2004 年 1 月 18 日 星期日 【雷雨】

今日係煩左好耐既 First Aid Comp 既大日子......
尋日由 20XX 講訓覺卒之 22XX 先訓，今朝要咁早起身......
簡直係一個大挑戰！兩位愛人 0630 打俾我叫我起身......
點知我又衰衰咁再撻返落床，到 0720 Dick 打俾我......
答完佢一輪我白痴地走去問佢：「大鑊喇！而家係咪 0820 呀？」
我得知原來係 0720 之後就即刻起身梳洗換衫走人...都已經 1950！
約左愛人們食早餐，約左佢地 0800，好明顯我到唔倒啦！
卒之 0830 落車，愷盈買左個麥記早餐我食，好滿足啊~~~~~~

今日個 Comp. 依然好激氣，不過為左做好我既責任，唯有忍住！
成功咁忍住左個朝早，但晏晝 break 既時候都係頂唔住，滴左兩滴！
因為我班囡囡俾人 "蝦"，唔係唔 "慶" 呀！如果唔係著住 U & 俾佢面......
我一早就鬧左佢喇！身為成個活動既 "重要人物" 竟然可以如此不負責任！

雖然全個過程都好 "meng"，不過都有0的笑位既，好似 71 出賽既時候，
蕭公子做0個位0係鋁梯跌落唻既昏迷傷者，個細路幫佢做 Body Check 0個陣，
竟然開左佢褲頭鈕仲拉開埋佢條褲鏈，伸左雙手入去 check 佢盆骨有冇事之餘，
仲要揭開埋0個兩塊瓣，大叫左一句：「傷者冇失禁！」嘩......嚇親囉真係！
大家睇完呢個情況既時候呆晒，好明顯......個個都即時變晒做 MARY架呢！

個 Comp. around 1700 完，之後我同小丙、Carrie、Ivy & Louisa 一齊跟車返 HQ，
無啦啦落雨囉，冇帶遮......算！0的物資返左 HQ 之後，我地就坐左0係度傾計......
0的物資下星期先執喇！因為執埋就趕唔切入馬鞍山食團年飯喇！呵呵......
不過呢，finally 我同佢地傾計都傾到成 1845 先走，但我食飯食 1900 架下！

傾傾下我問小丙媽媽：「你覺得我第一年上唻跟你既時候同而家有咩分別呀？」
佢答我：「處事成熟左啦......(下刪 50-100 字)......同埋你個盆大左囉！」
聽完尾0個句我即刻呆左，因為我 get 佢講個盆大左係盆骨位個盆囉！哈哈哈***
之後經佢既解釋先知原來佢係講我既火爆程度，即係佢係話我裝火個盆大左！

同佢地傾完我就先走，的轉火車轉巴入馬鞍山......勁 "支力"！
好豪咁打的上火車站之後仲要撘頭等火車，係咁勁訓！都幾滿足架！
去到都差不多 2000，一去到即上菜，時間0岩0岩好呀！犀利......
食完飯我地又打的返屋企，返到去都係 22XX 咋！跟住竟然坐左0係度睇 930 囉！

>>January 21, 2004 at 10:05:39 AM GMT+8

2004 年 1 月 17 日 星期六 【晴】

今日又係 0757 起身，同0個朝一樣......巴 & 的！
晨早流流胃痛，所以一返到公司即叫早餐......
唔知點解，今日望極個鐘都係十點幾囉！咁慢既~~~

放工之後同 Dor & San 落左 Muji & Extravaganza 逛左逛，
佢地先走，我買完野返番上公司繼續做野，攪到 14XX 先走，
但係仲未攪掂晒囉！慘慘囉~~~ 下星期繼續努力！

離開公司去左買野 & 上 Head，預備聽日 YFAC 0的野，
好不幸上 Head 既時候因為隻腳既問題所以 PK 囉！唉.......
我隻腳既問題好似越唻越嚴重咁......未老先衰呀呢0的就係~~~

走 Head 後返左德福，同婆婆、媽 & 姐去左 Little Basil 食野，
佢地食 Tea 但係我係食 Lunch 囉！但係0個陣已經係 16XX 喇！
食完野我再同媽媽行左陣就返屋企喇！今晚餐飯都慳埋呢 :P

今日又使左一筆錢，因為0岩0岩出左 DP，所以做下乖孫乖女 & 乖妹~
加上自己又買下野準備過年咁啦，已經好好咁 Control 住架喇！可惜......
都用左好多呢！不過唔緊要啦，大家開心我又用得高興咪得囉！呵呵***

