2004 年 9 月 2 日 星期四 【酷熱】

每日一句：嫉妒，足以毀掉愛的世界．但寬容和諒解，是唯一的救贖．

星期二,三,五都返左去school做野~有interview及o'day rehearsal,同埋整board,掛banner同埋過膠~

interview有待改進,我地最大問題係"處境問題"既環節,大家對d問題唔太熟悉,又無理其他問題,only照set左個幾條問題問~搞到好似因一對一而令其他人好悶,同埋好似忽略左其他人~咁好多問題我地都think左解決方法,希望會好好多~不過與pc一起rehearsal,大家都各取長處,同埋大家既意見都好有用,大家既缺點都會盡量避免~不過我都覺得唔太好意思,magic ant好似無咩意見俾到出黎咁,因我地既意見對你地黎講都好重要~我地會多多努力......令個腦轉得快d~因為剛rehearsal完好似無咩野咁,但之後又會有好多意見,大家一齊talk......不過我地事後think up到既都會同你地講返既~

michelle都怕我地問唔到d咩.....我都擔心架,所以我個日係好頭痛架返到home之後~因為都幾大壓力~之後o'day reheasal都輕鬆多了,大家既意見及提議都不錯~大家都各自改進了不少~之後magic ant整匙扣同埋書簽,差d...所以friday再努力過~大家響frinday個時畫左好多個匙扣,大家畫到發脾四,無咩心機~又無咩idea,但大家都畫得好好呀........jejeje~~好想好想自己拎晒去用~哈哈哈哈~~~菁菁既朋友仔都有幫手,辛苦晒~之後去左仙桃源lunch......michelle食完就返home拎野~

我地無咩野做就響b04 hei~~哈哈哈哈~~~個時都幾開心....搞搞震,無幫襯~個個攤晒屍咁~phyllis因頸痛,訓左響度,起唔到身,要托頸+背脊先起到呀~之後佢同kaki俾michelle塗左按摩膏好好多lu~個時有august,禧寧,細michelle,phyllis,kaki,cyrena,大ryan,pinky,東東呀......而菁菁就同朋友仔talk~~sandy,ida,欣佢地就上左去入file~

過膠,cut野,做board都好辛苦,頸都無埋~不過try左好多野,不過差未知banner點掛~好想去學~去睇~cyrena cyt野d聲好似切菜咁,而細michelle就響度"芥"菜~我今日都無去返mtr club~因為唔想返~~哈哈哈哈~~~之後勞煩左michelle一陣,阻到佢添~~~唉~之後佢就送狙個mcdull椅墊俾我~好靚呀~佢仲響佢張chair try左點用俾我睇~hahahhaa~~不過我home係無椅背既chair~不過我都唔捨得用,會pack入箱~哈哈哈~~~好鐘意呀~~

之後細michelle,phylls,kaki,cyrena,我一齊出左shum shui po去buy絲帶~之後我就去join 以前教會朋友既meeting~原來大家都好耐無見~大家都係問下大家既近況~好多人結婚lu~估唔到依家永光多元化左咁多,有歷奇group...佢地玩好多野......依家傳福音同埋教會活動,唔係only查經,祈禱會呀咁....依家好多out-going既野~好正咁bor~~~有d吸引力~之後dessert shop太多人,大家就散lu......之後elaine,daisy,晶,小吉同我就一齊陪小吉buy涼鞋~

依家同佢地相處既感覺唔同左好多~個感覺好左.....不過有時佢地講教會野我就悶左d囉~不過都ok既....個度我下次唔會再去勒......太嘈,又無咩冷氣,d野又唔好食~我坐響個度差d sleep左,因燈光好暗,而我又好tired~有小吉,晶,家達,詩詠,智健,周劍,強,daisy,我,elaine,詩茵~而主角文華就唔見人~估唔到詩茵咁out-going呀~而daisy都係咁傻~智健低能左,詩詠無咁惡,佢倆好恩愛~elaine就同我share返佢近排既感覺~我都俾左d意見佢~

