2004 年 5 月 21 日 星期五 【雷雨】

星期五，冇乜心機 & 心情做野......唔......
不過今日都有高興既事，因為有小朋友上左唻公司！
小朋友係 Thomas 個仔 - 星男呀！我終於有機會見到佢喇！
勁興奮呀！好得意架佢，兩歲幾又靚仔又醒又唔怕羞......
仲好乖好聽話，見人都叫架！我影左佢相呢！呵呵......
佢 1240 唻到，我同佢玩到 1310 先捨得出去食飯囉......

今日 Lunch 約左 Wendy, Carie & Keith 食飯......
去左 UCC 食，呢個 combination 都幾得意......
不過呢，永遠都總有0的位冷落左其中一個囉 :P
飯局中得悉 Carie 下個學期開始轉左讀 Nursing 呀！
恭喜晒啊！記住努力啊！我地會支持妳呢 *o^

食完飯過左星光行買野，買完野返公司既時候，
竟然0係海港城見到行緊街既姐姐 + 男友囉！好好笑~~~

放工即閃，船過灣仔......行過銅鑼灣因為約左 Hollie ~
一落船 Gary (RC 0個個) 打唻，同佢講左成半粒鐘.......
由碼頭講到去銅鑼灣廣場，犀利！好耐冇同佢傾咁耐計~~~
講下大家近況呀、工作呀、來年去向......哈......大家努力啦！

去會左 Hollie 之後本來打算去食車仔麵，點知冇位......
跟住去左魚米之尊 (唔太 sure 間野個名) 食米線.......
Waitress 姐姐介紹左我地食 "八味軟腳蟹皇"，果然好八味！正！
食完野去左周圍逛，可能太 "支力" 啦，所以冇乜心機行......
行完上左世貿頂樓影貼紙相，兩個玩到癲晒囉好明顯......
影完落左 Starbucks 傾計，傾傾下發癲又走返上去再影過.......
卒之 total 我地影左 1 張咭 & 3 張貼紙，影到癲晒......哈哈~~~
影左 4 張野 1 人都係用左 $70，大家都勁 enjoy 個發癲既過程！
所以一致認為呢個活動係比行街好好多架，不過久唔久 1 次好喇 :P

影完 2nd round 我地就散喇！好滿足呀今晚......^__^

>>May 22, 2004 at 10:33:45 AM GMT+8

2004 年 5 月 20 日 星期四 【晴】

今晚放工過左 HO 聽 Talk，過到去都未夠 1845......
上 101 玩左陣，同 Bo Bo 過左 PP 搵小飛一齊去買野食！
回程既時候仲見到個黑高跟鞋配粉紅色短襪既 "Freedom" 囉！

返去食完野就落 G02 聽 Talk 喇！今晚講 Talk 既 Org 呢......
個名叫 "青鳥"，佢地係用朋輩教育既方式去教導一班性工作者......
佢地既分享好正呢，尤其係美蓮姑娘0個部分，好現身說法呢~~~
不過我覺得時間好似唔係好夠囉，下次再有就好喇......

>>May 22, 2004 at 10:44:42 AM GMT+8

2004 年 5 月 19 日 星期三 【陰】

今日開始，重投 SDI 既懷抱......
哈哈！我一定會好好努力完成佢架！

說實，對於 1D 好耐冇見既朋友仔.......
點可以唔使搵佢都知道佢既狀況呢？
朋友圈既 Diary 係一個好大既 "資料來源" 囉！

>>May 20, 2004 at 10:50:58 AM GMT+8

2004 年 5 月 18 日 星期二 【晴】

放工上左 HQ 開《營、營、營》會，叫左 KFC 食！
我地 3 個人叫左個餐，食到扒左0係度......勁滿足......

由於 Camp Site 問題今晚多左好多野傾，又係咁笑囉 -.-"
21XX 就散會喇！Good ~~~ 特別紀錄以下幾個笑位......
● 如果用 $360 買晒米粉返唻，會食到幾耐呢？
● 原來伍區長真係一個 "家庭主佬" 唻架，好勁呀！

>>May 20, 2004 at 10:46:42 AM GMT+8

2004 年 5 月 17 日 星期一 【晴】

逢星期一就唔太開心，因為一定要 OT 開會......
今日當然係一樣啦！唉......幾時可以脫離呢？

唔知係咪之前兩日太過勞碌，尋晚一訓 (未夠 0000)......
竟然訓到今日 0820 先捨得起身，好似唔使返工咁......
當然得到又係打的返去啦，計計埋我咁耐既的士錢.....
可能有我一個月既人工呀真係，唉......要慳0的喇 v__v

