2004 年 2 月 6 日 星期五 【乍雨乍晴】

尋晚 "話" 早訓，卒之 02XX 先訓......電話問題~~~
今朝好叻呀，0720 起身，仲早過媽媽添！呵呵呵呵***
出到尖咀為左買早餐所以遲左 1 分鐘，可憐的......
遲足成個禮拜呀，睇唻呢個月既罰款都好 "融" 呢......

晏晝 Lunch 我地同 Bobo 預祝生日，去左 Hard Rock 食飯，
好好笑！我同 Dor 一去到就扮拎野，然後去左同綠髮哥哥夾計，
到我地食晒野之後再拎個 Birthday Brownie 唻，Bobo 勁尷尬囉！
佢個樣完全係唔知點咁，因為佢要企0係度拎住舊野等我地唱生日歌呢！
好好玩呀！佢之後仲要問我地下次可唔可以俾個心理準備佢...當然唔得啦！
晏晝慶完放工之後又慶，今晚係公司既 Birthday Party 呀，呵呵...個蛋糕好好味 *.^

完左 Birthday Party 留左0係公司 OT，OO 下同哥哥講電話......
但最好笑既係得返我地兩個0係公司，但係我地竟然「講電話」囉！勁有聊囉 -.-"
之後某位同學打唻，同我講左0的好攪笑既野，加埋即時既證實......
我真係覺得好無聊囉，得閒冇野做就多0的做下善事啦，講咁多野遲早啞埋呀......
講完以上既話題本諗住收返星期三晚0的相，點知因為人既問題所以收唔到！

Finally OT 到 20XX 走人，離開公司後過左 Habour City 搵埋 Inty 姐，
打的過銅鑼灣，原來由尖咀打的過銅鑼灣係會快過由秀茂坪出尖咀架！
係計埋隧道費都平過囉，過左條海架喎......有冇攪錯架......

過到銅鑼灣去左 In Side Out 飲野，今晚好齊人呢......
有 Inty, Michelle, Hollie & 我，仲有旺哥哥呢！大家成晚係咁 "哦"......
好明顯跟得我多囉 -.-" 跟住又不停咁玩大踢爆......哈哈哈哈***
全晚我係受影響最少既一個呢！呵呵......不過都好危險呢 >.<
我地坐到 23XX 就走喇，因為 Hollie 要做灰姑娘呀.....嘻嘻~

今日同 Joe 傾計既時候又發現左樣新野......
原來嗲兩咀都有分唔同類型架，包括交心型 ＆ 劈酒型......
哦......原來係咁，真係唔講唔知，但係會唔會係咁分先？

>>February 7, 2004 at 12:26:10 PM GMT+8

2004 年 2 月 5 日 星期四 【乍雨乍晴】

點解可以咁凍架？日日都凍到唔係好願起身呢......
今朝......又 8 囉！唉......媽媽都同我差唔多咋，哈！

尋日 12 度著晒0的最厚最暖既衫，點知今日得 8 度...
真係該煨，唯有係咁著衫囉，著衫前仲貼左個暖貼0係身！
其實我都唔係真係好覺佢 "好" 暖，可能因為實在著得太多衫喇 -.-"

返到公司已經 0910，連遲兩日添！就唻冇左成舊水...其實已經冇左！
今日好努力咁打呀打，諗返自己初初打字同而家打字既速度...真係......
哈哈哈！我終於都有成果喇，好野！呵呵呵呵......*o^

放工同 Sandy 漫步完條海防道，我就去撘車返屋企喇......
佢仲送埋我去撘車呢！呵*** 返到去 1930 0係樓下食飯......
不過冇乜胃口，加上食飯氣氛激唔好，早知自己食埋返啦！

返去睇左陣電視就洗頭洗白，之後媽媽係咁吹我訓......
佢話我難得咁早返就早0的去訓喎，哈哈......都0岩既咁又！

經過尋日既迴光返照，今日果然又痛，不過我已經食晒藥喇 (好乖~)...
所以我真係懷疑唔係感冒咁簡單呢，算啦！睇下幾時得閒先再去睇醫生！

>>February 6, 2004 at 12:54:38 PM GMT+8

2004 年 2 月 4 日 星期三 【乍雨乍晴】

今朝凍得很，實在唔願起身......0係個被竇度碌左好耐......
今日將屋企所以最暖既衫著晒上身，勁脹囉攪到......不過好暖呢 ^.^

今日個人好似好精靈咁，咁比起尋日確係好左好好好多既......
不過俾某同學叫我小心係迴光返照囉 -.-" 咁我都明既，因為我都覺得係...