>>September 4, 2004 at 5:42:20 PM GMT+8

2004 年 9 月 1 日 星期三 【綿綿細雨】

每日一句：睇戲後與朋友分享箇中感受，係一種考驗，而對情侶威脅．(lingling之感:我覺得,每人既價值觀,需要去尊重,並沒有對與錯,所以分享完後應係接納,體諒及了解,咁就唔會因大家既價值觀不同而有陌生及疏離之感)當一套戲，過幾年後再看一次，便會看到成長中的自己or改變左的自己！因為同一套戲，因為經歷，觀點與角度去看同一件事已不同了～

今日，係winnie po,布樂韻既生日，所以佢無黎同我地遊船河～我尋晚就打左俾佢lu~heheheheh~

湯,我都好掛住你呀~哈哈哈~多謝你既留言~

今日去左遊船河,有michelle,東,angel,ida &輝,細ryan,emily,sandy,欣,cecilia,菁菁&寶,我,cyrena,kaki,phyllis & alex,葛,kate,大佛,charmaine,august,明,gail~有24人呀~好開心呀今日,天氣好好.雖然有一陣落左雨....哈哈哈哈~~~

我自己就好開心,因為盡用左船上既facilities~除左無玩滑浪外~我玩左香蕉船,划船仔,坐上去滑板上用獨木舟掌前進,swimming,數字球,又上沙灘......哈哈哈哈~~~今日晒到紅左..yeah...又可以古銅色皮膚lu~之前個d又白左勒~唔知我返學個時,佢地會唔會話左我黑左好多呢~hehehhe~~

我同charmaine及菁菁一齊玩banana~我地好盡興呀,係咁叫,係咁笑,第一次個時好驚呀,之後第二次好好多~我第一次被架banana撞親,之後第二次我地死都唔落...佢想掉左我地好多次架勒,不過都俾我地control到架banana,我think個船家激死左,之後我地自己跳落水,因為都好累~有幾下好激呀,"dun"到我地個個飛起晒,不過都無跌落去,yeah,勁~有一次我好似滑左落去,之後都上返到banana,好勁呀~菁菁第二次跌個時響老遠~~哈哈哈~阿東,alex,phyllis個一組人都無咩氣氛咁.....之後東東個動作好搞笑,就跌就跌咁,,,之後就俾佢搞到跌左,聽佢地講,東東係特登既~

原來細ryan等我地都等得好苦~佢見架banana成日都返唔到黎~佢地又係咁...死都唔跌~哈哈哈哈~~sandy同我講返,佢地指揮banana上既人,等佢地唔跌~哈哈哈~我地呢班人都激死船家~之後我同cyrena撐kaki出去,用划船仔,我地用左好耐時間都返唔到去,kaki叫晒救命...最後由阿寶帶我地返上船~之後alex撐phyllis,kaki,charmaine上岸~我就swim出去,當然有水泡啦~之後都好累,所以捉住阿寶同cyrena既板尾~點知上左一陣就落雨.....咁大家怕返唔到去,就返去lu~我同cyrena就swim返去,cyrena話我地好似拍緊悲劇咁.....我地swim個時好大雨呀~可能因加快速度,所以快左同好耐....alex佢地成日問我地得唔得,都無咩力answer....之後差不多埋岸就阿明同細ryan拉我地上船~

我同cyrena都來回左幾次...hehehe~~~有一條藍色野都幾好用架bor,哈哈哈~!~~夠浮又唔阻~我同cyrena試過一齊穿入一個水泡中swim..哈哈哈,不過大家都好似擦紅左手臂~沖涼時有d痛~hehehhe~~依家玩咩,都可以叫cyrena一齊玩~開心開心~~~hahahhaha~~~kaki都要好似我地咁好動先得架~phyllis都好踴躍咁話玩划船~而cecilia,阿欣都坐左上板上同埋划左船~大家都試左好多野~不過阿欣上板個時,左邊上,就響右邊跌返落去,滑得太快,救唔切佢~kate就怕水......無用水泡同我地一齊swim,only坐船~charmaine就唔舒服~

