2005 年 11 月 24 日 星期四 【颳風】

忙碌,緊張,開心的一天~

又唔記得打俾阿邪添~佢既guideline呀~呢期都係要jot down有咩做~

又要搞netcash換既野~真係煩~又整唔到~點呀~

有part time,唔做得勒又~好想一group咁補習呀~我想試下~時間唔夾呀~不過多謝michelle既提供~無奈地....我同d part time總係無緣~特別鳴謝michelle~佢都提供左好多機會俾我~多謝晒~盡在不言中~

english presentation~個powerpoint,唔可以要daniel wu勒~嗚嗚~thx for phyllis,sarah既努力~

project~thx for欣欣既勞心勞力~

義工bbq~thx for michelle,細米,phyllis,cyrena,celia,阿倫既幫手~依家都會叫班義工仔女幫手~洗下野,買下野,執下野~不過...唔知點解....去玩games既時候,一個senior都唔會黎幫我~cyrena搞問卷,phyllis處理剩下物資,咁細米呢?去左邊....但我就走黎走去,叫d人行去草地,又怕d人被走既人帶走,趕佢地行,跑來跑去~一班人去到了,等我,又要話俾佢地知響邊~

唔該晒martin同埋jimmy幫我地加炭同埋搭爐,martin搭既爐好靚~勞苦功高勒~所以我地都好識做咁,燒d食物俾佢食~因為知佢忙於整炭,無時間燒~而amy因唔可以吸個d煙,好俾面我地黎左,所以我地都幫amy燒埋野食~我地實在太好了~

celia,阿倫~其實呢個bbq都應該係佢地搞,我地yr 3太忙了~celia問唔知點解我會收d咁既人,我話都無interview~原本係佢地負責既~不過我都講,就算佢地想幫,都要諗下,唔係話幫就幫~仲有好多野要think~阿倫就要搵人帶住~不過佢地依家個個返工~所以好多星期六既活動都唔得~但係....如果佢地一早搞既話,加分工,都只係follow一下~不用星期六都可以,反正阿倫咁得閒~哈哈~~不過...佢hold得都會差d~算了~forget it~

緊張,擔心細米~唉~點呀~仲係咁迷惘?我真係好想知個terms係咩,等你對症下藥~唔想你出到黎都係咁~

跟很久無傾計既sandy詳談~我係對事不對人呢~good~呵~

呢次bbq唔單止燒熟左大家,仲燒熟埋我~嗯....正~大家都好主動咁玩,講笑,好融洽,仲會問下其他人叫咩名~而我,見到佢地咁,都唔係咁差,又好左一點~不過,玩同工作係2回事~睇定些先~其實..我估我係避,同退,好似個時離開教會咁,避+退..就咁..之後2-3年既我都浮浮沉沉~唔知做咩~係唔開心既,lost左~~我覺得,我有感,之前既感覺係與當時一樣~好彩....有人提醒我,deep thinking,有返少許動力了,積極了,加埋今次...會好一點~或者,我被上一年discourage左吧~michelle都睇得好通透~佢話俾我知,我之前既努力及付出無被否定~!

>>November 28, 2005 at 3:19:50 PM GMT+8

2005 年 11 月 23 日 星期三 【颳風】

今日忙到暈低左~

尋晚一返到去訓左,再起身take bath,暈暈地,腳好痛,訓都訓得唔舒服~想整野,但真係太累~校左0730起身~起到,不過都係訓返~死....咩都無做...powerpoint,講稿,仲話要rehearsal~真係好對唔住phyllis同sarah~咁早返到黎....無咩野做過~只係combine左d powerpoint~唉....

好努力咁上堂~上audit既前半堂,好辛苦,集中唔到精神~break sleep左a while,之後好多了~fmc好努力咁聽~

落堂,去023,同大angel傾左陣,之後陪michelle去百佳買food,就各自歸家了~

好忙好忙~聽日係義工bbq,好夜~之後星期六,日一早返廣州做義工(camp quality),0715tst中港城等,無時間,第二日1900先返~星期一 english assessment~星期二就要義工開會了~之後去搜集資料~做project,又係時候做野了~d野又排到密晒~

