2005 年 10 月 25 日 星期二 【微冷】

在家的一天~10xx起身~起勢打日記~13xx又sleep~15xx俾細ryan既電話嘈醒,起身,不過wing wing地~又食下野....又打下日記,project searching....傾下電話,msn,打日記,睇tv,收下相,send下相...咁就一day lu~what's a relaxing day~晏晝時又同菁菁msn下,收下歌,唔該晒....依家無左winmx,我就唔識download歌lu,哈哈~BT好麻煩既~

daddy響馬鞍山buy左flat lu~係富安第7座wor~得2間房only,所以only daddy同brother入去,原來買大d既,不過由於俾人告,唔夠錢供就買細d既單位lor~而柯士甸道個度起碼下年summer先可以入住,期待中~

牛奶係白癡架~話自己係阿旺,好似佢咁單純,仲叫我睇佢就得,唔駛睇電視~仲懶好咁send mcdull既mp3俾我,話可以做電話鈴聲,我都唔可以搞咁多野既....之後..我都收左lu,懶得同佢糾纏~好心佢啦,知唔知自己做緊咩架~講d咁既野?我好想死.....

細佬死剩把口~今日俾daddy打,好難得,佢仲要係咁講,係咁講,駁咀....真係...都唔識做~抵佢....~~呢一日,我就同下我妹傾下計,幾好~佢仲話其實細佬好聽我講野~哈哈哈~~我話,佢聽囉....唔做,咁先衰~講真,細佬識得分邊個有心咁教佢既....邊個對佢好既~同埋我既方法可能好些啦~anyway,細佬都受教既,不過都係死剩把口....細妹話我呢個形容好搞笑~

與sandy,cecilia,細ryan,4人一起msn~哈哈哈~~oh....得知細ryan同埋emily都有嘔....佢地都真係要小心一點~腸胃咁差...唔該,錫多點自己~

>>October 29, 2005 at 3:49:02 AM GMT+8

2005 年 10 月 24 日 星期一 【微冷】

細米生日快樂~

今日,只是知道自己好呆好呆好呆~仲俾cecilia問我做咩好似心事重重咁,其實...我無,我只係太累了...好呆好呆~而cyrena都累到對眼得返一條line,學呀agnes,不過都唔係學,係一擔擔~

今日著左新裙仔同埋好耐都無著過既衫衫,記得第一次著係上年kaki既生日,於是phyllis就問,係咪有人生日先會著個件衫,唔係呀....><~~今日仲同sandy一齊黃色,哈哈哈~都ok wor我咁著....hehe,唔差唔差,cyrena話可以買多d女仔衫勒,yeah~hong就問我做咩著成咁,佢話好女仔wor~呵呵.....佢話我無非都想佢咁講jei....hehehe~~不過michelle話我大隻左,好似肌肉左,個人厚左,佢都唔太形容到,我就話可能肚腩大左~哈哈哈~~佢地仲叫我唔好拍自己既肚腩,哇哈哈哈~其實我咁著,都幾怕有d八婆話我架~

我今日都late左返sch~同菁菁差唔多時間~之後,audit堂有quiz,大家好努力咁review notes,不過呢個quiz好輕鬆,初期我同菁菁仲響度玩添,後期先好認真咁做~之後差唔多時候,我見自己做完,又無咩野做,就幫我既jack jack take photo,因為我要將呢個jack jack俾細angel,佢差呢一隻就儲夠一套了~我都有詢問菁菁,因係佢送俾我既,我問佢係咪唔鐘意,佢話唔鐘意我無左呢隻jack jack,不過之後佢可能見我想俾,都話其實都唔係太靚,又唔知擺響邊,就叫我幫jack jack take photo就可以了~

後期都無咩專心上堂,響度玩相機~菁菁趕住走,我地其他人就lunch,返到去023坐下,原本今日傾project,不過最後無傾,去左打badminton~打到1530,個d mentee先黎~oh...欣欣呀,spread out the news about me出去呀,phyllis仲要一齊講,只不過有一下我用左腳~Z落地先,"boom"左一聲,佢地就話我整"lup"左個地勒~哼....仲叫michelle去check下個地板~哼......好耐無打badminton....哈哈,pinky話我唔郁,我就係咁走黎走去,郁俾佢睇,哈哈哈~~

之後我落左023,欣欣,phyllis出去拎餅,pinky join人飲野,大佛出去buy lunch~坐到咁上下,食下pinky買返黎既西餅,michelle就落左去同pc開會~我,cyrena,細米,大佛,phyllis就出去mk先~我地行左一陣朗豪坊,因我想buy addidas既外套,仲試左,依家有2件心頭好~嗯......行多左一陣,又響2%睇中左條褲,之後phyllis tired lu,我地就去左魚米之尊拎位先,點知無咩人,我地就係咁坐左個幾鐘等佢地開完會~其間我地影下相,寫下schedule~響023既時候,細米已經收左不少禮物~

今晚有13人~有細米,cyrena,我,phyllis,michelle,大佛,pinky,ida,細angel,細ryan,cecilia,sandy,欣欣~hehe~~好好味呀,好飽呀,不過食完呢餐就進入左赤貧狀態~食完就大家狂影相,細ryan又周圍同人影相,搞到好似佢birthday咁~個度d staff attitude都幾差,之後見到個cake整得咁靚,又問東問西,好好態度,懶friendly咁~細angel buy左一套衫俾細米,換左出黎,果然煥然一新,kekeke,~細米你轉style la~反正你都想轉好耐,唔好浪費你既身材~~

死人大佛今日起勢咁串我....找死~又話我搵衫唔係睇個style or color,係睇個闊度先~串左我幾次,真係好想用支叉一野篤落佢大脾,因為我"meet"極都"meet"唔到佢~~

今日大約都date晒大家我地個2個plan勒~哈哈哈~~期待期待,我俾欣欣,phyllis話呀,因為sing k plan響test week前幾日,哈哈哈~~~要同欣欣去買冷~

細angel唔識用佢個部"hello米米"即影即有即機囉~鏡頭又唔開.....唔知點影既呢~都幾靚wor....細米可唔可以用你自己部相機影返張即影即有,之後send返俾我呀???

