2004 年 2 月 16 日 星期一 【晴】

經過尋日辛勞一日之後，今朝又 08XX 先起身！
一起身依舊俾自己嚇親，所以實行乜都慢慢唻......
慢慢刷牙、慢慢洗面、慢慢換衫，再慢慢化粧！呵*

再的返公司已經 0910，又冇左 $30......噢！
今日全日 0900 - 1830 完全冇停過，"突然間" 就 1800 囉！
好彩等燕同事所以有多半個鐘可以用！呵呵***

1830 撇之後去左搵燕，逛左陣加記，又0係龍城買左野 -.-"
之後再去買蛋糕，然後就向安達 CEO 進發喇！哈哈哈哈......
當我地去到既時候仲諗住未有人到，點知一落到去就見到壽星仔！
嚇到我地咩咁，因為拎住左個蛋糕嘛！於是我地即刻閃埋一二邊......
搵個 Manager 幫我地收埋個蛋糕，然後先再去同史壽星仔 say Hi！
登記既時候勁攪笑囉！姐姐話要 "出示" 返生日0個個人囉！會唔會呢......
係出示個 "人" 而唔係証明文件先？當然...之後都要出示返，但佢講得好好笑囉！

今晚除左壽星仔 Steven 之外，仲有 Andrew, Ivy, Mui, Wendy, Carie, Yin & 我！
另一個準壽星仔康先生因為要趕功課唻唔到呀！真係可惜......又唔齊人！
一拎左房入到去，第一件事大家有 Party 帽呢！帶好晒之後就係送禮物時間喇！
今期既衰衰禮物包括：兔女郞 Accessories 1 Set - 頭箍、煲呔 & 圓形兔仔尾一個。
另外仲有......就係一件大胸衫喇！好型架！仲型過 Daddy 上期條大 Pat 褲呀 *o^
大家都瘋狂地托胸影相，勁攪笑囉！睇見 Steven 個難受樣就......仲攪笑囉！

今日既禮物負責人係 Andrew & Ivy 呀！佢地一路買禮物我地都 Keep 住電話，
勁攪笑的 ~ 最初其實我地打算買吹氣 Mary 俾壽星仔架，點知佢地一去到......
最平0個隻都要 $980 囉！唔係咁都唔叫 "lurt" 水呀？大家都以為 Mary 係得個睇字...
原來唔係架，佢仲有其他「特別用途」架！我都係今日先知呢...失覺晒！

笑完玩完影完相我地就開始食野 & 唱歌，唱到中途有笑話三則囉！
首先我地點左 "好心好報" 既合唱版，安排左各位分組合唱......
但一路唱既時候我地都唔俾某0的人同某0的人唱，因為 - 要玩情侶檔啊！
第二呢，就係唱唱下歌既時候有0的同學唔肯唱，於是我發明左個新方法：
就係拎住個咪但係熄左佢 & 扮口型0係度唱！咁同學就會一齊唱架喇！
(拿......唔係個個知架下當時，唔知既同學睇完唔好打我呀！) 第三喇......
話說當螢光幕開始播 "七友" 既時候，史壽星仔問：「邊個 "七友" 呀？」
大家都冇應佢，跟住 aifaye 同學就將枝咪遞左去 Daddy Andrew 度......
之後得到既係全場大笑囉，好明顯大家都諗緊衰野，而 Daddy 呢......
咪無啦啦變左 "七友" 囉！因為佢真係接左枝咪0係度唱呀！哈哈哈哈***

唱到 around 2200 我地就食蛋糕喇！我地不停咁叫史壽星仔影相......
影完相又係咁叫佢許願，叫左勁多次之後得到既回應係：「我許左喇！」
大家個反應係一個 "哦" 樣囉！加埋佢突然插播0個隻咁既 "串燒生日歌"......
真係唱到大家想掟爛部電視機囉，因為生日歌到好煩啊佢！乜 Version 都有！
最後我地係頂唔順跟住 Cut 左佢囉！哈哈哈哈...同時間發現，個蛋糕......
已經俾阿史壽星仔亂切到其中一邊有微爛既跡象，之後我地就俾左姐姐攪掂喇！

