2007 年 4 月 10 日 星期二 【炎熱】

Title：門統實習 Day 2

　　今日繼續門統嘅旅程，整日嘅工作係整理會員嘅地址、Print Label 、印會員信同埋貼Label．結果成日都係對住個電腦，收工發現眼矇朦，而同時發現 D 會員信嘅 Cost 好高，因為用咗我成日嘅人工先完成三間分店！

>>April 12, 2007 at 1:36:55 AM GMT+8

2007 年 4 月 9 日 星期一 【暴雨】

Title：門統實習

　　今日係復活節之後既第一個返工日，由於門市係唔會放復活節假，所以我地復活節後都未能夠 "復活" ，相對 Office 既同事放左四五日假，只能夠用 "生龍活虎" 黎形容．我同 Kitty 晨早齊集係 Office 樓下，打上去 Office 都未有人聽電話，於是係大堂坐左一陣，等左一陣先有同事落黎帶我地上去．

　　上到去被安排坐返上次個位．同部電腦糾纏左一陣都未 Login 到，索性坐低對住個未 Login 到既電腦呆坐．呆坐左一陣（大約係 45 分鐘），Emily 帶我落去貨倉行個圈，跟住儸 D Harry Potter 海報上去分，安排返 D 海報落門市．整左個幾鐘就整完，跟住就對住個電腦 Hea ，係度睇日記．差唔多食飯既時候，就被 Anita 安排落去貨倉數書，數左 10-15 分鐘就數完返上去．之後就食飯．

　　食完飯之後又係繼續 Hea ，直情開始寫日記．之後 Emily 叫我去搞 D 會員信，要整理會員資料之後 Print Label ，搞到放工，咁就完成 Day 1 喇！

>>April 10, 2007 at 12:06:19 PM GMT+8

2007 年 4 月 7 日 星期六 【炎熱】

Title：Last Day (?!!) in 沙商

　　由於聽日係例休，所以今日變相係喺沙商嘅最後一日．遇啱全家返咗郷下，無帶飯返去，於是召集第三班食飯嘅同事出去食．第一時間約左 Judy 同嬌姐，跟住搵埋嘉怡，但係由於嘉怡要收錢，所以轉左第一班食飯．跟住搵埋 Davis ，約完五分鐘後聽到佢要去兒童部 "凳腳" ，又諗住佢要轉食飯時間 >_< 好彩之後知道美子同玲兒都轉左第三班，都算有五位去食．

　　點知到食飯時間， Davis 原來係未食飯，要 "凳" 完腳先去食，即係有得同我地去食．之後加埋阿健，結果有 7 位同事一齊去食飯，都算係非常多人 ^^ 我地行左去希爾頓既泰寮食飯，一人叫左一碟餸，大家一齊食．其中 "芋頭煲仔飯" 值得一提，又夠熱又好味！之後埋單咁多位同事夾埋請我食一餐，真係多謝晒！

　　跟住返番去繼續返工，人又唔多，又無人問野，悶到差 D 發霉．之後問下 Ivan 同青媽媽有 D 咩可以改善，除左青媽媽叫我唔好咁斯文之外，兩位前輩都話幾好，無咩要改，好開心 !! ^^ 之後六點幾過左去文具部首次 "凳" 腳，純粹係做個 Reception 既角式，因為咩都唔知擺係邊．但係都係無人，於是跟玲兒搞爛gag，好搞笑．無幾耐就回歸番英文部，隔左陣又食飯，同 Davis 、美子同玲兒去左麥當勞叔叔買外賣，之後返去同 Judy 、阿健又再聚首食飯．食完出去又 Hea 陣同入下膠袋就收工 lu ！

>>April 16, 2007 at 8:44:49 AM GMT+8

2007 年 4 月 7 日 星期六 【炎熱】

Title：匯匯の下落

　　要去門統實習喇，代表黎到 Training 既最後一站，除左可能完左門統實習會落番沙田短暫停留之外，究竟之後會去邊間門市 "長駐" ，現時都係未知之數，亦都眾說紛紜！

　　根據我同同事既分析，最有機會去既門市如下：（順序）德福、沙田、星光、銅鑼灣、佐敦、康怡、其他...

　　究竟邊間先係真命天子 ?? 好緊張唷 !!

>>April 10, 2007 at 11:50:38 AM GMT+8

2007 年 4 月 5 日 星期四 【乍寒還暖】

Title：失魂魚@沙商

　　今朝一返到去，去到英文部 Counter ，就聽到青媽媽講緊要轉一件 "貨" 去第二間門市．通常我地都係轉書去第二度，但係今次有 D 特別，原來有個人留低左新買既女性內衣係我地門市，想去返第二間門市儸．於是就要請雄糾糾既儲運大佬將呢件貨轉去個度，由於做轉批通常都要有單，而電腦都要有呢件貨既資料先可以開單，所以我講笑咁話："快 D Send 資料去新增一件內衣開轉批單啦！"

　　之後晏晝，青媽媽要執 Penguin D 退書，執完之後問我應該去後場 Pack 箱定係去 Counter Pack 好，因為如果佢去左後場，Counter 就得我一個；但係去 Counter Pack 貨，Pack 完就要推番入後場．跟住我話："係Counter Pack 啦，我幫你用 Handheld 開單啦！"

