2006 年 4 月 22 日 星期六 【酷熱】

好~我地尋日去完神秘冒險樂園之後,話咁快就要dinner勒~哇.....6點咋~所以佢地都問我地要唔要杯麵,除左有d小朋友要食野送藥之外,都怕大家晚上會肚餓~

呢一餐響酒店裡面食,大家都仲係好飽~呢度既食物都不及晏晝個間~唔記得講lunch時有高力豆沙,同hk既不同,有d人話似棉花糖,白色既,唔係咁鬆軟,好厚粉既,口感都幾得意,而我就覺得都好大陣油味~麻麻地,都係hk既好味些~

都唔記得左晚上食咩lu~哈哈~我記得有一個上湯雞,雞不滑,有一大舊雞胸,phoebe叫我食,我就叫佢俾3個理由我,我就食,佢話因為我靚女,我話呢個唔係理由,我就唔食了~佢地都話係,靚女就要食架勒?哈哈~

之後我地又上返車,派杯麵,返酒店御下行裝~點知我地架車好亂,唔響車上派keys~落左先派~我地又等,又塞住左條路~真係.....!!!之後原來我轉左房,送左希橋上去先,交低俾另一個哥哥~去返我房,又無人,都唔知點算,唉~之後都無辦法,出左去lobby先,真係想死,又唔可以放低d野,好彩行裝輕便~點知去到lobby,我又有key了~真係....我就費事行返轉頭,又帶住希橋,上車去睇show了~

個show既topic與performance都唔match既~好明顯好似好多野集於一個show咁,又雜技,又舞蹈,又電單車,又體操,有搞笑~好彩有冷氣,前面有d貴d既位,好得意架佢地,首先響一d紗圍住3個圈~開show就升上去~佢地d位會轉既,因台唔止一個,普通位與貴位中間都有位表演既~初時好悶,原以為訓唔到,因為好大聲,點知我訓著左,熟睡添~有時我醒下,睇下有咩睇,有時眼乾乾,又合上眼了~直至唔知幾時我就起身了,專心睇show~

有個小丑好搞笑,佢喊會有水噴出~佢前面既觀眾就糟炴了~哈哈~好彩無人嘈jei~你知有d北方人好惡架嘛~又玩下拋公仔咁~又有rollor bike咁滑行~有幾個女仔好核突,佢地真係好柔軟,成個身可以摺埋,又人疊人咁,真係好恐怖,好核突呀~睇到人心都寒~不過中國特色就係咁,好多雜技及高難度表演~今次呢場show有外國人,有俄國人,有蒙古人,仲有其他人,唔多記得~不過真係好悶~大家睇完既見解都一致,哈哈哈~都係有show,show既內容都係差不多,我就唔多識欣賞了~

走了~我地不用搭車,可以行返去,因都係響海泉灣裡面~好快就到,個度係姻緣路wor~我地響湖上見到有個噴泉,有影像投影左響個度,好多人響個度睇卡通片,都幾得意~哈哈哈~響水中有影像~返到去,見到希橋房既哥哥,交低左俾佢,我就走了~入到房,睇下電視,而同房既姐姐唔知調左房,佢個仔應該響第二度訓,佢又送走左~

我地間房係最普通既~不過個toilet好得意,有1個浴缸同埋企響度bath既浴室~我企響度沖,入面仲有2個花灑~一個頭頂上,一個係普通花灑~初時唔知點開熱水,帶返glasses睇,原來繼續扭就會有hot water~哈哈哈~傻仔~

佢地有d房係複式既,有樓上樓下,不過跑黎跑去都幾辛苦~仲有一款係有廳既,有2部電視~都幾得意既酒店~但都幾貴,千幾蚊~wow~~仲話想有機會黎住下添~哈哈哈~

沖完涼,等左好耐,又安排左好耐,煲下水,就去左phoebe佢地間房~佢地又轉移去阿偉佢地間房,我又跟~virginia同埋edith無跟~個時已經11xx了~去到佢地有人睇波,有人玩uno,有人玩啤牌,開開心心咁hehehaha,大家又鬥下咀咁~我都唔輸蝕,活躍左好多,不過因累,都無咩心情玩,係咁叫佢地玩,自己睇電視,食下野,睇mr.bean都幾搞笑~哈哈哈~我又哈哈哈咁笑左出黎,無晒儀態,又大叫~haha~

hehe~susan姐姐既老公,三叔公又一起,hehe,好少見佢同大家一齊玩咁,或者我以前較靜,個女同個班又唔熟啦~佢都係大細路~

1230,dig左希橋,phoebe,敏卿,曉彤返房~我又走返去玩~不過係另一間房,去左tong,henry間房~識左uncle david,阿成,vian~哈哈~~佢地又話要野食,又肚餓,頭先過黎阿偉房拎野食又唔拎,又話無麵就算了,激死人,都唔知佢地做咩~之後我又同佢地過去,自己又唔過,要人陪~之後去到,d仔仔叫我玩,我話唔玩,因佢地唔夠人,我叫佢地過黎玩,因佢地都玩緊~之後又帶左一班過去了~都未識晒佢地叫咩名添~hahaha~記得一個...俊陽~哈哈~

我又玩uno,輸左,成日俾人罰~佢地只要係同字就cut得,好亂~我仲introduce左"0"字換牌機制~初時話好亂,之後都玩~哈哈~多謝欣欣introduce俾我~玩多陣,0130....小朋友要走了~剩低我地呢d大既~最後走剩我同cyrena~我地睇電視睇到0300~哈哈~tong訓著了~henry好搞笑~我好似仲未眼訓咁,好精神~

第二朝0830 morning call~同房阿mak話我發開口夢,咁驚?佢都話係一兩句~哈哈~對對,有時我都係~之後打俾個仔,佢話落去了~我叫佢落去先~之後原來要湊夠10人就開席,所以我同希橋要分開~話左俾佢知我響房,又唔記得,又周圍搵我,佢真係好無記性架,好多事實既証明~咁好彩同cyrena & vian一齊~好豐富既breakfast~有粥,白粥,有排骨腸粉(好滑),油炸鬼(好硬但脆),叉燒包,白糖糕(好好味,無hk個隻有陣酸縮味,唔好食),菜,仲有唔記得咩~真係好豐富~食完就搵仔~我搵佢,佢搵我~

