2006 年 1 月 13 日 星期五 【微冷】

GIGI生日快樂~

oh,遲左起身,好彩欣欣打一打俾我,即刻嚇醒,好似連byebye都無講~因我要趕去poly交form~因為今日自修室多人,要早點去~我turbo咁行去,turbo咁趕返去mtr,冬天既今日,我流左好多汗~wow....

去到都唔算太遲,一路上我都同細米sms,佢話俾我知我地俾人夾攻咁坐,包住我地4個,細ryan,欣欣,細米,我~仲話俾人圍剿,二比二打成平手~細米傻左,佢講野真係搞笑,每次佢覆我一個sms,我就笑左出黎,人地見到仲以為我係傻既添ar~佢話自己太代入角色,我問佢抽唔抽離到,佢就話要點時間~哈哈哈~~你地都估唔到佢係一個搞笑既人~真係慢熱呢......之前有次好開心,因佢有透露左自己心聲~hoho~真係令人興奮.....

今日都係無咩心情溫書,好慢~撞鬼,我仲以為close 2200,點知close 1700,所以可以同cecilia同sandy去行陣街,好耐無見~最後一次見係上星期五~cecilia話未見過我個新頭wor~haha~~佢有點不慣~之後細ryan同佢講返,有日見到我好似顛婆咁....個頭好亂~雖然都知個hair style係有層次,不過都唔係咁既....hahaha~~

我地呢幾日都有cut下開叉既頭髮~又再拔下白頭髮,撞鬼lor,真係成為一個熱潮~欣欣都有好多條,真係老勒,仲有d無營養既頭髮,真係....細ryan仲離譜,隔左一個位,欣欣發現左我既白頭髮,佢二話不說就拔左去...真係毫不留情,佢條友仔...找死...我都黎唔切反應~

今日去左食好耐無食過既車仔麵,呵呵~好野~今日細ryan講左佢尋日take mtr既事,見到印藉既小朋友~又話個妹妹好乖,執返哥哥玩完d紙碎~而哥哥見弟弟喊,走開左,之後望一望,又返去坐~又話個弟弟好嘈~之後我問佢講完件事既重點係咩.....佢講完之後好搞笑,我完全get唔到...大家都估錯~不過佢自己講都好似要想一想...唔太sure...講完一個重點,話唔係,再講另一個~佢話估唔到個妹妹咁乖,係好孩子~個弟弟好得意wor~撞鬼佢....笑到我死~

今日睇報紙,咁坐最開既女仔,有位男仔走黎搵佢,我俾個個男仔嚇左一跳,因為圖書館既staff未必俾睇,因自修室係溫書既地方,我就心虛,所以嚇一跳~做左虧心事咁~之後細ryan就話我真係好蠢...響呢件事未發生之前已經咁話我....呢件事發生之後就係咁話我,因欣欣話只要答個staff我要做newspaper cutting未得囉....找死~欣欣又響度笑,所以我都攻擊欣欣.....hahaha~~

欣欣好壞ar...貼左個旗響我背上...找死....naughty~好彩,走前佢見到都幫我拔去...連佢自己都唔記得~仲有ar...佢未做過問卷,已經諗住treating....oh...no~~估唔到欣欣會有咁既歪念呀下....自己仲係green man既時候,都唔敢,好俾心機做架~

與cecilia,細ryan,sandy一齊take mtr~cecilia要我地講返響自修室發生既趣事~無左欣欣響度,又少左點神髓~我同細ryan就不斷咁講....之後又鬥下咀咁...明明係佢disturb人先架嘛....又話無....話自己訓左,點disturb到wor...之後cecilia就已經知道我地響自修室既情況,係好嘈~之後我地就轉移左視線~我問....cecilia如果第時有bb點湊呢?d babies好嘈架wor,成日喊....咁佢點呢...~佢話會教到個bb好乖,唔嘈,好難講~之後我話個bb會煩到cecilia大叫唔好嘈,之後嚇到個bb呆左....hahaha~~

我又話cecilia既老公應該多野講既,cecilia問why,細ryan答2個都靜就會好靜~cecilia話乜我靜咩?之後我話既然你間屋咁靜,我地就得閒上黎食餐便飯,等間屋熱鬧點~哈哈哈~~咁由於cecilia幫細ryan碌左卡,我地就對cecilia講多謝,細ryan都有講~咁欣欣就話幾年既生日禮物,都抵~之後cecilia話10年~再講就20年~就俾我地話佢太吝惜了....cecilia之後話唔俾禮物唔代表唔慶祝~之後細ryan話生日cecilia請佢食好野...咁都值....咁繼呢個話題,咁我地上cecilia家食便飯,可以食足20年~hahaha~~

sandy好naughty呀,係咁將支旗黏響我度,又將佢掉左響我個袋內~之後佢話細ryan naughty,我就話係sandy~sandy講唔係話我,我就話我姓蘇,要幫返下既~多謝sandy既candies先~之後細ryan話成日都記得姓蘇既,係我唔記得...之後sandy同cecilia都笑左出黎,好明顯唔同意啦~我搵返個垃圾時,掉左去cecilia度,點知....掉左入佢件衫,sandy都見到....我倆就笑到不停....都費事講,那麼尷尬~

