2003 年 10 月 17 日 星期五 【晴】

今朝起身時既感覺唔太好呢...但依然準時起身！
不過撘遲左一班車，遲左......個幾 "字" 咁啦......

返到公司食左個包飲左杯啡，但係好似乜都冇味咁......
好奇怪，真係好奇怪......咁都有既......可能係人既問題啦~
加上全日都唔知點咁......睇唻 AD 問題日嚴重......大鑊喇 v_v

本來今晚去 Sandy 度架，但因為有突發事件所以去唔成呢！
So......放工即閃，行左過尖東，約左 aifaye 同學去港晶登台呢！
其實我既目的係想去發洩一下呢，辛苦了同學呀.......陪我癲！
癲既途中發現原來好多位好中，仲好多位都想喊......當然忍住左啦！
不過癲完確係好左少少既，真係好耐都冇試過兩個人出去喇......
仲要俾同學提我我地對上一次既聚係夏初囉！夏初......我知道架喇！
今晚好多攪笑事情發生囉！尤其係 "假如讓我說下去 = 可惜我是水瓶座".....
會唔會唻個 Double 都錯先？真係要命啊......唔開出唻0個下都唔知囉 -.-"

正當我地 "不要離我太遠" 之際，梅佬打俾 Ivy，同我講左幾句......
佢糾正左我既 AD，佢話應該係 PAD 而唔係 AD 喎，所以得到最新既......
"PAD = Periodically Automatic Down" instead of "AD = Automatically Down"
哈哈.......同學果然係清楚我，可惜呢個 Periodical 都幾頻密呢 :p

21XX 去左撘 13X 返屋企，一上車見到 Edna 呢！好耐冇見佢喇！
同佢一路傾呀傾，傾到佢落車，佢講0個個「乘風航」好吸引呀！

今日總括唻講真係好唔得呀，唉......好想俾自己精神 & 思想上抖下......
但係我諗都係唔得架喇，日日都咁多野諗咁多野煩咁多野理......可以點？
或者係時候要揀下，選擇放棄0的唔應該再0徒時間既野......等自己好過0的.......

呵...攪笑的 ～ 竟然會有人唔ｌiｋe 我早走過佢囉！好無奈呀 -.-"

>>October 17, 2003 at 11:35:54 PM GMT+8

2003 年 10 月 16 日 星期四 【晴】

好勁！一早自己起身......要強調係 "自己" 架下......
不過攪完一輪都係撘 0810 班車，冇分別......

買左腸粉返公司食，諗住可以有0的熱野落肚啦......
點知包腸粉凍架囉，好慘慘呀！跟住杯凍啡又甜都乜咁.....
飲左幾啖就送左佢去垃圾桶喇！唉......做乜咁架......

無啦啦又 AD 呢！心情激差呀.......唔知做乜~
跟住又腰酸背痛喎，個人好似唔係我既咁......
仲要勁肚痛 & 腰骨痛囉......唉......慘 >.<

晏晝俾荷同學撩去 Nite Lite，雖然吸引，但係激痛......
所以冇去到呀......選擇左返屋企食飯架下......！
不過放工先到商務逛左陣，先 1A 走.....上左中秀食飯！

說時話，近排呢......好似真係知道得太多野......
知得太多反而會令自己更加擔心身邊周圍既人......
究竟可以點呢？哈.......呢個位真係令人幾無奈架......
唔......有時候真係懷疑自己係咪有點兒過份呢？唉......

>>October 17, 2003 at 12:36:33 AM GMT+8

2003 年 10 月 15 日 星期三 【晴】

今晚又係屋企冇水既 "大日子" 呢！唉......
點解成日都咁架？激死喇！開會完要仆返屋企......

今日著左 3 件衫返工，都依然覺得好凍......
返到公司著埋件褸，但結果都係一樣架下......
睇唻真係要開櫃 (會唔會有人話係開 CONSOLE 先？)......
拎番0的厚褸 & 頸巾出唻呢！哈...又係時候諗諗織頸巾喇！

今晚......兩個會要開.....第 1 個開 1730；第 2 個開 1830......
但係卒之呢，第 1 個 1755 先開；第 2 個 1910 先開囉......
最後......係得到差不多成 2100 先走囉！"mung" 到我丫......

一走即去撘 13X，好彩唻架冷氣巴，勁想訓但訓唔到......
所以不停咁講電話，勁講勁講......順便消下0的 "mung" 氣......
一返到屋企抖左陣就即刻洗白白喇......成個人舒服晒~~~

>>October 16, 2003 at 12:38:00 PM GMT+8

2003 年 10 月 14 日 星期二 【陰】

尋晚攪下呢樣、攪下0個樣、擔心下呢樣、擔心下0個樣......
今晨好早先訓，幾點訓就唔記得喇，但係今朝 0750 先起身囉......