差唔多2300就走lu,同大家一齊take mtr~

>>October 27, 2005 at 3:37:41 PM GMT+8

2005 年 10 月 23 日 星期日 【微冷】

今日既我不在狀態,呆呆的,好累~原本想唔返學,之後think think下都係返英文,走下午~因為想溫audit,休息~不過ida話有得interview,就plan左去interview~我唔係因interview而走堂既~

原本以為今日好tired,點知都唔係~都ok~上英文,無咩野做,同菁菁talk,講返呢2日既事~hehe~佢就係咁響度笑~哈哈哈~~陪佢地lunch,之後我就走~見到michelle同benny,christa,大angel去lunch~我走既途中見到細ryan,佢叫我interview努力d....佢又知wor~~

返到去都2點幾,休息一陣,煮野食,都3點多,sleep一陣....夠鐘~好彩細angel打俾我,否則我起唔到身~好快趕到去,填form,interview都唔係咁好..算了~我都好似唔緊咁....初時都唔多想做,又唔高人工,不過為左錢,都可以既...如果係starbucks仲好~我既衣著係沙灘褲+birken stock~俾佢地話~~哈哈~算罷啦~不過個個人好似想我做105hr,不過我唔會,18 hr per week就算,因為怕無咩時間,怕唔慣,唔想返咁多,我要study,我要玩,我要做project~

佢又話個晚會打俾我,不過無,就算了~俾cyrena話太大安旨意了~kekeke~~不過都真係唔太在意,不過都會有失落既,感受唔太大~不過我都問佢地做唔做好....cyrena話佢有part time後,好多野都"lum"晒咁~哈哈~做唔切呀d野~

之後陪細angel同埋cyrena buy gift俾細michelle~東東,細ryan都有出黎~cyrena同細ryan打交勒....無眼睇,我同細angel無理佢倆....行完,我就同cyrena出tst,因為我想去龍城,陪cyrena dinner,返到home,我都唔餓了~無食野...搞搞下,又sleep,睇下audit~

唔知michelle做咩呢~無機會同佢talk~不過一定要小心身體,好多野都偏低,唔好講到唔理咁,好無奈咁,"咁又可以點",真係令人心痛同埋心急~唉.....

尋日,落晒船,望住佢地走~嗯.....唔知幾時可以再見佢地~呢架船,可能無機會再見~之後同一個外藉人士傾左幾句,就走lu~我地去左mcdonald食野,有明,benny,細ryan,michelle,sandy,cecilia,cyrena,我~講左一樣野,就係michelle覺得明哥不在狀態~得出既結果,可能係因為明哥好唔捨得架船,因為講到底,都一齊左好耐,有感情既,而佢又成日講,好多唯一,因為呢架船退役了,就算有呢架船,都好難再聚返呢一班人,係齊既~所以大家要珍惜~另外...新船好多野都係未知數,問佢會有咩program,又唔知~俾我既感覺係,佢都唔知仲有無得做船長,可能佢地之間未能為program達成共識,公司太商業,而他們又有一套既training宗旨~聽ben哥講新船好怪....可能都唔like新船既style~

忠哥好好傾,我覺得佢係一個好優美,好溫柔,好traditional既一個男人,但又好幽默~好nice~佢like英式英文,佢見依家好多government既report係港式英文,佢覺得好感慨~佢每一個動作都好靚....你見到,絕對唔會覺得佢好女人...係可接受既~由其是示範既時候~

根哥,比較老,個樣幾man,不過好溫柔既,示範動作都好優美,好齊~不過好nice,今次修理都係靠佢架咋~

ben哥,好funny,好貪玩,成日哼歌,都有自己既一套,講野好直既一個人~

華哥...好cool...負責駕駛~佢係比較惡既一個~佢帶我地個組,成日話我地~hehehe...無對佢反感~

明哥,佢既分享好touching,令人深思~係一個nice,有leadership既人,有時都幾惡,不過好注意每一個同學,有咩佢都會同當事人傾計,幽默既,講野比較快,直接,喜怒哀樂形於色....以同學為本....理性,亦都感性...果然leader都有standard既模樣~不相伯仲~佢既同伴都好bind佢....

雖然同大家唔同組,但都算有同大家一齊經歷過,都係玩個d野,都即刻share返個感受~都唔係真係分得太開~哈哈哈~~不過....唔知我地幾時一齊又再玩呢~不如一齊去wild camp~我地都未試過~

響mcdonald坐到大約6點,就散lu~cyrena,cecilia,我一齊行返jordan~返到home,不理一切,執好野,訓左...之後起身,wing wing地,dinner,take bath....之後又sleep~

>>October 26, 2005 at 5:00:04 PM GMT+8

2005 年 10 月 22 日 星期六 【颳風】

the third part of our adventure ship program~

講返"boom boom boom"事件先~因為我整個朝早都為左呢件事而嘈嘈嘈~人地訓左唔足2小時,仲響度嘈住晒~發覺原來emily跟我一樣受著同樣既困擾~sandy落左黎艙,我就問做咩咁嘈,原來有3個男仔響度跑步,佢地唔知會嘈親下面既人,找死~running係因為好凍....要暖身~之後我知主要係邊個男仔勒,佢用腳~Z落地先,因我見佢用martin追逐,而我又聽到"boom boom boom"咁聲,仲唔係佢....huh~因我地叫sandy指出邊3個..~好炆呀.....因為我都真係驚架同埋困擾我訓唔到~被佢嚇醒~

我,emily,細ryan響甲板上好似佢地咁跑,都無咩聲,而michelle落去聽....因佢好熟睡,咩都聽唔到~到最後,我係咁跳....就有勒~死人michelle指明話係我跳個幾野好大聲,我即刻襲擊佢,佢好驚咁"呀....."住走~好搞笑既場面~emily之後走過黎話,其實佢可以推我落去,我就話我會拉埋佢~

我地做完早操,就一個一個咁跳落水,游早泳,圍住船swim~我好累,就一早拎定救生衣先~浮下浮下....不過好凍....就整個身都放晒入水中,暖好多~哈哈哈~~差唔多,上水了~暖下個身,食早餐~杯麵,同埋熱朱古力~我,cyrena,emily響度分朱古力粉,點知好夠....,哈哈~大家一路享受暖暖既早餐,正~

