2004 年 1 月 28 日 星期三 【晴】

《炫耀》
不愛了，就別向他炫耀，
向他炫耀只是代表－－
你還是在意他的想法，
你還是對他念念不忘！
他看到這種窘態，
只會深信你從來沒有忘記過他！

我都唔記得左要寫返michelle寫俾我既improvement..哈哈哈哈哈~~以下個4點就係勒~
1.Become more focus and have my life goal
2.Willing to evaluate and think more after each event
3.More open myself and active than before
4.More willing to communicate with other peoples and express my ideas and views

其實我好多野講架~唔知點解我響佢地當中,我就無咩野講,唔知個時係咪仲響呢個探索既階段呢?同佢地唔熟?或者我心中有一個身分既分別,就係我唔係pc,我就唔應該參與咁多呢?定係我怕左michelle,怕我自己講錯野?不過個時我個人雖響佢地個度,但個心就唔知飛左去邊~個人好似混混愕愕咁~好迷惘,可能受左打擊未復原~我記得,當我地成班人行去深水po個時,牛奶問過我一條問題,有無think過點解我入唔到pc,點知....中左我要害,個時我想喊,我先知道呢個打擊都幾大架~哈哈哈哈....依家當然無咩野啦~我都同菁菁講過~依家熟左,真係好好多~之前唔熟,講野都就住就住~入023呀,無野做,都唔太敢坐入去,因自己都唔係佢地既一份子~所以我體會到phyllis既心情~其實我地pc屬會既人都有咁既感覺~我問過esther,佢都係咁講~哈哈哈哈......

我回憶返我響中五repeat到中七,我係去左另一間學校,我個時都好靜,直情係唔起眼,唔多出聲~成日見到佢地玩得好開心,都有d羨慕~但又唔主動join埋佢地個度~但耐左,又會同佢地一齊玩,都放放地~哈哈哈哈~~~不過,我都係打打下,先think返起,原來我都有同佢地玩架喎,不過可能感情唔太深,成日都只係記得d唔開心既野,如好靜呀,學校生活唔多姿多采呀咁~同埋好似無咩回憶咁~think下think下,d回憶先會出返黎~原來個3年都發生左好多事~可能無咩乜邊件特別難忘既事~最難忘既係,我終於都可以同阿成響埋一齊~我之前食過lemon,點知後來見返,係佢追我~個時都真係好surprise同開心~個時同佢未同佢一齊,都唔敢奢望+妄想佢鐘意我~

莫非我有時真係太在意人地點睇我,先成日做咩都就住就住?可能becky係大圍既焦點,我好在意佢點睇我~或者我想有人理下我咁囉~不過我有時都唔太理人地,想做就去做~我buy mcdull d野,好開心架,點知becky話我白癡wor,佢都幾認真架,不過我都唔理佢,咁我真係好like架嘛,有時都think,駛乜理人地點睇jei~好辛苦呀,壓抑自己既感情~咁當然,熟左先會係咁~不過做朋友既,駛唔駛咁呀,support下我都好呀~不過佢都係感情直率jei,我都唔太mind,我可以用另一面去think,咁我自己都會開心d~佢話我白癡個一刻都真係好唔開心~好彩我打左俾phoebe,佢同我一樣都咁happy,所以我就happy返勒~做人都係唔好太計較~

原來我有時都怕得罪人,而唔會express my feeling~好似becky咁,我咪費事同佢嘈囉~一陣又話我惡勒~不過我有時對佢發脾氣,佢都會"tum"返我既~哈哈哈哈~~~~不過,其實我份人好直率架,有咩就講咩,但都會hurt到人而不自知~因我想保住乖乖既形象~哈哈哈哈~~~做咩都真係depend on my mind,諗得灰d,就會唔出聲,唔開心,樂觀d,就會無咩所謂,玩返一餐~~~

哈哈哈~~~唔知自己講咩勒~不過係我內心既想法~其實我都成日自我檢討,因我好怕做錯野,think返一d做得不對,或瘀野,個種不忿,害羞,後悔既感覺又會擁返上黎~哈哈哈~~不過檢討過後,我都唔會太在意,唔會太深究,求求其其,唔認真,就會缺乏組織勒~以上打既野咁亂,都睇到我缺乏organise既能力,有咩就打~哈哈哈哈~~~你地最好唔好睇到頭都暈埋啦~不過我又好似過份理智~好似阿成向我吐苦水,我都無咩安慰佢,只係講下"算啦",有時都會好d既,附和下佢,同佢一齊出氣咁囉,不過好少,反而多數會話佢~好似有個巴士佬過左一個站,搞到阿成要搵返另一架bus,我就問佢,咁你當時又唔睇個車長名及車牌?佢話,邊有心情,時間睇jei~唉....同我吐苦水,就反而話左佢~我都幾難頂~都唔知我想點~我會幫理不幫親~唉......