之後我同cecilia去左ceu dog度睇野~佢有收獲.....hehe~比平時有一點點不同~haha~~真係要幫cecilia執下先~我同cyrena成日都將自己著唔到既衫,叫d瘦既人試,將自己鐘意既style放響其他人身上~我唔係話cecilia呢個look唔得,係想幫佢有另一個形象jei~因佢話要買boot wor~不過sandy話佢無咩衫襯到,我都覺得係~真係要執執...我仲叫佢下年先buy,因都就黎唔著得,佢"o"晒咀,細ryan兜返,係今年年尾先對...係wor..~之後cecilia話買左日日著.....咁細ryan話要幫佢執好幾套衫,因佢日日著~hahaha~~

今日好嬲,我知道大家都有care我既,不過....我都選擇左唔出聲,因為我知道我再講會爆發~因為我好嬲同埋好傷心~其實我想喊既,不過我忍住~知道sandy伴住我行....怕我有咩事掛~我知道我已經好激動~我嬲我傷心係因為我真係好重視我既朋友~唔好利用我既"著緊",唔好利用我既"愛",唔好利用我既"關心",我既"愛"~joke,唔係咁玩既,當我小器都好,應該要即時澄清,唔係咁遲~我同欣欣好緊張,仲即刻plan,仲即刻睇下做d咩野補救~當然,亦都有負面情緒~我都知唔關細米事,不過我希望知道既人應該唔好參與...呢件事唔好玩~唔好test out我對朋友既"真"~

你地講乜,我都會信~唔好test out我~我可以講,我既情緒未平伏~我仲係好想喊~我之所以同佢地行街後期都同佢地講返笑...係因為唔想佢地煩,唔想佢地擔心,都唔關佢地事,雖然我都好想同佢地吐我既心聲,發洩一下~不過我怕佢地手忙腳亂,又響街~而我都cool down左~我想知個joke既動機係乜?我想知佢知唔知道,我既朋友響我心中既地位係好高既~我係蠢,我係鈍,不過我真~

希望大家明白~

今日cecilia都有嗲ar,仲"爺"呀~又naughty,又話會將個sticker掉去rubbish bin,好認真咁講,點知....佢轉個頭貼返響我身上~真係naughty + 佻皮及意想不到~雖然有時都知佢係佻皮既~今日俾細ryan話我繼菁菁之後係第二個禍根~因為我倆都玩~我發覺我同菁菁坐都會好嘈,會講野,會玩~之前欣欣同phyllis都話要分隔我倆~我地3個一齊就真係不得了~嘈嘈閉~哈哈~不過連欣欣都有玩埋一份ar~佢成日搞到欣欣笑~今日得$21~好彩細米俾多$1我,等我可以有得叫車仔麵餐~

>>January 14, 2006 at 4:56:49 PM GMT+8

2006 年 1 月 12 日 星期四 【微冷】

VICKY生日快樂~

今日有phyllis,欣欣,細ryan,細米同我去自修室~

拔欣欣既頭髮成為左一個熱潮,細ryan又走去拔,拔欣欣捲左既黑髮,oh~~又無左些audit~

細ryan果然係白癡呀下....哈哈哈~lunch後佢拎左支香水出黎,大家都話唔太好聞,好大陣味,細米話好臭,點知我遭殃,佢誤會了係我講,佢將d香水噴我條頸上,我已經無反擊之力,因為我笑到傻左,亦都講唔到野,只可以打佢,之後我先可以出聲跟欣欣講~我同細ryan澄清,佢話將成支倒響細米身上~仲有既係....佢竟然扮我本schedule裡面既miyavi,哎手指...真係....笑死我地~真係好想死,佢就叫我跳落樓死~

今日既phyllis如平日一般,又可愛,又搞笑,又惡~表情多多,真可愛~

細米就響度笑,同埋俾反應,同我地傾下計~我既進度有點慢~

佢地一個二個走先~我留到7點先走,之後去左muji買筆,溫書溫到無墨~強~

今日同左cecilia傾下計,因為好耐無見~傾下近況~佢嗲ar,因為知道我地響自修室有好多好笑既野,佢又唔知wor~hahahaha~~我話左俾佢知我唔係叫蘇佩玲,而係叫蘇依齡,因為細ryan叫phyllis時叫蘇何佩玲~我呆左,之後同欣欣響度笑,我只可概嘆,我既名太好聽~

我知點解mummy咁豪咁話供我study勒,首先,佢當然好想我地入大學,第二,原來大家姐之前去australia study要十幾萬一年,而我依家響hk只係要4萬2一年,唔怪得佢話咁少錢啦~

聽日交form lu~今日收到michelle既sms,hehe,thx~

我地呢班人一齊年初一去返問卷~hahaha~~都幾好pay,不過我知道無咁筍,應該都幾長~我年初三就返大陸,見我多年無見過既表兄弟姊妹了~響我十幾歲時,我地幾年summer都一齊過的呢~死勒,個時講過邊d叫表,邊d叫堂,依家唔記得添~個時欣欣同phyllis講話一次,唔記得添~