又有一件事俾佢地取笑~大家坐響甲板上,個身濕就有pat pat印~細ryan同emiy個2個就好細,又話好似冤靈個套野咁....咁我個個就好大個水印,就話冤靈出來了~咩wor....人地無抹下半身之嘛...咪濕d囉~找死....追住佢地2個黎打~仲有呀,cecilia執好野,坐低,發現有條杯麵既菜...我地就叫佢做"生菜媽媽",因為佢生左條菜出黎~哈哈哈~~我同sandy交換食杯麵,咁就可以食到我既咖哩味lu~yeah~

之後就到求生演習~原來就係好激既環節~又跳4次海~大家要行船邊既扶手上到第3層夾板,一聽到船長話棄船(以鈴聲代替)就要由個條扶手行返落船頭,跳落海~之後swim去另一邊上水~第1次用左15min~因大家猶豫,唔行~第2次如是~第3次由第3層甲板跳.....5m高~第4次就大家排晒響扶手上,一齊跳,跳完之後圍圈大家踢水,再擴大個圈,take photo~

第1次,好驚,cecilia都係,我跟住佢尾跳,行個條扶手都好驚,怕跌落海,ben哥話試過有人answer佢,傾向船裡面會安全d~其實海面會安全d....因唔會跌到頭破血流~當我跳左落海,見到大家,我都要遂個叫下先,因為我好想喊~同埋個pat好痛~我聽到細ryan讚我好叻,多謝你,我收到的,不過無俾回應你,唔好意思~因為我要跟她們撒下嬌先~一上到船,見到michelle,又撒嬌....相擁~個一刻,真係好想喊...大家又圍左埋黎...好感動....cecilia就已經喊緊勒~

第2次,仲驚,唔知點解,不過應該係因為我唔想再跳,心理問題,心態問題,試過一次就唔想再黎....呢次更要小心些,因大家都濕,滑左好多~而cecilia就淚流滿面....仲找我件衫抹鼻,不過我願意俾佢咁做,亦都唔覺得核突,無咩所謂~我想令佢安心一點~阿忠知我驚,都係咁安慰我,無奈既都係要跳...今次cecilia都一樣,今次佢係失足跌落黎....

第3次,得返我一個...cecilia與明哥,michelle傾計,舒緩佢緊張既情緒~~阿忠都係知我驚,我未行到,佢就扶我過去...真係好高呀~大佬明又叫我只好望前面,唔好望下面,我又係咁捉住欄杆,又叫我唔好捉住...HOLD左一陣,之後又跳左,因為阿sir話等得越耐越驚,越想退縮,我贊同,不過總想拖多一陣~這次叫得最慘烈既一次跳.....每次跳,我都合上眼,咩都唔知,哈哈~其實....我倚賴左阿忠,佢對我越好,我就越怕,如果佢惡返少少,又話會阻住大家,我就會好快咁深呼吸,死就死既心態,點都要跳既心態,就咁跳左落去~跳完,上到船,一見到emily就同佢相擁,點知佢cry左出黎,又差d俾佢搞到我cry埋~我想,我想cry,係因為真係好驚,但好有滿足感,好開心自己敢跳~同埋見到佢地,有好想倚賴,撒嬌,感動既感覺,係因為我對佢地信任,好想將自己內裡既一面表露俾佢地睇~

第4次,當然有咁低企咁低,企響船頭~見大家"3"個下無跳,我又遲疑左,之後明哥問做咩唔跳,我就跳lu~今次,因為比5m矮,雖然都高,有少少緊張,已不是什麼一回事lu~之後就好開心咁....捉住cecilia,一齊好開心咁踢水....起勢咁踢,因為唔駛再跳lu....大家瘋狂了~上到船,俾阿忠讚我叻~多謝晒....

好累既大家,坐響甲板上,享受著暖暖既陽光,聽明哥分享~好詳細既內容我就唔記得lu~不如我講下較深刻的~聽到地球既氣溫上升,令冷藏在冰下既細菌復活,所以先有咁多豬鏈球菌,h5n1..etc~好感慨,大家一定要響應環保,否則後代會受到牽連,都唔知生唔生好,雖然到時我地可能死左,但我地點可以置他人之不理???保護地球,唔可以只有少數人去做,而係要大家一齊努力架~否則徒勞無功~

明哥好希望我地響往後既生命裡頭,都可以有積極,勇敢,正面既去面對困難~不過佢成日都話俾大家知,好多野都無對與錯,所以唔同意都唔打緊既,只係觀點與角度既問題~仲有d咩呢?仲講到,人既本能反應係追求平凡安穩既生活,所以一有問題就好自然咁去避~你又甘心呢種生活嘛?但係,危機感,應變能力會降低~有架...唔記得左添~我記得再分享~

跳完5m既海,我就唔敢跳樓自殺,亦都唔明點解d人會跳樓,咁高~同埋玩完,亦都無增加我對跳海既興趣~試過就算了~大佬明話,所以其實跳樓既人係有好多勇氣過其他人~如果佢地唔死得,會覺得自己個時好蠢,因為既然自己有勇氣跳,點解唔用個d勇氣去面對困難同埋解決問題?....原本今次eva叫我take care佢,我話,好難,因為今次我都驚,同埋行扶手好難幫~但係,我發現,如果叫我take care人,我一定無依家咁倚賴,由於我要take care人,所以點都唔可以俾自己weak~所以心態上既轉變,真係影響好大~

仲有,大佬明話,人人都驚高既~不過只係一種錯覺~如果你望前面,唔理既,呈水平線既野,就無咩野~如果由高處望下,就一定覺得高,因為自己唔係企響個地面...

