2004 年 1 月 28 日 星期三 【晴】

好乖的 ~ 未夠 0100 就去訓覺喇！勁耐冇試過咁早訓......
今朝起身，全身酸軟得要死......想郁都郁唔倒......勁辛苦~~~
碌左陣好辛苦決定朝早唔返，初初仲話 1100 返到去，點知......
訓到 1245 先起身，好少少咁啦，之後就爬返公司喇！

返到去差不多 1400，等到差不多 1500 先食我既 Brunch，
因為有人幫我買豆漿餈飯，呵呵......好好味的！好耐冇食喇！
晏晝以為會好快過，點知......都唔係我想像中0個回事......
因為今日開始忙忙地，加上一郁就勁痛......成個人都係咁！唉~~~

放工之後同 Dor Dor 去左買 Sauna Mask，買完就返屋企喇！
今晚誓要早早休息，所以飯都冇食，返去既時候買左燒賣 & 雞脾，
返到去食多個橙就完成我既晚餐喇！仲飲左盒維他奶添！嘻嘻***
食完野上左陣網，再去洗面做 Sauna Mask 洗頭沖涼，攪掂已經 2035...
個 Sauna Mask 好得意架，暖暖咁！等我初初仲諗住 2100 訓， impossible 啦！

唉 ~~~ 成個人都好痛呀，點算？好火好火~~~~~~ 要搵雞骨草呀......Dor Dor 話！

>>January 29, 2004 at 12:26:55 PM GMT+8

2004 年 1 月 27 日 星期二 【乍雨乍晴】

尋晚由撘車返屋企開始瘋狂講電話，撘車講完返屋企又繼續~~~
講到差唔多兩點先收線，講完去洗白，洗完白出唻發現 Miss 左個 Call，
0個陣已經兩點幾喇下，原來係陳師兄囉！打返俾佢，諗住講陣收線啦......
點知變態的 ~ 0的人唔使返工就唔俾我收線囉！太過份喇 @#$%^&*(&%
成個 Conversation 我 cut 左佢三次線，0係 Cut 佢第三次線之後，我冇打返俾佢，
因為我實在太眼訓喇！唯有以一個 SMS 覆返佢，咁我就可以訓喇！哈哈......

今朝叫左三位同事 Morning Call 我，點知到最後一個都冇打唻囉 -.-"
我就 0745 先起身，慢慢執慢慢 "mor"，用左尋日0的利是錢的返工呢 ^^

Lunch 有人請食飯，去左 Royal Pacific 食，比起早三次既 Marco Polo 系列，
今次真係好唔得囉！唯一好既係......佢有成 5 隻味既雪糕呀！哈哈哈哈****

今日依然唔太多野做，大家依舊搵機打，我就用左呢個下晝係咁講電話，
首先同公司某大客既文件姐姐講左 35 mins. 電話，之後再0係一個機緣巧合既機會，
同公司某同事既朋友講左成 45 mins. 電話，我地係完全唔識架下，
但係乜都 "UP" 一餐囉！勁攪笑......最正係我地兩個都勁鍾意大笑！
如果第時有機會見面真係嚇死隔離，最危險0個個應該係阿 "某同事" 囉！

今晚放工之後約左某人 & 某某人去傾計，由於今晚係一個秘密行動，
所以一早講左唔準 Mark 低所有野，唔可以落 Diary......等等。所以呢......
乜都唔打得囉！只得一句拎左 permit 落 Diary：「新歡舊愛共冶一爐」囉！
秘密行動0係 2200 因為人地收舖所以完結，之後我地就返屋企喇！
今日都入左0的 Data，個個有收穫啦！原來大家對初既 Definition 都唔同架！
以呢個每次一主角制唻計，我已經知道......下次既主角係邊個喇！呵呵***

返到屋企都只係 22XX，好早！本來話等埋阿大小姐一齊返屋企......
點知佢0係度慢步既時候，我就企左0係度吹風囉！玩野咩？咪玩啦......