除左我地拎去既蛋糕之外，Neway 仲送左支桃酒添！真係好桃架，唔酒囉！
我地飲既時候仲叫 Manager 哥哥幫我地影左張大合照，不過質素就......一般啦！
Finally 我地玩到 2300 就嗌埋單喇！因為大家都已經好 "支力" 喇，不過今晚好高興呢！

>>February 19, 2004 at 2:06:54 PM GMT+8

2004 年 2 月 15 日 星期日 【陰晴不定】

過左 14 到左 15 依然逗留0係 Dance Cafe 架，不過呢......
坐多陣眼訓既人越唻越多、加上環境越唻越煙，所以都係閃好！
離開既時候大家都係0個句：「陣間見！」哈 ~ 唔夠 7 個鐘後又見！

返到屋企都 01XX，攪呀攪 ~ 又要執袋又要執 U，點解咁多野執架？
唔覺唔覺訓既時候已經 03XX，訓得兩個幾鐘又要起身......
而家咁危險既我已經叫晒一個二個 Morning Call 我，免得好似上星期咁！

鬧鐘未夠 0600 已經0係度響，我就 0600 先聽到，再即係梅佬's MC，
起左身...坐左無耐又跌返落去，再到電話個鬧鐘響，隨著係 Louisa's MC...
勁勁的我再 "典" 左陣就起身喇！好耐冇試過朝早有咁充足既時間......
可以慢慢梳洗紮?換 U & 執埋個袋，0705 出門口，早左呀！哈哈哈哈***

同曦雯早訂好既計劃進行得非常順利，我出門口截的再落翠屏兜埋佢，
勁好既 Planning 呀！本應 0745 去到 report，我地係早到架！哈...Yeah!!!
不過到達就 = 今日辛苦一日真正開始喇！今朝係 WKD 既 Drill Comp. 呢......
今年唔做口令核對去左做計分，好 high tech 的用電腦計啊......
我地個陣就擺左0係個龍門入面，計計下勁曬...QM 同事幫我地整左個 shelter，
個 shelter 勁囉，係用0個0的厚厚黑色垃圾袋 "痴" 出唻架！因為唔剪得......
成 $0.7 個好貴架！整完之後得到大家狂笑囉！不過呢，最難受都係出唻0個陣，
隔離既伍區長同我講：「咦？你終於肯搬去路宿者之家喇？」會唔會先 -.-"

個 Drill Comp 1300 完，執埋野我地去左食飯，0個個伯伯真係...令人想死~
如果我唔係咁眼訓又或者咁 "支力" 的話，我可能一早發晒火咁鬧佢喇！
食完野返去 1400 繼續要 Expo Rehersal，又繼續踩到 1830，中間有個小笑話，
話說當小丙媽媽同班 member 講緊好認真咁講緊急救操既時候，我踢左佢支水落球場，
終是我即刻跑左落去執，當我執起支水既時候將佢高舉再講左句：「哈哈...勇救日之泉！」
然後再放返支水落地 (看台個地)，得到係大家即刻停晒所有工作望住我大笑囉！

Rehersal 完左之後我同燕 & Louisa 拎返0的物資上 Head，好犀利......
三個女仔拎幾箱野，包括紙箱膠箱仲有膠袋...勁！落到去好多同事0係度......
真係好好好好 "支力" 呀！做左 12 個鐘頭野唔係唔 "支力" 呀......