之後渡海泳~傾完等於無傾,無咩用,仲有,簡直係考驗~力的考驗~氣的考驗....我拖個個水泡,3個都唔太識swim,有benny,一個男及一個女~男既係咁壓住我水泡....卸晒我d速度同埋力~後來cecilia swim過黎幫我....又有一個捲髮既男仔幫我,之後知佢都係玩水球既....阿明就係咁arrange d人~好想佢幫我呢~之後..點知無艇載我地走,即刻要swim返去~累壞了.....之後同cecilia一齊,好多了,阿明又幫我地運左d只會阻住,又唔郁,只靠人既人走,好左好多,最後剩返我,cecilia同一個男仔,個男仔好好,識郁既,good~不過已經好累了....最後大腿都抽抽地筋~

阿明話咁掉,係因為想佢地自己郁...靠自己,知道唔郁就swim到返埋佢~又好彩阿sir叫martin幫我地手,佢好快咁拉左eva返去~真係勁~我地2組較慢,因遲落啦,又多人唔識swim....之後上梯都無咩力....沖左淡水就坐響甲板上唔願郁~累死人,都已經唔再凍了......我聽到michelle唔要命咁響海上落水,細ryan同emily就用極速去救佢...佢條友仔....真係....佢話因為再無咁既機會大家咁樣響海上玩wor~嗯.....有d唔理解~可能係同一個情境,同一班人,咁既氣氛swim渡海泳~

之後lunch,由於有一組無prepare,我地俾左cheese同埋bread俾佢地~我地有菜+火腿烏冬~不過無咩胃口~哈哈~~但之後又食cheese同埋chocolate~好累,上水時,我同cecilia去change clothes,細ryan同emily叫住我地,話分chocolate,都無咩心機,因只想抹乾個身,換衫~好疲累呢....不過,未try過大家咁換衫,大家響同一空間,唔著衫wor~哈哈~

見到vivan響度sunshine中,不過有點不雅,露pat pat~細ryan都因此而移開位置~我就俾掛在我電話上既公仔sunshine一下~細ryan又同我爭論個技安係邊個既~係我架....哼~未食得既時候,我又攤左響度,大家又訓我大脾~miss左joanjoan call....不過call back既時候,佢sleeping中~死人大佬明響度同我比小腿~找死~估唔到佢把口都可以咁衰呀~依家睇清楚佢~之後大家玩下,傾下計,就係咁....可以休息~

cecilia暈船浪,都幾好wor,話嘔就嘔,我有時成日想嘔,嘔極都嘔唔到~因為真係好大浪~我個人認為坐響度仲辛苦,我就企響度~之後不敵sleepy,就坐左sleep~期間都有take下photo~不過我地個組無咩人郁,就無take勒....大家都無咩意欲,或者大家都未咁close掛....又唔主動呀~無咩氣氛~sandy個組d人,,就起勢咁玩......

之後分成4組....有d人負責艙,有d人就甲板.....之前阿sir都有問cecilia幾多號,可能知佢唔舒服,就唔俾佢響艙~好好玩...分4組既時候,4組會分左4個流水式洗碗既程序,我地個組負責遞野俾人洗,同埋抹下爐頭,抹下野咁~好少功夫,我呆呆的,有一次俾人地既布抹臉,之後又撞親個頭~真係多災多難~我地個組好快完成,就坐左響度睇佢地流水式既洗碗,抹碗呀,擺返d野咁~之後分2批人,負責艙及甲板~我就負責擦下地,之後抹下有油既地方,沖乾淨布,就投籃....完了~

都唔換新衫~執好野上甲板~埋岸lu...整個旅程完滿結束~.......仲有野講....留返星期一既日記,大家會見到架勒~

>>October 27, 2005 at 11:50:52 AM GMT+8

2005 年 10 月 22 日 星期六 【颳風】

2nd day of adventure ship training program~what's a scared and tired day~

尋晚都未講完,依家要繼續~dinner既時候,我地好分工合作,又主動幫手,一d去換衫,就有d整住野先~我地個組就真係好快,可能因為大家都識既關係~其他2組就差少少,有d人又唔主動幫手~所以我地個組好快就食得,仲好好味,有臘腸雞飯,雜菜+丸湯,及肉子豆腐肉丁~好好味~thx for michelle調校飯既水,及emily既肉子豆腐肉丁,仲有大佬明幫我地煲既雜菜+丸湯~好好味,好warm~辛苦晒你們,因為有時得返佢地一人好lonely架,我地呢d小角色就幫手遞下野,準備食具及洗碗~

我知道有一組有生米,有一組既飯變成泥狀,有一組既豬扒唔熟就放落d湯~emily話一定要熟晒架~否則放左落去都未必會熟...我真係怕佢地肚痾~仲有.....個個煲走左5隻小強出黎.....已經洗左架勒,可能佢地又放返響度....oh....真係....嘔~

我響廚房既期間,又同阿ben哥傾計~佢唔prefer我study社工~因為佢見好多人失業~我就同佢講,可能我命好~anyway....我相信我想做既一定做到~起碼盡過力~仲有既係....我都仲有account呢一行既~哈哈哈~~見到佢地食既野.....都幾清....好多都係蒸既~阿忠,根哥見有一組煮得太慢,都有幫手~

食完~大家又傾下計....因為落雨,有班人走左落大艙玩,個時既細ryan走左落去sleep~佢自己本身sleep唔到,就上返黎同我地傾計~個時剩下emily,sandy,cyrena,cecilia,我~kimmy,michelle去sleep~明去玩~benny就老人與海~期間我地5個女仔,都真係....好開放咁俾自己既肚大家睇...哈哈哈~搞笑...我地一路傾都有阿忠一路拉二胡伴住我地~

我變成左大家既人肉pillow,大家好喜歡訓我既大脾同肚腩~其後我地仲睇下手相同埋傾下大家將來既生活~由於我覺得第時既family人數太少,difficult to cook,所以我地plan左得閒去唔同既home度黐餐,咁就唔駛食隔夜food,又煮得少,又唔可食好多唔同款野~我地又傾到,我地大家婚後得閒就幾家人出黎聚..好開心咁,小朋友有小朋友玩,我地既就有我地傾計~最後有後花園,有狗追逐,有得bbq~哈哈哈~~

最後由cecilia搵地產商,有免費屋俾我地去玩~佢同cyrena都要釣金龜,等我地可以玩多d野~而cecilia好suitable for大少爺~根據emily既theory,好多大少爺都被寵憤,突然被人罵一罵,可能就因為未試過有人咁對佢,就愛上左...所以只要cecilia做返自己本份就可以了~做野時認真,有咩唔o岩就要罵~之後sandy負責design衫俾我地著~wahaha~我地未來既知名designer~emily負責cook....哈哈哈~~今日我叫左佢做emily媽媽~不過佢唔like,我就唔再叫lu,因令佢想起家燕媽媽~細ryan就問我,咁我倆負責咩呢?我都唔知呀....幫下佢地手湊仔囉....幫佢地出ideas吊金龜...佢有咁多鬼主意~哈哈~

