2006 年 2 月 12 日 星期日 【颳風】

sorry~今日原本應該0900返去幫手set場,點知.....遲左起身~返到去,時間剛剛好,佢地搞掂晒~

幫手吹波,出師不利~我唔小心響手上爆左一個,另外2個吹爆左...一個響我下巴,一個響我塊面,真係想死~於是我放棄唔吹~欣欣都吹爆左3個~菁菁就響手上爆左3個~我吹完氣球有成長,就係唔驚d波爆了~

有點混亂,唔識安排人手~掛吊飾前又唔講清楚,又無think過點掛?球場上既蝴蝶,oh,咁細點睇到,我仲以為係桃花?仲要咁核突既?d氣球係後備既,係有後備但無prepare,無諗過點整,d波點排,顏色點分,幾多個波為一組等~no good~欣欣炆在incharge響個個臨時情況唔係問,而係作決定~我地夠鐘上堂就走了~

michelle做咩要去佐敦陪同學睇醫生咁得意既?

上英文堂,好悶,又有野要做~今日菁菁好悶,又唔訓覺,搞搞震,玩我條頸巾~捲完之後碌返出去,真係找死~又將我既頸巾摺成星星俾我,係欠谷起個一下~真係有創意,虧佢諗得到~不過我欣賞~

lunch,我,菁菁,phyllis同欣欣,angel,sarah分道揚鑣,因我唔想食japanese個間野~之後cyrena同埋細米join左我地,變成蟻仔既lunch~好快食完~今日棠記好少人~我同phyllis都覺得觀塘個間$10麵好食一點~cyrena,細米已經off左,返home~我,phyllis,菁菁就去左行下再返sch,途中撞返欣欣佢地~

上law堂,菁菁堂前買左罐冰極,好凍呀罐野,菁菁仲飲冰極?真係凍死左~大家都有幫我hold住~我真係傻左,唔記得law既notes響locker,哈哈哈~同ms ng講我逢星期一都會早走去補習,於是佢叫我"zip"c,d班既同日0930既law堂~咁都幾好wor~之後菁菁話我掉返轉上,咪好奇怪?suggest我上0830-1030~1330-1430就再可聽過~都幾好idea~不過4日都返0830,真係extremely challeng wor~好,打俾傑同學先~睇下我自己坐定同佢地坐~我都唔想miss左一d野~事前見ms ng搬開d野,我問佢駛唔駛幫,佢讚我醒,其實係有野問佢~哈哈~順道而已~

返補習,好忙~死~教佢地既grammer~我都估會錯,叫佢地改正同返我講~唉....就係一本野搞到我頭都大,趕唔切對佢地既功課,又係咁問野,真係...成鬼日"miss""miss""miss"....我就黎死~煩死~隔離班既人又走埋過黎,真係...~一開始因為係小精英第二期,有新既名,咁又要執返晒d人~又waste左一點時間~佢班有個同學過隔離既阿sir好惡,但佢又想過去隔離班架wor,可能自己班房方便些~不過佢地話阿sir對女學生無咁firm架wor~男同學就乜都唔俾wor~哈哈哈~今日我都同阿sir對下d人名~隔離既阿sir同我一樣姓蘇架wor~

今日要處理martin既事~又打左俾阿滮講有關司儀ar,新進展既事~聽日要報告俾michelle先~

出左街喪買朱古力,大家有口福了~好多~

upload左一點點相~
mcdull_ling006~

>>February 13, 2006 at 3:21:29 PM GMT+8

2006 年 2 月 11 日 星期六 【陰晴不定】

今日係正月十五,祝大家元宵節快樂~中國既情人節~

sorry呀~sandy,唔知你都病左添~希望你都快點好起來~不要惹病我,呵呵~~

今日9點幾起身去飲茶,係同daddy既舊朋友,佢地都稱之為兄弟,以妹,哥相稱~佢地既仔女都稱我daddy為粵父~好悶~mummy11點幾走時,佢問我走唔走,之後我問佢駛唔駛護送,就跟佢走~之後細佬響12點多自己一人回來~到我13xx出門時,daddy都未返,咁就唔知佢地傾到幾點勒~

見返之前見過既一d人,有d小朋友就未見過~之後都有眼神交流下~之前話好勁個個study完大學既精算,入左中銀做~oh....算了吧,佢好似唔同左樣,之前大家都係同屆考a-level~大家仲talk過下添~原來佢地朋友既仔女中,最大既係我大家姐,最細既係我細佬~有利是....disappointed~不過我地5姊弟,或許太多了~

之後返童軍,收到edmund既禮物,同cyrena,阿豪玩下,hea下又一day~阿豪成日話我肥,真係o丫~佢用左smartone個部電話呀~真好~仲話同我3g,我話依家見到仲駛乜3g呀?低b~edmund同阿豪請左我地食野同飲野,又多左隻狗狗,yeah~返左唐氏會~見到好耐無見既小慧,christine同埋danice~哇哈哈哈~我始終都唔信阿豪同我同年~我始終都係覺得佢過左考金章既年紀,所以先去響樂行童軍以代章形式take金章~雖然其實我地呢d領袖都應該係好後生,好似TM,polly咁~

