2004 年 2 月 25 日 星期三 【晴】

犀利！今朝依照識得起身，我要繼續努力呀！
今朝撘近期最喜愛既一班車，點知......撘左我成個鐘！
出隧道之後塞左半個幾鐘囉！有冇攪錯 $%^&&^%^&*

返到公司成 0920 囉！仲要係已經轉左的返去囉~
不過我都特登走去 Pret 買個美味早餐安撫下自己先！
今朝食既芒芒雞肉呀，好味好味！我要繼續試新口味呀！

今日好努力咁清我第 2 座山，努力的就攪掂喇！
不過好慘，因為呢個星期本身已經頭痛得很......
點知仲要加埋胃痛、肚痛 & 周身骨痛......不如殺左我把啦！

今日公司有笑話一則，詳情如下：
話說今日做做下野要 reboot server 喎，某同事就大嗌喇......
佢話：「喂......我地要 reboot 『梳化』呀！...... 」嘩哈哈***

晏晝眼訓都乜咁，係咁入呀 File 呀，整到癲左......
之後講下電話緩和一下，同尋日位那人講左陣，講返尋日......
佢話有野話我知，卒之尋晚冇講，但係今日我終於迫到喇~~~~~~
原來高興的人家要去台灣 training 呀，真係好鬼高興囉！
如果我公司又有0的咁既 "Biz Trip" 就好喇......(發夢囉真係~~~)

放工之後留0係公司 "hea" 左陣，再過 HO 開會，見到好多人呀！
哈哈*** 有嚴嚴啦、Hay 啦、Sandy 啦，等等......好鬼高興！
好明顯有人想俾打囉......不過睇在佢會喊既份上，我決定算數！

今晚開會好犀利啊！由 1940 左右開到差不多 2300 呢......
YY 仲要唔舒服添，好慘慘啊！最好笑係開開下會有人翻舊帳囉！
無啦啦講返 Joint Camp 阿秀文既 "叫床" 事件，真係好好好好笑呀！
開到 22XX 司徒老師 "落左機" 唻搵我地，之後一齊開到尾！哈哈......
因為司徒老師，我有順風的返屋企呢！好鬼高興啊......
其實係因為司徒太太唔舒服，老師要返去照顧佢，所以決定打的......
咁咁0岩我又住附近喎，所以就兜埋我喇！埋單我只係俾左 $16 咋！
好抵呢！撘的 20 mins 返到屋企，原價 $136 我只需要俾 $16......好正呀！

>>February 26, 2004 at 3:37:58 PM GMT+8

2004 年 2 月 24 日 星期二 【晴】

今朝又乖乖早早起身，巴士返工冇遲到！呵***
今日依然好 "支力"，喪左兩日唔 "支力" 就假啦......

返到公司 XXY 咁多野做，無啦啦有人話聽日要飛......
跟住無啦啦又要 book 呢樣 book 0個樣，差0的飯都冇得食 -.-'''''

Lunch 同 teammate 去左硬石頭食飯，Dor 冇去呀......
佢又約左人食飯囉！呵****** 傾傾下計大家講結婚既問題！
得到一個結論：只係一個套，就可以睇到廿幾蚊同廿幾萬既分別！

晏晝返到公司激 "支力"，唔係好願做野，跟住有人話有野同我講......
但係問左成個晏晝那人都唔肯講，仲要等今晚 ICQ 囉 -.-" 睇下點~~~~

放工即閃，同 Dor Dor 一齊撘地鐵，本來要過九龍灣開會.......
點知 on the way 既時候得悉有位同事唔記得左要開會，所以 cancel 左！
之後就繼續地鐵返觀塘再 Van 返屋企，返到屋企......都係 1905 咋！
今晚姐姐都有返去食飯，勁耐冇試過齊人食飯呢！今晚...上左中秀食~~~
上面0的餐廳，果然係好過我地樓下0個0的......好好好好好好好好好多囉 -.-"

>>February 24, 2004 at 9:28:14 PM GMT+8

2004 年 2 月 23 日 星期一 【晴】

強勁的今朝鬧鐘都未響已經起左身，我仲以為我 "才禁" 熄左添！
點知我刷牙既時候佢先響囉！撘 0800 班車，0830 出到尖咀......
等我仲高高興興咁走去買腸粉食，點知行行下先發現我冇帶鎖匙 -.-"
激死我的，係上至公司鎖匙下至 Let Let 既鎖匙我都冇帶囉！
勁肚餓既狀態下0係等開門既半個鐘裡面食左我個早餐，呵呵***

今日 "支力" 到咩咁呀，全日都係呆坐咁坐0係度......
幾經辛苦捱到放工，點知今晚要留低開會，激死人喇！
初初仲諗住返家訓覺架嘛，不過好彩今晚都開得算早......
但係之後我都留到成 2020 先走，離開公司，無啦啦發癲想行。
終是由公司行到留旺角，仲撩左姨姨出唻食雞記呢！哈哈***
食完野走左去遊左陣街，遊到 around 2300 就返屋企喇~~~

總喜歡0係自己勁唔得既時候玩虐待，等我仲以為情況已好轉...
原來出唻都唔係我想像中0個回事呀下......哈哈哈......