又傾下邊個結婚先,哈哈哈~~大家話應該係emily,現在只欠點頭答應wor~有人話欣欣,細angel,ida等....哈哈~不過我話都未必一定~可能到時我地跌眼鏡~哈哈哈~~睇手相既時候,大家睇下事業,睇下感情,睇下生幾多個~發覺...我既紋唔深,手又軟,emily話我無憂無慮....幸福的~emily川字掌添呀~細ryan既感情線分開左3截,oh~cecilia,sand既紋較深....~~

之後明哥加入我們~佢好like細ryan,因覺得佢好靚仔,5官又端正,又見到有好多女仔圍住佢,覺得佢應該....好受女孩子歡迎~不過估唔到佢未拍拖~之後就探討why佢會咁~講講下,就係時下年輕人既愛情觀~因為要講守更既事宜,齊齊落左大艙,之後又去左另一個地方繼續我地既話題~cyrena,我,emily,sandy,細ryan,cecilia既想法都好一致....同佢地都有不同~因依家既人拍拖既定義係要有埋性行為~又講到同居,婚前性行為,擇偶條件,結婚等問題~1100就散lu~

1100-0100係emily佢地個組看~0100-0300係cecilia個組~0300-0500係我個組,最慘~0500-0700係sandy個組~1100-0100,emily佢地有佢地個組discuss~我,sandy,cecilia,benny,michelle就響佢地附近talk~傾下benny~問候返佢~之後我又知道....原來michelle叫我去lamma island個camp係想我睇下佢點安排d節目,點樣由唔太熟,直到好close,內部關係既建立~點樣去帶一班人~

我,sandy,cyrena響甲板上sleep~因我覺得艙好侷~cecilia就看更勒~由於太凍,同埋佢地傾計(有人覺得大佬明好神秘,好似船上做野既人咁,我又八卦一下)都令我唔多訓到,就叫埋cyrena,sandy落返去sleep~真係warm好多~同埋個感覺都ok~0200落去,0300就要起身~真係好大風....我就無咩join佢地既話題....不過時間都好快過,佢地有講鬼故呀~講下東,講下西,講下發生左既野~無咩特別,只係好想sleep....

差唔多時候,sandy好快咁上左黎~陪左佢一陣,見到有佢既組員先走~我地個組d人,咩都唔理,又唔等埋,就散晒....~我落到去,見到emily用rain cover蓋住個頭,呆一呆,好搞笑,就去sleep~

頂.....訓訓下....頭上傳來"boom boom boom"聲音,我好炆,好想sleep,同埋都有d驚....搞到我好似發惡夢咁....我話俾自己知,再聽到就上去罵佢地....好彩停左..無幾耐....聽到alarm clock,又見到sandy落黎,我都係一d好醒訓既人~無幾耐,又俾michelle叫起身~好不願意~

梳洗,換衫,做早操~阿忠既姿態好優美,同埋佢既動作都幾好....有d位搵得好,又配合埋佢既funny sentence,都唔會咁沉悶~佢都真係好似跳舞咁....因佢地問過,戶外既唔係,又唔係水上人....又話估唔到架wor,同依家既工作完全無關....教dancing..都幾似...定係好似gym既教練呀?不過cyrena好似聽到....大約好似真係dancing~就俾細ryan讚佢醒...難得一次~哈哈哈~~

下回繼續....會講下其餘既活動,對唔同阿sir既感覺,同埋"boom boom boom"事件~

>>October 26, 2005 at 4:44:56 AM GMT+8

2005 年 10 月 21 日 星期五 【颳風】

尋求突破,挑戰膽量,又緊張,又刺激,又期待,又好玩既乘風航.....終於出發了~hahahaha~~

呀....點解我唔知daddy返左大陸架~真係o丫.......

wait~等我返黎....大家要睇住我,同保佑我呀~

我終於返黎lu~只係好累好累好累.......

一早食緊早餐既時候,收到細ryan電話,原來改左地點~點解有咁既事發生?就係因為,adventure ship被發現機房入水,要搶救,咁船長明哥打俾michelle,一係就取消,一係就等佢搶修~michelle半年前,用左2日時間不斷打電話先book到呢個期,佢打死都唔取消,又無謂等,就我地入深灣上船~又點解架船會入水?因為有新船,而依家大家既注意力都放晒響新船上而忽略左舊船既maintence~而我聽到emily詳述,都好激動,期待已久既乘風航點可以取消.....好彩.....

約左cecilia一齊take mtr,睇下駛唔駛幫佢拎野~去到中環,都好快,見到細ryan同benny,佢地唔知巴士站響邊,就一齊去勒~之後等人,等到差唔多就上車~我地都維持我地既本色,好嘈....哈哈哈~~唔該晒emily幫我睇實個袋....又有michelle家鄉既美味話梅~落車時發現benny,大佬明同kimmy同我地分開左坐添~死...無理佢地~

之後我地分左2批上快艇去adventure ship度~點知我同cecilia,ben,kimmy,明同佢地分開左~哼...拋棄左我地~好彩我仲有cecilia~點知..佢地兜錯路,我地仲快話佢地上船~我就同佢地扮鬼臉~

講左一輪野,又換好衫,又講下安全,帶左我地周圍睇,就開始我地既歷奇活動,呢4個活動係task黎既...命令~明哥話....通常人只可以專注15分鐘,所以講左15分鐘野就叫左我地起身,周圍睇下身邊既景物,又叫我地坐低....繼續講~

初時都有點唔開心,因為分開左我地,4組~第1組有cecilia,benny,kimmy,明~第2組得我~第3組有ben同埋sandy~第4組有細ryan,cyrena同埋emily(菁菁同欣欣都話點解emily同細ryan成日都可以分到同一組,大家都百思不得其解~).......雖然我地熟jei...但係我地未試過一齊經歷呀~我地都好想一組,一齊經歷,令我地更close,更熟~