雖然我成日話我自己好active,但諗諗下,我都係較為內歛~我同阿成d fds出去,初時去佢家,都好少出聲~依家去佢家就好d勒,開始同佢阿媽玩~同檯食飯都唔太怕醜,都肯自己夾food勒~哈哈哈哈~~~

講左咁多野添~我都幾長氣~
係呀~我have左hair cut,同埋配左新glasses in blue color~都難為左阿成陪左我咁耐,佢都好tired,本來係一齊cut,點知佢想去個間初九先啟市~呵呵呵.....剪左個幾鐘,因個女仔都幾忙~個時佢都serve緊另一個人~個頭搞到我好似傻傻地咁,個stylist幫我think架~之前響另一間,都同我剪過類似既style~oh.....唔好笑我呀~

>>January 29, 2004 at 5:15:09 PM GMT+8

2004 年 1 月 26 日 星期一 【乍雨乍晴】

距離》
+++世界上最遙遠的距離　不是生與死
而是我就站在你面前　你卻不知道我愛你
+++世界上最遙遠的距離
不是我就站在你面前　你卻不知道我愛你
而是明明知道彼此相愛　卻不能在一起
+++世界上最遙遠的距離
不是明明知道彼此相愛　卻不能在一起
而是明明無法抵擋這股想念
卻還得故意裝作絲毫沒有把你放在心裡
+++世界上最遙遠的距離
不是明明無法抵擋這股想念
卻還得故意裝作絲毫沒有把你放在心裡
而是用自己冷默的心
對愛你的人　掘了一條無法跨越的溝渠

我既2004年目標:

學業方面
1.每日一篇"Time"既文章
2.星期一至五,每日2小時溫書+做功課;星期六,日,每日4小時~
3.考試前一個月開始準備,result要60-70分或以上....加油~

課外活動
1.今年都係向著帶活動個方面前進
2.每次開會後檢討,學到d咩就寫低
3.盡量投入及給予意見

自我方面
1.謙虛....小心過份自大
2.迫自己唔可以懶....學業方面
3.做咩事之前都要think一下先,即三思而後行
4.唔同角度思考
5.唔好未做之前就怕呢樣個樣,做左先再改,一定唔可以怕犯錯

大家好~好耐無見~我初四,即星期日就唔駛落shop help lu~~真好~但就成日呆呆呆......又懶得溫書~哈哈哈哈~~~真係壞呀~

尋日,原本我約左joanjoan出去lunch~因我地都好耐無見lu~我0900就起左身lu~咁我都好好心咁已經叫佢起身,點知佢都要late.......唉....想死~次次都係咁,之後我打俾becky,原來佢約左lincoln,勇去see peter pan~咁joanjoan都話去see~咁我地先約左去tst既霸王山莊食lunch+tea先~我地叫左好多野食,食埋dinner咁滯~因lincoln得罪左becky仔,so....lincoln無得出黎~但我地都去左沙田see film,好多人呀,點知peter pan無位+無中文版~so我地睇中文版既<熊之歷險>,幾好睇,唔太白癡,有d位好感人,後面個度就好好笑,開始個時都無咩野~個主角把聲之後先知係方力申's voice,個2隻鹿,一早就知係張達明,但後尾先認得另外一隻係鄭中基~許志安都聽唔出~哈哈哈哈~~~~becky好似個d children咁,響度大笑,又大聲wor~成個child咁,想死~我地睇完都響度講d笑位~之後大家都都好tired,so就散band lu~joanjoan話都未試過咁早back home~~~哈哈哈哈~~~

我又好早sleep左lu~~~

d目標一年一年,一樣一樣慢慢來,唔可以急,怕學唔成又再黎過~呢d目標都係基於上年既錯誤(自我+學業)及未完成(活動方面,剛剛開始不久)而定,希望我可以遵守~做多左,固然好啦~但有時我響度think,三思而後行,有時都係我既障礙,造成我既諗法,即時會think唔到,之後先think到~有時點解我會內儉,唔出聲,都因為我兒時只係寄居於契媽度,有好多野唔會出聲,唔會反駁~~唔知係咪咁解呢...怕事~~~不過我做人都好似無咩要求,對人地~其實我對自己有過高要求,有時做唔到,我就好易放棄~例如,考試前一定要溫晒d書,一溫唔晒,我就求求其其,答既野都會只係得一部份information~好似tip題溫,出左無溫既,我真係訓左係度~我就totally放棄,同埋覺我個科一定唔掂~我每樣野都好想做得完美d.....so..我think呢樣野都要改~如果定左覺得太低,咪到時再定高d囉~無人help到我,自己累積經驗去set goals啦~唔好未做之前就怕呢樣個樣,做左先再改,唔好怕犯錯~

michelle問我~響pc度學左咩,睇到d咩~我好少同佢地合作,我既partner多數係yuji,esther~~~不過較多接觸菁菁,alex,大ryan~我睇到佢地好努力咁幫michelle做野,好似alex做宣傳咁,我唔知佢背後被人話左幾多次,但俾到我睇既係,佢都得好全面,好努力,好多野都prepare好晒,先叫我地幫手~咁當然,仍有不足既地方,但我知道佢可以改到既~菁菁,你要佢做既野,一定做到俾你,辦事能力高,同埋我覺得佢講野,野野都中point,無廢話~當然我都見到都有唔好既....但我自己都會引以為戒,同埋我會同返菁菁講,唔知咁樣做對不對,但我覺得佢地同輩+同工,菁菁會響適當既時候提醒佢地既,佢並唔係好似有d既八婆咁,好似是非咁講~~同michelle講就唔多好,因俾我既feeling係篤背脊咁~我個時響summer job就領教過~同埋我見到班pc好主動咁表達意見,有咩就講,唔會收收埋埋~同埋既就係,佢地響唔同既場合,做返佢地應該做既角色去配合~仲有,佢地好可愛~下次有咩都係主動同返當事人講,咁會係最好~~就算唔係小人,當事人都會唔開心,summer job個時,個個人都唔係小人,只係個個幫我問下問下,我個supervisor唔忿氣..就搞到咁~菁菁話可以直接同佢地講......coz they're learning and we are learning together