尋晚既決定原來係錯架，哈...今日先知...原來有人等喎！

>>February 25, 2004 at 10:50:53 AM GMT+8

2004 年 2 月 22 日 星期日 【微冷】

今期《Ａｍｙ》Ｂiｇ Ｉsｓuｅ：快樂是應該的
好喜歡以下一般，還有５0 個方法......未能盡錄！

假如快樂真的有定義或方程式，
那麼世上便不會有人不快樂。

惟一可以肯定的，
是小朋友一般比成年人快樂。

他們善忘，無憂無慮，也可以懶惰，
沒有甚麼一定要堅持。
再多的煩惱，總有成年人為他們分擔，
最重要的是，快樂是他們性格的一部分。

成年人不能返老還童，
要快樂，也只有靠自己爭取。

生活中的小情小趣都可以讓自己快樂。
每個人都有令自己快樂的魔法。
願意尋找，你便快樂。

快樂，本來就是應該的。

>>February 25, 2004 at 12:07:58 PM GMT+8

2004 年 2 月 22 日 星期日 【晴】

尋晚食完飯 213X 返到屋企，以我既極速 Planning......
2200-2300 沖涼洗頭 & "hea"；2300-0000 執袋執 U 執床。
我個如意算盤打得唔錯，最後都係 0030 撻落床......好野！

今朝強勁的 0630 彈左起身，刷牙洗面換衫戴帽......
攪到 0711 先出門口，本應仲以為我會遲到，點知0岩0岩好！
約左燕 & Louisa 去澳洲 (牛奶有限公司) 食早餐，好好味！不過食唔晒~

食完野就過九公開始今日既 Expo 旅程喇！朝七晚七成半日...
都咪話唔勁呀！話說朝早大 Briefing 既時候我地一班 Adult 0係後面，
發生左個笑話：一朝早燕話完 Penny 化到咁 "行" 不過阿旺唔唻之後，
到我地準備 Brief 既時候，燕問佢：「咦...咁妳係咪中文系既系花呀？」
跟住佢含羞 "dap dap" 咁話：「唔係......」(再加埋個 "dap dap" 樣呀下！)
點知隔左半分鐘都冇，佢就同我地講：「不過我係銀河系既系花嗟~~~」
得到 lunch 既時候我地同林師兄講呢個笑話，佢一聽完即串佢囉......
佢話：「哦...我知喇！你係醜陋星系既系花呀！」哦...原來係咁！

上晝我地主要係 set 場 & 泵波，勁爆囉0的汽球......真係！
成個 Expo 1300 開始，之後仲有表演0個0的，而我同吳師姐呢......
今日主要係負責攤位禮物換領 Counter 囉！定有有班 YU 唻幫手......
佢地好攪笑架，尤其係 HKID 既 232 呀，0個幾個仔真係 very cutie 囉！
問佢地拎汽球，佢地用既量詞竟然係用一 "名" 波囉...(其實擺明玩野囉~)
然後我地排0的糖糖個位佢地又稱之為「麒麟陣」呢，好攪笑囉......佢地！

個 Expo 18XX 開始清場，真係 "支力" 到嘔泡呀 >___<
幫手執好晒0的物資返 HO，我就坐左0係個台度呆坐，完全唔願郁！
佢地去晒換衫，我連行去個 Let 都願行囉！加上個袋激重啦......
卒之姨姨陪我去換，仲幫我拎左陣個激重袋添！好偉大 & 好感動啊 *o*

慢慢換衫，換完出返唻個場都差不多清晒喇！淨返個台......
終是我又走返去個台度坐，仲有 Ritly, 燕師姐 & 姨姨！其餘既人...
又好似上個星期咁囉......返晒屋企換衫，或者係加埋沖涼架！