今日既msn,收音機又開得返~唔stable?想點?激死~

phyllis同細米都唔知做咩鬼,幫細ryan都唔幫我,.找死~~

觀塘晒相好平,3r $0.7,4r $0.8~真係好抵~真係要拎去晒下相先~

>>January 13, 2006 at 3:59:14 PM GMT+8

2006 年 1 月 11 日 星期三 【微冷】

今日都係去左自修室,今日仲多左cyrena同埋細米~少左細ryan~因為我要俾義工簿cyrena同埋佢都要同細米一齊溫下書~cyrena成日俾phyllis投訴,因為佢唔識用氣去講野,講野好大聲,都真係幾disturb~cyrena話因為用氣講野好似垂死咁wor~

今日大家都係開開心心~不過cyrena唔多慣,成日話好累~phyllis有左去街街既心情,所以都無咩心情~而我,就因為尋日太衝勁了.....今日跌左少少心情~不過2日都係溫同一科都有點悶~

我有新既財政狀況,暫可舒緩一下,對我呢個situation來說係有賺既~呵呵~interest都少左~

今日有少少回憶,發覺,都係好開心既~或者我份人都係樂觀的吧....唔開心既野,唔會纏繞我~

今日becky打黎同我視像一下~好開心~呵呵~~欣欣,細米,phyllis都一起~

今日菁菁打俾我問我study既野~收到佢既電話都好開心~呵呵~~努力呀~

記得有日撞到丁丁同阿倫,又同佢地玩左陣,佢地prepare考oral,走左過去騷擾一下~我落堂,又見到佢地,丁丁未考,同我講有點緊張,我叫佢俾心機~佢仲叫我安慰一下阿倫,我走過去,問佢咩事,佢真係好緊張,又話好亂,話死梗,又捉住我手臂搖左2次,我就拍下佢,叫佢冷靜些,真係未見過話佢咁緊張~未見話佢捉住人係咁搖呀.....感覺...個一刻佢好需要別人既支持,好想我俾到佢振定咁,個一刻又同佢close左~係好開心既事~真係...好開心~因為close,佢先會咁,佢先會咁放心將佢既情緒表露響我面前~cyrena話因佢接觸得阿魚多,所以d動作都會學左wor~anyway<我都係好開心既~

今日有mummy整既芋頭糕,我覺得麻麻~今日家中有好多food,食死人咩~又有木瓜雪耳,又有birthday cake未食~哈哈~大家姐好急忙咁整出trip既野~太趕了...真係....~二家姐去macau~

今日叫左daddy入錢去交application form既錢~今日填form填到我頭都暈埋,眼又曚....真係辛苦~之前又要好仔細咁睇佢d instruction,哈哈~~

今日cecilia去影相,唔知點呢?佢尋日搞掂左個present,又安落了些,鬆了些~唔好太緊張~加油~

今日著左新衫新褲,佢地問我做咩唔等新年先著~我仲有新衫嘛~hahahha~~好抵好抵呢~我知係咩brand la,係ceu dog 呀~~hahahah~~百幾蚊,好抵好抵~好想買多條gordano褲,好舒服~

今日問左細ryan借指南針~呵呵~~好彩佢會黎自修室~否則又要突登出去問其他人借&拎~我一打去就不斷咁笑...哈哈哈~~因我既問題係step by step既,有求於佢嘛,又唔好意思咁直接嘛~

>>January 12, 2006 at 4:46:48 PM GMT+8

2006 年 1 月 10 日 星期二 【颳風】

mummy生日快樂~

今日好有效率,好有心機溫,good~

同sandy,michelle傾左陣,玩左陣msn~good~

lunch去左pizza hut,細ryan,欣欣,phyllis,我....呢2日溫書都有不少搞笑野~都幾開心~又同大家分享下我既野~哈哈哈~多開心~大家傾下計,玩下,笑下,好開心~

唔該晒vienna同欣欣,拎返菁菁本義工簿了,good~放心了....

同cecilia響msn傾左陣~真係好耐無見了~自上星期五之後~同埋我終於上到msn了~on唔到line都因為開唔到~而我既收音機唔知係咪壞左,收唔到,沙沙聲,依家都係聽網上收音機~

ayp既裝備不用買了,因michelle肯借,good~太開心了,因佢都話會好貴~yeah yeah~又唔駛咁急~佢話都係同我地行多,之後都無咩機會行,唔會點用就借俾我了~唉...今日上ayp,盛sir話響大學佔好多分~最高分係奧運,之後亞運,再之後就ayp了~oh....蝕左~唉....~今日上堂,都幾好,地圖指南針~今晚無頭痛~可能上星期病病地掛~地圖,又要俾錢租,shit~今日上堂都有俾心機,入晒腦,唔知this sunday practise會點~不過上堂都有cut開叉既頭髮~經我既傳染....欣欣今日都有自己搵開叉既頭髮去cut~~哈哈~~

