2003 年 12 月 19 日 星期五 【晴】

唔係自己 shopping 先會令心情好架......
原來睇住人買野都可以達到呢個效果架！

>>December 21, 2003 at 11:51:35 PM GMT+8

2003 年 12 月 18 日 星期四 【晴】

話要開櫃開左幾個星期，尋晚終於都捨得開喇......
臨開仲要俾人串左幾串：「我聽妳都講左成三日喇喎......」
哼......可惡的 ~ 我今次真係開左架！有執到衫架！

執左一大堆冬天衫出唻，發現左樣唔係幾好既野......
比起舊年呢期，原來我肥左好多，慘喇......好彩0的衫仲0岩著 :P
執下執下發現原來我真係有好多頸巾架，不論自己織既定買啦！
成打幾呀......不過梗係自己織0個0的暖0的啦！哈哈哈哈 *o^

今日返工又好忙呢，呢個星期好似日日都係咁......
我諗下星期會好0的喇掛，因為放假喇嘛......哈哈哈~~~
下晝快快手攪掂晒0的野準時走，過左炮台山......
今晚係 Michelle 既浸禮，所以去左參加，仲有佢屋企人 & Hollie ~
我 1845 就過到炮台山喇，同 Hollie 去左鴻福堂食野，
食我最喜愛既燒賣 &茶葉蛋，好美味 *o^ 仲飲左一支支既楊枝金露添！
我地都係第一次見一枝枝既楊枝金露呢，好攪笑，味道唔錯呢！
成個浸禮 21XX 先完，我地之後返左銅鑼灣食飯，去左花園！
同 Hollie share 左個雞扒餐，好好味的！勁滿足兩個都食到勁辛苦囉 -.-"

消失左一排既頭痛胃痛，又出返唻喇！好痛...... >_<
原來唔開心既時候胃口都差0的架，終於明白點解喇......

>>December 19, 2003 at 12:59:04 PM GMT+8

2003 年 12 月 17 日 星期三 【晴】

好唔開心，對人太好真係唔得......反害左自己~
一次又一次唔好既經歷，點解仲要對人咁好呢？

瘋狂購物原來真係可以令人心情好0的架 ~
不過對我唻講只係好少少囉，只係狂掃0個刻覺得~
0係冇錢既情況下仲可以瘋狂購物......確實有點兒 -.-"
仲要係咁買野係咁食野......好明顯係一個發洩......
以前細個好唔明呢個理論，而家終於明白喇......

今日其中一樣戰利品 - 容祖兒最新國語碟《獨照》* 好正呀！

>>December 18, 2003 at 12:12:21 PM GMT+8

2003 年 12 月 16 日 星期二 【晴】

行到出旺角撘車都已經 00XX，一路行都以為自己好精神......
點知一上車就係咁勁訓，訓到差點兒唔知醒落車添...... =.=
返到去即刻洗頭洗白，仲以為洗完冇咁眼訓，點知都唔係既~
洗完晒堅持等左陣電腦，因為要 send msg 俾兩位壽星女呢！
攪掂都已經 02XX，然後即撻落床......膊頭0個兩塊扒好酸呢~~~

今朝又係 0745 起身，撘車又勁訓，不過訓訓下發覺條腰勁痛，
唔知係咪個 post 唔係幾好呢？加埋0個兩塊扒既酸痛，簡直想死 >.<
返到 office 激眼訓，有一期頂唔順行開左去訓左陣，不過訓多左個印返唻~

晏晝一行七人去左 KFC 食，叫左兩個餐，多到丫.......
今日終於試左0個個 Cappuccino Tart，幾咖啡，好得意架......
不過最衰唔夠熱啦，下次要食個熱既！哈哈哈哈~~~~~~

今日唔知點解突然勁多野做，成個下晝冇停過，勁！
放工 OT 左陣，之後約左聖心班同學食飯，今日 Veron 生日嘛！
1900 去 Up Date Mall join 左奶 & Veron 之後，落去轉左個圈......
轉完返上去等齊人，一等等左成粒鐘呢，好彩一路傾計一路等嗟！
齊人之後我地上左重慶食印度野，0個度個環境呢......真係嚇死人 >_<
一入到去就有個 "石 Q" "磅" 住我地，跟住0的人又兇到咩咁......
不過上到去好好多，間野0的野食唔錯呢，價錢又 OK 喎！除左個冷氣......
本來之後下場去逸東飲野，但係我食完野就走先喇......

