2005 年 12 月 24 日 星期六 【微冷】

Dearest my friends,Merry Christmas!!!

joanjoan生日快樂~

今日話左要扮靚d出去架嘛~欣欣,cecilia,我都有著裙仔~我,欣欣,cyrena都化左一點點妝~

1215約左去睇harry potter~有大ryan,sandy,michelle,蔡生,我細佬,我,cyrena~套戲太平述了,無咩驚喜,同埋短左些,劇情去得好快~無咩緊張既感覺~hehe,最後係我倆最遲,wahahaha~~

之後去左park'n shop買左d野食上michelle home玩~之後欣欣同埋cecilia都join埋~我地食晒佢地既蕃薯湯水,佢地無得食,呵呵~

細佬囉~激死我,一d儀態都無,仲唔俾面我,佢地問佢邊個最唔疼佢,佢答左我同大家姐~好...你好野~正一pk仔~你小心d~有乜都唔好叫我,唔好問我,唔好嗲我,咁巴閉,唔好三家姐前三家姐後~又non-stop食野,好彩係我朋友面前,唔駛同佢客氣~佢地真係對得佢少,係咁話由佢,真係...佢個肚真係大左好多~佢其實係飽,不過想食野,唔識節制,搞到肚痛,會消化不良~婦人之仁~

我地玩uno~good~好耐無玩~我想玩大富翁多些~可惜響學校~個時俾emily撩起左條根~

之後我送細佬去搭地鐵~教左佢點搭,望住佢行,仲叫佢返到home打俾我~good,好快就返到home~

之後我行返去michelle樓下,叫左佢拎camera,因我地著得咁靚,無理由唔影相既,而我部camera俾大家姐拎左去用~我地就去左翠怡花園附近食齋~好好味~好飽,都只不過係每人$45~好抵~睇戲都好抵$45~原本$55,因有學生優惠同埋vip優惠,仲要唔駛好似朗豪個邊咁,加$10,仲有優惠,無cut,good~我地仲見到mabel,唔係咁邪嘛?蔡生講得好衰~點解佢咁都有男友,而我同cyrena都無~有時我都會概嘆~係囉,自問自己都唔係好差,點解咁都無?人地....唉...有時響街上見到一d好肥既,唔太靚既都有..自己仲係孤單一個?

之後我地行海旁,去到青衣城影相~大家行下,講下笑,又講下發生咩事~開開心心~唔記得左講,我既English Assessment Presentation有B+,好開心,keep到standard,全級得一組有A,有3個B,好多C,而我地係B既其中一組真係好開心~winnie po佢地個組都係~真係恭喜晒~無計,mandy tam由一開始就好鐘意我地,而我地又表現得自然,又達到佢既要求,亦有努力地preparation架,內容無咩理,理skills多~開心開心,多謝大家既努力~

之後出左奧海城影相~wow....正~又睇左小小既show~

之後行出朗豪搵細angel~行到我腳都跛~因我又著boot~行得好慢~同埋已經好痛~東東出左去bbq~ida返到0200先收~細ryan公公生日食飯食到凌晨~菁菁約左朋友仔~細米亦都出左mk,同埋睇king kong~pinky就教會愛筵~

我地去左食滿記糖水~正~大家又傾下計咁~期間,我又成日被人串啦~大ryan,欣欣,細angel被我攻擊左~呵呵呵~因我太痛,佢地話要人揹我,不過佢地話無人揹到我囉,就係咁串我~欣欣同cecilia仲想抬我,唔係嘛?之前大ryan都響michelle home突然都講,呀,都唔知抱唔抱得起我~找死~嗚嗚嗚....死穴~以前阿成話可以揹我,我都唔俾~我會掙扎~

去左四樓睇個4隻人仔~走既時候見到barol~

定左1月25日食團年飯~年廿六~又想玩同生共死~??

返到home~除左對boot~爽~得閒都要拉返下根先得~俾2日我~

>>December 25, 2005 at 6:02:09 PM GMT+8

2005 年 12 月 23 日 星期五 【微冷】

唔係嘛~聖誕熱返?