今日拔欣欣既白頭髮....細ryan上左癮,係咁搵欣欣有無~傻左~因欣欣好痛ar~拔一條,又無左d audit~哈哈哈~~~欣欣叫我幫佢考~都唔關我事~係phyllis同細ryan響度嘈...我動手擺了~之後phyllis叫我拔細ryan既,之後細ryan話唔好,佢話會變光頭wor~

>>January 11, 2006 at 4:32:12 PM GMT+8

2006 年 1 月 9 日 星期一 【乍雨乍晴】

一早去左poly拎SRS既form....self recommendation scheme~不過我既ayp銀章趕唔切,oh~~

今日去左自修室溫書~有欣欣,phyllis,細ryan同埋我~

溫到累時,走去拎d野睇,睇下我有咩要注意,費事漏嘛~我指application form~

進度不好~無咩心機~我隔離個對情侶好煩,又纏綿~shit~想點~都唔知係咪溫書~

之後我同細ryan搭同一條線~佢去swim,我返home去dinner~好彩大家姐打俾我,叫我唔好返home,因lift壞了,要行9層,叫我無咩必要都唔駛上~沿途我叫細ryan積返點口德~佢不斷咁講一個女仔...真慘~!唉....

晚上,celebrate my mummy birthday~一家人+grandparent~好開心~初時有小插曲~算了~好開心ar...之後我地坐響度傾計,感覺好好~知左mummy同daddy既拍拖野~婆婆又講~hahaha~~mummy20歲就結婚了~21歲就生左大家姐~又知我地既名既由來~因我問點解個名唔同~原來..二家姐..嘉儀,係想之後個個加一個兒子~我既名.."玲"字既一點係代表男仔既生殖器官wor~我妹既名係惠芬,圍住咁解....最後得出個仔勒~

婆婆又叫我地一係就生,一係就生2個~2有ar....原來我出世既地方雖然唔係hospital,但都係私家地方,係有錢一點時,所以我既出生地方都唔係差~我妹出生時更有錢,就去左法國醫院附近既醫院出世~而我細佬最富貴,響法國醫院~最平既係大,二家姐~又講開我既study~mummy話點都會供我~真係感動~因我問如果full time收左我點算~佢話當然study~因我知就算我study part time,都供唔到太多,因為我響centre做,都係得五千幾,點供晒?

不過part time我知都辛苦~因依家我晚上上ayp,都已經好累~已經都係一星期一日了~唉....真係....要經歷一下先~感受一下,等我習慣~否則一定累死~不過都係人生必經既階段~返工時都會進修架啦~都一樣既jei,係遲同早既分別~

今日見到細米2次~一次響早上,因我拎完SRS form俾佢~之後晚上,幫我拎返d相俾我~佢黎左自修室~cyrena差點唔記得~真係....唔該晒cyrena,細米~

菁菁個本義工簿好煩~搵vienna又唔覆,搵左3次,留左2次電話~好彩欣欣幫我去centre搵佢~點知...因事隔太耐,都唔知去左邊~唉.....唔該晒欣欣~對唔住菁菁~

我要慢慢培養良好的小習慣~今早,每打俾人,都同人地講一聲早晨先~唔係睇小呢d小習慣,唔單止你開心些,連身旁既人都會開心些,有禮貌些~以身作則~俾人親切的感覺~早上梳洗後飲杯水,身體都會好一點~唔好飲咁多冰水,溫水有助血液循環~好多小小既習慣,對自己身心都有不了益處~慢慢做,慢慢培養,經過時日,就成為自己不可或缺既習慣~亦都要培養正確良好的態度~我要感染我身旁既人~呵呵~~有時...就係呢d....需唔需要具體既planning,定係...順其自然,自然流露?

開開心心的一天~不過有考試壓力~累累的~仲係有d野think~

>>January 10, 2006 at 4:11:11 PM GMT+8

2006 年 1 月 8 日 星期日 【乍雨乍晴】

都係好凍呢~

一早返左SCH,因要上英文堂~竟然響地鐵見到欣欣~HAHA~~

就咁交左個portfolio就ok勒wor...好早走得~欣欣同michelle傾野~我又同左michelle玩左一陣~

出去吉野家lunch~有phyllis,欣欣,大佛,cyrena,細米,我~去左gordano行下~返到去又入左023一陣,傾左一陣~善去訪問michelle~細米,cyrena上堂~我去library溫書~

之後同左cyrena出左去causeway bay上camp quality簽義工簿~之後行左陣muji~好野...多謝cyrena既餅餅~都無介紹錯~我叫佢留返d俾妹妹食~疼下妹妹嘛~未出causeway bay前,差唔多夠鐘,我就去左搵clara leung,都係搵佢唔到,其他miss話佢去左一d我唔可以去既地方~哈哈~考試卷?我留左電話~之後我要去晒相,晒完睇下cyrena放左未,點知佢響023,因佢唔知我出左去了~行行下,我醒起要去渣打入錢,又走左去,最後我地相約左響mtr等~