哈哈哈~~~平時有d咩都要咁做,檢討下自己

>>January 27, 2004 at 5:36:59 PM GMT+8

2004 年 1 月 22 日 星期四 【乍雨乍晴】

《失去》
最淒涼最弄人的不是你知道，
失去所愛的那一刻，
而是你還在徘徊，
猶未知道已經失去！

Happy Birthday to Becky~you are 21 now, what's your wishes?I hope you can find your road and goal~Everything is hard but try to do,you will get sth unpredictable~I love you~~~HoHoHoHo

咦,becky生日,我記得我剛剛開呢個日記既初期,我都寫關於becky既生日架喎~咁即係代表我呢個日記都有一年勒~~~一歲lu.....wow....yeah~我開始寫日記既時間係2003年1月23日~咁即係becky一生日,我呢本日記就大一歲lu~

尋日響12點前都好忙,忙到連飲水既時間都無~之後就好靜~通常都係咁架勒~呢2日都應該會係咁~但年初三就難講d,因d人都拜完年架勒~周圍wet~

我同細妹就周圍去拜年勒~哈哈哈哈~要逗既利是都差唔多逗晒lu~哈哈哈哈哈~~~~我地仲俾老豆話,因我地無同佢拜年,佢就走過黎俾利是勒~同人拜年都真係幾唔習慣~

我今朝4點幾sleep,下午1點多就起左身lu~~~好lu~~seeya~~~

>>January 23, 2004 at 7:04:31 AM GMT+8

2004 年 1 月 21 日 星期三 【乍雨乍晴】

《理由》
逃避不一定躲的過，
面對不一定最難過，
孤單不一定不快樂，
得到不一定能長久，
失去不一定不再擁有。
你可能因為某個理由而傷心難過，
但你卻能找個理由讓自己快樂。

尋日落左去shop help~都唔係好多人....我就2點幾走左,因我唔想太late走,而引致我太晏起身~不過今日都賴床,1點多先起身~~~哈哈哈哈~~~

我一陣會去溫書勒~因我feel到考試既壓力lu~雖然只係3科,但都唔少野架~我仲有A-Level個d呢~加油呀~雖然我都好like ive既生活,但如果早d踏入我上study既大學學位,咁唔係仲好咩?有人同我講,大學成日勾心鬥角.....唉..出到黎呢個社會...都會係咁~我都要醒醒定定~唔好太易信人~

尋晚突然之間個腦海有一閃而過既概念,就係將growth camp做帶領games所學到既野都mark返低~我已經寫低晒做mc既所需要做既野lu~~~雖然有人讚,但呢d都係大ryan,alex,michelle提點我地既,因佢地都會講返我地邊度做得好~呢d我都寫低晒lu~其他有咩唔好既,我都寫低埋~哈哈哈哈~~~yeah~~~因我覺我呢個都係保貴既一課~

+++仲有趣事呀,就係當佢地唔知講開咩,就講起megaman曼佳美有安全套既燈既廣告~之後我就話"乜你都有睇我男朋友既廣告呀?"之後alex就話"save啦,阿ling"大佛就教佢勒"依家唔係用save,save已out勒,係用cover,即cover your skin"alex就跟住講"cover your skin啦,阿ling"都唔知佢地個d咩英文黎架~~~哈哈哈哈~~~+++(突然記得,就加返上黎)

>>January 23, 2004 at 6:57:16 AM GMT+8

2004 年 1 月 19 日 星期一 【雨】

今日12點幾,班主任miss wong打俾我,問返關於學費既野~就咁俾佢嘈醒,因1月2日先開始收錢,但我老豆12月31日就入左lu,佢地無我record,咪打俾我問返d details,再去check囉~

煮左個忌廉湯通粉...好多,好飽~~睇埋大逃殺,有d悶~

之後1715就出左去勒,因約左小成成1730~點知,佢因工late~我話佢做咩唔打黎話俾我知佢late~因佢成日都無咩交帶,最後我都等左佢1個hr~~~路上,佢仲將佢既不滿發洩響我身上,佢自己講既~仲響度INCH我讀錯字~微微雨,我打開傘,怕整濕佢件羽絨,佢話"借得俾我,預左俾我整污穢"咩意思呀,咪唔好借俾我囉~我覺得咁樣好唔尊重我,同埋間接話緊我唔小心囉~好唔開心囉~之後我就發脾四勒~問佢,做research個度忙,有等既時間,代表有時間通知我佢要遲啦~但佢無咁做到~佢自己都知咩事,我用嚴厲既語氣同佢講,佢都笑啦~代表佢真係無做到囉~佢個fd-阿豪都話佢"你都得架勒,阿成"......要我等,黎到又唔道歉,仲inch我~我知佢做野受氣,但一定要發洩響一個都嬲緊既人身上咩?不過我都知,當佢受氣,我唔應該加重佢既負擔~所以我成日都話我倆都好唔成熟~大家鬥argue~今次好d勒,佢都追返我,無走到,唔理我~大家一路都talk~之後無事lu~