>>January 28, 2004 at 9:05:20 PM GMT+8

2004 年 1 月 26 日 星期一 【乍雨乍晴】

今晨返到屋企睇下 VCD 上下網 hea 下，成 01XX 先沖涼，
睇埋套《台北晚九朝五》卒之成 03XX 先訓，大鑊......
呢個年假日夜癲倒晒，只係短短既四日咋喎......犀利！

初五啟市喇！今朝冇媽媽既剷......我都預左會遲......
諗住叫人 Morning Call 我，但係後尾冇叫到，反而 surprise 既係...
我既愛人 C 好勁咁 0740 打左俾我叫我起身呀！(佢係未啟市架下~)
可惜我又再訓返囉，之後 0845 有位同事打唻，得到以下既對白......
佢：「妳0係邊呀？」我：「下？」佢：「妳0係邊呀？仲0係屋企呀？」
我：「而家幾多點呀？」佢：「0845 囉！」我：「得！唔講，拜拜！」
哈哈......當時既我好明顯就係因為驚醒而得到語無論次 + 九唔撘八咁！
完全 feel 到電話那邊廂既同事既無奈......真係唔好意思囉！Soli Soli :P

卒之 092X 返到公司，今日大家都冇乜野做，全日呢......
大家都好努力咁搵野玩 & 睇，然後再將搵到既野發揚光大......哈哈***
大家一路都好冀望會有得早放，可惜......我地係發緊夢啦！邊有可能呢？

1800 即閃，同 Sandy 一齊過海，我今晚過左 HO 開會......
先去左 PP 逛左陣，再去 Starbucks 買左幾杯咖啡過去.......
到達上 2 樓逗個利是，仲俾司徒老師話我好 Pro 添！哈哈***
今晚開會齊晒人，有 Yvonne、Sandy、司徒老師、阿峰、May & 我！
勁好笑囉，開始冇耐就有人話出年會結婚，跟住又有人話出年會生仔囉！
我地由 1930 開到 around 2230 走，之後我就返左屋企喇......好乖~~~呵***

>>January 27, 2004 at 1:01:45 PM GMT+8

2004 年 1 月 25 日 星期日 【乍雨乍晴】

00XX......我地又剷左上史經理屋企，哈哈哈哈****
好奇怪的，我地先上車架的竟然遲過佢地到達喎......
我地呢......而家上到史經理屋企已經攪到好似自己屋企咁喇！

雖然今晨唔算玩左好耐，但係都發生左好多趣事，撮晒落以下幾廿點：

1. 煲水大話骰
大家一上到去就開始玩大話骰，上文提要咪話要叫 Steven 煲定水既......
其實呢......主要既功用係用唻玩......罰飲水囉！

2. 男紮女木塞
玩玩下大話骰大家都飲左唔少水，因為杯杯咁落，點知有人突然話：
「拿...... 1 點前唔俾去 Toilet 呀下！」 嘩......都咪話唔勁呀！
同埋呢......大家所得到既結論係：男要紮、女要木塞......囉！

3. 情趣杯
一路玩既時候有 2 位同學不停咁飲，攪到大家都唔敢亂開 & 亂飲，
之後呢......我地仲將隻杯取名為「情趣杯」呢！

4. 15 個 7
其中 1 round 當 Wendy 嗌完 15 個 5 既時候......
會長好醒目地咁接左句：「15 個 7 呀！」...... -.-"

5. 789 執骰仔
玩完大話骰我地玩 789，0係玩 789 之前 aifaye 同學幫手收起其他骰，
點知佢收收下...隻手拎主好多骰 & 好陶醉咁話：「好 "大" 粒呀！」
......得到梅同學又即時諗衰野囉！唉......