玩左一陣,就同左cyrena出左去shum shui po~因為我要買cd-r,printer ink同埋鴨記頭燈~而cyrena要買cf card~我地又去左食豆腐花..hehe,正,我請,難得~yeah~~終於搵到,哈哈哈~~依家san disk無再出256MB既cf card勒~haha~~人地最少係1GB~遲D要去買叉電器先,今日去睇左個價~去左鴨寮街,真係令人眼界大開~多謝大佛既suggestion,叫我睇晒成條街同埋記得格價~哈哈哈~~雖然我都買貴左,不過響我心目中已經好抵,哈哈哈~~算了~下次會識做~行完黃金,頭都痛埋,又多人,又迫,好似打完仗咁~

之前我同cyrena既msn talk,佢話我倆既關係好奇怪咁~我都有感不同以前,因以前既我地都成日一齊,日日傾電話等~不過依家就少左~又或者因為我自己都有野要忙,例如project,補習,ayp,考試等~期間我又返左大陸呀咁~而cyrena自己都忙於同朋友出街,響msn有時佢都唔會應~講真....都係時候要習慣,唔會時時刻刻keep住contact,大家各自都有自己既生活圈子~有時我都好想自己靜一下~所以有時都無話打俾邊個~講真....到目前為止,我打得最多既,咪又係佢~不過,有時朋友多左,時間總會分薄左~有時咁o岩我心情唔好,又唔會reply佢,唔理佢,哈哈哈~~或者都因為我少左黏住她吧~或者係我既關係吧~哈哈哈~少左份熱情~ANYWAY~你都係我最好既朋友~放心~

近期,成個人都好累咁~好累好累~無咩精神~成日呆呆的~不過....放心...recover soon~yeah~我feel到我既傻顛喪返緊黎~

補習方面,問左,星期五搵左人代~oh....~算了~

有一樣野,我係唔太喜歡阿may做既,就係...會講人地既事~好似打小報告咁~講人是非咁~我唔鐘意~如果真係為我地好,我寧願,佢有d野唔講仲好~講左,會搞到大家唔開心,會搞到有urgue~我唔想~所以每當佢講完d野俾我知,我都只係聽左,無動氣~好似大家姐出左trip,妹妹去左佢度訓,may話左俾大家姐知,大家姐好嬲,好唔鐘意,認為自己小小既私人空間都無埋~但係...佢無位訓wor,佢張床又放晒野,佢都係訓jei~阿may被我發現左,佢都有訓我張床,我都無咩野,都算了,和氣生財嘛~唉~

I saw Pearl Harbour tonight~It's a good film~I respect Love~I respect brave~They can gain from the lost and fight it back~Handsome guys and beautiful girl~Rafe McCawley--班艾佛力(Ben Affleck), Danny Walker--佐斯夏利(Josh Hartnett), Evelyn Johnson--姬蒂碧金莎(Kate Beckinsale)~and also..Alias's Jennifer Garner~I feel sad when i saw lots of people died~They feel annoyed,discouragement,helpless,hopeless~

菁菁尋晚凌晨突然來電,由於佢朋友唔理佢,佢就走左上黎我家,要我收留佢~無問題~原因佢要去渣打馬拉松做helper,個朋友叫左佢出黎,又話無野做,個朋友自己走左,唔理菁菁,菁菁凌晨3點就要去到shum shui po,於是我就答應佢,俾佢上黎~佢都好耐無上黎lu~大家傾下計~佢又走上黎自己搵野食~哇哈哈哈~差唔多2點幾佢走去搭車~我無送ar,因我好累,佢仲以為我著短褲落去,佢都傻傻地,因佢見我hold住個銀包仔,其實我打算去鎖門咋~之後佢去到都有打一打俾我,乖~其實我個時訓左~哈哈哈~

>>February 12, 2006 at 4:40:15 PM GMT+8

2006 年 2 月 10 日 星期五 【炎熱】

今日就係去左幫pc growth camp既命運在我手rehearsal~

情況不太好~但anyway,曾誰無過?無人一出世就識行路~最緊要改~但仍有好既地方~

"機會與時間,錯過左就過左,無得返轉頭,請珍惜,請把握~"

"要對得住自己,盡自己能力去做,唔好後悔~錯唔緊要,最緊要知道邊度係錯,去改,去進步,唔好原地踏步"

"你地唔覺得,黎幫手rehearsal既人都係黎自五湖四海,但係講既野相若?就係因為我地之前所經歷既,唔多唔少都同你地依家經歷既差唔多,真係以過來人既身份去分享,同埋大家都因為舉辦左唔同既活動去領略左同一樣道理~簡直係殊途同歸呀~大家仲要好語重心長咁分享,都係想你地好~"

"無論michelle,yr 2,yr 3 pc所有用心既教導,提點,緊張,責罵,背後既意思,都係想大家好~你只要記住佢地都係想大家好....而唔係別有用意~佢地既呢一份心意,呢一份情,真係好難得~你地已經好幸福~唔需要特別去做d咩多謝,感謝佢地,只要你地做好自己本份就已經係一份好好既禮物~呢d,其實係為你地自己而做,佢地,只係生命影響生命,將佢地經歷左,認為好既野,去給予你地~"