今日好開心,因為想玩咩就去玩,玩得好盡興,真係好開心,都克服左少少懼水心理.......我地去個時響船頂上吹風同埋睇風景,真係好靚呀~我好enjoy~~真架~真真真係好開心,遊船河唔落水都唔知做咩,阿明同阿寶成日想人地反艇~大佛無落呀......會悶死囉~阿葛都好似無咩點玩......真掃興~氣氛唔好?唔知呀.....我覺得想玩咩就玩會好d囉~有時都要主動d既~michelle玩數字球激得滯,整疼左~小心d嘛~alex都係因玩數字球而衝左上d石度而受傷~之後膠布都唔夠大,我地幾個first aid人,cyrena,pinky,我,kaki一齊think左個方法,因佢無敷料,所以我地用紗布包住d綿花,不過整得好核突~船員之靚女仲話整得好靚....唔係嘛~

phyllis,唔駛同人地講我地學過first aid既...因都唔係好叻jei我地~唔好俾咁大壓力我地~不過我地都係時候要溫返書~返去西貢個時,我地就玩uno.....之後我就出左去吹海風~獨處一下也不錯~之後有emily,angel,sandy,cecilia,欣,輝,ida,michelle,菁菁,charmaine一齊去鐨石山dinner~之後牛奶join我地~food court無位,我地就去左pizza hut~我地都談得好愉快......感覺同佢地close左,無咁疏,可能一齊玩左一日吧~路上,我都同sandy一齊talk下咁~哈哈哈哈~~~之後我地就一齊take mtr走,emily就take bus~

唔記得同大家講,我個時響離岸既地方用水泡浮緊,望上去個山.好靚,好正,同埋好似靚到好假咁~我真係定定咁望住,好想take photo.....唔捨得離開個個位呀~d沙正如emily所說好似響布吉咁...~~唔後悔黎左,好開心~唔知幾時再有機會呢~依家打緊日記,個人都浮浮下咁~暈暈地~我真係轉變左.....個人放開左,放低左顧慮及顧忌,個感覺輕鬆左,但係都要懂得去平衡......因為唔係時時都可以咁樣(傻傻地,咩都唔think)~仲未懂得掌握,有時都過份左,同埋都過唔到自己個關~

>>September 2, 2004 at 4:16:27 PM GMT+8

2004 年 8 月 30 日 星期一 【晴】

保密日記，請登入觀看！

>>October 2, 2004 at 9:27:09 AM GMT+8

2004 年 8 月 29 日 星期日 【雨】

每日一句:
不要害怕分離，就不肯相聚；也不要因為或許會分手，就不敢相愛．愛情著重過程而非結果，所以愛過總比沒愛過好～

嗯~~有好幾日無打日記勒~~首先回應一下大家既留言先~winnie po......對呀...覺得你好似唔夠sleep咁囉~同埋我都知你辛苦架勒.....有咩事記住搵我呀~對呀,我篇篇日記都咁長架啦,哈哈哈,特登睇死你地,升左做vip,無人有我日記password架,因為入面有好多野唔係個個都知得既~~寶瑩呀,好開心又見到你個留言~hehehee...多d黎呀.....見到你個名響我日記點解會咁開心既???

星期日,我一早去左做義工,今日係我present,分享,唐氏頒cert既大日子~不過今日既我唔知做咩,成日都好似發緊夢咁...又叫錯人地個名....又講錯野.咁當然呢d野無響台上出現啦,只係響台下既時候,同magic ant一齊時發生既事~我地都take左好多photo呀...later post上網俾大家睇~我俾人影左我既醜態,原來我分享既時候都有D唔太見得人既動作,側頭呀,"O都"咀呀咁,俾EDMUND即係董SIR拍低左,佢唔部DC我拎呀,怕我洗左wor~不過我覺得同青年學院既義工們熟左,所以如果阿健叫我去幫手都ok既~其實每一間機構每一期既義工都會唔同架,唐氏個邊都係咁~