>>January 17, 2004 at 8:33:58 PM GMT+8

2004 年 1 月 16 日 星期五 【晴】

0000 先撘車，由落車0個程行返屋企令我想死......
因為個菠蘿蓋位痛左成日，跟住上落樓梯要出聲......
0的 "啪啪" 聲仲要0係耳邊聽到，令人好唔舒服 >__<

返到屋企心情激唔好，因為早一晚既事加上隻腳既問題，
不過之後 "REPORT" 左 20 幾分鐘之後好左少少，嘻嘻~~~
"REPORT" 完去左洗白洗頭，around 0200 先訓，又滴住訓......

今朝早......0800 起身！成個星期最早都係 0757 起......唉~
呢個星期五日的左四日，間直就係一個創舉呀！痴線的~

返到公司一陣收到程生電話，本來今晚約左佢同 Paty 飲野，
點知人家尋晚又有一場喎，俾人 "LUM" 左，今日？要休息囉 =.=
聽完佢個電話今晚冇得飲，之後就收到 Hollie 電話又係撩今晚飲......
仲諗住有得補啦，點知佢一句：「但係我地十點後喎！」之後......
咩興致都冇晒，如果聽日唔使返工我又唔介意架！不過基於好想飲......
所以都係爭扎下先，於是答左佢：「我諗下先啦，今晚先算！」
講完呢個電話再同 Inty 姐通個電話，有魔鬼撩去行街再去飲野......好吸引！

Lunch 去左百人一朱食，好似唔係叫左好多野，但係都好勁滿足啊！
食完飯同 Dor 奉旨行街，行左陣就返喇！不過晏晝返到去又好眼訓囉！
好彩中途有人打唻吹下水，所以先至冇咁悶，都知佢唔係打唻吹水咁簡單架喇！

放工之後真係同 Inty 去左行街，個行街其實只係0係個商場度行囉！
之前大家仲話要買乜買乜，之後乜都冇買過！呵呵......行左就去左搵野食......
可能係星期五既關係，度度都要等，加上我地諗住今餐食好0的，咁好耐冇見嘛！
卒之呢度等0個度等，等既中途去左 LCX 出面既 "露台仔" 坐 & 傾計 & ......
坐左半個鐘，先去 Ruby Tuesday 睇下排到邊度，點知情況不樂觀......
所以之後返左火間土睇下開始叫未，卒之呢......等到差不多 2050 先入座！餓到丫 =.=
入到去即刻睇 Menu 落 Order，我地兩個好似幾日冇食飯咁囉！超快攪掂一碟......
唔知係咪食得太急既關係，所以我地食左 3/4 度就開嗌滿足喇！初初仲話唔夠食......
我地 "HUR HUR" 聲咁四個 "字" 清左五碟野，而開始同結尾都食左碟三文魚刺身呢 *o^
佢0個度0的野食真係唔錯呀！呵呵呵呵......千嬅 Concert 之後 (既日子) 要再去過呀！

食完呢餐勁滿足，所以都係決定唔去飲野而返屋企喇！好似好衰添......
不過為星期日著想，所以呢兩晚一定要早訓呀~~~ 大家要互相撐住嘛！

>>January 17, 2004 at 10:53:13 AM GMT+8

2004 年 1 月 15 日 星期四 【晴】

今日一開始本來講緊電話，講講下變左同人嘈交......
真係四百個 "MENG" 呀！0個下唔係唔 "慶" 呀？頂~~~~
我同 Carrie 都激想爆粗，當然大家都自我控制住啦，算！
起碼佢都算好心 & 關心同事，只不過係表達方式有問題嗟！
好彩 Carrie 0係度，如果唔係我諗情況真係會非常嚴重囉 -.-"

收線之後，我同 Carrie 怒火燃燒住咁打俾小丙媽媽訴苦......
好明顯佢都估到個情況係點，因為佢太清楚當事人 & 我地喇！
最好笑佢用 "火爆" 呢個詞唻形容我囉！咁我又冇話唔係既 :P
同媽媽講完後果然係好少少，起碼冇咁 "慶" & 更清楚事件既情況~~~
講完 "慶" 事我地又講下其他野，講到成 0300 先收線！之後就去訓喇......

