2003 年 11 月 14 日 星期五 【炎熱】

去左通識教育搞既義工服務~音樂農莊....in元朗
無呀~我地約左0845響kc ive既table tennis個度等....點知incharge個個阿sir遲到囉搞到我地成班人等佢~
都唔知點做野架~呢間sch都唔知點請人囉~我都幾驚訝兼唔滿意..........
.....我地去之前個日rehearsal左一次,但都幾無謂下,only 15 min,仲有有d人無黎到添......and late~仲有呀,佢地好似自己有自己玩咁........我有時都唔知自己坐響度做咩咁~
.....今個program好彩有大佛響度......如果唔係....我覺得佢地d溝通唔係好掂囉~
.....之後個氣氛都ok既.....上午係個度d人安排d activities俾我地玩,下午就通識d人搞~
如....織草蜢....玩推車車....跳竹舞~
....響跳竹舞個時,有d好搞笑既野發生左,就係....唔知點解...我係hold竹and拍竹個個,我隻手1會越來越追住人地隻腳去夾......哈哈哈哈哈~~~好搞笑...michelle話呢d係自然反應黎架喎/`
.....玩完一輪,大家要走lu....好累,響架車訓到死豬咁......
不過都同d小朋友聯繫左d感情.....佢地真係走黎走去...有個本來好怕醜....後來都拋棄左佢阿媽,跟左一個哥哥一齊~
.....佢地係一班有輕度弱智既小學生....都好趣緻......

>>November 27, 2003 at 3:52:16 PM GMT+8

2003 年 11 月 13 日 星期四 【晴】

我最終都無去同winnie佢地sing k~~去左shopping
我見大家都等左好耐lu~呵呵呵呵~唔好意思~~~
無呀~個日因為好似好耐都無同小成成出街,原來......星期六先見完佢~
因我見我呢個week好似好忙咁,成日忽略左佢嘛...........
不過個日都收獲幾豐富呀....買開就buy.........yeah~~~~
用左好多錢....點算呀~~~~
我個張credit card唔用得勒....要換過張新既,因花晒,look唔到lu~
so呢個月多數用eps.....死得~
我buy左2件褸,1條dress,4件衫,一頂賊仔帽...............全都好ladies既~成個人都唔同晒~
仲要buy levis牛仔褲同一d用黎襯底既衫仔~呵呵呵呵呵~~~
開心死阿成啦,因佢勁想我buy衫囉~
我依家個大家姐瘦左好多呀,我都要.......keep fit.....