放低晒0的野落左旺角食飯，兩位區長返左屋企換衫，我地三個去左搵位...
本來話去泉章居，跟住去到原來未開返囉 (因為搬左去火車站橋附近)...
之後諗住過稻香，基於懶行...所以0係金雞間麗都落左腳！今晚好多人呢：
除左我地三個，仲有兩個區長啦、伍太啦、返左屋企訓覺既嘉豪啦、
仲有0係 Head 開完 DM 既 Dick & Carrie 呀，好耐咁試過咁墟 "hum" 喇！

今餐打爐，一坐低既時候真係 "支力" 到唔想郁，食食下有返0的 Energy...
好明顯大家都好肚餓囉，係咁食呀食，臨尾先計返原來叫左 4 rounds 呀！
食到尾完全醒晒，因為我地由坐低到埋單走人足足笑左 3 個半鐘囉！痴線架！
乜都講一大餐，我地仲睇左 Dick 95 & 98 既護士証，0的頭髮真係...走得好快！
跟住又講下每日兩次每次 18 吋既 "健康笑話"，笑到面都 "geng" 埋呀！
0係勁 "支力" 既情況下仲要咁瘋狂大笑 3 個半鐘，真係 "支力" 上加 "支力" 呀！

23XX 終於走人，大家都捨得返屋企喇！之後我同小丙媽媽 & 伍氏伉儷一齊行去撘車，
過過下馬路小丙突然拉住我狂奔，當跑到行人路既時候，佢擰返轉頭......
指住仲過緊馬路既伍氏伉儷，然後大嗌左句：「哦！紅燈過馬路~~~」哈哈...好攪笑！

返到屋企都已經差不多 0000 喇！放低晒0的野即刻走去沖涼洗頭，一入到 Let......
真係俾自己個樣嚇親，個樣勁殘、黑眼圈勁黑、眼袋勁大，救命呀！好恐怖......
洗完頭沖完涼本來仲諗住 on 下 line，不過後尾都係冇！因為太 "支力" 喇......
所以又濕住咁走左去訓覺！呵呵呵呵*** 救命...激 "支力" 啊......

>>February 16, 2004 at 3:10:12 PM GMT+8

2004 年 2 月 14 日 星期六 【陰晴不定】

哈哈！今日情人節，祝大家快樂快樂啊 *o^

由於尋晚早訓既關係，今朝自己知醒起身......叻叻！
買埋麥早餐返公司食，好美味！仲好難得添......
成朝大家都0係度玩競猜遊戲，好攪笑！最後有兩位勝出！

放工...返左屋企訓覺，難得星期六下晝可以返屋企訓覺！
本來開左電腦諗住會唔訓，後尾有人返左唻，唔係唔即刻去訓呀！
訓左兩個幾鐘之後出左去，過左又一城約左燕逛陣......
今晚約左 The Rock 既朋友仔食情人節大餐，有以下咁多位：
Wendy、Carie、康、燕、梅佬同我，今次 Steven 冇唻 & 冇預會長伉儷架！
我地去左南山村間品香樓食飯，大家0係度講 Ex 既問題囉 -.-"
講既包括有 Ex, Ex Ex, 同埋 Ex Ex Ex，但最後得到既竟然係 Expo 囉！

食完飯我地出左旺角飲野，最初諗住話去呼吸，但出到去呢......
先去 Homeplace → 煙霧瀰漫，走！再去加勒比海 → 暫時冇位，走！
有人唔想去既失眠都去埋 → Full，又走！卒之上左失眠樓上......
一間叫 Dance Cafe 既東西，佢個裝潢......有0的似去緊 Let......不過都 OK 既！
入到去得 8 張梳化 4 張檯，加埋我地得 2 檯人，原來隔離房有間舞室......
名副其實既 "Dance" Cafe，圍觀成個場，好明顯我地係比較年輕既一班囉！
有點兒格格不入~ 坐坐下發現隔離檯有兩位校友，不過佢地係同屋企人唻架囉！
最攪笑既係，阿女校友原來當年係坐阿燕隔離架，但係佢竟然唔認得佢囉！

>>February 18, 2004 at 11:31:45 AM GMT+8

2004 年 2 月 13 日 星期五 【陰晴不定】

尋晚一路攤0係床一路傾電話，講講下中途激喊左一陣......
之後俾同學既 "笑話" 攪到停左，多謝同學俾左呢個機會我發洩！
其實今次都唔係第一次喇，成日都攪到佢真係唔好意思......
發完癲之後再加埋阿姐姨姨一齊講，好明顯佢勁難受囉 -.-"
講到尾0的人仲要訓埋囉，真係激死人喇......！

