2007 年 10 月 10 日 星期三 【晴】

Title：中山一日遊

　　今朝七點幾起身，準備返鄉下，但係係出門口既時候，先醒起要攞回鄉卡，點知搵極都搵唔到．明明記得係擺係櫃筒入面，係咁摷同一堆野，摷一次無，摷第二次無，媽咪摷...無，我再摷都係無，之後諗住拎本護照博一博，出門口前最後摷一次，點知就有，激爆！

　　之後就同媽咪 + 老豆搭火車，去到大埔墟火車站接埋美美，美美總算肯跟我返鄉下 lu ^o^ 不過由於美子會暈車浪，所以上左火車要食定暈浪丸，辛苦 lu ！跟住就過關，再搭巴士，搭左個幾兩個鐘先去到中山，落左車見到姨丈揸車黎接我地．

　　然後我地就去左長江美食城食 Lunch ，有最鍾意食既餃子呢，當然仲有即席拉既拉麵，還有手撕雞，都算好味既！跟住食完飯，姨丈就車我地返去鄉下間屋，一返到去門口，就有美子最驚既狗黎迎接我地，仲吠我地添，嚇得美子縮埋係我身邊呢！

　　跟住抖左一陣，我地就去左搞埋 D 手續，之後就去左翠亨村，即係國父既故居．係門口影左幾張相就走 lu ．



　　之後姨丈就車我地去左街市買餸，因為話夜晚要食海鮮餐，買左好多野呢！跟住就返番去 "下陂頭" ，佢地返去先，我就帶美子去行下我地條村，最後就去到祠堂．我地之後就返番屋企，抖左一陣等食飯．

　　夜晚搬左張檯出去後園食，仲幾齊人呢，有姑姐姑丈、姨姨姨丈、仲有姑媽添．而餸都有好多，有蟹、蠔、雞、當然仲有蝦啦，仲要好大隻，好好味呢，食左好好好好多！食完飯大約七點幾，姨丈就車我同美子去車站搭巴士，跟住我倆就搭巴士返羅湖．途中我地傾左好多計呢，好似明白左對方好多，好開心 ^o^ 以後都要咁幸福呢！

　　搭左差唔多兩個鐘頭車，終於返到深圳．之後我地就過關搭火車返去，美子就係大埔落車返屋企，而我就搭番大圍，完成一日中山之旅 lu ！

>>October 17, 2007 at 5:10:18 PM GMT+8

2007 年 10 月 9 日 星期二 【晴】

Title：無聊日

　　好眼訓既一日！全日都無咩做過野，淨係諗住聽日放假．

　　夜晚幫恩慧姐姐開左兩張報價單，算係全日做得最多既 "工作" ！

　　食飯後出番 Counter ，見到 Ivan 砌緊個 Penguin 既 Dumbin ，覺得幾好玩，於是同 Ivan 一齊砌左佢．



>>October 13, 2007 at 5:28:26 PM GMT+8

2007 年 10 月 8 日 星期一 【晴】

Title：盤點日

　　今日成日都無咩做過野，五點幾就換衫出去，因為要去上水盤點．Ling Ling 一出閘就唔知去左邊，我同麗姐去完 Toilet ，之後打俾佢，原來佢已經上埋火車，超極速！之後我就同麗姐 + 佢既熟客搭火車去上水．

　　之後就去左上水商務報到，報完之後諗下食咩，跟住就撞番 Ling Ling ．本來想去唔知咩地方食野，點知裝緊修，於是都係去肯德基食飯．

　　食完飯就上返去上水商務 "開工" ，今次先係第二次參加盤點，第一次已經係 "星光" 年代．不過今次舒服 D ，唔駛盤通宵，唔咪都唔知頂唔頂得住．最後我地 10 點幾就盤完，有得飲有得食，我就食左好多 "優之良品" 豬肉乾，唔駛錢食左好多 ^o^