6. 頂？唔頂？
轉左 789 之後，好多女同學都擔心其他女同學飲唔到.......
所以都會問：「有冇人頂呀？」當某女同學中左 9 之後.......
aifaye 同學即刻問左同一個問題，但得到史經理 "堅定地" 答：「冇！」
(拿拿拿…睇唔出阿史經理平時咁 Gentlemen，今日竟然……)

7. 連飲 4 舖
可憐的史經理「冇」完人之後，連飲 4 舖呀…… >___<

8. 泡泡龍？
原來飲得多啤酒既泡泡會變 → 泡泡龍架！

9. 富士果
當 Carie 飲左酒，塊面開始紅既時候，梅同學同佢講：
「你開始紅喇，好似一個富士果！」其實呢佢係講緊富士蘋果囉 -.-"

10. 又係頂同唔頂既對話.......好難受~~~
康：「我頂啦！」梅：「我頂啦！」
康：「我頂啦！」梅：「你頂啦！頂晒啦！頂~~~~~~」

11. 一口氣飲晒
有 1 round 我不幸的 9 左要飲成杯，飲飲下康問我.......
「乜唔係要一口氣飲晒架咩？」我答：「我個口都唔夠人地大！」
哈哈哈哈......簡直係妙問妙答呀！絕呀！絕呀 *o^

12. 新灰姑娘
話說 aifaye 同學呢排到 0000 就開始眼訓，乜都做唔到.......
電話又傾唔到、街又去唔到！點知一講完就俾梅同學話佢係灰姑娘囉......
仲話佢一到12點0的衫仲會爛晒添囉！得到既係 → "爛衫"！

13. 789 抹抹杯？
今晚呢......有人玩 789 竟然用紙巾抹杯口囉！又一個唔係呀化囉！

14. 錫老公既表現
玩完 789 我教大家玩上次 Joe 教我玩既數骰仔 (個名係我自己作架咋~)......
到 Daddy 既時候佢嗌 4，點知 "ngo" 出唻冇喎......跟住呢......
有人即時發揮左大家稱之為 "錫老公既表現"，並嬌嗲的說......
「兩粒加埋咪 4 囉！得唔得呀？」抱歉的...係唔得架！得到 Daddy 要照飲呀！

15. 拍照記
玩完一輪之後大家0係度影相，當康哥幫某兩位同學影相既時候，
睇住自己部機個 mon 跟住話：「好豐富喎！」囉 -.-"

16. 夜尿頻
梅同學話當晚飲完酒去左好多 Let，跟住第二日要去睇醫生，
仲要同醫生講：「醫生，我夜尿好頻呀！」會唔會係咁樣先 -.-"

17. 非洲話事骰
發完一輪癲，大家0係度搵緊有咩玩既時候，我地自創左個新遊戲，
就係......登登登登......非洲話事骰！難受的我玩兩舖兩舖都輸囉！

18. 懲罰 (1)
第一舖同梅同學一齊輸，俾人罰跳熱舞囉！會唔會先.......好彩都唔太難受！

19. 懲罰 (2)
第二舖同 Daddy 一齊輸，2 個 1 喎，中晒！慘到俾人罰互舔耳仔囉 >___<
難受到丫......Daddy 俾同學們話佢聽話，可以加分，點知因為冇分所以變左加 FUN 囉！

我地 02XX 離開我地既 "大本營"，返到屋企都已經 03XX 喇！訓既時候都差不多 0500！
不過呢個 Bonus 真係好正呀！無啦啦做多左咁多野，好高興囉不過真係...哈哈哈哈***

一訓訓到 1330 俾家姐嘈醒，大鑊的......今日約左西九班同事入 Idy 度拜年呢！
仲話 1130 新港，但係我 1330 仲0係屋企張床囉 -.-" 大鑊喇大鑊喇......
唔覺意咁放左大家飛機呀！爭扎左輪我都係揀左繼續訓......
因為入得去唻都 1600，坐得個幾鐘又走......0的時間好似唔知點咁......
所以呢......咪咁囉！不過聽左個好消息呀，哈哈…恭喜 Idy 啊 *o^

卒之訓到 1700 先起身，"hea" 左陣就出去尖咀，約左 5D 同學們食開年飯，
今次既反應真係唔係好得囉，0的人個個都...唉...所以到最後係即約咁出左 4 個！
呢 4 個包括班長仔、班長女、熙同我囉！我地去左 Pizza Hut 食野 & 探肥隆 (隆爺新名~) 班，
初初仲諗住見佢唔到，好彩都俾我見到兩次，呵呵呵呵！好耐冇見過佢喇真係.......

