2003 年 12 月 29 日 星期一 【晴】

尋晚早早的訓左今朝一樣遲遲的起身，又遲到......
公司好多人上左 SZX Office 又或者放假，好高興...佢地！
而0係公司既同事呢，好明顯大家都冇乜 mood 做野！

本應今晚諗住開 OT，當然到最後病到 O 唔到啦......
仲 "偷走" 埋冇開會添，要好好捱埋呢個星期呀......
今日將 24 - 28 號既相曬晒出唻喇！好正喲 *o^ 呵呵~~~

一連幾日都係咁，好難受呀！好唔開心 >_<
而家叫做趁我病 "才羅" 我命呀？好嬲呀......

>>December 29, 2003 at 11:06:59 PM GMT+8

2003 年 12 月 28 日 星期日 【晴】

飲完野本來諗住去撘巴士返屋企，跟住見大家都行......
所以我又一齊由尖咀散步落旺角，行行我同 Carrie 發現......
唻緊我地仲要企足成日，點解要行而唔撘車呢？哈哈***
算啦......咁樣一路行一路傾個感覺先正嘛！呵呵呵呵~~~

由尋晚 19XX 見到燕開始j直到今晨，我同佢總共有差不多半打次既許願機會！
因為我地成日都一齊講同一句野，勁 "Q" 囉！不過許得成0個兩次願咋 -.-"
最難受我地行過 Park Lane 既時候同一情況出現，燕即刻足住我隻手許願.....
但我既反應係望住佢，0係佢 "mark" 大眼既時候仲要問左句：「妳0係度做咩呀？」
之後佢勁難受囉，好明顯0個刻我完全唔知發生緊咩事......傻左！哈哈***

返到屋企已經 01XX 喇！勁 "支力" 勁眼訓，攪掂晒所有野訓得都已經 03XX 喇！
預計 0700 起身，加埋 Carrie 既 morning call，我都 "典" 到 0730 先起......
換埋 U 執埋其他 accessories 上身，得到係要 0805 先出得門口......
但我約左佢地 0830 九龍城廣場門口囉！呵......遲到添 :P
一出門口收到 Carrie 電話，原來佢洗白之後訓返囉，0岩0岩先再醒......
我後尾 0840 出到九龍城，兩位區長都係0岩0岩到呢！嘻嘻...全世界遲到！

早餐我地去左間茶記食，一路食一路有人加入我地既早餐行列！
滿足的食左個麵，0920 就起程返九龍城廣場準備今日個 Roadshow 喇！

好耐冇出過呢0的商場 Service 喇！今日都算 OK 既！唔算太多人......
唔錯丫，咁樣大家做得冇咁辛苦嘛.....今日做 A I/C，所以又唔太忙......
中場去 Health Check Counter 幫手量下 BP，好滿足！嘻嘻......*.^
尾場去左同小朋友玩，其實小朋友係今日既訪客 --- 一對兄弟唻架！
哥哥四歲細佬兩歲，佢地好得意架！都算幾乖，我仲同佢地影左相添！
我同 Amy 淨係同佢地玩都玩左差不多成個鐘，勁高興勁攪笑呀 *o^
另外今日仲有好多同事唻探班添！多謝各位既鼎力支持啊！

個 Roadshow 1700 完，最後佢地班大佬仲請食蛋撻添！幾高興！
離開會場之後我地一行六人去左食野，其實本來約左去唱 K 架......
可惜個個都病晒喇！唔高興......食野既時候佢地五個仲要係咁撩我去唱囉！
真係好想唱架，不過把聲 "MENG" 晒點唱喎...... v_v ...... 仲要冇氣囉！
最主要0個樣係 ~ 我真係俾你地撩到都冇人同我一齊去唱啦......0徒氣 =.=

食完野就返屋企喇，勁 "支力"！初初仲話返去沖涼訓覺......
點知返到去整完呢幾日0的相 & Movie，都已經差不多 2000......
跟住電視有許志安又想睇喎，咁又睇埋啦！睇完電視 upload 埋0的相上網，
send 下 invitation 俾人睇相，攪完又就快 2200，先捨得去沖涼，沖完涼又要執野......
卒之由 planning 既 1930 變左 2300 先訓得，個頭又係滴緊水囉......

