2007 年 11 月 1 日 星期四 【晴】

Title：美美廚房

　　今朝一早就約左美美，又係去睇醫生．之前樓下既醫生睇左兩次，我都未好番，所以都係決定轉第二個醫生 lu ！呢個醫生原來我已經五年都未去過睇佢喇，好耐呢！

　　跟住我地一齊去食早餐，又係 "大家樂見" ，但係今次去好運中心既大家樂．之後就返工 lu ，但係 12 點鐘就食飯，都未有胃口食，於是去左銀行轉錢．

　　跟住就上左 CD Warehouse 睇下有無 "不能說的秘密" 既原聲 CD ，有就有得賣，不過就貴過出面，不過都係買左！



　　夜晚又有美美預備既飯盒做 Dinner ^o^

　　今餐係 XO 醬芋絲 + 茄汁豆火腿飯：



>>November 5, 2007 at 3:31:42 AM GMT+8

2007 年 10 月 31 日 星期三 【晴】

Title：替天行道

　　自從大頭目要將個冷氣較番暖 D 之後，引來各同事們既不滿，個個都話好熱，而個店堂多人既時候仲會有一股 "人氣" ，非常難頂！！

　　而收銀處由於有射燈射住，更加熱，連收銀姐姐阿珊既冷衫都話以後要長期收埋，副收既琪琪直情收到面到紅埋，而英文部既同事直情成個身都濕晒，成日都未乾過！我將呢次既行動改名為 "冬天生熱痱" 大行動！

　　為左同事既健康著想，所以今日 "沙商喪 Do 男" 決定要將收銀處後面、英文部 Counter 頭頂既冷氣機較番凍，將 25.5 度較番做 20 度 ... 結果成功左，不過唔知大頭目幾時會發現呢！

>>November 5, 2007 at 3:48:58 AM GMT+8

2007 年 10 月 30 日 星期二 【晴】

Title: Buffet @ Langham Place

　　今日又係例休既好日子，但係依然勁病，主要係勁咳同埋流鼻涕，慘絕 >.<

　　美美10點半先起身，之後黎左陪我去樓下睇醫生．睇完就去大家樂食 Lunch ，我地兩個人先食左一個 "咕嚕雞球飯" ，好細食呢！

　　之後美美就上左黎睇VCD，睇 Jay 既 "不能說的秘密" ．套戲好好睇呀，故事幾令人意想不到．而黃秋生繼上次 "頭文字 D " 之後，再次飾演 Jay 既爸爸，今次仲同 Jay 跳左一 Part 舞，好搞笑 ^.^ 最後要提一提女主角有 D 似泳兒．

　　跟住就趕住出去旺角，因為今日既重頭戲係去朗豪酒店食 Buffet．環境真係幾 OK 架，而服務都幾好，不過食物既選擇就真係少左 D．幸好甜品既種類還算多，愛吃甜品既美美食左好多呢，最後都係食到好飽咁離開 ^o^





　　食完野就行落去尖沙咀，當係散下步．今日係萬聖節，但係唔知點解街上面突然見到有 "中國殭屍" 出黎湊熱鬧，真係要抹一把冷汗 =.=

　　最後行到去尖沙嘴就同美美搭巴士返屋企 lu！

>>November 5, 2007 at 12:45:15 PM GMT+8

2007 年 10 月 28 日 星期日 【晴】

Title：請病假

　　今朝起身，實在太病喇，所以返唔到工．

　　之後落去睇醫生，醫生說："嘩！好嚴重喎！前日先開始，今日個鼻就發炎！" 連醫生 "閱病無數" 都話嚴重，係咪無得救架喇??

>>November 5, 2007 at 2:34:15 AM GMT+8

2007 年 10 月 28 日 星期日 【晴】

Title：精選遊覽團

新碟：陳奕迅 --- Listen To Eason Chan
　　　[ 強烈推介：演唱會、變色龍、滑鐵盧車站、熱島小夜曲 ]

　　　新歌：關楚耀 --- 你當我甚麼
　　　新歌：王友良 --- 不再同哭

　　　ps. 琪琪今日生日呢！祝生日快樂！！

>>October 29, 2007 at 4:00:05 AM GMT+8

2007 年 10 月 27 日 星期六 【晴】

Title：28 號

　　今朝難得都係返 10:15 ，但係原來 Ivan 都係返呢個時間，有人陪我．

　　今日病情好似嚴重左，除左喉嚨痛之外，仲加埋最麻煩既流鼻涕 + 狂咳！慘慘！主要工作都係駐守英文部 Counter ，幫讀者整新會員卡．今日生意算幾好，條人龍好慘，可憐既美美今日做副收，基本上成日都無停過，不過可幸玲兒都陪足佢成日，應該 Balance 番 D 啦！