食完飯我地去左搵掟飲野，中途多左兩位仁兄加入，第一位係 Billy，哈哈......
其實我 17XX 已經搵過佢，不過佢冇聽電話，到我地食緊飯既時候佢打唻......
佢第一句竟然問我：「妳知唔知我係邊個呀？」我咪話知囉......
點知呢......原來阿郭先生以為我打錯電話囉 -.-" 卒之佢俾我地撩埋出唻...好野！
而第二位呢，就係 Pacoley 既哥 - Dave！其實係佢地兩個咁0岩都係姓布嗟，
只不過係0係幾個月前0係 Poly 相認......咁囉！齊人之後我地上左 Hard Rock......
坐左陣傾左陣，之後仲有 Live Band 睇添，唔錯唔錯呀......
完左 Live Band 我地0係度玩 UNO 囉！今次好叻叻的最低分呀，哈哈***
不過玩玩下就急起直追囉 -.-" 幸好都唔係最高分0個兩位，因為最高分兩個要罰架......
Finally 最高分呢兩個榮譽由 Billy & 遙奪得，而佢地既懲罰呢......
就係要走出去人地隊 Live Band 個台前面跳舞 & 扭兩扭囉！呵呵呵呵****
佢地跳完扭完都已經成 23XX，之後我地就走喇......聽日仲要返工嘛！

>>February 5, 2004 at 5:22:34 PM GMT+8

2004 年 1 月 24 日 星期六 【乍雨乍晴】

尋晚 2300 開始執呀執，一路執到今朝 08XX 囉！
當然中間係有去到洗白 & 玩左陣電腦啦！呵呵***
訓既時候都已經 0900 喇，比我預期既遲左成 6 個鐘囉 -.-"

訓到 1027 收到愷盈既新年祝福，其實講講下都唔係好知自己講緊乜！
之後 124X 再收到梅佬電話，其實聽佢呢個電話之前都已經 miss 左佢兩次，
佢打唻係約晏晝 1600 唱 K 架，等我仲諗住可以再訓下先起......
點知講講下得知佢約左 Carie 去捐血，我即刻好興奮咁話去 join 佢地囉！
收線之後即刻起身刷牙洗面，食完蘿蔔糕再沖涼...... 14XX 出門口！
出到去 around 1500，我地就上 MKC 喇！今日呢個組合......係上次既的士組合呀！
我地都係行行下先諗到，好好笑囉！勁驚的行行下條 escalator 有人嗌我......
最驚既係佢撻我全 "朵" 囉 *~* 方死冇人知我叫咩名呀下，那人正是阿康哥囉！
原來佢0岩0岩捐完血走，我地就上去！上到去勁勁勁多人呀......
拎左 140 幾號籌，但係佢先0岩0岩叫到 60 幾號囉！但我地都決定等架！
等等下唔對路，走左落去行街 & 食野，走左半粒鐘返到去都係嗌過左廿個左右！
一路等既時候先0係度講，如果等咁耐，不過 "tun" 晏0的唱，但係到最後......
我地係 around 1700 走左去唱囉，實行一路唱一路等，初初得我地三個......
後尾阿燕同捐完血 & 入太古城拜埋年既康哥都唻左呢！唱到 1800 我地又返上去！
時間0岩0岩好呀，一上到去即見姑娘，之後仲即時有床位捐血添，好好彩呀~~~
不過我地都0係上面喧嘩左成 45 minutes，今日仲見返左以前 CBC 既同事添！