唔同組當然都有唔同既經歷,佢地既,我唔講咁多lu~呢4個command task有奈河橋,飛越龍門,獨取橋頭同埋採青~活動開始之前,大家唔同組都會負責一d野...幫手搬物資....令活動進行~

我話俾你知...我個組好慘...船上有10個人唔識swim...有5個已響我個組,仲有,我個組得9人,換言之,我個組得4人識得swim~

奈河橋就係大船與橡皮艇中間有條木搭住,大家要行過去,趺左落水個個要重頭黎過~難度係會唔穩,會郁既,好難平衡~初時我地個組話要一個一個過,最後改做一齊手拖手過....因為一個人好難平衡,要靠另一人去扶...仲有,我地個組既eva驚既~我就係咁,俾佢拉左落水3次,因佢死捉實我~佢真係好驚,有救生衣都係咁,佢攬住碌木,唯有去幫佢....唉....不過我都不斷俾支持....讚佢..最後都成功~

玩飛越龍門....即係我地上面有個帆,無梯,靠我地自己上去,之後落返黎...不過唔准跳,帆上最多3人~最後有一個男仔做"鄧",另外2人扶上去,頭一個男仔好多靠自己又有其他人幫咁上左佢,第2個係由第1個同埋我地幫佢上去......d人上左去,就慢慢滑下去,好快...我都無咩點驚....最後個個靠自己上,不過...佢既方法不對....就係咁...好危險,其實會拉埋上面既人落黎同埋會卸晒d力....

之後採青~經過華哥既提示,我地要有多個plan~之後跳左落水.....oh....要跳水...1st~驚驚地~之後都ok~試左好耐都唔得,之後大家洩氣了~無心機了...又冷又累....其實有2次差一點點,最後...都完成不了~唉....不過真係好靠運氣,合作~下面既人要幫佢地hold定個位...上面既人就盡力平衡同埋上到去拎野~我都好累....eva又驚,又幫唔到hold....佢又唔識swim...所以好多時,都係我做主力幫佢地移返個位....都真係好累.....~根據emily個組講,佢地個組係wild組,任何活動咩都唔傾,martin就話落水先,咩都唔理,martin好like跳水,佢不停咁跳,跳,跳.....因佢好貪玩~

最後,獨取橋頭,就係大家要靠一條木,及大家既力,令個個人行上去條木度掂一掂張紙...最後個個拎張紙返黎~個度係船頭....都幾高....明哥話未有人試過跌落水,有既話要將個名刻上木上....點知...SANDY係個一個~哈哈哈~我都幾驚.幾緊張,因都幾高,好彩都有人響船上拉住我...哈哈~之後我有份負責坐響木上....先知道男仔既痛苦~原來下面好痛...初時我仲怕我地響上面壓住佢地會好痛,點知此痛並不痛~坐響上面最痛~我仲響度....不過我覺得呢個最funny,最開心....哈哈~因可能跟他們熟了...有個男仔好凍,我都好take care佢既~最後發覺,cecilia個組跟我們用同一方法而唔俾我地用細ryan個組既方法~但細ryan個組既方法可同於我們,但佢地既阿sir唔俾佢地用我地既方法,果然唔同人有唔同方式及指示~

最後發覺同佢地一組都ok~不過佢地太怕凍~又有好多人唔識swim....又驚水~不過佢地無忽略大家,都算係好了~又會理我,聽取我既意見,無個人主義,都不錯~不過,只要我投入,咩都會覺得ok既~cyrena話我有leader feel....傻啦,因為當跳水要排隊,佢地排錯左,我叫佢地排返過黎,佢地都肯,cyrena就有此感覺了,不過我覺得不是一回事~無咩特別,只係見到咩就講....其中採青佢地打算踩背上,我唔俾,因我怕佢地整到條脊髓,導致半身不遂,好彩佢地都聽~只係佢地都聽人地意見既...

食lunch~包....無咩特別~無咩胃口~其他組好似無我地組咁prepare,都係各顧各~因食既組與玩既組唔同~食既組係michelle分既,玩既組係明哥random咁分既~食既組,我地有michelle,ben,benny,細ryan,明,kimmy,cecilia,sandy,emily,我,cyrena~

之後到空中飛人及駕駛快艇既環節~即係蕩繩跳水~不過快艇無咩特別既...俾你掂下only....~都有同阿ben哥傾下計~哈哈哈~~都有少少成份係我撩佢既~哈哈哈~~空中飛人跳左4次....真係跳到唔想再跳....好累...我成日問仲有幾多次,好多人都唔知,成日以為最後一次,點知總有多一次~

1st,就咁蕩出去,蕩返黎~
2nd,蕩到最高點,放手,跳落去...
3rd,蕩到最高點,轉身面向船,放手,跳...
4th,蕩到最高點,轉身面向船,放手,拍2下手,跳....
5th,響另一個較高既位置(船上扶手上),蕩到最高點,轉身面向船,放手,執行自設動作...跳...
阿忠既跳水表演,真係正~

5th係最驚,因較高,我響度笑cecilia好得意....之後michelle叫我唔好笑人,因我都係咁,仲叫得慘過佢~我都知,不過唔係自己既時候,可以笑左先~cyrena仲搞笑,唔敢.....放手,蕩左返黎3次,真係益左佢...好彩佢無撞到扶手位咋...因明哥已話唔可以返轉頭,因會撞親....點知cyrena做左.我都估唔到佢驚到唔放手~emily顧得俾飛吻,又顧唔到落水個刻,大脾打開左,佢上黎既時候,我問佢大脾痛唔痛~細ryan俾明哥讚佢個動作靚仔及瀟洒~我就好驚,大叫.....都無做動作lu....聽到emily,細ryan,michelle大聲既支持...多謝晒~而sandy,做左個敬禮動作,不過見佢好驚咁望住個海面,好搞笑....