今晚終於完左工喇！哈哈......好高興的！下星期要再唻過呀！
呢個星期......要努力埋現有既兩個........要越唻越多、越唻越多！

>>December 17, 2003 at 3:47:40 PM GMT+8

2003 年 12 月 15 日 星期一 【晴】

努力到 0030 迫自己訓覺，今朝有改善喇......
0745 起身，其實都好趕囉！起身勁凍呀，點解咁凍架？

朝早好似乜都冇做過咁，晏晝不停咁入 Data......入到勁眼訓！
夜晚又要留低同 Sales 開會，唉......唔想留呀~~~~~~ 慘慘~~~~~~
一留留到差不多成 2200 先走，之後即興的約左 Daddy & aifaye 食飯，
仲老屈左梅佬出唻，俾要人串我：「我出唻接妳返屋企嘛......」會唔會先 =.=
我地去左 Fat Angelos 食，好高興的叫左勁多野，好美味的！呵呵呵呵~~~
一路食飯一路傾埋我地既聖誕大計，哈哈......點解傾完都好似冇傾過咁既~~~

食完野 daddy & aifaye 行左過碼頭，我就同梅佬由尖咀行返出旺角，
一個星期第二次，唻緊仲有第三次呢！勁喲！呢個星期係咁行路呢......

今日衝動的做左樣野，結果一切果然如我所料，不得不接受現實了......
今次既 surprise 指數仲勁過上次囉！估到既都竟然咁高.......勁！
會唔會......只係我有問題，其實事情一直都與我無關呢？唉......

>>December 16, 2003 at 11:24:27 AM GMT+8

2003 年 12 月 14 日 星期日 【晴】

俾大家死講爛講之後，都係跟 The Rock 既朋友上左 8P......
出左尖咀，撘到中途經過舊年聖誕不愉快既地方囉！唉......
我地今年誓要0係熄燈之前先影左大合照先呀！其實都係得 4 個 -.-"

出到尖咀大家淨係諗飲酒定飲咖啡都諗左一輪，卒之呢......
我地又去左 Mes Amis，坐左一個鐘度飲左兩杯......好耐冇飲過喇~
011X 就散 band 喇，之後我同梅佬 & 燕行返出去，沿途好好笑......
講下舊年行0個棵膠桃花啦、又講下成班人租個 "六樓後座"，好正 *o^
最攪笑係燕年尾要轉真桃花 & 跳 To Fa Dance 囉 -.-" 之後呢......
梅佬仲要加多句：「咦？咁我地咪係 To Fa Dancers？」好難受囉 =.=

行到差不多到燕屋企既時候我地走左去附近既地產公司睇我地既 "六樓後座"，
其實一班人夾間屋得閒上去玩下咁都唔錯丫，不過唔知有冇人會同我地癲呢？
睇完屋就送左燕去佢樓下，我同梅佬行到去花園街街市，佢送埋我上車就走喇~~~
成程 Van 勁訓囉，好耐冇試過玩到咁夜......返到屋企成 0315 喇！呵呵~~~
唔知係咪太耐冇飲酒既關係，返到屋企之後背脊癢癢地添......慘喇~~~

洗完頭 & 白都已經 0430 喇！當然之後就係對住部腦啦，高興的......
收到個韓國朋友 - Boram 既 E-mail 呀！之後 send 俾佢次次都打回頭......
今次係佢 send 唻架，我仲即刻覆返佢添，希望佢會收到啦！唔......
攪完一輪成 05XX 先捨得去訓........真係好 "支力" 呀 >_<