我地行左一陣,食左一陣,就走lu,因佢聽日要返ocean park lu~好野,終於有野做~平時成日口氣大...依家終於接受ocean park啦~個時話人工低,話mk,shum shui po大把電話sales見,點知次次second in之後又無回音~唉......又唔聽我講~

昇話christy話我太易"tum"勒~佢激嬲我,講兩講,就無事架勒~~~哈哈哈哈~~~如講"好啦,我原諒你啦"(其實佢有錯),"大家都有錯,好啦,俾你原諒我啦","俾個機會你原諒我啦".....等,我就會忍唔住笑~佢呢個小男人.....唉...有時佢咁樣,我都好痛同好灰,好無奈~

>>January 20, 2004 at 5:51:53 PM GMT+8

2004 年 1 月 18 日 星期日 【雷雨】

HELLO~好凍呀~~~~今日sch仲要無咩人~~仲顯得冷清清....仲凍添呀~~~

今日其實係返去陪阿菁菁做account,佢有咩唔識就教佢~phyllis就唔識disposal~因phyllis無食野,我就即刻炒一個西炒飯俾佢lunch勒~於是,我地就hei到3:00先過去,但得個幾隻人仔,我地就過返去023~我同phyllis去完toilet,我就叫左phyllis陪我去恆生入錢找card數~其間,菁菁同michelle又出左去買野,同food~

咁我地就無阻住佢地拍拖,我地入返023先~咁我地開始做exercises勒.....菁菁食完野都係無做任何野架~之後佢就同左alex去練下稿勒~~~咁大佛+牛奶就考完試落黎~michelle就prepare左好多野食俾佢地~其間michelle就好明確咁講左ge既問題~~因佢地無凝聚力,function遲到,搞活動又學唔到d咩咁~於是就係佢地開會,睇下大家有無心搞好佢,如果無心,咁就無計啦~同埋去搞活動,咩都學唔到,搞黎都無用,同埋每樣野都應該有一定既要求~大佛特登約早d去就班committee,members,係唔通架~點可以做野調轉架~d members見committee都係咁,佢地咪有鬆散囉~一個function學唔到野,係唔會有人再參加架,要worth to do先會吸引到d人~~~咁michelle都講得幾激動下,因為佢覺得ge搞成咁,好唔開心,同埋佢really好投入響學生既成長過程及經驗~

之後我地做埋我地既account,就開始玩勒~~~哈哈哈~~~個phyllis都唔知係咪心不在焉~找死呀.....

死人alex用cousion好大力咁掉過黎,好痛呀,掉完都暈暈地~死仔,一玩就唔留力~我又請佢食凍柑.又"芝"佢~哈哈哈~~~~carmen就幫手踩住佢隻腳,等佢唔郁得,我同phyllis就夾攻佢~哈哈哈~~~無人肯幫佢,菁菁佢地就扮晒唔到~當我同佢打去出面,咁o岩阿東就返左黎,順便救埋我~~~哈哈哈哈~~~我地報埋2月2日+2月7日既野外定向course及1月31日既行山+bbq~oh...phyllis話要上course~點知,原來係牛奶教既...有D驚添......唔知會唔會無人join...cancell呢~~因暫時得2個人~不詳預感......

仲有呀,因有一個傻傻地既人衝左入ida上緊堂既班房~ida就落黎話俾我地知勒~johnny,大佛就好八咁走上去睇~哈哈哈哈~~~之後就call左人黎,車(ambullance)左佢走~michelle又要搞埋呢個人~跟住,牛奶同大佛就講開first aid既exam~咁佢地救人既基本條件係現場環境安全,咁佢地就think,考試個時,同個考官講話環境唔安全,走先勒,阿sir~咁就唔駛考勒~~~之後牛奶就解說兼做埋動作,見到個傷者,之後"啊"左一聲,再走開(佢坐緊張有轆既chair,就滑向後)~我地即刻不約而同咁大笑,因佢個一聲"啊",聲調係尖而高,又唔走音喎,再配合埋佢滑向後,簡直一絕呀~(本來我都唔記得,phyllis提我既)

佢地要rehearsal,咁我地就走lu,我仲叫phyllis陪多我一陣,因winnie佢地約左我1900響mk mtr~行到葵涌廣場,先記得我要搵phoebe拎返我d野,phoebe返到去又唔打俾我喎~於是我地就響新都會既mrs. field等佢勒~等下等下,都差不多夠鐘lu~我地一齊take mtr~我又陪佢去到油麻地,再搭返轉頭,因個時都未夠鐘~我去到,好多人,都要等佢地~途中,我見到pc屬會既winnie,又即係同我一齊organise x'mas party既winnie勒~

因我地食2130,但就約1900......我地響mk都兜左1,2個圈,之後又去左take 貼紙相~之後又去左冒險樂園,去到又等左一陣,就入得lu~好肚餓呀~今日有blue,connie,winnie,我,康,sam,paul,alan~我同blue初時只係坐架~因我地隔離個table d人唔好惹,費事撞到佢地啦~~~哈哈哈哈~~食既途中,我地分貼紙相.....阿康同connie起勢咁炒野,金菇呀,公仔麵呀,牛肉呀.....成日去拎野食呀connie,俾人串佢食埋聽日個餐,同埋由尋日開始唔食野,等今餐~哈哈哈哈~~~~

