2004 年 12 月 4 日 星期六 【乍雨乍晴】

<續>白頭到老既秘訣...........愛妻絕招 (鳴謝愛妻廣告)
結婚20周年紀念日當日，黃鴻麟特地在報章刊登了一篇充滿愛意的鳴謝啟示，感激太太20年來對他的照顧。之後捧著鮮花與報章，親身送到太太的辦公室。

＊致電訴衷情
黃校長格言：「永遠不在學校做個好丈夫，也從不在家做個好校長。」
工作時，他從不致電給太太，但某天開會開到晚上9時，他破例致電回家，說：「會議仍未結束，但此刻我極度掛念你。」電話另一端即時傳來朗朗笑聲。

飯煲裡的生日卡
某年太太生日，校長假裝忘記了，但當太太打開電飯煲準備煮飯時，卻找到一張生日卡；之後進浴室，又找到一束鮮花；睡覺前更在睡衣內找到生日禮物。

今日俾cyrena既電話吵醒~因為我地今日要去唐氏幫edmund最後一次既關社先鋒~個活動2點先開始,cyrena唔知做咩同edmund講around一點到~傻既,咁早去到又無咩野做~但我倆都約左12:45~不過2個都late...哈哈哈~~我地去到就填左張form,因為我地12月25-27日會同深資童軍入wild camp~而我地都應承做童軍既義工,叫童軍領袖~今日我地都有去睇佢地選舉,因佢地要選出新一屆committee~都幾得意架~佢地既職位都無咩變~俊禮同埋kitty都係深資架~而betty,兆偉,tony同埋國健都認得我地呀~~哈哈哈~~國健同我地講byebye呀........hehehhe~~~佢都幾靚仔架~cyrena話佢成日都望住我bor~可惜..可惜~~

今日edmund都介紹左我地俾d家長識~哈哈哈~~都有d緊張~hehee~~今日dennis傻左,係咁踩我地~今日亦都叫左christine罰抄...幫我地簽義工簿~我地later會去買制服~我地都會幫christine宣傳一下佢既童軍既~如果我倆得閒都會幫佢~近排cyrena個腦唔知去左邊~佢亦都傻傻地~佢做食餅既動作好搞笑~因我地諗住去食野,咁cyrena就話去麥記食個個薄餅,佢既動作係"快速露牙咬餅法"笑到我呀,原來佢食餅係咁食既~佢話佢都唔知做咩會做個咁既動作~

日日都係咁follow up返佢地,希望我走左個幾日無事啦下~無手信~因為我都無錢呀sorry~~

星期六做完services就走左去返工~cyrena同cassie都做得好好,因為佢地都做左10份~cassie仲話好驚架~今日太多人,都好難去問~visitors又成日一大班一大班咁,雖然多人,但都唔易做~而iris最後都做返incident check~因為佢做長問卷真係唔掂~其實只要你肯去問就一定做到~不過因為iris既英文唔太掂~所以有時都唔知點同佢地溝通,所以咪難做囉~今日見到wendy佢地~我地依家既衣著都唔太跟lu~有黑色褲就ok啦~yeah~因consumer search有風褸~

phyllis因為見到尼茵不由自主咁情緒失控,覺得好慘,覺得唔公平,點解尼茵會咁,而喊左~有好多野,我地都唔可以控制,可以做既就係珍惜自己現有既活下去~因為我地都幫唔到佢地d咩~傻婆~盡力而為啦~我諗大家都好開心勒~話咁快就過左2個月既時間~唔知大家既心路歷程有無咩野變左呢~大家響佢地身上又學左d咩呢?除左咁,大家見到我地搞呢個program上,又學到d咩呢~

我好似記得星期六係有好多個電話嘈醒左我~哈哈哈~~SPA,PC,UA,KCA一齊去左打邊爐.......好開心~但MAGIC ANT就無去~唔知我地幾時有機會俾大家接觸一下呢~無計啦~要返工~

星期五,學校open day~無野要幫手~所以死左響屋企,訓到下午一點~之後睇返我無睇既彊屍,本想做中法law~太難,邊看電視,邊做....後放棄~今日悠手好閒~

幾時有機會同MICHELLE傾下計呢~

>>December 5, 2004 at 4:14:57 PM GMT+8

2004 年 12 月 1 日 星期三 【微冷】

<續>白頭到老既秘訣...........啟示 4：維繫婚姻有如保養玻璃窗
不過，並非所有事都有最後答案。
記得新婚初期，他曾對太太說：「有無搞錯！用完廁所又不把廁所板打開！」
對方的反應是：「搞錯！用完廁所又不把廁所板放下！」最後小倆口後取得共識，就是廁所板可開可闔。