今朝應該要 0915 起身，因為約左 1030 0係筲箕灣地鐵站等，
然後食野，再去海防博物館 prep 晏晝個親子 program，點知校晒鬧鐘又係0徒氣，
因為 Sandy 1040 打唻我仲0係張床囉！之後即刻起身......去到都已經 1150！
比起唔食飯既集合時間都遲左四個 "字" 呢 =.= 真係唔係幾好意思...我平時都唔係咁既~~~

今次個 program 其實已經第二次0係海防攪喇，今次好好多呢！我覺得......
有個唔肯玩遊戲既四歲小朋友好得意架，勁可愛！勁想同佢影相，但係冇影到呢 :'(
完 program 做埋 E 我地差不多 1700 先走，本來諗住返屋企，但係由於唔想返......
所以約左叔叔 & 嬸嬸食飯，離開海防同 May, Sandy & Maggie 一齊撘地鐵，笑到傻左~~~

撘到去金鐘行左陣 PP，又有一棵好大棵既聖誕樹呢！最衰冇帶相機...... =.=
好靚呢......好想影相，仲有其他周圍既樹，尤其大家都話靚0個棵 @ 皇后像廣場！

行完 PP 就撘車過西寶城搵叔叔 & 嬸嬸喇！我地去左香辣屋食呢......勁滿足！
食完飯都係 19XX，之後飛 Van 返觀塘，好 "支力" 的訓足全程，訓到0岩0岩起身落車！
返到屋企之後不停努力，不過睇唻今晚都係唔可以攪掂晒架喇，因為真係好 "支力" 呀！

>>December 16, 2003 at 10:54:24 AM GMT+8

2003 年 12 月 13 日 星期六 【晴】

努力過後得到 03XX 先訓，不過只係攪掂左一半......
再得到既係今朝 0815 先捨得起身，哈......0858 返到公司！

今朝終於捨得整公司聖誕0的 Decoration 喇！話整話整......
整左成個星期都未整，不過今年睇落0的料好似唔係好夠咁......
咁樣一整都整左成個鐘囉，勁呀！睇下星期一有冇時間買多0的野整先 :P

放工即閃，因為要趕 1400 教書，一走我就去左麥記買左個餐......
諗住上到 Head 食，點知一睇隻錶已經 1345 喇！於是呢......
我好勁咁成程車食左一個餐！好犀利囉我覺得自己......咁都得？
不過唔知係咪個 Mc 餐食得太趕既關係，攪到一邊教書一邊胃痛 >.<

1800 教完書落左黃埔，由於未齊人既關係，我逛左陣......
然後 Wendy 又唻左搵我，我地行到大眾既時候見到盞好靚既 mimi 燈，
我買左俾 aifaye 呢，見佢今日咁慘慘又咁辛苦，"tum" 下佢開心嘛 *o^
我地兩個行到 2030 左右燕都唻埋，於是就去搵地方食飯喇......
我地去左 Cafe Lagoon 呢，食扒扒......食食下梅佬都唻埋呢！
其實呢......今晚係約左 The Rock 既朋友仔睇《無間道 III 終極無間》囉 ~
食完野 join 埋 andrew & ivy 就睇戲喇，個院有0的大囉......不過都 OK 喎！

至於套戲呢，雖然有0的亂但我覺得好睇喎！可能又係冇乜 expectation 啦~
0個班影帝真係好正，仲有好多估唔到既位囉！笑位都有好多呀，笑到我丫！
睇完戲之後佢地話出去飲野呢，但係我勁凍 & 勁 "支力" 既情況下......唔係好想去呢~

