2004 年 3 月 6 日 星期六 【晴】

今朝好似正常返喇，一早巴出尖咀......
0830 就出到去喇！仲買埋麥早餐返公司食添！

繼尋日既 "林可欣" 事件後，今日又再打俾史經理，
估唔到佢竟然玩野又幫我改姓囉！今次要姓陳喎......哦！

放工後要搬泥頭，所以出左去避下，又玩瘋狂購物囉！
今日唔似尋日咁，好高興的可以 $200 買到好多野......
係咁二一個鐘買左兩樣野已經 $934 喇！好大鑊呀 >__<

晏晝留0係度看檔，不停聽歌、打野...等等等等~~~
裝修師傅走後，瘋狂大喊....完全意料之外~~~
以為自己今日好左，點知完全相反囉.....
本來以為自己喊完...打俾同學問野啦，點知......
即刻失控......仲嚇親同學囉！真係唔好意思......
安靜落唻之後，洗埋個面 1925 離開公司！好腫~~~

離開公司即的上火車站，因為本應今晚要 1900 到粉嶺...
同奶奶食飯慶生日，點知我咁晏走囉！點可以唔的丫...
到火車站再轉車入粉嶺，入到去都已經 20XX 喇......
可憐的俾人老點我行左路囉！仲要拎住一袋二袋重野......
然後0係人地一個屋苑度遊左一周，當我得悉自己行錯路既時候，
真係完全想死，加上心情極差......又再失控！
卒之我冇去到食飯，走左去撘 70X 返屋企......
一路撘車勁想訓但訓極都訓唔到，0的眼淚又不受控咁狂標，
好明顯已經去到一個崩潰既狀態~~~ 真係好辛苦......
卒之由粉嶺望街望到返翠屏，撘車撘到想嘔囉！
返到翠屏決定行返屋企，真係好好好 "支力" 喇......
返到屋企已經 22XX，即沖涼洗頭就去訓喇...唔想再喊喇~~~
由 18XX 喊到 22XX，隻眼......已經腫到 "mark" 唔開~~~

呢排心情低落得很，今次真係好恐怖呢......
比起七個月前0個次更嚴重，好想好好抖下......
俾自己好好安靜一下，不過可惜既係...壞習慣經已再次回歸！

>>March 8, 2004 at 11:05:58 AM GMT+8

2004 年 3 月 5 日 星期五 【晴】

今朝一起身就發 "爛咋"，發左一整朝~~~
因為發脾四所以又撘的士返工，呢個星期好似第三日喇！

星期三0個日公司換新 Server，順便整埋我個喇叭！
Very Good 呀！終於有得聽歌歌喇......呵呵呵***
不過只限 OT 既時候囉，但都好過冇啦......

晏晝打俾史經理問野，從而發現有兩位 AU 20 既同學0係佢度，
原來分別係 Karen & Penny 呢！當佢地發現我知道既時候......
就問經理我係邊個，佢竟然答：「林可欣呀。」......會唔會先？
原來我地識左咁耐佢都唔知我姓乜囉！好好好唔高興呀 :(

難得今晚冇野做，真係好！不過心情極差......
同個個講電話都講到想喊，唯有係咁講笑囉！可以點？
頂唔順卒之熄埋電話，如果唔係我怕我會發癲~~~~~~
放工由尖咀開始玩喪行遊戲，冇目的係咁行呀行.......
真係好耐冇試過心情唔靚到要喪行，哈哈......
中途有三個 "撩飲野" 既電話唻過，全部推晒......勁！
其實好想去喪飲或狂唱一下，不過聽日仲要返工......
都係咪玩喇！卒之係行行下走左去瘋狂購物，都係瘋左 $200 咋！
瘋狂完畢，勁 "支力"......決定......返屋企！唔！

出唻做野面對既問題果然係好多，越唻越覺一樣野：
呢個世界真係人人都好假~ 雖然話咁樣做唔係幾好......
但我發現原來唔好但都一定要學下！真係唔明0的人，
做埋晒0的咁低裝 & "lei lei 埋埋" 既野......
點解唔可以光明正大少少呢？人既問題...冇得救呀！
睇唻呢個社會上，老狐狸既數目真係一直咁 "bill" 升緊~~~

