2004 年 4 月 21 日 星期三 【晴】

今日唔願做野，做左大半份 Minutes 已經停左唔想郁~
份 Leave Record 呢，更加係未開始啦！哈.......
另外今日有幾個人唻 Interview，大家就係咁８卦囉！嘻***

Lunch 前陳師兄打唻，話說人家影左個恒生既硬照廣告......
星期一已經出左次，今日出第二次，於是我尋晚同佢講電話既時候，
叫佢今日知道後話知0係邊板，佢就話喇：「我聽朝起身打俾你話你知啦！」
點知到今個晏晝佢起身打唻，第一句就係話：「喂！0係報紙呀！」會唔會先 -.-"
佢呢句野笑左我成分鐘，真係俾佢激死......唉......仲要加埋佢把未訓醒既聲~
不過 finally 都俾我搵到佢個 Adv. 呢，但係我覺得 part 佢個小朋友可愛0的囉！

今晚放工即閃返屋企，因為實在太太太 "支力" 喇！連行都懶......
返到去收到封銀行信，真係嚇個半死......佢話我條咭數找唔成囉......
之後即刻打去 Card Centre 查查，好彩冇事，已經找左......唔好再嚇我喇 v_v

難得今晚有時間睇電視，睇到個樂聲牌抗敏空氣清新機廣告，
個 Kungfu 弟弟好好好得意呀！勁攪笑啊......好可愛 & 好得意呢***

>>April 21, 2004 at 9:09:56 PM GMT+8

2004 年 4 月 20 日 星期二 【晴】

今朝好高興呀，因為收到個 Cathay 既電話......
叫我去見工呢......哈哈哈哈......二億個興奮呀！
好 surprise 呀，冇諗過會有咁既機會啊真係......
最犀利係我同0個個姐姐成個 Conversation 都係英文架！
我竟然做到喎，好高興、好興奮、好叻叻呀！哈哈哈哈***

放工 9 秒 9 閃左，即 MTR 過新世紀......
搵埋姨姨去睇《ＫOＭA 救命》呢！係優先場唻架～
張 Free Ticket 係 Ritly 星期日俾我地架！嘻嘻***

我初初仲以為套戲係鬼片，原來係核突片囉......
不過都算 OK 既，又幾特別，睇得過啦......
睇到 2100，落返味千食飯，勁滿足......近來一周一味千呢！

食完野就返屋企喇！行去撘車既時候，又買左對鞋囉！
仲有 10 日咋，快0的到 30 號就好喇......期待著~~~

>>April 22, 2004 at 11:12:25 AM GMT+8

2004 年 4 月 19 日 星期一 【晴】

今朝好叻叻自己起身，仲有時間去買埋麥當當早餐返工食添！
返到去大家都發覺我個頭有0的唔妥，之後得到係俾人勁話......
話我0徒錢囉 :P 因為星期六整完，我星期日已經夾過紮過仲洗埋囉！

今日努力咁清理張檯既雜物，整走左座山......執靚左張檯！
掉左好多野呀，而家張檯......"好似" 有好多位咁，不過唔知會維持幾耐呢？

臨收工勁多野做，做到癲左！1830 仲要開會，我係最遲入去0個個囉......
開會開到 1940 左右，之後繼續 stay 做埋0的野，好 "支力" 呀 v__v
所以做到 2010 就走喇，明天繼續！救命~~~~~~

收工落 Muji 買完野諗住返屋企，行行下先發覺自己今晚要過德福，
拎上星期六買0個個 Longchamp 袋，呵呵*** 即刻走去撘地鐵......
撘到油地轉車撞見 HO 個 Maggie 呀！勁有緣呀！哈哈哈哈****

去德福拎左個袋，順便去醫埋個肚就返屋企喇......又餓過龍囉！
不過食完野肚痛既情況唔算太嚴重，少少咁啦，OK 既......

返到屋企睇左陣《翡翠戀曲》之後去左洗白，本來諗住訓......
但係又想睇《 Les Vagas 》喎，最後當然係睇埋先訓啦！勁好睇！
上星期已經因為太 "支力" 冇睇，呢個星期唔可以再係咁喇......

我膊頭0個兩塊扒真係好好好酸 & 好好好痛呀！好想去俾人揼下......