之後集合出發去體育館~有射箭,有羽毛球,台波,乒乓球~我就坐左響度~哈哈哈~好似響beach咁sunshine一返~之後1045就行返酒店~執好野~又去左敏卿間房~睇左陣百分百感覺~就出去了~我地原本約左聰哥哥影相~不過我地遲到了,要上車,佢地又要影集體相~咁我地唯有自己影,又係咁跳....跳.....跳...哈哈~2姊弟phoebe同希橋真係勁~跳到後尾未concentrate得到,就話未得,哈哈哈~笑死人~企左響度,俾virginia笑~

上車~返去中山個邊~大家又睡了,今次細佬都有訓~佢終於凍勒,見到佢雞皮疙瘩,即刻俾衫佢,仲移開風口位~佢終於著褸勒~因佢有少少傷風,成日有鼻水,我話佢成日...see le sir ler~個導遊曉菲唔多得,又唔多講野,又唔識搞氣氛,又成日叫我地訓,休息~佢話當車上3分1人訓左,佢就俾大家休息,講野細聲d~當有3分2人都訓左,佢就可以坐低休息~當全車人訓左,佢同師父都可以訓,會將車停埋一邊wor~.....咁都得~phoebe佢地架車個個人就成日將d野repeat又repeat咁講~hahah~overall黎講,今次d行程,導遊唔太好~

話咁快又lunch了~breakfast都未落格~今次個炸子雞最好味~仲有馬蹄糕~水果係蔗,哈哈哈~今次好多人都打包蔗同埋馬蹄糕走~好搞笑~仲有一樣菜係唔知咩叉燒米線~但又唔知米線,又比較粗wor~都唔知咩稷~哈哈~呢幾餐都有南瓜,好好味~yeah~~唔係好多人食,但我就食~呵呵呵~

之後就去左睇木偶劇,又話我地包晒,點知又有另一團人~又無air condition~真係熱死人~都幫唔到佢地霸位,因4人一檯~無辦法,佢地又咁遲~不過好悶,又無聊~又係普通話wor~故事悶囉~不過都有幾種唔同既表演~有一種你會見到個人點control隻公仔d手腳,神態~另一隻就係睇唔到人既~有種係先係人跳舞先,再加公仔一齊跳,最後係一個新郎與木偶新娘跳~個skills都幾好,個故事就麻麻~不過overall都係悶同埋無聊,不值一看~

佢地買左神灣菠蘿,不過唔係正統既~我無試過呀~

之後上車去碼頭,就乘船返hk了~響船上我地又顛左~起勢咁take photo~而我地既位置又俾人佔據了~真係搞笑,我地最後不敵,堅守唔到城池,自願撤離~我地成班人好顛咁take photo,一大班,一大班咁,又踩黎踩去~傻左~一大班人咁影,真係被人壓住,腳都跛~好開心好開心~hahaha~見到有d小朋友好可愛~hahahhaha~原本船長開咪叫我地返位坐,但我地一於少理,keep on crazy~之後佢地都無我地乎,我地又成日走黎走去~哈哈哈~~無計啦,我地咁大班人,almost 170人~哈哈~~玩到好累~

之後散左就一齊飲野~有10人~食下野,傾下計,咁就18xx,散了~好飽~我地去左ocean termial gateway港威既仙跡岩~原本唔可以一齊坐,之後我話分得太開,佢地咪又去invite其他人讓座.....真係麻煩晒其他客人~hehe~~

好累又開心呢~今次係不錯既trip,我指同佢地玩咋~自己又玩得顛左,放左~哈哈~又投入左,good~原本三叔公話希橋好曳,問係咪我點左佢穴,哈哈哈~咁乖,咁聽話~佢地幾乖....哈哈~可能大個仔了~都唔關我事~因從我接觸佢開始都係咁靜~之後熟左都好多了~佢都有主動同我講野~我就有咩都會...喂喂喂...咁拍佢,同佢一齊分享~hahaha~~不過都係乖,都聽話既~三叔公話可能有女仔睇住佢~我就問phoebe佢響home點~佢話好曳架wor~唔知曳到咩程度~點解出到黎又咁靜呢~比起同年既人,佢都算乖了~不過佢都有開始串人~哈哈哈~都有去撩人玩,同人踩腳,哈哈~我都接受,都唔係好曳既~

期待下一次唔知係點既呢~我都幾慢熱,入左黎幾年了,依家先咁活躍,雖然我都會成日去做義工~哈哈哈~

susan姐姐話要黎我既畢業典禮wor~哈哈哈~

>>April 26, 2006 at 10:40:00 AM GMT+8

2006 年 4 月 21 日 星期五 【酷熱】

wow~camp quality既珠海-海泉灣神秘冒險樂園,2日1夜,出發了~

原本我take care靜雯既,不過因為佢要去census既training同埋佢都唔太想去china,始終都有禽流感,所以她唔去了~原以為無仔湊,去到我就湊phoebe既細佬,希橋~

好彩我住得近~我0100先訓~校左0700起身,因集合時間係0815尖沙咀中港碼頭~我06xx起左一起,再訓返.....0753先起身~唔係嘛~即刻以極速搞掂d野,就出門口了~take mtr,之後跑去~幾辛苦~最終0825到達~跑到我~

由於今次既行裝都係好輕便,因有酒店,好似平時出街咁~我地搭0900既船去中山,船名叫逸仙湖~好累呀~大家好多都訓左~hehe~細佬因同我唔熟所以好靜,我都成日撩佢講野,今日既我都幾興奮,好似開籠雀咁~haha~之後都好好多了,佢竟然唔打機?睇書多~佢都係比較文靜~之後船上有film睇,點知d廣告仲多過d劇情,播左幾句又廣告了,之後細佬都主動同我講野,哈哈哈~佢話....你睇下,又廣告了~真係一大進步~佢都好悶了~

落左船,又搭車去珠海了~個多小時車程,我睡著了~我地去左食lunch先~8食送一湯,好飽~亦都係咁多餐中最好味既一餐~響camp quality做義工,一定俾佢養到肥肥白白,好飽,又有dessert,又有fruit~一定唔會餓親~弟弟就比較悶,因我車上睡著了,弟弟都好食得,食好多碗飯~佢唔食snacks架,食正餐多,真係健康~good~不過無論點,我都問佢食唔食先~hahahaha~~

之後我地就去左珠海海泉灣既神秘冒險樂園了~哇......1月已經開了,點解好多野都仲未開?之後我知道有好多野都壞左,開完又close左~真係唔多掂~一入到去俾我既感覺係好似歡樂谷咁,每一part都有主題,好悶~佢地玩左激流,呢個比較特別,因為有2次既,一個向前衝,一個向後衝~大家都濕晒~我無玩,呵呵~唔濕得~都唔係好幫佢地影到相,因為好遠~入面排隊又有人打尖,無咩文化,空氣不流通,好焗,好臭wor~而我就響出面等佢地等到我呆左,好彩都有點風~在我身旁都有人等,我都有同一個女傾下計~傾下disney咁~