「很多問題不在乎結果，只在乎有當時人怎麼看。事實是沒有改變，但了解後便不存在問題了。」

愛一個人，他認為最終可為對方犧牲。如太太習慣筷子橫放，他習慣直放，遷就一下亦無妨。
不過，如果只有容忍、沒有體諒，婚姻一樣可能會破裂。

「我覺得婚姻問題就好似玻璃窗的灰塵，假如任其累積，清理便艱難；假如任其深化，就如裂痕出現，玻璃窗最終只會破裂。」

今日,哈哈哈~又無做law既tutor~好趕咁返到學校,好彩都未算late,yeah~今日既精神狀態不太好,有點呆呆的~所以上堂有時集中唔到就miss左,唔理解講咩~依家有時覺得ellen ng都有幾多廢話時間~同佢地lunch,都未去過個間食,麻麻啦~怪怪的,因為唔係成日同佢地lunch,同佢地少左接觸,所以d話題都脫節左~michelle問我地14女子係咪散左,其實都預左啦~都係得返7-8人~因為有winnie lai,蕉,湯都好少同我地一齊~而菁菁都好少啦~phyllis都少左~而我都少左..angel就不嬲獨來獨往...咁就剩返翠怡,sarah,iris,gigi,冰,phoebe,idy~~多數係佢地勒~算啦,要維繫,都要14個一齊努力~我都有少少努力架~但都會有疏離感~

我地與明愛個個project有阻滯~好彩有michelle咋~哈哈哈~~~我地既魚魚可能受騙了~唔緊要,人生不如意事十常八九~不過要動用後備方案lu~~不過我地既後備方案都要太完善,不過都無可口非,因為我地無理由hold多一個機構~不過都好似與唐氏合作好好多~起碼大家都合作過...建立了信任~而且christine同我地既年紀差唔多,願意放手俾我地發揮~此機會可遇不可求~我都好開心搵到唐氏~

今日第一日做問卷,街訪,領略到只要肯問就ok~但係我都唔太like多勞多得既工作,或者因為我懶,同埋我追求穩定,我唔會去投資,唔會去搞金融,因為好多時我都唔想緊貼一d資訊,亦都唔想太費神~亦由於我無咩興趣~錢銀既我都唔太想去理~當然唔會係拚命搵錢既人,因為錢響我心中既地位不重~哈哈哈哈~~不過星期六我相信會好好多~因為我都熟習環境~

大家都企到好累~辛苦晒~阿榮近排有無事都打黎.......講真,唔太慣,亦都唔太願意~因為有時都真係太無聊~如果係靚仔,而我又有興趣既就無咩所謂~哈哈哈哈~~不過自己都想有多d時間去settle一下~因為我開始想去join活動,而唔係去plan活動~因為一plan就無得玩咁,有得玩時,都要小心留意~無得痛痛快快咁去玩~嗚嗚嗚.......所以我都係小朋友~~哇哈哈哈哈哈~~~我覺得無論我幾多歲都會好似小朋友咁~yeah yeah yeah~咁先可以平衡架嘛~

魚魚病左呀~~小心d啦~~不過佢病又要接受一個不太好既事實~問左佢,佢話都有反省過,但仲未捉到當中既奧妙~我叫佢try下不同形式~找到一個最好既分工方法~佢話因為我之前同左佢講,有咩做得唔好都會話,所以都無咩野~不過我知佢會驚驚地既~~咁我都真係要講定俾大家聽~哈哈哈~~我既模式~不過有時都真係幾矛盾,話佢地又唔好,會影響大家既關係,又搞到大家驚我;唔話佢地,又谷住谷住,又唔可宣洩我既感受,同埋佢地唔會理解事情既嚴重性,唔會刻骨銘心,唔會自我反省~算罷啦~佢地出到黎社會都會被人話下,仲可能唔會再關心返佢地既感受添~做下醜人啦,佢地要明既,始終都會明~咁大個人,係時候成熟d勒~

cassie著得都幾好看呀~good~~好match呀~哈哈哈~~man man地,都有d女強人feel~good~~最衰無帶相機~今日響chill見到kaki,因為佢無野做,成日遊黎遊去~~~哈哈哈哈~~~希望佢屋企都無咩事啦~唔知做咩,臨近節日,有d空虛咁~哈哈~~唔記得講,尋日食dinner,michelle話我突別興奮唔知做咩,話我肯定有野~其實都無咩野呀,放低左對magic ant既一d擔心吧~有好多野都迫唔黎既~唔知做咩,我覺得佢地一定做到,只要相信,就會成功~當然少不了努力~大家一起吧~沒有大家,好多野都唔會成功~

搵唔到阿成,激死左我~不過我相信響呢個有法律既地方,佢地都唔會亂黎既~丁丁亦都激死左我~俾機會佢,唔識珍惜,算罷~我唔會迫人既~因為只有一方既努力是不夠兼且十分吃力~係咪代表我放棄?又未必~不過有好多野都好靠自己的~

任何事情,任何方法都會有其長處&短處~好好想清楚,是否適合當時既狀況吧~懂得靈活運用及善用,就係一個高手~或者會有人唔理解我既meaning,當總有一日會懂既~點解我突然間會講呢d野,咁當然有野激發啦~咁唔代表激發思考既一定係大事,可以係生活瑣碎事~好多野都無定論,唔好以偏概全~同埋唔好有刻板既觀念~好多野,太過份都唔係太好既~如少少執著會係好既,但太過固執,就不好了~

>>December 3, 2004 at 10:30:14 AM GMT+8

2004 年 11 月 30 日 星期二 【颳風】

<續>白頭到老既秘訣...........啟示 3：事後溝通最緊要
他也承認，衝突是無可避免，最重要是事後溝通：
「如放車匙這個例子，我們了解過彼此的想法後，決定屬於我的東西由我負責擺放，屬於她的由她擺放，到了要用時，只要問對方便可。」