今朝 0757 先起身，誓要極速攪掂唔撘一程的，哈哈......成功***
落到去諗住撘 0830 班車啦，點知企左陣 around 0825 有班車喎！好野！
不過後尾出到佐敦都係要轉的過尖咀，出到去買埋早餐返到公司0岩0岩好！

Lunch 出左去買野食，食特製豬扒...又真係好似好味0的咁喎！
晏晝超眼訓啊，做乜都頂唔住：洗面、食野、睇 Web......乜都做齊都係咁！

放工上 Head 執 YFAC 既物資，我兩個愛人同 aifaye 都一齊執......
上到去第一時間解決左個麥記餐，再同黎主任傾左陣計，開始執野！
執野既時候大家將0的 related documents print 晒出唻，發現左一個笑話......
原來 "DRAFT" 既中文解釋係 "起來" 囉！繼 "REGULATION" 同 "裝修" 後又一傑作！
另外我又玩 "界" 手喇，一連兩日都俾紙 "界" 親同一個位置，痛到我丫 >_<

我地執野執到 22XX 先走，aifaye 走左先，之後我同我0的愛人s 落左旺角......
目的係要去麥記食雪糕 (原因好像有點兒那個，不過就係咁先正嘛！)，
落到去撞見勁多人囉，第一批先見 The Rock (drew, aifaye, mui & wendy) + Louisa，
再坐多陣又見到 Shirley & Friends 呢！又會咁0岩既......哈哈哈******
加加埋埋撞見成半打識既人囉！破晒紀錄......好勁呀！

好好笑的我地傾左好多野，最頂癮的都莫過於 "IN 絕" 喇！好好笑呀真係！
有人俾人串到丫......不過我地就係冇心架，鬼叫阿 ex 講得咁型咩！係咪？
我地坐到 2345 就走喇，先去花園街公園轉左個圈，先再去撘車返屋企......

今日晏晝有個笑話，真係令人好難受，睇完唔明就算喇！情況如下：
Ａ同學：「加個朱古力奶昔俾囡囡飲 」Ｂ同學：「妳囡囡飲唔飲架？」
Ａ同學：「唔知呀...不過我買俾佢佢就要飲.......如果佢唔飲就...打......patpat 」

哈！好無奈囉今晚真係！一次又一次事証明我既諗法係冇錯架，係時候要行動喇！

呀...剛剛打開日記先發現，原來呢處揀樣呢......係冇好 "MENG" 既樣架！

>>January 17, 2004 at 10:10:00 AM GMT+8

2004 年 1 月 14 日 星期三 【晴】

呢排天氣都好凍凍呢，尤其朝早...極度唔願起身！
今日呢......又一朝飛返公司，唉...... 越唻越過份添 :P

今晚係 167 既 2nd Gathering，本來 cancel 左但又話去......
我初初都以為自己會去到，因為 1700 開會，1800 應該散到......
只因 BDD 本應 1800 開會，但下畫得知原來 BDD 個會cancel 左！
即時已經知道 --- 情況唔係我諗得咁理想囉！最後得到係開到 2000！
開完會仲要做埋 "傾計" 0的野先走得，走既時候已經係 2100 喇！

實在太 "支力"，所以冇過到去搵佢地，選擇左撘 215x 返去食麥記~~~
返到觀塘上到麥記又冇乜胃口，加上今日買餐送 4 舊麥樂魚柳囉！
點會食得晒呢？所以最後我放棄左麥記，返左屋企樓下 7 記買雞脾食！
返屋企仲食左餅 & 橙添，好滿足！但係都仲好想食麥記呀真係！

>>January 15, 2004 at 10:47:20 AM GMT+8

2004 年 1 月 13 日 星期二 【晴】

尋晚飲埋最後一劑中藥即刻走左去訓呢......
但係訓得唔好啊！成晚醒下又訓、訓下又再醒！
到今朝起身既時候勁頭痛，所以醒左後又撻返落床......

0900 打電話返公司請左 2 hours 假，訓多左個幾鐘......
其實都唔係太妥，但係上星期剛剛先請完病假，今日唔喇！
0925 起身，本來諗住洗頭都懶得洗，攪掂晒就返出去喇！
滿足的我出到尖咀仲食埋個早餐先返去呢！呵呵呵呵***

今晚本打算放工返屋企勁訓，但見晏晝好似好左少少......
所以走去行左陣，先到 extravaganza，睇到對 Playboy 耳環好靚 *o*
爭扎緊買唔買......買唻過年都好嘛！呵呵*** 不過呢......都係諗清楚先！
之後行左過 Habour City，去 b + ab 又放低左0的錢.....買野 ~ 真係一個發洩！

行完街返左屋企樓下食飯，食到尾既時候掛住同 "大佬" 玩！其實呢...
"大佬" 係一個兩歲幾既小朋友唻架，同我住埋同一個屋苑，外表串串咁~
佢真係好攪笑架，當佢心情好既時候見親個個女既都會嗌「靚女」架......

