2005 年 12 月 14 日 星期三 【颳風】

一早約左返去傾audit,不過唔願起身~就係咁,遲左一小時~唔好意思~我都無食早餐,遲左了,又知佢地會早出去食lunch就算了~

今日跟菁菁講既時候都仲有點情緒波動~

去左紅樹林食~之後行左一陣,就返sch~家欣趕住返去交家長信~michelle開緊會,上左課室先~之後安頓好之後,就落返去,見到cyrena,細米食lunch~個時我響家欣口中得知cecilia個group入左圍~恭喜恭喜~響023坐左一陣,就返去上audit~無咩心機~

之後fmc,大家好努力咁抄野,分工合作~good~1700就放了~

去左幫michelle手,wild camp既野,同子誠出去buy helper's food~之後cyrena都一起出~之後一起走~michelle出左mk整頭髮~得知wild camp好多野做,michelle負荷不了~oh...咩都幫唔到手~

我返到home之後,都無咩野好做~懶.....

與sandy於msn chat了一會~concern about her~近排都有同august響msn chat~

>>December 16, 2005 at 5:07:24 PM GMT+8

2005 年 12 月 13 日 星期二 【晴】

emily生日快樂~

今日返左去開會~順利,大家都有交野~michelle話班義工好搞笑,沒自信既,活躍既.....不過佢地唔太熟,就一堆堆咁~所以michelle suggest搞下野聯誼佢地,不過都要等大家考完試先~

陪左cyrena,michelle lunch,之後就一起走~我地陪細米打針,仲要去睇一d野,我睇中左對boot~細米無睇中~michelle去中銀入錢,for 船費~我講左d唔應該講既野,michelle就快步走~oh....只係提左下尋日做咩唔食糖水既事~唔明點解無人去食~

行到累,我有d好肚餓,細米就買左腸粉,燒賣,魚蛋,粉果坐響一旁食~呵呵~未試過咁~感覺特別~原本想走,點知見到捐血站,而我又差唔多捐血了,佢地即興又叫我去,因未入過呢間,就入去捐血了~之後我地就各自返home lu~

期間收到徐姑娘電話~應該係請我做小組補習導師~不過當時我捐緊血,cyrena幫我聽~我又打唔返俾佢~之後牛奶打黎,問有無人打俾我個d,又話in我個個係佢阿head,佢話我好wor~~講左幾句就收線了~

返到home,訓左陣~起身~話俾michelle知有part time了~不過俾佢地一人一句咁笑我~有michelle,大佛,細ryan,仲有唔知係咪阿葛~又話多左機會見,叫我哽左佢~真係....佢地就講得開心~我個心都幾難受,唔通發佢地脾氣咩,咪笑全咁回應囉~唔係第一次架勒,唔好再將我同佢拉埋黎講~講笑都唔得~我都諗緊係咪唔應該見呢份工,唔應該做~知道佢地講笑,知道佢地唔係話我同佢有野,而係俾左機會佢煩我~但係....我都有我感受~既然..第一次你地咁講我已經考慮自己有無做錯既時候~點解你地仲要講?我有d唔開心~好難受~

我都係想有份part time jei~我搵左咁耐,有份part time已經係好好架勒~我又唔係為左d咩~我只係想有份part time jei,莫非咁都有錯?對住小朋友,又係我想既~時間又好~星期六,日唔駛返,可以做義工~人工都幾好la~都係返2小時,唔影響我學業,義工組~我仲可以點?可以響邊度搵呢?

我真係好唔開心你地咁講~係好唔開心,好唔開心~未知唔開心d乜~等我諗下先~不過真係好唔開心~

>>December 14, 2005 at 3:35:37 PM GMT+8

2005 年 12 月 12 日 星期一 【乍雨乍晴】

wto會議開幕,睇新聞,真係好激~又跳海,又放火~睇黎hk police第一次面對咁大既場面~我地hk幾時有咁大既暴動o丫?

