2003 年 10 月 7 日 星期二 【晴】

今朝犀利的撘左 0810 班車，冷氣巴呀！哈哈哈哈......
今天天氣好涼爽呢！最好日日都係咁就好喇......

尋晚好乖......00XX 就訓左喇！當訓得舒舒服服之際......
0200 有人打唻講電話囉，勁犀利呀下！仲有呃我話0個陣 0000 -.-"
不過最難受的明明知自己 00XX 訓仲要信佢......"火羅" 爆呀.......
好明顯我受騙有人好滿足囉！勁難受呀 >.< 太過份喇......

夜晚收工過左 HO 開會，仲以為自己算遲，點知係第 2 個到喎......
呵呵......一路開會一路係咁笑，Maggie 仲講左個笑話俾我地聽添......
不過開到後期大家都0係度恰眼訓囉，一散會飯都冇食就返屋企喇.......

>>October 12, 2003 at 9:13:22 PM GMT+8

2003 年 10 月 6 日 星期一 【晴】

乖乖的自己起身、乖乖的放工返屋企......
經過上星期既勞碌生活，呢個星期我想好好抖下......

>>October 7, 2003 at 10:15:51 AM GMT+8

2003 年 10 月 5 日 星期日 【晴】

尋晚激 "支力"，諗住攤下點知得到......呵呵呵呵~~~
今朝訓到 1130 起身，好耐都冇訓到咁晏喇......好滿足！

本來晏晝約左姨姨 & 燕行街，點知我行出去撘車既時候......
燕打唻話佢臨時出唔到唻囉，卒之剩番我地兩個自由行.......
我地出左旺角，第 1 件事我地去左百老匯，其實係我去睇電話囉！
呵呵呵呵......終於換左喇！換左 LG G5400 呀！勁靚 *o^ 呵呵......

買完電話去左 KFC 食野，食到尾愷盈又唻左 join 我地呢！
之後我地就去行街街喇！不過其實唔係行左好耐咋.......
因為我 1600 要過番雅蘭 join 一班油旺既朋友仔們......
然後再出發入沙田，去明仔家巴巴蕉呢！呵呵......好高興！

今晚既巴巴蕉好明顯就係玩大迫供啦！兩位紅黑男主角......勁慘！
哈哈......唔覺唔覺我地今晚既活動參與人數係有 12 個架！勁呀！
仲分左兩個場添：就係 "燒烤場" & "燒蝦場" 喇！去左場會俾人趕架 >_<
另外慘慘的我今晚燒親隻手呢......話說0的炭燒緊既時候彈左出唻......
然後飛左落我隻手度燒，白痴的我仲睇住佢燒唔理囉......唉...... -.-"
到我去理佢既時候已經太遲喇！而家核突的有兩粒野，仲起埋 "pork"......
好似食糖水呢，0個0的白色粒粒裡面有粒芝麻0個0的呢......但係好攪笑囉！

我地玩到成 23XX 先走，又好 "支力" 囉！聽日又要返工喇......Oh~~~~~~

>>October 8, 2003 at 3:50:14 PM GMT+8

2003 年 10 月 4 日 星期六 【晴】

洗完白都已經 0100 喇！本來出去同大家 "hea" 架.......
不過由於時間問題，最後都係決定唔出，留0係屋企訓覺！

0900 起身，撘 601 過金鐘，再轉的士去港外線碼頭......
約左 1030 0係碼頭等，點知得我同梅佬準時到，師兄同姨姨都遲呢......
等佢地既期間太肚餓喇，食左杯好好好好味既燒賣啊......