放工之後約左同 The Rock 既同朋友仔食飯，主要係同 Ken 餞行。
離開公司後先0係海港城逛左陣，再 join 埋燕，一齊撘地鐵返旺角......
我地今晚去左德興打爐呢，不過 aifaye & steven 都冇唻呀，唔齊人添！
班男同學們真係好食得呀！好犀利......我地不停咁遞紙、遞紙同埋遞紙囉！
中途有個小插曲，好好笑......話說 20 既同事講緊佢地既團務......
團長問訓練同埋服務：「你地有冇收到我個 e-mail 呀？」
接著訓練同服務就話喇：「冇喎！你個咩 e-mail 唻架？」
團長再問：「咁你地有冇收到我個 e-mail 嗟？」
服務答：「你不如講俾我地聽你個 e-mail 既內容啦......」
團長話：「個內容咪就係我想問你地有冇收到我個 e-mail 囉！」
完左呢個 Conversation 得到係全場一齊笑囉！但說實我真係唔係好明......

煙霧瀰漫左兩個半鐘，我地 around 2200 離開德興，好大陣打爐味啊 @@
之後我同燕帶左同學們去失眠冰室呢，我地實在太多人喇......
初初仲走左去坐千秋位，後尾轉左我地去後面 Sofa 位，大家都不停嗌悶囉！
我今晚試左個新野 "咖啡奶昔"，不過呢...好似上次 "好立克奶昔" 正0的喎！
大家坐坐下就0係度開戰喇，大家除左用口之外，仲用埋手添......
點知當 PR 姐姐攻擊會長既時候，唔小心將個 Cusion 掟左落張檯......
繼而 Wendy 杯野飲亦相繼倒下，流出唻既青蘋果 Yogurt Drink......
仲整濕左梅佬條褲囉 -.-" 好慘慘呀梅同學！不過呢......
最慘係老闆娘 (我話0個個) 呀，因為佢要幫我地抹地抹檯仲要執玻璃...
真係勁勁勁唔好意思囉！清理完現場後，我地坐多陣就走喇......
唔覺意地，原來我地已經坐過左 75 分鐘喇，不過算啦...話晒我地咁搗亂法...

離開失眠，燕同 Carie 行另一邊，而我地六個就向旺角方向行......
行行下我同 Wendy 行左上前面，我地突然發現...呢個情境勁難得囉~
因為後面有四位男士好似 "護送" 緊我地咁，平時邊有可能架...... -.-"
行到去小巴站都已經 00XX 喇！好 "支力" 呢......

今日見到 Daddy 第一件事就係拎返尋日 Kitty 俾既開工利是！
哈哈~~~ 之前睇 & 聽大家講都話好特別，所以我好期待架......
好攪笑有人同我講話我 "sit" 左 $30，因為封利是除左有 $$$ 之外，
仲有 Wendy 所打既「現金代用卷」，張卷咪值 $30 囉！哈哈......
除此之外，仲有一張小揮春，一睇我真係唔明囉，上面寫住「上述各項」***
之後 Daddy 解釋原來係佢地個個咁多張加埋就 = 我0個張囉！
但係呢......我淨係知 Wendy 0個張係「蜜運成功」咋！呵呵***

>>February 5, 2004 at 5:45:18 PM GMT+8

2004 年 2 月 3 日 星期二 【乍雨乍晴】

返工喇今日，0745 起身......哈哈......巴轉的！
返到去勁多 e-mail 囉！仲發覺自己仲有好多野要做......

食完藥好吽囉個人，"fark 下 fark 下" 咁，唔係好知自己做緊咩...
晏晝同哥哥 & Cherry 落左元碌碌食飯，勁滿足啊...... *o^

下晝返到公司開始又唔多妥，個心口劇痛......救命~
今日既痛比起星期日同星期一都犀利......究竟係咪真係感冒咁簡單呢？

本來今晚放工去開 YM DSM 同食油旺開年飯，最後因為太痛所以冇去......
好唔高興，本來可以開開心心去開會去食飯，點知又係自己衰啦.....冇得去 v__v
卒之放工就返左屋企，抖左陣去食飯，食完飯返去 "hea" 陣就沖涼訓覺喇~~~

>>February 5, 2004 at 9:47:06 AM GMT+8

2004 年 2 月 2 日 星期一 【陰晴不定】

繼續心口痛......救命~~~
今天 SICK LEAVE，休息休息~~~

>>February 3, 2004 at 9:30:13 PM GMT+8

2004 年 2 月 1 日 星期日 【乍雨乍晴】

00XX 返到屋企，睇個電視食個雪糕抖左陣再去洗白，
洗完白睇埋床頭堆雜誌諗住等用電腦，點知等到訓著左 -.-"

今朝打算狂訓乜都唔理，點知又係訓唔到......
11XX 開始碌唻碌去，碌到 around 12XX 頂唔順起身，
起身食左個蘿蔔糕午餐，諗住做返之前開會0的 minutes......
點知好不幸，我發現我之前 take minutes 本簿簿唔見左囉 :'(
好好好唔高興呀！有冇攪錯呀？點會唔見左架......激死人喇！

卒之成個晏晝對住部腦，minutes 冇打，變左整呢整 "lo"......
仲有0係康同學度收返 "赤口唱Ｋ韓燒團拜" 0的相，upload 埋上網......
攪掂晒都已經 17XX，之後又去訓過，當然係訓得激唔好啦唉......