不過我都希望我會定定咁幫camp quality,唐氏同埋青年學院~而edmund都睇實我同cyrena呢d會玩水上活動既人,因佢既義工活動都需要一d人去幫手~依家同呢2間機構既人熟左,個感覺比以前好好多~依家建立左友誼,咁係時候認真咁去投入,同埋盡量幫佢地手,提出多d意見,令大家互相成長~今日我無去返mtr呀,我響part time同埋唐氏作出左一個決定,就當然係唐氏啦~哈哈哈~~個日成個run down都好好呀~好順利~有d會員都真係好成熟,好有禮貌架~佢地都真係唔差架~不過有時候都真係要糾正佢地既錯誤~

之後我就趕住去做意粉屋,換左一套衫,佢地就問我係咪去拍拖,車,拍拖駛唔駛咁著呀.......哈哈哈~

星期一,早上去左做swimmming course助教,之後cyrena同埋phylis返去先,我就出左causeway bay交卷,之後返黎就買lunch俾佢地~而今日pc都有返黎整野呀~之後michelle同mandy就出左去觀塘rehearsal~我地magic ant就過024開會勒~...kaki.....你以為你走得甩咩?菁菁話你係走唔出magic ant架~我地有咩活動一定通知你,你唔駛唔捨得bor~我地亦都無離棄你架~我地都視你為magic ant既一份子~哈哈哈,你仲要同我地一齊努力添呀~

之後,菁菁,我,emily,cecilia,欣,sandy,東一齊去仙跡岩飲野,等michelle~之後我同michelle,菁菁一齊去左delifrance一齊dinner~大家都有傾有講咁.....幾好呀~有一樣野,講個時,我都有d唔開心,我有d想cry呀,因為覺得自己有d失敗呀~之後大家9點幾就走人lu.......個氣氛幾好...大家講下內心既感受,....唔錯~我鐘意呢d咁樣......

>>August 31, 2004 at 10:09:13 AM GMT+8

2004 年 8 月 27 日 星期五 【乍寒還暖】

今日,全日都係工作,工作同埋工作~

寶瑩,多謝你既留言呀~哈哈哈,你既留言都好長呀~哈哈哈~~~我份人比較"沉"氣d,所以咪打咁長囉~佢地成日都話我呀,睇死佢地wor~哈哈哈哈~~我份人比較details~~哈哈哈~~對呀,好多時,我都會expain我心中既感受,等佢地明白我點think~我份人都幾感性架~你想play canoe呀???早知叫埋你一齊join啦~對呀,康文署個d好平呀~響聖士提反灣玩,學生仲有半價~你得閒去報啦~咁之後一齊玩上去都好呀~不過都要力架~hehehe~~~得閒多d同你talk先~

首先,1015起身,食早餐,之後1130出發去奧海城個間意粉屋,我今次take bus去奧海城個時,留意左我應該點行,咁我下次走,返去我home時,就知地方take bus返home勒~hahhaa....費事成日傻仔咁搭好多個站先back home~今日呢間都幾快,1400搞掂,之後我就去左換衫,因為我做意粉屋要著得好斯文~而之後我係返mtr club promoter,要換返佢俾我個件衫去返工~~我去左queen"s bakery買左個肉鬆包,好好味~

其實mtr club要返1300-1800,但我就請左2小時假去做spaghetti house,因為spaghetti house既人工高d~之後去到尖沙咀站都早左.....算啦~今日都係做左我要完成既一半,一小時10份,我返3小時,即係30份,既一半,即係15份~哈哈哈哈~~~之後我去左換返套斯文既衫,就行返去~我之後要做油麻地個間spaghetti,但我行到返去都好早,之後就返左home,我仲可以食埋飯,食完再去就時間剛剛好~因為間野響我home附近架咋~初頭都怕趕唔切~呢一間因為係我自己去搵人做,唔係等佢地叫我,所以做得好快,1850-2010就完勒~不過好慘無得坐~有水我飲都ok啦~