之後佢地去左玩兒童版海盜船~真係.....!!!呢d無咩難度既我都唔玩,幫佢地take photo~佢地仲玩左2次~幫佢地影相都影到我手軟~影到我悶~佢地又同左susan姐姐玩~之後越來越多人,佢地就叫左聰哥哥影相,真係歡樂~哈哈哈~

我地最後一站去左玩碰碰車~今次我有玩了~我地呢gorup夾埋另一pair剛剛好有9人~哈哈~我地自己玩晒~yeah~好開心呀...我摸到同get到點control..不過比較簡陋....得一個腳踏,又只可用呔盤控制向前各後及左右~之後就好順暢,good~起勢咁撞,有一次同phoebe撞得最激,彈起~good~個衝力比較細,我要用埋自己身體務求令架車盡情咁向前撞,用身體推個車向前~哈哈哈~最後一下都撞到一個仔,之後時間剛剛好,玩完~期間都有撞下細佬添~haha~~好玩好玩~過癮過癮~玩到顛左~好放咁玩~好投入~good~

之後我地就起行了,我地未出門口之前狂影相~期間都有幫手take care另一個細路仔,佢好多野講~hahaha~~為左唔俾佢亂走,係咁問佢野~我地呢班人顛架~有edith,virginia,我,細佬,phoebe,敏卿~我地起勢咁跳,之後take photo~跳左好多次,亦都有人加入戰團~跳到傻左~又借位take photo~haha~好開心~

之後上車了~1730集合了~都唔係玩左好耐,排隊多~3個小時到啦~又要走了~不過無咩野玩~呢個野真係悶~不過返大陸都係不外乎有主題公園同埋睇show~真係悶死人~我又唔多玩機動game wor~個d主題公園都係大同小異~edith話都係掛住hk既ocean park~我都得係~又有野玩,又有野睇,又大wor~比較好~不過呢度既激流不錯,同埋有個4d影院好似幾得意咁,係open area既,見佢地戴住好似好pro既眼鏡,見到佢地不時有反應,都幾搞笑~唔知佢地睇到d咩,響度手舞足蹈呢?

講住咁多先~hehehe~

>>April 24, 2006 at 5:06:41 PM GMT+8

2006 年 4 月 20 日 星期四 【微冷】

返工~約左0840~0845先到~見無打俾我~以為佢地走左~原來phyllis病左返唔到,而欣欣跟我一樣遲左~因佢要拎返個mobile~

返到去,劉生打黎~叫我做住bocom先~好野~之後lisa返,做hair consultant既bank reconcicliation~不過.....好亂~我想知我既問題響邊~真係...頭都大~一rec唔到,就要搵邊度錯~做左大半日,2個月都未做到,真係好差~我係咁加,係咁搵,劉生話唔係咁,係咁帶落去就得了,唔知得唔得,試下先~因我自己adjust左個bal先,佢話咁咪唔係per ledger囉,都唔係ledger個數,咁咪係作數囉~咁呀,好啦,仲好唔駛我用腦咁~不過都唔sure對定錯~佢初時都有話我慢,之後我話都亂但掌握左,佢就笑笑口咁話都係既,真係亂~好彩~不過我都唔滿意~因有d野我未諗通~其實都未掌握~concept未融會貫通~

可能我太慢了,叫我straight forward一點,有咩漏就加,有咩多左就減就可以了~咁個sale呢?可能有時我太簡單複雜化了~莫非係咁?有d未get到~confusing~

不過無咩心機~之後幫phyllis執手尾,都係趕唔切,都唔知邊一單trading~入唔到~不過留左msg~又唔知description,都唔知咩數~oh....hang左機~更加做唔到bank reconciliation~咁多筆數,做bank rec都無用~張張voucher都只係入左一半,哈哈哈~~不過逢響bank statement既數都入晒了~唔好罵我呀~

2100放工~聽日得欣欣一個孤軍作戰~要醒醒定定~教左一定要識~ivan問我出job既野~問我辛唔辛苦~有d野都激死左欣欣~um......??平時唔係咁架?好似有d強差人意~

放棄左census既training,去做義工~去珠海~我daddy,mummy都返左大陸了~叫我地照顧自己,因阿may去ma on shan take care brother~

今晚以為無dinner~原來阿may返左黎cook~咁我就善後~執野,洗野~

自從christa話我臉尖左~我好似唔俾自己瘦咁,係咁食~hahaha~我真係唔俾自己瘦咁?定壓力大呢?成日都想買零食~就算好飽都好想咬野~oh my god~have to control~

>>April 21, 2006 at 4:28:32 PM GMT+8

2006 年 4 月 19 日 星期三 【微冷】

今日ellen ng cancelled class~返1030~good~準時~

回校途中撞到phyllis~又見到miss au,佢問我做咩咁街坊look~~哈哈~

上isca好努力咁抄notes~下午上account堂都係~今日全日都好努力~上堂都ok留心~good~

不過holiday mood仲未好返~成個日仲係呆下呆下~累累的咁,唔多concentrate到~

lunch去維苑食~之後去扭蛋~又扭唔到大雄,放棄了~俾左一隻叮噹michelle~另一隻最後決定俾sandy~呵呵~叫佢換左阿福走~

放學去一去023就閃人,因date左joanjoan~都成個月無見了~我話要陪佢睇isabella~我地去左tst行街~好凍呀,好大風~搞到我好狼狽~only短袖,短褲~我響遮仔買左件衫~yeah~全個summer最貴既一件衫~哈哈哈~~我覺得不錯~hehehe~~雖然係黑色~不過有金色貓貓,kakaka~~~

撞到debbie~wow.....好久不見~之後行得累了就dinner~原本去temple street,但又落雨,又凍,又餓,又累,就響附近dinner算了~joanjoan又提及過去oliver's supersandwiches就去了~都幾貴~不過好飽同好味~滿足~哈哈哈~~yeah~但都係搵唔到everlast件衫~唉......

今日有好多idea,之後我問joanjoan係咪安排得好好呢?又話去呢度個度~hahaha~~之後我地就行左去油麻地既百老匯電影中心睇,都不少人~23xx散場~因較遲睇,好多場次都無了~isabelle真係做得好放,好顛,好搞笑,都幾抵死,喊得又真wor~不錯,代入角色,好傳神~鐘意佢把曲髮~佢把聲真係好尖~杜汶澤當然做得好la~故事平淡,細味當中既情~好多情感以插敍交待~最後杜汶澤流鼻血,唔知佢係咪有cancer呢?