至於扭毛巾這回事，經過他多番驗證，證實反手確是扭得乾淨些，所以他也婦唱夫隨起來。

夫婦間最常說的一句話是：「我要你這樣做，都是為你好。」黃校長認為，凡事要看得遠一點。

「是為對方好，還是為自己好？如果要對方不做這些事，可能會帶給對方更多不舒服、更多壓力，只會造成另一個新問題。」

響呢個故事,唔單止係一對夫婦應該要做到既,就算日常生活,與朋友,家人,同學間既相處都需要溝通~好似今日咁,阿魚佢地傾野傾得太慢,我話佢地,其實之前呢d野我已經同阿魚講過,不過佢get唔到~我就話左佢地,都幾惡架,不過咁,我會事後問返佢地,同佢地講返個理由,而我問左daisy,佢話我真係惡左d,咁會同我有個gap,因為驚左我~嗯嗯!~咁我就想問返,我話得佢地o岩唔o岩呢?又明唔明白點解我會話佢地呢~背後既意思又係咩呢~

因為阿魚plan左傾個d野,用左2小時,都未傾到一半,有d野亦都好趕,我就問:咩原因搞到咁趕?搞到d時間唔夠用?阿魚就話:分工分得唔好~~我都希望佢明白,唔好answer左我就算~不過有好多野,驚並不能解決問題。只要你肯去面對,明白當中既原委,反而響失敗中學習,咁做野先會有進步~自我既成長都會有進步~人唔係一出世就識得行路,係要跌過,痛過先識得行~你地又明唔明呢~~一個淺易既道理,人又點解唔會套用到去生活上呢~

有好多道理,大家都應該懂,但卻不能靈活地套用響其他事情上呢~好似數學咁,一條公式都唔係死死地就咁套落一個example,而係套用落千變萬化既題目上~有時,什至將幾條公式融合去化解一條題目~公式比喻道理,題目代表人生/日常生活既大小事宜~唔知大家認同與否,又或者我用得是否恰當?

佢地班人仔,未到佢地做既野,就唔會觀察人地點樣做,依家要佢地落手落腳去做,先走黎問返我~咁我就會問佢地響10月-12月既活動裏面,佢地又睇到d咩呢~咁當然,佢地唔會留意啦~我用左一個野去形容佢地,好貼切既~就係"事不關己，己不勞心。"香港人既風氣~

唐氏會既christine打黎問我,今星期六既小食會要食咩~點解佢會問?因為我地上星期六響度嘈,又話要乜,又話要物,好心既christine就問下我,我就話唔駛理佢地~咁大個人~~仲係細路咩????佢仲問我,佢地要咩禮物,我話唔駛啦,佢地響今次都學到好多啦~咁佢就留返d錢買野俾唐氏會員,咁咪仲好~~咁我都真係要獎勵一下我地班magic ant既~~~因為佢地算肯去學,同埋有責任感~good~

今日都幾tired~今日同左菁菁,細ryan,michelle一齊dinner~無得睇彊屍添~~~今日sarah佢地無補課,咁我就走左去同嘉欣同學坐~今日中國法律得16人上~oh~no~聽日第一日返工,有d緊張~唔知做唔做到呢~

今日同sandy講到,外國人用邏輯思維,仲要去考証事實,所以個腦好清晰每一個point~而中國人用推論既方法,好似第六感呀咁~所以我地成日用感覺去做事,而無特別去labelled我地做左d咩~或者跟咩steps咁~好似你問食左飯未~佢地(中國人)唔會answer:食左or未食~而係會answer:我今日食左魚,菜等~係會跳左架~呢d野都係響我既文化書上學到而得到証實架~所以theory好重要架~你地得閒留意下自己都會發現,原來自己係咁架~~好得意呢~2種思維都各有好處~

>>December 1, 2004 at 4:33:33 PM GMT+8

2004 年 11 月 29 日 星期一 【晴】

<續>白頭到老既秘訣.............啟示 2：別強迫對方改變
一段婚姻，需要夫婦倆不斷學習怎樣體諒、明白、包容一個人與適應。
「我處理過很多個案，發現婚姻破裂，都是因為欠缺這些素質。尤其人總是偏向主觀，很多時會用自我的標準去衡量或規範別人。」

有天他忘記帶車匙，太太說：「都叫你不要把車匙放在那兒啦。」事後他跟對方說：「『放在那兒』是我的習慣，如果我把車匙放在你指定的地方，只會有更多機會忘記。」

他發現，很多人結婚後不自覺要改變對方，小至唧牙膏、放物件等，都是有我無佢，忽視了應尊重對方。

「很多小事本身沒有對錯之分，反省過後，就會看到背後動機，原來是想控制對方。這是沒有必要的，因為愛人是要一起好好生活下去，並非要來控制的。」

oh~~今日有d後悔返去補課,因為無咩教我地新野~都唔知邊個話要教返舊個d~唉~之後食左tea,我碟豬扒炒公仔麵...唔知做咩多左雞翼~個waitress仲搞笑,話我碟野做咩會有骨,因佢prefer豬扒無架嘛~我同iris都事後discuss返,佢地應該唔好講得咁大聲,因為會令人好尷尬~之後我地一行4人就去causeway bay~因為我地返公司briefing~好悶呀~~2份卷差不多又要講多一次~~真麻煩~好眼訓,我見到有人釣魚~我都唔明白why講多次.......講多次係必須,因為當中有d唔同,但都唔需遂part讀嘛~