>>March 6, 2004 at 4:20:28 PM GMT+8

2004 年 3 月 4 日 星期四 【晴】

公司繼續裝修.......冇乜特別啦！今日凍到咩咁呢.......
放工後上 Head 開會，開索爾 Camp 會呀！本應呢......
呢個 Camp 係舊年攪架，可惜因為 SARS 所以 cancel 左！

今晚開會真係好好笑，黎主任先自爆唔記得搵烈鋒開會......
所以今晚全女班咁開，有 7 女呀，包括：黎主任、少雯、凱詩、
翠絲、燕、錦菱姨姨同埋我！傾內容既時候大家不停咁加野呢，
本身舊年度0個0的都已經 "好好玩" (呢個詞係 copy from 燕's Diary) 架啦！
今年再加0個0的，真係簡直正到爆呀！今晚成晚係咁笑，當然......
亦有笑話一堆啦，以下呢段對話既笑話......成為全晚總冠軍呀！
正當我地講話要 Member 做完呢樣做完0個樣之後，要搵野獎勵下佢地......
加上我地之前一路講乜都俾冰凍益力多既時候，劉幹事話：
「比佢地一人一支冰凍既益力多啦！」 燕接：「唔好啦，紙包啦。」
黎主任再接：「下，乜益力多有紙包既咩﹖」拿...會唔會 get 到呢個 mean 先 -.-"
聽完之後大家足足笑左成分鐘囉！真係好好好好笑......好一包紙包益力多！
睇唻益力多廠真係可以考慮下黎主任呢個 New Idea 喎！呵呵呵呵******

開會開到 around 2115，之後加埋愷盈 1 行 8 人去左旺角食飯，
本來話去東京一番架，但係去到冇位，所以冇得試！之後就去左沙嗲王，
間野好明顯大裝唻啦，而家靚到丫，對上一次係同愷盈去食 Lunch 囉，舊年 5 月！
我地一人一個麵 or 飯，再嗌多幾碟小食，個個都食到飽飽呢~~~~~~
所以之後要去行街散步消化一下，不過就只得我 + 燕 + 翠絲 & 姨姨......
我地去左 Trendy Land，行完 Trendy Land 燕 & 翠絲仲繼續呢 ~~~ 犀利！

今日俾媽媽瘋狂吹我早0的訓，點知都攪到成 0000 先返屋企囉 -.-"
說實......好 "支力"！點解呢個星期都仲係咁 "支力" 架？唉.......

>>March 6, 2004 at 3:54:01 PM GMT+8

2004 年 3 月 3 日 星期三 【乍雨乍晴】

返工 → 放工 → OT → 食飯......一切如常.....

OT O 到 2000 先走，之後 join 左 Michelle & Hollie......
去左紅螞蟻食飯，我地既麻煩程度簡直爆晒燈......
煩0的哥哥煩到我都覺得好煩囉 -.-" 我地一人叫左個飯/麵~
但係冇人食得晒架，連問人地有幾多條既魷魚鬚都食唔晒......
食到 2130 就走人喇，走既時候去左隔離人地飯堂同 Inty say HI！
Hi 完大家就走喇 ~~~ 好早的，去左撘 13X 返屋企！正！

今晚打電話俾某位朋友既時候好 "火羅" 囉 -.-" 話說我打到去......
聽到把聲唔係好對路，我已經即刻話：「喂？唔該ＸＸＸ丫！」
電話裡面既回答：「係！」之後我就一路同 "那人" 講野啦......
點知越講我覺得越唔對路，因為把聲真係好好好唔似佢嘛......
咁我咪問佢：「你真係冇野嘛？」佢仲要話：「冇野喎.....」
點知佢講完呢句接住竟然問我：「你近排點呀？」囉！哈******
我再答：「咩點呀？咪又係咁......」誰料佢一聽完即收線囉！
真係廿個攪笑囉，三唔識七講咁耐，仲要一開波講埋「唔該ＸＸＸ」...
佢都仲要答我係......好難受囉！成個電話講左成幾分鐘呀該煨~~~~~~

>>March 4, 2004 at 2:34:17 PM GMT+8

2004 年 3 月 2 日 星期二 【雷雨】

比起尋日遲左 5 分鐘起身，返工過程同尋日一樣~~~
唔同既係，今日兜埋媽媽囉！又係時候要節制一下......