>>November 27, 2003 at 3:27:12 PM GMT+8

2003 年 11 月 12 日 星期三 【晴】

.......今日我唔駛返學呀,因今日我唔駛test~不過聽日要test fia,見到d probabilities機會率,都真係有d想死~頭先食完lunch個時,唔知點解好眼訓,就死左去訓,仲好似好累咁添呀~有電話都唔想聽咁~無咩力咁~
.......多謝我既同學仔winnie po咁關心我~佢怕我唔開心呀,睇完我呢本日記個時~因佢yesterday響icq問我係咪唔開心嘛~真好勒,依家既同學仔~佢叫布樂韻呀~係咪好好呀個名~仲有2個同學仔個名都幾得意架~如施菁菁,阿blue藍天蔚(惠?我都唔太清楚)阿blue響HKID上既英文名仲搞笑~等我問清楚先砸話俾你地知~
.......我好開心呀~尋日michelle問我去唔去幫手呀~幫咩手?就係幫佢搞x'mas party which is for the member under her name,有pc,kca,diy,Career training scheme members...on 23/12/2003.hehehehe~~~我可以學野勒,我個次聽完michelle講關於leadership既野,我又上leadership既 course,正愁緊學完都無得實習咁~依家可以去學到organise野,都唔錯~佢地都大約plan左要去change x'mas gift,eating,playing some games.可能我只係幫少少忙,但我諗我都應該可以向我d同工學到野~michelle叫我睇多d嘛~hohohohoohoho~我問過michelle我得唔得,佢話只要我有興趣就得勒~好野......我依家又feel到自己又重新投入呢個校園咁~yeah~michelle話,佢唔係只係教PCs架,佢仲要顧及其他喜歡佢,需要佢既同學仔~佢都要train up同埋教佢地架~咁樣先可以公平d架嘛~仲有呀,要俾多d機會俾其他同學仔~yeah~~~
.......對呀,真係好多人都like michelle~你可以從遠處聽到佢既笑聲~佢既精神食糧都係來自d同學仔架~因michelle都有好多唔開心既時候~同學仔既笑聲就係佢既安慰勒~佢都會向同學仔傾訴架~學校好多野都係michelle堅持要搞架~因佢好like outdoor activities~真係熱心~我第時做社工時,都要向佢學習~佢仲話,做社工唔係一個skills job係一個mission黎架~
......其實我係有架囉~就係去幫一d需要人關心既人~我有時響tv上睇到一d類似五稜鏡呀個d會show一d人生百態呀個d見到好多人都需要安慰下,幫下手,如有一次,我見到響我住既地方,佐敦,附近一個公園成日都有好多尼泊爾人聚集~其實佢地千里紹紹黎到hk,係想搵野做,佢地又唔想咁辛苦闖左出黎,又要返去家鄉,有d就已經無晒親人,返去都唔知做咩~有個社工就幫佢地去搵下工咁,但都有d難處架~好似佢地既英文講得唔係咁好~我就係想做呢d勒~仲有一d犯左罪既青少年,佢地只不過一時過失,或者失去左自己,先會墜落架咋~我係有義務去幫佢地~我想成為兒童心理學家架~因我geel到依家既小朋友既心態好似偏離左軌道咁,同埋因為依家既家庭問題越來越嚴重,d小朋友成日都受害,仲有d家長既教導方式都有d錯or唔得閒~so,呢個都係一個重任架~當我中六中七上psychology堂,一上呢課,我就好專心咁去聽~因我都想教好我d仔女架~不過心理學家呢條都幾難走,so我轉去想做義工勒~
......仲有呀,個日去michelle家,見到佢既home好舒適,(其實依家d home既design都同我dream house既差不多),我都好想快d有返自己一間屋~呢個係我夢想黎架~呵呵呵呵呵呵呵~~~
......不過我都有好多想頭~好似好理想咁~我希望我可以努力去達成~因我呢d一碰到問題就好灰心咁~仲有既係無咁大恆心囉~仲有三分鐘熱度既性格,真係想死~仲有呀,我依家都真係好唔成熟,諗野仲係好天真,仲未識得去慎言~我雖然都好like我自己呢一套,諗到個個都係好人,無咩壞人咁~唔好咩?我地做咩成日去為左猜度人咪好辛苦?