個個kenneth都幾有料,講野生動,同埋將個個jess講既野conclusion返有d咩唔同~咁咪好好多囉~不過佢地都有代入左我地我睇下我地會有咩問題架勒~都prepare得唔錯~有時我地去聽,都未必會發現有咩問題,我地始終經驗唔多~要做落先知架~不過有d都sense到有問題既~~唔對路我地就ask~而iris就做左普遍話既demo,講得幾好呀~~yeah~~~so proud of you~~佢做左demo一次,我諗佢都ok,無咩問題架勒~佢地都好醒既~

之後就同cyrena,細mi,cassie即走~頭痛,tired~~今朝同yesterday就聽返wincy同埋celia既report~同埋叫celia幫我問佢地有無興趣幫magic ant既camp同埋情人節活動~急既時候,都有d交待不清....同埋佢地以為一定要join一個~~其實唔駛既~~

依家think清楚,唔需要咁急,一步一步來,因佢地都未到個個位~講太多都未消化到~等我clear my mind先~有d擔心某人~你無事嘛~~有時真係束手無策...........因為好多野我地都無能為力~因為有d野已發生,無得改變,只可以改變自己對呢d事實既態度~不如放低過去,展望將來,會唔會對自己好一點~~俾一個低線自己,新既人真係做唔到先放棄~我明白好多經驗,經歷都會改變一個人,但我相信本性並不會變~只係行為改變~咁我地有責任將一個訊息傳開去.......佢並唔係咁,多一點接觸吧~只要你肯主動接近,佢都唔會抗拒~只要你想學野,提出吧,佢都唔會拒絕~但你必須盡力,否則你對唔住自己,對唔住佢~~

響magic ant既宗旨,生命影響生命,就係咁勒~將一個正確既信息化解他人既誤會以及經過一組人既團結,合作,經歷係會令大家有所成長~呢d就係我對生命影響生命既一個定義~亦都係magic ant去既方向~所以我地有"共融"~唔知我地既magic ant成員又明唔明呢???

>>November 30, 2004 at 5:02:20 PM GMT+8

2004 年 11 月 27 日 星期六 【微冷】

一連幾篇既日記都會加插<<<白頭到老既秘訣>>>....請大家細心欣賞
聽過黃鴻麟名字的人，敢說大部分不是因他是沙田基督書院的校長，而是他的愛妻方法，大名遠播。他在千禧年推出的處女作《護妻傾情四十八式》，令男士嘆為觀止，女士心生渴望，渴望自己的另一半仿傚。書中他分享了48個獨門的老婆秘方，創意十足。創意的背後，是四分之一個世紀的婚姻經驗，還有業餘修讀輔導課程帶來的啟發。

啟示 1：芝麻綠豆釀成衝突
婚姻，最難避免的就是衝突。就算拍拖時如何甜蜜如何和平共處，結婚之後，芝麻綠豆的小事也可變成衝突，黃校長想不到的，只是衝突來得如此快……婚後第一頓飯，太太在廚房煮飯，並向客廳正在看報紙的他高呼：「執檯喇，準備食飯呀。」黃校長以超高速搬走桌上雜物，繼續等食，誰知太太從廚房出來，竟然面色一沉。「原來她娘家執檯的定義，不單止要搬走雜物，還要把桌子抹得一乾二淨、擺好餐具。但我由小到大，只知執檯就是搬走桌上的雜物。」

諸如此類的分歧接踵而來 ……有次太太對他說：「你?I扭毛巾?」他很懊惱，活了這麼多年，沒理由連扭毛巾都不懂嘛，原來太太一直是反手扭毛巾，他卻相反。

這一切一切，給他帶來許多啟示：
「在生活細節上，會發現彼此有很多不同，如不存體諒包容之心，任何一件瑣事都可以成為衝突的導火線。」

我訓左4小時就要起身,因為我9點半要去到上水火車站同佢地一齊去米埔搵daniel~4點幾訓,8點半起身~都食得切野,去到上水剛剛好~daniel去個度因為有米埔環保行~我地都等左佢好耐~我地都乖乖咁等,無衝入去睇佢(其實可以入去既)~佢助手揸車,我地見到daniel個時,佢個樣好黑,原來佢無sleep過,所以無咩精神~最後我地7個人都同到佢take合照~yeah~開心開心~~佢勁叫我地去睇,因為佢話好靚,仲問我地做咩唔入去~我地就話因為only for參加左慈善環保行既人入去架咋~

好多蜜蜂呀....成日同佢take photo....唉~佢地班友仔,行入去米埔都話辛苦,平時少做運動勒....平路既半小時罷了~估唔到阿康(daniel助手)同我講野,仲同我打眼色say hi,問我做咩唔買WWF個件衫,我就話我呢d窮苦學生買唔起~佢唔信呀~因為佢地都有買,仲同daniel個件一樣添~哈哈哈~佢地情侶裝呀~而daniel問kitty:你唔熱咩~哈哈哈哈~~~