等齊人大家撘 1100 班船入坪洲，跟住好 "火羅" 囉......
我一路都以為坪洲同東坪洲係同一個地方囉，原來唔係架......
1130 左右入到去，其實冇乜特別，真係得個 "行" 字囉！
逛左個 round 我地就去左青草地餐廳食 Lunch，呢間野真係唔錯架！
$28 一個 set lunch，好味之餘又大 "兜" 喎！仲有好好味既生薑黑豆漿呀 *o^

食完野又周圍行囉，行行下去左搵上山既路，不過由於不在狀態......
所以我同姨姨都選擇唔上去，行番出碼頭0個邊行下食雪糕......
而梅佬同師兄就上左去喇，原來0個個山係手指山呀！佢地話呢......
手指山即係曾幾何時一套劇集 - 《彩色世界》佢地影0個度呀......
唔好講笑，佢地影番0的相出唻真係好靚呀！不過我都冇後悔冇上去~~~
我地 1700 就撘船走喇！成程坐左0係船尾睇浪，真係好靚呀......
之後撘撘下訓著左囉 -.-" 起身都已經泊岸喇！不過吹住海風訓真係好正呀！

出返中環之後，梅佬就再轉船出尖咀，而我地呢......
就走左去撘 "丁丁" 過銅鑼灣食飯，途中見到個好得意既小朋友呀！
佢坐0係我前面架車既車尾，而我就坐車頭，每當停站或者停燈位既時候......
佢都會好高興咁同我 Hi & Bye，一路由中環玩到銅鑼灣，真係好攪笑 & 可愛架佢！
佢只係得 3 歲幾咋，但係真係好精靈架！又乖又識叫姐姐喎，勁得意呀！
最好笑佢問佢媽媽：「點解姐姐仲未落車既？」......哈哈哈哈 *o^ 好中意佢呀！

過到銅鑼灣去左行 Ikea，之後本來諗住味千食飯，點知等左好耐......
等等下我就提議左去吉野家喇！好耐冇食過呢，而家 + $6 仲有個咩關東煮添！
都幾好味架！不過加埋本身個飯就會 heavy 左0的囉！食完之後真係超滿足呀！
食完野我地再走埋過利舞臺行 Esprit & Muji，行完我因為胃痛所以先走......
佢地仲去埋 Time Square 行囉！好勁呀！點解咁犀利既？唔 "支力" 架咩？

返到屋企已經 "支力" 想死，精神嚴重不足呀....... 0.2 個滿分有 200 個 "支力" 呢！

>>October 8, 2003 at 3:26:22 PM GMT+8

2003 年 10 月 3 日 星期五 【晴】

哈......加埋今日，真係撘足一個星期的士呀！
不論返工定出街，日日都係咁......唔要得呀真係！

撘的士唔係一個好既先兆，呢個 point 對我唻講......
真係次次都中囉！唉......真係要改改呢個咁既習慣......

今日放工係 Birthday Party 呀！今個月 Dor 係主角呢......
尋日同 Sandy 去左掃貨，仲買左個哈根達斯既雪糕蛋糕添 *o^

開完生日會，我同 Dor, San, Bo & Muel 落左太子飲野，
我地去左淺草廊呢，不停食共飲，又玩骰 & 媒囉......
不過我既技術依舊，經過多次既訓練只係學多左個 Bom Ba Zi Za -.-"
哥哥 2130 就走左喇！我地就飲到 2300 度先走......勁~
之後過左對面撘 1A 返屋企 (超級勁方便喲~)，勁好訓......
卒之訓到上中秀先捨得起身，攪到要行返落去囉......

>>October 7, 2003 at 9:46:57 AM GMT+8

2003 年 10 月 2 日 星期四 【晴】

假期過後，今朝又唔知醒起身，唉......
得到咪又係打的囉！呢個星期真係撘車撘到破產囉~~~

今晚 FA Re-exam，慘慘喇！我諗我又 Fail 多次架喇！
因為今晚包前臂骨骨折漏左橫闊帶呀！救命呀 >.<
我執三角巾既時候明明預左條唻做架嘛......
點知到包既時候就唔記得落喎，太過份喇......
咁攪法呀，我諗我都係要用 $320 考返個 SFA 返唻架喇 v_v

考完試落左銅鑼灣 join 師兄食飯，我地去左休閑 Cafe......
食完野之後逛左陣就返屋企喇！好 "支力" 呢......