>>November 13, 2003 at 9:55:20 AM GMT+8

2003 年 11 月 11 日 星期二 【乍雨乍晴】

......回應朱古力~對呀~really好唔同~不過我依家pc又入唔到,BA Society又入唔到~好似無咩得做咁既~
......呢度有好多野俾我地去發揮呀,但一定要主動去join野玩先囉~
......emily佢就搵左我幫佢手做board,for open day既pc攤位既~
......仲有呀,我really好小氣架~雖然有時都明白既,但我既自我成日都戰勝左我既理性及超我呀~so我都會記住左,一唔開心就成日think架勒~真係好次下面sandy send俾我個篇野咁~
......不過究竟點解我入唔到pc呢~我都仲未think到,我諗左好多個可能性~亦都響icq同michelle傾過~佢叫我多d留意周圍喎~雖然我20歲勒~可能真係仲細啦~哈哈哈哈哈哈~~~~思想唔成熟~不過,我同michelle講個d野,唔好擦佢鞋架~因我睇返history,我見到我自己成日好似讚佢咁,有d核突呀~不過,我又係真心架~希望佢唔好誤會啦~不過佢睇人咁叻,觀人於微,應該無問題既~佢話同我地傾過一陣,已經知道我地無咩人架勒喎~不過我認為叻既人,我都心甘信服架~
......仲有呀,教我地management個個ms ellen ng都好正架~佢好多人生經驗,我好likey呢d人,因我無咩人生經驗嘛~佢又搞笑喎~教書都唔錯架~佢既人際關係都唔錯架,更會不恥下問,good~仲殲7左我地唔少野添~今日考management呀,都ok呀好似~希望.....今次我唔會睇左自己啦~因每次當我話自己得既時候,個result都唔得既~~~
......個日我響rm 023 michelle同alex講緊野既時候~我又聽到d野勒~唔止我架~仲有其他人~又學到野勒~因alex係做board既leader,michelle就教下alex點做一個leader勒~leader要清楚自己member既性格,咁就可以加以發揮咁利用勒~leader唔一定係最叻個個,因每人可以咩都學識晒既,只要好好運用身邊既人就得架勒~點樣可以睇到人地性格係點,咁就係自己經驗所得勒~無得教既~亦都要先了解自己~知己知彼,百戰百勝~仲有呀,leader開會前要先firm定個structure,由頭領導到尾,做埋conclusion~每一個part可以等member講完d idea,自己最後先再加入去,再做conclusion~可以直接咁下命令同埋直接講自己既要求~咁member要做既係配合好個leader~咁當然睇人黎講啦,如有d人好mind既,或認為唔信服你既,態度咪婉轉d囉~因有d人就認為你係leader,咁我地就會聽你講,都無咩計較既~好似個日咁,michelle交pc個攤位俾emily & ida跟,會講晒自己既要求,等佢倆可以響thursday present~以及唔駛問我地咩意見,要我地做咩就做咩,因時間好趕,無時間talk~有時間先可以咁做~hehehehe~~~emily同ida都好醒架嘛~要加以利用既~~....
希望我響<飛躍之旅>學到更多啦~
<<<<<日子︰6月3日
朱古力︰酒心蛋糕（Iced Meringue Marseillaise）
成份︰白蘭地酒配朱古力雲呢拿夾心
特性︰活潑開朗
生日占卜︰你是個很喜歡說話的人，尤其喜歡表現自己，突出自己的技能，受人注意的時候，你會有種飄飄然的感覺。你的談話內容或者身體動作，都是鬼馬活潑的，別人難以模仿，特別是有味笑話，繪影繪聲，令人捧腹大笑。不過，你也是個情緒化的人，你不說話的時候，異常低落。
朱古力蜜語︰小心！過份自信會傷害自己。 >>>>..............(SANDY SEND俾我既~多謝晒,因都好中架~)