今朝呢，又遲！好似已經習慣左日日遲起身日日的咁！
不過我都知道咁樣落去係唔得架喇！聽日開始要嘗試改下呢個懷習慣~

近日真係好有問題，成日蕩唔知0係度做咩......唉~~~ 好唔開心啊 :'(

>>February 14, 2004 at 9:36:42 AM GMT+8

2004 年 2 月 12 日 星期四 【颳風】

尋晚飛 Van 返去，返到去都係差不多 2200！同梅佬講左陣電話......
好好笑囉真係！講下星期六講下西九，得到兩樣最令人想死既野......
一係「二人成行」；二呢，就係我地既「RESIGN 一條龍服務」喇！
我地仲 design 左句 slogan 出唻添，睇↓......唔係唔想死呀化 -.-"
「RESIGN 一條龍服務，隨時為你效勞，作信還匙包全套，唔得幫你勁嘈！」
同梅佬傾完攪掂晒0的野之後，2245 就訓喇！不過呢......一路訓一路碌囉！
其實近排真係好不高興，碌碌下忍唔住喊左出唻，想打電話......不過冇打！
但喊又喊得唔夠痛快，卒之慢慢喊喊下訓著左......唉~~~~~~

今朝返到公司又收左個電話，一睇之後唔係唔嬲呀！
不過當時 "才禁" 住左自己！今日全日都拎住個電話講呀講......
由返工講到放工！勁！本來放工之後去傾計，不過講下等下......
我上左車！所以就冇去喇......！返到屋企，心情問題冇食到飯......
2030 去左洗白，洗完上左陣網，然後就開始喪傾電話......

>>February 14, 2004 at 9:25:40 AM GMT+8

2004 年 2 月 11 日 星期三 【陰晴不定】

0係伍區長屋企傾計傾到 0030 走人，走既時候......又冇車囉！
等左勁耐......條街又凍又冇人喎！有人叫我打的，不過冇喇......
朝早返公撘完返屋企又撘？好彩最後都俾我等到觀塘 Van......
好威的成架觀塘 Van 得我一個，司機0係油站放低左我~
本來好有衝動慢慢行返屋企，不過太 "支力" 喇！所以都係揀左 1A...

返到屋企坐左陣洗個白打左陣腦再食埋個雪糕.，就返房繼續......
傾電話！哈哈......其實離開左伍區長屋企開始已經一路講緊......
由 00XX 斷斷續續講到差不多 0300 先訓，一連兩晚都係咁，勁！

今朝當然係唔知醒起身啦，呵*** 比起尋日早左 15 分鐘......0815！
一起身見陽光普照，以為好暖啦！點知......俾佢呃左！一出去 ~ 凍死 >_<

由上星期某日開始，成日撘車都想嘔，一直到今個星期......
真係好辛苦，最慘既係撘咩都想嘔，不論係巴士、小巴抑或的士~
好恐怖......今日既情況嚴重到就咁坐0係度都想嘔，又冇胃口喎！唉......
返到公司呆左......加上今日又心口痛，痛到我 "luen" 埋左囉 -.-"

今日食飯前打左俾史經理講生日快樂，又放假囉佢...妒忌死~~~
同佢成個 Conversation 都有幾個大笑位囉！包括以下幾個：

事件一
佢叫我幫佢 " Book 個靚女" 但我聽到佢講 " Book 左靚位"，
等我仲要懶醒咁同佢講：「我做呢行.......呢樣野好熟手既！」
不過聽返真之後......真係 "火羅" 到暈囉......該煨囉 -.-"