一返到公司，Dor Dor 即刻同我講：「妹妹，你今日好唔掂喎！」
佢呢句真係好應呀，佢話緊既係我對眼囉：眼袋 4 個加勁黑黑眼圈~~~
佢睇得咁透徹，係因為我今日冇化粧就走左出街......又真係嚇人左0的既！

今日其實好忙，但係刻意地拖慢自己0的野唻做......
哈哈......到最後咪又係辛苦自己囉！臨開會既時候趕到癲左 -_-"

開完會就返屋企喇！離奇地今晚可以 ICQ 到......
仲睇埋《翡翠戀曲》加《Les Vegas》呢！好滿足呀 *o^

今晚同 Wendy ICQ 既時候得知佢唻緊月尾會去上海出 placement 呀！
勁戥佢高興，但係我地就慘喇......一年呀......好可憐的少左個同我地玩！
Anyway 啦，希望佢今次順順利利啦！我地一定會等你返唻玩架 *o^

呢兩日同兩位同學仔 "係咁二" 傾過計，察覺到樣野......
自己好似越唻越唔係呢個圈入面既人咁，唉......唔想再諗喇~~~

>>May 18, 2004 at 10:20:16 AM GMT+8

2004 年 5 月 16 日 星期日 【晴】

今朝 0800 媽媽開始嗌我，佢不停咁同我講：
「妹...你又話要 8 點起身既？快0的起身啦！」
我明明尋晚話佢聽係 0900 架，點解會咁既？

本應約左 member 1100 0係 HQ 補返堂 YFA......
點知我0係裕民坊等架 17 號等左我 45 mins 囉......
由 1015 等到 1100，等到我發晒爛渣囉......
卒之 1130 先上到去，激死我喇....... >__<

補完堂由 1400 上 YFAP 上到 1730......
本來係 1800 落堂架，不過班小朋友包得快學得快，
所以有得早走！呢班都還算可以既......好過 YFA......

上完堂等埋阿燕，同佢傾左陣計再一齊走......
講開佢既工作問題，其實佢都幾慘......個老細又咁喎！
祝佢早日搵過份好工，轉個新既環境......仲有去得成雅典呀！

離開 HQ 約左位好受昆蟲歡迎既朋友仔食飯，朋友月嘛！
今日雖然好 "支力"，不過見係佢就冇所謂啦.......加上呢......
我要 update 下自己嘛，唔食呢餐飯真係唔知自己 out 得咁緊要！
呵呵......恭喜朋友仔啊！唔覺唔覺自己講野越唻越準......遲下可能......唉！

>>May 17, 2004 at 3:39:10 PM GMT+8

2004 年 5 月 15 日 星期六 【酷熱】

今日 "支力" 到嘔，又唻一日懶下先：

● 0係公司 "mor" 左一朝等收工......
● 放工即閃上 HQ，同同事們上左泳池食飯！
　 (佢個﹝茄汁蜆肉意粉﹞唔錯喎！好多蜆的~)
● 食完飯分組出發撘車去東涌！我係撘以下呢條路線架：
　 109 巴士 → 中環地鐵站 → 香港機鐵站 → 東涌地鐵站
● 去到青衣站 join 埋燕師姐，1615 到達東涌......
● 我地仲諗住會撞見黎主任，點知見唔到......
　 反而烈鋒0係 E 巴士撞見 Tracy 呢！好攪笑......
● 0係東薈城一邊食 McFlurry 一邊等黎主任......
● 等到黎主任一齊撘大嶼山巴去霸頂......
● 第１次去石壁營呀，終於有機會見下 "傳說中既池生"......
● 由營地返霸頂0個條路簡直令人想死，成功征服！
● 0係霸頂等車期間俾隻毒蚊咬腫左我隻左手手肘 :'(
● 企左 45 分鐘大嶼山巴士由霸頂返出東涌......
● 本來夜晚去馬鞍山食魚生，"支力" 到癲左......冇去~
● E21 出左旺角，轉左新之城 + 旺中......返屋企！
● 返到屋企冇耐其他人都返埋唻，仲由馬鞍山運左魚生 + 壽司......
　 哈哈哈哈......21XX 先食我豐富既晚餐！勁滿足！呵呵呵呵***
● 勁勁勁勁勁 "支力"......洗白訓覺......明天繼續努力！