今日平安夜,無街出~~哈哈~daddy話wor,以前要幫手時,無野做,又唔見我地問佢有咩做~

悠閒的一天~難得13xx先起身~

得知sandy一人去swim~cecilia一人去行~之後約左cecilia有野俾佢~

又無咩意慾出街wor~有2日一人出街都好似累累的,提不起勁咁~可能一人出街都真係悶了一點~等我睇下買mp3 or md,一人出街時有得聽,就會好一點~哈哈~無咁奇怪~唔會俾人寂寞的感覺~靜靜的都幾好~不過一人行得好快~哈哈哈~

stay響home同daddy,細佬一起,感覺都幾好~人都係要接觸人~

>>December 24, 2005 at 7:14:05 AM GMT+8

2005 年 12 月 22 日 星期四 【乍雨乍晴】

今日,無咩野做,一早起身,食下野~

得知michelle買左ticket,我地25th會睇1230既harry potter~佢自己今日晏d都會去睇無極~同佢傾左陣~之後佢話俾我知佢出左tst,但係我響home整緊野~到我出去既時候,佢話走lu,咁就算了,因我都未出旺角整野及買野~今日又自己一個人出街lu~哈哈哈~~

之後返home,肚餓,食左d野~就落街匯合cyrena~因我倆join左camp quality既annual dinner~仲以為係bbq,係buffet~見到polly,佢同我倆一齊坐,之後joyce都有一齊~無咩野做~睇左段片~之後食野,有野玩~見到佢地,都有露出佻皮既一面~哇哈哈~以前響camp quality既我,都係靜靜的,只保持微笑~又不與人接觸,social一下咁~

佢地玩手蠟,好開心,4人一齊,paul用雙手捉住susan姐姐隻腳,couple既一齊手牽手~仲見到有2個campanion有baby添~真開心~cyrena都玩左隻~

都有人認得我~哈哈哈~~不過我唔知契媽佢有大壽~有d失落~

我地去左玩tarot~嗯~可能因時間關係,及想你再搵佢,佢好多野都唔詳講,問又唔答~又抄左d牌既名同埋電話,叫我地再搵佢~不過有1,2個moment覺得佢好肯定,有d信,但係,唔知呢,呢d野可以扮既~~哈哈哈~都係鐘意上次個個女仔多些~聽下先~到3月我就會知係咪真!對呢個人既attitude唔鐘意~好似有點吊兒郎當~或者佢係男仔有點偏見掛~佢唔解釋一d野,我係唔會信,無客觀既事實証明~雖然佢講某d野係我覺得有點憂慮既~

發覺得我都真係好穩陣~好謹慎~唔會咁快露出我既情感,或者表達我自己~亦都由此覺得cyrena都唔太識控制情感~因佢好易就同人拍晒膊頭,好似好熟咁~佢真係好單純,亦都熱情既,好易信,聽完佢會諗個個人講既野,不過唔會問點解,被人引領左~佢好易被人摸晒底~我會有好多憂慮,佢好似就會好快咁就去....衝.....不顧一切咁~

之後去左好多間cafe,唔係無位就開party,最後上左我home~之後....1點幾就送佢take mini-bus~我好tired呢~

>>December 24, 2005 at 7:06:26 AM GMT+8

2005 年 12 月 21 日 星期三 【乍雨乍晴】

1030要返到sch~不過我都遲左~好醒咁走左去rm340~phyllis同sarah都話會打返俾我,話我知響邊架~死野~

之後交埋d野俾鄭sir,我,欣欣,phyllis就去左rm023先,同埋cecilia,michelle一齊上rm354做冬~

發生事~似乎近期michelle有d野好大既原因都源自於始~

上堂~不過唔似~好多朱古力~有gigi既,sarah既,翠怡既,angel既,phoebe既~仲有gigi同iris hand made既christmas card~仲有angel既禮物~winnie po既lego word~sandy既x'mas card~多謝晒多謝晒~好開心~自己都無think過要buy chocolate~

好快就上完fmc~我同欣欣期間都有去搵鄭sir同埋miss yuen~之後去左cill~sarah同欣欣又再過去問野~期間,走既時候uncle chung問我識唔識學生証個個人,原本話唔識,think think下61245既可能識,就睇下,原來係大angel~我就四處搵佢~最後佢自己都返左黎~期間見到cecilia~

之後落023~坐左陣~就一起走~michelle有蔡生接~

19xx已響家中樓下,點知老豆都有打黎,由於太多人等lift,就去左上7th floor既lift~換言之,我要行9層stairs~oh....喘晒氣~好開心既氣氛~雖然期間有小插曲,不過都可以了,依家d年青人,態度都真係唔得,同埋太自我中心~阿媽叫may整糯米滋~但成日都話係湯圓~佢都傻傻地~好好味,因為d芒果好靚~daddy話當然啦~十幾蚊一個~靚既餡,影響都好大~又甜又爽~

在家中好開心~好飽~又話要去bbq~但daddy話要去site visit先~我又話我新年無野做,可以返大陸~daddy都話好多年無返,不過無人陪佢~依家我可以了~呵呵~反正都好耐無見佢地~開開心心~