詹瑞文做包租公,真係好煩,係咁repeat,係咁叫人交租,厲害,isabella同佢鬥叫~isabella把聲夠尖先同佢鬥到~否則會被遮蓋~及俾詹瑞文牽制住~isabella響杜汶澤翻雲覆雨時,熄左佢冷氣,哈哈,笑死~之後杜汶澤玩返佢,hehe~2個小朋友~又玩爆樽~又一起食煙~又一齊賭~又一起飲~又教揸電單車~isabella又做到小妹妹咁,嗲daddy~又幫daddy趕d女朋友走~哈哈~扮大個~

響macau取景~

雖然累,但一齊傾下計,傾下東傾下西,不錯~佢既boss真係衰~reference都不願寫~我地仲即刻約左下星期去睇另一套film~我就唔陪佢睇四大天王,因我睇左2次了~不過會buy dvd~我又提佢俾harry potter俾我~又唔記得了~

之後由油麻地行返我home,再陪佢等車~

落實5月5日出海之旅~good~細ryan傻左~係咁玩.....點點~同佢傾多陣就sleep了~

>>April 21, 2006 at 3:57:57 PM GMT+8

2006 年 4 月 18 日 星期二 【酷熱】

wow~今日個alarm clock竟然唔work?定係我聽唔到?定係我按熄左?

9點多菁菁打俾我,我先識起身~佢好乖,好準時~

我就起身梳洗,食早餐~等到夠鐘出門口~

返到去,點到名wor,仲以為鄧sir知我剛剛返添,搏大霧,呵呵~翠怡跟我一樣~hehe~

上law lesson~好悶~又係時候努力了~派卷~我話合格就要偷笑~點知我真係要偷笑,咁都俾我合格,溫左一早,仲要出左街,哈哈~強~仲俾ellen ng寫我份卷,話我勁~blow cow~哈哈~點知我答錯野~唉~要再摸一摸先~

去023~本來michelle有talk,不過key skills既人未得就cancel~就同christa,michelle,benny,欣欣,phyllis去好好lunch~期間睇各院校既danso表演~great~都係葵涌勁~又齊~又sex(露埋bra,wahahaha,旗袍係咁的了)~剩係對high heel shoes已經贏晒~睇黎我對葵涌幾有歸屬感~有d人個樣唔得,有d人肥左d wor,有d人hea既.....!!!no good~

多謝michelle既手信~呵呵~我俾左我個豆沙包佢~佢見到cecilia俾我既技安尖叫~oh my god~唔俾得,因係cecilia俾我既~

唔駛補習,好早返到家中~抄下notes~休息下~做下電腦~近期大家姐有d vcd,我又睇下~咁就一日了~又追電視劇了~<女人唔易做><潮爆大狀>~~

我都係要做project了~this week又要做義工,要去china~我daddy,mummy都返鄉下掃墓~細佬仲響hospital,因佢仲痛~發炎,要用salt water潄口~

>>April 20, 2006 at 5:00:55 PM GMT+8

2006 年 4 月 17 日 星期一 【微冷】

孫慧玲生日快樂~

原本打算0815起身~點知07xx自己醒左~就無謂再睡了...醒左再訓好辛苦的~會頭暈~於是起身~梳洗,食埋個早餐都仲有大把時間剩~等出門口都幾辛苦~

終於捱到出門口~隻腳仲痛痛地,又要就住水泡....慢慢行....30min就到了~都幾快~好彩佢地都返左黎,唔駛再摸門釘~今日都不用0900返去,呵呵~仲大謄都著左褲添,勁causal~

返到去bank reconciliation~發覺有d數未入~有d數有錯~改下改下....見到d數就頭痛....好多筆~呆左~原來有d數既2月既bank statement度出埋3月份既.....嚇得我,以為咁多unpresented cheque~又有好多筆usd數唔見....真係頭都大~

做到lunch~同lisa出去,茶餐廳full左,又去mcdonald~原本打算一個上午搞掂....點知都4點多先得~我同佢分工~一個人對一個bank~以為差廿幾萬咁多,但我又剔晒個d transaction,做咩事呢?原本係credit balance加埋unpresented cheque既數就是了~真係o丫...嚇到我地~都係lisa幫好多~哈哈哈~

同佢lunch都傾左唔少~good~close左~佢都唔係好識用accpac咁~所以佢寫vouicher,我入~good~

佢走左之後,我入埋control table~wow...唔夠2000搞掂,收工~打俾lisa,原來佢地走了~欣欣佢地都走了~我就打俾欣欣,傾左陣~phyllis完成了,幫緊欣欣~由於jokey要走,無人有key,所以大家都走了~佢好似好多野都未做好,好緊張....hey...relax~不用擔心太多~太擔心用既時間仲多~

完成左,this friday就返去公司了~呵呵呵~唔知有咩公司做呢?

行返home,打俾cyrena叫佢search金章既資料,反正都行開,其實行山都幾有益身心,又早睡早起,又有靚風景~係無得bath jei~冬天都怕好凍....又要帶禦寒衣物,又重些,唔想...其實我今次都差唔多都幾凍,次次出親都係凍個幾日,哈哈哈~大部分時間唔太濕,唔焗,都幾好既~夏天就唔好勒~最緊要無太陽~打俾joanjoan date佢睇戲~我要睇isabella,同埋魔法保姆~

我發覺我開始有老鼠仔~哈哈~~覺得自己好強,咁都捱到~其實有時都幾辛苦~都唔知行咁多為乜~攞苦黎辛~哈哈~手損腳損~訓得又唔好~又有水泡~又凍~haha~~

生sir話有咩平時覺得唔好食既food,又響家中無人食既,就拎去camp,到時就會覺得好好味~又唔waste~haha~又係既~個時咁辛苦,咩都好食~edwin教左我,落山多,行樓梯,得閒扭下腳,費事腳板底抽筋~依家得對nike爛爛地~haha~~真係厲害~一個ayp銀章咋~就咁就侵蝕我對波鞋.....我又要買了~另一對rebook都爛了~慢慢物色,因未見靚既~一係睇中就成千蚊~等我幫我對nike影返張相先~我發覺我都真係好似有扁平足~成日向內咁....見舊骨又突起左~