公司裝修工程繼續，越唻越沙 & 越唻越塵，好犀利添......
今日當0的師傅拆 Pantry 既時候，有半塊拆出唻既牆撞到師傅囉！
我同 Bobo 睇完之後第一個反應係：「嘩......」( 樣 → *o* )
之後我就收到以下呢句 MSN Msg 喇：The Lord of The Rings 4 The Falling Ceiling
好鬼勁呀真係！除左呢套之外仲上演左好多次槍戲囉 -.-'''

返番下工既時候燕同學打唻...同我講左個消息，就係 ---
史經理開左個日記啊！！！名為《痴0左線，所以寫日記》~
雖然只寫左兩日，但係好好笑囉！都唔明點解佢成日都有假放既？

晏晝去左天橋底食豬扒飯，試左新野飲 - 蜜可立 (應該係茶記都有架喇~)
其實係蜜糖溝好立克囉！不過我覺得太甜喇，都係以前既好立克鮮奶正0的！
我所謂既 "好立克鮮奶" 呢.......只係得美心有得飲架咋！因為佢冇凍 Holick 架！

食飽飽下晝眼訓到乜咁囉，勁辛苦呀！係咁狂恰囉...又唔洗得面喎！
放工即閃，今晚要上 Head 開 YLR 會，好好笑......成班開會既同事呢......
都係我上 Rescue 97 0個陣既 Instructor 唻架，唔係唔 "才羅" 命呀 -.-"

我地老屈左伍區長買野食上唻，有燒賣啦、丸子啦、雞蛋仔 & 薯條！
好美味的 ~ 一路開會一路係咁食呀食，食到超勁飽囉！卒之呢......
我地 around 1945 開始開，開到未夠 2100 就完喇！Very Good 呢！
難得0係 Head 開會可以咁早走人嘛......破晒紀錄呀直頭~~~~~~
開完會玩完藍芽就各自返屋企喇，返到屋企都係 22XX 咋！犀利！

夜晚同 Carrie 傾電話，聽左佢0的恐怖 Voice Mail 囉！果然係癲！
都唔明0的人點解咁叉得閒既......無 X 聊聊......做下0的有意義既野啦~~~

好 "支力" 好 "支力"...... 好眼訓好眼訓......仲有個頭......真係好痛呢 v__v

>>March 3, 2004 at 12:25:02 PM GMT+8

2004 年 3 月 1 日 星期一 【陰晴不定】

今朝 0745 起身，雖然叫做知醒起身，但係呢......
"MOR MOR" 下都係決定慢慢唻，之後打的返工......
心情唔好既時候喜歡咁樣，仲要加埋係剛出糧既時候~~~

返到公司已經冇左間 Sales 房喇！成班人擠晒入 Conference Rm...
好好笑囉！同樣呢......好好好多塵囉！劈開晒0的板板......好大囉！

今日又異常地燥，初初我仲以為係 PMS 啦！原來唔係囉.......
成朝狂燥症咁，唉......唔通係上六好好控制完自己後既後遺症？

放工之後又要留低開會，基於裝修緊所以 070X 就散會喇......
隨即飛左落加記拎衫，途中去左新世界問野，哥哥竟然唔記得換返張咭俾我囉 -.-"
攪到我買完衫要走返轉頭搵佢換，攪掂晒0的野就上左中秀 join 媽媽食飯~~~
食完飯，返屋企......好好好 "支力" 呢！今日先星期一咋.......點捱呀？

話 150 就 150 嘛！所以今日狠狠的剷左......