呢幾晚臨訓都勁流鼻水呢，好辛苦！病情日趨嚴重......唔要呀！
係都俾我玩埋個除夕 & 新年先啦！一定要捱埋呢個星期呢...... x___x

>>December 29, 2003 at 10:57:54 PM GMT+8

2003 年 12 月 27 日 星期六 【颳風】

聖誕假後第一日返工，說實唔係好願做野架下......
放工之後依然唔太舒服，所以選擇左返屋企訓覺，
為左今晚既節目，我一定要咁做......哈哈***

訓到 17XX 起身，過左 PP 同師姐行街 & 食飯，
食完飯再行左過環球嘉年華，其實今日 mainly 係去影相囉！
加上要搵地方 "zip" 時間等 Carrie 姐姐收工......

行完影完0岩0岩好，再行過中環 join Carrie 一齊去許願廊，
恨去左好耐，終於都去到喇！許願之餘仲睇埋大樹 show 添！
哈哈......好鬼滿足！我地仲不停係咁影相添！呵呵......
行完影完玩完之後，我地撘船返過尖咀，本來想去 My Coffee，
點知又冇開囉！激死人喇......次次耐冇去想去都去唔成添！
卒之去左 Starbucks 飲呀！坐低冇耐仲見到 Ritly & Estella 添！

>>January 30, 2004 at 12:41:48 PM GMT+8

2003 年 12 月 26 日 星期五 【晴】

尋日勁訓之後，洗完白 0100 又走去訓過......
本應約左 Carrie 0900 旺角食早餐，點知 0900 先起，
之後攪掂晒巴轉的0岩0岩好 1000 上到 Head，勁！

今日考埋0個日 "爆洰" 0個幾班 YFA，由 1000 考到 1400，
之後大家留晒0係度改卷做 T3，由 14XX 開始講話食飯.......
點知講到 1600 都未食，卒之放棄左...... 1630 走 Head！
同 Carrie & 小丙行落旺角，再同 Carrie 行左陣......哈哈*

今朝起身見勁頭痛，已經知唔係好野，點知考考下試勁傷風......
好耐冇試過咁病法.......聖誕流流攪0的咁既野.......玩得唔盡興添！
今晚屋企開 P，18XX 去到舅父度，坐左陣開始勁訓，乜都冇開......
走既時候我先起身，仲敢0係麥記食左個餐先撘車返屋企.....哈*
還掂都係病就算啦，但點都冇諗過上星期既陰謀呢個星期竟然.......唉~

>>December 26, 2003 at 11:29:56 PM GMT+8

2003 年 12 月 25 日 星期四 【晴】

睇完 & 影完燈燈已經 0000 喇！條街都冇人玩倒數既 -.-"
得我地0係度亂咁嗌，但最攪笑係有人回應我地囉！勁呀...犀利！
之後一路沿住九龍公園徑行返過海港城0個邊，行行下撞見精華 & Nicole 囉！
好耐冇見過佢地喇！兩個都大個仔大個女左呢！我地仲一齊影左相添！

影完相行過海港城放低左幾兩，之後我地又影過囉！
女子組既同學就影 Bear & 樹，而男子組既同學呢...有0的難受...
佢地竟然走同0的 poster 既姐姐影相囉！會唔會先？人地行過都笑囉 -.-"