記得我地行到差不多終點時,一路上都係平路,都有上樓梯.....突然有個位落樓梯,大家落第一級已經"哎呀"咁叫左出黎...我地行唔憤城市既樓梯~哈哈哈~~真係痛到呢.....!!!要扶住慢慢落~真係搞笑,我地成team人第一個反應都係咁~哈哈哈~

>>April 18, 2006 at 2:54:06 PM GMT+8

2006 年 4 月 16 日 星期日 【颳風】

尋晚雖然累,都訓得唔好,有時都醒下~因為對腳好累~痺左~又唔係好郁得,得閒郁下~唔記得抬高腳訓有咩用,不過我照做~

0800起身~因去飲茶~同阿媽去左先,因大家未起身~我慢慢行,"gut"下"gut"下...就住左2個水泡同埋腳都痛~

發覺我今次好叻,上樓梯無抽筋~平時我都會抽大腿內側的~hehe~

傾下計~幾好幾好~大家姐請~下次等我請~我都無咩心情罵我細佬,都係同佢講下就算~我都無力動火了~哈哈哈~

10點多散~煲水浸腳~一路睇doraman--雲之國~

打日記~訓左一陣~又打日記~睇電視~

其實我都好怕留在家中無野做~就會成日訓....唔好的,仲累~無咩目的,無咩野做,對我來說都係痛苦既事~算了,當今日俾自己休息一下~靜靜的.........

daddy問我,點都要夾硬行架?我話俾佢知我係去考章,係咁架勒~佢見到我咁辛苦,都問候下我~我又同佢傾下咁囉~幾好~又幫我倒水~

尋晚都今早都覺得好凍....wow....!!可能太累了~哈哈哈~~

今日無出daniel function,因怕要跑,又多人咁.....都係家中休養好些~

細佬聽日就做割扁桃腺手術了~去仁安醫院~加油~

大家姐不斷叫我返church~因大家都問起我了~好...安排下時間先~哈哈哈~莫非上帝就係叫我返呢間?都好....!!!3日2夜既行山都好感謝神~俾到一個好既天氣,一個好既心情,好既阿sir,好既team俾我~yeah yeah~人要不斷感恩~

晚上lisa打俾我,佢問左我一d野,同埋叫我都不用太早返,因我都只會響門口等~好好~~yeah~又訓多些~good~~hehe~~

>>April 17, 2006 at 1:01:32 PM GMT+8

2006 年 4 月 15 日 星期六 【颳風】

當然又係0515起身~

訓得唔好,因為好凍,有凍醒~尋日就俾人嘈醒~今就就凍到震~我仲要著短褲行~

不過咁,一出到營,又可以wor~可能營內pack野時又暖返個身~一出到營,第一件事係搵地方去toilet~好急好急~搵個遮掩既地方解決~慧慧同譬如都係~其實慧慧係個講乾淨既人...佢都去~哈哈哈~

今早有通粉(用~I左少少個個煲,不過又ok wor),五香肉丁,美祿~尋晚無煲水~好彩天氣唔係熱,希望捱到~阿ray真係好多drink,咩雪梨茶,等等~阿瑋就剩返好少水~我地大家都裝定山水為後備食水~hehe~~treating~不過無計~有d垃圾都掉左,不過要偷偷地,我做左垃圾婆....用筷子將其他垃圾遮蓋我地少少既....又將一d垃圾包好放入袋中~

神奇地今日on time~早過0715準備好,當然都無洗餐具,有d人就唔係好環保,用即棄用品,俾我話左,哈哈哈~同阿sir講,生sir諗左一陣話ok~之後要等佢check左水,因怕唔夠水~就出發了~我地第一站係459既羌山~早個一段真係...!!又開路,剷林~我地早過生sir出發,但都meet到佢,佢仲話等左我地15分鐘添~個條路一開始我都半信半疑,因要拎開個鐵鍊,咁我都好好手尾放返好~我地行左好耐,因為條路太耐無人行,所以就唔係好見條路咁~

著短褲既我,死得~繼第一天,我已經損左手~今天,對腳好似多左個地圖咁~都係生sir講,佢叫我唔好著,除非好熟條路~上身就有褸好一點~好彩有阿sir~我地成日以為個凹位係我地地圖中既水道,點知唔係~生sir叫我地唔好睇少地圖上少少既彎....就係我地既凹位了~我地呢個point遲左好多~有時jasmine真係激死人....成日問點解咁多樹....點過呀....咁~大佬呀,人人都係咁過la...唔好waste time啦~真係大小姐~行樓梯又問做咩咁多樓梯~佢尋日一度響上鳳凰山時發脾氣....可能佢地催佢,佢就話"咁你地行先囉".....!!!佢令我想起上次...自己既心情~大家都係無回應,無encouragement,其實都好down~不過有時都真係好炆既~我今次都係......~~佢有無為大家設想過呢?

上到去了,生sir話今次個assessment咩都試過了,幾好呀~哈哈哈~上羌山既路都平緩,不錯,不過我都有喘氣既~幾好幾好~不過今日好似有一個位我跌倒了,好彩無事,有個袋頂住~生sir叫我小心些,我個d平底鞋,哈哈~真係不錯既阿sir~bob sir都不錯,成日叫我地加油,不過由於佢響我後面,成日拍我個袋,真係想打佢...好重!!又趕牛咁趕我,快d快d咁~搞笑~我話我係牛咁行,佢話咁佢咪係牧牛人?

生sir自己行左先lu~落完羌山,又上返434既福音山,呢個山唔係point~行埋呢個山就落了~hehe~我又同自己講,話咁快又一個山頭了~上山時又同自己講我尋日連934既鳳凰山都上到,點解呢個唔得呀?哈哈~慢慢行上去~今日我都無等jasmine了,因我對腳都好痛.....,我都好辛苦~佢今日都落快左,good,我話...jasmine你今日好叻呀~

落左山就行深屈道去check point~落山時生sir響涼亭,我地都怕佢話我地唔等jasmine好危險~之後我話阿瑋,chair係俾人坐定袋坐架,死仔~譬如就要拉下筋....因佢抽抽地~wow~d男仔叫我地行先,又話用尋日去camp site個速度行~初時都可以,係第一個,點知條公路都落得好犀利,我就要慢慢,唔可以跑~又墜後了~我地響公路上一路行一路lunch~沿途見到人cycling~上去真係好辛苦,個伯伯話上去40min,落去8min~哈哈哈~落斜真係好爽~