之後因為都趕唔切出去街市,就叫左阿may幫我buy蘿蔔同埋豆腐~我返到home,趕住切野之後就落左mtr station接佢地去買drinks~阿kat喉嚨痛兼發燒呀~所以無黎,都有d擔心佢~之後我地由6點幾打到10點呀~都幾開心,但係就無咩take photo,而我部camera響home呀,唔記得拎~哈哈哈~~佢地打得好飽,就去左行廟街,我地都食剩野同埋有錢剩呀,yeah~~德仔早走呀~肥牛我就叫阿may拎返home,而其他food就michelle拎返home~下次一定要叫負責人搞掂食剩既野~

仲有呀,佢地有咩野就打俾我,我就叫佢地打俾phyllis,佢地打俾我個時都係唔得閒既,因為我要set up好場地~而michelle同蔡生揸車來,咁我地無理由用野霸位,好似唔係咁好意思咁,好彩,佢地黎個時都有一個空既車位~hehehehhe~~~大家都幾開心呀~~互串下咁啦.....我就成日走黎走去..都無咩時候坐定定~好彩有菁菁服侍我,yeah~~~heheeheh~~~

之後我地一行10人去左九龍公園,原本去傾下計,之後就變左玩無聊games~~哈哈哈~大家11點幾就散左lu~~今日都好開心~不過好頭痛~~因為唔夠sleep~~阿瑩唔好再叫魚既全名啦...好核突既,又有懶音~我地介紹左妹妹呀.....哈哈哈~~~阿倫變左妹妹,因apple叫佢妹妹~hahahahha~~~而丁丁就係咁講野得罪人....對住佢,頂唔順~都係時候開高層會議,睇下點整治佢~哈哈哈哈~~~我地一早去buy野個班人蠢左呀,就係應該將大d既窩放響我地呢邊先係架嘛~~蠢左~因為另外個班late,所以我地等佢地黎到個時就一齊嘆氣....以示不滿~呵呵呵呵~~~

今日真係好開心~~除左擔心kat之外~我返到home,佢就已經退左燒lu~

>>November 30, 2004 at 4:55:06 AM GMT+8

2004 年 11 月 27 日 星期六 【微冷】

我和一位朋友傾談，他說雖然有兩份工作，而每月的收入僅僅稍逾數千元，但他已很高興了，我很奇怪他還可以那麼開心，因為他的收入微薄，要節衣縮食才，可以供養他年邁的父母，他的岳父母、太太，兩個女兒，還有一般家庭的各項開支，他解釋說，是因為一次在數年前，他在印度目睹的事件，當時他因為一次重大的挫折、心情低落，所以到印度散心。

他說他親眼看到一個印度婦人用割肉刀將，她的兒子的右手切下了。那婦人無助的眼神，那四歲的稚童痛苦的呻吟，至今仍令他難以釋懷。

你可能會問：為什麼那母親要這樣做？
是否她的孩子太頑皮，或是他的手受到感染？
都不是，原來只是為了行乞！

那絕望母親特意把孩子弄成傷殘，使他可以在街上行乞，我的朋友嚇呆了，他把他吃到一半的麵包放下，隨即有五六個小孩湧至，爭著這片佈滿沙石的麵包，就如面對飢餓時的自然反應。

他對這情景很吃驚，他開著他的導遊開車把他送到最近的麵包店，他去到其中兩家，把它們所的麵包都買下來，麵包店的老闆很愕然，不過還是願意把所有都賣給他。他花了不足一百元，就買到約四百塊麵包(即每塊少於25仙)，又用了一百元買一些日用品。於是，他坐在一部載滿麵包的貨車往街上去，當他分發麵包和日用品給那些，大部份是傷殘的兒童時，他們都報以歡喜和鞠躬，就是這樣，他在生命中第一次想到：

人們怎麼可以為一片價值不足，25仙的麵包而放棄自己的尊嚴。

他開始對自己說他是多麼的幸運─他有個完整的身軀，有一份工作，有個家庭，有機會抱怨食品的好與壞，有機會穿衣服，有機會擁有很多這些人沒有的東西。現在，我開始想到，和感受到！我的生命是否真的那麼差呢？我就覺得不是那麼差，你呢？

或者下一次你覺得自己的生命很差的時候，想想那個因為行乞失去了一隻手的小孩吧！
『滿足感』不是來自滿足於你想要的，而是了解到你所擁有的是那麼多。
當快樂之門關上時，另一道門就會打開，但很多時我們只盯著已關的門，而沒有看到已為我們打開的那道門。