今日都好早sleep~12點~早睡早起身體好,做個健康小寶寶~

今日好開心好開心~多謝gigi,sarah,iris,phoebe,angel,winnie po,michelle,sandy,我既家人包括阿may~

sandy既x"mas card,睇到我想喊~其實係忍住左咋~

>>December 23, 2005 at 6:23:18 PM GMT+8

2005 年 12 月 20 日 星期二 【乍雨乍晴】

今日無咩野做,因尋日好早訓,今日都算早起身~上下網~date埋大佛去睇燈飾~(之前我成日都話係去睇煙花~~)又問下harry potter既時間,價ar,位ar咁~做足準備~

THen,我一個人出左去mk,因為想買生日禮物俾sarah~尋日行既時候睇中左一套杯,之後諗諗下都唔係咁靚,就無買,都係買返頸巾~我上堂既時候都有問過有關既問題,即係帶唔帶頸巾ar...等等~問完之後欣欣響度笑,因佢知我唔係就咁問既~sarah話俾我知,佢收完份禮,就諗返起我既問題,哈哈哈~其實佢都好想買,我幾怕佢唔會用,不過諗諗下,可能佢唔覺得係必需品,有就用,無就算~呵呵~我仲買左暖包俾佢,因為佢怕凍~

返左home,包好禮物,就默默織手繩,織到我遲到,最後一刻先趕到~完成~

期間,同細angel傾下電話,得知佢0600先收工,無OT,因佢要做預售既schedule同埋點數有幾次錯誤~真係....咁抵得諗~我又再催佢一d野~

當我完成既時候,剛剛好,細ryan就打黎,咁就一齊去葵芳~因之前佢打俾我,問我知唔知佢去,同埋問我幾點,仲叫我拎花紙俾佢,所以佢話完左佢個邊既function就打俾我~

期間,cecilia放學打黎,我就一直叫佢打俾phyllis個d.....佢就成日問我做咩要打俾佢地,我仲未load到,就去左另一個話題,講下佢功課個d,gitti個個back job~之後由於我想收線,始終我唔係一人搭地鐵,又叫佢打電話,於是佢又問,又話佢都唔係打邊爐,我話係wor...唔記得,咁佢打俾我,又問我地響邊,點呀咁~真係誤導人~笑爆咀~

今日既電話係爆多架~難得難得~除左係因為約左大家之外,就係因為有d sales,電話公司打俾我~

仲有仲有,同左pinky傾電話~hahaha~因佢話俾我知佢唔去睇勒~因好凍,michelle又話約左佢拎野俾pinky,仲會去食糖水添~唔知點解michelle唔想去~一來佢怕christmas party delay,會好晏,又話累~總係覺得佢有野~不過佢話無事~

hot pot,好開心,大家都傻左,充滿笑聲~我就飽到嘔~iris飲左酒之後就high晒~sarah,iris,gigi又唔知講咩話題~我又同gigi,iris做手語~wahahaha~~佢地今次用生日日期,加埋佢,1為最大,就可以抽先,無奈地我係9~唔駛抽~不過係phyllis份禮物,係大口仔手枕~菁菁抽到我個份骰仔salt & pepper set~sarah抽到欣欣個份winnie the po碗~細ryan抽到kit同學既朱古力,iris抽到gigi個份,阿冰抽到菁菁份muji食物~欣欣,phyllis,kit,gigi,phoebe抽到咩呢?唔記得~

之後大家唔記得影集體相~因我地趕住走~cyrena,細米,cecilia,大ryan,細angel響tst等緊我地~我,欣欣,菁菁,phyllis,kit,細ryan都一齊出去睇燈飾~ida後到~12人~我get錯左細米既msg,以為係去tst,原來佢想去中環,所以好唔開心~又原來cyrena唔陪佢lunch既,就失望~

大家又影下玩下咁~好歡樂~不過夜景,唔用閃光燈都會手震~oh...no~今日ar....我未出閘離遠見到cyrena個頭好唔得ar,回復返yr 1個時,仲以為佢脫變左添~唉....今日佢變左miss indian~cecilia咁著都好似差d,佢地話係頸巾~都真係唔多match~牛仔褲襯個d鞋都可以,我睇唔憤jei~今日既細angel幾可愛~菁菁同細ryan就係咁玩佢既帽,變成雞丁~我同cyrena就一人一邊拉佢條繩~

