2004 年 4 月 11 日 星期日 【晴】

尋日呆完走左去訓，訓完起身洗完白又訓過......
諗住今朝冇死啦！點知...今朝 0800 Report 0732 先起身 -.-"
極速攪掂晒所有野 0749 出門口，飛的上 HQ.......0803 到達！

由上的開始係咁打俾小丙 & Carrie，兩位都冇聽 / 開電話架！
上到去當然我係最早到啦！好明顯......其實都估到咩事囉......
最後小丙遲到 Carrie 冇到，我就做左 QM & 計分喇！

成個 Nursing Comp. 13XX 完，清場呢樣0個樣攪到 14XX 先走，
離開 HQ，我地一行七人落左尖咀既 Ruby Tuesday 食 Brunch！
呢七人包括：康、傅詩、小丙、我、Louisa、翠絲 & Dick......
好難得可以同到 Dick 去食飯呀，叫佢去既時候叫得幾辛苦呀......
差0的就要0係尖咀鬧市拎住個洗 Pat 盤行架喇！哈哈哈哈***
全程 Brunch 0係度玩 Dick & Louisa 部 GX32，真係好靚好吸引！

食完野，我同 Tracy & Louisa 去左行 LCX，好犀利呢今次.......
我同 Tracy 俾 Louisa 勁 "才禁" (買野) 囉！見到好多野都想買呀 *o*
最後我完全冇事，而 Tracy 呢 ~ 買左兩條鍊，係買一送一0個隻！好抵！

行完街就返屋企喇！訓住咁返去，可惜架車0的阿叔阿嬸嘈到咩咁 #$^*(%
返到去終於履行左呢幾日對自己既承諾：掉晒0的應掉好耐既野！成功呀！

好不高興 ~ 原來呢.......係人既問題囉！

>>April 11, 2004 at 7:20:33 PM GMT+8

2004 年 4 月 10 日 星期六 【晴】

特長假期......今晨 02XX 訓，今朝竟然起到身！
1000 教書教到 1400，之後去左旺角食味千......
再去行 I.T. 買左對 AP 靚靚耳環，勁 "支力"......
放假既日子，好似特別容易 "支力" 咁既！好奇怪！

攪完一輪返左屋企，坐0係腦前 "支力" 呆左......
發現我既起身 & 記憶能力真係差左好好好多囉.......
繼今年 Record 極差之後，今個黃昏一路坐一路諗野......
突然諗到聽日 Nursing Comp. 既野，發現唔記得 Prep 呢樣......
然後又唔記得 Prep 0個樣，究竟我做緊咩呢？我都唔知......
如果可以將我身體入面換左個 HD，咁對我對大家會幾好呢！

>>April 10, 2004 at 5:42:36 PM GMT+8

2004 年 4 月 9 日 星期五 【晴】

準時起身唔準時出門口，但係竟然係最早到既一個！
今日約左 RC 同事們開會前一齊午飯，點知 6 變 4 呢！

1400-1600 開會 1600-1800 睇 U10 練 Nur. Comp. 1830 走人！
行落旺角本打算巴入馬鞍山轉的搵大家巴巴蕉，後來.......
中途放棄因為過左黃埔搵小丙小雯一齊直接的過去！好勁！
原來黃埔入泥涌係可以講價講到 $100 攪掂！兜左成半個九龍呀！
最後 2000 到達，今晚既參加者仲有翠絲、達達、姨姨、師姐.......
不過佢地係 16XX 已經開始架喇！我地巴巴下仲有富豪雪糕添呀！
今晚既野食由達達大廚包辦，真係好好味 & 好犀利！好好好滿足呢 *o^
仲好抵添呀！食左咁多正野都係位位 $70 咋！巴到 2300 就走喇.......