捐完血我地又走返去唱 K，唱到 2000 先走，離開 Karaoke 就搵地方食飯喇！
四周圍都 full 晒囉！搵左一輪之後我地去左創興食韓燒，此時 Andrew & Ivy 都唻左！
上到去第一件事問阿姐拎左個大垃圾袋，裝晒我地0的褸落去，如果唔係好臭嘛！
坐多陣 Wendy 都唻埋，大家係咁燒呀燒，勁高興！好耐冇試過一大班人去燒野食喇！
我地分左兩張檯坐，我地0個張呢......好有家庭溫暖囉！仲有人想叫 "爸爸" 添呀 *o^

我地食食下就開始傾計喇，講講近排既事，當我同大家講緊我鬧走人事件既時候，
席間有位同學竟然答我：「其實你應該內疚點解你咁遲先鬧佢囉！」會唔會先？
之後呢，唔知講咩大家就講開 "dell" 錢落龜池許願事件喇！我都係今晚先知......
原來要 "dell" 中隻龜個頭先可以許願架，等我仲一路以為個目標係龜殼添！真係 -.-"
澄清後大家都難受的諗衰野囉，但之後不幸既係......義肢同學再次成為大家既目標......

食完野離開左間舖頭但大家都依然集中0係創興門口，相討下下場去邊......
傾傾下我地發現......有人「爆羽」呀！之後仲要大嗌，又一個方死冇人知！
之後計緊人數既時候竟然有人話：「如果 Steven 都出埋唻咪有 11 個囉！」
大家聽到之後滿頭問號，之後就明晒喇...原來仲有兩個係人家個肚0個雙胞胎！
哈哈哈哈......好好笑囉！其實人家今晚都已經唔係第一次自投羅網架喇！唉~~~
我唔係唔想幫佢架，但係因為句野係出自佢自己把口，咁我冇奶油唔信嗟！係咪？

講左好一大輪，我地就決定剷上 Steven 屋企，臨上去之前，有以下 preparation：
1. 先去西洋菜街既檔攤買左 9 個骰盅，玩死左個檔主囉，係咁轉色仲要講價！後尾平左 $9 咁多！
2. 諗下使唔使買咩野飲，問屋主佢話有好多酒，但最後：「你快0的去煲水啦！」
3. 行去 "UM" 錢，因為部機冇 $100 紙既關係，所以分左恆生 & 匯豐兩黨......
完成以上三項任務，我地就分左兩架的出發去 Steven 屋企玩喇！好野 *o^

>>January 26, 2004 at 3:39:55 PM GMT+8

2004 年 1 月 23 日 星期五 【乍雨乍晴】

尋晚返到屋企掛住 ICQ & 睇電視，攪到今早早早先訓！
幸好今日唔使早早去拜年嗟，如果唔係就慘囉......
係咁訓呀訓，訓到 1400 先起身！好勁喲......呵呵***

一起身梳洗完畢就食 brunch 喇！又係食蘿蔔糕呢！
仿佛一到新年，日日食既餐餐都係蘿蔔糕囉 -.-"
食完 brunch 食個頭就換衫去拜年喇！今日過左康怡...
去到舅公屋企，坐冇耐又食過，食左勁多野，包括：
角仔、蘿蔔糕、芋頭糕、年糕......全日又係不停咁勁食！

離開舅公屋企之後，我同家姐返左德福 join 姐姐男友......
我地先去食 KFC 晚餐，再去左 UA Telford 睇《Paycheck》呢！
本來諗住睇《鬼馬狂想曲》架，不過冇位所以變左睇《Paycheck》~
不過《Paycheck》都好好睇呢，可能我之前冇睇過0的電影簡介啦，
加上又冇乜 expectation 咁，所以覺得好好睇，都幾緊張架！