>>October 7, 2003 at 9:33:51 AM GMT+8

2003 年 10 月 1 日 星期三 【晴】

唱 K 唱到差不多 0300 先走，之後同 Dor 一齊飛的返家～
03XX 返到屋企，攪下呢樣攪下0個樣差不多成 0500 先訓 ～

今朝...目標 1000 上到 Head，點知成 1058 先起身囉......
當然呢，得到又係打的上 Head 囉！第 3 日喇......唉！
1130 上到去，整呀整，1245 開始開會......一路開到 17XX......
連 Lunch 都係開開下會偷走出去食咋，哈...都好耐冇試過咁喇！

今日 total 開左 3 個會呢！犀利......之後陸續有唻啦！
開晒會之後同 U10 班妹妹去左食飯，去左 Whampoa Pizza Hut 呢！
不過食咁耐笑足咁耐囉，真係好可愛架佢地......笑到我丫......
食完野佢地仲去行街睇煙花添，不過我就太 "支力" 喇.......
所以選擇左返屋企，希望可以早訓到啦.......講左咁多日......

近排個頭真係超級激痛，已經維持左好一個星期喇......
點解無啦啦會咁痛架呢？應頭痛既野都已經解決左啦......

>>October 1, 2003 at 10:34:02 PM GMT+8

2003 年 9 月 30 日 星期二 【晴】

話早訓點知又係成 03XX 先訓，唉.......
今朝好少少，0758 起身，又的返公司......

返到去 0851，哈哈......總好過尋日丫......
好明顯今日大家都唔係好願做野，因為冇枉管嘛！
晏晝去左巴西食 Lunch 同 Mandy & 阿慧攪 farewell......

放工即閃，同 Dor & Sandy 去左威連威老道行，
行行下走左去許留山食野，好似陣間唔駛食咁......
食完就行返過皇上皇喇，今晚 Sam 請飲呢......
好明顯，人地出糧佢就請飲，擺明搶啦...... -.-"

20XX 坐低，坐左一個鐘先有得食，食到 2245 就走喇......
因為之後去下場呢，就係去港晶 Neway 唱 K 喇！激高興呀 *o^

>>October 1, 2003 at 10:50:48 PM GMT+8

2003 年 9 月 29 日 星期一 【晴】

哈 ～ 星期一，今日又唔知醒起身呢......
得到.....咪撘的士囉！一星期既開始又攪成咁點......

今晚放工之後上左 Head 開 YM SM (SM = Spcial Meeting)，
本來開 1930，之後又等到 20XX 先開架.....目標係 2130 ～
當然.......最後係 22XX 先散會架！不過今晚有飯呢......
我地叫左 Dominos Pizza 既外賣，OK 啦，但係全部都冇叉用呀......

>>October 12, 2003 at 9:06:21 PM GMT+8

2003 年 9 月 28 日 星期日 【晴】

本來諗住今朝早早起身上 Head，點知呢......
比起原定時間都係晏左，但上到去剛剛好囉......

今朝幫 SSPO 考 YFA，本來兩個考，但係後尾得番一個 v_v
因為 Carrie 病左，師兄又要過去幫手開 ASL(F) Seminar 喎......
好慘慘呀！考得勁慢囉得到係......卒之考到 13XX 先考晒囉！

一考完試就上左泳池餐廳食飯，勁餓餓啊......
食完野又返番 Head，諗住做野，但係勁 "支力"......
所以到最後呢......乜都冇做過呀......吽左成個下晝！

由 1600 開始嗌走，嗌到 1800 本來真係走架喇......
點知俾大家叫住左留0係度 join KC-S 既打爐活動......
我話走伍區長又 "bin" 咀喎，唔係幾好意思既情況下卒之留低左！
初初諗住打一個鐘，之後 1900 走，點知 1830 先開始......
再同愷盈 deal 好 2000 走，點知原來師姐上唻，又傾左 2200 走......
師姐唻左之後，傾下玩下......大家 2200 左右開始滿足喇......
0係食唔晒0的野既情況下，區長拎左副 "pair" 出唻......
大家一齊玩抽牌遊戲，好明顯大家都好有 GLI 既才能.......
不停將個玩法變完又變，時大又時細，堅到有次玩 369 添！
不過呢......最變態都莫過於抽到 Joker 食打孖卦.......勁慘呀！

到最後卒之係得到 23XX 先走囉！足足 "話" 走左 7 個幾鐘先走囉 -.-"

>>October 7, 2003 at 10:14:39 AM GMT+8