今日發現既秘密：原來爸爸媽媽當年有份起西沙公路架，好鬼威！
佢地亦因為呢個工程而認識，繼而咩咩，然後咩咩........唔係唔 O 呀？

>>April 10, 2004 at 6:02:10 PM GMT+8

2004 年 4 月 8 日 星期四 【晴】

飲野唱歌飲野唱歌飲到唱到成 0200 先走，坐左 4 個幾鐘！
好明顯.......有人開始 high high 地囉！呵*** 同 Dor 一齊的返屋企！
返到屋企攪掂所有野 0430 訓覺，一訓訓到 1330，好勁喲 *o^

剛剛好用左一個鐘既時間出門口，不過 1505 已經到左愉翠苑，
上去商場買左個包，食完先慢慢行過 Swire，去到都只係 1535.......
其實約左係 1600 囉，仲諗住搏下有冇得早少少 IN，點知係冇架！
一坐坐到成 1630 阿姐先帶我上去，上到去仲等左陣先 IN.......
不過 OK 啦，我有既係時間嘛！IN 完走得都已經係 1715 既事喇！
好特別的 ~ 由入去 Lobby 至到每個 Dept.，就連每一個 Conf. Rm. 裡面......
你都會見到一個雪櫃，就好似去0的茶記或大排檔 / 食肆既汽水櫃......
但唔同既係，平時0個0的要俾 $$$ 飲，但係佢0個0的呢......係任 "才羅" 架！
就連入去送野既 Courier 都可以拎唻飲，更何況佢0的員工？哈哈***

去完 Swire，撘 281A 出旺角，不過撘到九龍塘既時候收左個電話......
要轉去銅鑼灣，於是0係太子落左車，再轉地鐵過銅鑼灣........
過到銅鑼灣第一件事去左個 Let，再去 City Super 行左陣，點知呢......
行過 ~H2O+ 放低左 $400 囉！買左個胭脂 & 水份 Base.......勁興奮！
一買完就再收電話，然後就行過銅鑼灣廣場 join 左阿秀 & 阿振啦！

我地三個今晚去左唱 K 呢，呢個配撘都係第一次！但係勁高興呀！
同佢地唱 K 好高興好好玩呀！係咁玩紅 + 藍 → 綠，仲有玩一人一行唱！
好明顯大家都唱到 & 玩到癲晒囉！但完全唔知點解無啦啦0的高音句去晒我度囉！
我地由 1830 唱到 2130，佢又 Cut 歌 Cut 得勁準時喎！所以唱完就走喇.......

今晚周街都好多人呢，好明顯因為聽日又開始放假啦......
不過我聽日開始就冇假放喇！因為日日都要做野呢......要努力啊 *o^

>>April 11, 2004 at 7:59:06 PM GMT+8

2004 年 4 月 7 日 星期三 【晴】

Sleeping Day ~ 10XX 阿秀打唻，講完起身！
查過電郵、食過零食、同姐姐傾過計......又訓過！

由 14XX 訓到 18XX，起身落街食晚飯.......
食過晚飯，出左太子酒吧街.......今晚要盡興！

>>April 10, 2004 at 5:49:46 PM GMT+8

2004 年 4 月 6 日 星期二 【晴】

尋晚0係唔係好知自己做緊乜既情況下訓左......
今朝本應要 0800 起身，卒之呢......係 0915 囉！
放假真係幾好，不過放假都仲要做野就真係爭0的......

0930 出門口，飛的過大角咀，出到去 0945......
仲有時間去麥記食個 2 號早餐，呵呵......勁滿足架下！
食完早餐 join 左康哥哥去大角咀天主教睇班細路操......
今日真係好彩得康哥哥咋，如果唔係得我一個都唔知點算！
班小朋友都好乖好醒好可愛，比我地想像中叻呢！
最好笑既係，每當 break 完佢地總會有一個 "準備 Fall-in 樣"，
係完全唔使人地提佢地架！好犀利，好欣賞佢地呢一下呀 *o^

由 1000 同佢地操到 around 1145，我地就走喇！離開學校......
我就開始今日既「寶馬飲食豪華一天團 (香港遊)」喇！呵呵呵呵***
12XX 登上寶馬，出發去元朗既大榮華酒樓飲茶，既平又好食！
真係好抵啊，佢個奶皇馬拉糕同豉油 ( Many 毛) 雞真係好好味呢！
飲飲下茶既時候我地仲0係度研究以前0的人0係青馬大橋玩 Bunji Jump，
請註明係 "Bunji Jump without String" 0個隻囉，勁癲呀下 >___<