睇完戲就返屋企喇！今晚要開始我既大掃除工作呢......目標 0300 呀！

>>January 26, 2004 at 2:03:41 AM GMT+8

2004 年 1 月 22 日 星期四 【乍雨乍晴】

恭喜發財！新年快樂！身體健康！萬事勝意！
如意吉祥！大吉大利！出入平安！年年有餘！
仲有要乜有乜、做乜都順順利利......哈哈哈哈***

尋晚好乖咁留左0係屋企過新年，睇住電視過......
細個好憎初一朝早起身，因為0的賀年廣告好煩，
成朝唻唻去去都係恭喜唻恭喜去，今年先發現......
其實年初一既 0000 開始已經係咁囉 -.-"

之前一路有人話今朝一定要 1000 前出門口......
卒之呢，我同家姐今朝成 0900 先起身，乜都慢慢唻......
刷牙洗面食早餐換衫化妝......加加埋埋足足用左兩粒鐘！
最攪笑係我地兩姊妹今朝起身既時候不約而同地係咁大嗌......
而原因呢：一個因為0的頭髮直晒，另一個因為0的頭髮 "luen" 晒！
我地兩個係咁勁嗌，嗌到成屋人都不停咁狂笑囉！笑左成朝......
以前邊有可能攪到咁耐 & 可以笑得咁高興架，果然...大家都開始老喇！

今日既拜年路線其實係新界遊，先落翠屏撘 70X 過粉嶺......
由屋企出門口開始去到粉嶺，我同家姐都冇停過咁係咁發癲 & 大笑囉！
我地仲拖手過馬路添！兩個 2X 歲既小姐真係好令人難受囉.......
12XX 入到粉嶺，去到嗲嗲屋企不停係咁食、食，同埋食囉！
食既野如下：蘿蔔糕 → 盆菜 → 餃子 → 湯丸！由 12XX 食到 15XX 走人！
離開粉嶺再撘火車 & 巴過馬鞍山，去婆婆拜年！去到第一件事又係食......
之後睇電視，睇左冇耐又開檔玩七級豬，今年我冇玩呢，做監場.......呵呵***
佢地玩完冇耐就食飯喇！好有盆菜食，仲好我最愛既冬菇 + 髮菜，好味！
婆婆仲煲左我地最愛既粟米湯呢！好正啊......超滿足！食到滯左呢 x__x

食完飯走左入婆婆房 "lui"，點知 "lui lui" 下我訓著左囉！其實我都唔係好知...
一訓訓到 22XX，最攪笑係我中途出左去食湯丸之後返唻再訓過我都唔知囉！
到撘的返屋企既時候同媽 & 姐講講下先知囉！撞鬼囉.......咁都有既~~~

哈.......諗左好耐，我終於諗到尋日幫我剪頭髮個哥哥似邊個喇.......
佢似0個個就係張敬軒呀......諗得我幾辛苦呀！不過佢真係好似架！越諗越似 *~*

>>January 24, 2004 at 3:53:30 AM GMT+8

2004 年 1 月 21 日 星期三 【乍雨乍晴】

尋晚掛住講電話 & 睇雜誌，攪到又差不多 0300 先訓！
今朝又凍又眼訓，當然得到係唔知醒起身啦！哈哈***
同媽媽一齊撘的士返工，先兜左佢返九龍城再返尖咀！
成條路都好暢順呀，如果日日交通都咁好就好喇！

撘到返尖咀特登走左去買腸粉食，好耐冇食過喇！
0係咁凍既天氣食腸粉特別暖 & 好味架！貪心的我仲買埋燒賣添！
其實都擔心食唔晒，好彩...返到去 Step 冇買早餐，所以俾左0的佢食 ^^

晏晝公司食團年午飯，去左富臨食，全場俾人狂串囉......同隔離位同事！
救命！已經講左兩日...我想澄清我未嫁囉，唔好亂咁嗌我其他自創稱號喇！
好難受另一張檯有人玩刷鞋囉！咁冇品既野都做得出既，唔掂唔掂...... X__X

