2004 年 1 月 8 日 星期四 【晴】

講電話講到差不多 0200 先訓，仲諗住冇事......
點知今朝鬧鐘聽唔到，"典" 床又 "典" 到 0800 先捨得起~~~
高興的又打的返工，持住 16 號有筆可觀收入，冇所謂啦~~~
諗住訓成程但係訓得半程，因為司機唔識路喎......呵~~~

慘慘的 ~ 我懷疑尋晚 "攝" 親，因為今朝開始又唻料囉！唉......
一返到公司打開櫃筒，諗起尋晚同 Jessie 其中一段既對話......
之後就將同佢一齊0係生活工場買既靚靚電話繩扣左上電話喇！
希望真係好似佢講咁會為我帶唻好運啦！說實我真唔太信呢0的野 =.=
不過用左之後又真係有事發生喎，其實好可能係心理作用......哈***
突然有一個失而復得既機會，呢0的野唔係時時有架嘛，定要好好珍惜啊！
認真說希望今次唔係幻覺又或者自我安慰啦......極愛ｓaｍ 喲，呵呵***

>>January 8, 2004 at 10:50:48 PM GMT+8

2004 年 1 月 7 日 星期三 【晴】

今日依然好飯，返公司見到尋日 Sick Leave 既哥哥......
好明顯......我地兩兄妹都好似舊飯咁，得到係鬥飯囉！勁 =.=

Lunch 哥哥請客 (唔講得俾人知架...shu...)，去左茶軒......
食過飯後我同 Dor 去左惠康買野 for 星期五 Sandy 既 B-day Party......
正當我地搜羅緊貨品既時候，返緊公司既 Bobo 打俾我，對話如下：
寶：「喂！幫我買蘋果丫！」我：「下？咩唻架？」
寶：「日報呀！」我：「下？哦......」
想講既係，我聽電話既時候真係唔知佢講緊報紙囉 =.= 我仲諗......
無啦啦買咩蘋果呢？買唻食？點知原來係買唻睇囉......唉，激 "火羅"！

收工之後落左旺角，諗住去買 Organizer，點知搵唔到呀！好慘啊 :'(
行完一輪又係乜都冇，之後過左雅蘭，今晚係 167 既 Gathering 呢！
聽說今次活動既攪手係 Joanne，其實主要係集中左我地兩屆既 Com. 囉！
今晚既配撘真係幾攪笑架，有 Jessie、大細 Wen、Joanne、Catherine、Keith 同埋我，
本來 Nicole 都唻架，不過佢因為太 "支力" 所以 fiinally 都冇唻，可惜可惜~~~
跟住細 Wen 因為要補習所以又早走左呢！Oh~~~ 我地去左泰越軒食，原來呢......
0個度0的 Rest. 全部都可以跨 Rest. 咁叫野食架囉！我都係今日先知咋......

食完 Dinner 搵 "掟" hea，又話去尖咀又話去呢度又話去0個度......
撓攘完卒之去左我話山東街既仙跡岩，坐坐下 Shirley 又唻左一齊飲呢！
佢一唻到就係同 Keith 串鬥串囉！而我地其餘既同學仔好明顯係坐0係度 "觀戰"！
不過0個度真係好焗，所以坐左冇耐就閃喇！今個 drink 有人請呢！呵呵呵呵***
其實係老屈架！不過唔緊要啦！下星期又見喇，因為有人話下星期請我地食 Steak 呀！
要彌補返人家今晚遲到 & 太樣衰既關係，So......下星期我地又 Gat. 喇！仲有人請食飯添！

尋晚終於乖乖食晒藥喇！但係呢......都仲係好暈喎......唉......
終日 "ｆaｒk" 下 "ｆaｒk" 下咁......救命~~~ 乜藥食完唔係 = 好番架咩？
白痴的我今日先知原來唔係架......好白痴好白痴好白痴呀 >_<

有時......ｐlａn 好既ｒoｕtｅ都會因突發事件而更改......亦唔係我自己可以決定囉！

>>January 8, 2004 at 10:52:55 PM GMT+8

2004 年 1 月 6 日 星期二 【晴】

今日終於返工喇！不過返到去好似舊飯咁囉.......
成日都係呆左咁坐0係度，不過我有做野架！哈***
放工即返屋企大訓特訓 (藥力實在太強喇~)，不過訓得唔好呢 v_v