　　最後 11 點幾走，同左子健搭火車返去 lu ．

>>October 12, 2007 at 4:25:35 PM GMT+8

2007 年 10 月 7 日 星期日 【晴】

Title：精選遊覽團

　　　新歌：蔡一傑 --- 火宅之人 @ 容祖兒 x 草蜢拉闊演唱會
新歌：張繼聰 --- 白鳥
舊歌：古巨基 --- 原來只要共你活一天 @ 叱吒萬人幫演唱會
舊歌：古巨基 --- 對你始終癡心一往
新歌：農夫 Featuring 麥玲玲 --- 風生水起

>>October 9, 2007 at 5:25:08 PM GMT+8

2007 年 10 月 7 日 星期日 【晴】

Title：精選遊覽團

張繼聰 --- 白鳥

仍然看見　於小學某天
叢林某處　我那後樂園
垂頭撿起　驚弓之鳥
懷著傷　飛不遠

拿回去養　想保護數天
成人太冷　白鳥身體很暖
但小鳥躺在我懷裡　卻永遠安眠

被我這麼喜歡　一切該　不缺少
攤開掌心　細望牠　數十秒
牠放棄掙扎了　或我雙手太小

誰都將手裡白鳥　錯手緊握至死
誰也太珍惜所愛　教力度都忘記
猶像　我令你就快沒有空氣
還是要　捉緊你　捉緊你　捉緊你

模型砌過　竟一怒拆開
良朋有過　我喝罵別來
明明喜歡　偏偏扼殺
難道我是怪胎

回頭半世　將黑洞揭開
誰人會說　絕對掌握到愛
自古有宿命哲人說　愛會殺死愛

大概一些東西　一變得　很要緊
相當擔心　快樂短　背叛近
所以我　一抱你　就已出手太狠

誰都將手裡白鳥　錯手緊握至死
誰也太珍惜所愛　教力度都忘記
猶像　你讓我用殺掉鳥的臂　圍住你

誰都將手裡白鳥　錯手緊握至死
誰也以好心出發　去玩危險遊戲
猶像　我令你就快沒有空氣
還是要　捉緊你　捉緊你　捉緊你
請不要　阻止我　喜歡你

>>October 9, 2007 at 5:19:39 PM GMT+8

2007 年 10 月 7 日 星期日 【晴】

Title：乖小朋友

　　話說琴日開左報價單，今日見到恩慧姐姐，就問佢："我琴日幫你開左報價單，我叻唔叻??" 之後恩慧姐姐就話："如果幫我轉埋做外聯單就讚你叻啦！" 原來個老師今朝收到張報價單，即刻 "照單全收" ，所以我就可以開單．做完之後，恩慧姐姐真係有讚我叻，仲請我食 "河馬繽紛樂" 添 ^o^

　　

>>October 9, 2007 at 5:14:11 PM GMT+8

2007 年 10 月 6 日 星期六 【晴】

Title：後場活動日

　　今日係星期日，但係都唔算好忙．一早返工，青媽媽就叫我去整張報廢書既 List ，之後我就入左去後場整，大頭目見到我係度 Non-Stop 打 ISBN ，就問我係度做緊咩，佢就話有個超快既方法搞，所以等另一個同事得閒先教我做．

　　Lunch Time 同左美子 + 阿華去左希爾敦德興食野，食完返黎坐 Counter ．等到同事們食完飯之後，就問阿健點整報廢書，阿健就好好人咁教左我．好耐無用過 Handheld ，用起都有 D 陌生！本來諗住淨係整英文部 D 書，但係做完既時候，中文部都執得七七八八，所以幫中文部做埋．之後就係到嘟 D 書，做左好耐先做完．跟住大頭目係經理房行左出黎，話整埋 D 文具，於是我就負責攞個 Handheld 嘟 D 貨，大頭目就踎係度拎 D 貨俾我掃，執到好多賣唔出但係又用得既 "寶物" ，就咁就整左成個晏晝．

　　夜晚都係唔咪好忙，行過見到有籃書等住 Pack 箱，於是我就 Pack 埋佢．做完又見到有籃書等住開報價單，咁岩恩慧姐姐放假，於是我就 "順手" 開埋單，仲 Fax 埋添！做完就等收工，之後就又同美子返大埔 lu ，呵呵 ^o^