好早出左去~路上都有同cecilia傾電話~難得~呵呵~幾好~之後我等左becky,sanlia同埋joanajoan差唔多一小時~我響新港既city super既cookdeli度等,真係好想sleep~之後我地出發去haagen daz食朱古力火鍋~點知我個fd無返,無七折~我地坐左差唔多成2小時~我地都係談天說地,幾好幾好~真係好耐無見~之後要去toilet,就去左duty free度行,joanjoan買左化妝品~

個個女sales真係好有耐性~都真係識得教人化妝~下次我都去搵佢先~反正佢既牌子都唔差~MAC~佢化既妝唔誇,都可以~正~好彩becky叫joanjoan去試,叫佢教點化,點用~呵呵~~我同joanjoan都覺得becky同sanlia化妝得,好想請教,不過佢地個d又唔係好o岩我地呢d比較平凡既~大家行完唔知去邊,我就叫佢地送我返home,呵呵~又行返jordan~good~之後散~下次見係becky生日~

我同joanjoan講,我地4個有3種唔同style~你估都估唔到我地係friend呀~哈哈哈~~becky女仔左wor~becky同sanlia既style好似,好似twins,真係失散左都搵得返~

開開心心又一day~有點累~點解成日上唔到msn?

我有野諗~睇完michelle既日記,有樣野諗緊~就係....我做社工為乜?我知個大方向,但,我想知具體?有個開始,有條路,都要知點樣行我既路~仲有既係....michelle,我地無刻意避你~為何這樣想?

>>January 10, 2006 at 3:39:42 PM GMT+8

2006 年 1 月 7 日 星期六 【乍雨乍晴】

好凍好凍~雖然溫度上升.....

同阿sam交流下portfolio既意見,之後我搞埋application letter~

出左去gordano睇褲~最後一日六折....之後就七折....再之後就會八折~jordan個間無,行左去tst~好多人~我想要既色無我碼....oh..no~~唔打緊....算了,我d褲都差唔多色~haha~~呢期都成日去gordano買衫~果然係代言人咁ar~佢地d quality都唔差ar~呀..女裝褲ar....未試過buy~hahaha~~發覺我自己真係無乜長褲~買左2條~yeah~增加自己負資產~

原本我打算將個portfolio分開3 part print color,有cyrena,細米同欣欣~點知....cyrena呢個傻婆同我print晒....真係好心痛,因要用好多墨既~真係俾佢激到唔知好嬲定好笑~真係...傻....不過好多謝各位仗義既幫助~仲有cecilia幫我scan野~

今日呢餐好豐富~有蟹,龍蝦,燒肉,雞,粟米魚土x~因預祝mummy生日~不過我返home時見到mummy返工去了~星期二,三,mummy放假,咁我地星期二會出去食扁皮鴨~yeah~由於二家姐唔駛上堂同埋因為我星期三要上ayp到2130嘛~wahahaha~~好野~

好得閒咁又一日~我send左email俾d volunteer,話俾佢地知最新消息~

多左d新衫,執左少少位俾佢地,似乎都要慢慢執下我d野,好快就到年廿八了~又係時候大掃除,考完試就會做呢樣野~hoho~同埋唔多著既衫都係放返入櫃好些,事關我home好大塵~放幾放...就積左好多~hahaha~~

dig起心肝study勒要~唉~雖然依家degree對我來說,唔多緊要,但都要俾人睇既,唔可以hea架~我唔係只求合格,我對自己都有要求既~我都係要credit~唔到credit,差少少又唔抵,我會被自己激死的,唔要後悔~pass同credit差好遠架~pass要40就可,credit要65架~

今日細米唔知做咩咁有雅興同我響msn爭辯一番~難得難得~feeling good~有人同我玩~

今日同becky傾左陣電話~feeling good~聽日會見,yeah~~真係long time no see~大半年,佢話唔止~可能一年,oh~hoho~~

>>January 8, 2006 at 4:48:47 PM GMT+8

2006 年 1 月 6 日 星期五 【乍雨乍晴】

wow~8度~破例令我出街時著左3件衫,真係難得~

唔知做咩...07xx起左身,醒晒,不過咁凍又無野做咁當然要響床上滾動一番直至11xx~

細佬返左黎~同佢玩左陣~我就食下野又燒下碟咁,因太多歌了,要清咁些,因我有習慣係會用燒碟機將d mp3整成cd存放,等我想聽時拎返黎聽~燒燒下...都2點多了~我要換衫出門口了~因我約左cyrena 1500 causeway bay等~點知大家都遲~原本想約早些,不過camp quality無開,無得簽義工簿,就下星期一先~原本再約1300,點知salon個度full booking,大家又約遲d~

好耐無出去行causeway bay了~估唔到行世貿時既cem度掃左衫~呵呵~3件....折完再有8折,抵~唔同於我平時買既causal衫~呵呵~新年先著啦咁~見大家都話要買新衫過年~又睇中nike一件,puma一件,不過好似nike個件sharp些...sogo先見到~good~睇下有無機成為我既囊中物~行行行....剪完食完mcdonald又再行行行.....cyrena有收獲了....body glove度buy左2年衫,$100唔駛~我又睇中左一條second hand既501~響古著shop裡面~嗯...要諗諗先...我都幾有眼光,一睇就要$690~

我又搵到冷帽,個size good,有少少垂~點知....得返一頂,冷既quality幾好,不過手工差,好多冷頭,$180有8折,雖然合心水既野難找,因我都找了多時,但係....又唔值....color都ok...心大心細,仲好掛住~有時細心都唔太好,走去翻翻翻....驗屍咁驗....唉~好miss ar..唯有下年先,既然今年都搵到.....第二隻色有,不過又係啡色,又無個頂咁好睇...唉.....