>>April 20, 2004 at 10:11:00 AM GMT+8

2004 年 4 月 18 日 星期日 【晴】

尋晚唔覺意咁訓著左，今朝好勁咁 0830 起身......
點知就係因為尋晚唔覺意訓著左，所以呢......冇執野！
而導致今日嚴重缺乏時間換衫 & 執野，最後......的上 HQ！

今朝早要上 SDI，準時 1000 到達 HQ，叫做0岩0岩好啦！
勁耐冇操過，個感覺......好攪笑！今日主要操旗呢......
唔覺唔覺咁都操左兩個幾三個鐘，好 "支力" 囉！老喇真係~
雖然今日冇乜點上過 I 既部份，但係聽下聽下，講到做 I 好似好難咁！
同以前中學時期自己教操既方法唔同左，而家仲要加埋俾 Comments......
唔......之前諗過中途放棄架其實都，但係既然報左名，我就要做好佢！

上完堂，我同 Louisa 去左 Tracy 屋企換衫 & "hea"！好悠閒咁......
叫左上海午餐外賣，然後同 Tracy 埋既媽媽一齊食野 & 睇《唐伯虎點秋香》呢！
睇完電視，開始執下自己個樣，先俾 Louisa 整左佢認為我好核突既兩條眉......
再畫下呢度畫下0個度，攪掂之後仲睇埋套卡通片先走！好勁囉 *o*

睇完電視我地就出發去尖咀喇！行左陣街，去左許留山下午茶......
食左個新野叫 "黑白撈0野"，都 OK 喎！不過係勁勁勁大兜囉 -.-"
Tea 完繼續行街，0係 LCX 買左隻錶錶呢！上星期已經睇過架喇其實......
又唔算太貴，$190......都 OK 丫！鋼帶粉紅色閃閃 (0的字) 的，好靚！
中途收到 Kendee 0係澳洲打返唻既電話啊！上次 miss 左今次收到喇......

行完街我地就上左映月樓喇！今晚 Joey 請飲啊......佢勁靚呀！
唔......我覺得佢個化粧唔錯呢，尤其係對眼！又大又好精靈！
我地呢班 "同事" 好明顯又 (( 嘈嘈閉 )) & 周圍 (( 串串貢 )) 啦......
今晚仲見到 Idy 媽媽呢，好興奮！另外今日仲有好多壽星女添呀！
走既時候先好笑，大家講開 Dick 要趕尾班船返過海，正關心佢既時候.....
佢話：「得啦！我會『水上飄』過去架喇！」(大概啦...exactly forgot 喇！)
點知小丙接左句：「係囉！再唔係『水底沉』都得既！」......勁難受囉！
我笑到完全行唔到囉，跟住我同 Tracy 又鞭佢去趕船喎，但得到係閂左閘囉！
同班 "同事" 笑完一餐食後我就 1A 返屋企喇！好好好 "支力" 呀......

今朝操完 3 個鐘之後而家得到一對 "紅燒豬手" 囉 -.-" 初初都唔覺架......
直至黃昏時間行街覺得癢癢地走去 'R'......之後痛到咩咁囉！好紅好痛呀！
今晚返到屋企先發覺，原來除左 "紅燒豬手" 仲有 "紅燒豬面" 架 >__<

>>April 19, 2004 at 1:41:17 AM GMT+8

2004 年 4 月 17 日 星期六 【颱風】

今朝又唔知醒起身喇！噢........好可憐呢！
當然又係打的返工架下，返到去係早到架！呵呵***

今日努力咁整返部電腦0的野 & 係咁四圍幫人整機，
我覺得我越唻越 I.T. Dept 囉，咁其實都唔係壞事唻既！
整到差不多 1200，哥哥又冇乜心機做野走左唻傾計......
1300 放工準時鬆人，落左旺角 join Louisa 去買野！勁高興！
雖然0徒左車錢，但係個問題係 220/110/55 喎！唔係唔要 55 呀化......

買野完畢飛 Van 返淘大食午餐，去左吉野家！正！
之後過左 Telford 海濤，因為我約左今日去整整個頭......
勁偉大啊 Louisa......陪左我勁耐！今次好過上次......只係 4 個鐘嗟！
剪左 & 負左，整完之後果然係好0的......起碼個人精神0的丫 *o^
19XX 攪掂我地再去周圍逛左陣，然後去 KFC 食 Dinner，食完再行......
未夠 2200 我地就起程回家喇！聽日仲有一日要努力啊......