"主席,你既所有野都係好重要,係好決定性,呢班人既士氣係好靠你去帶領~當佢地頹時,你要積極,當佢地積極時,你要更積極~呢一團人既靈魂就係響你手上~我自己亦曾經係主席,都曾經被discourage過,曾頹過,但係我明白我係大家既靈魂人物,我唔可以頹,大家仲係好睇我,所以我一定要俾佢地更堅持,更強,為左佢地,我每一次都會振作"

"唔好認為有d野係必然既,理所當然既"

願你們加油,振作~

michelle少一份擔心~我地都少一份擔心~

今日同阿hong pair up咁喪玩~哈哈哈~~真係搗蛋分子~成日響度屈機~又唔做工,只係唱左一首歌咁大把,我仲要讀歌~其餘就去賭,休閒一下~阿hong又成日借開心,健康俾我~我地又大玩tricky野,又幫人地出貓~hehe,欣欣同cecilia都去賭,哈哈哈~~欣欣好慘,成日不停咁做野~我呢d就含住金鎖匙出世~又未讀過書~哇哈哈哈~得中三學歷~最後我有得走粉,yeah yeah~~我搵左幾耐~阿腸描準我傳病毒俾我呀,好慘~玩到有點累~

最後致送紀念品時,佢地唔俾我揀朱古力呀~真衰~不過gail好人,同我換~呵呵~之後再同hong交換~之後大家又夾手夾腳搶我d朱古力~之後又俾返我~好失魂呀,card又唔記得拎,頸巾又唔記得拎wor~之後大佬明,queenie,yanny,龍,gail,phyllis,細米,我一齊去左紅樹林食tea~之後join返emily,細ryan,再join埋欣欣,cecilia,sandy,michelle,文文豬等~我今日帶左7-11既狗仔俾大家~其實係俾欣欣,因我地溫書時,佢見到好得意話想要~咁我有,當然會益返我既朋友仔~點解有?因為我mummy識個d人,個d夜場既人成日去7-11買野所以有好多~佢地班友仔好似一班師奶仔咁,圍作一團去揀,搞笑~當中民民豬及細ryan,emily都有問做咩事又圍埋去,咩有野分有野分咁,真係俾佢地笑死,好彩佢地有d良心,幫我執返好俾返我~今日姓蘇既有一齊take photo~呵呵~

病左既emily,細ryan,欣欣,cyrena,同埋cecilia唔該快d好返~!!!!最緊要唔好同我咁近,呵呵!!留左d金莎俾emily等佢好返有得食~呵呵~~乖~

>>February 12, 2006 at 4:19:36 AM GMT+8

2006 年 2 月 9 日 星期四 【晴】

今日都係無出去中史圖書館,因為我想響家中睇下自己已印左既文章先~再執埋d questionaire~

尋日玩大富翁時,sandy用左大ryan既棋~sandy既係peter pan,大ryan既係泰山~哇哈哈哈~~仲有呀,由於我坐得太貼近個棋盤,佢地行棋時總會掃到我既膝蓋,真係...!!之後我坐返後一點~另外,佢地又話我行棋時搞到整個棋盤郁晒....大ryan話應該係咁..架wor....暗串我呀~我又成日推倒其他人既棋,哇哈哈哈~佢地又話我無棋品,因我話再行唔到就唔玩,哈哈哈~~總之大富翁時就成日互窒啦~哈哈哈~~病左既細ryan就訓著左....咁嘈都訓得著,証明d藥真係好勁,同埋佢好病咁勒~

尋日東東幫我改稱呼....叫阿玲....菁菁問我做咩要....啞鈴......真係!!!

尋日同michelle呻左無人同我行年宵,呵呵呵~~佢話如果佢響hk一家同我行~呵呵~~期待~尋日睇佢去東歐既相時,都見佢好凍,哈哈哈,咁真係好凍.....佢話唔需要咁浪漫,寧願summer去,同埋一次就夠了~佢同團既人都好富貴,最窮係佢地~有一個小朋友,世界七大景點,佢已去到六個~哇~仲有既係買野係面不改容~shit...!!!睇相時michelle行黎行去,知佢擔心中..又擔心太夜啦,又擔心呢樣個樣啦~

尋日去左玩具反斗城行時,我好想買一d games ar~hehe~都想買大富翁,不過....未choose到~都未行完,佢地就到了,咁我地就leave lu~cyrena仲表演拋波.....失敗~

尋日ida係咁笑,倚住蔡生既水晶玻璃櫃,搞到入面有隻木馬好生動,簡直奇景!!!於是蔡生就計下入面總值幾多~哇哈哈哈~

尋日大angel叫我繼續向瘦方面進發,我就同佢講,假象,及同條裙有關~不過我會努力,呵呵~summer了~雖然我都話我行完山,腿部既肌肉結實了,睇落好似瘦左d咁,但都係假象,結實左唔代表減左磅~

