢咁！卒之排左我 3 個 "字"......

返到公司當然係遲到啦，仲遲左足足 5 分鐘...... $5 呀！
不過為左個早餐，算把啦......因為我真係突然好想食 :P
但係又係要付出代價架，咪就係又肚痛囉！唉......

呢兩日都勁頭痛，Lunch 後頂唔順，啪左粒 Panadol！
之後好似好左少少，唔知係咪因為好耐冇啪過定特效既問題，
今次粒 Panadol 對我好似好有效咁！晏晝......好左少少喇！

今日馬 Sir 請下午茶，我地叫左手造甜品呢！呵呵***
食完真係滿足到咩咁，晚餐都可以慳返呀...食左佢成 $600 呢 :P

放工本來要過 HO 開會，但係 cancel 左，所以變得好閒！
突約左愛人 C 去唱 K，勁興奮 & 勁期待......期待已久啊！
因為餓得太耐，加上要去發洩一下！今晚......達到目的呀！
我地兩個 totally 咁癲左囉，本身一去到點晒0的新歌......
點知到最後都冇乜唱到，因為我地唱左一兩首已經轉左去嗌歌！
係狂嗌舊歌架下，好明顯係完完全全咁發洩！雖然得兩個鐘，但好爽！
我地係咁狂嗌「獨照」&「你講你愛我」呢，兩隻歌分別嗌左半打及一打次！
好勁好勁！個尾仲收得好靚添呀！唱完我地仲去左影貼紙相添 *o^

今日個人腰酸背痛得很，連0的骨都好酸......好辛苦呀救命！

屋企部電腦早兩日又有0的中毒既跡象，加上呢......
實在慢到想令人打爆佢囉，好明顯係乜都唔得架下 -.-"
越唻越想換電腦呀，唉......我要換電腦！！！

>>March 24, 2004 at 11:35:05 AM GMT+8

2004 年 3 月 22 日 星期一 【颳風】

尋日本應要上 SDI，但係到最後冇上到，因為一起身極肚痛......
唔知係咪因為尋晚撈得勁0個頭，所以攪到......攪到一 "住"！
劇痛既情況下變左逃學威龍，繼續訓......一訓，訓到 1600！
起身屋企冇晒人，打俾家姐...佢竟然叫我好好珍惜呢段時間...哦~

起身咁0岩雙親0係樓下，幫我買左燒賣！呵呵*** 好滿足！
食完坐左陣，走左去攤......攤攤下又訓過......
一路訓到今晨 02XX，起左起又繼續......直至今早 0725！

好明顯今朝早起身即洗頭洗白換衫返工，訓到腫左 -.-"
雖然訓到腫左，但係前所未有既咁精神，當然...仲有肚痛！

放工要留0係公司開會，由 1830 開到成 2000 囉！
今日都忙忙地呀，聽日應該會仲癲，因為呢......
我今晚已經將聽日會做既野放晒0係檯面喇！好恐怖啊 >__<

初初開完會仲諗住做左陣野先走，但係太肚餓喇......
加上又0岩0岩開到 2000 呢！所以呢......哈哈哈哈***

離開公司打電話俾媽媽，叫佢幫我買外賣......
返到屋企0岩0岩好呀！Very Good~~~ 仲暖架呢......

>>March 24, 2004 at 10:24:38 AM GMT+8

2004 年 3 月 20 日 星期六 【颳風】

今朝準時起身返工，返到去食左個豐富早餐，食完又......唉~~~
今日冇乜心機做野，"fark" 左一個朝早...放工即閃，去海防博物館！

晏晝去左海防幫手佛教明珠個 Programme，班小朋友都 OK 啦！
比起大家之前講既冇咁恐怖，當中都有0的幾攪笑架......
不過我勁白痴囉！由於放工即過去，所以冇時間食飯，點知......
我去幫大家買野飲既時候，竟然白痴到唔幫自己買埋野食囉 -.-"

完左個 Programme 1700 離開，之後我地去左食野......
去左東大街一間叫呂記既舖頭食野，0個度好多野食架！
價錢又唔算貴、0的野又好味，有機會要再去食野！不過遠左少少囉~