今日既大ryan好惡,因為求其一個郁親菁菁,佢就拗斷人地隻手~哇...好驚~期間,miss indian既topic好hit~佢仲想跳海添~

行行下,欣欣,phyllis2300就走~原來又話送cecilia搭車,點知行到尖東係無車搭,原來俾個路癡ida帶住大家,菁菁話佢仲要老點人~wahahaha~~之後行返出tst,細米take bus走人,再行行下,cecilia,cyrena,kit同學都走人~之後入左trendy land睇野~我地就一行6人去左hmv個邊個間paris cafe坐~之後東東同阿輝都黎埋~佢倆好搞笑,響度灑花槍~因細ryan問佢倆今日返工有無一齊坐,佢地話無~阿輝就話阿東唔跟住行,東東就話阿輝唔知走左去邊~

阿輝食呢個咩黑椒唔知咩扒三文治~佢食左菜先,大家都覺得佢好似牛咁食草~之後我問ida,佢會食左件扒先,定夾住一齊呢~ida話唔知~之後佢再講多一句,係wor,佢係我男朋友黎架wor~意指自己男朋友既食法都唔清楚~我地就坐到0130先走,因人地關門了~

angel,東東響海防道take小巴,ida同輝輝等巴士~我,菁菁,大細ryan就行返jordan~我就03xx先sleep~開心又happy既一day~

>>December 23, 2005 at 1:56:37 AM GMT+8

2005 年 12 月 19 日 星期一 【颳風】

今日0800起身~欣欣校錯鐘,校遲左一小時~我大約09xx返到~一齊睇菁菁既相~好難得咁早返,因為有重點~

而自己又因交晒assignmnet而放鬆左~但係今日既堂都無咩野講既....都唔知做乜~

落一落去搵michelle,因為我地lunch後唔返~因我地又約左同學仔,就無陪佢了~之後cecilia同sandy都搵唔到michelle~就cyrena,我,欣欣,細米,cecilia,sandy一齊去左豆漿大王~yeah~~好味~大家果然睇得出呀下....因我唔like cents~

之後同左欣欣出去行~pinky,heidy出埋黎就去weekend~試左好耐衫~買完~我見差唔多時間,我就出左長沙灣先,因有breifing,同埋簽contract~好快搞掂~1月3日開工~只係返tuesday同埋wednesday~好彩~而欣欣佢地去睇boot,細米同佢都buy左添~同款唔同色~cyrena同細米話pinky佢倆好得意~仲有唔該晒winnie po幫我拎form~

我,欣欣,細米,cyrena出左langham place睇gift~行到差唔多1900,好累~就散了~真係好累~真係病病地~返到home都sleep左a while~期間見到細ryan,因佢buy ticket同wen睇戲~我地仲去左睇urban dream capsule個4隻人仔~

欣欣牙肉痛~因為熱氣~佢今日同團契hot pot,聽日又跟我地hot pot~

今日,未夠凌晨12點又訓左lu~因好多野都上唔到~又tired,就sleep lu~休息下先~

死人細佬,上唔到咩網就賴我部機~都唔知邊個俾d咁錯誤既concept佢~好明顯係個network同埋個網啦~我上唔到,我大家姐都上唔到,2部唔同既電腦同樣有事,就証明唔關我部腦事la~又賴個日我早訓,佢無得上網打日記,搞到佢第二日都load唔到,無得打wor~好明顯佢就投訴我啦~我訓左無得俾佢打機~我就同佢講係咪我唔舒服都唔可以訓先,係咪我唔舒服都要俾佢打埋機我先休息先?真係俾佢吹漲~

今日joanjoan打俾我,想date我,不過....唔舒服~佢有好多戲想睇~不過king king要細佬同埋michelle睇~harry potter都要同michelle佢地睇~我就話同佢睇<情義兩心知>~<如果.愛><無極><情顛大聖>無興趣~由於佢25號生日,我都陪唔到佢~我地相約左27th~hahaha~~我叫佢29th陪daddy~佢話唔想waste,我就話你有幾可陪到佢...陪佢啦~朋友幾時約都得,daddy就要珍惜相處既時間~

>>December 21, 2005 at 3:22:02 AM GMT+8

2005 年 12 月 18 日 星期日 【乍雨乍晴】

今日0700起身~因尋晚太早訓,又唔可以訓得太耐,咁又無理由0500起身,就0700啦~其實未夠鐘,我都已經醒左~俾細ryan話我癡線~因佢覺得黠解唔可以訓得咁耐~而我都到處宣揚我好早起~因為平時無乜可能~