究竟係我既問題定...？情況同之前實在差太遠喇，我諗 ~ 或者係時候要抽身喇！

>>January 14, 2004 at 10:41:51 AM GMT+8

2004 年 1 月 12 日 星期一 【晴】

唔知點解，呢幾晚無論幾點返屋企都好......
但係晚晚都攪到二三點先訓，繼而朝朝唔願起身！
今朝？當然又係咁啦......再咁落去都唔係辦法呢......

晏晝食 Lunch 同 teammate 去左飲茶，Dor Dor 請客~~~
本來我地話俾返 $$$ 佢架，不過佢死都唔肯收囉 -.-"
放工本來要留0係度開會，後尾原來 cancel 左，即彈呀！
個鼻勁辛苦...所以選擇左返屋企食飯 & 諗住早0的訓啦......

慘慘喇 ~ 今日食完飯返公司之後又開始唔舒服......
頭痛頭暈又傷風，今次流鼻水之餘仲流埋眼水囉......
唔想再病喎！明明飲緊中藥架嘛，點解會越飲越嚴重既？
仲好似想發燒添呀，唔要呀唔要呀......0岩0岩先病好......
咁快又病過？唔好喇卦？......下個星期我仲要去拜年架 >.<

>>January 12, 2004 at 9:42:04 PM GMT+8

2004 年 1 月 11 日 星期日 【晴】

尋晚整呢樣0個樣 "hea" 到今朝差不多成 0300 先訓......
今朝成功0係預定時間起身 - 1130，梳洗換衫化粧後......
出門口都已經 1230，先去食左串燒賣醫醫肚，因為好肚餓~~~

撘車出旺角去教協續証，張証過左期差不多半年喇......
今日終於捨得 & 記得去整喇！撘車既時候經過花墟......
見到好多人，同有好多桃花好多桔，唔覺唔覺下個星期就過年喇！
所以0的人又係時候又買下桃花買下桔，不過我屋企從來都冇0的咁既野，
如果要睇呢......0係街睇囉！呵呵......！去完教協之後上左新世紀同叔叔飲茶！
好好笑的佢不停叮囑我唔好撘 "車立" 囉！哈哈......好攪笑！
飲完茶去左 H-D 食哈蜜瓜雪糕，終於食到雪糕喇！好好味喲 *.^

晏晝入左粉嶺探奶奶，當我同家姐一見到佢就好乖咁叫：「奶奶！」
之後奶奶隔離既婆婆問左句：「咦！呢兩個係妳兩個新抱呀？」=.='
哈哈哈哈......笑左好耐！好耐都冇聽過呢個 "笑話" 喇，我咁細個點做新抱呀？

探完奶奶出返旺角，逛左陣就上 Head 開會喇！上到去話開話開......
真真正正開既時候都好似已經係 19XX，第一個目標係開到 2030 走人，
仲話要快過隔離房既同學仔們添，點知......開開下先發現，冇左 Gary 囉......
冇左佢唔係一個大問題，但冇左佢份 Financial Budget 係一個好好好大既問題囉！
冇份 FB 乜都預唔到乜都傾唔到，但當然我地幾個女孩子都將可傾既已經傾晒！
第二個目標我話要 2145，卒之 around 2130 就開完喇！仲準時 2145 走人添！

今日發瘋的勁買野，衫啦、頸巾啦、快勞s 啦、咿喲 "才泵" 骨棒棒啦......etc~~~
呢個星期淨係打的買野食野去玩加加埋埋我諗都用左千千聲喇！用左好多錢添......
一少一少唔覺唔覺咁用出去，好肉痛啊！要等新年利是錢幫補幫補呀~~~~~~

今日收到一個好正既日曆，係社會福利署出架！佢係一個座咁一日一張紙......
而每張紙都有一句說話又或者一個經歷，有0的好有意思 & 好有意義呢！好鍾意 :)
撘車返屋企既途中逐張逐張睇，睇到 4 月 27 號喇！其中兩張真係好鍾意......
(1) 1 月 7 日：為關懷你的人而愛，為珍惜你的人而活。
(2) 4 月 27 日：事，看輕一點；人，放鬆一點；你，會開心一點。

>>January 12, 2004 at 12:03:47 AM GMT+8

2004 年 1 月 10 日 星期六 【晴】

尋晚整下整下成兩點幾先訓，今朝......又 "賴" 野！
呢個星期一連三日呢，真係令人有0的想死......唉~~~
三日今日最犀利......起身既時候都已經係 0840 喇......