食完飯返公司大家都已經準備放工喇！哈哈......我都係呢！1440 去個 Let......
出唻已經差不多 1450，再同 teammate MSN 左陣，1500 夠鐘走人！哈哈***
放工之後同 Dor & San 約左去剪頭髮，中途陪 Dor 去左 Extravaganza 睇袋，
睇睇下點知我同佢一齊買囉！噢 >___< 算啦！新年嘛...加上又三折四折...嘻*

買完袋落左樓下間 Salon 剪 & 染髮，1540 去到，我坐得最耐...... 1920 先走！
因為我地坐坐下好多人，要等囉！Dor 染完之後行埋街返唻我先0岩0岩染完 -.-"
佢返唻 hea 左陣就走喇！Sandy 又趕住食飯，1855 又走埋，之後得返我一個......
個髮型師哥哥剪左我好多頭髮啊！佢話我咁多頭髮係因為我個頭大囉！好無奈 =.=
0的頭髮本來長到落腰，而家......最長0個條得個扣位，最前0個0的都唔 "dim" 膊囉！
心痛死囉，剪左咁多......之前留左咁耐！不過其實都係時候剪剪喇，因為......
上一次認真咁剪都已經係兩年半前既事喇！今日呢個即興......都幾犀利......又剪又染！
最難受髮型師哥哥同我講：「係我戇居幫妳剪晒佢嗟！」攪到我勁唔好意思啊 @@

剪完頭髮返左屋企食飯，本來今晚會再出去架，不過好明顯時間既問題......
到最後係冇人出架囉！都唔好玩既......唯有留0係屋企抖下迎接新年啦！

聽日年初一喇！希望新一年會好多多啦！要越唻越好啊 *o^
仲有個個要開開心心、身體健康、要乜有乜等等！恭喜發財啊！

>>January 21, 2004 at 10:15:07 PM GMT+8

2004 年 1 月 20 日 星期二 【乍雨乍晴】

今日發生左好好好多事，好唔開心！唉......
今朝雖然自己起身，都比預定時間遲左半個鐘......
0730 起身即換左件冷衫，勁凍啊 >______<

梳洗完畢 0800 出門口，行去撘車時打左個電話...唉~~~
撘 0815 班車，全程迫自己勁訓，好彩都算訓得舒服.......
差不多 0840 就出到尖咀！勁！激快 & 早，可能因為0的人放假啦......
返到公司竟然我係做開門0個個囉！幾耐冇試過呀.......

今日 Donna 返工喇！佢星期六 & 星期一冇返，真係忙到我死呀！
佢今日返唻，我諗住有救啦！點知......希望越大、失望越大......
一返去開機 check e-mail，呆左.........因為又無啦啦俾人耍左鑊~~~
聽既電話雖然係少左，但係0的人一樣咁煩，一係就態度差差咁 #%$^&
最 "meng" 都係廣州單野，0係我最忙既時候係咁煩我，已經話左唔做......
死都要掟過唻，點解佢地可以次次都咁 "mun" 架？早少少唔得架咩！
個個係咁煩煩煩，卒之下晝開開下票頂唔順 "標" 左兩滴，好似星期日咁......
小丙媽媽講得0岩，我個盆真係大左，不過如果可以，我唔介意佢再大0的！

放工0係勁慶 & "meng" 既情況下即走，上左 Head 執返星期日 Comp. 0的物資，
本來打算唔上返屋企冷靜下，但係之前 Carrie 話左陪我 & 佢又上左去......
所以 finally 都係上左去，撘 Van 既時候忍唔住又唻左三次 "兩滴"......唉~~~~~~