我地坐到 19XX，傅詩過唻 join 埋我地一齊去搵地方食飯......
偉大的佢又幫我拎左陣個激重袋，佢問完我點解咁重，我又答埋佢之後...
佢講左句好中文既說話：「佢竟然對一個女流之輩下此毒手？」
哈哈...勁攪笑！睇埋下面發生既事，大家真係開始懷疑......
佢返大陸究竟係返工定係上去學中文囉？因為佢0的中文真係好左好多呢！

初初我地諗住去 Ruby Tuesday 食，點知 full 晒囉~
之後再去 LCX 既 Califronia Pizza，又 full！星光行北京樓 → full！
度度都 Full 既情況下我地分頭行事，我地負責等位，佢地換完衫出唻負責去搵！
卒之我地去左星光行既翠園，今晚呢個飯局既參與者包括：
伍氏伉儷、小丙、我、燕、康、傅詩 & 姨姨...得到又係笑左一餐食囉！
(我由晏晝約既時候已經講左今晚唔笑，免得好似上星期咁...點知~~~~~~)
今晚笑位太多，其中撮出以下幾個，另外仲有勁多有味笑話囉！
笑位一：當大家講緊近日流行既「聽打王」既時候，我話做極都冇人工收，
之後伍太接左句：「不過而家都好多軟件免費可以上網 download 架啦！」
笑位二：大家講開「堅」呢個問題，伍區長就話喇：「溤錦菱要堅都好堅架！」
師姐接：「係堅而挺添呀！」傅詩再接：「咪咁即係老而堅囉？」
笑位三：話說小丙媽媽有個小白獅既電話繩，我就問係邊位漫畫家既作品，
講講下講到去叮噹既作者係藤子‧F‧不二雄，原來呢個筆名係兩個人唻架！
之後媽媽就舉左個例：「如果你同吳彩燕既話咪係『王可‧F‧彩燕』囉！」
勁攪笑！聽完之後我就問喇：「咁裡面個『F』係代表咩呀？」
媽答：「我諗係 friend 卦，斷估都唔會係 fxxk 既...」我既反應...「哦」囉！
笑位四：接頭先『王可‧F‧彩燕』呢個名，之後有人發表左以下呢句：
那人話：「人地就雙雄，妳地兩個應該係『油旺雙痴』(此痴不同彼雌呀下)囉！」
我再接：「會唔會『雙瘋』好聽0的先？」到呢個位...大家聽完即諗衰野囉！
之後敏感既師姐即講：「妳『雙瘋』咋，我唔係架！」佢一講完，大家呆晒！
有人：「咦？妳唔係咁唔通你得『單瘋』？」我：「定係其實你係『三瘋』呀？
哦...原來妳又好似梅佬咁有『義瘋』既......」哈哈哈哈...笑到癲左！
笑位五：話說伍區長有隻牙以前有點黑點，但係而家已經補左...所以冇左喇！
當媽媽一得悉佢冇左個點黑點之後，佢即刻問：「下？你用白油油架？」
笑位六：大家講開蛋既問題既時候，伍區長就話喇：「我唔食咸蛋黃但係食咸蛋白。」

今晚我地係由 2000 坐低笑到 2200 呀！雖然少過上星期個半鐘......
但係辛苦程度係比上次多出 10 倍呀！勁辛苦...初時坐低眼訓 & 殘到咩咁，
但係食到尾既時候又係笑醒晒囉！最要命係人地隔離房擺緊喜酒，我地0係度講俾帛金囉！

走既時候同傅詩一齊撘 13X，返到屋企 23XX，超級激 "支力"......
執好晒0的野就沖涼洗頭，睇左陣雜誌就訓喇！如果聽日 off 咁幾好呢......

>>February 25, 2004 at 12:04:49 PM GMT+8

2004 年 2 月 21 日 星期六 【晴】

今日..犀利！早左起身！不過為左自己個恐怖樣......
所以又 "MI MI MOR MOR" 慢慢化埋粧先走，得到又係......
同媽媽一齊的！呵*** 媽媽話呀，下星期開始要重新做人喇！

返到公司今日又係一個冇枉管既日子，食左個好豐富的早餐！
同上次一樣，冇耐之後就係咁聽歌歌喇！今日放工即閃......
先去買個餈飯豆漿午餐，再撘 Van 上 Head，今日考 55 班 YFA...