記得有日阿媽食雪糕,將d ice-cream放左響度,又唔食,入左房~隔左好一陣子,佢再出黎,問:做咩少左?又問係咪我食左~我就同佢講,都無佢咁好氣~"不"完又唔係即刻食,會溶嘛~~真係....!!!!仲有,有一次老豆好搞笑~咁我唔響home食飯,佢好鬼馬咁問我去邊,又笑淫淫咁,有其他意思~~平時佢唔會問我去邊,只會"哦"一聲~

今日無出到去,璽又話唔得閒,joanjoan想date我又唔得閒,算了~之後妹妹話輪到我做隱蔽青年~真係o丫~仲笑我無街出~傻婆~又話我全日stay 響home~找死~~不過今日個心情都幾好...有時同下妹妹傾下計,都幾搞笑,不錯不錯~感覺好好~因為我問佢野都答我嘛~

唔記得同大家講我大家姐出完trip返黎~有手信~yeah~好多好貴既chocolate~仲有一條addidas頸巾~yeah~開心開心~好靚,多謝家姐~其他都有不同既手信~hoho~~

睇電視,聽到八仙嶺山火都過左10年,又令我回想起好多大事,例如911......不感令我想起,時間過得真快~真係好快.....呢d事件好似發生左唔係好耐....點知已經10年~哇....仲有~離1997既金融風暴,都好快就10年~依家hk既經濟復甦中,有d樓價仲接近97年既價~哇....

突發奇想,我地去camp,倒不如得閒去下wild camp~反正我地身邊人咁多equipment~我想睇下靚景,親近大自然咋~又唔駛一定要行.....有d好快就到~

我今日search左eco-tourism既course~因我響都市日報睇到ust provided by ust college of lifelong learning~睇完好貴,佢既宗旨係課程由本學院及香港生態文化旅遊學會合辦, 導師均具備豐富生態旅遊知識及導遊經驗, 故此本課程能兼備理論與實踐，內容平衡生態和旅遊兩個範疇。學員能從實習訓練中應用理論知識，同時練習導賞技巧，為有志投身旅遊業的人士打好基礎~~好可惜...我唔係從事旅遊業~但係....我又再睇下旅行家個網~

宗旨係旅行家積極推動在環保原則下的生態旅遊，讓更多人欣賞到香港的優美山水及多元化的大自然生態環境。我們要持續發展此理念，極需要培訓更多有專業知識及領導技巧的生態導師、導賞員。 after the course...other than theory and practical....the important thing is i may become生態旅遊導賞員~it said畢業學員有機會隨團實習~and this is cheaper~but one is called diploma, this is called certificate only~um.....haha~nevermind~

我好久以前已經好有興趣勒~hehe~~行完ayp,再上就好perfect~又可keep住行~咁又可以做多上運動,繼續keep fit~yeah~真係一石二鳥~希望daddy批准~hoho~~俾website大家睇下先~

hktraveler旅行家網頁cert in eco-tourism
ust網頁diploma in eco-tourism

今日在家中休息一天~yeah~~hoho~~

希望emily快一點settle~傻妹~同左佢sms~

準備心情聽日rehearsal~

>>February 10, 2006 at 4:23:54 PM GMT+8

2006 年 2 月 8 日 星期三 【颳風】

又著左新衫,因凍凍地都可以著~yeah~好斯文呀~

今日既工作係等,等,等及等~1030-1130上完~去左library等1330食lunch~因我既breakfast太豐富~之後1430上project堂~1530-1630上account堂~之後完左又行,行住等欣欣佢地去完海洋公園~一齊上michelle家拜年~

今日d堂,2個阿sir都講廢話,又無左半堂,但每堂都係得1小時~account要自己睇一睇先,有點迷惘~

今日project堂得我同phyllis~sarah聽talk~angel病左~欣欣,菁菁去ocean park~今日阿sir有點貢獻,俾左一點hkas既guideline,good~好..要做野~鄭sir擔心我地無料寫~好野~改左project堂,星期五day off~yeah~~我想返埋friday添~問下先~欣欣係緊張大師~係咁remind我~哈哈哈~

今日都係呆呆的~phyllis問我係咪擔心~我都唔知ar~

上michelle home~收到ida既笑料~佢要去睇乾糧(光良)演唱會~我問係咪有著片呀,餅乾等組成樂隊~佢自己都響度講~真係笑死~

東東將michelle既利是跌左~oh.....!!欣欣話佢為我地好,等我地做人情唔駛咁多wor~

有大肚腩係美德~

蔡生show左佢既至愛,水晶俾我地睇~我地又睇左佢地去東歐既相~我都係覺得北歐靚d~我響度think,第時back pack去歐洲,去邊呢?好似自己又唔識d名勝wor,點算?咁咪去到都呆下呆下?

多謝michelle既招待~我有幫手洗杯~oh....我慣左用洗潔精~原來不用,不過我覺得用左乾淨點~

佢地話菁菁女人左,瘦左,呵呵!!!

玩大富翁,cyrena成為不討好的人~因佢好多地,又成日有人踩,當佢in jail,大家拍晒手~哈哈哈~我都多地,不過無咩人踩~未玩完就食野,之後就執野~我成日問d棋既人物係咩,都唔記得~哈哈~

有病人,細ryan同cyrena,小心點勒~真係....!!!