咁有粒丸煲左好耐,脹晒,於是alan提議搓"包剪搥"去食~幾緊張呀,我同阿paul搓,玩3盤2勝,2:1,我贏左~哈哈哈~~~好彩,阿sam仲take video呀~~~死仔~~~哈哈哈哈~~~

我地食到11點幾走lu~~我就行返去~~~winnie仲問"你行路快唔快呀",我都愕左然~原來佢係問"返屋企快唔快呀",哈哈哈哈~~~~想死~咁我量度完,就話返俾你聽啦"winnie po",係xx km/hr勒~哈哈哈哈~~~~

好啦~~~我要evaluation,及set好goal之後,打返一篇日記出黎俾大家睇~因michelle都問我響pc學到d咩~俾d time我~同埋michelle話我有improvement~later再講............

>>January 20, 2004 at 5:27:43 PM GMT+8

2004 年 1 月 17 日 星期六 【雷雨】

《決心》
人的一生有許多難以取捨，
困惑不已的鎖事所糾纏著，
這時所需的就是斷然的捨棄與明智的抉擇。
唯一會限制我們的，是我們自己的決心。

今日悶死朕勒~又凍,又雨,又無野搞,又唔想溫書~唉...........

唔記得同大家講,我yesterday同菁菁,phyllis去街個時,見到阿石~好耐無見佢lu.......佢係我中學同學-duck's fd's fd~~~~哈哈哈~~死得,唔記得duck's fd既名添......呀...好似叫肥仔~he....

唉...michelle今日成3點幾先起身,豬黎架~菁菁都同我不約而同咁用呢個形容詞話michelle架~我雖然夜訓(0400),但都12點幾就起左身lu~

講返我d姑姐,姑媽先啦~~~佢地.....真係傳統既中國人,成日就我地,成日怕阻住我地,實在過份既客氣~有時都好難頂,反而二姑姐會好d,因佢上次都黎過,了解我地既生活模式~~~有一日,我地有蟹食,咁佢地就話唔識食啦,咁就叫我地食先~咁我老豆返左黎,問佢地有無食,姑媽就好細聲咁同老豆講,(但唔知點解我都聽到囉),"見你d女咁like食,咁我地咪唔食住囉,等佢地食完我地先食",唉.....一陣搞到老豆唔高興就唔好啦,咁樣講,搞到我地好似唔俾佢地食咁~唉......仲有呀....咁我地屋企唔夠chairs,咁我咪sit d矮chair仔囉,佢地又怕我睇唔到電視,佢地又要坐開d,又將較高既野搬開,但其實所有野都阻唔到我既視線~唉....傻架佢地~~~中國人,真係有好多野唔好咁古老先得~算啦,佢地既動機都係好既,怕阻勞煩到我地~

聽日會阿菁菁,phyllis佢地返去溫account~~~~哈哈哈哈~~~其實我都唔駛點溫既~之後connie佢地就約左我去韓燒~呵呵呵.......

lunar new year又去shop help勒~~~~不過有錢,無咩所謂啦~yeah........

無野寫....又去hei下先~~~bye

+++特別加插+++

oh...原來michelle都睇我日記,哈哈哈哈~~~好彩我都無咩點話佢jei~~~

好啦~phyllis,我要講俾你聽個樣野就係,michelle並唔mind你入去坐架~如果佢忙,佢都唔知你入左去坐添呀~千祈唔好俾michelle個樣嚇到呀,有時佢唔笑,又唔代表佢心情唔好,錯覺黎架咋~唔通佢成日笑咩,一陣個口變大左就唔好啦,同埋都無咩可能有人24小時都笑~呵呵呵~~~~放心啦,phyllis,你安心d啦依家~呢段野,係我同michelle icq緊個時講既~~~呵呵呵.....

不過有好多野,都係俾我濃縮左,不過都係大概+我d意見~呵呵呵~~~~

>>January 18, 2004 at 2:36:43 PM GMT+8

2004 年 1 月 16 日 星期五 【陰】

唔記得同大家講返,我地打volleyball個時,johnny同大佛分別都有食波餅架~johnny食,係因為我"撻Q",我想俾佢打...但打到佢....哈哈哈....因佢企響我隔離~而大佛就係因為懶醒勒,佢想接住阿明既波,點知.....甩手,滑左落佢個度.....哈哈哈~抵死~

今日因菁菁要補返一日ge lesson,so佢要去做義工,而我又走去陪下佢勒~我地無去到rehearsal,所以我地唔知會玩咩咁啦,,,.....雖然今次都唔係咁好,但都比上次好架勒.....起碼rehearsal左3次,有revaluation,希望佢地吸取教訓,繼續努力~phyllis做mc,都做得唔錯,都有問下d小朋友既問題,講野都唔死板,都睇得出佢地有準備既,不過因為個度空擴,so d聲好散,mc都唔駛3條友既~我就初時唔知點做啦,之後就投入左好多lu......有個細路成日跑黎跑去,,...想死~不過最緊要d細路開心,佢地最關心輸+贏問題同埋禮物架~咁我自己都領悟到唔少野.....點樣同d細路相處呀,一定要人丁人...help d工作人員draw返attention,control返個場面~同埋一定要site visit,同埋要預計困難囉~食野又無紙巾~d小朋友好易整污穢~對d小朋友,指令唔可以太深,清楚,清晰好重要~

