2006 年 2 月 22 日 星期三 【微冷】

返0830~遲左,0900前返到~努力專心地上堂~個頭暈暈地~

多謝大家既關心~我應該無咩事~哈哈哈~~

去唱k~分校2樓既toilet裝修左,不錯不錯~唱唱唱.....好耐無唱,正~唱既途中做下law功課~

遇到magic ant德仔~~我地2點多走~遇到pinky,heidi,cherry~

又上堂~好tired~訓左陣~又再上account,好累~無咩位坐,慘~隔離班既人又坐得零丁~好彩angel醒,放低個袋先~之後上左搵鄭sir,講下poeject野,睇下我有咩要做~好~good~this week我可以去聽talk添~仲好~我可以發問~不過唔知做咩~星期六,日都要好早起身,想死~

上左314搵cyrena同埋細米~頭暈暈~因我地一齊去"i'm alive佈道會"~仲見到東東添~又見到鄭sir~哈哈哈~幾好,幾感動呀,都有少少震盪我心靈~不過....hehe....未再真正面對自己既信仰~不過我禱告了,我希望找到合適既教會~再重新面對~分享,又令我想起一點點事情~想起耶穌既愛,衪既捨身~點解.....有d人仲會講d咁既野?我接受不了~好傷心~亦都令我想起以前教會既種種......!!亦都令我想起....!!

去吉野家~有cyrena,michelle,大佛,martin,benny,agnes...等人~大家又一齊串agnes~將<斷背山>講左<斷臂山>~又話自己細個俾人叫技蘭.....覺得好cute~我地就將此綽號話俾martin佢知,等佢地由3樓叫agnes時可以用此名稱~哈哈哈~又話佢大食~等等~~仲有martin ar真係好核突,除左birken stock,之後用手指抹.....oh..no~佢仲要係醫療輔助隊~shit~咁唔衛生~佢呢條友仔...真係.....又唔客氣,又唔知醜!!!

今日都有同michelle傾左陣~

返家~好累~上左成日堂了~努力努力~我要溫書~

>>February 23, 2006 at 3:40:54 PM GMT+8

2006 年 2 月 21 日 星期二 【酷熱】

唉~一起身~梳洗後,換埋衫......暈暈的....想嘔咁~似乎作病多~之後.....思前想後,都係唔返lu~就打俾家欣,再換返晒d衫再訓過~直到十一點多~感覺好多了~

起身~整左project既野,聽日問下阿sir之後點做先~

之後食下lunch,搞下呢樣個樣就出門了~去補習~

補習,初頭唔係好識,問左另一個miss,都唔識,最後俾我參透到,太開心了,開心到我"dup"晒地~佢地見到我傻左~今日都好頭痛,首先因為解決唔到條數,之後幫佢地對,自己做一次,好苦.....期間佢地又問我野wor,應接不暇~正式黎講,今日得3人,其他去左第二度,後期先返黎....我就唔幫佢地簽小精英手冊~1700完,1630先返....佢地傻傻地~只係幫佢地對左少少功課~

去左haking一小時~因約早左一小時去ayp centre計公里~點知.....個leader無check opening hours,累我地等~wasting time~越來越不滿......唉,呢個leader~又organise唔到d乜~無效率~唉~我講完,佢又係咁...唔知想點了~

今日補返上堂既lecture~之後.....點知this week唔駛行,改下week,初頭唔講原因,之後話因有阿air唔得wor~搞到.....一組7個人.....有2個男仔全程唔得,我就由即日1700走,leader就晚上入,行足全程既得3人~3人中得一個男仔,苦不堪言~最頭痕係拎野,好多....2個營ar~又有cook set~又有水袋~又爐頭~又gas~又營燈~食物就可以俾我呢d半日人既人揹~但其他野...佢地分~惠惠唔想拎cook set,jasmine有think過拎,但..無~唉.....無承擔~好多野都無咩人願意拎~仲有一個營,個男仔唔肯,無人拎返home,咁我拎囉~如果bob sir搵到個蒙古包,輕d,就可以我拎完,leader入到黎,佢接力囉~咁不用拎太重既A字營~