>>November 12, 2003 at 12:04:17 PM GMT+8

2003 年 11 月 10 日 星期一 【乍雨乍晴】

.......今日都幾凍架~~~你睇下我凍到塊面紅卜卜咁~~~幾cutie~不過今日我wear一件短袖+一件褸~
不過今日菁菁& leslie都好似著短褲~都唔知佢地想點~~
......哎呀~test week呀~~~點算呀~依家test左2科咋,剛剛test完cit,佢出得咁難既~~唔識呀~有一題溫左又唔記得~好慘呀~死晒勒呢科~尋日account又被佢陰左,搞到我bank rec bal唔到添呀~算啦~好彩條balance sheet+ TPL搞得掂jei~呵呵呵呵呵~不過都灰啦~~~我想拎高d分架嘛~
.....依家我都無咩事發生呀~個科英文又成日耍補課,真係好唔想補,但為左attendancy又要死死地氣咁啦~又要交功課嘛~~唉.....個日見佢唔俾winnie聽電話都唔太like佢勒~咁人地urgent phone,加上ive係俾人地響出面傾架啦~唔好阻住其他人上堂就得架啦~雖然都好似唔係咁好咁,我都好少talk phone,因我大多數都switch off部機~反正都無咩人搵我架啦~所以我依家d分鐘有好多呀~我900,800(心連心,基本),但都係用左(300,300)咋~真係少~~~好似蝕左d咁~你地快d搵人多d同我傾計啦~
......頭先其實我係響school既library,因我地今日考1030-1130,咁我地1730又要上飛躍之旅既leadership course喎~so我同菁菁就去左library勒~12點幾就去左lunch~so呢篇野打打下,因ching ching叫我去lunch,so我就暫停左勒~之後我地去左023,michelle room~大家一齊呆下,佢地pc既就開會講board~我就休息下,大約1530就上左library就溫下management勒~但我sleep左~大約1700就因凍得滯就想走勒~咁o岩我又見到ching ching同carmen(kca既主席)黎搵我食野,我地就一齊走勒~菁菁係無去溫書架~~~壞壞呀~~~
.......上完course,大約1930就開始返home勒~佢地去dinner,我唔去lu,因又累,又無咩錢,咪唔去囉~
.......今日leapy=uyezs打俾我問我拎cert個d野~我唔得閒呀,咁leapy問完~又打返俾我~都可以later去拎~我都唔明點解要咁麻煩,又要特登返去拎~跟住因sandy就生日勘,佢地想friday出去~咁我一早應承左今年既同學仔connie佢地在先~咁我咪唔得閒囉~
.......講真,我都幾唔開心架~點解我生日佢地無同我慶祝,依家又要我出jei~sandy就無咩所謂,因個時都好積極咁同我慶生,只不過好難湊到人,melody & vicky成日都唔得閒~咁就不了了之勒~又費事要sandy & leapy特登出黎啦~.....我都好小氣同記仇架~因小成成都成日話,點解佢地生日我就好積極咁參與,但一到我生日,大家就好似唔記得咁~我都好唔開心~但係做fd既,又無理由咁介懷呢d既~因我地做fd既,唔係在意呢d架嘛~雖然fanny,cillia都話同我出,但因大家忙得滯都取消lu~我叫左幾次,佢地都唔太得閒,咁我咪唔好意思再咁厚面皮咁叫佢地出囉~生日年年都有既,又何必理個一年呢~有個心講聲生日快樂咪得囉~咁又係既~我之前睇左本<咩百幾種可以快樂>既書,但我choose左d黎睇就還左lu,因好悶,提唔起我既興趣~其中一項就係人響處理一d大事就可以處理得好好,但會為d瑣碎事黎煩到自己死,因此唔開心~~~咁又係喎~我依家咪係囉~哈哈哈哈哈~~~
........大家唔好為我講左d野而唔開心呀~我只係想發洩下咋`但我都唔太care既~好對唔住呀~我都知道大家各有各忙~雖然我好怕寂寞,有時我都鑽牛角尖,點解我好似無咩朋友咁,我又少電話啦,我生日大家又唔得閒啦~不過點解我d朋友多數好唔主動咁打電話俾人既呢~算啦~咁我打多d俾佢地啦~呵呵呵呵~~我轉個頭又無事架勒~我都唔係好寂寞jei,有d同學仔都認為我好似好多野做咁~但做既當中,我既感受,都係得我知~哈哈哈哈哈哈~
........近排,我情緒都好似有d低落,so,我依家會積極返d~我唔要自己唔開心~因我係一個樂觀既人,其實我身邊都有好多人錫我既,我大意,睇唔到之嘛~我無咩大事發生咋嘛,我有事發生,我一定feel到佢地既關心既~hehehehehehe~~~~好啦~呵呵呵呵呵~~~~阿ling返黎勒~
........仲有呀,雖然test week,但我既溫書mood都無返黎呀~幾時返黎呀~
........kwai ching ive既library都幾有mood架~本來我好sleepy架,一坐左響度,唔知點解,我好有精神咁~可能有好既太陽光線....good~不過我waste左,走去sleep~hehehehehe~
........好啦~我溫management先啦~bye