食完野返左過九龍灣，約左 Carrie 去個鞋倉，我地約左 1815......
佢冇帶電話，所以我等到佢 1845 都唔見人我就走左喇！好彩我冇走得遠...
佢 1850 打返俾我，等到喇卒之都！Finally 我地試去個倉......未收喎！
呵呵......Carrie 買左對 Adi 既粉藍色鞋，我竟然空手而回！少有少有！

去完倉，我地返左德福，本來想去睇戲，但係唔0岩時間...冇得睇~~~
之後去左 KFC 食飯，食完再過滿屋食甜品，今晚試左個好得意既野，
類似叫什麼綠茶皮紅豆芒果 Pancake，好好味的！繼上次楊枝金露後......
又一條作啊！另外呢...仲食左個薑汁湯圓 & 芒果黑糯米，都好好味呢！

食完甜品我地就乖乖返屋企喇！因為聽日要早早起身，上 SDI 嘛！努力！

>>March 22, 2004 at 4:38:05 PM GMT+8

2004 年 3 月 20 日 星期六 【颳風】

00XX 返到屋企，懷疑再次餓過飢......又肚 / 胃痛！
本身呢個星期已經成日胃痛，而家又攪成咁......唉~~~

返到屋企食左個薯蓉，飲左兩杯橙汁......好滿足！
點知得最後又好似上次咁勁想嘔，今次仲瀉添囉 -.-"

0315 ~ 頭濕、肚 / 胃痛、周身骨痛......好想訓覺~

>>March 20, 2004 at 3:16:51 AM GMT+8

2004 年 3 月 19 日 星期五 【乍雨乍晴】

今個凌晨，終於 "的" 起心肝睇左隻《JSA 安全地帶》喇！
如果唔係為左 EHL 個 Trip，我諗我都唔會睇！因為呢......
我唔係唔想睇，而係我唔會0係屋企睇 VCD！唔好問點解 ~

呢套《JSA 安全地帶》呢，其實之前上晝都想睇架！
我仲以為佢係戰爭片，原來唔係喎......比我想像中好好睇呀！
上次開會 May 話好悶，我覺得都唔係丫！好慘就真啦......
當然我又係睇到喊囉 -.-" 唔......我覺得呢套戲值得一睇呢！

睇完戲成 03XX 先訓，今朝 0745 起身，都算係咁喇......
唔知係咪唔夠訓既關係，今日由朝 PK P 到晏畫......唉~~~~~~
同事提我但都已經太遲喇，我今日榮升左做 PK Queen 呢 v__v

晏晝一行九人去左食美味豬扒，食完返去完全係「麵氣攻心」囉！
眼訓到乜咁，好彩......中途都有0的野俾我傾下笑下......冇咁辛苦......
事件一：今日咖喱哥哥好似好閒咁成日搵我吹水，1630 佢打唻......
有野玩......研究 Word 條虛線！我解答完佢既問題之後，佢去左懶醒......
幫佢同事 solve 左個問題，同事問：「嘩...咁勁既！你問邊個架？」
佢竟然答：「我徒弟囉！阿飛呀，王小姐呢！」會唔會無啦啦變左徒弟先 -.-"
事件二：臨近收工，同 Step 同事一齊去 Let Let，行過寶哥面前......
聽到佢同馬 Sir 個客講：「你炒抵個電話先啦......(下刪幾十字)」呵******
我地由佢個位笑到入 Let......會唔會係要炒低個電話而唔係抄囉！點炒呢？

夜晚放工過左 HO 開會，中途秀文打唻嗌外賣，買左麥記過去食......
我地仲諗住今晚 2100 收工，可以之後再去食過我地既晚餐，點知......
今晚又 2230 囉！開會期間得悉原來尋晚 YY 同我差不多時間一齊睇 JSA 呀！
傾晒執晒度埋期，我地差不多 2300 先走......成晚食左幾舊麥樂雞咋！餓餓***