走左去撘 0820 班車，又係冷九喎！真係好彩 *o^
不過出到佐敦要轉的士嗟，返到去......0858 喎！好野！

今朝早返到去勁忙，忙到都唔知應該由邊度開始......
做埋尋晚未攪掂既野，今日又有其他野接住咁唻......
點解0的人有手有腳又唔係啞，但係乜都要人幫佢做架呢？
再加埋頭痛胃痛 & 第 2 次 12 個鐘既擔心，真係好唔好受架下......
發癲的得到係成朝勁 "mung" 勁慶勁辛苦.......仲爆埋粗添 @#!&#^!&*%^
恨不得快0的 Lunch，但係0的野做極都做唔完之餘.......
唔知點解個 Lunch 等極都等唔到，完全痴左線囉......救命 -.-"

Lunch 陪 Dor 去左買野，出去行下俾0的勁冷氣凍下個人好左0的，
返番 Office 1335 先食飯，哈哈......不過個飯盒勁多菜呀今日！

下晝既心情 & 情緒好番好多，因為講過電話發過下癲啦.......
加上檯面 & Tray 0的山已經清得 7788 喇！要繼續努力清晒佢啊 *o*

放工之後0係公司 "hea" 左陣，然後同 Bobo 去左鑽石山睇戲......
睇《無間道 II 》呢！本來 Sandy 都去架，可惜佢唔舒服啦 v_v
犀利的我地 1910 去到即刻買飛入場，勁呀！睇左剛剛好 2 個鐘......
聽左好多人既 "睇後感"，我都係冇乜 expectation 咁走去睇......
不過都 ok 既，真係好交代囉！但係余文樂同吳鎮宇兩兄弟都好正！
睇完戲去食 KFC，食完就返屋企喇！行去撘車既時候梅佬打唻.......
同佢傾到我返到屋企樓下商場，又有攪笑事件發生架下.......
話說我同佢講我終於睇左《無間道 II 》既時候，我話佢知我睇幾點，
我話：「咁佢得撘二撘八 ( = 每個鐘既 10 & 40 分) 場嘛......」
佢竟然聽到我同佢講 "兒童特價場" 囉！會唔會先...... -.-" 笑左勁耐～
同梅佬講完又接住第 2 個電話，卒之又0係樓下講左半個鐘先捨得上樓......

返到屋企講電話沖涼再講電話，今晚想早訓呢！因為好肚痛.......
聽晚又冇水呢，真係慘！唉......唔知聽晚開會會開到幾點呢？

今日涼 & 凍左好多呀......如果可以 keep 住咁樣就好喇.......好鍾意咁既天氣呢！

>>October 15, 2003 at 12:45:47 AM GMT+8

2003 年 10 月 13 日 星期一 【晴】

今朝早犀利的 0700 起身，不過碌到 0730 先真正咁起.....
撘 0810 班車，哈......係冷九呢！準時 0845 出到尖咀！

呢幾日都 keep 住好 "mung" & 好唔開心呢......
本來應承自己今日開始要俾自己過得好0的開心0的......
點知...... 10XX 睇完個 E-mail 即入 Let 勁喊囉！忍左勁耐 >.<

晏晝飯約左熙 & 志恒，去左百人一朱食，仲有 Dor Dor 添！
係咁勁笑......真係好攪笑！食完飯過 Bank 既時候仲撞見愷盈添 *o*
我0係條街度大嗌左出唻囉，因為太突然喇，不過好 "火羅" 囉！

晏晝返到公司還好，一到 1700 開始忙到嘔呀......
打野入野 Print 野......一大堆野係咁做呀做......1730 先捨得開票！
一路開開到差不多 1835 先攪掂囉！今日足足開左一本票簿呀！
開完票做埋本來今日諗住做既野，又攪到成 2000 先走......好 "支力" >.<

離開公司，同 Jessie 去左紅螞蟻食飯，好明顯大家都好肚餓......
一路食野一路傾我地之前約好既大計，由 9 月到 10 月、10 月到 11 月，
到最後......我地 11 月終於真係可以做到喇！太好喇！哈哈哈哈.......好野！
我地食完飯之後行左過厚福街既甜蜜蜜食糖水呢！勁 "漏"......食唔晒添！

食完糖水就返屋企喇！同 Jessie 一齊撘 1A，佢0係旺角落左車......
之後就得我自己一個喇，好彩有個電話陪我嗟！呵呵......呢個月0的電話費 -.-"
講到中途冇得講，本來諗住訓覺，但係訓極都訓唔到呢！唉......
不過幸好架車開得都算快，唔駛 9 個 "字" 就返屋企村口喇.......

原來要等一個人真係好辛苦架，尤其係乜都做唔到既時候.......