經過深屈灣,士多人撩我地take a rest~無理~一路又剝橙....大家share,當然唔係我~都係唔鐘意行山帶橙,提子,梨,apple好好多~3c point係沙螺灣村,係石屎路.....~~我都有點辛苦,有點頹既情況....不過keep住行....唔想行上斜,落斜,因真係好痛~我相信起水泡了~因磨擦得太厲害了~慧慧同我講,你應該心想,之後點都有上斜,咁就好好多了~我試著呢個方法~都幾work~要expect左先~

一路上我都係慢既~去完沙螺灣就去東涌~好多人行~等佢快起上黎,真係尋既既speed,佢地問我做咩咁快,我就話因為自己慢~原本我墜後得好厲害,佢地有停,不過見佢地停,我唔停...keep住去,個speed唔停得,直到end point~其實沿途上要不斷fresh up自己~又話俾自己聽好快到~我地沿途都見到機場~wow.....有成日深呼吸~望下機場,過左幾橦building又開心一陣~望下海等~響最後行返去東涌,越接近樓越興奮,返去城市人地方,真係好亢奮~真係追返時間,1600前到point~係1535~good~

沿途上好多人cycling,都唔明咁窄都cycling呢?我又要等佢地過先~又有好多人問我由邊度去~又問我地響邊紮營~

唔記得尋日講上山好凍,凍到大家流緊既唔知係鼻水定霧水~haha~~因大家都有流鼻水~有時大家都會睇下大家點做,例如拎定毛巾出黎先....咁大家之後見幾好又拎~吸收經驗,good~我又學佢地放響頸~我地估計山上只得唔夠10度~可能6,7,8度~wow~~

雖然訓得唔係好多,又唔係好累wor~幾好幾好~真係find out心情係好有關係~態度都係~天氣都係~其實個個人都累,個個人都痛,係睇下你忍唔忍到~我覺得自己今次好叻~我會考慮行唔行金章~不過條腰唔多得,上山時好酸軟~金章可以自己plan路線,不過要pass總會,可以choose舒服既路,不過要explain~我地上鳳凰山時,見到得2個人,佢話佢地係考金章~另一個人無裝備,唔知係咪導師呢?

如果少人都得....不如湊幾個人就算了~都幾好~認真考慮下先~

今次行得幾愉快,估唔到自己都行得咁快~不過最後一日沿途上都不斷掉自己既野,減磅~我又只負責食物,都輕不少~第二日早上用bob sir既彈簧稱,我個袋有23-24lbs~男仔最重,有30lbs~慧慧最輕,19lbs~

有人問我做咩咁興奮~我有好多野講,又叫佢地睇下風景咁~我就同佢地講,保持心境愉快係好重要~所以我都有好多野講,又互窒下~今次同大家close左,融洽左,咩都講下....投入左大家係開心些既,大家係一team的~同埋都為大家設想,自己都要行快點~要大家等都好辛苦,所以我都keep住行~不過我有弱點,就係唔好叫我做呢樣個樣,要我自己自發性,否則我唔會服~好似行得快咁,要我自己調節到先得,我就會自己行快點~你叫我行快點都無用~雖然大家都有點冷漠....但大家初時都唔熟,都算有點take care,問候,已經好好了~

我算幾有heart了~jasmine突然坐下,我就走去睇咩事,幫佢按摩幾野~不過有時唔理佢,會仲好~太照顧又不可,倚賴~呢d都係我既天性~哈哈哈~~專門去問候下人~有時d野,佢地都feel到既~所以有時譬如會同我握下手,支持下~好多野都真係互相影響~今次好好多~起碼我都無咩俾麻煩,佢地心情又好些,今次感覺好好多~識既一班人行會開心點~都好多謝班男仔,佢地去做目的,去睇地圖~男他真係男仔....強~慧慧就話某d方面啦~不過佢地都仲細~

我都有feel到問候既眼神,同埋詢問既眼神,哈哈哈~行上山時都無帶眼鏡,因霧水太阻視線了~除左仲清晰~上山,落山都叫男仔行先,因我都慢,唔想佢地辛苦~阿ray都笑,話會搵個位爆上前~有時都借jasmine行得慢,幾好,令我都慢慢行,不錯.....jasmine既慢成為我既休息,成為我既excuse,成為我可以減低自己罪疚感既excuse,hehe~不過有時太慢又頂唔順~我地呢班人上山快,落山慢~行平路都慢~佢地見我同jasmine行平路快左咁多,都好似好欣慰咁~haha~~

今次譬如做leader都幾稱職~good~有時大家行下,傾下計,分享下,講下感受都不錯~我都係talkative既人~真係有時都幾好多講~haha~大家又會傾~有時大家無講野,無回應我就算了~不過我都係鐘意大家一路行一路傾,開心好多~慧慧有時太沉默了~jasmine有時太多野講~有時我呻下,大家唔理我都o岩既~無倚賴,要靠自己,同埋大家既感受都一樣,佢地無出聲jei~不過唔講就唔知....都怕忽略左大家既感受嘛~我地呢team人都少左encouragement~

去到東涌mtr~圍埋check完緊急食糧,同後備食水~生sir俾d意見就散了~佢地去mcdonald,因我就住就住咁行,我唔去了,寧願快點返家~譬如都拉我去,我reject左~依家有點後悔,應該一齊去,開心些~hehehe~

返到家執野~原本叫阿may幫我拎袋,不過佢放假就算了~叫左妹妹煲水~我就執下野,之後bath~唔俾自己訓住~不過坐坐下都好眼訓....我頂住~之後dinner~叫阿may幫我按摩肩膀~我就自己按摩腳~唔記得先浸熱鹽水添.....~算了.....~生sir話first浸鹽水,second係訓時抬高腳訓~生sir話浸鹽水就不會起水泡,我想問如果已經起左又點呢?佢走左了~

bob sir就教左我如果扭傷,就應該一冷一熱咁浸~哈哈~學到不少野~good~

2300就訓了~呵呵~好滿足~good~其實期間都問自己做咩行ayp,哈哈哈~都話唔再行金章~不過又心郁郁咁~有cyrena一起應該開心些bor~hehe~諗下先~

返home時打左俾cyrena傾下計~hehe~~

>>April 17, 2006 at 12:29:01 PM GMT+8

2006 年 4 月 14 日 星期五 【乍雨乍晴】

0515起身~第二日艱辛既路程~點解....?因為起碼要行到...20xx~19.x公里~仲要行2大高山,大東山869m,鳳凰山934m~

係大霧到,我第一次行山,行到頭髮都滴水,哇哈哈哈~又大風到,一不小心好易被吹落山,成個人吹得郁~雖然有風係好,真係好舒服,好涼快~由於太大霧,要除glasses行,比起帶左仲清晰~勁誇張~