>>March 20, 2004 at 3:05:00 AM GMT+8

2004 年 3 月 18 日 星期四 【晴】

今朝一起身，媽媽係咁叫我撘地鐵返工唔好撘巴士......
因為有交通意外發生，所以會塞車呢！最後......
我都冇理撘巴士，再轉的士既時候聽到新聞講有關既報導，
0個個交通警哥哥......真係好慘......好可憐啊~~~~~

晏晝同 Operation & Customer Service 既同事落左稻香飲茶，
好奇怪的，人地 Department 食飯點解會有我份既？好攪笑~~~
今日又玩量詞遊戲，包括：一籠茶、一壺飽......等等。
最難受既......都莫過於係我 "火羅" 左既「奶籠飽」囉......
同檯大家仲有研究左隔離公司0的人既男女關係添，有重大發現啊！

放工去左睇裙想買，但係買唔成，卒之返左屋企......
同屋企人上左中秀食飯，好耐冇試過0係咁正常氣氛下食飯......

說實，我每日返到屋企都會不自覺地咁板起塊面 & 皺起眉頭！
以前我會攪到夜一夜先返去，而家身子頂唔到，唔可以成日夜返喇！
近排叫做早左少少返去，訓多左少少，朝早起身睇個樣都冇咁嚇人丫！
唔化粧都覺得自己個樣可以走出街，實在少見......咁樣清清地都唔錯！
加上早幾日師姐既說話，我諗.....我 "開始" 會去諗下，係咪要對自己好0的！

辦公室政治，原來真係幾恐怖！周圍既人鐘意用一個足球場去形容......
有人加入、有人離隊、有人過檔、亦有人係二五仔......太多款式喇！
有時身處呢0的地方，你想不問世事？講就得嗟，事實......根本唔係0個回事！

>>March 19, 2004 at 4:05:55 PM GMT+8

2004 年 3 月 17 日 星期三 【晴】

今日完完全全地失控，幸好身邊有個人控制住我！

朝朝 0715 起身既習慣，今朝開始有0的危......
今日起身，望望個鐘已經 0745......嚇死啊......

全日瘋狂 MSN，第一次打字打到咁.......隻手勁痛囉 ~

收工本來想去買裙，但係唔夠時間，延期到聽日！
唔夠時間既原因，因為要去探米同學病呀......
放工即閃去左撘船，再行出灣仔，搵埋 Hollie 一齊上律敦治！
人地探病時間由 1600-1900，我地 1900 先到囉！所以呢......
攪到米同學要行出唻，佢瘦左呢......and......唔引得佢笑呀！
因為佢做完手術個傷口扯住會痛，所以今晚講野唔準成日講笑！
我地同佢傾左一個鐘頭計，監督埋佢食藥，20XX 先走......

離開律敦治，我 request 去 Hardees 食飯，去到好失望呢......
佢以前0的野都 OK 好食架嘛 (Ocean Terminal 0個間)......
點知今晚食0個0的完全唔掂囉！唔怪得之佢會執晒啦 -.-"

食完野本來諗住去食糖水，點知因為太滯...所以打消左個念頭！
卒之由灣仔行返落銅鑼灣，邊行邊睇野，因為今日購物慾極強！
去到得返 $200 過埋呢個月既情況，我都係癲左咁狂睇想買......
最後俾人成功地控制住左，成晚 around 2 個鐘都係買左 $129 野！
戰利品包括手鍊一條 & 耳環一對，其實......仲有好多野都想買 v__v

今晚同同學仔們傾左好多計，雖然只係傾普通既閒計......但感覺好好！
當年每日撘 Van 必到既位置，而家一年先行得0個幾次！人雖然依舊......
但隨住各方面既變化，大家既心情 / 境.....已經唔同晒！繼續努力啦 *o^

期待 4 月既狂歡、期待大家到時繼續爆料......