之後我地3隻人就死左去mk行街,波鞋街好多人,mk好多人,想死~於是去左瓊華,trendy zone,2%行完,幫菁菁choose左2件ladies d既衫,俾佢過年,因佢老豆會嘈佢~而下身......就choose唔到,因佢都唔著裙既..唉....隻腳唔靚,裙可以搭救~不過佢d衫,wear褲都ok~菁菁話同我地2個行街好喎,因我地當佢拿不定主意時,加強佢既信心,同埋都會幫佢check衫~佢只係try,都唔駛點做~哈哈哈哈~~~不過呢d工作,我都慣lu~becky個d唔駛我操心既,只會隨便俾下意見~哈哈~~~我同菁菁既taste都幾類同,我地一齊睇中左支hello kitty筆,因我唔見左嘛,我think住buy俾佢,佢又唔肯,好老土架,好似d師奶搶住俾錢咁~佢俾我,我又唔要喎~哈哈哈~仲搞埋phyllis,定佢搞掂~最尾去食米線個時,咪俾菁菁俾囉~我d fds就唔會咁勒....你俾呀,是但啦~因我地都會buy下野俾對方~大家都無咩所謂~我地行完就去左phyllis介紹既一間米線,都幾好食,不過就略嫌細左d,又多人喎~d味精都唔少......哈哈哈~~因食完好口乾~

仲有呀,唔記得同大家,菁菁好like去d精品店,咁我地入左去其中一間,見到有一隻睡BB donald duck,仲半合眼咁,我一見到就覺得好似菁菁上堂打瞌睡既樣勒~可惜要$215,否則買左俾michelle放響023.....菁菁死都唔要架~因為會笑足佢3年~哈哈哈哈~~~~仲有呀,我地響mk見到同一個人拎住隻汽球狗+豬周圍走~嚇親好多人架~我地都被嚇,佢響度做緊promote啦應該~之後我響維園個年宵都見到個d汽球~

咁大家都走勒,我就去join阿成行causeway bay個個年宵,今年就無咩特別野勒,但我見到有d人既頭上有隻皇冠,好想要,即刻buy,搵左好耐架勒~不過要$20....哈哈哈哈~~~~佢又肚餓bor,因我想戴左先,出左個年宵都無咩人架啦,同埋佢地會用好奇怪既眼光~so..我戴左一陣又放返低lu...好無癮呀~之後陪完佢食野就走左lu~不過我倆既關係..好似變左d咁,淡左~都係時候再talk下勒~我地話咁快就2年半lu.....

>>January 18, 2004 at 6:09:49 AM GMT+8

2004 年 1 月 15 日 星期四 【暴雨】

首先,我唔記得左多謝阿邦,雖然我唔知佢係邊個,但佢幫我解答左點解我個diary係藍色~因為我有一個字打到好似command咁~咁耐都唔記得左多謝佢,因佢要好仔細睇我d diary先搵到個reason架~hehe

今日,係返黎上account架~但響之前,我唔知點解打左俾菁菁,知佢同phyllis食緊野,我吃醋勒~於是我又死出去join埋佢地~不過我無食,因我無胃口~之前又響度忙於choose cds for營前會~因如唔係esther提我,我都無左件事,咁就大獲~

之後菁菁提議去park'n shop,佢就buy左我話好食既TIM TAM biscuit~佢又話要去023,咁我地咪去囉~我同phyllis見入面咁多人,就響出面坐~同阿大佛一齊talk下,睇下d pcs練下稿咁~因佢地要去踩班~佢地要well-prepared架~坐坐下,我同phyllis就死左去借volleyball...叫左johnny一齊打,之後阿明都有加入....大佛又打埋一份,不過佢都唔知點打架,搗亂多d~不過隻手好痛....但phyllis搞咩呢...好嚴重呀佢,瘀左一大片..我只係爆左微絲血管,同埋成日痺痺地....本來想陪菁菁打badminton,但個個蔡sir突然殺出,因地滑,唔俾打喎,我地頭先打左咁耐都無事啦~......chiu~咁我地3隻野就頹頹地咁返過去囉~但我地都無做過野...係咁響度talk下咁囉~之後我地又死返過去023~~~sarah話:你今日又唔走得呀?.....因我要rehearsal嘛~我又實行左我既諾言,去調戲下sam,因佢have左呢個hair cut~~~都無咩野呀,不過佢自己好似嫌太短咁,見到佢既頭皮~不過都keep住咁cute既~~~呵呵呵呵

過到023,大家又響度hei下,esther之後過左黎同我對稿,咁我就走左勒...之後phyllis無幾耐又走左勒~佢同alex+mandy一齊走架~唔記得話俾大家知,大佛係話alex係alice架~哈哈哈哈~~~明明係女仔名黎架嘛~alex又應我喎~算啦...以後我會叫alice架勒~呵~咁esther因未寫d稿響張紙度,咁佢就一邊寫,我地就一邊揀歌勒~揀完我就拎去俾大ryan聽下~佢話ok就得啦~想俾佢,點知佢話俾細ryan喎~當我等到細ryan個時,佢又就咁遞俾ryan,我就好無奈勒,但細ryan話呢d係程序黎架~果然好符合management既burecracy~哈哈哈哈~~~我同esther對左幾次,ok...咁就上去勒~仲有呀,當我幫esther響度搞d稿個時,剪剪貼貼,牛奶成日響度阻住我地,煩到死,點知佢又上去睇我地rehearsal,佢嚇我地,話我地會見到佢黑面既樣喎~車....