好大霧~好凍....~第一座山都可以....因圍住山腰行~不過大霧得滯,唔係好睇到~我地應該係無上到大東山....不過都差唔多了~我地就求其影張相就算了~唔想waste time~好凍好凍....凍到大家都僵晒~我好遲先著返褸~都僵晒了~紅晒了~見到霧水響手毛上,好得意....白色的,好似結左霜咁~

大家快速下山,因真係太凍了~去到伯公坳lunch~好凍~生sir未到~叫我地去到昂平打俾佢~經過一番商討後,大家都係著上雨衣....唔係防雨,防霧水.....而係....防寒~hahaha~~

輕輕鬆鬆上山去~因jasmine行得慢...佢話自己腳短,梯級高~~咁行下停下都幾好....又睇下風景保持心境開朗~樓梯我好弱,不過慢慢行,又打掃,有步速就好多了~我係好怕樓梯既,一定唔夠氣,不過成日同自己講,就到了,同埋要挑戰佢,自己一定得,有時望下後面,讚下自己好快又行左一大段,慢慢行,就咁就到左了,好似好高咁,其實好快,我地都俾原定快左一小時~869m既大東山我都得啦,有乜理由934m唔得呢?天氣雖然凍,起碼唔會有太陽先~由於天氣凍,大家都無咩點飲水~

死人阿瑋成日問我做咩急停,我都唔想,因為前面~佢地d男仔都唔想行我地後面,因真係太慢~上到鳳凰山~好靚好靚...好似仙景咁~我地響雲層上~yeah~好正...都好大風~我要再上~不過唔明d人行夜山行上去...唔怕咩?好似好危險咁~雖然睇日出都係一個唔錯既選擇~

大家影晒獨照~就落去昂平了~jasmine都係好慢....因佢腳板底痛,膝頭又痛...而佢地寧願落快些,一次過痛晒去~我就怕佢有事,尾隨~我都好辛苦~太慢了....~等到我頂暈...見佢地又有得休息~我都有怨過,你地掉低左一個人,響下面咁歎,難為我~又要諗下點push佢,又怕罵到佢喊,又怕俾佢感覺太冷漠,無理佢感受,但唔push又唔得,又要鼓勵~我都炆炆地~響呢個point又遲左30min~

生sir等到我地變化石了~好彩佢無響山上等我地咋~唔係上news個個唔係我地,而係佢~生sir其實好好人,山上既路一定同我地行,唔似bob sir由我地自己行~如果尋日生sir響度....佢已經指點左我地迷津了~我地成日怨bob sir~佢真係好貪玩~尋日佢同我地行個時,又拔d草響我背囊上,問我係咪個電話收得好些...因多左天線~俾佢激死~不過都好既...心情咁愉快~唔記得講....尋日見到一片新既草皮....有露水,真係好靚......!!我地見到咁靚....草又靚.....真係唔捨得踩,避開晒~係行錯路先見到咋~仲有既係,我去到一個位...望住d山....見到d山識郁,仲向後移.....我就叫左一聲..."撞鬼lor".....佢地問我咩事....譬如同慧慧都見到.....d男仔又走過黎睇....佢地就話無......!!譬如話好記得我個句...~我覺得一來山勢既問題...二來係...我地都累了~

我地去到昂平,去toilet,我忍左好耐了~男仔去做目的~又起行了~準備電筒出發行石壁了....當時已1800了~我地要趁還有日照時,行快些~條路真係好漫長,又黑,又悶,又焗,又落雨....背囊好重~唉...又一次既夜山~上次經驗唔多好!!今次算係好一點~袋定後備電池,不過無第二支,都怕有事~好彩~又有樓梯....生sir體會到我地等jasmine既辛苦了~我都有等下....仲俾好多encouragement~我相信jasmine都有cry~但唔等得太多了~

hehe~我見d標距柱,唔明點解阿sir話佢地出貓~因我見唔到座標~原來細細地響上面~我仲以為一d有一d無添~因有d大大個響下面~所以生sir叫我響標距柱停下來~叫我睇下有d乜野~我pass過左一支,佢話我....死o靚妹又唔停~hehehe~~下次一定要停,否則要行返轉頭~唔好話跟過生sir行山乜都唔識wor~佢都有問我,我上次走左,佢以為我今次唔行,唔考lu添~仲同佢講下尋日既情況~

最後一段了,唔係山路~都已經2130了~我地要去大浪灣camp site~真係多得bob sir~我地已經行到咁夜啦,仲俾個咁既camp site?唔俾我地好好休息?又無toilet~又凍~地面又唔好~仲要行到咁遠~佢地話次次bob sir跟我地訓時,個camp site一定好,佢唔響度就好衰~真係難為生sir了~

行公路,我行得好快,拋離得佢地好遠~佢地都話我快....!!!因平時我都係慢~哈哈哈~~無計,太想rest了~行行下,生sir問我地響咁黑既環境,應該點呢,點辨別方向呢?最簡單既就係睇方位~少少既彎不理,睇大既~又真係幾好用~截停我地,講~差不多講完,我就同生sir講,可否行先....因為我keep住左快既步速,一停左....腳就軟左....仲累.....又要warm up返.....仲衰....~佢就話我.....死o靚妹,記住你....催我呀,話阿sir呀,huh~

去到camp site,死左~真係好累,好炆~個個都話了~又煮野食~紅豆沙,蠟腸飯,漢堡扒炒蛋,同埋煎芝士腸~我都係負責"食送"方面~又係大廚~不過紅豆沙太少了....又無加熱....凍的....不過由於太貴及重就唔敢買太多~今餐好似少左點野食~大家都好累了....食完我都唔想洗了~就算了~好彩今晚無soup~唔係真係有排煮~1小時都未必搞得掂....因阿sir話我地真係快左好多~無洗,大家都唔介意了~好彩仲有煲用~有d~I左都算了....浸下水就ok了~

我地激嬲左生sir~因原本佢要入營講野....我地就話就咁講.....因我地要傾聽日既野....咁佢坐響出面,我地又無人理..又傾唔到,我地女仔又掛住執野....佢就發脾氣了,話唔簽了,剩係你地累呀?我唔駛執野既?佢扔下我地本plan book就走了~我地知死就出營傾....凍到我打晒震....~~好快地傾完,最後都唔遲出發...不過要遲d到....1600到end point~生sir響呢幾方面執得嚴些,一定要正式傾,垃圾要到公路旁先掉得等~我地全team人走去生sir個營到~

12xx sleep了~最辛苦既一日又捱過了~hehe~~

>>April 20, 2006 at 5:04:55 PM GMT+8

2006 年 4 月 13 日 星期四 【微冷】

michelle生日快樂~

今日係我ayp考銀章既大日子~原本尋晚想早點訓,不過最後都搞到12點先訓~今日佢地約左0750響中環港外線碼頭等~不過我遲到,因覺得自己住得近,不用早起,我又慢,又要執好野,同埋食早餐~譬如,ray,阿瑋上左0810既船先~初時以為得我遲,最後見到edwin~奔跑去3號碼頭趕0825班船,早講,早知經ifc過,跑得幾辛苦~因我地要0900愉景灣碼頭集合~慧慧有daddy車佢黎~jasmine自己經東涌入~好貴既transportation fee~$27~點知阿sir遲左差不多45min~又要check equipment~唉......