>>November 11, 2003 at 4:24:23 PM GMT+8

2003 年 11 月 4 日 星期二 【酷熱】

好熱呀今日~好大汗架嘛我~~~~shit
.......今日本來唔駛返學架,但要補fia,無計啦~之後又要開會~
.......我都唔想咁耐都唔打日記架,因唔知點解呢度突然close左,嚇死我添呀~我仲以為因我過左佢既期限無打日記先係咁架咋~之後我都send左個email俾佢,不過彈返黎~之後再check下啦,原來所有人都唔得,以及佢既homepage都load唔到~我先安心d~但又怕我無晒d日記喎~~~都幾唔開心架~因咁o岩我又想打好多野,但佢又唔俾我打喎~無陰公~
.......近排都好似好忙咁,因要開會搞drama嘛~so,我地b班既女仔搞mon去食元氣,我同青青都無去,因要開會嘛~佢地班野,成日諗去邊度食....真係為食呀~聽日呀,佢地又去食早餐添呀~不過太早啦,我寧願訓多陣好過~~~哈哈哈哈哈~~~佢地又因我地有日既fia調左早d上,佢地又講定要去食吉野家下午茶添呀~呢班咪係gigi個班囉~真係無佢地乎~
.....仲有呀,我咪話我參加左BA Society既競選做PR既,lose左勒~因太多人勒~8我都幾緊張架~~算啦不過我地班都唔少野架~iris憑佢既燦爛笑容,雖然佢未做過,但都奪得不少票數~佢同phoebe都做左art~而angel就做左秘書勒~而pc既人都唔弱,gail做左PR,jeannie做左我地既會長~而屬會既pc既winnie同jason係做左sport架~哈哈哈哈~~~恭喜晒~~~phyllis及winnie b因有事而出席唔到,我,湯,冰,gigi都入唔到架~但我地班入左3個都真係幾好~
.......依家可能我忙得滯,而小成成因個科太難讀,so佢會退學~依家佢搵緊工,so比較得閒~但我又無咩時間陪到佢喎~佢緊係唔開心啦~唉...但其實我好enjoy呢d生活,畢竟我響secondary sch都未try過~ive真係好唔同,起碼佢俾左好多機會你發展所長~而呢度都有好多唔同類既人,有foundation dip升上黎既.有中五升既,有中七,有中六既~好彩,我依家接觸既都係好好,好nice既人~好開心~我亦都可能因為參加左d活動,令我對呢間sch既歸屬感大過以前既sch~雖然我都未算太投入,但我份人都好似活躍左好多咁~因為都識左好多人~都變得不平凡~哈哈哈哈哈哈哈~~~
........本來呢,我以為響pc裏面係最大既,點知好彩都有人同我一樣83年~好彩~~~哈哈哈哈~因個時上workshop(旁聽)之後我地去左dinner,有去既,都細過我~~~哈哈哈哈~~~出乎我意料之外~
.......好啦~我下次再講下pc既人啦~