1900 俾媽媽剷左起身落去食飯，今日有 5 個人食，哈哈......
有人負責勁食！好野！犀利的食晒 4 "食送" 1 大飯添呀！
食完返屋企 "hea" 左陣，洗個白後仲有湯丸食添，好滿足啊 *o^

近排訓得好好好唔好，就算幾 "支力" 都訓得唔好......
今日開始仲要加埋間歇性心口痛，救命......無啦啦又唻！
頂......好辛苦好辛苦好辛苦呀！唔要唔舒服呀 >__<

>>February 1, 2004 at 9:11:08 PM GMT+8

2004 年 2 月 1 日 星期日 【乍雨乍晴】

。唔開心 → 摺紙鶴 → 垃圾桶 → 儲滿晒 → 掉晒佢。

。唔開心 → 訓個覺 → 撻上床 → 發個夢 → 抹晒佢。

>>February 1, 2004 at 9:06:33 PM GMT+8

2004 年 1 月 31 日 星期六 【乍雨乍晴】

今晨 around 0200 訓覺，仲諗住自己今朝一定起到身，
點知今朝媽媽係咁叫我起身返工，我竟然問佢返咩工囉！
訓到癲左，咁既問題我都問得出囉......最後得到 0830 起身！

用最快既方法攪掂所有野，實行連電話都唔聽......
0850 起身，再用最快既方法撘車返工，撘車時覆埋電話，
一講由上車開始講到返到公司樓下囉！好犀利！勁！
返到去即嗌早餐，勁好彩食完最後一啖老細0岩0岩返！
原來今日有好多野要做，唔怪得之一早起身就唔想返工啦......

努力咁做晒0的野放工，其實都未完全做晒，不過趕既都攪掂喇！
放工之後過左 b + ab 幫姐姐買鞋，再返公司樓下間 Swatch 買錶錶，
買左隻橙色珠珠錶俾自己！哈哈*** 由粉紅到藍到橙其實次次都想買，
次次都忍住，今次終於都忍唔住喇！唔緊要啦......持住自己出新糧嘛今日！

買完野撘 215X 返觀塘，本來諗住買麥當當返屋企食......
但係撘撘下車又想食樓下個午餐喎，所以返到觀塘就轉 Van 返去喇！
返到屋企放低0的野、換左個袋、換埋件褸，再去個 Let & 加件底之後......
就去左食午餐囉！呵呵......本來一直都話晏晝返屋企訓覺，今晚再去團拜，
但係因為幫姐姐買鞋既時候 Tracy 打唻撩行街，所以呢......唔訓喇！

食完野出到去差不多 1600，同 Tracy 0係加記行左個圈......
見到好多野都想買呢，不過大家都好乖乖咁忍住手，因為等埋燕嘛！
燕一唻到先陪佢去食晏，跟住我地又食左個 Tea 囉，唉......又食 -.-"
食完野又走返去加記，今次大家都冇忍手喇！因為全部做晒魔鬼......
大家都有收穫呢今日，Tracy 係大贏家呀！其次我諗應該係我喇......

行完街買完野我地就行過油麻地 join 我兩位愛人s 一齊去團拜，
今次個團拜好特別，揀左食飯呢個形式，本來食飯 + 唱 K 架！
不過可能因為人數既問題，所以只係食左個飯就散 band 喇！
今晚有以下 11 位同事一齊團拜呢：Kitty、大佬、伍氏伉儷、
Carrie、愷盈、我、Tracy、燕、Louisa & 曦雯，雖然唔算太多人......
但係我地都嘈得很呢！嘻嘻......係咁大笑、狂笑、大叫 & 勁拍手掌！
加上全程大家不停咁 cross 唻講公事！攪到某0的同事好無奈囉！
我地去0個間叫中華大酒樓，以前去油地溫書既時候覺得佢好 "up dup" 咁，
但係原來都唔錯喎！幾大幾靚之0的野都幾好食呢！唔錯唔錯~~~~~~

我地由 1900 食 & 坐到差不多 2200 先走，Carrie 因為要返工所以 2015 先走，
而我同燕、愷盈 & Tracy 離開之後去左飲野，本來諗住去呼吸架，點知呢......
上到去爆晒囉！之後我地決定轉移去對面一間新既上樓 Cafe，呢間叫失眠呀！
佢呢間可能新所以唔多人，雖然比起呼吸唻講算細，但係環境都唔錯架......
坐落好有屋企 feel 架，我地一坐低係即刻瘋狂影相囉！個老闆娘仲好 nice 添！
佢有兩個 plan 架，唔似呼吸咁買咭扣數，可以直接俾 Cash 囉！唔錯唔錯~~~
我地 4 個叫左 3 款野，有荔枝 & 香桃 Yogurt Drink + 好立克 Milkshake，好好味架！