今日真係好凍呀，仲未拎0的冬天衫出唻添架......慘慘喇~~~

>>December 14, 2003 at 4:42:30 AM GMT+8

2003 年 12 月 12 日 星期五 【晴】

尋日叉足電，精神唔錯！應承左自己早訓，梗係得啦！
講電話都係講到 0000 咋，之後準時訓覺！好野 *o^

今朝好勁的 0725 起身，0745 出門口，撘車出到尖咀只係 0830！
好耐冇試過咁早出到去喇，本來諗住返公司，點知 Key 俾左人......
So......走左去 KFC 食左個早餐，好美味！食食下野俾人打唻話囉 -.-"

晏晝同 Jessie ICQ 既時候即興約左夜晚出唻，去左瓊華買野！
買完本來大家都話返屋企架，點知講講下去左食飯 & 行街，哈哈哈~
我地去左東京食 Dinner，食左佢個咩 "月見肥牛火鍋" (個名好似係咁)......
好正喎！好多菜菜架！勁正呀 *o^ 食完野本來又即興想去睇 Love Actually，
但係間戲院全部都係《無間道 III》囉！勁無奈......好想睇又冇得睇...... v_v
冇睇戲卒之去左行街街 & 影貼紙相，而家入貼紙相場同以前真係爭好遠......
睇住0的弟弟妹妹，發覺自己老左好多囉！好似唔多0岩 feel 咁既 *~*

行完街街就撘 1A 返屋企喇，返到去都係 22XX，呵~~~~~~
本打算睇《衝上雲霄》架，不過到最後......冇睇到因為好努力！

>>December 13, 2003 at 1:03:13 PM GMT+8

2003 年 12 月 11 日 星期四 【晴】

食完糖水 00XX 即刻返屋企，白都未洗就撻左落床喇！
唔覺意咁訓著左，0418 先起身洗白，洗完白又繼續訓過！

一訓訓到 1225 俾電話響醒左，當然我係冇返到工啦... :P
一起身個電話 missed calls 多到震，之後食左少少雜食......
再同同事 MSN 左陣，之後又走去訓過，連 Lunch 都冇食......

呢一覺訓到 1745 先起身，又係電話響醒......
今次0的 missed calls 仲勁過朝早，哈哈......唔好意思的全部都冇聽！
起身之後就對住部腦對左成晚喇，今晚好乖的有去食飯，
因為難得的全屋齊人落去食飯喎，都不知幾耐冇試過喇.......

>>December 11, 2003 at 8:04:39 PM GMT+8

2003 年 12 月 10 日 星期三 【晴】

返到屋企 00XX，勁 "支力" 呢！最衰冇拎埋今日假啦......
返去落妝沖涼洗頭，攪左勁耐，淨係落妝都落左 3-4 次 :P
沖完涼乜都冇執就撻左落床喇，唔覺唔覺咁拎住個電話訓左~

尋晚叫左 Bobo morning call 我，佢 0740 call 我但我完全聽唔到 -.-"
卒之係媽媽 0815 叫我起身先捨得起囉！當然又係的返公司啦......
哈哈哈哈......我成 0907 (公司個鐘，我隻錶已經 0913 喇) 先返到去呢！
返到去好明顯呆左咁囉！勁 "支力" 但唔眼訓，真係好辛苦呢~~~
個個都叫我返屋企訓下，但係夜晚開會點得呢？卒之死頂左成日 -.-"
Finally Dor Dor 今日冇返呢，好妒忌啊！我都好想放假抖下啊......
經過今日，我而家密謀緊聽日放假抖下呢！不過睇下聽日點先啦！

放工之後上左 Head 開 DSM，等完一輪卒之成 2045 先開囉 -.-"
好彩之前叫左 KFC & 師姐買左金菇牛肉卷、雞翼 & 雞翼尖嗟！
開到差不多 2300 先完，之後我地仲去左老友記食糖水呢！

今日雖然好 "支力"，但係有事發生，簡直有 200 個 Surprise 呀！
之後醒左一醒，但唔知係假象丫，定係真架呢？唔......好想知道~~~

>>December 11, 2003 at 7:48:34 PM GMT+8