唉~俾阿sir玩死~無計啦,因為有阿sir唔得~佢地又成日怨,個一刻怨係唔可以解決辦法架~講左多次~之後又響一d問題停留左好耐,唔知想點~唉.....~依家都要見步行步架啦~約一個時間都要好耐唉~睇下聽日個d點先~睇黎我都要搵leader傾一傾~guide下佢先~

仍然好傷心~

>>February 22, 2006 at 3:30:43 PM GMT+8

2006 年 2 月 20 日 星期一 【微冷】

熱返,著錯衫,好熱~都算準時啦~遲左5分鐘,又未開始上堂~哈哈哈~~我要努力~0830 wor,都多得阿may,再次叫一叫我,我就再不賴床,起身梳洗兼食埋早餐~

努力地~上堂~

同michelle,pinky,大angel,sandy,cecilia,cyrena及細米飲茶~嗯~happy to see pinky~大家傾下計,幾好~得知左更多有關五十嵐事件,感覺好差,令我沉思,點解?

返左023~訓左陣,返0830,下午總會睡一睡,哈哈~太早了~我同sandy等emily,等等下,cecilia都放學了~等等下,等埋細ryan,再傾多陣就出mk了~oh....emily等得太耐了...佢已經自己出左去先~oh....sorry~佢有點呆,有點失落咁~之後去左kfc,因cecilia好肚餓,我地拎晒響mtr club換左既免費食物...佢之前都已經食左一個大包~傾,傾,傾~再陪emily買電話~之後去左味千食dinner,ida後join~服務態度差~

食完,我,sandy,cecilia往佐敦走~細ryan,ida,emily再行多陣~途中,sandy又食左ice-cream~

好累呢~太早起身係一個原因,又聽到d野影響我心情,加上生理原因,整個人都靜靜的咁~無一齊嘈嘈閉~哈哈~今日既cecilia及ida都成日俾位emily及細ryan入~

咬唷~winnie po病倒了~小心身體~cecilia都成日傳染病菌~too bad~哈哈~cecilia既大家姐讚我幾靚,尤其是日記右手既相~而響一張相既裡面,佢竟然話我係最靚個個....哈哈~但瘦d仲好~不過都因為菁菁匿埋左~其他人影得唔太靚jei~哈哈哈~~cecilia周圍同人講,搞到我怕羞呀~哈哈~

呆呆的一天~希望今日emily開心些啦~哈哈~

>>February 21, 2006 at 3:41:03 PM GMT+8

2006 年 2 月 19 日 星期日 【颳風】

wow~今日做左乖學生,盡左自己學生既本份~

由於要zip class c,d 既law堂,今日返0830~good....準時,仲要過埋分校拎notes,撞到ellen ng,一齊去課室~佢仲大吐苦水~傑同學做賊,好tired~唔該晒佢收留我,haha,如果唔係都唔知坐邊~唔可以遲,否則無位就死~佢話又再一次同我一齊上堂,要珍惜,咁又係ar....last semaster~好累ar,好悶ar,上law堂~佢地有人入課室時,好大陣香水,好俗,暈暈地~估唔到有d人都有返學,haha~關同學唔知做咩要同我調位,話好悶wor,唔同傑同學坐...怪怪的,唔知佢倆做咩~

上mandy tam,快步走,因ellen ng遲左~入到classroon,涼涼的,有點冷,佢地話我病病地~我話我唔返得咁早~hahaha~~好快又完左英文lesson~

去震陞食lunch~好火~入左去搵人負責,兼罵人~無計,叫左幾次搵人跟都無人理,d人都係怕惡既~我又肚餓,又成日見到d food響我地身邊走過,人地遲過我地既都有得食先~發完爛,心情未平伏,都有點手震,哈哈~lost control呀下~哇哈哈哈~~都明白難處既,咁多人..不過我地顧客有權發表意見,雖然係可以不用呢個激進方法~希望唔好嚇親大家,同埋我都尷尬既...都係出醜既時間~哈哈~佢地咁樣經營生意,lost既cost仲多~實際上賺既都唔夠無形既蝕~