>>October 9, 2007 at 5:08:10 PM GMT+8

2007 年 10 月 5 日 星期五 【晴】

Title：紅磡半日遊

　　今日訓到十點幾，仲係好眼訓，咁岩細佬都放假，所以同埋媽咪去飲茶．今日好豪呢，去麗豪酒店既酒樓飲茶，細佬請，而我就請搭的士去，都係豪啦！本來一心去諗住食番成十年前食過既海鮮卷，但係已經無得食，不過都有蝦餃同燒賣補番數．

　　之後坐左下就到兩點，行番過去沙田火車站搵番美美，去到既時候佢就已經坐左係度．跟住就搭火車出去，美美都未知去邊，就傻傻地跟住我出去．（唔驚我賣左你咩?? 呵呵! ）係紅磡站落左車，就行去紅磡個邊．

　　輾轉之下終於去到黃埔花園，行左幾個商場，原來要慢慢行呢幾個商場都需要好多時間呢！本來先前既美子話唔咪好肚餓，點知突然行行下佢就話好肚餓，於是去左肯德基食野．食完之後，我地又去左冒險樂園玩，射籃球好好玩呢 ^o^ 仲有 "擲彩虹" ，俾美子中左 20 張 Coupon ，勁呀！最後買左一件衫 + 一個鎖匙扣俾美子，希望鍾意啦．

　　夜晚去左一間 "高級" 茶餐廳食飯，高級茶餐廳 = 茶餐廳食物、地方算清潔、當然最緊要係價錢高．我地叫左兩個小菜，D 餸欠左鑊氣，唔咪好好食，所以最尾都係我食晒．食完就去左紅磡既海旁行左一陣．之後就行去尖沙咀，行到去五支旗杆既時候，見到美子既 Friend --- Jackie 同埋佢男朋友，跟住影左陣相，就去搭巴士返大埔 lu ．

>>October 9, 2007 at 4:54:30 PM GMT+8

2007 年 10 月 4 日 星期四 【晴】

Title：平靜的星期五

　　今朝一大朝早就去後場攞貨出去拆，攞左一堆貨出去，出去既時候，覺得自己好努力，有 D 似 "全力兔" ，事事要盡全力！好急步咁推晒 D 貨出去英文部 Counter ．點知有一半係英文兒童部既貨，本來諗住唔幫佢收貨，但係本住 "愛你既敵人" 既美德，都係最後幫佢收左貨．之後入去拎過 D 貨出黎拆，大頭目見到我推咁多出去，就問："推咁多出去拆得切架喇?" 我就話："拆得切，好多係兒童書之嘛！" 之後佢就幫我諗左 D 貨擺係邊，我推左 D 英文書返去之後，就將 D 英文兒童書好極速推返去兒童部，係入番去後場既時候，暗暗地聽到琪琪話："嘩！咁快既！"

　　跟住晏晝既節目，最主要就係拆貨同埋包書，無咩好做．

　　夜晚個餐就犀利喇，食左兩個飯盒（雖然係細 D ）：




好好味呢，係美子煮既就好好味 ^o^

　　之後食完飯，同 Ivan 一齊係 Counter ，佢攞左一本 "珍藏" 俾我睇，裡面仲有作者徐中約先生既親筆簽名，但係奇在個簽名竟然同 Ivan 平時 D 字係一模一樣，搞到我以為係 Ivan 自己簽．夜晚 Ivan 食完飯，琪琪同恩慧拎左本 CopyBook 過黎英文部，話送俾 Ivan 練字． Ivan 就話："好呀！" 本來諗住佢講笑，點知我做做下野拎番轉頭既時候．佢真係寫緊 CopyBook ，好搞笑！



ps. 想得太多...佔有慾太大的小朋友上 >.<

>>October 8, 2007 at 4:10:10 PM GMT+8

2007 年 10 月 3 日 星期三 【晴】

Title：美美廚房


今晚既晚餐 ^o^

>>October 7, 2007 at 4:55:12 PM GMT+8