>>January 8, 2004 at 9:20:50 AM GMT+8

2004 年 1 月 5 日 星期一 【晴】

本打算今日返工，點知一起身就知道自己未得囉！唉......
第三日病倒臥床，11 點幾收到 Jessie 既電話告之一個好消息！
即刻成個人醒左 *o^ 恭喜妳啊同學！起身之後......又好似尋日咁過！

今日唔同既，就係0係食藥 → 訓覺既中段加左 ICQ / MSN，
不過打字打到 "wing" 既時候，一樣要去訓，聽日返工咁樣點算？
聽日一定要返到工呀！唔可以再 "痴" 住張床架喇.......

唉......今次一病乜都做唔到，以為自己入到 Camp、開到會 & 返到工......
點知全部都唔得，算啦......只可以怪自己唔好唔爭氣啦！好可憐啊 :'(

>>January 5, 2004 at 4:59:47 PM GMT+8

2004 年 1 月 4 日 星期日 【晴】

新年流流病個勁既，真係唔係幾開心 ~
由尋日食過一次藥之後，一直訓到今朝 11XX......
起身之後屈媽媽陪我落去食野，食完返屋企食藥又訓過！

今日一整日就係起身 → 食野 → 食藥 → 訓覺......
全日就係咁過左喇！訓得勁高興，一轉身就聽到0的骨聲......
即係 "擗擗啪啪" 咁，好耐冇活動囉 =.= 都係訓左兩日嗟......

>>January 5, 2004 at 4:20:13 PM GMT+8

2004 年 1 月 3 日 星期六 【晴】

我地卒之飲到成 01XX 先走，中場 Joe 已經貓貓地囉！Oh~~~
之後得返我地三個，係咁唱歌 & 幸運骰，好彩的今晚運氣唔錯呢 *o^
唔知點解，表弟成日都以為我係0係外國返唻囉 -.-" 邊度似呢？
仲有既係佢成日話自己唱歌難聽，點知一開口真係嚇死人.....好聽到丫 *o*
呢個晚上，我地四個人共飲左打半 + 3 枝囉！好耐未試過喇！嘻嘻~~~

離開 Schooner 我地一齊打的落旺角撘車，好明顯大家都癲癲地......
離奇既係......我撘左成程 Van 竟然都冇訓過囉！犀利呀！呵呵呵呵***
0205 返到屋企，說時話......好耐都冇飲咁多喇！但又唔算太 "wing" 咋喎......
返到屋企放低袋即刻走左去洗白洗頭，再開個電腦 chat 左陣，03XX 先訓......
高興的一返到屋企收到 Wendy 0係武漢寄返唻既 postcard 呀！呵呵***

今朝又一個離奇，就係我竟然知醒起身喎........罕有罕有！
其實呢，係尋晚訓得勁唔好囉！一撻落床已經有0的想...... /o\
好乖咁準時出門口，點知 0820 班車食左喎......太過份喇......
卒之撘 0830 0個班再轉的，返到去0岩0岩好！本來唔使的架嘛......

返到公司初初仲好精靈，11XX 就開始唻料喇......越唻越謝囉！
果然經過激烈搏鬥後，回復１星期前咁樣，可能出力0個頭啦 =.='
12XX 決定唔入 ASTC，因為真係 "DING NG SHUN" (from aifaye :P).......
最慘係我執晒一副入 camp 裝備架喇嘛...做乜鬼又唔舒服嗟！唔爭氣架！

放工之後為左等到 1530，留左0係公司 OT 直至 1410 先走！
離開公司撘 13X 返屋企，成程車勁訓.......爽！返到樓下 1520.......
呢0的唔嗲唔吊既時間簡直令人想死，最後都係去左食返我個 Lunch！
食完 1540 行過隔離，已經排到 14 號籌囉！姑娘話 1715 先有得睇囉 -.-"
攪左成個星期.......我終於捨得去見醫生喇！大家聽完我講去睇醫生既時候，
之後都係呢句：「乜你唔係睇左架喇咩？」或者「乜原來你仲未去睇架？」***