飲完茶，再行返出大街買老婆餅，哈哈......入元朗必做既事囉好明顯！
買完餅出返青馬0個邊，去左觀景台 "觀景"，最攪笑係因為行錯路......
我地架車行某條小橋係足足行左五次囉！等最初仲有人話未行過丫拿......
觀完景，我地再去左深井既發記食糖水，試左楊枝甘露 & 榴槤飄香呢！
兩個都好特別架，聽聞銅鑼灣開左分店，有機會要再去試其他野呀！
我地食緊既時候仲見到個就唻一歲好得意 & 好中意食楊枝甘露既大眼妹妹，
佢真係好好好得意架！仲識對住我地笑 & Bye Bye 添！勁 Cute 呀！

食完糖水，滿足到上心口，之後出左 Peninsula 唻左個 High Tea......
環境唔錯，佢個 Passionfruit Tea 都唔錯！不過飲得太多......個肚勁脹 -.-"
High Tea 坐到 18XX，再去今日既尾站 --- 淺水灣！哈哈哈哈***
今日既壓軸係去淺水灣酒店既 Y by-the-bay 食 Shabu Shabu 呀！勁正！
真係好好好好味呀！不過佢係一個牛肉 Shabu Shabu 囉！$99 任食一個鐘！
有機會要好好介紹一下俾周圍既朋友，仲有另一個係 $299 海鮮 + 牛肉 Sha 架！

Shabu Shabu 完畢，就起程返屋企喇！今日呢個香港一日遊真係好滿足呀！
由朝食到晚，食到癲左囉好明顯，我諗又將會加磅喇！大鑊喇...... -.-"

真係要好好珍惜呢三日假期，尤其聽日......因為只係得聽日冇野做......
聽日係由 4/4 放到 13/4 唯一一日既 Sleeping Day 呀，更要好好珍惜啊！
其他日子，日日都要做野教書或出 Function 架......呵......Ａ+ 努力呀！

一個月既努力，今日終於有成果喇！好興奮呀，期待星期四下晝......

>>April 6, 2004 at 11:06:02 PM GMT+8

2004 年 4 月 5 日 星期一 【晴】

尋晚總共做左 3 個 Mask(s)，今日打算俾皮膚休息下！
所以決定唔化粧走出街，點知.......出到去一照鏡嚇親自己！
可能呢兩個星期都慣左畫畫自己個樣先出街，睇慣左！

晏晝出左旺角同 Natalie & Louisa 去左 Neway City 唱 K，好滿足！
好耐冇同 Natalie 去街街喇！好高興呀今日同佢出去......呵***
我地由 1415 唱到 1715，佢好準時咁 1715 Cut 歌囉！Very Cheap！

唱完 K 我地去左兆萬影咭，勁高興！之後走左去周圍逛.......
逛到 18XX 就散場喇！因為佢地一個要補習一個要食飯......
本來 Louisa 叫埋我過尖咀一齊食飯，但係我既精神唔太容許呢！
於是我就 1A 返淘大買吉野家返屋企食喇.......好 "支力" 呢......

>>April 7, 2004 at 2:26:44 PM GMT+8

2004 年 4 月 4 日 星期日 【晴】

經過尋日一日既工作，今日仲有0的餘 "支力"......
1100 起身 1200 出門口，因為個樣今日依然恐怖......
所以堅持要化個粧先肯出街，攪到又遲左出去......
幸好約人冇約定時間，先上 Head 拎返部相機......
拎完即閃飛落新世紀搵叔叔飲茶，個司機竟然玩兜路！

去到美心 1320，呢個晏晝好似食左好多野咁......
食完晏去左處理銀行事務，然後出發去九龍塘......
等埋家姐再一齊入粉嶺探奶奶，又有一大袋 "禮物"！

離開粉嶺，"支力" 到嘔泡，本打算撘 70X 返屋企！
但係呢 (1) 太多人掃墓完畢，成個粉嶺都係人，咦......
(2) 有隻魔鬼0係隔離撩我出去行街，當然最後俾佢得逞啦！
終是持住有一日之內撘頭等來回，回程有八折優惠......
就同王家大小姐返左旺角，去新世紀行街，又買野......
行左 around 2 個鐘，我就頂唔順返屋企喇！真係好好好 "支力"！