上多一小時law堂就補習~今日既我都惡左~大家都好合作~嘈左少少~anway,又幫左佢地寫速成碼~有時佢地圍住我,都好嘈~寧願佢地行開些~俾人話我點做miss,因我唔識普通話,哈哈~怕教錯~haha~~總括來說都覺得佢地好可愛~都可以制到佢地~唔好當我傻~哈哈~

返home~訓左陣~睇電視,做下project~聽日print先~

>>February 20, 2006 at 3:44:27 PM GMT+8

2006 年 2 月 18 日 星期六 【微冷】

好凍ar~~

今日無野做~十點幾起身~

其實要去童軍集會~因為要study英文~要做project~要睇小說所以無出,沉醉於小說中,剩下cyrena孤軍作戰~不過今日無咩野做,只係團拜only~

星期五借既3本衛斯理,直至今日,完成了~yeah~

今日收到契媽既電話,由於佢個大女搬去同佢住,所以叫我返去拎埋d野~oh~this friday will go~仲要整糯米滋俾佢添~哈哈~叫阿may準備一下先~佢抄錯我mobile,所以成日搵我唔到,最後佢打左黎我home~傾左幾句,佢話早知今日叫我去佢home wor,係囉,好耐無見佢,hehe~出國study既開支真係好大~

>>February 19, 2006 at 2:38:53 PM GMT+8

2006 年 2 月 17 日 星期五 【微冷】

哇~0100訓~0645起身~最後都0710先起身,起身梳洗完再打俾martin,confirm佢起左身~好彩阿may醒目,攤左d粥先,所以我好快咁食完出去~

我今日都有點緊張,唔知會點~自己都有prepare好左自己~狀態算係咁啦~

run得不錯~GOOD~果然到個日就會好好呀下~都有少少亂亂地既情況出現,不過都ok~承蒙大家既提點及協助~mc,mouse及febe淡定啦~mouse成日爆肚啦~games方面既氣氛好好,當然好開心見到大家咁投入...司儀都真係帶得不錯,淡定,睇唔到佢地有緊張,俾左d鼓勵,指令清晰,有demo~不足只係都係有時會有unexpected既指示要幫手,事前不知,好彩有rehearsal,都知發生緊咩事,突發位都handle到~~issac有commin sense,認真,主動~食物小組及地方小組都好盡責~大家又主動幫手..pc chripin,腸,daniel,sam等~good~有時問到我有咩做,我都即刻俾唔到,sorry~不過滮及martin既角色都係不太明顯~唔該晒michelle即場既handle,坐位安排等~

unexpected地大家既回憶錄好有心思~好靚,好有心機~不錯不錯~期間都有同febe,mouse,martin,issac有講有笑,不錯不錯~不滿意係小小小部分人遲到,仲要唔係我地義工組最多人~要0850先可以出發~好趕咁去安排好大家~亦都唔滿意jimmy講電話,唉,冷落我既阮伯伯?我同phyllis都有同佢傾下計~多謝大家既分享~有d位都skip左,miss左大家,不好意思~哈哈~多謝cyrena,細米既跟進~michelle讚大家既聲線好sweet,好好,夠大聲~我都有分享架,barol話我做咩咁touching wor,我話分享應該係咁~有d人分享就俾人感受唔到有heart,即係無同感心,要努力~

講真,今次既evaluation大家都有野講,好好~都唔係阿滮所憂慮既無咩野講囉~無deadair~幾好ar~上次rehearsal大家都有好多意見,不錯ar~真係好過唐氏既,咁又!!!阿滮都係怕,無咩自信心,都係martin帶住,不過阿滮之前一晚都打左俾cyrena傾下今日應該點講,呢個attitude係好~martin有時係講野不好,唔係人人受到,但係我點解都唔會太唔like佢,係因為佢呢份人好真誠,我感受到,從對話間~