>>November 10, 2003 at 5:57:30 AM GMT+8

2003 年 11 月 4 日 星期二 【微冷】

.......好開心呀~我地...其實係11月4日去左michelle家打hot pot~
......係咁既~上個星期三,新既13位pc好想成立一個屬會,令我地呢班second in既人都可以有gathering既機會~因為大家都建立左一個好好既友誼,大家唔想失去~因為今次都好難choose~咁順便我都講下我地gathering meeting係點啦~我呢,wed係day off既,但為左大家,我都係去左架~hehehehe~~~我地玩左2個活動,1個係"扑傻瓜",另一個係咩聽到"火燒森林"呢個指令就要大兜亂,而仲有2個指令呢(我唔記得個名係咩),就係做樹既走 or 做松鼠既走~哈哈哈哈哈哈~~~之後大家就一齊睇返我地去歷奇訓練既video~又一齊食下野咁囉~佢地又派左dmouse既衫呀,及cdr俾我地~都ok愉快架~雖然我個日都好似有d唔舒服~因佢地成日話我隻手涷喎~跟住我就走左去搵小成成食dinner勒~因佢home無人,佢parents去左中國玩呀~
........咁原來我地呢d入唔到既,其中有人問過michelle可否做旁聽,因都想學返d技巧~michelle approve啦~咁我又好有興趣,so join左~咁原來我地要做d野,俾sc睇我地到底明白左幾多,我地就開始decide勒~咁我地呢d旁聽都有份~so 11月4日去左michelle home talk+幫11月5日既牛奶及11月9日既青青慶祝生日勒~jeannie 及michelle送gift既時候都係玩緊牛奶架~因佢平時太串勒~哈哈哈哈~~~青青都收左不少禮物~大家都好開心~不過都磨左好耐時間,我地先開始打邊爐~我同青青一齊走,都係最後一批,12點幾啦,大家都take到mtr~曾有一段時間,我同青青進行拉鋸戰,因michelle home響青衣,我就陪青青去香港站,佢唔俾我搭,因佢認為我waste time,兜返上去佐敦好似好耐咁~咁之但係我take 荃灣線,都無人陪我架啦~之後都close左door~jeannie都響度同我say goodbye...哈哈哈哈哈~~~我諗個場面都幾搞笑~
.........但小成成就唔開心,因我無同佢講我去人地度hot pot~only話開會~唉...唔知點解我太tired,都無咩點"tum"佢lu~so佢依家仲嬲緊~
........不過依家唔知點解成日都唔舒服,唔知係咪因為test week就到呢~不過我記得有1 晚,我係頭痛到想嘔,即代表我係頭痛得好緊要~我都知可能係感冒,但又無咩點爆出黎喎~唔爆出黎我又點會好呢~

>>November 10, 2003 at 5:55:36 AM GMT+8

2003 年 10 月 19 日 星期日 【乍暖還寒】

oh......入唔到pc~不過青青入到~so我叫佢問why我入唔到及佢地choose人既準則~
........呵呵呵呵~我無唔開心,我知上帝一定安排左另一樣俾我~而我響歷奇學到咁多,識到咁多人,我已經好滿足~不過佢地揀左13個人咋~呵呵呵呵
.......今日我,sarah,青青(因佢要返sch交錢,so臨時叫佢黎~),蕉,gigi,phoebe,iris,phyllis & 翠兒一齊去新都會既puzza hut have lunch~呵呵呵~~~$34落樓~大家都好開心~哈哈哈哈哈~~由其iris最搞笑~阿康同學話要走堂黎添呀~~~~呢d壞學生唔要得~
......聽日要test finance and information system~呵呵呵呵~~~~好彩阿sir俾埋d式我地~~yeah~~~
......呀~仲有呀~sat個日打完hot pot,我去左搵becky,ball,因becky要我d notes test呀~econ個d~之後我去左小成成home~因佢parents返左大陸玩~哈哈哈哈哈哈~~~
.....上finance堂食麥提莎俾阿sir逮到~佢用左呢個example黎同我地講功課~哈哈哈哈~~~知情既我地就響度笑勒~我,湯,iris,phyllis,angel,winnie都報左society~不過都可能無咩機會入架勒~志在參與,下啦~