好驚呀....我地既稿都會有抑揚頓挫,都怕被人地笑....因為有時d人會覺得好怪~我地排左人肉結先啦,因佢地未prepare好部cd機~原來....咁多人玩人肉結,解唔開呀......我地之前響教會又點解開既呢?好似有方法架~不過個時唔係我諗去解既~so可能佢地會分返開6組~而demo個度會搵多d人,emily,細ryan就唔會入架勒~因為咁樣就解釋得唔清楚......不過安全係一個好大既問題,好易扭傷手腕~

到我地勒..好緊張,咁當然,我地都好順利啦~個氣氛都好好添,雖然個請朋友既玩法,大家有d誤解,係應該企起身請,而唔係就咁叫名,咁就會好無禮貌,同埋咁大個圈個時,都好難叫到,而多d身體接觸大家都可能會熟d,而michelle亦提議左我地唔同既條件響唔同既round去玩~雖然之前我地認為大家要熟識下大家既名先~算啦,其實最主要都係識d pc~ok...咁我地改勒...不過個時我就好迷惘,究竟響邊度開始先呢,之後大家都係玩架勒....唔駛我地再講~佢地都好搞笑,玩玩下,佢地真係有d會感到好愕然,因隔離突然有人走左~有一part,ida同angel間(定係唔知emily),其實佢地係相隔左幾個人,咁o岩,佢地之間既2個人走左去請朋友,佢地首先感到好愕然,之後就想起身請朋友,但大家要知道,佢地中間並唔係隔住一個空位,而係幾個~oh...救命....大家就係咁笑佢地勒~ida仲話"呢個其實係錯誤示範,我都係想俾大家知道jei"哈哈哈哈~~~兜唔到架勒~

咁我地就開始試下2個空位,但玩玩下就變左一個,咁我地到時就要醒d,臨時再變返多一個出黎~我地就懲罰johnny+sandy,因佢地響音樂停左係坐唔返埋位,咁佢地就要講13位pc既名,但佢地今次就破例要求johnny講全名,哈哈哈~~~~佢really唔記得~~~michelle個名都唔記得呀....佢地就話連阿媽姓咩都唔知,佢地俾左tips,就係美麗,賢嫻.可惜,響2分之1既機會都錯左,佢講左"梁麗賢",但正確既係"梁美嫻".好勒,情況失控,大ryan就話"呢個時候就要做d野勒",於是再遞左支咪俾我地,於是我地就叫佢地靜d,control後~咁我地就去下個games--海陸空.

我地就請左細ryan,菁菁,alex示範~佢地就跳左過去,咁我地就糾正佢地啦,我同esther仲扮蟹咁碎步向右移動....哈哈哈,好搞笑~我地就叫左alex扮輸~當alex突登輸,細ryan係好愕然+好大聲咁話佢蠢...其他人都響度笑架~於是esther就澄清勒~佢地又係勁搞笑架,開始個時我都唔記得左以alex為準添...好彩大ryan提我~佢地好多人都輸左呀....哈哈哈哈~~~~好慢呀佢地真係......阿欣臨尾聽到"hallo"竟想郁喎~哈哈哈~~我地大家都唔知發生咩事架....我仲"R:爆頭...點解會咁架~唔知點解,我成日見到牛奶好準確咁玩到架+響度奸笑~無輸既人得好少,佢地就話係咪罰輸既人架~佢地就想勒~

好勒~~~搞掂勒,我地都被佢地搞到relax晒~哈哈哈~~~overall,被佢地讚~好開心~我地搞到氣氛,好合拍,指示明確,有層次感(條件1,2,3->規則1,2,3,4),有清晰既demo~~~ida仲響revaluation既時間,指明讚我地添~真係好開心~hehehe.....但初時我地會think,係咪因我地唔係pc先對我地寬鬆d呢,因我地又無背稿,d氣氛其實都好靠佢地,又可能響講pc名既時候,無左johnny個part,都可能會好悶咁~而有層感,其實我地都係照michelle俾我地個份表而去分既~我地都無做f咩咁~不過原來唔係,michelle佢地並無分pc/非pc,當有人幫佢做野,佢都會有要求同埋standard,而我地今次都符合左,so佢地先會讚我地~咁就好勒,雖然並未係最好~我同esther都會努力架~其實我地咁生動既演繹,esther佔好大功勞,因佢都提出左好多,不過有好多因無聊就俾我cut左lu~不過我地講個時都成日響度笑,個故事實在太搞笑勒~同埋esther平時講野既語調都無我咁悶既~牛奶都走左過黎讚我地~yeah~~~我地會吸取經驗再做得好d~唔會退步既`esther比我更主動~good~~~