咁我就起身做英文~之後悠閒地食breakfast,09xx返到sch,print application letter,又做下bais assignment~響cill見到winnie po,hong~上英文堂,大家起勢咁抄,因阿秋話1230前要交~shit....點知,都有人遲交~次次都係俾佢搞到大家咁緊張~其實不用~shit.....~mandy tam好搞笑地俾我地做自己野,正~估唔到~

sarah去buy lunch,其他既繼續抄,仲叫左cyrena,細米過黎分校食~因我地要交assignment~angel2要悠閒咁,俾佢激死~之後見到kit同學,同佢傾下計....點知有d野佢講笑....不過相反細ryan好認真~kit同學找死...不過菁菁都話佢對呢d野好認真~連我都好擔心,怕kit同學悶~早知又叫佢一齊join活動la~上次乘風航已經係咁~

上堂~大家又分工抄野~sarah有點唔開心~可能無人陪佢坐,iris佢地又傾audit project~之後audit堂好tired~好想sleep,菁菁同欣欣唔俾我sleep,因為呢課好重要....又俾野我食...點知,菁菁訓左,而我都響break訓得好熟~菁菁話我將d菌傳左俾佢~呵呵~

搞笑既欣欣將"驚喜"打左"驚奇",wahahaha~~

放學落023~之後一齊走~michelle好似high high地~又話要去行街,因太得閒,又突然無野做,又要去駛錢,真係辛苦晒~最終佢去左青衣城~無同細ryan出旺角~陪左michelle take mini bus,欣欣+cecilia+細米就響油麻地落~我同細ryan(去swim)響佐敦落~cyrena去尖東搵舊同事esther佢地~期間細ryan問我個camp係咪欠d野,其實都可以搞多些活動,蝕左~都係既....真係無咩野做....自己上去relax下咁~

今日我1200就sleep左~cyrena問我係咪好早訓,因唔見我online~哈哈哈~我都真係病病地,帶左褸~凍凍地~相反菁菁同細ryan仲係短袖~

依家同欣欣相處多左,佢了解我多左,所以我做d咩野,佢都估到,好醒咁幫我接到~so smart~佢都話佢自己有時唔係認叻,都真係有d醒~ok....agree~

好surprise今日細米響mtr響反應~因講開glasses,唔知邊個話細米副眼鏡唔靚,欣欣又話阿川都有一副類似既,覺得好靚~之後細米托一托眼鏡,之後話:我都覺得好靚架~.....surprise佢會講自己既心底話,佢既意見,佢既感受~以前既佢,真係唔會出聲,好靜~好surprise,好開心,好感動~我又係唔駛講晒,欣欣都估到我想講咩~get到我既意思~欣欣話係因為熟左....之後我就話3年.....時間~哈哈哈~~佢就話東東都要2年先出聲~

之後講開東東都會串我,但唔串欣欣~之後我有感地位低微~哈哈哈~~即係我易恰~不過有可能因大ryan都串我,佢又加多把咀~欣欣話佢地係一孖既....哈哈哈~~cyrena諗到係一孖臘腸~呵呵~咁又幾貼切,他倆又高又瘦~

>>December 21, 2005 at 2:49:58 AM GMT+8

2005 年 12 月 17 日 星期六 【乍雨乍晴】

尋日講到食完dinner~咁就開始活動了~唔夠時間洗野,就完左活動先~

玩check point~有無間道=警局;大腳斬中=足球場;交通主要要道=碼頭;風調雨順=天后廟;避雨亭=上面個個亭;仲有唔知咩係我地附近既chair;萬佛朝中=大佛;仲有一個係青年旅舍~原本我地組最遲出發,之後我地跑,加上我地既聰明才智,有時有意無意既提點....就係咁,我地得第二名~返到去,仲係咁叫大佛....wahaha,欣欣一把聲就可以了,夠高音~其他組返黎既時候,我地掩護佢....哇哈哈哈,好奸~其實我地個組問埋當地人有無佛廟~

之後就搵野食~我傻左咁,因跑熱左個人,左手拉住cyrena,右手拉住細米...衝衝衝....搵到一樣就大叫....cyrena就俾我拖行~最後一包糖搵唔到,就返去問,michelle俾左tips,又衝返去搵,搵到,yeah~有朱古力cake,糖,蜜糖星星同埋超勁量pizza薯片~由於我曾經透露好想食,個次響michelle home無食,因飽得滯,就係咁,我地就有了,yeah~thx a lot~可能唔關事,只係我一廂情願only~我地俾左d野食michelle,組長pinky呻佢無,我地即刻貢獻,哇哈哈~我就差唔多俾晒d野佢~

