2007 年 8 月 1 日 星期三 【酷熱】

Title：RS05 + RS28 半日遊

　　今日晏晝落左去茶餐廳食 Lunch ，之後去文具舖 Fax 番大陸．跟住返番屋企，就沖涼拎埋部電腦出去整．擺低左部電腦，就拎埋部車仔返沙商， D 同事見到我拉住部車仔做咩事?? 我就扮平時 D 送貨工人，話係收退貨．

　　終於都搵到個地方安置部車仔，跟住見到恩慧姐姐做外聯，見到有籃書俾左錢可以 Pack 箱，就 Pack 左佢．學埋點將 ZM19 轉做 Excel 表，見到時間差唔多，就出發去德福商務．部巴士個冷氣超熱，坐到個身都濕埋．

　　去到見到 Crystal 同個男同事係個 Counter 度，即刻問："呢度係咪英文部??" Crystal 見到我之後俾我嚇一嚇．跟住好開心．同佢傾左陣計，佢都要坐 Counter ，所以我就自己企係度睇沙商同事 "潮睇" 既 "閉上眼，便會相見" ．其間見到子健，佢成日久唔久都係我面前走黎走去．

　　之後大約睇左個幾鐘，睇左百幾頁．岩岩好等到佢地食飯，同左 Crystal + 子健 + 另外兩位同事去左 Delifrance ，叫左一份三文治餐同埋一個四人套餐，但係 Delifrance 維持住一貫既 "法式風情" ，上菜總係好耐，等到 8:05 分先有餐湯， 8:20 分都未黎齊 D 野，搞到佢地要好趕咁食晒 D 野，尾個碟仲食唔切，所以佢地要走先，得我係度執手尾．

　　食埋就搭車返屋企，完成左半日既商務之旅 lu !

>>August 3, 2007 at 3:43:20 PM GMT+8

2007 年 8 月 1 日 星期三 【酷熱】

Title：精選遊覽團

側田 --- 一句

我與妳愛到就快變罪
到這裡已沒辦法各取所需
惡意識穿妳　我也沒有興趣
妳也懶證實　但已有點心虛

讓愛倒退　便會失去
我當然知妳　夜夜有甜蜜可以追
問對不對　想像太累
妳此刻想要抱誰

怎麼不可親口說一句
說這一句　說這一句
說妳與某個有如情侶

極盲目地愛　無防範地愛
瞞著我都感到應該
流著汗愛　無遺憾的愛
餘下的我也料到大概
告訴我　告訴我已結束比賽

乾脆妳盡快坦率相告
妳與他戀上發覺情調多好
可或者這根本不要讓我猜到
叫我好相信情場猶像鐵路

被我擁抱　令妳急燥
夢想不登對　並踏進情路的墳墓
直接公佈　不想修補
大家鬆一口氣　有勞

怎麼不可親口說一句
說這一句　說這一句
說妳與某個有如情侶

極盲目地愛　無防範地愛
瞞著我都感到應該
流著汗愛　無遺憾的愛
餘下的我也料到　統統也料到

彷彿可見到　誰人的風光正好
開始得太好　應該放膽

紅著臉愛　全情投入愛
蒙著眼跟他去深海
流著汗愛　無遺漏的愛
如是者我以後要自愛
懇請揭開　等我讓愛

>>August 2, 2007 at 4:36:27 PM GMT+8

2007 年 7 月 31 日 星期二 【酷熱】

Title：沙商體驗營

　　今朝雖然三點鐘先瞓，但係由於今朝要開早會，所以都係要早返去． 9 點半返到去，得李姑娘喺度，之後開電腦睇 Email ，隔咗一陣阿華同美子都相繼返到嚟．點解咁夜瞓都可以咁早返?? 係咪返嚟陪我 =P 之後順利地開完早會，搞咗一陣濕碎嘢就要整 "８月朗文字典" ，今次得 20 本，整咗個塔出嚟都好矮，賣得晒先算～