初初仲以為唔使考到 1600，點知成 1700 先攪掂，勁 "支力"......
之後趕去德福食媽媽之生日晚餐，我一路都以為食 1800......
等我仲趕到成隻野咁，點知去到德福先知原來係食 1830 囉！唉*

今日 The Rock 班同學仔過左大海玩啊！好高興的......佢地！
不過留低左我 & 燕 & 康囉！唉......算！唔去當慳返0的打的囉！

>>February 23, 2004 at 12:00:26 PM GMT+8

2004 年 2 月 20 日 星期五 【晴】

哈！今朝同尋朝 exactly da same 呀！先係唔知醒...
再係同媽媽一齊的返工！一人俾左一日錢，嘻嘻 ~ 好抵啊！

呢個星期決意清左我檯面既兩台山，今日清左一台喇！
仲有另一台呢，要入左先可以清囉！所以我估聽日攪掂未入得囉！

本來一直諗住今晚放工返屋企訓覺，點知到最後都係泡湯！
因為公司遲0的裝修，要搵人唻睇 & Quote 價，0個位好 "忙" 既師傅...
之前話 1830 0係銅鑼灣走所以過唔到唻，點知又話 1830 唻！
卒之就留左0係公司等佢唻睇，佢攪掂時我又未攪掂，最後成 1930 先走！
離開公司之後將返屋企訓覺既念頭打消左，變左去行街......
因為媽媽聽日生日，但我同姐姐仲未買禮物俾佢，初時都係睇禮物既......
睇睇下變左自己行街，差0的連買禮物都唔記得，好彩有人提我嗟！
搵左個幾鐘......好彩都俾我搵到0岩既！行完買完成個行程 2130 完結！
然後去左山林道間 McDonald 醫肚，好耐冇食過 McDonDon 喇......食飽回家！

>>February 23, 2004 at 10:35:29 AM GMT+8

2004 年 2 月 19 日 星期四 【晴】

今朝又...哈哈哈！同媽媽一齊的返公啊......
睇在尋晚0個 $3220 份上，唔緊要啦！呵呵呵呵***
死囉！我發覺我已經習慣左 0800 或以後起身既生活喇......

今日一身 Casual Look 咁返工，非常清新呀！
冇化粧、牛記、Converse 咁踢返去，好耐冇試過咁返工喇！
適逢老細今日返左深圳，加上又斯文左咁耐，要 Casual 一下！

0岩0岩好 0900 返到公司，放低野之後過左 Pret 買早餐！
好貴貴啊 ~ 不過真係好好好好味呀！我買左個玫瑰小龍蝦三文治，
仲買左杯 Mocha 飲，呢個早餐用左差不多 $40 呀！Oh~~~


今朝既主要工作係同0的朋友傾下計，同 aifaye 同學傾左好耐，
傾傾下大家講呢個「有男女朋友仲出去攪三攪四」既 Topic，有以下既對話：

aifaye Wrote:
真係...唔好講少...世上就有好多咁既男仔..已經有女朋友仲周圍搞...
aifaye Wrote:
我舊office已經有一個...
孩子王* Wrote:
哈....好多0的咁既人...大家都有但係仲出去周圍玩
aifaye Wrote:
乜真係好開心架咩?
孩子王* Wrote:
我未試過囉！妳可以試下架...起碼你有個 "BASIC REQUIREMENT" 丫~

哈哈哈哈...講完其實同學唔係好明囉！我再解釋完佢聽之後......

aifaye Wrote:
-.-''''''我明你講咩喇....係"試"既"basic requirement".....丁丁

不過呢，我相信我講完同學係唔會試架！因為佢自己都話......

aifaye Wrote:
不過我覺得我handle唔到..

今日呢...大家都好 free 咁呀！一唻尋晚玩完癲完...
二唻呢，老細北上嘛！大家都好高興咁大大聲傾計、聽歌...etc.
不過臨放工大家都突然間好多野做呢......

放工之後去左行我最愛既星光行商務，不過唔係好夠時間，
所以 "係咁二" 逛左逛就走喇，然後撘船過中環，再行過 HO 開會！
今晚開 HIV/AIDS Core 既會，大家成個會入面不停咁扯開話題囉...
Finally 我地由 1930 開到 2200 頭完，離開 HO 之後......
我同 Bobo & 師兄過左味皇食麵，冇米線喎竟然......太過份喇！
跟住又食左炸魚皮啦，佢0的炸魚皮真係好好好好好正架！
食完野 23XX 大家就散 band 返屋企喇！都係0個句：好 "支力" 呢~

>>February 20, 2004 at 12:53:01 PM GMT+8

2004 年 2 月 18 日 星期三 【晴】

尋晚臨訓既時候好頭痛，唔覺唔覺咁訓著左......
一路訓到今朝 08XX，起身0個刻好唔想返工，不過唔得！
今晚 Annual Dinner 唔返想死咩 -.-" 卒之請左一個鐘假......