之後去食野~期間有同michelle傾下義工組~唔知大家出席gathering or not~因no response~haha~搵到人搞就至好啦~又傾下當中d人~另外,michelle skip左一點內心感受,我知既,我注意到~我要再問~哈哈哈~~

之後我去開會~補習個度~無咩特別~睇下有無咩狀況~似乎我都幾鬆~收緊些先~哈哈哈~原來都有好多線眼,自己都要小心些先,唔好行差踏錯~

返home,sleep左一陣~好累~之後dinner~再msn,傾下電話咁~

今日心情好好~呵呵~~好順利,有氣氛,好多謝大家仗義相助~見到邢生,佢見到我地既封面都話好正~之後都傾左陣~哈哈~一身鬆晒~之後就gathering~

>>February 18, 2006 at 3:13:35 PM GMT+8

2006 年 2 月 16 日 星期四 【微冷】

又凍返,哈哈~不過我都係著左拖鞋,因去bbq,有沙灘嘛~涼涼的咁呢~

10xx起身~都遲左了~原本打算九點~

sandy~響lunch時佢打俾我~問我訓醒未,哈哈~~雖然我day off,唔代表我會訓得晏架嘛~我地傾左一陣,大約係傾下食物,哈哈哈~~話搵日去搵好野食~因我好想去九龍食個間越南野,好懷念~我覺得好好味~發覺我都係鐘意食東南亞食物多些~hehe~~我同sandy都各自發表一些意見~之後佢買完lunch返sch,我地就收線lu~

bbq~今日係唐氏為左慰勞一班義工,響晚上深水灣舉行左bbq~哈哈~好凍~我對腳好涼~真係...~~我d豆腐卜無晒,搞錯~cyrena燒野燒得好慢..又唔俾d心機,佢話自己好俾心機~但唔知點解好慢..好耐..但又唔熱~丁丁係我地既金城武,阿倫係我地既陳健鋒~大家有講有笑,不亦樂乎~有魚,瑩,roy,sandy,kiwi,倫,丁丁,我,細米,cyrena~仲有其他義工既,童軍領袖阿豪,simon,冼sir都有到~不過我最初好唔滿意佢地做咩咁遲~佢地約1830...我地響1910仲見到佢地?佢地早走先,我同cyrena響11點幾走,我催左佢幾次,差唔多時間又要去toilet....又要等車~真係...好彩好快有車到...唔係cyrena就死~

中央圖書館~去左去搵資料做project~copy左~之後要睇d passage,睇睇下好悶~就去左玩下電腦~有人要用,我就返埋位,再睇~之後再去左睇衛斯理小說,順道借左幾本,哈哈哈~我俾細米真係完完全全地激死左,動左我既真火~嬲到爆之餘,仲擔心佢既前途~我仲要響見到佢地之前,我先向人發洩一下,否則....control唔到個場面呀下~

佢send msn俾我知佢地既boss早走左,可能早d走,我問左咁幾時到~佢話未知,睇下d工作進展先~於是我都怕佢地早放,都早些出先~之後5點幾我send sms問幾點放~無回應~我再send,幾點到cwb~佢答左我,諗住幾點放~之後我再問佢幾點到~佢答左我走既時間,仲話依家放~當時我已經好炆,我再send 唔該你答我問題,幾點到~之後佢打俾我....大姐呀...你明知我響圖書館..打俾我托咩?我真係好唔想聽~之後我聽,又問幾點到...佢答..send左sms俾我...我話收唔到,咁你幾點到?...佢再一次話send左msg俾我...我再一次answer收唔到.....咁你幾點到?....佢再一次好肯定咁話我真係send左俾你,仲好surprise咁~又話到左o魚涌....響呢一刻....我炆到極點.....佢仲加左句:"唉..算啦..."之後笑左幾聲~.....我嬲到好無禮貌咁cut左線~