13xx先起身~真係懶,都未做bais assigment~搞下呢搞下路,又夠鐘出去,我要去唐氏會拎返個電話~之後又出返青衣~因今日去michelle home~好多野食,好飽~又有ice-cream,多謝sandy~多謝michelle~

佢地細既響度傾計,我地呢班就坐響一邊又或者響房~有chrispin,陣,kingston,sam,恆,barol,shirley,碧君,善~benny,michelle,emily,欣欣,sandy,cecilia,我~

今day好搞笑~咁我地送emily落去搭車,順便buy ice-cream,欣欣怕我地唔等佢,未束好鞋帶又行近我地,又再綁過,佢做左2次呢個動作,好搞笑~欣欣同cecilia就成日煽風點火~emily病未好,好多野唔食得~佢好累呢,不過今日無咩野做,佢都可以坐,仲見到明星添~佢見d韓國人入左酒店,好驚,都掩住個証,怕佢地唔知做咩,不過原來佢地搞錯酒店~有驚無險~辛苦你了~欣欣好naughty,尋日食左三文魚肚痾,今日仲要食.....真係o丫~

又有好多搞笑野,不過...不詳盡記載勒~今日都好開心~不過都有擔心~跟sandy講左所感~因我都怕大家不喜歡,你俾我知,我就避忌下,唔好知咁多,費事唔小心爆左就唔係咁好,雖然你叫我唔講都唔會講~不過我都介意大家既想法~我自己都有自己既感受同埋尷尬~黎黎去去都係個d野~哈哈哈~始終我都唔係pc~我好醒,知少少就估到咩事~呵呵~雖然我都有一個緩和作用~

22xx就走了~同埋yr1(有幾個)都可以講下笑~都幾好~不過佢地真係好嘈~d湯好好味~今日我飲左2款湯,michelle煲既係合掌瓜粟米豬展湯~我家中煲既係雪梨冬瓜豬展湯~2款都好潤~呵呵~

>>December 14, 2005 at 11:12:10 AM GMT+8

2005 年 12 月 11 日 星期日 【颳風】

wow~~好凍哦~~

今日....好難得咁好準時咁返到去~約左0830~yeah~第三個(不過係應該既,唔應該咁小朋友咁興奮)~不過angel就...約佢0815...0915先返~唉~仲要好似無咩野咁....唔駛講sorry?大家都無咩出聲,亦都唔多想理佢,因太過份了~我諗應該係要有一次話下佢先得~不過無人做呢個醜人~

practise左一下~之後上堂,去左又一村lunch,又名為again one estate~而震昇則要以動作表示~哇哈哈哈~~

好累~食完飯之後暖左點~有點熱~響fmc lesson訓左~因為太早,同埋我只係訓左5個半小時~02xx先訓,0730就要起身~

上audit堂就好精神,不過都未訓醒,但無睡意~不過訓得好辛苦~無頸咁滯~早左放audit~就落去023~我幫sandy搞掂左本cill passport lu~great~菁菁話我可以做生意,一個stamp$1~哇哈哈哈~子誠返左黎,又講下,傾下wild camp既野~佢地既dinner好似好豐富~垂涎三尺~之後又同下benny講下細妹
有咩問題,因佢真係d skills唔多得~整蛋糕~一行人走lu,見到yr 1整野,好靚ar~之後去左行two percent~無野睇中,不過michelle好有收獲~原本phyllis同我地一齊行,點知俾alex急call左出去~哼~

無電話既日子都無咩野,仲好清閒咁~無負面情緒架~我平時悶就拎個mobile出黎玩,send sms~依家,都無咩特別,又唔趕住要返個mobile,無呢個急切既心情,有時諗下野都好~反正,都無咩人搵我~反正,都係我send sms俾人多~發覺無左mobile,都唔會死既~或者,想試下你地打唔到俾我既滋味~想你地搵唔到我~等你地緊張下我掛~因為反正都係我搵人多~都無咩人搵我既~呵呵~~anyway,我又成日待在家中,都聽到電話~只係有時大家會覺得唔可以即時搵到我,就覺得唔方便,又激氣jei~我又飛左線俾cyrena,佢做左我既接線生~