掛完號就先放屋企放低野，本來想訓架，但一訓就......梗係唔會起啦！
開電腦，開 ICQ，無聊的 update 下各位親朋好友既 info......up 左 1/6 人左右啦！
今日統計下，原來我成個 list 有成 382 個人，要 update 晒都幾係野囉 *o*

1700 落去睇醫生，探熱既時候驚覺自己原來發緊燒，真係唔知囉......
醫生話我今次病得都好嚴重囉，我聽醫生講 --- 原來發燒係會頭暈架......
睇完醫生過 supermarket 買左 pack 奶返家，食埋藥就乖乖去左訓覺喇！

>>January 5, 2004 at 9:57:26 PM GMT+8

2004 年 1 月 2 日 星期五 【晴】

尋晚睇完《花樣中年》就返左房執野，準備訓覺......
臨訓既時候開左收音機聽叱吒，點知一聽就聽到尾喇！
初初仲話要早訓，點知掛住聽聽到差不多 0100 先真係訓 =.=

好高興的 JOEY 拎左女歌手金獎 & 我最喜愛的女歌手啊！好犀利 *o^
聽住0的歌手講感受 & 回顧舊年既時候，聽到我又想喊囉......好感動！
同時間諗返下自己舊年做過既野，咁又一年喇！時間過得真係快！

聽完收音機即刻訓著，一訓訓到今朝 0655 個電話響......響完又訓過！
再起已經係 0800 喇，新年第一日返工諗住唔會遲啦！點知又唔知醒......
起身之後決定拖慢唻攪喇，還掂都遲，咁唯有當新年獎勵一下自己.....打的~*

今晚放工同 Patsy 攪 Farewell Party，食到尾既時候一班同事一齊0係度講是非囉！
講講下仲整左個 "Unitex 媒" 出唻添！勁攪笑呀 *o^ 其實牽涉既只得三位同事呢......
Party 完畢本來仲有下場去唱 K，講講下變左打爐，再講講下係乜都冇囉！
卒之我就留左0係公司 OT 喇，O 到 around 2030 走，Joe 撩去飲野囉......呵呵~~~

離開公司之後我同 Patsy & Joe 去左 Schooner 飲野，學識左幾個新遊戲！
不過我都係 "頓頓地" 架喇，乜都唔識玩 & 猜 =.= 飲飲下 Joe 表弟唻埋 join 我地！
好正的 Schooner 係有得唱 K 架，哈......一次過滿足左我兩樣野添！哈哈哈哈***

今日 aifaye 同學返新工呢！初初仲以為少左一個同學同我 MSN / ICQ 囉！
好彩的 ~~~ 原來唔係呢！ICQ 尚在，但 MSN 就.......唔知喇！呵呵呵呵***

>>January 3, 2004 at 2:48:59 AM GMT+8

2004 年 1 月 1 日 星期四 【晴】

今個元旦倒數0係 Steven 屋企渡過，倒到１0個下大家一齊拍手掌！
勁攪笑囉！之後就坐晒0係度睇0個個港澳既電視節目......
大家一路睇一路嗌悶嗌無聊，但係個個都堅持到底，睇到佢完架！好野！

睇完電視 aifaye 同學唻埋 join 我地，繼而開始 UNO 大戰！今日玩新野呢......
其實係因為 aifaye 同學帶左部新既 UNO 機唻，初初大家都 1010 咁......
不過之後呢，好明顯大家都好精靈啦！呵呵......但都有唔少既石友呢......
將隻 "Reverse" 牌 & "交換成副牌" 既牌撈亂左呢！我地今次既目標係 1000 分！
點知到最後俾我破左囉，太過份喇！我初初排尾二架嘛......
臨尾竟然急起直追，成為爆千完場0個個囉！好醜怪啊 >.< 臨尾香喎！唉.......
中途呢，大家講開男主人女主人既問題，Steven 突然爆左句：「你地有冇問過我意見呀？」
佢呢一句說話，簡直就係全晚既頂位啦！佢真係好犀利，一句說話足以令到大家都唔出聲......