我依家買野,見o岩就買,唔好think太耐,否則...唔會等我~不過....唔係我既就唔係我既~

hair cut~去左菁菁介紹個間KANZAKI~都真係幾多人~d人都幾ok,無論個look,服務態度~剪既hair style都不俗,型+潮,不誇張~cyrena話個hair stylist同佢傾計無咁悶....不過我就好少出聲既,我比較靜,所以同親我剪髮既都無咩交流~我個個都可以....我問既問題佢答得幾好....我問完佢野之後,我倆都有少少交流~佢教左我點吹頭,令到我既界無咁死~同埋教左我用護髮素~佢話塗髮尾就ok..不過塗頭皮,否則會好塌....好扁同埋好易會好"立"咁~

不過俾錢時,我貴過cyrena$50,與指定髮型師無關,我問過,佢話ricky係貴d wor~可能係senior掛~咁就令我大失預算~無錢dinner添~好彩有cyrena~咁下次仲搵唔搵返佢好呢?雖然都比我平時剪開平$50,以前響esprit要$200,依家$148~下次再問下點解貴d先~不過點解有人問cyrena要唔要drink,無人問我,我仲要貴d?仲有呀,搵個新仔同我洗頭,雖然都ok,無論massage,力度,禮貌,問足晒d問題,不過我起身時,耳仔流水囉~

今次mummy整既蘿蔔糕好好味~今日daddy整糯米飯,不過我不在家~返到home...要清竹庶茅根水....飲左4大碗~飽死左~仲有馬蹄等~聽晚預祝mummy生日~呵呵呵~~又係豐富既一餐~

點解近排我有咁多野講?咁多話題既~好似講極都唔完,仲有d漏左~乜我平時都係咁多野講架咩?或者我有理無理都講一餐掛~上至天文,下至地理,我一識既就要同大家分享~hahaha~~日記都好似好長好多野咁,或者我比較細心,記d野比較details,所以就可以滔滔不絕不絕咁講~大家既每一句話,大家既一舉一動,大家既反應,仲有我既心路歷程~最重要既係我有心機講..有心情..如果我無咩心機,就略為帶過架咋~describe多些,大家可以imagine返,又或者可以身歷其景咁~有助我自己日後回憶返~哈哈哈~

>>January 7, 2006 at 6:09:57 PM GMT+8

2006 年 1 月 5 日 星期四 【乍雨乍晴】

凍到爆~今日仲見到菁菁既小棉襖~

返下午~上午睇左<河東獅吼>及<衛斯理>,之後返school~上project lesson~真係thx for 欣欣既勞心勞力~0930返到去俾問卷d師弟妹~上project lesson,細ryan響我班房走黎走去,填問卷以及俾問卷我地~大家互派問卷~上完堂,大家一齊去左搵mandy,不過..佢上左堂~我地去左canteen~我又去左搵apple,睇下ayp既技能科俾邊個簽,點知原來係尹sir,早講嘛,尋日我響teacher's room問咁耐,佢都聽唔到?唔係嘛....找死~

之後係fmc revision,大家都好期待tips,點知教書,講quiz~哇.....真係難得,上堂上到18xx?唔係嘛?真係3年以黎既第一次~真係好頭痛~好努力咁上堂~至於quiz方面,pinky真係好勁,令到我及格~hong都係,我倆不知幾開心,呵呵呵~好厲害~嗯~似乎我真係要努力於呢科先~派返assignment,我仲高分過欣欣同埋sarah?唔係嘛....原來我比佢地多左等號~

見到好耐無見既sandy....一星期了~響023見到,欣欣同我去打招呼,而我同michelle講我去團年飯~

放學後,陪菁菁去還書,michelle走左了~傻婆菁菁突然自己笑,唔知做咩,原來係笑自己蠢~因我同細ryan響出口入,佢就拎學生証響入口入~佢以為只有細ryan係咁,點知今次係我帶頭~呵呵~哎呀~唔記得講,我今日返學好準時,打俾欣欣,響b04~phyllis->美孚~sarah->正校搵color printer~菁菁->kfc,同細ryan食野,叫我過去,我已經到左分校門口了,傻架,唔去~細ryan之後問返我,問我做咩唔想見到佢~我"o"晒咀,唔知佢講咩...佢不斷問,我都唔知咩一回事~原來,我估,應該係菁菁話俾佢知我唔去kfc,係因為唔想見到佢,所以唔去~真冤枉~oh....當我未搞清咩一回事,菁菁話因為細ryan樣衰囉~哇哈哈~~之後我知咩事,就話...咁我去到分校了嘛~唔通返轉頭咩~傻架~個時菁菁仲話我唔一早打俾佢wor~我點知佢咁早返架jei~