我地break緊個時,michelle"捱"左響我度,我以為係菁菁,so無理佢呀,點知佢話"你都唔睇下係咩人黎既",之我先知係michelle,佢話佢同菁菁都唔同...哈哈哈~~~之後好無奈咁就行開左勒~佢地之後仲有野要talk,咁我地唔係pc既就走先lu~本來我可以同cecilia一齊走架,因佢由mk搬左去佐敦渡船閣呀~本來菁菁想同我一齊dinner架......可惜.....佢又費事我自己一個人響度等啦~不過我都back左home cook noodles~佢就話我無益勒~因我成日都無咩食過野,個包tim tam都係佢buy俾我既,但太甜,唔想食~原來我係有少少過份緊張,搞到我都無咩胃口~

>>January 17, 2004 at 8:11:53 PM GMT+8

2004 年 1 月 14 日 星期三 【晴】

今日只係返account堂,聽日都係~

我都唔記得講返我地班女仔約左一齊響上堂前食puzza hut~今次好齊人,but都差菁菁一個,無計啦,佢要看守歷奇個counter~我因為被人嘈醒,早左30min起身,我見無野做,咪wake up之後著衫出街囉,但都預早左出門口,但如果開部腦上網又無咩時間咁喎,so就出左去,我早左成30min到呀~~無陰公~咁我就周圍同人talk下phone,順個便睇下佢地到咪囉~悶死我地......哈哈哈哈~~~~我地突登坐中間,d野通常都響中間上架嘛....點知唔係wor..去晒左右2邊~shit~我地個個千島海鮮等左好耐呀,so個waitress幫我地分埋~因我唔食超級至尊架嘛.....d青椒咁多~咦......唔like~大家都係閒聊下就去左上堂lu~

點知...上management個時,佢話tuesday唔駛test喎,早響呀....我地本來想上完cit堂食架,因要返去交功課,好彩,ellen ng幫我地搞掂左,唔駛上cit lesson,只要響1530前交功課就得勒~呵呵呵呵.......我地響puzza hut仲突登唔送present俾gigi住架,之後我地上堂又唔送.....激死佢....我地等到tuesday考完oral,上完英文就送勒~唔知佢既心情又係點呢,surprise嘛?定係真係預左我地唔搞呢~~~呵呵呵~~~~本來我地2月7日去長洲玩,而我地有個kit同學響個度住架嘛~但因我同iris響friday,2月6日,睇千嬅concert,又費事第二日咁早就出去啦,而我同phyllis響2月7日應會上歷奇堂~vicky又要返工唔得wor~~~呵呵呵~~thus,我地就延宕1 week~yeah.......情人節....我同小成成又唔重視節日既,我又問左佢,so無咩所謂,可能叫埋佢出,而vicky又唔會響2月14日celebrate,因佢同何生響2月16日係周年紀念嘛..咁當然係個日慶祝埋啦,而winnie既男友響個日又要返工,so都可以同我地一齊玩半日~我地個日都未plan做咩~應會行一陣山~之後....未think~~~等我plan下先啦~

今日菁菁本來唔想上account,但我當然叫佢上啦,佢又唔識~不過佢又講得對,上完都唔明,上黎都無謂,但我想force佢面對個account~佢唔面對,就會懶落去~今日我地做bank reconciliation,我對呢方面就唔係太熟...之後做做下,miss過黎教我,點知菁菁答到佢問題~miss讚佢喎~開心到佢呀......仲黐埋黎我手臂度扮嬌嗲,懶可愛咁,之後就扮晒野,停晒手,咩都唔做喎~你睇下d人,咁都得既~不過都幾叻女架,咁少可~佢今日又有一單瘀野,就係將"鮮蝦甘粟餃",讀成"鮮蝦甘栗餃",仲要好大聲咁話食栗子...哈哈哈哈~~~之後去到023,菁菁想食栗子,大佛就inch佢,唔該一包粟子~哈哈哈哈~~~之後佢就話我成日周圍講勒,咁好笑既野,當然一齊分享~~~係咪先~好衰呀...菁菁,phoebe,vicky話我抽提子成"pat"野咁,johnny,秋,phyllis,emily,大佛都話似架~~~牛奶話係變左形既矮瓜...?.?~~~phyllis,我真係好可憐~(回應她的日記~)

今日我要同esther對稿,so我留低左,順便幫左michelle做左d野~~~傻婆phyllis,michelle唔mind既,唔好諗咁多啦~入面多人/佢忙個時咪唔好入去囉~係咪????之後佢地去左hot pot,carmen問我去唔去食飯,牛奶叫我去,我無錢,so無去呀....點知$65/each,抵,又任飲wor~~oh..蝕左....死人大佛仲要懶巴閉咁話行3min到~超......巴閉~牛奶呀,佢病wor,但好late先wear口罩囉..都無用啦,傳播晒啦都~之後佢除左口罩,想傳d病毒俾我呀...好陰毒呀~~~仲有呀,因我掛左我隻蕉+提子響minnie度,死人牛奶叫人地買多d野俾我,等我掛晒響minnie度,等我條頸overload~超.......

今日拎左first aid既書同要用既野lu~2月21日開始上堂~

聽日growth camp要rehearsal~

呢幾日我2個姑姐,姑媽落左黎玩~佢地好搞笑架~tell yours later~

>>January 15, 2004 at 6:09:41 PM GMT+8