事件二
史經理話要幫佢 book 信和上面既旋轉餐廳......
佢一講完聽到我一頭霧水，原來佢講緊既其實應該合和囉！

事件三
當我地繼續講緊幫佢 book 邊度食野既時候，佢講左一 "咋" choice 出唻...
其中一個係美景樓囉！今次我仲唔醒，係美利樓呀！哈哈哈哈****

今日無聊既時候0係 Yahoo search 野，無意間俾我搵到......
原來我個英文名既釋名係叫「法碧恩」呀！都幾好聽丫...哈哈哈哈***

放工之後約左 Jessie，因為佢幫我地做個 Survey，所以同佢一齊上 HQ！
上到 HQ 我一路等一路做埋上次 Exam 張 T3，半個鐘就攪掂喇......係佢地！
之後我放棄左我張 T3 同改緊既卷，我地就同黎主任一齊落左旺角......
然後我同 Jessie 去左食飯，去左一間叫芝士屋既地方，佢話之後 Wendy 介紹過！
佢0的野食真係好芝士架！好好味！不過就好 "漏" & 好飽呢！
食完野我地就返屋企喇！因為大家今日都好 “支力” 啊 v__v

好 "MENG" 好 "MENG" 呀......點解可以咁架？激死喇......
次次都係咁，我可以點做呢？想講咪講，想做咪做囉......
不過都好左架喇，起碼今次唔係得我一個做發問者吖......

>>February 12, 2004 at 2:38:35 PM GMT+8

2004 年 2 月 10 日 星期二 【乍雨乍晴】

返到屋企坐左陣已經差不多成點，洗過頭 & 白......
乖乖咁坐0係度睇近日流行既話題，話晒我都每日 8 小時緊守住嘛！
夜晚臨訓前我都會睇一睇先訓既，仲有同0的同事 & 朋友仔傾下計！

ICQ 到差不多 0200 已經打算去訓，點知 msg board 既一段話......
令我即係成個人醒左囉！因為燒返去我度啦嘛，哈哈哈哈......傻既！
決定唔 offline 之後，就由 ICQ 再去埋電話，加入左小丙同翠絲既對話，
最好笑係我地撩阿 Dick 既時候，佢答0個句：「讀少一陣啦」......
之後佢就加入埋我地喇，實行一區一代表既電話閒談囉！好正！
我地成晚不停咁講呀講、笑呀笑，癲左！不過我就覺得翠絲好慘囉......
因為當我同小丙 & Dick 三個一齊大笑既時候，唔係唔難受呀化 -.-“
講到 03XX 小丙嗌訓覺，點知原來四個有兩個第日都放假囉，真係好~
但得到個結果係繼續講架，哈！卒之呢......講到 0400 我地就收線喇！

講完熄機執埋野得到係 0430 先訓，今朝？死得啦......0830！
飛返公司，冇買早餐！好彩有人陪我叫外賣嗟......呵呵呵呵****

今晚放工要上 Head 開會，乜功課都冇做就開喇！咪開到口啞啞囉......
開完會我同少雯, Michelle, Carrie & Louisa 一齊落左旺角食飯......
去左一間叫好好既舖頭食上海菜，係少雯介紹架！好唔錯呢 *o^
我今晚仲認識左咩叫 "蛋散" 呢！勁 "火羅" 囉，又一單經典......
另外今晚呢餐飯仲傾掂左我地四月之旅呢，已經有定案喇！好野！

食完飯 Michelle 先走回家，我地又的多程，上左伍區長屋企傾計~
上到去除左伍氏伉儷仲有小丙 & 小雯，之後林團長都上埋唻添！
今晚既話題當然離不開又係 "西九"，我地仲做返0的回顧添！
最好笑係今晚開始我多左個 title，就係 Admin. Officer 喇！
原因係因為我返工0個 8 個鐘都係 "捕" 住部腦睇最新消息 & 分析囉！
另外講開今晚其中一個 topic – "天蝎座" 既時候，得到個大笑話......
話說有人講天蝎座既人係有仇必報架，當講緊 "有例外" 既時候......
我就話喇：「冇法啦！因為佢係一隻『遙控蝎子』......」
Carrie 接：「咦？咁咪即係數碼蝎子囉？ (好明顯係取材自數碼暴龍)」
小丙再接：「嘩！咁個英文咪應該叫 TAMAQICHI 喎！」
佢一講完，全場瘋狂大笑囉！我同 Carrie 仲即刻研究埋個英文串法添！

講真，對於近來發生既一連串事件，真係好鬼唔高興......
真係唔明0的人點解可以咁冇品咁低裝咁賤格囉！
玩得咁盡博彩呀？唔好持住知少少野就出唻 "才羅" 彩啦唉......