>>March 18, 2004 at 12:50:33 PM GMT+8

2004 年 3 月 16 日 星期二 【晴】

雙親尋晚完成佢地既華東之旅，返左唻喇！Oh~~~~~~
我同家姐，今日開始又變返夜歸 & 自閉女生喇！哈***

今朝好勁咁自己起身，有足夠既時間去買腸粉食......
勁耐冇食囉，因為早前集中左0係 Pret / 7-11 既三文治......
今日都已經唔理自己既腸胃問題，以為照食可也.....
點知......晏少少咪發現 "lai" 晒野囉！唉......

夜晚同媽 & 表姨s 去左火間土食飯，呵呵呵呵*** 好好味啊！
今晚又試左好多好味新既野食，有：炒麵、手卷、甜品......
當中以佢幾個既甜品都好吸引呢！真係好好好好味啊 *o^

哈哈......好似呢......越唻越似 Daily Report 咁呀！點解會咁架呢？

>>March 17, 2004 at 11:46:14 AM GMT+8

2004 年 3 月 15 日 星期一 【晴】

自上星期開始腸胃唔係好舒服，成日都肚痛 & 瀉......
呢個星期，真係要搵日去睇下醫生至得！本來諗住今日架......
不過起身 → 肚痛 → 嚇然發現公司0的重要文件櫃既銷匙......
全部0係晒我度，所以今日冇得唔返架！Oh......唉~~~~~~

卒之請左 2 個鐘頭假俾個肚安頓一下，之後 1100 返工......
返去食完個早餐又痛過囉 -.-" Lunch 我地一大班約左 Joe 去飲茶！
又係咁瘋狂叫野食，卒之淨返既拎晒返去 Tea & 佢地夜晚開會食囉！

今晚放工過左 HO 開會，由地鐵站先見凱詩上到橋再見到 Hay......
勁攪笑囉！我地老遠見到大家跟住做左同一個動作 - 除 Headphone！
我除右邊佢除左邊......行到既時候仲一齊講囉，哈哈哈......好好笑呀！

今晚開會盧姓籌委員又爆左阿秘書既 "火羅" 事呀......好慘~~~
不過又真係好好笑既，佢竟然將「渣甸山」變左「渣打山」囉 -.-"

個會開到 22XX，星期五又要過去......傾埋下星期既活動內容~~~
返屋企途中同師姐傾電話，傾左半個鐘......俾佢既說話喚醒左......
真係要好好 & 慢慢諗下，究竟我想點呢？好矛盾囉真係......

>>March 17, 2004 at 11:31:30 AM GMT+8

2004 年 3 月 14 日 星期日 【颳風】

尋晚一整晚睇電視，睇到 03XX 先訓......"支力" 到嘔茄~~~

晏晝 1215 叔叔打唻，約左佢 1330 0係新世紀，點知......
我 1315 先出門口囉 -.-" 好彩都唔使 1400 就走到出......
食完 Lunch 就入粉嶺探奶奶，離開之後又撘頭等出返旺角行街！
而家好抵啊，一日來回兩程撘頭等有 85 折啊！哈哈***

出返旺角又去左瘋狂購物......因為心情實在極差......
不過由於 $600 一個月既情況越唻越嚴重，所以都係就住好！

購完就返左屋企喇，夜晚同姐姐上左中秀買野返屋企食......
0係狂灌黑豆漿既情況下，我一早就投左降，當然最後都走唔甩啦......
真係滿足到捧住個肚......簡直......勁呀！好飽...... x__x

上星期我打左個驚嚇電話，今個星期到我收喇......
好明白朋友仔既心情呀，其實我呢兩日都差唔多......
所以今晚......好想安靜一下......又再需要冷靜一下.......

等左好姊妹好耐既小丑故事，終於等到下集 ~

馬戲團已不再係馬戲團
不明白不理解亦不快樂
去追問去追究定去放開
大政治小政治不如不理
以前重視的也不再以前
以後要重視的繼續重視
行開一點或會輕鬆一點
不要再像以前那麼執著
可能數年後亦自覺好笑

唔知點解，突然間好有同感......

今日晏晝0個個 Private No. 又打唻喇 v__v

>>March 15, 2004 at 2:23:57 PM GMT+8