　　晏晝無咩好做，去咗文具部 "感受" 文具部嘅工作 --- 就係打價錢同貼 Label ，其中打打下價錢竟然喺 D 貨揾到個職員名牌，好驚奇！原來係我嘅，超低 B =P 走番去英文部 Counter 同 Davis + Canny 講笑，其中 Davis 由 "兩粒星" 升到 "三粒星" ，笑到 Canny 肚痛！突然有兩個老師同時嚟落外聯 Order ，忙咗一陣．

　　跟住入去開單，開咗一張就聽到阿華喺收銀處打嚟，揾 LingLing 出去頂食飯，但喺唔知 LingLing 去邊，為咗阿華有得準時食飯，我話： "如果見到阿珊忙，就出去幫佢手．" 結果唔夠五分鐘喺閉路電視望吓阿珊，見到佢已經忙緊，於是即刻出去開機收錢．結果一收就收到阿華食完飯，足足 40 分鐘，應該係除匯豐外，收得最耐嘅一次．

　　夜晚懶得出去買嘢食，亦唔咪好肚餓，所以食咗兩件唔知邊個送嘅西餅．之後食完嘢出番去繼續幫阿華入袋，咁就到收工 lu ！幫手清機期間收到阿徽打嚟揾我食飯，於是收咗工同佢去咗魚米家食飯．

ps. 繼老豆同媽咪返咗鄉下成個星期後，細佬今日都起程去歐洲旅行，所以今日展開第二日嘅 "綠色生活" ，要唔開冷氣瞓覺！

ps2. 同事們原來都好關心我嘅，想知答案細心一點留意我就知架喇～

>>August 2, 2007 at 3:36:49 PM GMT+8

2007 年 7 月 30 日 星期一 【酷熱】

Title：Full Schedule Episode 2

　　今日朝早無咩好做，對住一大堆大專書，不停包書，不停上書．教科書忙咗成個月，應該就嚟到我地架喇．但係有成兩大板車嘅書，真係包極都包唔完．

　　晏晝去咗後場幫恩慧姐姐做外聯，我負責不停開單，佢就不停 Pack 箱同埋執嘢．不過其實有一半時間都係等個電腦 Process Data ，本身已經眼瞓，等到更加眼瞓，真係想擺張摺床瞓陣先做．

　　期間落去 Toilet ，發現有個阿叔好企唔企，要迫喺我隔離，之後覺得佢裝我，就去洗手．望番過去，佢裝緊第二個人，真係變態！！

　　之後到四五點就開晒單，我地轉戰做轉批．都係我繼續開單，恩慧姐姐 Pack 書，做到啱啱第一班食飯就做完，出去企 Counter ．出去同 Canny 傾計，Canny 姨姨仲拎咗本車婉婉嘅新書俾我睇！

　　今晚 Zoe 姐做副收，Davis 放假，當然要幫阿嫂入袋 ^.^ 幫到收工仲同佢一齊清埋機，原來幫人清機，當最後發現啱數，連自己都好開心．

　　收工後， "你好商務遊覽團" 又再出動，今次都係去唱 K ，去咗瓊華中心嘅 Neway ．開頭都係唱 K 為主，之後恩慧叫我去同埋阿德一齊玩骰仔鬥大，懲罰係波斯貓 + 利賓納嘅 "特飲" 　（有 D 似益力多嘅味）．連唔識玩嘅美子都加入戰團，玩玩下佢都識玩 lu ！

　　之後，到咗 12 點，即係 8 月 １ 號，係琪琪男友阿 Roy 嘅生日正日，於是連埋前幾日生日嘅美子同埋仲有成個月先生日嘅恩慧姐姐慶祝埋，有三件蛋糕 + 三支香檳．跟住轉玩大話骰，除咗都係唔識玩嘅美子，仲加埋阿華，有五個人玩，但係識玩嘅阿德飲得唔少，因為佢成日都嗌爆咗，結果佢之後次次都係開頭嗌 "五個六" ，好搞笑！