的確，我們要到失去時才知到我們擁有，但我們亦要等到東西來臨時,才知道我們沒有它們。

對人付出所有的愛,並不能確保他們同樣愛你！

不要期望愛人會有回報；只管讓愛在他們的心中成長，但如果沒有成長，那便滿足於愛已在你心中成長。

一分鐘便可以摧毀一個人，一小時便可以喜歡一個人，一天便可以愛一個人，但要一生才可以忘記一個人。

不要只看外表，因為它會欺騙你；不要只看財富，因為它會褪色。

找一個能令你微笑的人，因為一個微笑就可以令你心情變好，找一個可以令你會心微笑的人。

有時候，你對一個人的掛念，足以令你從夢想中抓他們出來，擁抱他們！

追尋你的夢想，去你想去的地方，做一個你想做的人，因為你只活一次，亦只得一次機會去做所你想做的事

希望你會喜歡以上的文章

>>November 28, 2004 at 4:09:10 PM GMT+8

2004 年 11 月 26 日 星期五 【颳風】

有些人，雖然分開了，卻永遠留在對方心底，對真正愛過的人來說，這未嘗不是一種最好的歸宿，一生珍惜。

晚上十點幾,出左去旺角同joan joan上左hundred cafe~個度d氣氛都幾好,大家年輕人,嘈嘈的~個d waitress都幾好客,可以同d客打成一片,social skills都幾好~講衰d,都可以走埋落黎同你玩,咁當然,男女都得既~我就同joanjoan傾下計,玩下波子棋,食棋同埋之後沉迷左竹籤呢個遊戲~大家越玩越純熟~good~我地一點半就閃,我地一齊行返我home,我就送左佢take taxi~~響個間cafe見到steve,kenny佢地,佢地開睡衣party,joanjoan話佢地入到黎,好有屋企feel,哈哈哈哈~~同joanjoan相處既時間都幾開心~

今日呆呆的,菁菁話我病病地,都無咩大礙既~唔知做咩好似好tired咁~佢地0900開會,我都係10點多先到~因為真係好累~由於佢地2 group人分開左,我去完麥當當就上左去美心搵佢地~都無咩心機胏佢地傾左出黎既野~哈哈哈~~等佢地report先~同埋我要改下,我唔應該搵senior個d talk,而要習慣搵返下incharge~哈哈哈~~不過我對佢地有D不滿~就係我成日叫佢地senior既magic ant人唔好成日走埋一齊,叫佢地多d分開,同其他magic ant人仔talk下~但佢地一提再提都係咁~唉~因我唔想俾佢地覺得我地自己一group人~另外,聯絡成日漏左通知人同埋會漏野~不過,每個人都應該有責任,唔應該成日倚賴人~

今日呆呆咁出到去,都唔記得要帶magic ant衫,見到celia先"呀"左一聲~原本德仔都好有罪疚感,但知我都無帶,佢就因為有人陪,所以無咩野,連主席都唔記得wor~俾左佢地好大機會添~唔應該呀~今日初期都未在狀態~之後好返d~

我依家有d擔心,佢地係咪真係get到,同埋學到我地所教既野,仲有,我地對佢地灌輸的思想,概念又係咪接受到,融入左並應用得到呢~雖然經過indiviadual chat之後,佢地都接受呢個模式.....但係我想佢地都keep住下年既magic ant都會係咁囉~佢地又會唔會好有系統地將我地今年所俾佢地既野,原原本本教返下一年既人呢~magic ant既模式或者方向可以唔同,但係program planning呀,人際關係呢d skills呢???

佢地今年既人會否與michelle合作到呢~佢地會唔會唔接受michelle既mode呢~或者唔了解?所以我會令佢地多d接觸michelle,明白佢既做野手法,可能大家會有d唔同,但都希望有一個協調~當然,每個人都有自己既一套,但有時就應該接受~況且,遲d返工,自己與boss既意念都未必一樣,但係佢係你個boss,唔通你唔跟咩?一係你就走,如果個boss好d,大家都可以調節一下~我呀,對magic ant既人都有一定要求,但都唔係人人做到,雖然有時口頭話由得佢啦,俾佢用返自己個mode啦,但係,你個個要求都會係咁,始終都係想佢地跟返自己架,之後又會做d野...令佢地達到自己既要求~

除非自己都認同佢咁做都係可以啦~~依家有d野亂亂地添~一定要plan返好呀~依家plan左同佢地每一個人,一個月一定要talk一次~我諗好多野私底下talk,會講得暢快好多~咁當然,有時話題呢d野,都未必一定係個個一樣,亦都無咩可能個個都問,唯有既,就係問大部份,問到就問囉~之後每一個月talk完,都會黎返一個meeting,黎返一個follow up~~~~哈哈哈哈~~做咩都係要有preparation,implementation同埋conclusion~依家真係都幾融入到我既思考mode,不過有時懶就懶得做~一個小組一定要有一個良好的合作關係同埋工作方面有一定既要求~

>>November 27, 2004 at 7:43:29 PM GMT+8

2004 年 11 月 26 日 星期五 【乍雨乍晴】

Jerry 的故事
Jerry是美國一家餐廳的經理， 他總是有好心情，當別人問他最近過得如何，
他總是有好消息可以說， 他總是回答『如果我再過得好一些，我就比雙胞胎還幸運囉！』

當他換工作的時候， 許多服務生都跟著他從這家餐廳換到另一家， 為什麼呢？
因為Jerry是個天生的激勵者， 如果有某位員工今天運氣不好， Jerry總是適時地告訴那位員工往好的方面想。 看到這樣的情境真的讓我很好奇， 所以有一天我到Jerry那兒問他：
『我不懂S有人能夠老是那樣地積極樂觀，你是怎麼辦到的？』

Jerry回答：『每天早上我起來告訴自己， 我今天有兩種選擇，我可以選擇好心情，或者我可以選擇壞心情， 我總是選擇有好心情， 即使有不好的事發生，我可以選擇做個受害者，或是選擇從中學習， 我總是選擇從中學習。

每當有人跑來跟我抱怨， 我可以選擇接受抱怨或者指出生命的光明面，態度。我從他身上學到: 每天你都能選擇享受你的生命，或是憎恨它。 這是唯一一件真正屬於你的權利，我總是選擇生命的光明面。』