小姐,你答我乜呀?完全答唔中問題,我足足問左6次既問題~可能係我見佢唔答,應該同佢講我唔係要知幾點放,而係要知幾點到,改一改個問題可能好些,可能佢唔知自己答錯野~.因我要預時間由中史圖書館行過去time square~同埋當佢打俾我時...我都要話俾佢知我已經好炆,唔該佢答我問題....同埋響圖書館我唔方便講電話~咁我收唔到,你就話俾我知幾點到啦,唔通我要等個sms send左個黎先可以知咩?.....佢....唉..好鈍,又詞不達意~對唔住,我expected太多~唔好意思,我比較喜歡smart guys~由於我要發洩,大家聽完之後都shocked~

梁姑娘~有點唔滿意~跟得不足~又expected我地d義工會通知老友記們,記得到~佢expected我地會響第二次或最後一次既提醒~之但係,大家既日期都有差異,一個centre跟得足,2手準備係咪應該自己都要打一次呢?我都唔滿意佢跟martin既事~有時我講完既野,佢都唔記得,不過呢個都可以接受~anyway,始終佢唔係由頭跟到尾,佢初時都成日打黎俾我跟進既~邢生捨棄左我地!!

義工組尋日件事~cyrena再一次同佢講,佢終於明了~都可以既~可能個一下....只係我主觀地覺得佢頂撞我掛~因為個時我炆,不主觀~唔知phyllis同cyrena覺得點~

>>February 18, 2006 at 1:45:33 PM GMT+8

2006 年 2 月 15 日 星期三 【酷熱】

哇,好熱~熱死人~短袖衫出動~

邊個罵我既米雪呀?咩事呀?擔心米雪~可惜,我係另一個團體~

雖返1030~但8點多就起左身~行返sch時,突然有人叫我,嚇一嚇,原來係benny~先知michelle,欣欣,sandy,腸及benny breakfast中~唉....!!!米雪心情沉重~想全身黑呀佢~但係,我知左都幫唔到d乜~唯有靠你地勒~其實都好靠佢自己~我只可靜靜在旁~同埋得閒睇下佢~唉~

咩態度,激死,我話無就話自己買?shit~~都唔係有無問題~就算你地自己買就大晒呀?都唔明個main point~係你地之前無prepare過,又唔仔細想過~依家咁急先話要?點解我一定要俾你呀?你地知唔知錯咩呀?唔係今日先話分組架啦~cyrena講完,都只係哦....有屁用咩,真係無得救,waste gas~rehearsal又一pat屎咁,真係無眼睇~咩叫rehearsal呀?個時先think?個時先準備好呀?無準備好同我rehearsal,waste time,waste my heart~講極又唔明~你地以為自己好叻咩~

勞煩cyrena 2日來既操勞~真係辛苦佢~對住呢班人~之前rehearsal唔準備好,又要cyrena再睇多次,又要多一點時間,又要徙心機,捱眼訓~因我怕佢地真係一pat屎~個rundown一定run到架,不過唔好搞到我既義工組,我地既michelle,我地間院校,我地班senior無面先得架~真係唔好話係我地教你地出黎添呀~唉..過埋呢次,你地都無咩機會再plan活動架勒~機會得一次,把握與否係你地自己既事~算了吧~唉....

上左3小時cheung sir堂真係好累~有d loss,不過阿sir不辭勞苦咁唔識教到識,真係辛苦佢~最後我大部分都明~呵呵~~識唔識做真係另一回事~真係要舖舖清~同埋上堂真係要堅持~一定要聽~

我同joanjoan又好大既誤會,我以為佢講既約早些,係因為佢晚上約左人~我同佢就得返中間既時間見~點知佢係下午約左人only~哈哈哈~~出去tst搵佢,買左野俾佢,陪佢買裙見工,之後去左沙嗲王食dinner~唉......幫唔到佢d咩添~