　　玩到點幾就走，琪琪佢地走先，我地就去咗食糖水，食到差唔多兩點就走 lu ！今日玩得好開心！ ^O^

ps1. 恩慧姐姐原來玩起嚟可以好癲嘅～

ps2. 美子唔飲得咁多酒嘅，下次唔好飲咁多喇～

>>August 2, 2007 at 4:04:00 AM GMT+8

2007 年 7 月 29 日 星期日 【酷熱】

Title：精選遊覽團

新歌：劉德華 --- 一
　　　新歌：側田 --- 一句
　　　舊歌：吳浩康 --- 自卑
　　　舊歌：藍奕邦 --- 巴不得
　　　MV：泳兒 --- 巴不得
　　　新歌：農夫 --- 學海無涯
　　　電視：白色巨塔

>>July 30, 2007 at 2:57:08 PM GMT+8

2007 年 7 月 28 日 星期六 【酷熱】

Title：靜靜的星期日

　　今朝一早返到公司，就收到 8 箱物流黎既 Langugage 書，青媽媽話係 Ivan 留俾我既．於是就展開拆貨同上架既工作，不過由於個書架已經 "滿座" ，所以只有不聽搵櫃筒收埋 D 貨．之後，拆左少少英採既貨，都係 Davis 個邊 D 書，所以我就同 Davis 不停咁包書．

　　而包包下期間，突然覺得好似好少客黎問野，而且行去上書既時候竟然暢通無阻，於是問下 Davis 今日係星期幾，先醒起原來係星期日，點解都會咁靜??

　　晏晝食完飯之後，就企係 Counter 同埋幫收銀處入膠袋．由於恩慧姐姐休息，所以連我都休埋息，終於有一日完全無掂過外聯 D 野．係收銀處入袋得如火如荼之際，身後既電話突然響起羅小姐既聲音，跟住青媽媽聽完之後叫我快 D 去搵佢．入左房之後，原來佢同我傾番呢三個月既野，仲以為佢地唔記得 lu ！

　　傾左幾個字就出番去，繼續係收銀處幫手．晚飯時，仍然繼續孖寶賽車大戰，好好玩！ ^O^

>>July 30, 2007 at 2:53:24 PM GMT+8

2007 年 7 月 27 日 星期五 【酷熱】

Title：精選遊覽團

農夫 --- 學海無涯

農夫書院㤲美好人生
有兩個訓導陸永與C君
我們都要努力做人
個個會考三十分

望住塊黑板　日日都咁刻板
食完個早餐　仲有無零用錢食晏
BIO堂要入LAB　學下劏牛眼
點知一劏就鬧　同學仔攞黎玩
最後就攞黎衰　記缺點都要排隊

點解又要比錢班會
無著皮鞋又匿埋　死都唔去早會
PREFECT又出動捉人　傾計起哄

D功課一係就抄　一係唔交
MISS一係就鬧　一係唔教
讀書為左識字　為左砂紙
定係為左我老媽子

學海係天涯　學生天天捱
就等多一排　放得暑假　我個人鬆晒

萬卷書萬里路　紅雨好黑雨好
八號風暴　在早會中我禱告
萬卷書萬里路　紅雨好黑雨好
八號風暴　在早會中我禱告

AiYo　你有無聽到　讀萬卷書不如行萬里路
行晒銅鑼灣D店鋪
難怪每一科都肥佬

媽媽想知道　爸爸少少燥
點解科科都炒到咁離譜
即刻抄廣告嗰一句口號
求學不是求得到分數

來尋求 D 知識　上堂訓下先舒適
上堂HAE下搵野食　搵野食
落到球場俾晒力　俾晒力

A 班俾人話係精英班
B 班又俾人話係精靈班
士多啤梨啤梨蘋果橙
ABCDE 班點樣揀

FAMA College Beautiful Life
We have 6wing and C-Kwan be your guide
We need to 努力做人
HKCEE三十分

