2007 年 11 月 12 日 星期一 【晴】

Title：美美廚房


XO 醬芋絲 + 椰菜魚蛋 + 豆豉鯪魚飯

>>November 17, 2007 at 3:39:52 PM GMT+8

2007 年 11 月 10 日 星期六 【晴】

Title：三個臭皮匠

　　今日係星期日，但係英文部得番三個同事，因為 Ivan 大佬放例假，而 Canny 又放大假，所以得番 Davis 、青媽媽同我．由於剛剛過左大減價，縱使係星期日，都唔咪好忙．於是我地三個今日決定幫手做 Canny 既雜誌，上雜誌唔難，但係要幫雜誌做後補單就好難，完全唔知點搵 D 條碼黎做補單．於是我就負責低難度既收貨、青媽媽就負責包雜誌、而 Davis 就攞左成日黎搵條碼做補單．

　　而由於我地太得閒，就諗起琴日 Ivan 話我地成日都要指 D 客去文具部同中文部，所以不如係兩邊恤衫袖寫上 "文具部" 同埋 "中文部" 既字樣，而我地亦都請到青媽媽示範效果：



　　仲有正中間版：



　　特別鳴謝 Davis 負責拍攝

　　夜晚由於 Ivan 放假，所以有得食第三班，可以同美美、玲兒、華姐姐同琪琪一齊食飯，食完飯之後，美美仲特登搣橙俾我食呢 ^o^ 結果美美仲俾 D 橙汁彈左幾次落對眼入面，好慘呢！雖然最尾個橙好酸，但係都好好味呢！

>>November 16, 2007 at 3:52:36 PM GMT+8

2007 年 11 月 9 日 星期五 【晴】

Title：科大半日遊

　　今朝一早就起身，跟住入左去大埔接美美，之後搭巴士去鑽石山，點知原來 74X 唔經鑽石山，結果去左九龍灣先落車，轉番地鐵去鑽石山．跟住係荷李活既 KFC 食早餐，食完就落去 Join 番 KK Poon 同何亨，之後等埋張國就上巴士去科大 lu ！

　　今日係 KK 影畢業相既大日子，去到科大 KK 就去左換衫，之後就去影相，第一個景點當然唔少得科大既地標 --- "火雞" 雕塑啦！



　　之後我地就周圍行下科大，景色好靚呢，對住成個西貢既海景．跟住經過松樹林去到一個類似露天劇場既地方，不過觀眾席就雜草叢生囉　=P



　　跟住就落左去下面既噴水池，鬼馬既何亨就影左一幅 "水柱圖" ：



　　然後我地去左麥當勞食 Lunch ，原來科大既麥當勞係平 D 既呢！之後等到 King 入黎，我地就繼續向下進發．落到去海邊既小碼頭，海出面仲有好多帆船呢！



　　當然要影下今日著得靚靚既美美啦！



　　之後就行左去隔離既石灘，又影左陣相．要著住畢業袍係海邊影相，相信都要係科大先有：





　　仲有我同美美合照呢！　^o^



　　影完之後， KK 就去換番衫，跟住我地就搭巴士落去西貢．之後去左滿記食糖水， KK 請客 (多謝晒 ^^ ) ．食完我地係西貢海邊行左一陣，行左一陣佢地就返沙田，我同美美就繼續行海邊，之後吹左陣海風，好舒服呢！



　　除左一陣太陽都落左山 lu ，於是我地就搭 299 返沙田，本來諗緊去邊間大家樂，之後都係去左馬鞍山，因為少 D 人．本來諗住去富寶既大家樂，但係原來執左 lu ，所以我地去左錦英苑個間，好彩都唔咪好多人．我地叫左一個 "一哥火鍋" 同埋 "脆爆燒肉飯" ，相信呢個燒肉飯相當成功，因為從來都未見過燒味部既人龍竟然有七八個人排隊咁多．而呢個 "脆爆燒肉飯" 亦都 "不負眾望" ，幾好食既，一哥火鍋就 OK 啦，最尾都係食到飽飽呢！

　　跟住就行番去馬鞍山中心，係新港城行左個圈．最後去左 CitiStore 買左 D 零食就搭車返大埔 lu ！

>>November 16, 2007 at 3:15:37 PM GMT+8

2007 年 11 月 8 日 星期四 【晴】

Title：美美廚房


粟米雞皇西蘭花飯

>>November 15, 2007 at 1:46:01 AM GMT+8

2007 年 11 月 7 日 星期三 【晴】

Title：美美廚房


蕃茄香腸螺絲粉

>>November 15, 2007 at 1:45:48 AM GMT+8

2007 年 11 月 5 日 星期一 【晴】

Title：美美廚房


翠肉瓜肉碎雞翼飯

雖然美美已經事先發出 "難食警告" ，但係都係好好食喎！

>>November 16, 2007 at 2:28:08 PM GMT+8

2007 年 11 月 4 日 星期日 【晴】

Title：完美的一天

　　今日又係例休既好日子，但係訓到九點就起身，比平時返工仲要早，點解會咁??