之後分左d野食,入左欣欣佢地既營一齊食,除左2個男仔~期間,欣欣成日認叻,哇哈哈哈~~搞笑~之後我地話落去刷牙...咁同benny佢一齊落去,因佢洗野~阿偉無落到~so cheap~之後佢又落左黎,又唔幫手~辛苦晒benny~我地就一行人刷牙,死人大ryan影我地相,好核突架嘛~刷完牙,benny未洗完野,我地就一齊影相~呵呵呵~

返到去,michelle佢地好擔心,因見派左大細ryan,第一隊救援隊走去聯絡,又咁耐,佢地就搵我地,有大佛,michelle,蔡生,子誠,pinky,最強既隊伍~真係唔好意思~期間,得知灣仔既情況更worst~大ryan成日叫我搵返個男仔,我話病病地,佢就叫我快d搵返個幫我噓寒問暖~又問我有target未~我問佢成鬼日問我呢樣,係咪怕我無人要....之後佢就問我想佢真心咁答定有少少修飾....不過未答到,第二team最強隊伍已經落左黎~期間,我話左菁菁俾左個權我可以打大ryan,因為佢成日話我,之後佢地2個,大細ryan就話一直我都可以打佢架啦....車車車....要糾正我既思想wor....

返到去,返營lu~我地都傾左陣先訓,又同cecilia佢地交流一下,不過得cecilia應我,因為欣欣周sandy無好氣lu~好累~cyrena自己好tired,又要夾響我同細米中間,自己又恰下恰下,阻住晒~阿程訓得最熟,好快訓左~只係之後俾電話吵醒~

死人cyrena搶人睡袋....訓訓下我覺得凍~我話左俾咁多人聽,其他人都問我點解唔係一人一個睡袋,會暖點,其實因為我懶,唔想拆之後又要捲返~點知cyrena個個太薄....我就打開我個個....佢條友仔因打側訓,捲走闣個睡袋,我要出力搶返先得~仲有...就係不時都聽到佢講....下?嗯!!..我就問佢同邊個講野,佢又唔應我...細米都知...由佢演繹最似....其實係cyrena聽到出面有人聲,以為我地講野就出聲應~哇哈哈哈~~

不過我都唔係好訓到,cecilia都係,因出面既人太嘈,第二日早上先知係有人個營離得好遠都照talk~alarm響,我就起身,出去睇日出,出左了,見到橙色,再慢慢見到太陽~有雲...遮住~之後響營入面梳洗一下~同cecilia佢地報告下日出情況,同埋話俾佢地知我地梳洗完了~欣欣賴床,我就叫佢快d起身,唔好做豬~呵呵呵~

之後見agnes洗碗,好凍好慘,見佢d手指紅晒都無人幫佢,就幫佢,快d洗完,仲好~不過洗完,真係紅晒,凍傷左,超爆拆~又唔見august幫手既?佢入到黎,除左搬野之外,就只係食,食晒佢地d野,真係..o丫~洗碗前,我同cyrena做下warm up exercises,不過太辛苦了,跑完都唔暖既,仲好累添....今早都無做早操~大家就開始煮野食lu~michelle同蔡生就落左去流洗同埋食野~

我地煮通粉+腸仔+火腿(原本用來炒蛋不過無時間,無爐),仲有朱古力~今朝既通粉好暖,相比起尋晚,都真係....好大比較~大細ryan因要帶行山,子誠未煮好,就過左黎搵野食....都怕佢地餓親~pinky都有野食哦~之後行山~好靚既風景~我地狂影相~好開心....我地仲好搞笑,尤其我同欣欣....係咁配音....一見到好大浪,浪花好高時....就哇哇聲....哇哈哈哈~傻左~成組人傻左~好開心呢~因為玩盡左~

之後就去cook lunch~哇....第一次見水滾ar~第一餐食到熱....因無風,好大太陽了~我地將剩餘既野食都煮埋....蕃薯,菜,蛋,仲有杯麵+罐頭粟米~yeah yeah~我地就分派人手收營執野等~因今次個爐唔駛太多人睇,cecilia負責~阿偉無準備杯麵,又話自己有乾糧,又唔見佢食?我地仲有湯圓,多謝pinky佢地~見阿偉成日都唔飽,都俾好多野佢食~之後好快就搞掂,就叫左michelle去影相~大家又影下組相~就可以散lu~

大家落到去,放低行裝,去buy雪條~呵呵~就係咁,take船,bus返去~交晒物資,就一行人一齊走lu~好tired~響巴士上,阿峰同阿程係咁talk~到既時候,martin,阿may,斯恆話佢地,佢地無停話咁講野,好嘈,但大家都太累,就無出聲,直到落車時,又叫佢唔好返學~