>>November 24, 2005 at 3:35:14 PM GMT+8

2005 年 11 月 22 日 星期二 【颳風】

呵呵~唔記得講,cyrena有個fd讚我靚~係佢既一個中學同學,睇左michelle晒俾我地既遊船河相~佢另一個朋友仔都話我幾靚,分別係一男一女~呵呵~~

漸漸地,我既動力返黎了~

個個都叫我減肥,連老豆都係,好了~我加油吧~

好累了呢~因為今日ride bicycle~呵呵~~陽光好,天氣好~有小插曲~好耐無ride lu~爽~pat pat爛,大脾好酸痛~不過太大班人好難就~慢與快既距離好大~有d仲lost左~一返到home,sleep左while,腳痺,好辛苦~好舒服既環境~望住咁靚既環境,只想欣賞,唔想影相~記在心中~靚既野捉唔住既~

仲要準備英文assessment~真係唔記得左~唉..呢個week其實好多野做~好多野成日都唔記得左做~又係時候jot低d野提自己先~joanjoan date我,無錢,無時間出去了~唉~

真係估唔到sandi黎留言~反而怕你嬲我~好想兌現承諾,真係出一出黎~咁耐無見,肯定好多野講~

wanna introduce我地既領袖阿豪俾細米識~哈哈~~符合佢既條件~又一次發覺cyrena真係好嗲呢~好溫柔既,而唔係俾人感覺發姣既討厭感覺~同佢倆又discuus左edmund既野,起鬨呢~不要了吧~乖~只係茶餘飯後既topic,俾大家笑下only~

ride完bicycle之後~去左食糖水(jess,sandy,emily,細ryan,欣欣,cecilia,cyrena,我,細米)~之後我,cyrena,細米去左沙田禾輋食排擋~好好味,好飽~幾抵~hehe~~大家都有各自唔同地方,但又好食既大排檔~下次再去先~食完,行去新城市,再行左陣,先back home~~

我地3個發覺成日都無咩人打俾自己,cyrena就話要搵返個男朋友要打俾自己既~唔打俾自己既唔要wor~呵呵呵~

>>November 24, 2005 at 3:00:56 PM GMT+8

2005 年 11 月 21 日 星期一 【颳風】

今日同蟻仔開會...講起大風吹,小風吹遊戲...笑到我同細米肚都痛埋~

今日想早點起身度下英文,做下audit,不過都係想訓~仲遲左返sch,打俾佢地個個都無人聽,好彩菁菁有聽,我同佢入左314先~今日要申請locker嘛~大佛亦都有send sms黎,不過我一早就申請左lu~又同下vennie傾左一陣,又同tong,kit同學玩左一陣就上堂去了~tong以為欣欣係我,騷我痕添呀~呵呵~~欣欣仲招~

傾左英文,希望星期四大家都有做野返去~大家要practice一下,present一下,夾一下~上audit好努力,yeah~呵呵~~不過有一組就真係令人擔心....表達力低,自視過高,態度差...都唔知點出去同人fight~

hong and winnie去大帽山wild camp~玩得開心點~

幫michelle帶jess去彩印同埋晒相~

之後傾正經事~clarify返大家既expectation~再同michelle講返~我地決定做back up,michelle plan~當然,如果個期太忙,會同michelle講返~下星期開會既野~我地既角色(back up同埋帶yr 1既同學俾michelle),與yr1既溝通(靠working先,俾機會大家認識一下,之後再睇下點)~我地會叫佢地直接report俾michelle知,增加接觸機會~當然,事前我地會引導佢地,教導佢地有咩要注意,盡量令佢地自己做,think up,摸索,主動些咁~太多直接提醒,唔好,因未必係自己領略,接受~不過可能要費神多點~

michelle話可以invite唐氏既同學們一齊黎plan,都好~反正唐氏仲有一次就完了~有d同學唔要了~

我要加油~不要懶於工作~不要頹~不要不理~不要退避~不過一做野,有壓力,解決不了,原來我係會頭痛~已經不再傷風,感冒了~轉換成頭痛~似乎我既狀況慢慢好轉了~

之後返home~同cecilia一起呢~呵呵~~好久無一起回家了~呵呵~

小心michelle呀,佢條腰又黎料~行得太快,又俾波打中~shit~唔可以俾佢行得太快~佢條腰負荷不了~今日見到阿秋,佢同michelle傾左陣,仲阻礙左我同佢傾野,奇奇怪怪,可能對方覺得無野掛~而michelle都看化了~但總係覺得佢一丁點野~