愷盈飲左陣就走喇，因為要去搵朋朋友，我地就坐到 23XX 都走埋......
我同燕都話下次 The Rock 開 GM 一定要帶的朋友仔去試下，哈哈......好正！
離開失眠向旺角方向行，Tracy 先走，之後我同燕再去會一會愷盈 & 朋朋友，
之後大家就各自返屋企喇！好滿足呀今日真係，呵呵呵呵........

個人由星期三開始一路痛到今日仲痛緊，攪乜鬼呢究竟......好酸好痛 >___<

>>February 1, 2004 at 3:40:33 PM GMT+8

2004 年 1 月 30 日 星期五 【乍雨乍晴】

尋晚洗完白白開始狂講電話，好耐冇同我阿城南愛人講咁耐電話，
講左差不多成粒鐘，公事乜事乜都講！呵呵......本來講完訓覺架喇！
跟住 01XX 又講過，一講講到 02XX 先訓，兩個電話都用手提講架囉 -.-"
臨訓既時候超級勁凍，都唔明點解 "COM" 兩條毛巾加張被都可以咁凍 ~

今朝好叻女，0710 就起左身喇！成年都未試過呀.....返工唻計！
0750 出門口，0825 到尖咀，仲夠時間去麥記食個早餐添...... :P
食完早餐返去開門，返到去都係 0845 咋！好勁！哈哈哈哈***

今日好黑仔，本身心情已經唔係好，點知越整越衰......
先返到公司狂做野冇停過，之後放工上左愛民，諗住拎返支旗......
我過年之前拎去佢話佢初七開工有得拎，點知去到佢話要聽日晏晝囉！
玩野囉完完全全地 -.-" 等我仲特登上去拎架嘛......激死我喇！

拎唔到旗上左 Head 做野，其實對住0的野真係好好好唔想做，
但係睇在要截數呢個問題，冇得揀囉即係，好不願意咁做左佢......
做晒0的 T3 就撘 Van 落旺角，約左 Carrie 去東京食飯，白痴的......
一去到即用條頸巾幫人抹檯囉！唉......都唔係好知究竟發生咩事......

今晚餐飯都應該算係今日最順利既時候喇，我地叫左好多野，
其中叫左個軟殼蟹手卷，當我地食完既時候，姐姐又遞多對埋唻，
我同 Carrie 大家你眼望我眼，冇出聲囉！即刻快快趣趣咁食左佢地！
哈哈......好似好衰咁！加上食完第二對大家都已經飽飽喇！於是呢......
我地 "Hur Hur" 聲咁食埋檯上其他壽司，食完即係嗌埋單走人......
因為實在太飽喇，所以我地0係其他野未唻之前食晒檯上所有野就走喇！

食完呢餐豐富既晚餐，我地去左銀城影貼紙相，本來想等埋愷盈架......
不過佢之前電話同 Carrie 講左話唔影，所以呢......我地最後都冇等佢！
今晚又影左兩張，都算 OK 既......不過如果可以過埋膠就 Perfect！

影完相我地打俾愷盈撩佢過唻飲野，不過佢過到唻之後......
我地係去左許留山架！叫左三個凍凍甜品三份食......
凍凍既天氣 + 凍凍既甜品 = 大家都不停係咁嗌好凍囉！
食完我地就走喇，因為到愷盈上 Head 清 T3 呀！我同 Carrie 就返屋企喇！

>>February 1, 2004 at 2:54:43 PM GMT+8

2004 年 1 月 29 日 星期四 【乍雨乍晴】

最後尋晚都 2200 前訓左，好叻叻 *o^
不過訓得勁唔好囉，成日醒下訓下...好唔舒服！

今朝都碌到成 0830 先起身，又俾媽媽串我添......
今日依然酸酸痛痛咁，好過尋日少少咁啦，但都好辛苦~

公司0的人返齊工喇終於，要逗既利是都逗晒喇......
今日同尋日既繁忙程度差唔多，但係呢......
我今日都搵左0的時間，出唻同 Bo & San 玩霸地盤......
又真係幾好玩喎！唔怪得佢地之前兩日玩得咁高興啦......

放工本來打算上 Head，不過後尾打消左呢個念頭......
返左屋止食飯，食完好勤力咁打晒張 Committee List......
話晒都過左成半年......我再唔打好佢張野真係會變廢囉！

今日心情突然好唔好，唔關週期性事喎，咪玩啦......

>>February 1, 2004 at 2:39:47 PM GMT+8