行two percent見到chrispin~行完去mtr,又見到善同埋陣~哈哈哈~~

累累的一天~呵呵~~好耐未試過full day sch life,真係好累~

細佬無禮貌~bad~老豆依家好少出聲,好似唔多想理佢,但細佬request咩,都會應承~有時唔出聲,係因為佢心中已有decision~就算我地點講,佢都唔會理~另外唔出聲既意思,就係,細佬bbq,雖然細佬要咩有咩,不過點起爐,d野點算熟呀,佢都唔會教,話燒唔到就唔好食,叫我地唔好咁緊張~因我同細妹不斷咁教佢~或者佢覺得細佬自己會領略到~因佢細細個都無人教既~

晚上,date左ida出去俾吉包佢~for king kong呢套野~佢個樣好累~

michelle怪怪的~我覺得佢有抽離既感覺~好似星期日take photo時,佢都自己行開左~又話唔係我地陪佢,係佢陪我地~晚上唔駛我陪佢,因為唔想麻煩到人~因為我地應承左一d野,唔去,佢唔開心~定係由於future既問題呢~

>>December 13, 2005 at 7:35:22 AM GMT+8

2005 年 12 月 10 日 星期六 【颳風】

今日係忙碌的一天~所以我突登尋日就stay響home,做我既功課,因為我知道,我今日無時間做~

一早返左唐氏會,領袖會議~之後去黃大仙中心有一個宣誓儀式,教繩結同埋影相~今日既活動太充實,時間好快就過~返中心期間,撞到阿B,搞笑,咁都撞到~呀....國健無寫x'mas card俾我同cyrena呀~唔制~近期既我都響度窒下simon同edmund,呵呵~

返唐氏會,由於cyrena好肚餓,叫左edmund請食野,我地食完野,交清楚d數就閃~因為我要趕返home換衫出mk for emiy birthday celebration~由於michelle太早出到去,我同cyrena都出mk join佢,佢有收獲,買左佢想buy既style既褸~

我地去左魚米之尊~好full~去左朗豪坊行左陣,去左take photo,之後又去左滿記食糖水,之後散~期間,cyrena返home做英文功課,cecilia都係返home做project兼送欣欣搵阿川~cecilia好想跟我地一齊玩,我就同佢講,唔打緊,我會再營造一齊狂影相既氣氛~我地仲有x'mas,仲有塔門~cecilia,唔好唔開心~呵呵呵~~

講下大家既趣事先~
1.菁菁:之前將扒王之王講成牛扒大王~
2.阿倫:知我唔入camp,又扮晒野話,我唔入,佢都唔入~又扮...哎呀...個d死人動作~
3.會員鄭澤民:撩我?找死~又話我樣衰先~但之後又對我眉來眼去,傻既,懶理~
4.ida:我問佢幾時hair cut,點知原來佢剪左,真係唔多覺,因 地趕收工,呵呵,服務態度唔多好wor~之後食dessert,又話唔知食熱既芝麻糊係點先,之後大家靜晒,唔知點回應,michelle就話,咪熱架囉~因同凍既無咩分別~真係俾ida笑死,大家之後就你一句,我一句咁,串佢~哈哈哈~~因大家靜晒都因為覺得佢做咩問左個咁白癡既問題~呵呵呵~
5.大ryan:都係一貫作風,串我~又話想問我問題,不過無拍video就唔問~唔知佢想問咩~佢原本想串我,因佢要take我著裙咁,點解,因我咁先係女仔,初時都get唔到佢話我,之後先load到佢話我著裙先女仔,唔著裙既就唔係女仔~我仲見佢想拍我著裙,我就同佢一齊take photo啦~找死...佢又串左我好多野,太難紀錄了~我又同返菁菁報告~不過大家今日都讚佢,因衫既配襯好左,加埋個hair cut,靚仔左~我地仲見到菁菁織既頸巾添~仲話係因為菁菁做左佢既形象指導,呵呵~菁菁話只係叫左佢著個件衫,其他野係佢自己擺上去架咋~
6.東東:懶可愛~呵呵~~佢唔只托腮,仲有佢同sandy交流時既表情,哇哈哈哈~~佢都有串我,我話我個件褸已經係比較女仔,佢地唔認同,因都係牛仔褸,之後東東就指住我既遮仔logo,話,咁咪証明係女仔d囉~找死~
7.欣欣:俾cecilia恰~所以繼我之後,cecilia係第二個欣欣話唔會坐佢旁既人~之後我又講左佢d鈍野~hehehe~~
8.cyrena都真係好累呢~因佢入左camp,只訓左3小時~
9.呀~我好包呀塊面,胖嘟嘟,oh..no~之後我都問左michelle點解d工唔請我~haagen daz有descrimination~曹公潭就可能因為時間問題,唔夾,我得既時間,佢地都夠人,又或者依家d工都真係好late先處理~christa話政府野係慢d wor~補習導師都未知,應該ok既~