『但並不是每件事都那麼容易啊！』我抗議地說
Jerry說：『的確如此，生命就是一連串的選擇，每個狀況都是一個選擇，你選擇如何回應，你選擇人們如何影響你的心情，你選擇處於好心情或是壞心情。你選擇如何過你的生活。』

數年後，我聽到Jerry意外地做了一件你絕想不到的事：有一天他忘記關上餐廳的後門，結果早上三個武裝歹徒闖入搶劫，他們要脅Jerry打開保險箱，由於過度緊張，Jerry弄錯了一個號碼， 造成搶匪的驚慌，開槍射擊Jerry，幸運地，Jerry很快地被鄰居發現，緊急送到醫院搶救， 經過18小時的外科 手術，以及密集照顧， Jerry終於出院了，還有塊子彈留在他身上?

事件發生6個月之後我遇到Jerry， 我問他最近怎麼樣，他回答：『如果我再過得好一些，我就比雙胞胎還幸運了。要看看我的傷痕嗎？』我婉拒了， 但我問他當搶匪闖入的時候，他的心路歷程。

Jerry答道： 『我第一件想到的事情是我應該鎖後門的， 當他們擊中我之後，我躺在地板上，
還記得我有2個選擇： 我可以選擇生，或選擇死。 我選擇活下去。』 『你不害怕嗎？』我問他：

Jerry繼續說：『醫護人員真了不起，他們一直告訴我沒事，放心。 但是當他們將我推入緊急手術間的路上， 我看到醫生跟護士臉上憂慮的神情， 我真的被嚇到了，他們的眼好像寫著－他已經是個死人了， 我知道我需要採取行動。』『當時你做了什麼？』我問：

Jerry說：『嗯！當時有個碩大的護士用吼叫的音量問我一個問題，她問我是否會對什麼東西過敏。我回答：『有』。 這時醫生跟護士都停下來等待我的回答。 我深深地吸了一口氣喊著：『子彈！』 聽他們笑完之後，

我告訴他們：『我現在選擇活下去， 請把我當作一個活生生的人來開刀，不是一個活死人。』
Jerry能活下去當然要歸功於醫生的精湛醫術， 但同時也由於他令人驚異的沒有人能夠控制或奪去的東西～就是你的態度。

如果你能時時注意這件事實， 你生命中的其他事情都會變得容易許多。 現在你有兩個選擇：
1、你可以遺忘這故事
2、將這傳遞給你關心的人
我選擇了2，希望你也是如此！

>>November 27, 2004 at 10:56:35 AM GMT+8

2004 年 11 月 23 日 星期二 【颳風】

如果為了不能完整的愛而選擇結束生命，是一種悲劇，那麼孤獨活著，卻不再擁有愛與被愛的能力，豈不是另一種悲劇？

今日超忙,我既working hours係0830-1900~~~等我話下俾大家知我既timetable啦,0830-1130上堂,1130見細michelle,1230見阿kat,1330-1530健體班,1530見丁丁,1630見阿倫,1730-1900開會~

健體班,做完31下掌上壓,隻手好似唔係我既.....做完sit up,個肚第二日係痛既~我有呢個柔軟度,踏完台階,大腿內側有d痛~d體能差到痺呀~~~操返下先~得閒既話~

開會都開得幾快,依家都係檢討及感受當日做埋,感受個一part咁可能會好d,同埋我都覺得應該俾佢地知到講咩先,咁大家就會開始think up到,咁就講架勒,慢慢就講.....大家都幾需要warm up,都幾耐下~檢討個part都ok~但係今日都真係有d無奈,無咩人講野....我就係咁飛~不過我要佢地explain返有咩好,有咩唔好,咩ok,咩唔ok~~阿榮既退出,都有佢既理由,但唔代表我唔搵佢~因為佢肯向我打開佢既心窗~我好開心~~同埋都係仲想分享返我既經歷,等佢都有所成長~我既經歷,所想,未必佢認同既,但都可以係一個參照~

夜晚同cyrena,榮,michelle,carmen仔dinner,好飽~michelle既諗法都幾有睇頭,佢想我地combine名整理大家既經驗及感受,以及完左individual之後都有一個follow up~咁當然有原因啦~但係估唔到既係,我地無意中都做左,例如分享感受,大家響獅子會後都有講返;佢地對唐氏既想法有否不同,響睇完鏗鏘集又講過下;組合返大家響individual所講既,叫他們分享返,有時我都會同佢地講,同埋我有咩感受會同佢地講~不過我做呢d野都無plan,只係憑sense去做,但唔知可以combine埋一齊,我都想佢地同學校既人分享,但就未think up到對策,所以估唔到michelle所要既野,我無意中都有做.....哈哈哈