　　跟住好快咁 Pack 好三箱貨，我叫青媽媽儸個 Handheld 去電腦度開單，但係原來佢唔咪好識，之後我就話： "不如我去開啦！"

　　青媽媽話："不如等 Ivan 啦！"

　　我一路行緊去，話："雖然我唔咪好識，不過都俾我試下啦！"

　　入到去後場個電腦，開左 "整批處理" 既畫面，本來要噤 Upload Data ，點知噤錯左 Delete Data ，咩都無晒．之後想行番出去 Counter ，就見到青媽媽，之後我就同佢講："世間真係有好多不如意既事！"

　　青媽媽問："你唔識開單呀? "

　　我笑到合唔埋個口："比唔識開單仲衰...我 Delete 晒 D 野！"

　　之後唯有再掃過晒 D 書，好彩唔咪好多，跟住就開到單 lu ！

>>April 6, 2007 at 5:32:50 PM GMT+8

2007 年 4 月 4 日 星期三 【微冷】

Title：清明節活動

　　今日最主要的活動就係返工，返完工之後，就落去下面既花月星陪班摯友食飯．因為先前已經食左飯，所以只係偷食左少少．

　　跟住就同佢地去左UA睇 10 點 35 分既 "戇豆放大假" ，入去戲院前見到呢個 Notice ，即刻要做 "最緊要正字 3 " ：


買飛都要咁有 "慾望" ，看來都真係好鐘意睇戲先得！

　　好耐都無試過咁齊人，包括 King 伉儷、KK、何亨、禎培、7B，一行人就咁就睇左一齣好好睇 + 好好笑既戲！

>>April 6, 2007 at 5:11:19 PM GMT+8

2007 年 4 月 3 日 星期二 【暴雨】

Title：兒童節節目

　　今日係兒童節，亦都係例休既好日子，但係心心仔要返去開 OT ，所以我 12 點幾都返左去．跟住搞到 5 點先放工，沿途毛毛細雨，然後就行去紅磡既海逸酒店，行到去時間岩岩好．

　　之後就食左餐好飽既 Buffet ，由於狀態既問題，只係食左六隻生蠔同埋少少魚生．不過個朱古力 Cake 就好好味，食左兩轉，而 Haagen-Daz 既雪糕亦都係必食之選，食左兩大杯．



　　跟住食完就出左去行海旁，重拾四年前今日既情懷，但係唔知食左 D 咩野，搞到食肚都係氣．而最大既問題係嘔唔到 D 氣出黎，搞到有 D 想嘔．而風又幾大下，行左一次就向吉之島進發，之後買左 D 茶就搭巴士返屋企 lu ！

>>April 9, 2007 at 3:50:48 PM GMT+8

2007 年 4 月 2 日 星期一 【微冷】

Title：精選遊覽團

　　今日返去星光做義工，睇到本好得意既書．雖然已經睇左一半，但係都忍唔住要買，因為覺得個主角有 D 似我 =P

新書 --- 全力兔



故事既主角叫 "見習兔" ，講述佢去工地返工，有一班好得意既工友．每當佢地做每一件事，都要盡 "全力" ，因為佢地既公司叫 "全力工務店" ！

希望各位以後每遇到逆境，都會好似 "見習兔" 一樣，共勉之：



>>April 6, 2007 at 5:00:59 PM GMT+8

2007 年 4 月 2 日 星期一 【微冷】

Title：精選遊覽團

鍾舒曼 --- 高手過招

得到他的真心需要鬥智鬥力
一邊鬆一邊緊　處處去角力
推搪他的邀請耍上兩套太極
不攻　反守他更滿肚壓抑

睇通他喜愛挑戰的心理
辛苦爭取到　令人更熱情
懂得怎攻心　方會控制戰情
高手的招式　怎會叫你看清

未用劍氣　未用暗器
就用親暱　聲線化開你
這種功夫　多高不會叫你致命
高燒的戀火　只會禁閉眼睛

但是付出真心　等於戀愛真理
再多花招都也不會得到愛惜
嗅到你那殺氣猶如臨大敵
碰著高手太過刺激

不可先開口　不可先出手　
假使想反擊　先應該穩守　先當他好友
真的高手　不懂金剛腿　不懂翻筋斗
溫馨的一刻　牽他的手

不必講出口　不必打出手　
假使想反擊　先應該穩守　不急於擁有
真的高手　不需穿心掌　不需好身手
親親他的嘴　即刻失守

戀愛難測一步成空
妒忌如劍　思慕如刀
不怕拳風　不懼屠刀
最忌求愛　未能成功

>>April 6, 2007 at 5:00:53 PM GMT+8

2007 年 3 月 31 日 星期六 【炎熱】

Title：四周年紀念

　　今日係愚人節，都係要返工．一放工之後，就搭車出去尖沙咀，搵埋心心仔之後就去左小肥羊打邊爐，慶祝四周年．

　　叫左幾多野食，連 Tigger 仔都心思思想食：



>>April 9, 2007 at 4:04:18 PM GMT+8