我好傻,搞錯左d野~還錯card數,不過依家都算搞掂左,ok,no problem~因我有2張渣打card,佢有打黎催,我就還左另一張,收到信先知賴野,個個人再打黎,我就好直咁同佢講返,又講唔好意思~佢都check返,我真係入左另一張,不過就叫我快點搞掂,否則影響我聲譽~oh....

果然真係唐氏是我家~我將個電話亂放~仲漏左~就叫edmund幫我飛線,俾cyrena~所以,無電話用~都可以既,都無咩人搵我,同埋我都公佈左呢個消息,大家會打去我home架勒~同埋cyrena都會幫我聽電話~我最緊張hire我既call jei~

今日有michelle,sandy,欣欣,cecilia,cyrena,emily,大細ryan,ida,東東,同埋我~ida搞笑地打俾主角,話俾佢知自己轉左更,咩唔知,可能會遲黎等,搞到emily一頭霧水,只可以"哦"回應~今日既emily好靚~經過悉心打扮呢~

原本都想著boot,不過cyrena話太誇,又話似飛女~因綠色牛仔裙.牛仔褸,黑boot~不過細米唔知係點,就叫我著多次~不過cyrena叫細米都著細angel b-day gift既裙仔,一齊"哦:一下,我就話cyrena即係話細米條裙唔好啦,我就話返佢,都好話佢個條青蔥裙~

>>December 12, 2005 at 6:04:36 PM GMT+8

2005 年 12 月 9 日 星期五 【晴】

今日都係遲左起身,不過無遲到仲早到~去左見兼職小組補習導師~初時俾佢地講到唔知見唔見好,係咪make錯decision~最後大佛話工一定要見~出糧講大家食飯~我都好想~

去到,點知個姑娘無返,心想,點organise架?最後先知佢病左~個個reception又唔同我講~第二個in我~都係社工~姓林~我都等左半小時~辛苦佢了,臨時被急call返黎既~in既過程都係好好,好滿意~佢都話我幾好,不錯~咁我都無詳問有咩好~哈哈~希望佢請~可能見我handle得幾好~佢問我覺得最worst既情況會點,點處理~又講下佢既經歷,再問我點處理~傾下計咁~講下我應該點~firm d,唔主張tum~但獎罰分明,有appreciate~

hehe~我都覺得自己表現幾好,幾淡定,答得有條理(細ryan讚過我既答題技巧好)~同埋都係佢地一般既處理手法~我叫主動勒,不怕錯地表達自己所想,唔會"um春"咁~good~我無後悔去到in~亦都無後悔應承呢次interview~佢仲叫我搵人添~learning from working啦~有好多case既~哈哈~我響回程既車途中,imagine緊,度緊第一次見面應該點,點樣同佢地約法三章,先小人後君子,又review返頭先爆出黎既case~都要學習一d handling skills~我都要做好準備,唔好教錯佢地嘛~我想用生命去教導~從中都糾正佢地~我想佢地服我~走既時候係依依不捨就最好了~我都想融入佢地~