總覺得菁菁有點神秘~

>>November 22, 2005 at 3:30:11 PM GMT+8

2005 年 11 月 20 日 星期日 【颳風】

被激死的一天.....~就係因為整個個糯米滋~

第一個阻礙係唔夠糯米粉~無理由架嘛~600g,第一次拎左200g用,應該剩400g~點解得返220g,莫非俾人呃秤?依家發現,可能我細佬整壞左個磅,唔準確,令我磅得多左~唔怪之得,個心總係覺得多得滯~仲即刻打俾cyrena,話好驚,因好似好多咁...咁又無理由唔信個磅...除左粉,d糖都係~因我無幾耐之前都整過,點都知個份量~

所以我一早起左身,叫阿may buy糯米粉~0630起身~阿may話間野0800先開,我咪訓多陣,叫佢早d buy,點知我0830起身,佢先去~過程順利~係蒸既時候好有問題,因為個底太深,要平些(或者呢個都唔係一個問題,因個次我響cyrena home個個器皿都唔係好淺,都無咩野,仲裝到2份既份量~不過唔敢再搏了,費事)蒸左好耐,有d仲乾乾地,同埋可能太多粉,又少水~唉.....

到包勒~個時都已經好氣餒~點知,椰絲有陣味~我都覺得怪怪地,但又無理由唔用,因daddy包返同一樣野之嘛~最後好彩因我之前怕唔夠,自己都buy左些椰絲,先有得用~發覺2份都可以包好多,所以下次2份就夠了~大家有d人覺得係...."lor"味,咖哩味,印尼shop味,五香粉味.....

最後都有返蒸一次,阿may幫我,仲加左上椰漿,不過佢直接touch個火,所以~I左少少,我叫佢隔水蒸~不過佢真係好有經驗~因佢都有提過太少水(因個時唔知太多粉),同埋要分開2盆蒸,因我用左打邊爐既器皿去蒸~

包得好累,阿may就幫手了~佢都好想try下,佢都問左我份量~下次到佢自己整~yeah~下次我整俾契媽lu~今日都好多挫折~最後我都覺得上次好味些,我唔like咁甜~食既人都有俾返意見~有d話幾好~有d話皮太厚,不過太薄我怕會穿~芒果肉多左勒~雪凍左好味一點~賣相可以好一點(因我後期已無心機了)~大家都好期待下一次~菁菁話可以繼續整野俾佢地試,真係o丫,貪吃~sarah同vennie仲衰,話要食好多,仲要帶返home~我都唔明白,大家唔厭架咩?又唔係咁好吃~不過我會努力~我有少少厭了,要休息一下~下次話要細米教我同cyrena整馬豆糕~

有幾件笑死人既事件,有關於cyrena同埋菁菁既~
1.cyrena響唐氏sign in時,響日期欄度跟會員寫左...13.20~我同細米狂笑,阿倫串佢,邊有13月20日架~其實佢係想寫時間,人地會員寫錯,佢又跟住寫錯~
2.第二件事係佢今日話自己隻腳黏響個"羅"度~其實佢係想話黏響地上~
3.菁菁無頸咁望向我,笑到我死左...

今日俾細ryan既一通電話加埋cyrena既笑聲,搞到我.....成為全班人既焦點~事源係,cecilia一入黎023,cyrena就好雀躍地叫cecilia食糯米滋,但係個時既細ryan已坐左響023一陣,cyrena都無叫佢食,佢自己亦都唔敢食~細ryan問cyrena點解,cyrena答,我無交待過~於是細ryan就打黎俾我問,食唔食得~又問我做咩唔叫佢食~佢問我既時候,我已經呆左,同時,clara亦都講左,傾電話出去,點知我聽唔到,欣欣拍我先知,我嚇左一嚇,點知....個mobie又無電...超樣衰~原來仲有一刻,當clara叫我時,全班好靜,個個望過黎,而同時間,cyrena好大聲咁笑....佢既笑聲充斥住班房~其實....因為我事前同cyrena講過,唔知cecilia幾時放,幾時食得~所以佢有此舉動~於是細ryan響度嘈,叫我教導cyrena,因cyrena離間我同佢既關係~哈哈哈~