我地出發了~bob sir通常唔會跟我地行既~佢成日都係咁~

我地1A point係去老虎頭~高程點係465~一開始就行左唔少樓梯~我同自己講,少野啦~今次既assessment唔少得樓梯~當係warm up~雖然都有喘氣,但都可以~因我今次個field都會在心中打掃....1234,2234,3234,4234~比較有目標,有節奏,keep住一個步速,好好多~而且我今次懷著興奮既心情出發,反正都要行,不如開心點咁行~

由1A-1B....1B既係望渡坳....我地破紀錄,1個point竟用左6個多小時?點解...因我地get lost左,阿sir都叫我地小心點.....~我地最後都無跟我地既plan,行左近golf course個邊,佢地既工作人員叫我地落去,因入夜了,怕我地迷路,戴我地出返門口,又好危險,因屬佢既範圍~我地當然唔制....因我地咁樣既話就係give up,pass唔到~但係我暗想....如果再搵唔到路,安全起見,我會建議咁做~譬如問我驚唔驚....我都無咩感覺....不過我就同佢講,真係唔得,就要走~我懷疑d crew會報警~我地又唔肯落去~佢地又望住我地~我地就快快走~

我地見到一男一女加隻狗....佢地竟然唔用map想去愉景灣~佢地明顯行錯路~都唔係我地行過黎個條~個度仲係好易get lost添~好多小徑~佢地真係膽大~初時我以為我地見到救星,點知佢都唔識用map既~仲問我地點sure個邊係北~佢連set map都唔識,仲challeng我地?佢地圖都放錯,識唔識睇架~佢又大男人,唔聽人地講野,好firm咁講~唉.....大家都feel到~

呢個point都幾好玩...我地大膽到開路,想直剷過去~我最開心就係呢d野~心情都興奮埋,無人想行先....我就行先...因行先,割傷既機會大些~我仲有去幫手去睇下路~我落左去凹位....睇下過唔過到,証明係唔得既~我又要爬返上去.....都怕meet唔返佢地,雖然佢地都好近,佢地話我落左去,係差不多成個人唔見左~我好暴力咁開返條路出黎~meet返佢地~我地今次真係似歷險隊多些~

大家經過呢個point,佢地都好頹....因為真係搵唔到路,鬥志及士氣急速下降~連男仔都唔想再行,give up~阿瑋話可以與朋友仔join金章~阿ray話再join過銀章~慧慧同譬如就唔想,因無時間了~我就無咩感覺~不過如果可以繼續行落去,完成就當然更好la~我真係未見過佢地咁頹,,真係unexpected,我自己一個人頹就試過~

阿sir終於黎搵我地了~佢先去大蠔睇下我地有無走過去個邊~見唔到就去阿婆塱~就去望渡坳搵我地了~見到阿bob sir就知可以了~譬如話get lost左5次都唔黎搵我地~我地仲問佢做咩我地今次要行50多公里~唔係45咋咩?

之後同阿sir一齊行去梅窩ferry pier~期間,因為行得快,又係我行先,剷左去婆婆度~我地搵路,點知婆婆同我地講唔通架~之後仲教我地點去梅窩碼頭添~由於我地又唔知邊個路口入,又返轉頭問....個婆婆最後怕我地唔識,又走出黎睇我地....哇哈哈哈~真係太好人了~bob sir都話婆婆太好人了~叫我地應該請佢地食飯~婆婆柅到後好開心~之後我話不如我地順道食餐便飯~

阿sir竟然指晒d路俾我地,都唔駛我地睇圖了~可能真係太夜了~大家去到ferry pier之後,都估阿sir係咪dismiss~要擇日重賽~但我就話阿sir都想簽我地既,同埋再擇日就太麻煩了~無咁多public holiday了~

我地將背囊放低時,竟感不到舒適,而係個肩膀唔係自己既....仲好重~未試過有咁既感覺~可能無心情,無鬥志了~阿sir好好人,叫男仔睇巴士時間表~又問如果唔行餘下2個point仲有幾多公里....最後係過45km~阿sir就話take bus~yeah~阿sir真係好好人~仲問我地去唔去買野飲添~hehe~好開心....真係未試過可以take bus~hahaha~~可能佢都累了....!!!同埋都係考章jei....唔駛執得太嚴....過程重要些~亦都希望大家繼續開開心心行山去~呵呵呵~好舒適~坐左響bus上....想sleep咁滯~

去到南山camp site~不錯~又唔大風,幾暖,又有少少燈光~bob sir話因為凹左落去wor~去到有好多人~有童軍既~有自己去既~有航空青年團~去到我就同譬如負責dinner~其他起營~由於想食晒d can food先,費事上山太重,同埋bob sir俾我地掉垃圾,第二天生sir就唔俾了~要去到公路先得~所以今晚有忌廉雞粒磨菇湯,午餐肉炒蛋,洋蔥炒叉燒,蠟腸飯~我覺得自己似大廚~唔該晒bob sir借個柄俾我地,真係好好用...good~洋蔥炒叉燒(現成)激讚~又有汁,又甜,good~

我同譬如洗埋野,大家去梳洗就訓了~我去沖涼竟唔記得響背囊拎沐浴露,算了~抹身算了~又唔記得找牙刷,衰就衰在自己分開左放....唉~失察~最後用絕招.....手指當牙刷~男仔煲水,用茶包,幾好wor~睡了....因自己都係短衫褲,都係用睡袋好些~訓得唔多好,因好嘈~

一日驚險刺激既旅程就咁完了~都有幸福感~因有得搭車~天氣不錯....我最怕晒...上次都可能晒親~寧願凍~有風....good~真係舒適~刺激開心~good~最怕悶悶的路~究竟d路去左邊呢?小路真係好難睇~

>>April 17, 2006 at 5:17:39 AM GMT+8