原來我做左傻仔~我尋日打唔到簿,原來自己去左heng seng bank~我無為意~今日先發現,再行返去hsbc~

尋日阿sam見到我著裙仔好surprise?我著左好多次la~不足為奇~

做咩咁累?

>>February 9, 2006 at 4:33:11 PM GMT+8

2006 年 2 月 7 日 星期二 【陰晴不定】

傑同學生日快樂~

我契老豆阿四返左黎wor,都唔記得佢去左印度添~死野,又唔打俾我~哼~算~我都唔記得左佢~係阿璽同我講,因我約佢friday食飯~oh...我話如果唔係璽生日我都唔記得佢,佢即刻好down,之後發晦氣....搞到我都唔知點好....喊晒...最怕人發晦氣~

今日見到魚,攬住我,佢好似真係好掛住我咁,佢就黎想喊,我都幾感觸,我係咁叫佢乖~又話我無去年宵,話我恰佢~我叫佢快點plan gathering~真係好開心~

呢個sem既timetabe真係挑戰~3日0830~唉~今日都係late,一早都好累~只係上2小時only~唔知點解點左我名?鄧博士派左sweet及有福字既利是~好專心~

上完去左023,交待下尋日rehearsal既情況~之後又傾下計~哇,有d野都真係估唔到~大家都被rehearsa搞到有點情緒波動~真係激死人~又唔聽教~又唔尊重~講完又唔聽唔做~唔肯試~唉~十下十下~真係waste gas~又自我~所以,我勸大家,既然大家都盡晒力,就算了吧,由得他們發揮,不用太緊張,因為佢地都唔聽~又未get到~哈哈哈~~我依家都係咁,rehearsal途中走去toilet仲要同欣欣佢地玩左陣~我依家平常心~無咩所謂,順其自然~不過應教就教,應講就講,都無再force佢地明及follow~

shit,流程改左又錯~唔記得~哈哈~~算了~minor~michelle問我以前唔會咁~哈哈~~michelle幫我做d minor野,我搶返黎做~哈哈哈~~好想同michelle傾下計~問下佢野~我留多左陣,幫下手就走了~

返去訓左陣~食左d野,睇左陣電視~去補習~無咩功課~好快咁對晒~有條死仔(李衍東)話我教錯晒佢,我睇返,由於當時無咩時間,都教唔切,睇唔切,亂咁黎~oh...下次小心點~我話返佢,唔早點俾我睇~仲咁串~無咩禮貌~佢成日都係咁~話左佢幾次~由於今日有d人轉左班,有個阿sir走黎問我野~問佢個班做咩咁少人~今日佢地出左去玩~我就好悶~最後一次補梁梓華了,因佢第二期不補,條友仔知我都係佢個班,話,早知佢繼續wor~今日多左何家華同埋林偉文~呢班友仔同我熟左~今日大家唔知食左咩藥,好乖咁俾我睇功課~六年級個個miss成日響blackboard寫字~又走黎問我字~呢個miss都幾惡~

去左haking wong睇書~去haking wong時,梁梓華想跟住我~哈哈哈~佢地班友仔~

去左上ayp~好悶~終於又見到bob sir~成鬼日唔出現~又成日超時~無咩特別,係講下意外~

今日上堂好忙~好多電話~同阿宜講返games既野~ITAA個mentor又打黎,唔知做咩~

返home~死..近期狂食野~唔得~

今日諗住熱熱地,點知好大風,好凍~

今日又俾大家姐嚇死2次~成日喝人~唔係喝我,但嚇親我~真係...cool down please~不用太激動~唉~

今日補習時,我有d野,有d恐懼~嗯~其實我自己都唔知點解,下次再講~真係好驚....

>>February 8, 2006 at 4:22:38 PM GMT+8

2006 年 2 月 6 日 星期一 【酷熱】

idy生日快樂~

今日都係好累~可能尋日真係訓得多得滯,下午響314都sleep左~之後同阿mouse傾佢d司儀稿~之後又落左023同michelle傾下今日rehearsal既野~

今日返0830,遲左,不過阿張sir之前講廢話,所以我都唔係無聽好多~yeah~我要努力~簡單但難做既目標,唔好遲到及唔返仲要複習~因為今個sem有3位既lecturer~張sir,ellen ng同埋鄧博士~

之後turbo咁出去灣仔新鴻基中心搵mentor~好搞笑,有dead air咁,又唔知點咁,走既時候都好怪~不過都ok~似乎我地既project既hkas好重要,不過由於佢地係專注於audit,所以對呢方面既認識不太深入~不過佢既suggestion都好重要,thx a lot~好大幫助~都唔係蔡生講咁多問號jei~有時deadair見到欣欣面紅,hehe~我地都好快,好smooth,大家都好問到野,都可以既~不過唔滿意angel又唔返,又怕佢late,真係....所以今日phyllis都有問我做咩咁炆,唉~好彩佢問到野咋~

之後去左lunch~去左綠野仙蹤,其實都好鐘意食台式野~大家又傾下計,幾好~大家俾d心機~今個星期五不用上堂,我又要去中史圖書館先~我要努力~

之後我同phyllis返左school,又見到阿wing,去既時候同走既時候都怨魂不息~欣欣叫我同佢一齊出mk,無出呀,因為好累,又要同mouse傾野,又想做cpa 問卷既statistic,雖然最後都係訓左無做到,哈哈哈~