落到樓下都已經 0852，仲有 8 分鐘要返到公司囉！
痴線的 ~ 本來諗住請一個鐘假架，但係又唔係幾好......
所以呢 ~ 同之前兩日一樣，又係打的囉 -.-" (唔要得呀！)
打的期間拜託 Bobo 幫我叫早餐外賣，好偉大的啊！
當我撘到去柯士甸道既時候有人打唻串我囉，"懶" 醒呀......
皆因人家尋晚臨訓前詛咒過我咁夜都唔訓今朝實遲喎......
算！今次中你咒，不過下次一定唔會囉，就算係你都唔會好過！

1200 開始老細 & 2 個 departments 既同事開會，而我地呢......
就即係掉低晒自己手頭上既工作，0係度打機睇 Web & 傾計囉！
今日講左好幾個 topics，其中有去台灣影結婚相 & 同男 / 女朋友既 "..."
而同男 / 女朋友既 "..." 個 "..." 呢，其中包括以下幾樣......
拍拖紀念日；相識紀念日；拍拖 10 日、100 日、1000 日......etc!
不過最攪笑既都莫過於係同男 / 女朋友睇既第一套戲，乜真係會記得咩？
當大家相討緊呢個問題既時候，Bobo 突然爆左一句：「大吉大利大波大」囉 -.-"
聽完之後好明顯全公司既人都0係度狂笑，會唔會有套咁既戲先？如果有......
大家認為呢套戲既上映點應該只得0的以地方名為名既戲院囉！如 YMT or SKW...

其實今日返工差不多全程都同 teammate 講今日既大計 & 行程......
由於朝早落雨既關係，所以大家將行程改完又改係咁勁改......
淨係改第一站既地方 & 做乜，都講左成兩個幾鐘咁囉 =.='
最初話去小欖玩小型賽車 & BBQ，但因為朝早落過雨......
所以變左唱 K，後尾又因尖咀冇落，再變返去小欖......之後呢......
Muel 媽話屯門落緊微雨，大家又再次動搖......但最後得到既係 ---
大家臨離開公司既時候 Sandy 打去0個度問，得知冇左小型賽車玩囉！

Finally, 收工既時候我同 Sandy、Bo & Muel 一齊走，落樓下搵阿嫂......
再落地鐵站搵阿海，之後一齊撘地鐵去左銅鑼灣，撘到金鐘既時候......
竟然有人玩野話不如去泰國又或者澳門囉！其實呢......會唔會先？
但最難受既係，如果去澳門既話......我地要撘海盜船去啊！哈哈哈哈****

去到銅鑼灣大家先醫肚，去左新釗記，由於冇位...所以我地分左檯坐，
而我張檯呢，就係"三王"既組合喇！有王生、王太 & 王小姐！哈哈......
就係因為咁，我無啦啦做左王氏伉儷既契女囉！多左個契媽 & 契爺呀！
食完 Lunch 我地就過左隔離 Neway CEO 唱 K，由佢係 V-Mix 既時候......
我已經成日話要去見識下，因為小丙話過佢每間房都有獨立 toilet 架！
今日終於都見識到喇，不過除左外形 high class 0的 & 用無線咪之外......
我覺得其他同 K 場冇乜分別囉！呀.......仲有0的 Nuts，封得勁型！

我地由 1415 唱到 1715，中途阿孫都唻埋 join 我地！呵呵***
我同 Bobo 唱《沙》既時候呢，大家幫佢改左個藝名，叫「吹進」呀！
唱到 around 1600 我地就開始 plan 下場喇！夾夾的原來大家都想睇戲 *o^
但可惜既係大家想既戲係唔同架，分別有《地下鐵》&《德州電鋸大屠殺》呢！
本來話分男女子組睇唔同既戲，但係後尾都係決定迫埋佢地睇《地下鐵》架！

唱完 K 我地就過左利舞臺睇《地下鐵》喇，想睇好耐終於都睇到喇！
雖然之前已經聽過好多人講唔係太好睇，但都 OK 啦，要求唔太高都可以既...
不過我個人覺得呢......好似有0的 "夾硬唻" 咁囉！好鍾意裡面個天使呢 *.^