依家既我,真係要調整一下,連我自己都未搞掂,好難再理其他野,包括教導~所以,好多野,聽左,放響心中,知道咩一回事,但行動既氣力沒有了,一來幫唔到咩手,亦都唔駛我理,佢地搞得掂;二來,真係...無心無力,好疲憊~我唔係唔想關心你地,唔係冷血,有d野放左響心,只係有時都好想靜一下...其實靜既時候都諗唔到d咩,但好想靜一下~唔知點解好累咁既~有d覺得我少左d野~可能太懶了...唔想用腦~想去玩~我可能要搵返我既動力,熱誠~搵d野切切實實咁學下先~

哎,又唔記得俾野阿sam....~因我要俾sample阿sam睇,做情人節既demo~

好久無同大佛傾下~哈哈~~幾好幾好~

>>November 22, 2005 at 1:09:57 PM GMT+8

2005 年 11 月 19 日 星期六 【颳風】

原來我尋日病病地~不過今日已好,仲要著長袖衫訓覺~義工亦都要趕2場~

我發覺我呢期要重整一下自己~呆呆的,累累的咁,無咩動力~想一個人靜下~諗下野~leave me alone~

自己校左0900起身,不過...因見無野做,就無咁早,響床上滾下滾下~起身,換衫,得知阿may買錯野,係買椰絲,佢買左椰漿粉~之後慢慢地食早餐再出去....今日係我地venture去什麼頒獎禮既日子~

好耐都無著過制服了~hehe~今日都無咩野做,不過由於cyrena借左一個黃膊俾阿豪,因佢做旗手,所以都係我同edmund去場中間協助多~我相信cyrena係悶悶我咁坐響一旁~其中,有會員扭計,要即時去中間支援,因simon同阿豪搞唔掂,好樣衰咁要響中間跑,但人地既程序進行中~其間都無咩特別,感覺幾好,同d仔女傾計,幾開心~

edmund好煩呀,係咁叮囑我呢樣個樣...我就好直接咁話佢,佢就問我係咪咁對佢~咁係o丫嘛,我識做架啦~我地就叫佢唔好咁緊張,佢一緊張d野就會亂,哈哈,好似上次個個委員選舉咁,佢話唔係wor,仲借d意話因為我囉,都唔知關我咩事,a字膊,可能因為個次佢聽漏左野而make decision就賴我,哼...另外,只不過我有時提下佢,佢醒起,係wor,自己都覺得唔係咁好意思咪亂囉~哈哈~佢又係咁叫我地上course~緊係因為無人教佢班仔啦~不過都好既....可以教下人,都真係上下course先~hehe!!有d貢獻~yeah~~俾心機俾心機~

阿豪又好緊張咁叫simon教佢做旗手,哈哈哈~~搞笑~同佢地幾個幾好玩~之後佢地好似晚上去童軍總會食飯,事前又無叫,費事去啦~cyrena話有invite,不過我唔覺得,就係叫下之嘛,我又聽唔到,又唔係咪真~況且,講左話join細ryan & michelle睇完戲嘛~點知細ryan個mobie無電,又叫我打俾佢?真係o丫~好彩michelle有打俾我~好快咁出到去~陪下michelle行街,睇稷佢呢期咁忙都無咩時間行街~睇中左褸,好彩有貨,不過個sale既sttitude唔得~又發現kenneth kam好有交帶,會follow up,仲搵到另一個人俾michelle~哇哈哈哈~

之後我地坐左響saint alp teahouse~傾下計~michelle問我做咩send msg俾佢,我話知自己做得唔好,都無準備過,michelle一出手就知有事,唉,仲有,我事前無細想過,響mtr上諗到d野,點知自己之前無plan,就知死得,唉~我都答得好忸怩,因為無面面對~唉....過唔到自己~覺得自己真係好差~完全發夢~所以michelle話我,我個心好接受,因為完全地係我既問題~傾下傾下,michelle都好炆~anyway,對於我來說,自己都未搞得掂..都唔理得人地咁多~我真係要好好調整自己先~只求做好本份先,唔好加重michelle既負擔~唔好俾野佢執已好好~

細ryan話想有部3g電話,佢話如果有人出俾佢就好,佢都傻傻地,我都想換~大家一叫我唔好拎個remote control出黎,我已經無得反駁~oh..no~無計地,我部機都未死得~michellle走先,因為佢趕住出去,我地3隻人仔坐多左一陣,見到ida,又傾2咀,就走lu~細ryan去swim,我同cyrena行多一陣,去埋mk bazzar就閃了~好tired呢....