亦都無人可以幫到我分憂~發洩唔到~亦都無人解到我心中既疑問~

之後同佢發神經咁玩~咩都賴佢~哈哈~之後行到我home附近,陪佢等小巴,我就去買d野再歸家~

有一次響陽光lunch,見到好多識既人~包括好多蟻仔~好似一個旁觀者咁,見到好多人響我人生中經過~

>>February 16, 2006 at 3:12:25 PM GMT+8

2006 年 2 月 14 日 星期二 【酷熱】

返唔到0830,但返左1030~我份人好奇怪,響alarm clock就響前會起身左,之後見仲有十幾分鐘又訓返,alarm響又唔起身,照訓....都唔知自己想點,要dig起心肝起左身就起先得~每晚11點幾我就想sleep~

上堂好留心~project下星期要交野~

帶左umbrella又唔落雨,真係o丫~仲咁晒咁熱~

d 21321 yr2都幾醒,我地yr 3比較老實~好煩呀...又買又唔買咁,都唔知想點~我最唔順氣係佢地成日壓我價,都唔知想點~佢地好似當我地係水魚咁,都唔知想點~好討厭~我想俾個下馬威佢地睇~真係以為我地好好恰?phyllis就寧願要啖氣,唔要錢~我又唔知angel點諗,都唔知咩policy~俾左書,又唔收錢~negoiate左咁耐~唉....angel又好似好難做咁~咁無計架,佢地又麻煩~又無信用~

呢幾日既我比較易火~哈哈哈~~但心情幾好,個腦好清晰~講野都無咩顧忌,又轉得快....good,幾好~

派左朱古力俾我d學生~哈哈哈~有剩嘛~自己又唔多想食~因買個時已滿足左我~哈哈~飽晒~今日佢地好乖,自己做功課,好乖,玩完又識返黎,好靜,good~不錯不錯~上次教既grammer,原來就係咁晒個個tense就可以,不用想太多,之後佢地都話我,教錯晒,haha~primary既都係簡單些~今日我自己可以抄notes,同埋溫左少少書~

去左haking wong睇書,睇睇下訓左~

上ayp~點知阿air唔記得左~真係...奇聞~原本見到遲到,都以為係bob air教,因佢例遲,點知等等下..就有人打俾阿sir~佢一開口話,死,唔記得~之後又話係另一個阿sir教~令我地懷疑bob sir多些~都無懷疑生sir~最後dismiss,唔prefer改期,因waste money and time,又無咩野講~經過上堂之後,咁悶,大家都無咩意慾再上~又要我等2 hrs~

因為呢個奇聞,就打左俾大家~哈哈哈~早左返home睇電視,yeah~

原本聽日dig起心肝早起,點知調左堂,不用上0830~又無得去唱k~因無左4小時天地堂~

joanjoan打黎話今晚見,我無準備好心情所以無出~以為係聽日嘛~又話聽日~雖然佢都好urhent咁搵我~有好多野想同我傾~所以前幾日我有時間就打俾佢睇下佢得唔得~不過唔係佢唔得,就係我唔得~

多謝phyllis既關心~因我friday bbq,saturday又要早起~而gigi佢地又想next tuesday bbq,之後phyllis話我會出瘡,又係wor~所以都唔去了~而next tuesday又要唱k~haha...真係關心我~之後佢問我地點解佢唔知要唱k....我呆左~