大家發完癲我地就分左兩架的由中港城出發去 Steven 屋企喇！
學燕話齋，睇唻 Steven 個竇已經成左我地既 "六樓後座" 喇！
我地去到冇耐阿康都唻埋，之後再食由經理煮既宵夜......
包括有：公仔麵 + 豆豉鯪魚 + 腸粉 + 餃子，仲開埋香檳飲添！
之後就開始我地既活動喇！首先係玩炮，大家玩得勁高興......
爆完出唻仲要執返佢入去再爆過囉 -.-" 不過當然冇咁好爆啦！
爆到成地都係......得到係大家要自己執返晒掃返晒，哈哈......
爆完執完就開始 UNO 大戰喇！正當大家玩得未完全興起既時候......
我就退出左喇，因為勁眼訓 & "支力"，加上我一向對 Card Games 冇乜興趣......
睇佢地玩多左陣經理就去左煲咖啡，當時係 around 0430 囉......
呢個時候飲啡真係有0的攪野，不過呢...經理個咖啡壼煲0的好味喎！
仲學識左加 Baileys 飲添，真係幾好味架，下次有機會要試多次呀！呵呵......
可惜飲咖啡對我唻講 1D 提神既功效都冇架......所以再睇多陣......倒左地囉！
但我一路都聽到佢地既激戰情況.......好明顯有人俾人夾攻囉！勁慘！
到我再起返身既時候已經 05XX 喇！一起身又俾人串我 "通頂" 囉 -.-"
好明顯我起身既時候各位石友已經玩到癲晒囉，但 Carie 係呆左架......
勁難受的阿梅同學每次嗌 "１" 或者 cut 既時候，都嗌左做「吉」囉 =.=' 型！
到佢地收檔既時候又有魔術表演睇呢！今次係燕表演 "飛UNO" 呀！
笑到我地癲晒囉，我仲拍左 movie 添！勁呀！哈哈哈哈****

笑完玩完我地成 06XX 先走，阿康仲撩去飲早茶囉！其實好吸引......
我想去架，可惜返屋企沖涼吸引0的囉 :P 所以離開史家大家就返屋企喇！
返到屋企都已經 07XX，沖埋涼洗埋頭即訓，都懶理個頭滴水喇......
呢個覺好好訓，一訓訓到 1503 醒左醒，打俾 Carrie，因為約左佢夜晚去中環！
點知個電話收得唔好，講講下 cut 左線，cut 左線之後我又訓過......
一訓又訓到 20XX 先起，足足訓左 12 個鐘囉！勁！起身之後 "溫溫燉燉"......
仲話去中環喎......最後當然係去唔成啦 =.= 卒之俾雙親迫左我落去食飯，
可能因為冇食早午餐既關係，所以一食野就胃痛囉，慘慘啊...... >_<

>>December 29, 2003 at 12:31:37 PM GMT+8

2003 年 12 月 24 日 星期三 【晴】

呢幾朝都唔知醒起身，又撘左好幾朝的士喇......
仲有成個星期先出糧架........點捱埋佢呀！慘慘呀~~~

呢個星期忙於 Party 既野，都冇乜時間做其他野，
放完呢個聖誕假都幾慘，好多野要趕呢......唔想 OT 呀！
11XX 開始就 prep Party 0的野喇！要拎野食又 LI 又 LO......
卒之個 Party 成 1340 先開囉！之後又選最佳員工獎喎......
由我犀利既哥哥得獎呀！勁呀！哈哈......
頒完獎抽獎，人人有份既禮物我抽到個 FX 既公事包囉！
唔知要唻做乜囉說實 =.=" 之後抽現金獎又唔見有我份喎......

今日 1600 放工，之後去左 Trendy Toon Town 既 Trendyland......
買聖誕禮物！1700 上到Head，今晚要開會& 開 Party 呀@ Head！
開會前同少雯去左買禮物，佢送左隻消防版既火柴人俾我做聖誕禮物呀！
好靚靚架......勁得意！好中意！多謝劉幹事 *o^

1830 開會，hea 下 mor 下開到 2005 先開始開 Party (本來應該 2000 開~)，
今晚 Party 既參加者本來好多架，但最後得番 15 個囉！有以下咁多位......
Kitty、少雯、Michelle、Michelle 朋友、伍氏伉儷、小丙、Louisa 姨姨、
燕、Carrie、芷萱、曦雯、濠哥、房少聰，仲有我！我地分左三組......
玩左幾個遊戲，好攪笑& 好好玩囉！原來 Head 有咁多位可以 ZIP 野囉！
之後又玩懷舊遊戲喎，有竹籤、波子棋、潛烏龜、"COM" 棉胎 & 康樂棋！
不過我同燕因為要去下場所以 around 2200 就走左喇！走既時候見到嘉豪呢！