>>November 21, 2005 at 3:02:41 PM GMT+8

2005 年 11 月 18 日 星期五 【颳風】

唉~對自己今日既表現好失望~

今日響去既路途中已經知衰,因為要開始開會搞下次2月18日既活動,點知....事前咩都無think過,唉~準備極度不充足~開始明白及接受michelle寫俾我個封信~雖然我話唔想用咁多時間jei,咁都唔係搞到d野咁呀?完全失準,對自己好失望~愧對自己,愧對michelle,愧對呢班義工~

其實響呢幾日,我都係咁不斷反思信中既意思~當一個講我,我都好似無咩野,第二個都發覺我有d唔同,到第3個,話我無左方向~我就不能釋懷~直到呢一刻,我希望我真係參透左信中既意思~希望無誤會,亦都夾唔到時間去理解~

我係度think點解我咁,其一係我like新野,做左一年既野,就唔想重覆,又講過,過左呢一年,真係要抖下,身心俱疲~不過我知未來好多野都會repeat and repeat,尤其係社工,對住d client,又成日帶組,都係個d野,不過呢個係題外話,不過亦都係我自己要去處理既問題,如果d client永遠都係跳唔出,我怕我自己會好炆,亦都唔識處理呢d人,要學習,我相信有關課程上--菁菁都有講,都會講下一d theory,令我識得更多,了解更多,更易處理~不過本身既弱點都係一個問題~

第二,我想學其他野~一d skills既野~同埋與同學們聯誼一下,final了,上年又訓身magic ant,無咩理佢地~有睇過canoe,不過夾唔o岩時間,冬天又無course,不過cyrena都唔會陪我,佢怕冷~scout,要問我地旅既領袖先~睇下可否跳一個course~仲有既就係小手工,整野食~同埋都睇緊課外course,有無用呀咁....因個次睇degree課程,又睇到,好似有d興趣,我怕我study唔到part time degree都可以報下唔同既course吸收下知識嘛~不過...好多野都過晒lu....hehe~~所以都要再plan一下學咩先~priority~

我又think過,我又唔信michelle誤會我,唔熟我架~莫非佢見到我太悠閒,就好似無左動力及方向咁?但係我又搵緊其他野學架wor,仲想做part time添~我又響度think緊,今年既我,想有咩成長?我又想問,2年做同一樣野,會有咩成長呢?自我成長方面,定skills?

我只可以想到既係,搞呢班人,都有挑戰,都有唔同,我要學習用唔同方法去對待唔同既人~及令EQ更上一層樓~但係,我知道,呢一個事工要好多時間,心機~所以我怕,我退,懶懶閒咁,盡量唔想理,但良心不安,都幾矛盾~想放低,又唔俾自己放低~懶.....

我知道我lost左,做社工,唔係都係要對呢一班義工有心地去教既咩?我都要培養架嘛~點解我無左個心去教呢班人?只係當左一個TASK去做,我覺得無咩heart,公事only~我唔鐘意自己呢樣野~其實呢段時間,我知自己做少左好多野,我係知架,不過無follow up action~

不過,今年既學業較重要,始終study既都唔同科,final yr了,比重好多,真係要努力,雖然菁菁話唔見我真係將上年既熱誠放晒響studying上,但係相比起上年,我係專心左好多~不過還需努力,因為我懶~

我明白michelle既擔心同失望~

但係經過今日,我既雄心壯志返左黎,因我唔想見到自己咁~我只要manage一下時間,priority一下,重點出擊就可以了~所以this tuesday,我地幾個要傾一下~要做d野令班人仔覺得自己有d建樹,先會有歸屬感,投入,留下來~唐氏活動將完,點樣留佢地呢?how to tone佢地呢?ook..我會plan一下傾咩~phyllis,cyrena,細米,等email呀~