終於跳完lu~一齊拉撈...大家都唔知好dirty,紛紛放低毛巾~我既mcdull呀.......拉完大家都去沖身~我地就出發去大潭...誇過個山就係石澳lu~今日既活動就係咁完滿結束~dinner時間~

仲有架~打住咁多先~

>>October 25, 2005 at 5:08:53 PM GMT+8

2005 年 10 月 20 日 星期四 【微冷】

今日michele放假~

好累....欣欣好有毅力咁叫我起身....最後....差唔多1100返到,唔好唔叫我呀....唔好放棄我呀~返到去抄下notes~就去左lunch~project堂,ok咁啦~呆呆的....分左工~

唔該大佛幫我搞掂左d問卷~

去左百佳買野食~phyllis,欣欣,sarah一齊行,我就去左遮仔幫michelle 買左件衫,因我有IT card有9折~俾左欣欣拎返home,我就join返cyrena,kimmy,細米,emily,細ryan佢地~今日cyrena好鈍~今日菁菁同欣欣話我同細ryan呀....唔好拎我同佢compare呀~根本無得比....呵呵~~佢跟我架咋....

之後我,emily,cyrena,細米行左陣,我地3個原本想去旺角既開倉,不過emily話無野睇....之前欣欣都係咁講...emily叫左我地去x game~emily唔想出,因佢要陪mummy,佢就自己行左陣~我地3人去左tst sogo先~再去開倉,又去zara,再去左temple street~

我有收獲,buy左一條$72既裙,哈哈哈~~原價$360~2折呀~我好想buy滑水褲,4折呀,好抵.......不過,算了,唔夠cash~又唔知要咁多滑水褲做咩....我已有3條了....不過真係好好睇,又抵....白色我又無~只有幾款有我size咋~細米原本都想buy裙,不過條裙太大,無size~yeah~

我同cyrena又響zara睇中左條頸巾~哇....我個條好sharp,好fashion,戴左,成個人都唔同晒....就算我著得好落街feel都好.....都有好唔同既感覺~又抵...自己織都唔止呢個價~cyrena睇中左條紅色既~佢呢期成日都向呢個色系進發~仲有呀....佢響開倉度睇中左碎花sandals,唔係嘛...我既感覺係好阿嬸feel...咦.....細米都話佢....佢又係好like呢d野....

哈哈~我地響zara望sales~男女都有....d男仔都真係幾得....電得幾好睇....不過一dd啦,有d太誇~不過見到有個女仔電得好靚,我同cyrena都好想電個個~佢係曲得黎...都電鬆左...好多頭髮,好長....幾好幾好~真係好想問佢,呢種電法係咩呢.....如果唔駛染仲好....佢都幾白...哈哈哈~~都係搵d假髮試下先~

我地有2個plan,會分2日進行~
day 1,shopping day...去完causeway bay,搭叮叮去中環石板街,想既可以搭船去tst~
day 2,sing k日~去mk唱~之後去聯合,mk行,再帶大家去太子既一間野度食~

因為講左好耐,想叫大家試下太子間野~大家又去想唱k...又想去行街,又話帶cecilia去causeway bay,細米又話去石板街~我仲未唱過.....我的醉愛.....呀~day 1既plan都幾浪漫下.....哈哈哈~~今日我地都係....由tst sogo,經海旁,再去harbour city~哈哈哈~~

今日難得好空閒,都唔想返home住,就去左行街~真係難得無野做~michelle又唔響023~

hehe~今日sandy有打俾我~果然係無見我就會野俾我呀下~今日無見過cecilia~oh....

>>October 21, 2005 at 5:03:19 PM GMT+8

2005 年 10 月 19 日 星期三 【微冷】

好野,今日約左1030返黎,傾project同埋print notes~我好準時......yeah~~

我響校門撞到sarah,我地見咁早,佢地又未返到,我地就去左023坐左一陣~之後上去print野,整野~見到cyrena個樣好累~辛苦晒了~真有效率~

去左輕鬆一下lunch,好耐無食過lu~開心開心~~之後返去上堂....又落下023,有提子食,好好味,多謝michelle~又去024拎沙田既AYP plan~都唔知有無得join~唉..算了,個天好似唔想我join咁~

差唔多又落去122,因為今日係唐氏既briefing~christine好叻咁自己識得行過黎,good~今日好冷清,得一半人,另一半去左灣仔歷奇,見佢地趕到返黎都完lu,就安排另一個時間俾佢地,好彩...可以於活動前安排~咁都好d...否則又有好多問題.....房啦,就christine啦,就michelle啦,同學仔啦~初時佢地都好被動,不過之後都可以.....1900完左~哈哈~~

michelle cancel左hair treatment,因為發生左一件事,初時我估係因為佢要搞掂埋122添,阻左佢~d人都唔知咩人....仲有既係...有d人既處理手法都好有問題~唉...令michelle唔開心,激心,激氣之餘,大佛亦都好down~佢對於自己既future感到好沮喪,怕變成個d人咁~傻既....當然,佢仲有其他野~

陪左michelle行左陣,佢買左件衫,睇唔中電話~我地去左青衣成食意粉屋~好唔好意思咁,又係蔡生,michelle俾添~都係唔好跟佢倆咁多~

食完之後,散lu~見到starbucks請人?又同左pinky講左陣,問候返下佢~點知佢同大佛講左好耐....哼...不過ok既,知道大佛有好多野想同pinky講~~我就back home....好tired~~

>>October 21, 2005 at 4:38:17 PM GMT+8

2005 年 10 月 18 日 星期二 【微冷】

今日終於可以訓到12點先起身~睇左陣電視,同埋坐左陣,就去左油麻地自修室睇下搜集返黎既article同埋溫audit~

哇哈哈哈~好乖咁bor,其實都無咩心機,不過睇左有個concept都好,唔駛背都可以,慢慢來~cecilia叫我keep it on~我會加油了~

今日涼左,好大風哦......擔心乘風航考我膽量之餘....仲think緊落水著咩衫好~背心怕凍~短袖怕晒到兩截色~長袖怕熱同埋濕左之後好重~真係煩死人~~哈哈哈~~cyrena又問會唔會除泳衣,我話會,不過佢覺得麻煩,又要帶多套under,第二朝又著返~好似搞好多野咁....真係懶~我提佢帶長褲,佢又唔想帶,我話佢凍唔好搵我~~因為涼左好多~我又提sandy要帶toothbrush同埋毛巾~不過佢叫我friday先提~而我,就拎左mcdull大毛巾去洗.....香香的帶去~係winnie同hong送俾我架~