>>October 20, 2003 at 10:49:43 AM GMT+8

2003 年 10 月 18 日 星期六 【微冷】

今日係pc既second in~玩歷奇~響灣仔活道附近~即春田花花幼稚園附近...呵呵呵呵...
........有陸上行舟,有毒費料,橫渡懸崖,高牆.....呢d遊戲並唔係比賽,而係要我地領略一d野~
........陸上行舟既工具有6個筒,一塊板,及每人一支竹~因我地人多,so塊板係長d既~~~我地得到既信息係溝通好重要~因後面傳返d因向前行甩左既筒,所以最後面既人要喊"停"~如我地最前既人聽唔到,係有賴中間既人傳遞信息既~而當最前既人因放筒放得唔好,而引致條船脫離軌道,後面睇到既人要給予適當既意見,令條船正常行駛~如:個筒放返右d,左d,等~仲有呀~大家既士氣都唔少得,鼓勵都係~每個人都有唔同崗位,每人做既野都好唔同架~本來我地個組唔知點行好架~導師既引導,大家既意見,提出意見後要有人話"不如試下啦",否則大家會企晒響度,一事無成架~
........有毒費料,一個範圍內有一兜野,係一個小痰罐裏有好多衣夾(即唔掂得)~group裏分成一pair pair,一pair裏一個人要朦眼,而另一個要做帶領~雙方唔可以有接觸,亦唔可以走入範圍內,唔可以觸及任何物件~我地個組好快搞掂,so,我地換人,再try多次,增加難度,上次,大家既繩只要微彎身係可以拋向個痰罐度,但今次唔得~就有人提議,拋繩既=朦眼既,將4條繩(因有4個人朦眼)穿入一條橡筋,再拉開將痰罐圍住,便可以提起勒~今次既遊戲好靠信賴,指令既清釋,最好每一次指令前都叫對方既名字,否則會唔知叫誰,或認住對方甜美既聲線~亦都要令每人都有參與性,唔好忽略某一個,要令每人都感受一下~仲有呀,俾指令個個都要令盲個個知道個時既形勢,亦都要懂得隨機應變,重視大局~如因4個人既力度不同,提起時既快慢不同,有時會因唔協調而令個d有毒既野傾斜,就會因跌左d野而扣分架勒~又或左d有毒既野毒死人~~~
.........橫渡懸崖,就係我地一班人企晒響d chair上,但我地得一條木,但我地要過去另一面,面闊度係闊過條木既~咁大家既合作同團體精神都好重要勒~因要有d人企上條木度,令準備過去既人都有安穩既~大家既溝通都好重要架,如果唔係點知對面既人,同我地未過去個面準備好未架?未準備好,會令好多人跌落懸崖死架喎~仲有呀,鼓勵都好仲要架,因有d人都會驚既,好似yuji咁,但我地又唔知,係唔得架,我地要支持佢架嘛~
..........高牆,係靠人梯上去既~首先alex用引體上升上左去,再幫手拉人上黎,下面有2個"等",上去個個要放鬆晒,交俾我地下面既人去托佢上去,再由上面拉~唔可以掙扎,因咁樣只會令我地幫手既人仲難做,佢會彈出去,仲要溝通得好~有人要落黎就唔好再托人上去~我地下面仲有一班人去保護,上左去既人唔可以響下面再幫手,只可以保護~最後,細細粒既angel因體形較輕既關係,做最後亦都係做尾二倨男仔既"等",托左個男仔上去,angel再爬上去~好勁呀,angel爬得好快呀~呢個活動,未玩過既,都好難think到個skill出黎~好彩個導師都帶領得好~不過真係要好信得下面及上面既人~合作,配合先可順利~
............其間,仲有d小既activities~如1st,a君既手為鏡,b君就要follow住鏡去照~2nd,2個人蹲下,手掌貼手掌,or用唔同既方法將對方推跌~3rd,一班人圍住,左手食指與thumb成"o"型,右手插入右邊既人既"o"度,當一聽到"1"字,便要將左手收緊,右手抽出~輸左2次就要出黎~我同青青都輸左,仲有其他人,我地要衝出外圍個圈外~但都無法成功~成日迫左埋牆~哈哈哈哈哈~4th,根據導師指示要搵一樣東西用手指掂住~哈哈哈哈哈哈~最尾一個signal係miss個背,我地就成堆人嗡埋去佢度,個miss係保護自己架~哈哈哈哈~好似俾我地打咁~
..............不過我真係好開心~~~突破左自己,響高牆真係放鬆晒,被人拉上去~我以前好mind因自己重得滯,怕,so以前唔敢架~hehehehehehehehehehehehe~