我2100就訓左~哈哈哈~因太累了~

講下大家既笑料先~
細米:將背光講成反光~而我同佢情侶裝,差唔多既衫,不過唔同cutting,都係響giodano買既~
cyrena就係搶我睡袋,同埋發開口夢~
欣欣:認叻,sir滑梯...因佢不小心落山時.滑左一滑....,響車上個位好大可以放背囊..欣欣話d位好寬容,佢對拖鞋好搞笑...密頭既...都唔似響山上會著既..funny,仲有....佢將自己訓既營叫"罩"~~笑死~因佢將我地WILD CAMP既野分享俾菁菁知,佢就話個罩好大風,成日令個罩旁既背囊倒下,壓住她~

sandy同cecilia都好似無乜~呵呵~~

>>December 21, 2005 at 2:26:19 AM GMT+8

2005 年 12 月 16 日 星期五 【乍雨乍晴】

首先,多謝celia既手信~杏仁餅+鳥結糖~

仲有之前既笑料~當我同cyrena陪細米打針個日,dec 14th,我地睇magazine,我將巨蟹座講左高蟹座~而個星座又形容得cyrena好貼切,就係內向,固執,人際關係不好~

而去michelle home個日,dec 13th,cecilia係玉愉小主~

2日1夜既塔門wild camp.....終於來臨了~

0800,kc集合~我遲左些,相遇欣欣~打俾cyrena,報告一下我地既位置,因實搵我地~之後去到rm122,pack好物資~有同學以為0830,遲到,佢地到,就上車了~車程中,我係不斷咁sleep,蔡生就問我係咪唔舒服~去到黃石,落車,等船,好大風~死人martin,響我落車時,叫左我一聲"肥por"....shit....我即刻拉佢走,找死,我最憎人咁叫我,無口得,之後拉佢既時候,背囊撞到板,好大聲...oh....瘀

上船了,真係好凍,佢地仲要去船頭,大佛都幫我擋唔到d風~而我得一個抓毛衛衣,一件樽領~最後拎左條頸巾~其實係因為太大風先覺得好凍~落左船,無咩風,好一點,有點熱~

果然好快ar....去到,學左點set營,同埋用爐頭,就開始了,我地2個營...欣欣,cecilia,sandy..及cyrena,我,細米,阿程,搵左個有樹既地方~好快咁搞搞搞.....休息左陣,等佢地拎水,就開餐了,好hungry~有benny負責既朱古力鬆餅同埋粟米蛋沙律三明治~thx.....

之後games既時間~唉.....我地個組有時太慢了,於是成日俾人點名~仲要係我既全名....oh~尷尬死人~有點不是味兒~熟有私伙野,靚野用,但都有唔好處~games首先係agnes同大angel帶既心臟病同埋解手結~心臟病我地1,2組勝~點知玩解手結輸.仲要係欣欣同sandy放左手先得~

之後就輪到我地帶既games~我地帶既有收賣佬同埋一蚊五毫~ok咁啦~不如講下我最深刻既games~有一個係人,獅子同埋槍~獅子食人,人揸槍,槍殺獅子~我地分開2邊,discuss完出咩,用身體做個動作,輸左要走,走去安全位~我地個邊係大ryan~我地個邊,成日都輸剩3人,我係其中之一~我地輸得太多,所以有一舖win左都走,哈哈哈~~有一舖,我捉martin走,死仔,做得我既義工,成日得罪我,私人恩怨~仲有一個類似玩埋舟既野~仲有一個game係斬手既,被斬中既一pair要反方向走,點知斬人個一pair成日都輸,搞笑,呢個似掉手巾~不過個rules有d奇怪,一定要一男一女卡住,似o'camp,識男仔,女仔既camp,聯校活動咁~

有口難言,做動作,有個做碌柚真係好搞笑~martin做既係...真係響地上碌,同埋做左動作係游~而另一組有個同學係...成個人伸出雙手係"碌"--因一碌木咁解....柚就指住自己個pat~螳臂擋車,martin唔駛睇我地傳左咩動作,都做得返,勁~不過d動作未傳到上去就俾佢估到,因佢睇人地個組~martin佢地個班人都真係好搞笑,又搞事,但都ok既,不過都幾自我,唔玩就唔玩,唔鐘意就出聲~仲有,佢地成日過黎借油,借錫紙,水等~