上到去其實冇乜心機點 & 執0的野，不過在於責任問題，我一定會攪掂！
執左個幾鐘攪掂晒仲整埋張雙面 A4 紙俾 Diana，任務 99% 完成......撤退！
仲有0個 1% 就係要拎張旗去洗，拎完佢去乾洗舖之後我就撘車走喇......
撘到九龍灣落左車，過左淘大...本來好想食野，一如以往...去到冇晒胃口！
變左0係度周圍行、上上落落同周圍轉下，行到 around 2200 先走......
如果唔係天氣咁凍，我一定會選擇行返屋企，因為好想一個人行下靜下。

一個月前預備好既野，一個月後既今日終於解封，但依然......
今日實在發生太多事，全部都應驗左「希望越大、失望越大」呢句。

>>January 21, 2004 at 9:35:01 AM GMT+8

2004 年 1 月 19 日 星期一 【晴】

呢個月以唻今朝都算係咁喇！072X 就起左身喇！
慢慢攪完一輪出門口，終於撘返 0810 班車喇......
可惜今朝落雨，一出機隧勁塞車囉！得到都係遲到 -.-"

Lunch 我地去左元綠食，0個度播緊 Joey Show Up Concert......
播緊 "Sunny" 0個 Part，我同 Dor Dor 一路睇一路勁笑囉！
最攪野係 Dor 話：「佢0的歌幾好聽，呢隻 VCD 一定要買呀！
等我買返隻由初一唱到初四先！」佢一講完呢句......
Bobo 即接：「一連四日都唱容祖兒你悶唔悶呀？」咁又係喎~

今日0係公司完全冇停過！好強咁全日就係不停聽電話、
駁電話、叫人聽電話、招呼 "來賓"、"TUN" 出 "TUN" 入......
做自己工作既時間真係唔係好夠，拎起支筆想寫野又要聽電話！
卒之做到 16XX 頂唔順發左陣爛渣，之後咪又要繼續...... -.-"

放工趕得切攪掂0的野，可以準時過少少走，同 Sandy 一齊撘車......
今晚約左燕去新世紀食飯 & 睇戲！不過撘車撘到中途收到 aifaye 電話，
佢0係 i.t. 囉，呵呵......好明顯佢又去左睇鞋架！仲俾佢搵到靚靚添！
之後我中途落左車去左搵佢，一齊買靚靚！哈哈......隔離位仁兄俾我地嚇親囉！

買完野我就行返上新世紀買飛 & 等燕，佢唻到行左半個圈就去左搵掟醫肚，
周圍間間食肆都好多人囉！卒之我地去左等 Little Basil，1940 去到佢話等 15-20 mins，
點知之後都係等到 0810 先入得去囉！好彩臨入去之前叫定晒0的野食嗟......
如果唔係實趕唔切啊！不過咁樣食法都係第一次啊！未入座先 Order，好攪笑！
坐低冇耐0的野上檯，用左 20 分鐘食晒飲晒，勁喲！不過如果可以食慢0的既話......
大家都相信呢餐會好好食囉！2030 極速離開，因為買左 2030 飛睇《魔幻廚房》啊！
飛奔到戲院都係0岩0岩開始賣廣告，好彩嗟！個 House 都唔算多人......
而套戲呢，OK 啦！我又覺得唔算太好睇，可以啦！可能 expectation 幾高卦......
不過今次冇喊喎！呵呵......繼上次《阿瑪遜》之後，今次又叻左一次喇！

睇完戲行返落旺角撘車，行左過花園街0個邊，一落完電梯見到 Cherry 呀！
佢去左買花呢！好攪笑呀，我一拍佢既時候好明顯佢俾我嚇親，唔好意思啊！

同燕分開後我就撘 Van 返屋企喇！好 "支力" 呢，好耐冇試過去街去到咁夜......
撘撘下車 Ken 細佬打唻，佢以為我訓緊覺囉！會唔會先？雖然早排真係早左少少 -.-"
同佢傾到返屋企樓下，一路行返屋企真係好鬼凍囉！點解咁凍架 >______<

今日同某人 ICQ 時出左一句金句，金句如下：Shock 過 G-Shock！

>>January 20, 2004 at 2:18:44 AM GMT+8