　　先前美美好似好多野打算要係呢日做，所以都無諗住會見到佢．但係點知美美一早就做完晒：剪髮 + 洗牙，於是佢就出黎沙田 Join 埋我．之後我地輾轉地去左 "周記避風塘" 食 Lunch ，叫左一個二人餐，除左個 "白灼豬肚" 難食 D 之外，其他都 OK ，特別要推介 "金沙蝦配豆腐" ，好味呢！



　　食完就見到出面既音樂噴泉表演緊，於是就出去睇下．原來出面整左好多搖搖凳，咁岩有一張無人坐，於是我地就坐左一陣．秋天真好，有風得黎又唔會凍，有太陽得黎又唔咪好熱，好舒服呢 ^o^

　　之後我地就係新城市行左陣街，想買既野仍然只係停留係 "睇緊" 既階段，無咩買既衝動．之後行完西田之後，就帶左美美去沙田公園，係個滑梯上面坐左一陣，由於係平日既關係，都無咩小朋友係公園玩，相反阿伯就有兩三個．

　　坐左一陣本來諗住行落去河邊，但係原來沙田公園既另一邊無去過，所以又帶美美去行下．行完之後就帶左美美去城門河邊行，行左一陣又坐左一陣，但係條河唔知點解間唔中傳來臭味，都係不宜久留，於是繼續行程．行到去禾輋邨對開，就行番入去，向火炭火車站進發．

　　去到入左閘，我地就係月台坐左幾個字，之後就搭火車返大埔，因為美美要返屋企食飯呢！我送美美去到大埔就搭番火車返屋企 lu ！

　　ps. 雖然今日見既時間唔咪好多，但係都好開心呢！ ^o^

>>November 10, 2007 at 4:58:05 PM GMT+8

2007 年 11 月 4 日 星期日 【晴】

Title：精選遊覽團

周杰倫 --- 不能說的秘密

冷咖啡離開了杯墊
我忍住的情緒在很後面
拼命想挽回的從前
在我臉上依舊清晰可見

最美的不是下雨天
是曾與你躲過雨的屋簷
回憶的畫面　在蕩著鞦韆
夢開始不甜

你說把愛漸漸放下　會走更遠
又何必去改變　你說過的誓言
你用你的指尖　指示我說再見
想像你在身邊　在完全失去之前

你說把愛漸漸放下　會走更遠
或許命運的簽　只讓我們遇見
只讓我們相戀　這一季的秋天
飄落後才發現　這幸福的碎片
要我怎麼撿

>>November 5, 2007 at 3:27:10 AM GMT+8

2007 年 11 月 3 日 星期六 【晴】

Title：冬の驚蟄

　　今日終於黎到 18 日秋銷既最後一日，雖然都係好多人，但係就無琴日咁忙，而我都係最主要企係 Counter 幫人整新會員證，一時忙一時唔忙，忙起上黎曾經連做四五張卡，幸好讀者們都好有耐性，無係度嫌三嫌四，比起尖沙咀 D 所謂 "大客" 好好多．

　　到左差唔多九點鐘，開始唔咪咁多人，我地就開始搣 Label ，見英文書有 D 複雜（因為有 D 書之後會繼續有折扣），所以都係幫 Canny 搞掂影音部 D 碟先．搞完就岩岩好落閘，之後幫手埋數，埋完數就去搞英文部 D 書，就咁搣下搣下 D Label 都搞左成個幾鐘．

　　"秋意正濃" 既秋銷終於都完結，代表 "睡意無窮" 既我要起身 lu --- "冬の驚蟄" @ 沙商！

>>November 5, 2007 at 12:43:03 PM GMT+8

2007 年 11 月 2 日 星期五 【晴】

Title：忙碌的星期六

　　今朝返到公司，打開 Locker ，就見到美美送既禮物，好開心呢！！係 For 食藥既 Edo 餅餅一大盒，多謝抵錫既美美 ^o^



今日好忙呢，排隊既人龍成日都無咩短過．美美今日要做副收呢，收足成日都無停過，辛苦晒 lu ．而我就基本上成日都企係收銀處入袋，反正病到傻下傻下都無咩好做，唯有做呢樣最唔駛用腦既野啦！

　　

>>November 5, 2007 at 1:54:17 PM GMT+8