不用隔開我同菁菁勒~我會上堂的~不知幾乖~

今日去024拎b04 key時,返到023唔見左我既袋,點知係jess拎左上122,以為我個個係物資袋,有無搞錯~搞到我好緊張~真係...!!!今日rehearsal途中去toilet,見到欣欣同細ryan響check point到,我又搞到細ryan無名火起,因欣欣係咁話個locker開唔到,我問係who既,我get唔到欣欣講"佢"係指細ryan~於是細ryan話係"我"既~咩wor....~之後佢地同左emily講,emily話得我地3個,唔係欣欣,唔係我,仲有邊個,真係o丫~見到玉瑜又同佢傾下~

今日走既時候見到佢地未走,我地走先lu~真係辛苦晒~今日既rehearsal,好明顯係準備不足,煩請各單位加速監管,不要讓我勞心~最好自己各單位再rehearsal一次~我不放心~唔好咁樣衰~激死我~又亂~又waste time~大家都趕住走架嘛~好多錯~好既係大家都有意見,令我好surprise, good~正~希望各人可以更加改進~不過我今日好似少左讚咁bor~都有點亂~好彩有phyllis,cyrena同埋細米既協助~thx a lot~phyllis有進步,問我地佢講suggestion時佢個樣會唔會俾人覺得佢惡~

聽日再同michelle report及同梁小姐講返下個情況~

send左sms俾emily問佢地rehearsal完未~之後見佢回,我又回~之後大ryan打俾我,問我做咩,又串我,都唔知想點~emily話我做咩同一個唔識打中文字既sms,搞到佢食緊豬扒都唔安落,搞到已崩潰既佢,更什~大ryan又以為我響街,join埋欣欣佢地搵大細ryan+emily~起初我話俾佢知佢阻住我send埋最後一個sms俾emily就去bath,佢以為我咁變態,響街bath,因佢唔知我已響home~我話我已響home,正想bath~之後我講錯野,將"未夠八點就完"講左"未完八點就完"!!就俾大ryan串我咁大個人都唔識講野,找死~之後輪到emily聽,佢叫我唔好理佢地,我就收線了~真係....打黎阻住我仲要串我~細ryan話我真係傻得勻....因佢地話我傻既做咩撩佢地d癡線架wor~咁我認左傻,.話因我傻咪撩佢地癡線架囉,又俾佢地笑,之後emily先叫我唔好理佢地~細ryan話佢俾人黑面ar,陰公~d人真係惡~

今日暈暈地,有時都唔係好清醒,好tired~哈哈~暈暈噩噩咁~好彩都搞得掂個rehearsal~

cyrena係王小虎唔鐘意~希望佢早日接受~

今日講開我想去唱k,同細米夾時間,最後得星期二可以~phyllis就話下星期二唔得~我就問佢星期二我地有咩做~之後佢話只係佢唔得~我先醒起,下星期二係2月14日情人節,唔怪得之我同細米都無咩意識啦,因我地都無情侶~我同細米仲奸笑+笑phyllis添~phyllis無奈都笑~我都要準備一下chocolate俾大家先~

今日見到year 1阿be,真係...唔同look~出人意表~做咩搞成咁~

好想快d賣e-commerce書~

快d搞掂porject~

>>February 7, 2006 at 3:38:02 PM GMT+8

2006 年 2 月 5 日 星期日 【酷熱】

wow.....唔捨得起身~1點幾先起身~訓到我暈暈地....13小時~好疲累~

ms ng問我做咩咁遲,好surprise,下午既堂都起唔到?

無上英文堂~無得問分,因對其他人有返學上堂既唔公平,好彩欣欣有疑問,一起找她,細ryan同phyllis幫我睇分~yeah~有credit~由於我既portfolio,letter,resume有好多錯,down左grade,拉低左,shit~算了吧~

大家又一起去搵廢太問分,個個都話合格,都唔知係唔係~不過我都信自己合格既~hehe~

落左023,傾左義工野,幫下michelle整野,傾左陣~知佢好辛苦,non-stop咁做,又有好多minor野~oh~加油~希望大家上心點~

我同phyllis一齊走~返到home,食飯~好肚餓,因起身食左好少野~之後打左俾司儀,打左俾阿滮~傾左陣,教左佢一d野,問左佢一d野,都ok~阿滮依家既態度都不錯~佢叫我地佢有咩錯就要講~good~雖然佢都係被動~不過佢地都有好多野要執~希望聽日rehearsal順利~不過我都有野同佢地講~

好,仲要搞project野~加油~唉~好累~

被菁菁發現左我隻手損左同埋黑左~哈哈~無計啦,短袖衫,又有好多樹,係咁架勒~哈哈哈~最後我用左rain cover,因怕刮花michelle個袋~阿sir話我d野好新,我話唔係我,全部問人借既~哈哈哈~都怕整爛d野架~哈哈哈~