咁就完左一day,時間好似過得好快,今日個口不停咁問人野.....個口不停咁講野~hahahhaha~~意粉屋d人都有reject我既,mtr club都有,不過都ok啦~有d都唔理你,但我無咩野,佢無interest咪算囉~有個人好好人,佢尋日話拎返去think下先,又問我填完寄去寫我個名係咪當我既,我就話唔係,寄返去唔會當係我既~佢問我:咁你咪少左一份?我話係架~佢就問我sat(即係今日),我會唔會響度,我就answer佢會響1500-1800在~之後佢今日填完拎返俾我wor~~~真好~今日又填左一份英文既,叻叻~雖然都俾佢自己填,但我有introduce俾佢嘛......又要expain呢,又係巴藉人士~

咁我有個partner,唔知叫佢咩名....未問佢~哈哈~仲有一個"十送一"counter既職員,都未知佢叫咩名~不過佢好好人呀,佢又join mtr club,咁我又多一份,不過佢個fd就幫我個partner填,我估佢個fd咁o岩經過~佢收工時,我地又收工,幫佢一齊搬返d野返站長室~哈哈哈~後生既都係易talk d~不過佢倆都係細我一年~partner就入左MH IVE,而十送一就入左city asso.~

喂你地有無interest入mtr club呀~佢有咩benefits?佢依家做緊一個promotion,叫人入mtr club~~
依家呢段時間成功入左既話,佢會送你一張free ticket,而個張ticket用完會俾返你做紀念,佢仲有d優惠係,搭地鐵個時會有d里數,個d里數可以用黎換佢既紀念品,紀念車票,coupon(飲食,購物)等~生日個時會送你coupon或一d優惠~又可以優先buy佢既限量紀念品......等~要透過個d form先有free ticket,否則響其他地方register係無呢個優惠既~最緊要既係......又唔駛錢入會既~你有octopus card,id card同埋email就ok啦~.................你地有interest就搵我啦~填完俾我,就計我一份~hehehhe~~一日做過佢既quota有bonus架我~雖然唔多錢......

今日都無咩打俾人......只係成日同michelle talk phone~都無人打俾我既~之後phyllis打俾我,問我聽日幾點,我又打俾kaki~無lu~~~今日心情....無咩特別~

>>August 28, 2004 at 5:09:34 PM GMT+8

2004 年 8 月 27 日 星期五 【酷熱】

㊣愛的領悟㊣

從前，有個小女孩不經意地救了一隻小精靈，小精靈為了答謝她，帶她到精靈路上，並告訴她，精靈路上的每顆石頭都象徵著她未來的伴侶，但在精靈路走完之前，必須選一顆石頭，不過只有三次機會……於是小女孩開始走著，一棵發光的石頭吸引著她，她拿起發光的石頭，小心翼翼的捧在手心，發光的石頭帶著微熱，溫暖了小女孩的手及心靈，小女孩就這樣小心的捧著，發光的石頭似乎也與她相呼應，小女孩想：這大概是我想要的……

可是走了一段路之後，小女孩看到炫麗的石頭，她開始迷惑了，發光的石頭給她安全及溫暖的感覺，可是絢麗的石頭卻讓她感到浪漫與愛情，於是她選擇了絢麗的石頭，放棄了發光的石頭。但她開始後悔起來，她開始想念那顆發光的石頭，可是她不能走回頭路，因為是她選擇的……

後來她看到一顆水藍色的石頭，她感受到它的智慧，所以她拿起那顆水藍色的石頭，沒想到水藍色石頭卻凍傷了她的手，她又開始想念那顆發光的石頭，但漸漸地，水藍色石頭不再那麼冰冷，它教導小女孩成熟與智慧……但小女孩想這是最後一顆了，小女孩輕撫著手中那塊水藍色的石頭，然後輕輕地放下，我開始明白，有得? 嚝頇O一種幸福，但也是一種痛苦，因為永遠必須為自己的選擇擔負責任……

小精靈，謝謝你！我不選擇了！未來太遠了，而我們實在花太多的時間去思考，也許有一天緣份到了，不是選擇，也沒有刻意，會有一顆石頭悄悄地鑽到我的手上，到時候，即使我想甩，也甩不掉啊！