有一團火響我心中~我會努力做好佢~如果請既話~我要令佢地服~我唔要佢地成日唔明白點解要咁做~我要佢地清楚點解錯,否則模模糊糊點得呢~唔要佢地恰下恰下~其實佢地知架,唔做咋嘛~仲有,要佢尊重我,我先要尊重佢地~以身作則,生命影響生命~我自己都要腦筋清醒一點先得~~唔要之前既感覺~因為我投入了,有熱忱,熱愛呢班細路,我要燒埋佢地,上心了~就唔會有唔理唔理,唔think唔think,就搞到一團糟,搞到自己都好似迷迷糊糊既狀況,連自己都好似唔知要做乜,又悶悶無寄託,無熱誠,頹頹地既感覺~唔知你地明唔明~不過,呢個感覺我已經歷第二次了~

我都係鐘意,精靈活潑,積極正面,開開心心,傻顛喪,以生命影響生命為己訓既自己~呵呵呵~~好希望佢請我~summer既時候,搵d小朋友既centre做先,如果係outdoor既都好~接近大自然~我想上一d course~

唔知係咪天意安排~由於我再一次無交3個月台費~被cut左電話~咩人都搵我唔到~

見大家咁講,搞到我唔知點好,我好在乎大家既想法,我只係為左份part time~同埋對小朋友既機會~

有返衝勁有返衝勁~yeah yeah yeah~

>>December 10, 2005 at 7:51:53 AM GMT+8

2005 年 12 月 8 日 星期四 【微冷】

有點熱~早上起唔到身~不過都有返去briefing~返到ive,第一件事睇下michelle去完赤柱site visit未,見到佢返左黎,我就過左024搵佢,睇下有無咩野幫~幫佢入file俾同學仔~

briefing完~我地好efficiency咁搞掂晒餐單(交埋仲要分埋工)同埋games~呵呵~好雀躍,好期待,我要狂顛2日1夜先~我亦都將呢個msg傳開左俾我既組員~不過我知道一定好凍好凍~唉~唔打緊~仲有,唔記得問營既安排~唔知邊個同邊個訓~我地都好照顧我地唔識既組員架~初時唔知邊個,我就見到有個單丁既女仔,就問佢,之後佢都好nice咁同我傾下計,又話佢個fd無黎....等等~點知唔係佢,又唔知邊個同我講野,我就無再同佢talk勒~之後無黎既同學我負責聯絡~cecilia,欣欣負責copy份餐單~

cecilia叫我特別響度打,欣欣近期好鐘意將我地既瘀事大事宣揚~哇哈哈哈~~

cecilia終於收到x'mas card~yeah~我仲同佢傾左好耐計~好耐無傾過勒~正~又同左pinky傾左一陣,因佢打黎問我michelle去左邊~尋日我再約返d同學無見michelle既,又同d同學傾左陣計~good~nice chat~anyway,我會不計較咁同佢地share,even though佢地最後唔幫手都好~都希望成為佢人生中既一個過客,令佢地都有一刻都反思~有一刻既生命影響生命~似乎我既熱忱返左黎~good~不過我要concern返回憶錄既事,後備plan~不過依家既我好積極,頭腦好清醒,亦都run到一些教導野~呵呵~有力既provement~令人信服既字句~