>>October 18, 2003 at 1:42:32 AM GMT+8

2003 年 10 月 12 日 星期日 【晴】

凌晨 03XX-0400 先訓，勁 "支力" 呀......
不過算啦，都係自己揀既，今日星期日嘛 ~~~

11XX 起身，晏晝出左新世紀美心同叔叔飲茶，
飲完茶入左粉嶺探奶奶，之後再過沙田......
來諗住去行街既，不過後尾變左去轉車囉......

返到屋企只係 17XX，換完衫走左去訓覺......
一撻落床，好不高興咁勁喊.....其實呢......
尋日已經好想喊，不過情況唔許可.......
呢幾日無啦啦好唔開心呢，精神仿佛......
今日終於可以喊一場喇，好似舒服左0的......
係 "好似" 囉！只係心理上好過0的嗟......哈~
不過可惜既係唔可盡情咁喊囉！喊喊下訓著左......

訓到 20XX 起身，媽媽煮左菜肉飯，好耐冇食過喇！
如果聽日帶飯就可以帶喇！不過約左人食飯啦......冇得帶~~~

今日返屋企轉車時又撘的士喇，唔可以再俾自己撘落去呀......

>>October 12, 2003 at 10:14:58 PM GMT+8

2003 年 10 月 11 日 星期六 【雨】

今個凌晨終於俾我研究到個電話點玩喇！哈哈......
攪呀攪呀攪到成 0330 先訓，0730 再起身......勁！

今朝早買左麥當當早餐呢，勁滿足啊！呵呵呵呵......
返到公司起初係勁精神架，之後當然係另一回事啦......
好不容易先等到 1300 收工，當中又講左唔少電話架下......

放工之後即上 Head，同 Bobo & Cherry 一齊撘 8 號 Van......
Bobo 又0係度講笑話囉！話說講開馬場賣雪糕既姐姐，佢話：
「賣雪糕、唔夠高、"不" 雪糕、要 "GUT" 高！」......勁押韻兼攪笑囉！

上到 Head 過左泳池餐廳食 Lunch，計埋我有 7 個去呢......
有黎主任啦、姨姨啦、凱詩啦、Daddy 啦、Ivy & Wendy，仲有我！
話時話，好耐冇同過 The Rock 既朋友仔一齊食野喇！
唔知幾時可以一大班人高高興興咁出去玩番餐呢.......

晏晝0係 Head 開 YLT Breifing，最初話開到 1900......
不過開到 1700 都未夠就開完喇！攪掂晒0的野 1715 走......
落左旺角轉 87D 入馬鞍山食飯呢......等我仲趕去......
點知去到係 15 個既第 4 個囉....... -.-" 早知慢慢唻啦......

今晚食飯既時候又唔舒服呢，食左陣就停晒喇......
下場仲走左去睇電視囉！食到 22XX 就打的返屋企喇......

>>October 12, 2003 at 10:40:37 PM GMT+8

2003 年 10 月 10 日 星期五 【雨】

無啦啦又落雨，快0的轉涼啦，唔鍾意而家既天氣呀 >.<
仲諗住出門口冇落雨冇事啦，點知出到尖咀就落囉......

今晚係 CMT Briefing 呢，個 Head 勁 "虛撼" 囉......
開完 Briefing 我地又開生日會呢，今日係姨姨生日啊......
伍時時0係多美意買左個芒果蛋糕，好靚靚架，仲好好味添！
不過最攪笑係0的 Candles 呀，因為係 Relighting 架.......
佢吹左勁耐都未吹到呢！後尾仲要其他人幫手囉 -.-"

食完蛋糕我地一行 12 人一齊撘 Van 落左泉章居食飯，
好明顯勁嘈囉！仲發生左 "二四六八十" 事件添......笑到死晒囉！
之後食飯又笑過，真係勁辛苦呀！笑到人地落閘添呀......
走既時候已經 23XX 喇！撘飛 Van 又塞車，卒之成 00XX 先返到屋企呢！

>>October 12, 2003 at 10:28:23 PM GMT+8

2003 年 10 月 9 日 星期四 【晴】

呢個星期不停咁講電話呢，呢個月0的電話真係......
慘慘喇！兩張咭都爆晒，點算呢？仲有成 10 日啊......

今晚放工之左受苦 & 傾計，攪到成 23XX 先走呀！
我地傾左好多野呢，既擔心之餘又好攪笑呢......
不過最攪笑都莫過於大家改編既廣告，詳情如下：
XX 棉花糖　慢慢嗒又得　立即被嗒晒　亦得　嗒左　XX 棉花糖　無得檀

>>October 12, 2003 at 9:22:55 PM GMT+8

2003 年 10 月 8 日 星期三 【晴】

本來今晚去睇《無間道 II 》架，但係有0的突發事情所以冇去呢！
放工之後逛左陣就返屋企喇，呢個星期突然好乖......第二晚返屋企食飯呢！

>>October 12, 2003 at 9:15:58 PM GMT+8