小女孩像是開悟般地笑了笑，小精靈望著下定決心的小女孩，輕舞著他背上的翅膀，風很輕，輕得載不動雲彩……

成熟的人不問過去
聰明的人不問現在
豁達的人不問未來

愛……問得太多……只怕就不愛了……

>>August 28, 2004 at 3:16:25 AM GMT+8

2004 年 8 月 26 日 星期四 【雷雨】

保密日記，請登入觀看！

>>August 31, 2004 at 1:05:07 PM GMT+8

2004 年 8 月 26 日 星期四 【雨】

今日,又去左唐氏做義工,又去做助教,不過今日我同phyllis都無落水~因為我d野未乾呀~今日既肌肉疲勞無上次咁厲害lu.......不過今日唔多想郁~佢地呀......又響度話我隻腳呀,都唔知想點呀個教練~又教唆嘉儀叫我埋佢,之後當然想潑我水啦~哼....不過我有份推映雯落水...哈哈哈,最衰cyrena出左聲,如果唔係個效果會好d~~不過cyrena出左聲,我就可以將呢個責任推響cyrena身上,咁我同映雯講係cyrena叫我推佢,咁我就唔會受罪~哈哈哈哈....好衰~

之後我同左phyllis出左mk~搞掂我地各自想buy既野~之後我就返左home一陣,我要send d野俾michelle幫我copy for monday開會~打返俾mandy,睇下evaluation個度點,定左9月10日revaluation同埋交回憶錄~同阿hong發生左少少誤會,好彩大家之後都了解返~~咁都好d~~~

之後就趕去返mtr club,第一日返,都有d緊張,不過唔記得帶水,好慘~又唔知點入站長室~入到去,佢地又好似唔知頭唔知路咁,waste左我地一d時間先開始~不過唔打緊啦,佢都預左我地無bonus架啦,一hr做10份,多過10份就有$1/份~咁少,我豪俾佢~因為一定做唔到,第一,人地話唔做或者唔多願意就要stop;第二,一份都要用3-5min填;第三,有人填既時候,個時可能好多人,咁d人就咁流走左~第四,d人會問好多野,1 hr點做10份????

我同個partner就各做左26份~用左5個hr~見到細ryan,見到以前既一位教友,見到CAMP QUALITY既jackson,唔知乜水同埋st,john既禮sir~有時都見到d靚仔.....wow~~今日有個巴藉人士,佢走過黎問我做緊咩,我就同佢講..講英文,叻叻..之後佢做,仲問左我拎電話,對佢無咩興趣,高收入又點?不過我死蠢左~oh......d人都幾nice既,得一至二個唔show you,我都無咩所謂,因為我地唔會迫人做既,佢地會聽完先reject你,好好禮貌架(平時我自己好似好衰,不過我會笑住擰頭囉,但見到保險呀,護膚呀,減肥呀唔會聽佢地講野係咁擰頭,佢地仲話自己唔係做問卷,唔係做問卷仲更加擰頭啦)~依家好似放膽左同埋主動左.....係一個好好既轉變,我鐘意呢個自己,有時太靜,太被動都唔係太好~不過被動係因為我有顧慮.or無左個原動力~哈哈哈~~~2者取得平衡會更好吧~因為有時真係......太多野講~~~

以前阿成會覺得我做唔到d咩,但係依家既我話俾佢知,有好多野,我係得既~有好多野,真係要自己去try,否則都唔知自己係得既,同埋有個一種能力~我依家可以企響街上搵人做問卷,入mtr club,我唔怕人reject,我亦都無一份想拎bonus既心,只係想好好咁幫mtr club promote佢個club only~因為依家意粉屋同埋mtr club都俾到好多方便我~第一,有工作証做野都方便d;第二,2者既知名度高,d人唔怕被人呃,d人都會樂意d做~~~

不過我無同佢講我既野,我亦都無咩搵佢,因為我真係無太多時間...反正佢都無搵我,咁算啦~我既時間都俾左ive lu~一個人唔好咩,多左好多時間做我自己想做既野~我突然想去考救生員,不過唔係短期既事~大家放心~因我都未學識自由式~一個人既睇法真係可以令做既野都唔同d,唔同睇法去做同一樣野既方式係唔同架~我依家算係放開左,good~~不過都要train下說話技巧~不過做問卷個d,我唔會去呃人架,因為我唔識,我唔想,我唔鐘意,我想將最好既野跟人分享~所以mtr club有咩優惠,我盡量都想d customer都清楚~hahhahahhaa