>>February 6, 2006 at 4:49:00 PM GMT+8

2006 年 2 月 4 日 星期六 【微冷】

終於完成左我第二次既ayp旅程~二日一夜既~整體既感覺良好,好好玩,不太辛苦,係被人激死居多~

第一日係由高塘下洋行到灣仔營地~好彩我地無響高塘落車,真係錯有錯著,我地響大灘落左,就係呢個站勒~佢地有約早左去食breakfast,而我就寧願訓多陣響家食~去到佢地未食完,我就去左toilet先,有點肚痛嘛~之後響巴士站見到佢地,仲見到阿sir,今次個個叫生sir,上次個個係ricky sir~

我好醒地今次著左短袖衫,原本諗住唔帶褸,好彩都帶左,否則,凍死~行既時候都可以,最難既係落山去灣仔,好斜~hehe,我都驚~不過都可以,阿sir同我地行左少少,佢自己行左另一條較易行既,遠望我地~我地亦都決定聽日個條路唔會行返呢條,改行另一條易些既~阿sir都批准左~我地都俾左理由佢~

有個女仔叫jasmine,行呢條路時,發炆爭,話唔行,仲問點解佢要行呢d路,又話唔適合行山~搞笑,似個d小姐咁~之後佢都選擇左"sir"落黎~不過佢第二日好了點,大膽左,都叫我地唔好掉低佢,我地都有讚佢ar~不過佢都仲係有點小姐脾氣,leader譬如推一推佢,佢叫譬如唔好推佢得唔得~我估唔知係咪其實托一托架咋?仲有就係...譬如叫佢大步點,佢就話佢都想....唔好催得唔得~都有點悔氣架~

我覺得譬如做leader差一點,因為佢不懂以別人既角度去想~以自己為先~仲有既係唔識organise好一點,成日搞到好無效率~唉.....佢係就係主動勒....不過....用下腦會好一點~當然,佢都有care人既~有時佢講野都幾倔,哈哈,所以搞到jasmine有點唔開心~做得leader,我地唔出聲,佢就有責任要出聲,代表我地頂左佢架啦,點知.....disappointed~阿sir問我地點解遲左,我地唔敢答,點解佢唔答?唉....

第一次用A字營~真係好麻煩~好多口釘~不過唔知下次有無得用蒙古包,因為centre得A字營,都唔知有無搞錯~第一次學酒精爐,都幾特別,個D窿窿用黎調大細火,用空氣調節,哇哈哈,好得意~用另一個蓋熄火,又可以用同一個蓋調大細火~好彩同總導師bob sir deal到下次不用再帶jei~yeah~又要拎多支酒精,麻煩~

搞笑地,我問邊個suggest 個餐單,無人答到我,不過我心裡有數~唔識煮,仲suggest?菜心炒牛肉~蒸肉餅?唉.....~有無見過係我煮野架?唔係無,少囉,差唔多全程我煮晒,我負責晒,我負責分埋,倒湯囉~佢地成日話唔識唔識,咁我都唔識架,咪用個腦做人囉~大膽些囉~無話做唔到架,只係做得差定好既問題ja ma~睇下你肯唔肯做囉~蒸肉餅最後變左免治豬肉飯,好味,阿may"yip"得好,同埋譬如suggest得好~我就根據經驗,之前michelle教過我整雞飯要飯既水,水滾後就放肉....所以我先識放~不過我都未識點樣既水係最好~同埋唔記得用生菜or椰菜做底添,令個煲好~I,好難洗~oh....

菜心我就將同d丸整熟左先~之後炒牛肉,再放菜~不過....阿sir都食到係分開2樣野整既~哈哈哈~我唔明佢地唔識煮又會suggest既~譬如好多意見架,又唔整?撞鬼lor,下次再出聲~不過佢都好幫得手~最衰今次得一個爐頭,慢好多~食左雜丸先~再煮飯,再煮菜心牛肉,最後再煮湯~原本用來做酒精爐柄既野,都幾好用,俾左我用黎做另一個cook set既柄,幾好用~我既倒湯技術幾好~哈哈哈~

我煮野食時,jasmine話覺得我有大家姐feel,哈哈~唉~係組長有時比較不細心,都係貪玩,顧自己多些~phyllis問我做咩唔做leader~咁....我都無咩點出聲~同埋...做leader上身既~有責任咁多~唔想做~又要用多些時間我又唔想wor~呵呵呵~

阿sir既女朋友黎左,叫coey~幾靚女,同佢都有講有笑,瘦瘦咁~比阿sir靜~hehehe~不錯不錯~2個幾襯~唔怪得阿sir既營離我地咁遠啦~問過佢,原來佢比較少同阿sir行山~呢個阿sir同我地玩熟左,同我地串下,玩下,都幾開心~同我地年紀較相近~佢又做埋d傻仔野....哇哈哈~仲暗串我肥添,不過我唔介意,都同佢玩埋一份~