萬卷書萬里路　紅雨好黑雨好
八號風暴　在早會中我禱告
萬卷書萬里路　紅雨好黑雨好
八號風暴　在早會中我禱告

C 班俾人話係傻仔班
D 班又俾人話係蘿底橙
士多啤梨啤梨蘋果橙
ABCDE 班點樣揀

Biology makes me cry
Chemistry makes me cry
中西史 都 makes me cry
農夫 D 歌 makes me smile

ps. D 歌詞好得意架 ^.^

>>July 28, 2007 at 3:38:36 PM GMT+8

2007 年 7 月 26 日 星期四 【晴】

Title：Full Schedule

　　今朝一早返去準備開早會，之前可能講得太快，今日開始要講得慢少少．跟住就去 Send 埋琴日未 Send 完既 Email ，然後 Davis 好勤力咁推左一大堆貨出黎，我就好努力咁包書， Davis 就不停上架．

　　包包下書，羅小姐拎左隻 DVD 俾我，叫我諗下點將佢地擺係店裡面．於是，晏晝去頂兒童部 Counter 既時候，美其名話係頂 Counter ，不如話係拆貨好過，因為我推左八箱 DVD 去兒童部 Counter ．之後就去英文部 Counter 對開 "堆塔" ，堆到食 Lunch 都未堆完，去左食飯先．（請注意基本上除左我係度拆貨既時候，兒童部 Counter 係無人既 =P ）

　　食飯既時候，我地成班都無出去食飯，同玲兒又連線打 NDS ，今日戰情比較緊湊，同佢惡鬥幾個賽道，結果互有高低．最搞笑仲係臨尾個場，我排緊第二，眼見玲兒轉埋彎就衝線，而我得個炸彈，諗住博一博，向前丟，結果玲兒好醒目咁避開左，諗住無望贏．但係佢竟然突然兜個大圈，而我就 Cut 內線行，贏左少少，笑左好耐．

　　跟住又出去再堆塔，堆完就拎左少少去收銀處擺下．擺完之後呆呆地做緊一 D 野（恩慧先知 =P ），點知俾恩慧係閉路電視見到我好得閒，就打電話出黎搵我入去幫手做外聯．今日除左開普通既外聯單之外，仲 Train 埋將報價單轉做銷售單（因為平時做得少），依家連秘笈都唔駛 lu ．基本上 "外聯三寶" 都識點開 lu ！

　　晚上首度有得放八點半，即係食完飯就放工，同左恩慧姐姐與壽星女美子行街街，行左沙田廣場同埋西田．之後去等位食元氣，等到阿華、玲兒、琪琪伉儷同埋表妹黎埋先開餐，最後食到十一點就走 lu ！

>>July 27, 2007 at 5:03:53 PM GMT+8

2007 年 7 月 25 日 星期三 【酷熱】

Title：查書的回報

　　今日有個客黎問書，幫佢查左兩本，兩本沙田都無，於是話佢知邊間分店有貨．

　　誰不知佢臨走之前，問我貴姓，仲伸隻手出黎同我握手，嚇得我未握之前已經隻手濕濕地，握完之後更加濕！

　　而全程竟然俾行緊過黎既青媽媽見到，亦嚇得佢同我對望左兩秒...

>>July 27, 2007 at 4:34:03 PM GMT+8

2007 年 7 月 24 日 星期二 【酷熱】

Title：孖寶賽車日

　　今日有幸食第三班，所以有得同第三班既同事出去食飯，而佢地都係同事之中比較集中有 NDS 既一夥，所以我地食飯時間一齊連線打孖寶賽車，結果最多同時有五部機連線：美子同玲兒既恐龍仔、"表妹" 既大牛龜、阿維既骷髏龜同埋我既機械人．

　　當中 "隱形殺手" 阿維經常高踞頭三名，而我既 "機械人" 同玲兒既 "恐龍仔" 則經常 "埋牙" ，鬥得難分難解．而我就越撞越過癮，見親車都撞，突然覺得自己 "Wario" 同 "Waluigi" 上左身，變左做壞人，哈哈！

　　ps. 鳴謝 Canny 成全！

>>July 26, 2007 at 3:27:38 PM GMT+8