今日sandy有call me呀~哈哈~我問佢做咩打黎,佢話搵下我咋wor~我話少左同佢talk phone~佢話通常無見都有打俾我架wor,係咩~~哈哈哈哈~~我打俾cyrena睇下佢搞掂我吩咐既野未,講完一大輪,叫佢去study,佢話我拋棄佢....佢都傻傻地....d人都真係難服侍~又打俾欣欣問下野咁啦~~

今日無咩特別~電話亦都特別安靜~收到情報,michelle問cyrena做咩我尋日咁火~cyrena都話因為d人擁埋黎分組,又有好多人爭住要2人一組,好麻煩,就係咁~對....無錯~咁o岩細ryan入左023...知道我點解火..佢話要打俾我煩我~michelle叫佢唔好,因為欣欣叫我起身,我罵佢wor~我要澄清......依家d人成日用詞不當...我無罵欣欣.....只係叫佢俾我訓多陣~我仲要扮精神咁話...得勒得勒~哈哈哈~近期既欣欣都炆炆的,因多野做~~對對....

尋晚我食左2隻大閘蟹,哈哈哈~~好味~之前我daddy,mummy打交呀,仲冷戰添,我daddy仲訓廳呀~不過根據細妹既透露,他們無事了....只係mummy開television又開燈,令佢訓唔到,先響廳訓~嗯.....佢倆又為錢而嘈~

>>October 19, 2005 at 3:32:29 PM GMT+8

2005 年 10 月 17 日 星期一 【酷熱】

大脾唔痛,不過仍然係累累的,呆呆的一天~腦筋混沌既一天~

今日俾欣欣既無敵追魂call,終於憑藉佢既毅力,成功嘈醒左我~不過我都係無返早上個4堂~哈哈哈~雖然我做左功課,但我實在太累了~原本想返audit既tutor,不過......哈哈哈~~其實我都炆炆的....angel又催我wor,因佢要份功課,佢地又以為我唔返~

我返左去同佢地傾project同埋今晚既老人briefing~大致上都可以既~期間,都有同tong,傑同學傾下計~我仲試左winnie lai整既mousse~俾左d中肯既意見,我覺得似雪糕~tong不停咁食~oh...no~佢條友仔,以為我拍拖,我都無,佢話響日記見到好似有wor~莫非我有拍拖我唔知?哈哈哈~~好期待同佢地去bbq~~hehe~~大家好耐都無聚埋一起lu~~我仲叫傑同學教我地FMC添呀~

欣欣趕住走,所以我地都好快咁搞掂個statment of problem~其實都用左2小時~我地星期四仲要搞埋個purpose~佢要去行街呀~哈哈哈~~之後我同phyllis hei左一陣,就去綠檯搵cyrena佢地~搵埋apple,michelle返左黎,就上去set場了~

細米家中有事走先~阿邪take taxi去錯地方,唔記得話俾佢知有2間ive~oh....佢6點先到~我問左cyrena,佢係咪真係好似ivan,佢都認同,哈哈哈~佢帶既氣氛都幾好,無奈地時間唔夠~d同學仔都幾好~不過我發覺我地義工天地仲有好多野搞....好似係聯誼,plan下點搞個party俾老人呀,大家既contact list呀等等.....~唉....~~俾佢地分組又麻煩wor.....由其個4個人....~之後都ok~~阿邪個talk都ok wor~~好detail,佢仲想講好多好detail架~不過都差唔多8點,就真係要stop~~

之後emily,sandy,cecilia,我,michelle,cyrena一齊去甘味屋~多謝michelle~佢地覺得我好炆,問點解~sandy都講得對,我做野係咁既....比較認真,同埋有d野都幾煩,最擔心唔夠老人家~個d techniqal呀,admin既野最煩~之後都好一點了....michelle又成日響人地面前同emily咬耳仔....又唔講咩事....唉~好似明知佢地講緊我,又唔講俾我知....~同埋都因為我差唔多了....近期會較為煩躁~先兆~

去陪michelle睇電話,我覺得sharp個部咩313好似幾好~都想buy~都introduce左俾michelle~cyrena唔知咩叫轉個mon,仲駁話係咪推上去,真係孤陋寡聞,又唔信人~我地今日都有討論到sandy,近排都有令cecilia動真火,呵呵,佢都搞到我發佢脾氣~~身為中級無地自容班既emily就過左2招俾sandy~sandy有時串人唔識收,同埋無位俾人地落台~令人地嬲.....而唔係無奈~哈哈哈~~咁都好,大家發現有咩問題就提出,費事積怨,同埋當事人可以得以改進~

仲有呀,michelle講開buy左boot~之後又話我著boot既look好開放~我想追問係咪即係唔好...佢同emily又走左去~~激死人~cecilia未見過,想睇~都唔知幾時俾佢睇.....因為佢地唔俾我著返sch~因太誇了~唔得,我要知道係咪唔太好先~但我又覺得好似幾好睇咁wor~不過大家可能睇唔慣,因我著左,真係唔似平時既so pui ling~好大既轉變~

之後送左sandy同埋michelle take mini bus就走了~得返我同cecilia take mtr~我地都講開,幾時開始熟,同埋我都話好難同cecilia熟~cecilia都認,d人好難同佢熟~哇哈哈哈~我係因為同欣欣及sandy熟左先,再同佢熟~或者佢慢熱,哈哈哈~~仲有呀,乘風航好似好激咁....我同cecilia都有d緊張~哎呀....跳咁多次海~又唔知自己游唔游到上岸~仲話個個網好似好搖咁.....哇,似乎今次都幾考我膽量~可能搞到我無咁畏高~仲有,大家會成身鹽咁....emily話會帶d濕紙巾,都好都好~~我怕"拿"面咋d鹽~

phyllis同cyrena笑我,我係主席,終身都係主席,逃不了~2隻野~找死......唔知係咪phyllis睇左我既日記,今日同佢好似close左咁~~好點了~不過我記得有一次嚇親細米,因我突然變得好有禮貌,對唔住前,對唔住後,搞到細米不知所措~哈哈哈~~我都唔想成日見到炆炆既我~~

>>October 19, 2005 at 5:53:56 AM GMT+8