尋日搬完檯,手臂好痛~撞鬼,勞動大~今朝估唔到響mtr train見到cecilia,大家都係搬完檯,手臂痛~一齊上學去~

我,sandy,cyrena相約左next tuesday去swim~之後就every wednesday la~如無任何變動的話~

>>February 15, 2006 at 3:36:18 PM GMT+8

2006 年 2 月 13 日 星期一 【乍寒還暖】

情人節快樂~

我係過緊第二年無情人既情人節~佢地叫我唔好嘈,cyrena同sandy過左21個年頭都係咁wor~

3年響ive都未見過擺counter會下雨,而michelle話10年都未見過,真係十年逢一潤ar~我mummy都係咁講,搞到生意都差左~

今日難得0845就返到去上堂,呵呵~呢期都好專心~有好多唔明,有點抽象~真係溫下書先得~

派朱古力,真係好多好多~哈哈哈~菁菁仲話"都話你愛我架啦"~朱古力多到真係可以拎去賣~大家太含蓄了,成日都要我叫佢地拎多d拎多d~見到martin佢地,martin叫我同佢講情人節快樂,就俾朱古力我,我叫佢地同我講好過,佢地真係狼死,一手一"咋"~肥龍話我大唔到佢地wor~之後佢地都留響023玩下,傾下咁~

見到阿葛,真係好耐無見~同佢傾下計,玩下,佢又俾左d相我睇,係南丫島既相,hehe,仲睇到佢既女朋友添~haha~~發現佢肥左~哇....太幸福了呢~同佢玩kinder出奇蛋,因佢想將介子放響蛋裡面,我叫佢小心些~拆左之後我俾左cyrena,cyrena話多謝,我就奸笑,細米之前知咩事,keke,就係其實個隻蛋我開左,入面無野再包返,cyrena咁都唔覺,包得咁核突,好明顯開過la,只係問點解入面無野,無聲~

當值既我都周圍玩,仲響塗鴉板畫左我既公仔添,點知有人蓋左佢,真係想死....做咩要蓋左我既心血~搞錯~欣欣都有畫~我,cyrena,欣欣,細米仲去cheerful crew度估唇印,得到kenneth既提示同埋我地既聰明才智,估中晒~yeah~有chocolate~我仲同sandy,cyrena分享左個粒酒既朱古力,食完暈暈地~哈哈~

不過就無整任何野,無咩心情,無咩idea,哈哈~阿滮都有落黎draw衫仔,點知俾自己~今次既佢有效率,唔駛我提佢就講左俾mc聽~都幾好~之後畫完仲問我有無野幫手~我拎唔到既野,佢又幫我拎....good~記得有一次cyrena想響高處拎野,佢成日露肚腩,我就幫佢扯件衫,點知扯埋佢落黎,令佢唔可以向上伸展~

收場,真係...what the hell勒~帳篷上有水,中招~激死~仲有既係....搬檯,好重....之後又唔firm d檯響邊,搞到我發惡,我話要搬返轉頭會罵人架~真係....火都黎埋~亦都見到有d人真係好無禮貌,我都shocked,同埋呆一呆~依家d人真係....我有點睇唔過眼~想出聲,不過猶豫左~另外....都知善辛苦了~佢都真係唔係太識organise d人做野,做乜,分工~真係...有時都hang住左~no efficiency~其實佢應該事前prepare,諗清楚成個run down,安排d人收場,唔好waste time~

佢地執野~michelle話要教埋d year 1,因又係我地執,佢地就唔識,而我地又要走了~咁就好唔掂~好多物資剩,佢地分左好多衫仔~

之後等佢地開檢討~我都死左~去drink~有我,cyrena,sandy,shirley,碧君,腸,大佛,sam,kingston,恆,善,michelle,chrispin同barol~

今日話左cyrena唔跟貼games組~真係....!!激死~懶左既cyrena~michelle同我都想快d完個program,唔搞其他野lu~d人都真係幾煩~亦都怕有咩閃失,所以michelle suggest要兩手準備~今日玩cyrena,唔俾佢食魷魚絲,呵~見到有棵樹...樹上有張紙,寫"肥力士xxxx,n神上",oh..莫非phyllis有人暗戀~哈哈~應該係同名之人only~今日見到christine返左黎搵mandy~

大家散去~我,sandy,michelle一邊傾計一邊等蔡生~之後歸家~好累,好早就off,聽埋歌,12點幾先訓~

多謝sandy,欣欣,michelle,gigi,idy既朱古力~

唉~

>>February 15, 2006 at 1:36:19 PM GMT+8