離開 Head 我地的左落尖咀 join The Rock 既朋友仔去玩！哈哈哈哈......
今次出席活動既會員包括：梅佬、燕、Ken、Wendy、Steven、Carie & 我！
我地首先去左聽 Wendy 報佳音，然後迫左出尖東睇燈飾，今年0的燈呢......
裡面既靚0的喎，而出面0個0的好似比較遜色呢 -.-" 人依然係咁多......
行行下我地仲撞見 81 班仔呢！另外呢......今晚我地一齊打俾會長伉儷都打唔到囉 -.-"
打左一整晚都係冇結果，得到大家留左幾個言叫佢地小心0的咁囉！呵呵.......
犀利的我地今年終於影到燈飾大合照，有燈飾之餘仲多左好多人呢我地！

>>December 27, 2003 at 10:23:45 AM GMT+8

2003 年 12 月 23 日 星期二 【晴】

又唔知醒起身，唔得唔得......出年要改改呢個壞習慣~
真係有點兒過份啊......又俾媽媽串我添今朝早 :P

今日發現背脊0個兩塊扒位好痛，唔知發生咩事呢？
係訓得唔好丫，定坐得唔好呢......好痛好痛好痛痛！

放工之後去左買野 for YMX 03，仲走埋返公司拎紙囉！
過到去成 1945，說實真係 "支力" 到嘔囉！完全玩唔到......
坐坐 hea hea 之後好左少少，下半場都玩左一陣......
今次都算 OK 既，尤其個 YMCA 真係好鬼正囉！0個兩位領舞既同事*
個 Party 2215 完，之後幫手清場，攪掂晒0的野之後.......
我地 The Rock 既組員去左食糖水，食食下 Carie 唔覺意跌左舊椰汁糕......
落碗紅豆沙度，之後大家都好高興咁玩野扮電視節目試食新款甜品囉 =.=
個個都玩到傻晒囉！痴左線咁......食完返埋屋企都已經 00XX 喇......

今日收左三份聖誕禮物呢！好高興的，哈哈哈哈......
第一份係 Winson 送架，佢送左個暖壼俾我呀！果然知我勁怕凍 *.^
第二份係 Shirley @ U10 送既，一袋野裡面有好多野架......
有好多糖糖、hamomimi 公仔連糖 & 兩包史力奇桂花綠茶！好正*
而第三份呢，係 WW @ U 10 送既 Winnie the Pooh 牛奶樽糖呀！
好似第一年未到聖誕就收到咁多禮物呢！好高興呀！哈哈哈哈*
唔知唻緊幾日仲有冇其他聖誕禮物收呢？如果有就好喇......

今日真係好 "支力" 呢！聽晚仲要繼續努力呀！呵呵呵呵*

>>December 25, 2003 at 9:50:39 PM GMT+8

2003 年 12 月 22 日 星期一 【晴】

冬至人人做冬，我就做左喇！所以今晚可以去街街......
本來 1700 放工，但係都成 1800 先走！唉...... v_v

走左之後去左又一城行街，買聖誕禮物......哈哈！
好不幸的睇唔0岩囉！第一場同姐姐行左陣，然後自己行......
行行下撞到 bibi 囉，好攪笑！不過同佢行左兩行我就走左喇！
卒之乜都冇買就走左喇！返到觀塘同雙親0係屋企下樓食羊腩煲！

>>December 25, 2003 at 5:03:21 AM GMT+8

2003 年 12 月 21 日 星期日 【晴】

晨早 0745 俾媽媽 "抄" 醒左，落街食早餐......
食過早餐就上 Head 考 YFA 喇！考到好 "MENG"......
考考下大家發現有異味，原來又爆洰囉 -.-"

發現爆洰之後，我地就 cancel 晒下晝既考試喇，
卒之得到大家晏晝留晒0係度 "排洪" 囉 -.-"
今日既 "排洪組" 組員有成 6 個呀！不過得我一個女仔......
仲有小時、小丙、嘉豪、Allister & Gary，之後仲有黎主任呢！
排左幾個鐘洪後落左樓下公園食飯盒，凍到咩咁......
食完仲要玩埋隔離0的 Facilities 囉！個個牛高馬大走去玩......
玩完上返 Head，再同嘉豪打左陣交，發完一輪癲又開工！
清晒所有野 & 拖返乾個地，整晒所有野差不多成 1730 先走！
今日睇唻都係有生以唻做得最多家務既一日，仲要乜都用齊......
掃把啦、垃圾剷啦、地掃啦........等等，好勁！仲勁過0的 JU 呀！
不過到最後發現唔係爆洰，而係條洰俾塊木板塞住左囉 =.=