原來呢，我個電話未申請 GPRS 係咩都玩唔到咩都收唔到架 @@

>>March 2, 2004 at 12:09:59 PM GMT+8

2004 年 2 月 29 日 星期日 【陰晴不定】

尋晚 2300 返到屋企，等等下等到訓左囉 -.-"
訓到 0100 起身洗白，再 "hea" 左陣就訓覺喇！

今朝本應 0930 起身，犀利的 0915 自己起左身！勁！
攪掂晒0的野之後 1030 出門口，成粒鐘剛剛好出到尖咀！
今日晏晝食飯開 Drill Comp. 個 E 呀，去左 Ruby Tuesday 食呢！
去既途中又有個笑話囉！話說我出到尖咀打俾 Louisa......
諗住睇下佢地去到邊，原來佢同 Daddy 一齊上緊海運......
於是我叫佢地等埋我啦，跟住我就上左去搵佢地喇！
行緊過 RT 既時候，Daddy 突然間問我：「你係咪瘦左呀？」
聽完之後異常愕然，跟住 Daddy 就話喇：「頭先你上唻0個陣呢......
我見到你 "dup" 低頭撥頭髮0個樣呢......我第一個反應係『嘩...索女呀！』」
講完之後佢仲要補充埋，佢覺得0個個係一個「Fashionable 既索女」囉！
聽完之後笑到我同 Louisa 癲左囉！去到我地再將呢個笑話話俾大家知，
得到既應該係 ~ 我 "ngok" 高頭後我既「索女」吸引指數會極速咁下降囉！

今日個 E 有好多人一齊發癲，有 Tracy, Daddy Andrew, Louisa, Karen, Ritly,
小丙、燕、嘉豪 & 我，一去到我地就嗌野飲喇！我地好幾個都飲左杯「冷意」~
其實係 Frozen Cappuccino 囉，有0的似思樂冰架！不過梗係佢好飲0的啦 *o^
個 E 開到 1330 散，大家晏晝都有唔同既節目，想去行街都唔得......

同佢地食完野我就去左新世紀 join 叔叔，行左陣...見到有 Joey 既 function 囉！
可惜的因為夠鐘所以睇唔到！撘火車去九龍塘 join 埋媽媽 & 姐姐......
我地就繼續火車過粉嶺探奶奶喇！睇完奶奶之後本來想出返去買野......
但係我實在太 "支力" 喇，所以揀左 70X，不過 finally 都係俾媽媽魔鬼撩左去德福！

去德福行左好多街街去埋 Little Basil 食埋晚飯，20XX 就返屋企喇！
返到去難得的可以睇電視，睇左0個套無線電影，好慘呀......又喊！

呢個星期真係好辛苦，仲好 "支力" 呢！好耐都冇試過 "支力" 得咁緊要......

咁又過左個二月喇，唔知三月又會點呢？唉........希望會好0的啦！

>>February 29, 2004 at 11:29:58 PM GMT+8

2004 年 2 月 28 日 星期六 【晴】

食完野返屋企成程同師兄講電話，初初話要講 7/3 既野，
點知講極都講唔到，因為大家不停咁叉開話題.....救命~~~~~~

0050 返到屋企，繼續講，仲加埋 Daddy 添！呵******
同較早前既情況完全一樣呀！講左成粒鐘之後係求其攪掂囉！
Finally 我地講到 0300 先講完，都咪話唔勁，不過呢......
講到尾既時候好明顯有人訓著左，叫極都唔醒囉 -.-''''''

講完先洗白洗頭 0430 先訓覺，但係今朝竟然可以 0715 起身！
我真係好好好好好叻叻啊！哈哈哈哈****** 好勁！
不過返到公司就真係唔方唔 "哈" 喇，今日 "meng" 到 PK 呀 >__<

話說今日晏晝公司開始裝修，我一早返到去已經俾晒0的箱出去....
俾人執返好佢地自己0的野，點知人地師傅 1300 唻，佢地 1245 先開始囉！
唔係唔勞氣呀化，淨係執 "自己" 野喎，其他乜都唔理......
攪到我同幾個同事為左幫佢地要留低，一執執到成 1400 囉！痴線的***
等我仲約左 Carrie 1330 油地食飯囉，唉......梗係去唔到啦！

卒之 1405 先走，加上今日血氣方剛0個頭，勁 "支力"......
於是持住自己有 Allowance，由公司撘的去東京 (係迴轉壽司)......
去到都已經 142X 喇，好彩......原來 Carrie 都遲左嗟！哈......
不過以我地個 Schedule 其實好趕囉！我地極速咁食完......
之後 Carrie 就陪左我地 Tray 電話喇，說時話今次都頗衝動呀換得，
經過尋日既狂 Hang 事件加近排既燥狂症要搵野發洩下，我決定買野！
尋晚諗左陣我決定左 tray 左我部 LG 5400，可惜食完飯 0000 舖頭收晒囉！
得到係今日要爭取時間呢個晏晝一定要換左佢，哈哈哈！Tray 左 T630 返唻！
唔好講笑，其實都幾貴呀！不過完全冇乜痛既感覺，因為我係真係為發洩而買囉！
(各位朋友唔好再同我講：「如果你要發洩不如將0的錢俾我啦！」喇！我唔會架！)