放學後唔見左欣欣,原來佢地上左去locker~咁我地約左校門等~欣欣打返俾我,講普通話....真係被佢笑死....佢既普通話真的很爛~笑到我死~之後我話唔再同佢講~今日呀,欣欣又有一單瘀事,上fmc,我問佢咩係npc,之後佢仲問返我"咩npc呀?",之後我指俾佢睇,指住佢份notes,之後佢先知原來係佢自己~仲咁惡o丫o拿~我同菁菁就響度笑~

之後跟左欣欣同細ryan去mcdonald搵cecilia同sandy~哇....我都好耐無見cecilia了~一星期了~oh....so miss~~佢地有佢地傾野,我有我睇poly既野~得閒就答下訕,扯開左佢地既話題~咦?點解full time degree可以用唔同mode上堂既?可以上evening添?咁flexible,係咪架?咁得意?我apply or not?send email去department睇下先~問下意見~點解個時有d諮詢時間唔去問既~

欣欣返團契~我,cecilia,細ryan一齊搭地鐵~sandy take小巴~一路上都傾下計~哈哈哈~~我同cecilia臨分道揚鑣前都企響度傾多陣先~今日cecilia話俾我知個暖包好熱,放左個暖包響我手上,之後話"今日好熱!"~之後我話,咩話,好熱?大家就開始斷章取義,熱?唔係嘛....咁你就唔好戴頸巾,唔好著褸啦~最後我幫佢澄清返~之後cecilia又話佢之前部電腦中毒,我話"咩話,你中毒?"佢答係....之後佢再聽清楚些...又激死左佢~今日就先後有2次"斷章取義"地激死左cecilia~而細ryan亦都好同一陣線呀下~

似乎我要鍛鍊一下我既體能,因為行ayp了....好辛苦的~真係好辛苦的~救命~真係要鍛鍊一下先~仲要買定"奔肌"~~咦?諗返起apple,佢同我講野多數望住我了,定係一人多佢就唔會望呢?~仲叫我搞掂埋最後一科,佢俾野我寫,我可以趕響10月拎章添~good~

近期,家中唔見左daddy個隻相既cd-r,大家姐以為俾左細妹同細佬,點知大家都尋找不了~而我都知呢件事,我仲話我有問過拎黎download野,不過即刻還返,因為我在家中係比較有手尾既一個~點知...尋日我拎返上年poly u既information出黎既時候,見返隻cd-r~原本我想就咁放返出來就算,仲想收埋佢,or唔拎出黎,但係think think下,我要勇於認錯,對得住自己,俾返大家一個交待,最後我send左sms俾妹妹同大家姐say sorry同埋話返俾佢地知我搵返了~如果我唔講,就可能嫁禍左俾細佬了,話佢周圍放,因佢比較無手尾,成日唔見野又發脾氣既一個~proud of myself~

>>January 6, 2006 at 4:03:37 PM GMT+8

2006 年 1 月 4 日 星期三 【颳風】

王子生日快樂~~

未來新發展~嗯~我決定了只讀part time degree~所以....full time既都係唔apply了~諗諗下,我做社工都係因為想去以身作則,去俾d小朋友知道咩叫尊重,愛,包容,令佢地更認識自己,strengthen their優點,改善佢地既缺點,教佢地做人既道理,幫助他們解決自己既問題~其實我都係想將我識既野教俾佢地,我想以生命影響生命~其實....如果我響centre做,我都同樣可以做呢d野,只係欠左一個名銜罷了~而我想試下出來工作,睇清楚自己身處於咩環境~呢個時代究竟應該點同小朋友相處~未必係我教佢地,我覺得佢地都會教曉我一點點東西~令我眼光變得更闊~

有個問題就係,出左黎做野,之後就唔想study返~不過我相信....呢個時代連一個degree都唔夠,時勢所催,我點都會study上去~同埋有d theory我知道左係更加事半功倍的~如果我遇到一個好既boss,我相信他/她都會叫我study返一個degree~再之後.....我會study psychology~都係兒童個邊啦~因為我覺得好多野應該由小時候開始調教~當然,好多野都會變,時時刻刻都會變,所以都係未知之數~你睇下,之前既我要degree,但依家....突然覺得經驗,實踐更重要~我依家話唔想做唐氏既對象,但係...說不定之後我又愛上了~響個社工field,都會轉不同既對象~

其實~個圈子都好大~就算你話兒童,都有好多既範疇~如:mummy點樣教導兒女?飲食方面?兒童既腦部發展等等?有好多野等住我去發掘~以及,如果我想令大家都變得更美好,更有一顆愛人,愛世界既心,其實好多方面都可以做到,未必一定係社工~做人既道理,好多field都可以做到~只係唔同既專業知識罷了~因為睇到有d電視節目已知道既~例如:hair stylist,佢會去幫乞丐剪髮,做義工,令佢地明白,感受響呢個冷漠既世界裡面都有一點點溫暖~目標一樣,實踐方法可以不同,都可以得到我想要既~~