睇完戲去左 KFC 食飯，今日全部食既都好抵呀！午晚兩餐加埋都係 $44 咋！
食完飯我地就起行去金鐘，去環球嘉年華玩！哈哈...一個月都未夠我去第三次喇！
好彩既係每次去既 purpose 都唔同 & 一次比一次多人去，不過我諗之後唔會再去喇！

今次去呢，本來都打算玩機動遊戲既，但係行下行下......就變左玩攤位遊戲囉！
一向我都唔太好攤位遊戲，因為如果好彩擲到有公仔的話，都唔知可擺去邊......
但係見佢地玩得咁高興，我臨尾都加入左佢地既行列，係咁玩囉！不過呢......
我都已經算係今晚玩得最節儉0個位喇，用左 total $125，而其中 $5 仲要係上次淨既！
強勁既 Bobo 用左兩分鐘將 20 個 tokens = $100 用唻 "dell" 晒碟囉！哈......
都俾佢 "dell" 左隻狗返唻！佢勁犀利呀，玩兵乓波 & "dell" 波都中左公仔呢！
不過佢就將佢0的公仔俾晒我 & Sandy 囉！好明顯佢只係 enjoy "dell" 既過程啦！
阿海都唔弱呀，開始冇耐就 "dell" 左隻 Daisy 俾 Sandy，但係之後就冇咁好運喇......
玩到中途哥哥 & 嫂嫂先走，我地就玩到 22XX 走！難受的0係我地臨走既時候.......
大家0係度討論緊點解我唔鍾意玩 "dell" 公仔，我話：「咁冇乜把握又好難掌握嘛...」
點知 Bobo 哥竟然聽到我講「想食打冷」囉 -.-" 會唔會先？剛食完飯仲打冷？

最初既 planning，離開嘉年華後大家係會下場去飲野架......
但大家都已經 "支力" 到咩咁，當然係冇去到啦！等佢地仲打俾 Dor Dor......
話約 0015 旺角喎，呃人的 =.= 離開嘉年華大家就各自返屋企喇！

今日真係幾 "支力" 呢，加上剛剛病好......仲要想返發添！唉~~~
撘 601 返屋企既時候勁想訓又訓唔到，條腰又痛喎！真係唔好受 >_<

返到屋企飲左碗藥，0的味道怪怪咁！媽媽煲架，佢話我上次病得咁勁......
所以要飲返幾劑清清0的病 / 毒喎，仲要一連三日都要飲添！Oh~~~ 可憐啊！
由細到大都唔鍾意飲中藥，因為0的味真係好難頂，今日先第一日......ha......

* 誰都識得識得講撇脫　誰又實實在在可撇脫 * (呢兩三日腦海不停浮現......)

>>January 11, 2004 at 11:16:22 PM GMT+8

2004 年 1 月 9 日 星期五 【晴】

呢排又興夜訓，攪到今朝又衰左......
返到去食最後一啖早餐既時候，俾人召左去開會！
奶都未得閒飲呀陰功，一開開左兩粒鐘 -.-"
開完會出唻踢晒腳咁勁做，唔使開會既話......幾好呢~

今日晏晝同秀文講電話既時候從佢口中學識左一樣新野：
"由於英文 = 雞腸，所以中文 = 豬腸"......哦，原來係咁 =.='

今晚開 EHL Sharing，本來諗住唔去，加上秀文又加過把口......
勁動搖！不過到最後我都有去到，原來都唔係得好多人呢......
去到地鐵站撞見 MoMo，同佢一齊去買野送外賣俾佢地......
哈哈~~~ 今晚開會仲見到嚴嚴呢！講開幫手既時候......
佢話如果我地 "雙 WONG (因為係黃 + 王)" 去佢唔去呀 :'(
走既時候大家約要去 CEO 呢！呵呵呵呵......好啊好啊！期待著~~~
開完會 222X 就返到屋企喇！好早......我落車既時候望錶仲以為 2240 囉！

返到去慢慢 check e-mail、download 歌 & ICQ，好耐冇試過對咁耐電腦喇！
我係指屋企0個部囉，可惜的佢依然係咁慢架......唉~~~ 好想換好想換好想換！
近排愛上左聽吳浩康0的歌，真係唔錯喎！成隻 EP 大半既歌都好好聽呢 *o^
細個既時候對0的新人 (歌手) 總好熟悉，但隨往年紀一年一年咁增長......
呢幾年我都冇乜留意 / 研究喇，而家0個0的都唔識既 *~* 不過呢，佢真係幾得喎！

>>January 10, 2004 at 10:15:12 AM GMT+8