今日方知當初擔既心流既淚，原來都係我戇居囉......
不過都係我最鐘意用0個句啦：「經一事、長一智」
如果唔係發生咁多事、過左咁多關，我又邊度會一路咁長大呢？

>>February 11, 2004 at 4:10:05 PM GMT+8

2004 年 2 月 9 日 星期一 【乍雨乍晴】

尋晚早早訓，今朝早早起，原來真係有 "早睡早起" 呢回事......
尋晚訓得好唔好，但係好好好溫暖，因為有暖包同我一齊訓！呵***

今朝撘得成 0810 班車，但係塞塞地......所以都係要轉的~~~
返到去 0850，出 "車立" 先醒起我冇 Key 囉！要企門口 -.-"

大約 1030 收到燕電話，接收左個消息...講下呢個又講下板！
今日同燕講電話除左上講上面0的野之外，仲講呢個《幻彩詠香江》呢！
其實我都好想搵晚睇下，但係好似個個睇完都唔係那回事咁既......
咁究竟睇唔睇好呢？或者應該問......我有冇時間睇呢？(我指近排~)

晏晝又同 Bobo 慶生日，去左稻香飲茶...臨尾又轉盤......
臨俾錢我突然發現唔見左張 CREDIT CARD 呀！大鑊喇...去左邊？
返到公司即刻四周圍咁大肆搜查，但係都冇呀！好唔開心呀 >__<
點解我會咁唔小心架？諗極都諗唔到佢去左邊......唉......

放工之後同 Inty 去左一平安食飯，撞見個舊同事 - 阿男人囉！
勁攪笑的 ~ 仲要坐隔離檯！食完飯，join 埋 Inty 個同事......
一齊行過紅館，今晚去睇《楊千嬅開年大典 VOL 3》呀！Yeah *o^

千嬅既演唱會睇第二次喇！今晚係第四場，有師兄同埋 Twins！
最好笑都係搵觀眾上台唱歌0個度，跟住就 Encore 0個兩位阿哥囉！
千嬅好靚，尤其0係0個個吊上半空既兜兜0個 Part & 最尾0個 Part！
不過整體上呢，我覺得對上一次0個次好睇0的喎！不過今次都 OK 既！
好犀利既係千嬅今次冇喪笑 & 喪喊呀！好堅強......犀利！

睇完 Concert 行返落尖東撘車，撘架 13X 唔知點解撘左勁耐囉...
以前慢極都係撘 35 分鐘，今晚？撘左成差不多 50 分鐘呀救命~~~

估唔到、摸唔到，就唔好勉強！..................往日是誰　根本不需根據***

好唔開心勁唔開心激唔開心劇唔開心......點解會變成咁架？

>>February 10, 2004 at 3:36:48 PM GMT+8

2004 年 2 月 8 日 星期日 【乍雨乍晴】

飲完野同佢地由灣仔行落銅鑼灣，行行下我停左撘車，
幾個原因啦，包括：好凍、好重 (個袋)、好 "支力"......
等左兩三個 "字"，開始懷疑尾班車已經走左，勁慘啊 :(
後尾發覺真係，於是等 619 啦，點知原來尾班車又走埋，
得到最後變左等 N 車囉！如果唔係都唔知點返屋企......