今日既開支勁勁勁大呀！唔覺唔覺咁使左好多錢呢......大鑊喇~~~
由朝早開始：的士、早餐、買鞋、午餐、整頭、晚餐、買 LC 袋、雪糕、
再買拉拉 Donald Octopus 套、買 CosmoBeauty........仲未計車錢.......
保守估計我今日都用左千千聲囉！唉......下個月慘慘囉！找數找死 >__<
聽晚仲俾人炸添！嘩哈哈......如果有人變好多錢錢俾我就好喇......(dreaming)

>>April 19, 2004 at 1:42:59 AM GMT+8

2004 年 4 月 16 日 星期五 【陰】

今個星期第二日唔知醒，今朝老屈媽媽同我一齊的......
主要目的：佢俾錢！嘩哈哈哈......冇法啦，我冇 "才禁" 錢嘛 v_v

今日依然勁忙，晏晝 16XX 仲要 Dennis 唻整機......
得到係我0係公司遊蕩左個幾鐘，不過 OK 啦！之後就慘喇~~~
因為轉返跟 Dept. 咁 Log-in，所以每人都有個新名入......
但係原來入左新名之後我地0的 Record 會冇晒囉！要 Copy 返唻......
呢樣都已經0徒左一段時間，最慘既係......我個 MSN 裡面所有野冇晒！
勁勁勁慘呀！0的 Emotions & 顯示圖片既相相都冇晒囉......搵唔返架！

攪到收工都未攪掂晒0的野，決定留返聽日，走人......
之後過左海港城轉左轉，再落太陽廣場，落去既途中見到 aifaye 囉！
勁攪笑 ~ 咁都會撞到！同佢行左陣 b+ab 我就上 HQ 開會喇！

今晚開會，大家係咁玩 "ENOUGH" & "IN LOVE" 兩個詞囉！好難受......
初初仲話嗱嗱聲開完去食野，點知開到 2230 先散，之後的落旺角......
去味千食我地既晚餐，行行下又見到兩個以前 126 既朋友仔呀！
哈哈.....久唔久就會撞佢地一次架喇喎！次次大家都會大叫一番囉！攪笑~~~
食飯食到差不多 0000 先走，之後過左個妹屋企拎旗，好好笑的......
佢0係房望落唻0個野真攪笑到爆呀！拎完就返屋企喇......

>>April 17, 2004 at 1:00:01 PM GMT+8

2004 年 4 月 15 日 星期四 【陰】

滿足的一早食左個玫瑰小龍蝦三文治早餐！勁呀！
不過今日既工作就真係唔方唔勁喇......忙到痴肺 -__-
晏晝仲犀利，買完野返唻 143X 開始講電話講到 1700 先停囉！
放工以為可以即閃，點知唔得......成 1835 先走！

本來今晚 Carrie 撩去唱 K，點知佢要上 Head 做野.....去唔成！
所以呢...我離開公司過左 Park Lane 買野，再0係美麗華行左陣，
就 join 左 Louisa 去食蕃茄麵，等左勁耐囉！今次好似冇上次咁好食......
食完野，去左周圍行，行到 21XX 就撘車返屋企喇！

>>April 16, 2004 at 10:55:07 AM GMT+8

2004 年 4 月 14 日 星期三 【晴】

繼續發癲！今日全星期唯一既一日得閒日......哈*
本來勁好興致去行街，但係放工落雨，乜 Mood 都冇晒！
之後撘 1A 返屋企，撘左我粒幾鐘囉！想死啊......
仲要後面位個 "Slide"......我聽住歌咁訓覺都俾佢嘈醒左囉！

難得的同屋企人去左食飯，勁滿足！食左好多菜菜呀，好高興！
今晚可以早早訓覺，好野！哈哈哈哈......好 "支力" 啊......
放假期間忙完４日，點知呢個星期原來仲要繼續...... -.-"

>>April 16, 2004 at 12:45:31 PM GMT+8

2004 年 4 月 13 日 星期二 【陰】

放完一個長假返工，返到去張枱好似垃圾崗咁囉！
勁多野做......冇得停，連 Let 都冇得去呀！慘慘~~~

頂唔順的放工即閃，撘船過 HO 開會，哈哈......
今晚又見到秀 BB 喇！呵呵*** 我仲講左個雪人笑話俾 YY 知呢！
今次個會好快就開完喇，破紀錄係 2100 呀！Good *o^

>>April 16, 2004 at 12:34:34 PM GMT+8

2004 年 4 月 12 日 星期一 【晴】

今天乃《清新假日 Monday 樂》舉行之大日子～
我出乎大家意料之外，竟然早到！哈哈哈哈*****
我已經回復以前咁樣喇！希望可以 Keep 住啦！

今日個 Function 好得呀！初初大家仲擔心冇人唻......
好彩最後成績都唔錯！0的小朋友勁得意啊 *o^
不過我地班 Staff & YU 玩得仲癲過班細路囉！嘻嘻***
個 Function 1630 完但係我地差不多成 1800 先走......
因為用錯膠紙......攪到成地都係膠 -.-" 跟住個場又 book 到 1900 喎！
所以呢......清理完現場大家都留左0係度等車 & 傾左陣計先走 ~~~

好 "支力" 呢今日，但係好高興呀！見到咁多可愛既小朋友，冇所謂啦~~~

>>April 16, 2004 at 11:44:19 AM GMT+8