尋日亦都同大佛響msn傾左陣~

project,我地報告一下會講咩,菁菁,sarah,phyllis好乖地作左稿,good~菁菁讚我勁,因我無mark低我要報告d乜,就咁就講到~欣欣就話我入晒腦~呵呵~~我講漏左你地都唔知~hehehe~

michelle有muffin,朱古力波俾菁菁,我,菁菁,欣欣就過左去023,傾左陣,食左陣,搞左陣,佢地開會,我地就閃~大佛,我,菁菁,大ryan一起走~

返到home,搞呢搞路~喪打電話~又係時間出門~因date左joanjoan~

joanjoan大架光臨我既日記,仲留言,佢話實行網上攻擊~因佢太掛住我勒~我地去左元祿食,好多野食,仲飲左少少酒~多謝joanjoan~佢話佢加左人工都未請我wor,又話剛剛出糧~多謝晒~今次係我主動約佢既,因我都知好耐無見,知佢悶,要陪下佢了,差不多一個月無見勒~我地食到差不多2點就走人~都係好多野講~哈哈哈~談天說地~講下我d趣事~又同佢講,細ryan話佢同我有d野,哈哈哈,搞笑~佢見過下大家,咁我講d趣事又會imagine到~佢既野咁~佢生日,我被人約左,佢想睇harry potter,我又被人約左~哈哈~我就話陪佢睇第二套~hehehe~佢話我太忙了~

仲有多謝sandy既支持~sandy繼魚蛋之後,依家又名波子頭~

返到home,online,見到細ryan同埋大佛就talk左陣~sleep lu~

>>December 10, 2005 at 6:03:24 AM GMT+8

2005 年 12 月 7 日 星期三 【微冷】

天氣回升了,有點熱~

返左學~都好似好累咁~做咩呢~今早不用早返校傾野~呵呵~在家中睇埋衛斯理先出門~

要周圍對下我既bais assignment先~欣欣讚我~真係勤力....呵呵~~

咦?似乎大家都知我星期一無返學既原因?因為尋細ryan無返學(佢自己起唔到身),話係學我~初時佢無講點解知,仲話因為見唔到我,講下講下,佢潤我,話太辛苦我勒,下次都係唔好叫我出街咁~仲唔係欣欣~全世界都知我因為出左太多日街,所以星期一要留在家休息~oh..no~~不過真係好累哦~欣欣話,我唔係無返半日,而係一日,個理由仲要咁突出,所以要講下....叫佢地唔好叫我出咁多街,而影響左我既學業~

終於收到michelle由Finland既santa clause寄俾我既x'mas card~好warm~開心開心...好耐都無收過用手寫既x'mas card~thx a lot~

又有義工約左去見,但又因要上堂而無去?點解..自己既時間表都唔清楚?算了,聽完michelle既一席話,雖然唔關義工事,但係都令我諗到d野,就係佢地未warm up到,未到個個level,就算當年既自己,都係咁jei~所以....draw back咁think,唔好咁炆先,哈哈~我既3秒呢?呵呵.....好難咁快達到自己想要既要求~除非佢地真係好smart~聽radio,講開湊仔,真係要俾好多耐心同埋心機~道理一樣既jei~

出左shum shui po~陪michelle出去買左decorate 023既裝飾品,同埋spa x'mas party既物資~好多人~d人有d都真係唔主動,男仔竟然唔拎野?無gentlement風度~今日既大佛好火~我地就聽佢呻下~哈哈哈~~佢似乎又好想講一d topic~嗯~陪完jess去公和食豆腐花,我,michelle,大佛,sandy.蔡生去左西九龍食越南野~多謝sandy~我都要快d有part time先~唔制唔制~食完,michelle好驚咁跑出黎,每次無人響佢身邊,就有事發生,唉~之後,我望下望下,覺得有d唔對路,因為佢地4人都係青衣人,蔡生又drive,咁我點算?咪alone?之後佢地話我唔係估到佢地咁衰嘛,咁我驚嘛~好緊張~hehehe~~

阿may~阿may唔知會唔會走~以為佢唔想再做,原來最主要既原因係阿媽~mummy唔like may成日話細佬,就成日罵may,搞到阿may好驚同埋唔開心~阿may話做野最緊要開心jei~唔想阿may走,但係...專重佢既決定~