買完電話我先上 Head，因為約左 Kitty 傾計，不過後尾佢遲左......
我地係 1715 傾計然後 1730 開會囉！好犀利呀！哈哈哈哈****
今晚 1730 係開 YFAC 2003-2004 既 Evaluation 囉！好期待咁囉"好似"...
一開始好明顯有人好不友善囉！之後都好0的，起碼大家冇乜起 "gong" 丫！
件事話就話叫 "解決" 左，但係我地覺得唔係囉，不論真係話對人對事啦......
但係算啦，而家都總算叫做大家真真正正咁坐低 & 三口六面講清楚丫！
今次事情叫做 "終於告１段落" 後，我有以下幾個發現 & 問題呢......

＞ 我個盤應該又大左，仲越唻越犀利添！
＞ 究竟點樣先算係正確既ｓuｐpｏrｔ呢？
＞ 有人告知我地個ｂoｕnｄaｒy 好強，乜真係咩？

好，ｃｌｏｓｅ　ｆｉｌｅ !!!!!!

開完會再0係 Head "hea" 左陣，同燕、Louisa & Carrie 行左過何村......
去左食 McDonald，好耐冇食的我滿足咁食左一個餐 + McFlurry (Oreo)！
滿足死呀真係！但係今日真係好好好 "支力" 囉，可能因為以下幾樣：
本身底子唔好 + 今日紅日 + 瘋狂搬野后 + 整日精神折磨......所以攪成咁！
臨撘 17 時對自己既承諾：今晚一定要早早早早早早早早早早訓呀！

>>March 4, 2004 at 3:05:47 PM GMT+8

2004 年 2 月 27 日 星期五 【晴】

喪訓左一晚，今朝 0715 起左身，好勁！
不過好不幸既係...我訓得太多，今日個人超腫囉 -.-"

近日脾四已經暴燥得很，今日更加異常......
首先為左聽電話而打瀉左杯茶，攪到成檯濕晒~~~
乜 Document 都濕晒，乜都冇晒...勁燥！頂......
當我攪掂晒手頭上既工作，正諗住冷靜一下既時候，
有條怡東酒店既人打唻，Sell 0的類似 Buffet Club 既野，
仲要係咁狂講唔收線，我都已經顯得唔耐煩 & 唔老脾架啦...
佢仲係咁講以為自己講野好好笑咁喎...佢條 @#$%^*!@# 真係想死！
Finally 我好冇品但好有禮貌咁同佢講：「唔使喇拜拜！」然後 cut 左線！

以上既事情...只係今日既黑仔事件開始囉......唉......
話說今晚要開會，我晏晝 send 左 SMS 俾兩位同事 confirm~
點知伍區長 reply 我既時候，個 msg 開極都開唔到囉！
仲要慘到一開就 hang 機，我部電話......真係越唻越唔掂！
放工上 Head 既時候仲勁，Carrie 打唻連電話都聽唔到囉......

今晚開 JU Meeting，又開到癲左~~~ 本來諗住唔會開好耐...
點知成 22XX 先走囉，我地一行七人撘 Van 落去，有：
少雯、Michelle、伍區長、小丙、Louisa、曦雯 & 我
我地又去左好好食呢，之後 Tracy & Christy 都唻左搵我地呢！
今晚我地只係喧嘩左 around 個半鐘，0000 就離開好好歸家喇~~~

>>March 3, 2004 at 12:47:10 PM GMT+8

2004 年 2 月 26 日 星期四 【晴】

呢個星期脾四好暴燥，今日仲燥到流鼻血囉！
真係好好好燥，可能近排血氣方剛0個頭......唉！

今日係全星期難得最得閒既一日，放工本來想行下街......
不過冇乜 mood 啦，平時行都懶行，今日行埋過海港城......
但係 1D 興趣都提唔起囉，經過兩星期折磨，其實應該抖下~~~

於是返左屋企，買左隻脾脾食就算喇......仲有屋企既維他奶......
食完飲完洗左個頭 & 白，0係超頂唔順既情況下，2100 訓左！喪 "支力"！

>>March 2, 2004 at 12:21:15 PM GMT+8