離開 Head 落旺角轉車，醒起 Joey 今日有簽名會，所以走左過去睇下~
加上梅佬晏晝打過唻，話佢去左等佢囉，之後到師姐又去左喎......
去到本來見唔到 Joey 架，但係後尾都俾我見到呀！哈哈......勁高興 *o^
一走左之就 join 左師姐，睇佢0的 Joey 相 & 上 i.t. 轉左個圈......
勁邪的 ~ 我睇睇下相有人打唻話見到我囉！仲要講得出我做緊咩先驚喎~
原來0個位仁兄係 Ken 同事囉！真係嚇死，不過最後都俾我見到佢喎！呵*

行完 i.t. 就去左撘車入馬鞍山喇！今晚同媽咪0個邊既屋企人做節......
食左一半之後同表妹去左行街，買左個好靚既 mimi 筆盒俾佢做聖誕禮物！
食完飯我地一大家人走左去狂影聖誕樹囉！好攪笑的......
跟住行天橋0個陣又同小老虎一齊扮白痴喎......哈哈哈哈* 外甥多以舅呢*

今日發生左0的事，攪到 Daddy 好唔開心！過亦因為呢件事......
結束左 1 個月 05 日既冷戰。究竟真係結束，定係只係一個假象呢？

>>December 21, 2003 at 11:42:25 PM GMT+8

2003 年 12 月 20 日 星期六 【晴】

好凍好凍好凍凍，今朝完全唔願起身......
0805 先捨得起身，唔理得遲到都繼續訓......

返到去超唔願做野，因為想快0的到下晝......
因為可以奉旨去行街，加上勁凍啦......凍到死 >_<
凍到頂唔順既時候，我忍唔住拆左舊年 Party 抽0個個暖袋~
擺左成年終於都捨得用喇！哈哈......不過 "叮" 完都好似......

放工同 Sandy 一響即閃，撘 Van 落黃埔，極速食左個 Lunch，
再去掃埋剩餘未買既禮物 (for christmas party)，買左 10 份......
已經重到呢 =.= ...... 買完就的的返公司喇，因為趕趕時間呢！
返公司放低晒0的野就走喇！呵呵......又多一日 OT 呢！哈*

"OT" 完即刻上 Head，開 Roadshow Briefing，我同詩係咁玩囉 :P
上到 Head 見到好多朋友仔呢！見到 Daddy 得到係要買禮物囉......
仲要買零食添，哈哈......算啦！咁高興冇乜所謂啦......都係俾細路嗟~
由 1600 開到 18XX，之後留低同 Ritly 傾埋分工 & 其實 details......
傾到 19XX 先走，本來諗住去睇下禮物，點知都趕唔切呢~~~

今日晏晝打俾 Gary，同佢細佬講左陣電話，細佬好得意架 *o^
佢好乖架......叫完姐姐又同我講左一輪野，不過我聽得唔清楚囉 -.-"
成段對話聽得最清楚係 "姐姐" 同 "拜拜"，哈哈哈哈......好攪笑呀！
真係好得意呀佢！如果可以俾我見下佢就好喇......哈哈哈哈*

今晚睇 Wendy 既 diary 得知信義轉左校褸 & 出左頸巾，勁~
唔知有冇機會睇下呢？好想睇啊......如果有妹妹買左俾我睇就好喇~~~
突然間覺得自己好老咁，上幾個星期見到個讀我間小學既妹妹.......
發現我以前套 PE 衫已經由啡黃轉左做藍黃，其實一早就應該轉啦~
而家連中學既校服校褸都轉埋，攪到好似過左好耐咁......
其實呢......計中學我都係畢業第 5 年嗟......咁就變左咁多野架喇？

>>December 20, 2003 at 10:33:54 PM GMT+8