有d野都真係估唔到~所以覺得自己都幾叻叻...都幾有sense,不過無organise,無plan咁~我都未同菁菁plan下year plan添~同埋我地既teaching進度表~依家好多野都好認真架~無plan點得架~michelle講左佢個概念出黎,同我講叫我唔好認真去think,咁點得架,既然講得,我又認為需要,做咩唔做呀~佢話次次佢講完都要我用腦wor...哈哈哈~~~咁咪好囉~我成日唔用腦,個腦會廢~不過我都真係有白頭髮...家姐幫我拔左~我緊張magic ant咋,否則我都唔會做咁多野~我都想整合(consolidation)大家所學既~同埋想評估一下大家既進度及(評核)make sure大家係咪真係學到~

michelle話我做咩唔同佢講,唉....我憑sense(感覺)去做,鬼知咁多野咩~不過好就好在,我夠膽同佢講返我既諗法同埋report返嘛~先俾佢知,咦...都做左wor~不過我覺得唔夠同埋未organise好~not good enough~~yeah~~hehehehe~~~依家同菁菁thinking對策~oh..菁菁今日嬲我呀...因為我無叫佢一齊lunch~~唉..又失策~不過佢明既.....唉...我有好多野都想做到最好~但係有時都會大意左~同埋有時做主動個個都幾累~尤其主動聯繫好大家既關係~不過呢個好似係我既使命咁,我不斷都係咁做~無論響any where~因為都想大家好,唔想大家關係not good~

阿瑩有樣野做得幾好,就係佢打俾佢地話佢地知要開會時,佢見阿倫傻下傻下咁,就叫佢睇議程同埋think up問題~good~係佢自己自發性地去做~good~~我問佢,佢地有無prepare我響email俾佢地既問題架~佢同我地講佢地有,不過唔想write down all answer,因為好似好死板咁,所以會自由發揮~咁都好,我咁辛苦做既野都無白費,如果我做咁多野,佢地唔珍惜,我會唔開心,相對地,我都唔會再咁落力,因為既然佢地都唔受,我單方面做咁多,又有咩用處呢~

我既耐性唔太好~~當我無左個動力,可以俾我再努力既理由,我會放棄,又或者再做少d~好衰?好多野都係相向既~阿瑩有時都幫我拎到料bor...good~同埋佢真係明白講出自己感受及意見既好處~係因為佢會鼓勵阿魚講出心底話,而佢自己都會講出黎,同埋講埋人地個d~哈哈哈~令我知得更多,更全面~good~~我亦都like daisy既直~

>>November 25, 2004 at 4:49:11 PM GMT+8

2004 年 11 月 22 日 星期一 【晴】

幽默，是愛情裡很有品味的溝通智慧。它不但可以排除苦悶的憂慮，也可以解決尷尬的問題。真正的幸福的人生，是高尚的幽默，不是低級的趣味。

原來世間上有好多野都係好複雜架,唐氏會都係呀~佢地d關係呀,哇~我都唔識講呀,一間非牟利的社會機構呀~算啦~~睇黎我既生涯都幾坎坷~哈哈哈哈~~~依家都係時候學習下處理人際關係呢個task,我遇到d極固執的人,我會點樣處理呢??係一個學問,同埋係我既死穴,仲有既就係一d chair meeting skills啦,因為真係太俾佢地放肆,同埋未太guide到佢地呀~真係要落多d功夫~

phyllis好搞笑,有謬論,話我瘦左唔好睇~~

今日同phyllis,菁菁睇左公主復仇記,麻麻啦,都估到d~~無咩特別~
<真正的王子唔會讓公主留淚,而讓公主流淚的係pk;但係世間上並無王子,only pk,而世上亦都無公主>

今日叫左細michelle陪我去po lam trade,在車上大家都閒談了很多~好久也沒有這樣與細mi talk lu~談談東,談談西~無公事~good~~~

今日響mtr見到gigi,phoebe,之後再見到cecilia(我記得有一日打俾佢,叫錯celia,magic ant上腦),響sch又見到connie,榮,丁,倫.....oh..oh...oh....平時又唔見係咁既情況~算啦,可能係我特別留意~ceci話我咩都賣得一餐~因我trade kevin ko既econ notes~hahaha~~~

提點別人的錯,同樣地都係令自己反思的時候~我地要把握每一個學習的機會~近排好累,但亦都快樂~因為將自己既經歷分享,希望可以幫到佢地~呢一次既individual都係想了解佢地,睇下佢地有咩意見俾返我地,同埋佢地點樣achieve目標,and how to評估~我地賣左身俾Magic Ant架勒~哈哈哈~佢地對我既評語都係好既~好開心....不過,你地希咩一定要同我講....因我知你地未發現我既缺點jei~同埋我會盡量拉返michelle同你地close d~我地既努力並無白費既~yeah

呢個世界好複雜,亦都有好多野要處理~好忙,好忙,好忙.......忙既時候,會消磨意志,你會點樣去解決呢?舒展一下,吸一口大氣???定係搵返咩係你既原動力?定係需要去換一下環境?好多野都有佢既原因,盡快找出源頭,會助你一臂之力~加油呀~大家~近排我覺得有d怪怪地~講唔出咩怪,定係我少左出現響023???我好似知,但又唔肯定~可能少左與michelle面對面講話吧~有時我都懶左落黎~

有d事件呀咁,好多時候腦中出現左一個感覺,就係反問自己同埋有d疑惑or feel到有d問題出現 or 有d野應該去做,以前既我會猶豫,但依家既我會相信個一種感覺而去問及去做~當然,我不是亂咁去做~但係...當我真係去做左.....真係對件事好左~所以我有時幾相信自己的直覺~

>>November 23, 2004 at 2:55:56 PM GMT+8