玩完 UNO 之後大家本來話食野，講講下乜都冇食過囉 =.=
得到係大家乖乖咁坐晒0係度睇咩 "獎門人 - 凸別任務" 囉......
睇睇下有個位係0的咩 "創舉" 做到，女子組既同學一齊大拍手掌，
而男子組呢？唔好意思的......係得到成組呆左囉！攪到大家唔知點咁囉......

睇完電視我地就去左樓下茶餐廳食早餐喇！不過 Daddy & aifaye 冇去呢......
好似有事發生喎......新年流流咪玩野啦！成個早餐既過程，大家不停咁講野......
但講既係我同 Wendy 都唔係好明既 Physics 野囉，晨早流流講0的咁既野 ~~~ 咪玩啦！

食完早餐都已經 07XX 喇！返到屋企即洗白洗頭，之後又滴水咁走去訓覺！
訓到 around 1600 起身，同媽 & 姐落左德福行街街，睇左好多野但係冇收穫呢 v_v

>>January 8, 2004 at 12:13:04 PM GMT+8

2003 年 12 月 31 日 星期三 【晴】

03 年最後 1 日 ~ 好叻叻的今朝知醒起身......
趕得切出門口撘巴士，仲冇轉的士添呀！犀利！

今日超級勁多野做，完全唔知點解，我終於清左一座山喇！
不過仲有另一座等緊我，真係可憐！今年今日又係冇早放呢......
唔緊要啦，因為就算有早放我都唔走得，多野做到乜咁...... v_v
卒之我係 1750 攪掂囉！剩餘既 10 分鐘用左唻 send E-card 俾朋友仔！

打鐘之後留0係公司喧嘩左輪，成 1840 先走！之後逛左陣新太陽......
再落地鐵站等 Wendy，我地約左 The Rock 既朋友仔 1930 0係金鐘地鐵站等~
點知個個都遲到，唯獨 Carie 一個乖乖，不過佢等左勁耐囉，好慘 -.-"

未齊人我地就先出發，因為師姐遲左，所以我地就行住等佢喇！
今晚第一埸係去環球嘉年華呀！有梅佬、Wendy、Carie、燕 & 我！
0個度既人比我想像中少，玩機動遊戲都唔使點排隊，要排都好快囉！
我地都唔係玩左好多野咋，玩得最多0個個係我囉！我地玩左以下幾個：
好似滑浪飛船既 Log Flume、Batman & 吊腳既過山車 Euro Star *****
玩個 Log Flume 既時候勁正囉！濕晒......呵呵呵呵！不過衝力唔夠啦......
好想玩 G-Force 但係冇開呀！仲有其他好多都好想玩......可惜啦......
淨返0個0的下次去要再玩過呀！不過呢......今年好似少左好多 Games 咁呢！

玩完之後去左 PP Foodcourt join 埋 Daddy Andrew 食飯，食韓國菜！
去到冇耐發生左件不愉快事件，攪到我係咁爆粗囉！實在太過份喇 :@
本來下一站會係去山頂倒數，但係大家食食下飯傾傾下......決定改變行程！
改變行程就係食完野剷上 Steven 屋企，哈哈...佢間屋已經完全咁變左我地個竇喇！

撘地鐵離開金鐘去中環，再行過香港站轉車，沿途我地不停咁影埋晒0的難受相囉 =.=
最正都係影 DHL 廣告 (男子組) 同萬里長城 (女子組) 0個陣，勁攪笑囉！哈哈***

>>January 2, 2004 at 1:01:19 PM GMT+8

2003 年 12 月 30 日 星期二 【晴】

尋晚一早訓左，諗住訓夠精神今日繼續......
點知起身既時候情況嚴重，所以變左繼續訓 ~
訓到咁上下有人0係公司打唻，順手轉埋線返去請假......
點知一轉之後，先驚覺0的票0係晒我度，即係冇得請！唉~

1040 返到公司，0係樓下撞見兩位 Sales 同事......
即俾佢地話我好唔得，叫我攪掂返屋企訓覺囉！但係......
世事點會咁如意架，根本唔得...我仲有兩座山未攪掂呀 >_<
今日人氣如下：白、殘，好似一條乾屍......好唔得囉真係！

>>December 30, 2003 at 3:18:42 PM GMT+8