有時睇電視除左可以喚起我"愛"既熱城之外~有d新知識都會讓我好興奮,雀躍,想與人分享~今日就睇左<新聞透視>,知道左原來呢個世界上根本就有好多好多化學物,有時加左工既食物,反而會安全過天然經過發酵既食物所產生既化學物,因為加過工起碼被測試過含量,但天然既就有unknown既化學物~原來,過多既份量先會引致中毒,過多既份量先會引起cancer,其他既病症~先前有孔雀石綠既恐慌~

原來每人每日係要食左n咁多罐豆豉鯪魚先會有,7公斤既鰻魚,大量既淡水魚先會有孔雀石綠既機會~但係...反而豆豉鯪魚當中既鹽,脂肪等等....要小心~因為當中含量較高,每人每日食左多於5分之1既豆豉鯪魚就會超過人體所吸收既標準.....而唔知引致d咩,總之對身體有害啦好似係腸道癌~其實好多食物本身亦都有致癌物質,人體都有,只係有時食得過量而被激發罷了~仲有,其實食煙患癌既機會真係好高好高~

所以大家要得知更多不同既知識,唔好做一個咩都唔知,咩都驚一餐既蠢人~而係要做一個智者~智者唔代表樣樣都識,但至少唔會做無知婦孺,唔好做一個笨人,咩都唔知,好迷惘,盲目相信既人~五錂鏡,江山如畫,鏗鏘集..等等都係一d幾值得收睇既節目~

與michelle通電~因為我搵左阿邪,所以報告一番~報告之餘都傾左陣,得知佢食西北風,好凍呢~天氣凍左,要小心點~同佢講左我既未來planning,又講左牛奶事件~我都同佢講左我唔開心~只要當大家將我個名同佢有關連~michelle講得對,次次都因為他,而搞到大家既關係變得差,次次佢既出現都令大家唔開心,又令michelle忐忑不安,唔開心~又因為佢,michelle同pinky,michelle同我都有confict~所以michelle都話菁菁講得對,不接觸為妙~所以michelle都唔想佢有任何野同我地有關連~好似我因為佢而有份補習,同佢有接觸,有關係咁,michelle都唔喜歡~佢都係睇中左我需要一份工,而想keep住一種聯繫~但係做朋友,做到咁唔開心,每次佢既出現都令大家唔開心,點解....佢仲要出現,仲要俾機會佢出現?我深深感受到當佢既出現,大家都真係好唔開心~以我為例,都係因為佢,而令大家講,我又唔開心~傾完左呢個電話~頓感同michelle又close返些~之後佢仲視像我~

拎form~諗住睇下city有無form拎~打去問,無....去完poly問幾時有得拎part time degree既form,17th先有~所以....之後就去左行街~真係就咁行,都無咩睇野~途中就同michelle視像同埋sandy傾左近1小時既電話~

自從細佬過左馬鞍山後,間屋都幾靜~今日就得返我同阿may~得我一個人dinner~有一晚,家姐上左china,妹妹又返左上去玩,間屋得返我同阿may訓~下午既時候就會見到爸爸返黎~

尋晚與cyrena discuss點解佢仲未有對象~發覺佢可能自己唔為意罷了~自己無咁既念頭罷了~因為佢對係要有安全感既對象先得~比較實際,謹慎既一個人~又唔愛幻想~又唔信一見鐘情~又唔會"某某"然同一個人出街,相識等等~所有好浪漫既邂逅佢都唔信~唉~唔怪得之~因為我都奇怪,佢好女仔,有點嗲,又主動,熱情,點會無架呢?因為響我心中,呢d女仔更容易識到異性,多左接觸,易親近,就會慢慢發展成情侶了~點解佢唔得?

點解我覺得主動,熱情既人得~因為有個男女既camp而得知,有個女仔好主動,不知幾多男仔走去佢身邊,咁咪多些機會囉~而我....都幾大膽,會見netfd~但係響唔熟既人面前會好內歛---->呢個形容,識得耐既人會極之不認同~~其實我講左好多次,初初我一定唔出聲,之後熟左就會開籠雀咁架勒~同埋我只會對女仔熱情,男仔就會小心謹慎~但係...大家記住,我只喜歡男仔~其實我係好怕醜既人勒~又唔信~我真係好怕醜架~呢個就係我同cyrena其中一個唔同既地方~佢比我熱情,主動~所以我拍過拖,點解佢無?

我既執著~我唔鐘意人地搞亂我既野~唔鐘意人地整爛我既野~我好自私架~唔捨得嘛~有一次有個同學拎左我既水樽掉人,我唔鐘意,因為水一經搖過,會飲到人地肚痛架~我當時即刻黑面架~所以搞我既野必須得我既同意~哈哈~好怪呢~

>>January 5, 2006 at 3:05:35 PM GMT+8