返到屋企王太睇緊 DVD，0係佢睇第二套既時候加入左......
0個套戲唔錯，個名......唔記得左，淨係記得講做空姐囉！
仲記得0個陣戲院上既時候都諗過睇，當然最後又係泡湯啦......
戲中既女主角為左自己既夢想，放棄左佢同男主角既愛情......
當佢以為女配角係自己既好朋友既時候，佢原來一路都害緊佢，
但到最後佢既夢想實現左但乜都冇，佢先發現自己其實 1D 都唔開心......
不過個結局梗係後尾女主角搵返男主角，然後過住好開心既生活啦！
成套戲好深刻既兩句："不要讓任何事阻擋自己的夢想" & " 每個機師都需要副機師"

>>April 6, 2004 at 11:43:11 PM GMT+8

2004 年 4 月 3 日 星期六 【晴】

今朝呢......又唔知醒起身喎！仲諗住去買麥早餐架嘛......
不過最後返公司叫左早餐 C，勁滿足啊！呵呵***
原來呢......返埋今日就開始我一個星期有多既假期喇！

放工趕住走，點知冇鎖到櫃筒，攪到要返轉頭......
發覺自己趨唻越大頭蝦，唔係唔記得呢樣就唔記得0個樣。
再離開公司去左買餈飯，呵呵......好耐冇食過！

晏晝上左 Head 教 YBHE，今日同 Andrew 一齊教.......
其實係做 Assessment 囉！所以 Maggie 唻左睇我地上堂 *o^
由 1400- 1800，開始勁 Over Run 囉，後尾呢......係早完架！
等我一早聽其他 Div 既同事話會 OR，仲鬼咁擔心添，好彩冇事！
教完書，我地一邊食芝士蛋糕一邊聽 Maggie 講對我地既 Comment 呢！

聽完 Comment Andrew 先走，我就同 Maggie 留0係度傾左陣計......
傾完夜晚要開 PMT Meeting 講 Nursing Comp. 呢，今晚得三個開會......
就係 Carrie、小丙媽媽同我，仲要淨係講 Rundown & Decoration 囉！
我地勁快傾完勁快收工，散會都只係 20XX 咋！勁耐冇試過......咁早！

開完會我同小丙落左土瓜灣既七喜食飯，好好味架！不過佢0個度呢.......
地方真係細左少少，但係野食係好好味呢！我地兩個人食左三樣野：
蝦子撈麵、帶子螺片粥 & 豉油皇抄聖子，勁好味勁滿足呀 *o^
雖然勁 "支力"，但係冇落錯去架！因為真係好好味啊！哈哈哈哈******

食完野我就 101 返去喇！今日真係有十萬個 "支力" 呀 v__v

>>April 7, 2004 at 2:17:34 PM GMT+8

2004 年 4 月 2 日 星期五 【陰】

尋晚話早訓，真係早左少少訓架，點幾兩點囉！呵***

今朝起身，快手快腳撘車返公，返到去當然都係遲左少少啦！
先放低野再出去買野食，買左 Pret 既芒果雞肉三文治......
不過呢，好似冇以前咁好食囉！唔......都係玫瑰小龍蝦正0的 *o^

呢幾日個樣都好恐怖，日日都要化粧返公......遮住個恐怖樣！
0個 4 個眼袋大到咩咁之餘，契媽指既黑社會勢力亦都越唻越大......
(其實黑社會 = 黑眼圈囉！上次同契媽行去撘車...佢就係因為咁 "火羅" 左！)

今日唔算好忙，好明顯呢......尋日既 Virus 大勁啦......
攪到今日我周圍既同事都中晒毒咁！個個都變晒 1010 囉 -.-"

放工後開 3,4 月既 Birthday Party，之後突唻一個緊急會議！
本來想去旺角，不過由於唔方便阿 Muel 哥哥撘車，所以呢......
到最後我地0係返尖咀落腳，去左漢口道某間上樓 Cafe 呢......
0個間野叫 Sitting Room 呀！個環境好正喎！野食野飲又 OK ......
尖咀區又有好選擇喇！不過仲想去下上次師姐講0個間呢......

同佢地飲完野傾完計，我同 Step & Cher 去左海港城換野，
換完大家就返屋企喇！返到屋企都唔覺地原來已經 21XX 喇！
返去努力左 8 個 E-mail，好似好成功咁！但係諗返上次就..... v__v
因為上次0個0的到而家都未有聲氣呀！唉...... 繼續努力！

>>April 3, 2004 at 12:38:31 PM GMT+8