>>August 27, 2004 at 5:48:29 PM GMT+8

2004 年 8 月 25 日 星期三 【寒冷】

今日去左玩獨木舟三星,pass左~今次個教練好嚴~佢講過fail左3個二星既~同埋平時我地都好少話要exam,呢個教練響"x rescue"個時,我都怕佢fail我,因我上唔到呀初時~之後佢講返俾我知,我做錯左d咩~之後玩左幾次,仲think住佢會另有一次當exam,點知無~但就俾20min我地practise橫行同埋support~support要考試,即係做俾佢睇~我做第二次個時反左船....幾驚...點知我地咁多個都pass,好彩~佢話有2個都唔太好.....但因天氣差就算啦~

菁菁話獨木舟係力既表現,如玩上去,可操掌上壓,練臂力~今日真係好累.....尤其上船個一野~上唔到就好辛苦~今日都好累......之後出左去搵michelle同埋菁菁.....多謝michelle既mcdull schedule~cyrena個本disney好靚呀.......4月14日就係不知名既菇,菁菁就係101班點狗,細michelle係巫婆,我係一個飛機,cyrena係.....唔記得左~carmen仔就係一隻老虎~kakakaakkaka

之後cyrena去左上日文班~我地3隻人仔就去time square行左一陣,之後就去左食越南野~都幾好味,之後大家就各自歸家~um.....好~~haahahhahahaha~~~~依家好想去sleep~~~too tired~~~死啦,呢3日既時間都幾趕架~~義工,返工,返工,返工,返工,義工,同埋返工~係咪睇唔明呢~later你地就明架勒~~

我yesterday醒左2次呀~叻叻~咁我地sunday要去黃大仙社區中心,咁我地唔知響邊~咁我地yesterday就由唐氏行過去黃大仙mtr station~咁我突然念頭一到,就響周圍睇下個社區中心會否響我地入個個exit附近...點知就俾我地發現左勒~~哈哈哈~~~咁我地就識去勒~之後去到mtr station裏面,有個阿伯以一個唔尋常既速度走近,並將手肘舉起,我下意識用手擋在胸前,並走到cyrena後....我成功避過~hahahhaa...就係咁醒左2次~hahhahhahaa........因為我個日都好似呆呆下咁~~~

咁我打埋我個secret日記就sleep lu~~今日一號typhoon no.1,幾怕佢no,3.....咁我就無得玩勒~我點都要考埋個三星呀.....因今朝都唔想起身去玩~今日有個鬼妹仔,佢估我16,17..唔信我既真實年齡.....佢話我頂多18~哈哈哈~而佢就14 years old~佢都幾得意,我地今日呢一班年輕人都幾融洽~而有個中年婦人上左上半晝就走左lu~~~tasha見到我部3g mobile好鐘意,我倆仲影左張相~哈哈~今日由對面個沙灘撐返埋去聖士提反灣個時,見到救生員...佢叫我努力d撐.....我就話你地梗係疏乎啦~佢就叫我"累就上船,載你返去",我不知幾想呀~~~

如果聽日typhoon signal no.3,我地就應該唔駛幫swimming course做義工lu~我既回憶錄未搞掂呀~~
"""小龍女類型的人
內熱外冷，清純善良型的人，其實是屬於較自閉、內向的性格，但對於自己喜歡的事、物會全心去關注，雖不用言語直接說明，但會以行動不經意地流露愛意，在內心的澎湃熱情之中還帶點沉穩，和這類型的在一起應該會感到安心自在。 """"

>>August 26, 2004 at 2:29:02 PM GMT+8

2004 年 8 月 24 日 星期二 【清涼】

保密日記，請登入觀看！

>>August 26, 2004 at 4:08:38 PM GMT+8