好了好了,唔好再頹,唔好再退.....你個顆心要返黎勒~生命影響生命個顆呢?響邊呀?要plan野,要行動,唔好知而不做~我相信manage得好,就可以了~盡人事~用下唔同方法~唔似上年咁迫~可能個效果仲好~唔好自己嚇自己,覺得好多野好多野做咁,令自己卻步~基本上有幾多教幾多,今年目標唔同,凝聚呢班人之餘,其他野順其自然~大把機會接觸program planning,好既,就會跟到michelle做野~另外,夾到就夾到~依家就重要係搭橋,引d義工埋michelle度~

好了,舒發完了,不能做左比無做更好,唔駛心掛掛~

好開心聽到菁菁講,佢話我上年真係要做個下真係好得~好掂~我就話自己一有咩就頹~我無咩毅力同耐力~但佢話我有樣野可以cover到,就係我有見此情況出現,會自己停低,evaluate一下先,seetle下,再做過~哈哈哈~係一件好事~不過佢都係叫我train下EQ~不過,佢一講,我又即刻expain,因為總係唔like人地講自己weakness~好衰格既性格~總係要平反~但自知係衰~真係江山易改本性難移~不過我都同佢講,我有轉變,起碼我會think左人地點解會咁,明白左,體諒左,就熄左團火~發火都仲有,不過次數減少~

佢話已經係好好,起碼自己經歷過,如果有人好似我咁,我share既時候都有heart d,令人touch些,令佢反思~佢成日都話好多野唔係應該係融入響生活上架咩?有時都好難,都係個句,本性~我慢慢地被磨平銳氣~仲話唔應該用control(要超我去平衡本我及自我)呢個字,係融化入自己度~因control只係一時既事~融化係長遠既影響~慢慢研究下此課題~真係好難~覺得DNA都有影響本身性格~人邊度有完美?影響思想?態度?價值觀?不過人都會變啦~咪即係融入生活囉?

點解講到此話題?因為我話對client同對朋友唔同~朋友可以表露得真些~可以有脾氣~但菁菁問,可以咁分既咩?唔係應該融入咩?我又話,咁人自己都應該有脾氣,有時抑壓,要發洩,呻下,總有自己既情緒~佢就話唔應該係抑壓囉~融入左(EQ)咪唔駛抑壓囉?....唔知大家有咩見解~有可能我同佢睇既位唔同而有所討論,我呢個topic已同佢discuss左幾次~不過我都會train下,michelle都係咁講~但係,EQ高,唔係只係代表控制情緒能力高咋咩?唔代表已融入左自己度,由一個火山變成一隻羔羊架?有時都仲會有火,不過好快settle,咁又算唔算抑壓呢?不過都用思想化左了....但都有個一刻既真實情緒架~人都傻左~

不過深究黎都無咩用~都係要train EQ,whatever係融入左又好,只係settle左又好,只要EQ高些就好~不過唔同人都有唔同style~對唔同人有唔同方法~不過有時火爆既目的,背後既原因,唔係宣洩,為對方好,我覺得又可以了~當然,都要顧及別人既感受~其實,一件事都有好多處理方法,唔一定要惡既...哈哈哈~~不能一概而論~有時人地點評價自己既表情,有可能都係會錯意~唔係惡,又話人地惡~michelle話我EQ都算高了~唉~唔知呀~我自己都覺得唔夠啦~哈哈哈~

>>November 19, 2005 at 3:22:47 PM GMT+8

2005 年 11 月 17 日 星期四 【颳風】

頹廢既tutorial~上project堂,同大家講左句,test後既一個week,都幾悠閒~大家即時反駁~係越來越忙就真~緊接既呢幾個week,都有presentation,有排搞~唉.....

yr3既生涯,果然係yr3既生涯,忙既程度都幾高~做緊part time既她們,開始感到吃力及時間不夠用~我都要緊慎~

呢個星期過後,都真係要~

俾ida即興地叫去睇,情來算盡愛~我倆都係同家人出外吃完飯就join together~由於大家都趕到較早既場次,咁我地就可以睇2210,早d睇完早d返home~睇完,一度無人散場,ida好緊張咁,出到去,大叫走犯~先叫d人從另一邊離開~我問過,佢地出個邊唔係唔得,不過無足夠人手做指示~