訓多一個鐘，諗住有充足既時間去撘巴士返工......
點知一出門口就黑到暈，話說行去協威園撘巴士既時候，
無啦啦俾粒連住兩排欄杆既縲絲鈎住左條裙，我唔知繼續行...
得到咪就係扯爛左 & 差0的扯甩埋囉！不過其實都扯落左幾吋 -.-"
唉 ~~~~~~ 真係激死！條裙扯爛 & 甩完之後，又要行返番屋企換囉！
激死我喇 >___< 有冇攪錯呀？咁都得...巴士冇得撘，又要打的......唉！

的返到去0岩0岩好 1000，一返到去開始 prep 今晚0的野，攪左全日！
晏晝食完飯 1500 同 Dor & Sandy 開會，開開下老細返唻...繼續開第二個會！
第二個會 - Management Meeting，由 1630 開到 1750，一開完出返去即走！
因為要落酒樓睇 & Set 場，仲有試碟 for Karaoke 比賽！仲乘機唱左陣 K 添 :P

今晚個 Annual Dinner 1930 開始，去到 2200，都 run 得唔錯呀！
有成 9 組人唱都唔駛 45 mins 攪掂，然後又玩啦、抽獎啦......唔錯唔錯！
今晚抽獎抽到 Jusco Shopping Cupon $200 囉！都唔知點用好.......
得閒要搵日落黃埔 or 樂富 Jusco 行下，哈哈*** 另外仲抽到特別獎 $2000！
勁興奮啊 *o^ 其實我成晚既總收入有成 $3220 架！上面既 $2200 之外......
仲有 $1020，分別係贏左 Karaoke 既獎金 $1000 & 老笠人地問答遊戲既利是 $20！
今晚玩 Karaoke 唱《想得太遠》呢！好正....隻歌！不過把聲....好沙囉我覺得！
走既時候已經俾一大班同事們謀住我今晚既收穫囉！實走唔甩啦......下午茶~
最難受係我既 teammate 話要我包大家一個星期 Lunch 囉，仲要係硬石頭！會唔會先 -.-"

返到屋企 23XX，好好好好好 "支力"！目標係星期五放工返屋企訓覺呀 >__<

>>February 19, 2004 at 5:32:31 PM GMT+8

2004 年 2 月 17 日 星期二 【晴】

玩完返到屋企已經 00XX，返到去洗晒0的野對左陣電腦，
然後就乖乖訓覺喇，臨訓之前又拜託左梅同學聽朝 MC 我！呵*

今個覺真係訓得好辛苦，訓訓下無啦啦全身發抖......
唔知係有野抽筋呀？定係覺得凍呀？定係......另有原因？好奇怪！
其實0個刻好想整醒自己，但係醒極都醒唔到......勁辛苦~~~
之後仲奇怪既就係夢見自己割脈囉，醒左0個刻個情境仲0係個腦度！

0700 梅同學打唻，話左俾佢聽我個夢，之後已經呆左......我講我！
呆坐左 10 分鐘空白一片，然後就起身喇！攪掂晒 0750 出門口！勁早！

0830 返到公司，今日又係冇停，本身已經多野做，加上聽晚 Annual Dinner，
咁就變左更多野做囉！慘慘喇 ~ 仲有好好好好好多野未做呀！呢個星期......
唔想 OT 呢！下個星期......得番兩日閒！用唻抖下好定留0係公司做好呢？唉~~~

收工又做到 around 1900，本來諗住返家訓覺，但係尋日收到好姊妹既 SMS，
唔開心想出去飲野，大家咁話啦！呢個時候我會放棄訓覺而選擇虐待一下自己！

離開公司 join 左 Inty 姐，然後過左諾士佛臺搵野食 & 飲......
卒之去左間食東南亞菜既餐廳叫 La Cuisin De Mekong，唔錯架唔錯架！
我地揀左個露台位，環境唔錯呢！我地叫左以下幾樣野食，包括：
香芒海鮮香米卷、湄江特式炒貴刁 & 越南乳香骨 - 各樣都好好味啊！
不過我地都食唔晒呢！另外我地又開左枝紅酒飲，哈哈.......
今晚又傾左好耐，由 19XX 傾到 22XX，乜都傾一餐......好耐冇試過喇！
22XX 走其實係因為我真係好 "支力" 囉，講真真係好唔夠喉架下！
呢餐大家又食得好富貴呢，食左成 $600 幾，不過久唔久一次好喇！
食完野我地一齊撘地鐵返屋企，佢落車之後我地又繼續講電話......
講到佢返到屋企囉，好攪笑呢真係，0的野好似講極都講唔完咁！

>>February 19, 2004 at 11:47:38 AM GMT+8