妹妹整cake~佢整cake,整到好似平時cook咁~哈哈~雖然手工仲差些,味道搭救~今日整左個,係for平時佢訓唔著時食架wor~即係俾家中的人~

等價交換~我一直都唔覺得某人想咩我~係你地講之嘛~我知佢想利用我~想搵人陪~想有資訊~但係,我都識得reject囉~我都知道,學大佛話齋,既然我地既priority咁低,咁,人際關係係相對既,咁佢既priority都係一樣咁低~菁菁唔鐘意我見到佢,聽佢電話~我問佢,咁我係咪應該唔見呢份工,佢話唔係,問我係咪響佢個centre做,唔係,咁佢就話都ok~知道了~我不是好人好到那地步,傻到那地步勒~佢地話佢想話俾人知佢有好多女性朋友,唔係gf,但都有gf既功能,那又何必有gf,唔駛負責任添~我係唔會同佢食飯,對,門面野我都唔想做~虛情假意都唔想有~招架不了~同埋無野講~少接觸為妙~

>>December 9, 2005 at 10:05:13 AM GMT+8

2005 年 12 月 6 日 星期二 【颳風】

尋日,一口氣搞掂左義工既野~跟進晒~不過,都係暫時....呵呵~d人都係要催下~提下~可能寵慣了?

依家響度研究緊....有時教人,係唔係真係要說教,而唔係罵?或者角度不同,目的不同,程度不同,出發點不同罷~不過,都係唔同人用唔同方法啦~但係,我啤我細佬一眼,佢就知咩事~但係,有人連啤都話唔可以,會覺得態度唔好,無禮貌~我就think緊...我做得不對?或者睇事睇人嘛~或者,我以人家既感受為先~但係,有時唔出聲,又好似縱容咁....或者事後先講罷,但係,事情過左,就無咁深刻了~同埋再講返轉頭都怪怪的~或者,自己掌握及摸索吧~不要再圍繞對與錯既問題上了~

今日去左自修室做assignment,有點不明白~諗住請教下先~之後就蕩下蕩下~返左home~撞到妹妹,就一齊返~返到去一齊食野~有佢整既cheese cake,同埋mummy整既蘿蔔糕~cheese cake仲欠一點口感,味道可以~蘿蔔糕就唔多得了~thx妹妹幫我買左想食既蝦餅,唔係大大片個些~

響我妹妹身上,都睇到少少現代典型青少年既樣子~感慨....

尋晚牛奶打俾我,叫我this sat去interview,小組補習老師,經過我一番詢問之後,決定去試~
1.因為我對小朋友有興趣,第時做社工既對象都係佢地,因為糾正,要從細細個開始~容易些~咁依家handle得佢地,又了解多些佢地,咁第時,就事半功倍~接觸多些,就易d入手~
2.我都想試小組補習好耐,不過無經驗,唔請~反正2小時only~所佔時間不多~唔夜,good~
3.初時唔想做,因為怕handle唔到,又怕被投訴,俾人恰~你知啦,我一去到新環境,都係"um 春"咁~靜靜的~哈哈哈~因為要睇定形勢嘛~
4.最後知道我一對八,都可以,咁我又講下我印象中既細路係點,都會有,但都唔係咁差,佢叫我firm些,頭腦清晰些,自己既方向正確就可以了~唔好怕,大膽些,唔好俾佢地大到~反正都係小朋友~
5.咁我都要睇下依家d小學生教緊乜先,唔識就好樣衰~準備一下~
6.一來學下點handle d小朋友,二來教到佢地,都有成功咁~
7.新挑戰,新嘗試~good~信自己,俾個機會自己~可能係一個好好既學習機會~
8.我係因為感興趣,而唔係人情問題~唔會因唔鐘意一個人而lost左呢個chance~變得功利添~