之後就晚飯時間~太凍勒,又大風,gas都唔太起,d水都唔太滾~煮好d野都凍晒~又慢~helper佢地個組都失預算~我地有蟹柳炒蛋,忌廉粟米雞粒湯,芝士焗雜菌,蕃薯臘腸飯~期間,牛奶打黎,又唔講自己係邊個,阻住晒,細米應該係唔好意思唔知邊個就俾mobile其他人~唉...因佢地smartone個些,收唔到,而我地爛橙既收得好好~仲有3g添~

cook之前,落左去洗野,切野,拎水等~都遇到其他組~其實martin個組d人都幾nice既~係有時把口唔收,講野衰d jei~佢地都玩得~同埋一話martin,就R滌`say sorry,佢都知咁話我係唔好~我就話佢,佢都唔係好得去邊,唔可以咁話人,不過佢唔明咩意思~其實我係話佢自己都唔係好好樣,都唔係好得我去邊,無資格話我~

我地cook時,有人揸木板for擋風,有人睇火,有人準備食物~大家分工合作~不過阿偉就....又唔合作,又唔幫手,得把口,又句句窒住晒....人地都唔知應咩好~一係就過左topic先講,都唔知想點~一係就唔出聲, 一係就語出驚人~講野又奇奇怪怪~所以我地都無咩應佢....而我地大家都有同樣既comment同埋感覺~大家都唔識回應佢~

好,打住咁多先~

>>December 19, 2005 at 3:50:04 PM GMT+8

2005 年 12 月 15 日 星期四 【乍雨乍晴】

今日係project present既大日子~大家都好elegant~好似得我地3a班,其他都好causal,仲見鄭開銘著校服?大家亦都用有d異樣既眼光望我地,因我地太斯文~

我都好早返~0900~good~響home時都好慢咁襯下,阿媽好陶醉咁讚自己d女靚~又問我去邊~我記得尋日無食早餐就出去,俾daddy問我係咪有人請,我都想,不過其實好明顯已有電話打黎催我~

行返黎好辛苦~d路唔平~估唔中四,五既褸都仲未老土~good~long lasting style~我地好早出去lunch,1130,之後返黎practise~

present無咩野,ok,又答到問題~似乎hong不在狀態~jimmy佢地個組好不濟~present完之後又走左去,俾鄭sir罵~pimky佢地個組唔明clara好沉既question,又俾鄭sir俾左些善意既comment,有點唔開心~

present完~大家一起影相~好開心~好似畢業咁~sam好搞笑,仲著學校冷衫,當然要同佢影啦~yr 1見到佢著suit都想同佢影,不過唔熟就好似嚇走左佢~章魚丸著西裝wor~佢既post都好女仔,好端莊~wahahaha~男仔身上咁decribe~合埋對腳....雙手放前~winnie po,pro look,好似法律界人士,點都同佢影~原本唔同唔靚仔既hong影~之後都同佢影左搞笑既,佢係學生,我係miss,好似畢業d學生搵miss影wor~仲差d叉我鼻窿~

由於細ryan放break,就一齊take photo~kit同學好causal~仲好怕醜,同細ryan影都好唔自然~細ryan激讚我對boot,因令小腿收好多,人地唔會估我大脾粗wor,連唔講得個句佢都講埋出黎,佢真係死得~michelle話咁著好睇,得到有teste既人既肯定,都唔會差得去邊,佢話我咁唔會肥嘟嘟咁,之後chrispin聽到之後笑,找死~仲有ar,細ryan話著格仔絲襪係表面斯文,內裡open咁wor~阿wen問我係咪阿ling,問我做咩咁斯文,好似miss~

不過對boot好辛苦~要靚就有代價wor~死人子誠又扮我用鞋~Z站,因前面d骨好痛,因d力聚晒前~之後我同cecilia,欣欣佢地交流,佢仲站響我地中間,阻住我地,找死~好衰ar~義工阿鈴都話我好斯文~仲有義工winnie都係~呵呵~~頓感同佢地熟左~細ryan話要踩我ar..不過佢同子誠就話唔夠我"斗零~Z"鬥~但佢都好想踩我~大家既腳都損晒~sarah仲嚴重,流晒血~佢地好衰ar,笑我行路,因我就住就住~

開開心心的一天~狂影相,好開心~又被人讚呢~大家都讚~

繼續負責bais assignment~又搞掂audit assignment~yeah~之後返左去ive,睇下wild camp有咩幫手~不過都成日搵唔到佢~之後等埋一齊走~

back home~執野~休息~打埋日記~

>>December 16, 2005 at 5:36:40 PM GMT+8