返到屋企都已經成點，返到屋企即刻睇小熊叫我睇既野......
睇完真係眼火爆，原來俾人擺上檯係另有目的既，不過呢......
0個0的人真係好 X 無聊囉，咁多時間做0的咁無聊既野......
不如搵時間積返0的德啦！估唔到我曾幾何時有0的咁既同事囉！

攪完一輪 03XX 先訓，一訓就真係大大大鑊喇......
本來今日 0900 要去葵興做 RCY Expo Rehersal，點知呢......
本應 0730 deadline 起身，但係我一起身既時候已經係 1230 喇！
再睇電話有成差不多 20 個 Missed Calls，破晒紀錄呀...計初四之後~
一起身個頭痛爆左，所以睇完電話聽完留言又訓過！哈***
再到 1400 Dick 打唻，由於個頭仲痛爆緊，所以連試都冇考！
(本應係 1500 要上 Head 考班 YFAP，又甩埋底......)

一訓再訓到 1815 先起，起身先食左一堆零食......
之後開電腦、沖涼、食晚餐 (Pizza)、睇電視...咁就過左一晚！
到 2300 就返房執野然後訓覺喇！今日過得真係何奇 "充實" 囉！

好似又想病咁喇，唔想呀唔要呀......唉~~~~~~

>>February 9, 2004 at 12:12:54 PM GMT+8

2004 年 2 月 7 日 星期六 【乍雨乍晴】

飲完野返屋企接近 0100，好似好 "支力" 咁......
攪掂晒0的野就訓喇，點知今朝都係唔知醒......
而家每個星期撘的既次數個個星期咁有加冇減，唔掂~

由於老細返左青島，大家呢兩日都癲癲地......
尋日係咁狂睇 "痴線" 既 Videos，今日...做緊咩都唔係好知！
放工之後同 Ko, Step & 男友去左紅螞蟻食飯，之後 Joe 唻埋，
但係因為要上 Head 考 YFA，所以我走左先呢......

今日有 4 個 member 冇帶 Membership Card 考試......
我第一次好決絕咁唔俾佢地考試，講左 3 年實際做都係第 1 次！
今次考試真係好好笑囉，尤其對住0個兩位好可愛既 F.2 既弟弟！
哈哈......真係好攪笑，佢地話我同 Carrie 好風趣喎......哈......
邊有考官同考生會一齊玩架？不過我地又真係同佢地一齊癲囉！
最難受都係阿唐同學扭 & 莫同學扮羅冰囉 -.-" 真係好好好好笑架！

幫佢地考完試我地就成班同事一齊 109 過左灣仔......
今晚係一年一度春茗大日子，不過大家運氣都好差呀！冇乜獎......
可能某人講得0岩，由於 Forum 度太多關於西九唔好既野......
所以令到大家運氣都差0的！另外今晚既坐位真係實在騎呢......
不過算把啦，話晒大家都係一場同事嘛！今晚有件難受事囉......
真係比大會同昆叔玩死囉，無啦啦變左做全檯 "靚女" 囉 -.-"
大家有眼架下話，好彩搵唔到第三枝花嗟...如果唔係真係俾佢地玩死！
今晚除左係春茗既大日子仲係凱詩既生日呀，好高興的！
同事們買左個蛋糕俾佢，我地仲玩全場大合唱，唱生日歌俾佢呢~~~
另外，今晚我地發左癲咁係咁同 Idy 媽媽影相，上次佢結婚既時候......
我同 Carrie & 少雯做姊妹同佢影左張相，今次 BB 0係肚又影......
下次都應該係 BB 出世再影喇！哈哈哈哈...好高興呀！有 BB 玩 *o^

春茗完左之後，我同左三位姊妹 (Carrie, 燕 & 愷盈) 去飲野......
0係仙踪林，我飲左個薄荷阿華田，初初飲幾好飲架......我覺得！
不過唔知係咪因為太飽 & 太大杯既關係，飲飲下我覺得好奶囉 -.-"
我地仲傾 & 坐到人地收工呢......攪到要俾人趕先肯走......

>>February 10, 2004 at 12:13:58 PM GMT+8