>>May 18, 2004 at 10:36:55 AM GMT+8

2004 年 5 月 14 日 星期五 【晴】

尋晚返到屋企勁 "支力"，但係極唔願訓......
卒之 "hea" 到成 03XX 先訓，今朝嘛......0800 起身！

返到公司勁多野做但選擇左發呆，唉......算把啦~~~
今日發現自己開始 "標" 瘡，因為呢個星期實在太夜訓喇......
但係神奇的真係唔知點解我訓得越少之後0個日係越精靈架！

今日同 Gary 講電話既時候聽左個搵電話既笑話......
笑左我成個 "字" 咁滯......笑到癲左！如果俾我親身睇仲正呀！

夜晚收工即閃過左馬場，原來0係火炭係行到過去架......
但係條路真係有點兒刁鑽囉，不過一出銀禧花園0個度呢......
我有記憶我以前係去過 / 經過過架！但係咩事幾時我唔記得喇......

第一次入馬場，其實係同班 Youth 去參加個表揚長者義工既活動，
港台 + 馬會合辦......唔錯既！不過好明顯叫一大班 UG 去係撐場囉 -.-"
有明星睇有粵曲聽，對我唻講比較吸引我既只得 Deep, Joey & Eason 囉！
其他就......！所以其他時間我就周圍傾下計同埋幫阿桃 & 阿璟練國語......
因為佢兩個聽日去 in 同心同根呢！祝佢地個個都面試成功啦...... *o^

2200 散場有大會專車接送我地返 HQ，先返西九......
放低左我地大部份既 member，然後我同 4 個 member 一齊返東九囉！
佢地包括：阿桃、阿雞、之姐 & 117 肥仔......勁攪笑囉佢地，傻架！
我地由愛民傾到返翠屏，全程笑到癲左......但係著住套 U 囉.....
其實咁樣同佢地傾下計玩下幾開心丫，個感覺好 relax 呢！唔錯唔錯~~~
雖然我地係制服團隊，但係我覺得唔使下下都咁 discipline 囉......

>>May 15, 2004 at 11:04:51 AM GMT+8

2004 年 5 月 13 日 星期四 【晴】

好癲的......平日唔多留意新聞既我，近來變左......
尋日聽到 "斬首" 新聞，從史經理日記中得知新聞有播出唻......
點知今日 Bobo 將成段片 send 過唻俾我睇.......真係好癲！
初初都唔敢睇，但好奇下俾人 scan 過 ok 再搵人陪我一齊睇......
點解0的人可以咁架？睇完之後好想嘔.......果然......世界不再和平喇！

放工之後極速過左童軍總會買鞋，只上次上完 SDI 操爛左鞋......
我一路都未買返囉，由於聽晚要去馬會做 Service，所以必定要買！
買完再地鐵過 HO，好犀利囉！我 1800 放工 1850 攪掂晒所有野到 HO 呢！
0係地鐵站上去既時候仲見到 Idy 媽媽呢，呵呵......佢個肚又大個左啊！
今晚過 HO 其實去 In 唻緊 7 月個韓國探索之旅，而家暫時叫做成功組團......
但係只要其中一個唔去，其他都去唔成呢！其實有0的擔心呢.......

唔...... 5-8 月既 schedule 而家已經 full 晒喇......真係好恐怖.......

尋日有人介紹左我聽隻歌 -《我在那一角落患過傷風》呢......
今朝收左，果然好正！興奮的將佢 add 左落自己個 Homepage......
但係唔知係咪 format 既問題，返到屋企再睇既時候冇左......
等我再努力研究下究竟咩事先......不過呢隻歌仔真係好正......
其實 = 鄧健泓既《守護天使》裡面其中一段架，不過呢個好聽0的！
(兩隻歌都係0係《只能談情不能說愛》大碟入面，Track 3 & 9 呀！)

>>May 14, 2004 at 12:32:16 AM GMT+8

2004 年 5 月 12 日 星期三 【晴】

今日決定偷懶 1 日，所以用 Point Form 攪掂日記：

● 發冷，竟然可以著住 2 件褸仲嗌凍.......
● 學識將 ppt 轉 gif 檔，好神奇 *o* (多謝 Gary 啦)
● 夜晚開 JU 會，太耐冇開夜散會，21XX 已經頂唔順......
● 開完會旺角食飯發現金聲附近有間台灣野唔錯喎......
● 近來腸胃再次出現問題，死得喇......唔要病呀！

>>May 14, 2004 at 12:44:02 AM GMT+8