　　而我就做左第六收（因為琪琪俾大頭目叫左去收左陣錢，我就仍然係 Unauthorized Cashier），自己走左收銀機去收左一陣錢，還好仲記得 $300 送 $10 Coupon ，$500 要俾會員卡申請表．

　　夜晚收工有好節目，我地成班去唱 K ，因為琪琪聽日生日，所以我地成班去慶祝．12 點職員就拎住我地之前預先買既蛋糕入黎，之後電視都係播番英皇群星既生日歌，仲有無其他群星既版本??

　　最後我地 1 點鐘就要走 lu ！

ps. 兩個月喇！ ^o^

>>October 29, 2007 at 7:42:54 AM GMT+8

2007 年 10 月 26 日 星期五 【晴】

Title：喉嚨痛中

　　今朝起身就喉嚨痛...

　　星期六喇！遇岩係秋銷，終於都忙少少．

　　去 Toilet 行過隔離突破，見到好恐怖既事：佢地既鎮店之寶 --- 火柴人，竟然個頭著火！！！仲要係跑緊，應唔應該同入面既店員講呢??

>>October 29, 2007 at 3:56:46 AM GMT+8

2007 年 10 月 25 日 星期四 【晴】

Title：BBQ Day

　　今日我地同左恩慧姐姐去大美督（新寫法，舊稱大尾篤，大概係舊名有 D 核突）燒野食．燒左成個晏晝，係百佳買既炭雖然係好快著，但係都好快就燒完，而且好多煙，都係傳統袋上寫住 "味美清香" 個種炭好！

　　夜晚同美子係公園坐左 3 個鐘頭，要記住我地既約定呢，我們都要幸福！

>>October 29, 2007 at 3:58:47 AM GMT+8

2007 年 10 月 24 日 星期三 【晴】

Title：精選遊覽團

吳雨霏 --- 逼得太緊

情人當然愛情人　長和深不要去問
纏綿怎可給催促誕生

是我　共你逼得太近
你間中想一個人
跟你早應該要如遠若近

我今天知不應該　手機中要你示愛
纏在附近令你沒自由出外
我是活該　逼迫你被深愛
一不滿意淚落下來
嚇得你要分開

如我知錯　可否乃念最初
再苦都快樂過　要告別懲罰我　怎可
你太重要使我
淚亦落得多　見要見得多
假使感覺被折磨
能減少點愛　是否原諒我

情人總想吻情人　然而不可變責任
如勤工獎怎得到快感

是我　為你早戀上癮
成為熱心的怪人
不再值得一吻　和你未襯

我今天知不應該　手機中要你示愛
纏在附近令你沒自由出外
我是活該　逼迫你被深愛
一不滿意淚落下來　嚇得你要分開

如我知錯　可否乃念最初
再苦都快樂過　要告別懲罰我　怎可
你太重要使我
淚亦落得多　見要見得多
假使感覺被折磨
重新開始過　越愛得輕頗

如我知錯　請親我像最初
再苦都快樂過　太多愛便嫌我　那可
我　我願意改過　懶計較清楚
那個愛得多　青春不怕被蹉陀
自尊心都放開　認錯

ps. 覺得自己好乞人憎

>>October 25, 2007 at 5:19:50 PM GMT+8

2007 年 10 月 24 日 星期三 【晴】

Title：美美廚房

　　今朝約左美美去食早餐，好似好耐無一齊食過早餐 lu ！食完就要返去準備早會，早會都係好耐無主持過，應該都有一個月！

　　之後全日都無咩做過，成日都獨自坐係英文部 Counter ．為左無咁悶，就獨闖龍潭虎穴， Load 左 B26 同 B27 補貨，連阿 Davis 都話："都俾人搶左咯，仲理咁多做咩?? " 而我就繼續 "偏向虎山行" ！

　　晏晝食完飯之後就無咩好做，悶左好耐，連 Ivan 都無咩好做．結果我就問恩慧姐姐有無外聯單要開，幸好佢仲有幾多 "貨仔" ，所以我四點幾之後都係係後場幫手做外聯．

　　夜晚有美美煮既飯盒做晚餐，係我細細個好鍾意食既 "粟米肉粒飯" 呢，仲有鹵水雞翼兩隻，好好味呢 ^o^



>>October 25, 2007 at 5:11:31 PM GMT+8