呢次旅程同大家都熟左點~阿ray都講佢自己落山怕沙石路~幾好,講自己驚咩wor~不過佢都幾nice,幾好人,都會take care其他人~得閒大家又傾下計,不錯~佢負責計時~阿狗就都幾堅持己見,凍左既野又唔食,2個男仔都係咁,不過阿ray肯捱義氣多點,但阿狗睇地圖較好,行山比較大膽,可以take care埋人,都幾照顧其他人既,都不錯~不過阿狗比較少自信心,講野唔大聲,成日好似自己同自己講野~好啦~既然一場有緣一team人,有咩我都提出,希望大家一起改進~

今次我無迷路勒~因為我唔sure既路都問大家~大家一齊傾,呵呵~阿ray同阿狗睇地圖都係較好既~yeah~阿sir又教左我地見到分叉路點應變~有時有d分叉路係一d行山人士自己開既,所以可能地圖上無顯示~咁就叫我地大方向~如果我地遇到分叉路就要做3個s~就係stop,set map同埋select~另外,額外教左我地3點定位,去sure自己既位置~不過我整唔到,就算了~哈哈哈~因為有少少度數差距就差好大~

上石屋山我就話大方向,直衝~阿sir就話我打得少~有時可能會行到天黑都行唔到~哈哈哈~由老虎騎石行到去石屋山都有幾個山頭,感覺幾好,好靚~yeah yeah~沿途遇到好多行山人士,有個嬸嬸都幾好傾~哈哈哈~西貢最高既山係石屋山481米~個嬸嬸仲叫我地去食豆腐花,我地多謝左阿sir幾次,佢真係請~佢話去到嶂上就墦係景點先可以食一樣,仲要得到阿sir批准先可以,否則係可以quit左你~所以由石屋山几去嶂上係好有目標....就係豆腐花~不過唔多得~我地仲響個度lunch~好飽~

之後上畫眉山,哇....斜到ar~我爬上去咁滯,驚嘛~不過好好玩~好過行樓梯,哈哈,因為有挑戰,都分左心了,專注行上去~不過四周既風景好靚~yeah~~真係好靚~之後落山,慢慢落,阿sir無行上黎,仲睇我地有無skip左唔行,我地落山時,佢又同女朋友倚靠舊石休息,我地就一齊"唉"佢...同埋鄙視佢~仲拍我地video同影相~我響頂時,見到一堆人,仲有一個係紅色既,點知我地之後d point都撞到佢地,似乎佢地行上黎都幾快~

佢地話係行ayp銅章既~我見到....有levis褲,有sunbrella斜咩袋,又唔知咩鞋,哇....d裝備幾好~

之後既平路,行得好快,不過好耐,點知我地都miss左point,唔怪得之啦~個個蕙蕙真係行得好快....咩都唔理咁...最緊要快~不過佢....都唔係好得,唔舒服唔係大晒,唔代表唔駛幫手....都幾自私,又嫌三嫌四,不過唔會當面出聲囉~好似譬如要改旅程時間,佢就擺出個樣,好似好煩咁~唔知~感覺不太好~你唔識佢,覺得佢好串架個樣~"cher"到我地乾晒,阿sir都係咁講~佢又行錯路,行去人地既地方~之後佢都知衰,都有問o岩唔o岩~因為我地途經戒毒中心,阿sir叫我地靜靜行,唔好出聲就可以了~因佢地唔鐘意人地騷擾佢地~

最後如果我地唔係有check point,阿sir俾我地choose短d既路~因都夜了...條路又無咩意思~之後我都見到..真係無咩野,only行上行落....又有樓梯.....唉.......

"cher"完個段之後我都好累了,開始腳痛~因行得好快~去到我地既2n point,北潭涌,就大家去toilet了~行得好慢,因痛~腳前掌既中間~之後檢討下,傾下下次trip既野ar..就搞掂了~大家一起上車,好想sleep,有時譬如又同我講下野~去到西貢市中心,大家分道揚鑣,我就take巴士去鑽石山,因我懶得行~無同佢地一齊出mk呀~打左俾sandy,cyrena同埋細ryan~之後就sleep了~

返到home,肚餓,沖完涼,食野,睇電視,塗下藥膏,就sleep了~好累~

好好玩~好過行樓梯~哇哈哈~我大膽左少少,自己去choose自己既路線~即係唔係choose分叉路,而係一條路上都可以好闊,咁可以就自己既步調去行左又得,右又得,不用跟前面既人~驚既咪坐低囉~哈哈~yeah~開心開心~我話過,如果今次行得唔開心,再係咁辛苦,我放棄了~不過,依家會keep on~yeah~我可以捱得到ar~幾好幾好~hehe~~當然,唔再行係好自私既,因少左一個人,佢地既equipment每人都要多些~

唔該下次組長分工分好一點~有plan一點~有效率一點~

sleep既時候好凍,震震震...凍醒~搞錯,每去wild camp都好凍~好彩無落雨~

>>February 6, 2006 at 4:14:56 PM GMT+8

2006 年 2 月 3 日 星期五 【微冷】

今日人日,各位生日快樂~

有點緊張....怕行唔到~唉....擔心擔心~oh...又凍左....!!

大家祝福我~

知道了,我不會迷路,會小心一點~多謝關心~

得知阿葛佢地都會去wild camp,去東龍島~因我打俾他,睇下gas有無得平~

>>February 3, 2006 at 6:25:27 PM GMT+8