唔知做咩,ida睇完都好緊張~我懷疑係因為剛剛散場既特別情況~但佢話係睇完套戲就開始手震~有d....~~

不過,我仲以為係講愛情既,點知.....依家睇完簡介....夏萊(男主角)的愛慕，本可撫平嘉兒(女主角)的傷痛(父親去世)，助她面對未知的將來，可是一本記錄著驚世數學論証的筆記，卻又一次讓她陷入了情感傷痛之中。面對親情、愛情的衝擊，嘉兒走到人生的轉捩點，徘徊在癲才與天才之間，她不禁懷疑到底自己遺傳了父親的才華，還是瘋癲？.....個重點原來係個女主角only~睇戲之前都係做下功課先,否則個expectation唔同~所以我就失望同埋覺得悶~個答案就響插敍daddy未死既片段中~

不過女主角既家姐都幾煩~一意孤行~同埋大家對精神分裂症- 天才數學家羅拔,5年內,都無人關心過~估唔到個男主角都幾真,無騙到女主角,對女主角並無其他歧途~不過一argue上黎,大家既說話都幾傷人~

睇完,ida搵friend,我行返home~

>>November 19, 2005 at 11:58:24 AM GMT+8

2005 年 11 月 16 日 星期三 【微冷】

累累的,一早返去傾audit,好叻咁有做,good~之後都傾唔成英文assessment~即刻搞掂,話返home諗~efficiency~

早d出去lunch~點知好快食完,又俾人趕~咪早d返去囉~點知phyllis就俾人"jip"~乜事呢究竟?駛唔駛咁呀?係咪真係咁幼稚呀?不過我話人之餘都要反省一下自己~我自己都有幼稚過,同佢地鬥~不過唔同level既人講野都係唔會好明,哈哈哈~

留心的聽書~不過有些仲唔明~呀~我可否上完堂點都去revision一下呢?雖然上堂專心重要,revision都係不可缺少既程序~

無時間...見到michelle,佢都好忙,無時間傾~

>>November 19, 2005 at 11:18:39 AM GMT+8

2005 年 11 月 15 日 星期二 【微冷】

今日,無咩特別~

原本1000起身,不過賴下賴下就11xx~hehe~搞下呢樣個樣~等等又等....cyrena..佢終於傾完project~

我就出發去佢home~響home既時候都wingwing地,好累,之後我take mtr+mini bus都好累...暈暈地,好辛苦~有d暈車浪既感覺~

上到cyrena home,hehehe,好緊張,因為我上佢home學整糯米滋~yeah~~佢妹妹又成日響度喪笑,係唔係都笑一餐,傻婆~都ok wor.....雖然無準確咁量椰漿同埋芒果汁.....唔係好甜,good~不過d皮好似唔夠芒果汁味~哈哈哈~~初時以為太多汁..點知.....原來係唔夠味,等多一陣就好一點~我響度think緊,用咩方法,先唔駛咁麻煩,用好耐時間去攪,仲要處理d粉粒~逐d逐d加得唔得呢~粉粒最麻煩~

初時好黏手,第二粒開始就好多了~上晒手~果然要practise多些呀,cyrena都差d搞唔掂~期日又會再整,monday帶返去~食唔到既朋友,由其是cecilia,唔好扭計,monday有得食~之後我會再研究紅豆陷,俾契媽食,呵呵呵~~大家姐俾左好多suggestion,要咩陷咩陷咁....我叫佢自己整~呵呵~~因佢地叫我教~

記得星期二既時候,起勢咁講audit,fmc既一d lecture....cyrena嫌我煩,叫我夠了,知我好了解,wahahaha~~欣欣都響度笑~仲話我學以致用~好啦,我地以後用課文黎溝通啦~哈哈哈~真係讀書讀上腦~

呢期好累~有d野都密密籌備中~亦都起左份bbq聯誼document,good~打埋俾阿邪~佢條友仔,真係好忙,忙到真係傻左,起勢咁同我講潮州話...俾佢激死~哎呀~好耐都無同michelle傾計添,有d掛住~不過我要引退,等佢唔好咁鐘意我先得~wahahaha~~joking~都yr3勒,下年既日子就無左我架勒....嗚嗚嗚~~

>>November 16, 2005 at 3:25:27 PM GMT+8