$120 2小時~一月開始返~不過未知請唔請~anyway,盡力吧~努力搵part time~仲有,大家放心,我會小心些,避免與一d唔太好既人出街~呵呵~我都可以好social~我都可以好衰~睇下我做唔做jei~有真有假既對話,令對方分唔清真偽~好奸的lingling~不過點都好,都係有人介紹既,禮貌一點都係應該的~要有回應~只限呢件事~唔代表我認同其他方面~因為呢個先係lingling,做返自己,對事不對人,不過人既評價,會成為我既參考~同埋多謝,有時都不用太熱情,一聲唔該,多謝都足夠~能力有限~appropriate就可~

佢條友仔,叫我in完搵佢,唔去la,多野做,無錢,又話請,傻啦~因佢下午就放工,搵人陪~no way~

我知自己有時點解咁夜先sleep~因為我會用時間去關心一下我身邊既人~又睇下大家既日記~update下大家既狀況~呵呵呵~~

依家既showhappy改一d野,加一d野,好簡單,有step follow,好方便,我就係改左些心情圖案,呵呵~正

好似仲有野想打~不過唔記得了~算了罷~記得再打~

>>December 8, 2005 at 4:23:44 PM GMT+8

2005 年 12 月 5 日 星期一 【乍雨乍晴】



1.netvigator d技術人員都廢廢地,幫唔到我,上次又話可以改settings,都唔知想點~炆爆,想點~咁即係唔可以transfer 我d mail去hotmail啦~咁上次唔好話可以改咩settings啦~妖....真係好廢~要我浪費時間打去客戶服務熱線,無一次可以幫到我~都唔知佢地做咩既~

2.依家d人真係十下十下,約左時間都可以唔記得去,咁大個人,唔駛下下提嘛?煩到爆~都唔盡一己既本份,浪費埋其他人既時間,唔知想點~妖....一係唔好做囉~廢.....之後又係一系列既跟進工作~事前工夫已經好足,事後亦都要做多一重工作~乜事?仲有呀,佢地好多野都慢慢黎,唔急唔急咁,真係以為事事順景?好多野都係必然架?有好多野都會有意外,你預計唔到,不過,由得佢地自己承受個責任囉~臨時抱佛腳,唔好話我地唔俾足夠時間準備呀~我地自己都要傾2手準備~費事到時搞到我地~我唔會影衰自己~

真係俾人激到嘔血~點教佢地好?

無奈到極點~由今日唔多精神既我,搞到我醒晒~

今日努力於audit~thx for winnie po~呵呵~phyllis好醒~呵呵~欣欣又蠢又鈍又"論盡"~呵呵~今日與sandy擁抱一番~好了.....又係時候發奮了~加油(學業,義工)~turbo加速中~今晚仲要follow up~想打下俾pinky同大佛~關心一下~waiting for winnie po msn~

仲有d人好麻煩~駛唔駛咁?唉....搞一次活動好似argue咁~唔想去我home打咪唔去囉,都話出去勒,都唔駛話唔好叫佢諗買咩,只係指使佢做野就可~咁都得~我又無堅持一定要去我home打,最後我都話出去架啦~白癡~好似效發上次有第二個意見咁,我就叫佢地自己plan,搵資料~因為我地既suggestion已有一定既資料~算了,講到尾佢都唔想plan,負責,搞only~依家d人就係咁~其實我地呢班人都無人願意肯出黎搞~只係個幾個活躍份子~唉.....搞生日既野,好似一個task咁做,點會開心~敷衍...唉~算了,散左去罷啦~唔肯付出~唉......頹廢中~無咩心情...或者等我心情好點..又會無野了~或者,我諗得太負面,人地都唔係咁悔氣~不過有一個人真係好煩好煩~多多意見~無建設~另一個就附和only~我又最憎藤瓜相纏既人~都唔獨立既~大個勒~怕悶掛~

就算今日有幾嬲,炆炆的,我都係呻,並無發洩他人身上,叻女~

>>December 6, 2005 at 11:24:55 AM GMT+8