>>November 4, 2003 at 6:39:41 PM GMT+8

2003 年 10 月 17 日 星期五 【微冷】

喂~~~呵呵呵~~~今日首先開心,之後唔開心~
........因0900要返學~係返去迎新~講下呢科既前途,比重呀~之後再上左去班房分group玩~不過好無聊好悶~我地班好少人返呀.......仲有,only 1 boy返黎咋~
........開心係因為第一次同d同學仔出去玩~我,winnie,康,湯,connie,blue,paul,sam,大佬,leslie一齊玩完group activities就走左lu~我地一齊去左佐敦恆豐既green box唱lunch~1230-1530啦~之後sam同學走左,leslie同我地響tst行行下街走左~我地唱k個時,大家影下相啦~不過因多人得滯~大家都唔係唱得好多~仲有時間少~每人$34落樓~我比較靜,多數坐響度聽下歌,睇下mv咁~佢地就以為我好悶勒~其實唔係架~我都有靜既時候~唱k都無理由講咁多野既,我覺得~
.........之後我地去左tst個邊行,行行下,去左尖東個邊,因阿康佢地搵到地方打邊爐~我地d女仔睇冒野,佢地都無咩興趣嘛~雖然我都無乜~呵呵呵呵呵......多數企響門外~我地搵到勒~就係德興酒家$98,不收湯底,加一,醬料,小食,但不包野飲~都ok啦~又唔限時間~connie & 康買左啤牌,之後因為費事響大街大巷俾警察叔叔逗~就上左去酒家勒.而我就留低等埋小成成黎勒~因佢發我脾四嘛~佢今日要去意粉屋度做survey~我陪唔到佢,又無同佢講我同同學仔唱k~~
..........我地由1800-2300.打左差唔多5小時~哈哈哈哈~~~我地打到差唔多就玩占卜勒~因副牌新架嘛~玩左好耐,我地開始玩鋤d,又因leslie點左d好難食既魚泡,雞子,牛骨髓,so我地玩起21點及非洲話事啤勒~我都無咩點輸~哈哈哈哈哈~~~~加埋我地食食剩既野~
..........仲有,阿湯真係好好笑....佢既三樣笑科,如21點變23點,winnie因亂講野而我話佢醉左,但阿湯卻答我地都無叫醉雞(都唔知關咩事),so我地大爆笑,仲有雞子變龜子~哈哈哈哈哈~~~
........阿康同學玩21點閎,做莊家輸左,so要食4舊魚泡,之後佢又幫阿湯頂埋個舊~哇~聽講好難食~好腥~不過阿康同學真係好玩得,亦都好尊重規則,so食晒~勁~我地都要鼓掌~
.......winnie唔聽話~佢食左藥,叫佢唔好飲酒,又唔肯~
.......paul同學,好靜~leslie同學,唔知個樣點個樣~真係多得佢~
.......connie同學好細心,我地唱k時佢負責分配食物,飲料及清潔刀叉~真係一個好女仔~玩遊戲時公正嚴明~就算係女仔輸左都要食,唔准飲~除左winnie,怕佢會嘔先網開一面~
......blue都幾好玩~呵呵呵呵呵~~~~
依家d同學都好似好好咁喎~~~呵呵呵呵呵~~
......玩非洲話事啤時,winnie會留手,而阿湯2次都輸左響我手上~so佢要去拎咭片及問一個foreigner個名~誰知條友又過黎問返佢叫咩名喎~玩playing games~~哈哈哈哈~~~佢講中文問"你叫咩名"而阿paul就多輸在winnie手上,要飲2次soy sauce~阿成輸左一次,要去同一個異性影相~我幫佢搞掂~有一次,阿康叫我地講第幾隻,佢就俾我地,我玩佢嘛~我要第36隻,我個時幾驚呀~佢個樣不知幾惡.....嚇死我~
希望我地多d出黎玩啦~~~因為好開心呀~~~~唔知bbq將會搞成點呢~

>>October 20, 2003 at 10:37:16 AM GMT+8