2007 年 8 月 28 日 星期二 【綿綿細雨】

Title：精選遊覽團

張惠妹 --- 你是愛我的

同樣的一場日落　同樣你還是沒說
只是抱緊我　時間一到就鬆手

你用一萬個理由　都比沉默還溫柔
為什麼愛我又不斷退後

我用一萬個答案　解釋我們的距離
到最後發現我全都猜錯

你害怕的是什麼　你想要的是什麼
站在你背後　我連呼吸都痛

我要　相信你是愛我的
我要　相信你是勇敢的
我煩　時間是最殘酷的　我怎麼等

我要　相信你是愛我的
不要　當我每次唱情歌
眼裡總有太多淚　不停拉扯

ps. 很想感到你的存在...

>>August 29, 2007 at 4:47:45 PM GMT+8

2007 年 8 月 27 日 星期一 【綿綿細雨】

Title：精選遊覽團

古巨基 --- 愛回家

勤力過　捱罵過
如做錯　誰又會原諒我
懷念家中被窩　想去躲
這麼吃力　求甚麼

投入過　麻木過
磨練過　沉悶過　疲累過
其實我進取麼
時間從未敢蹉跎
賺到幾多　賺到的只是你
能被你溫柔無微的照顧
被你那麼在乎
平日有你縱壞已忘記辛苦

活著有你多好
多麼渺小都變寶
躺在平靜被鋪上　漫談來日旅途
回到家中便有你多好
一碗暖湯的鼓舞
沾濕我眼睛
有人祈求我歸家　來互抱

唯獨你　明白我
成就過　誰若說　容易過
曾受了氣幾多
能聽我解釋因何在這被窩

賺到的只是你
能被你溫柔無微的照顧
被你那麼在乎
平日有你縱壞已忘記辛苦

活著有你多好
多麼渺小都變寶
躺在平靜被鋪上漫談來日旅途
回到家中便有你多好
一碗暖湯的鼓舞
沾濕我眼睛
有人祈求我歸家

自問已經得到
得到你比一切好
躺在平靜被鋪上　望浮雲在過路
回到家中便有你多好
張開兩臂的鼓舞
沾濕我眼睛
眼前繁華有幾好　來互抱

ps. 開始了，謝謝你！ ^o^

>>August 28, 2007 at 5:52:32 PM GMT+8

2007 年 8 月 26 日 星期日 【綿綿細雨】

Title：買飛日

　　今朝 7 點鐘起身，比平時返工仲要早，因為要同熊貓美美去買飛．落街既時候，一邊出緊太陽，一邊落住大雨，正正式式係 "乍雨乍晴" ！

　　之後行左 15 分鐘去到火車站，搭到大埔做總站既火車，幾少人，幾好！落左車先係八點半，於是行去美子屋企．點知明明係火車站都望到既地方，行黎行去都未到，加上太陽叔叔成程路都陪住我行，熱都飛起，成身大汗．行左成半個鐘先行到去，跟住係樓下等美子，之後我地一齊行去大埔文娛中心．

　　去到先係九點半，同原定既時間差唔多．去到門口無人，以為無人排隊，原來 D 人入晒去等．幸好都唔咪好多人，大約十幾二十人，之後等到十點就開始賣飛，等左 20 分鐘就我地就買完，有千嬅睇喇，好野！

　　之後去左大埔中心諗住飲茶，點知 10 點幾呢 D "早市就黎完，午市又未到" 既時間都有好多人等位．於是見仲有早餐食，就走左上去 "珊瑚堡" 食早餐，我地兩個都將個餐轉通粉，美子話 D 牛肉太乾，而且通粉太厚，不過都食左大半碗；而我呢 D "牛" 繼續發揮 "牛嚼牡丹" 既功能，有幾多食幾多，幸好我地叫既凍朱古力都尚算 OK ！

　　跟住我地就諗住去買電話，我想買部 W580i ，諗左好耐終於決定買．點知大埔國美得返灰色，無晒白色，所以都係無買到．之後諗住買 Lan 線，去到電腦舖岩岩開門，但係諗諗下琴晚條線無咩事，都係無買．然後我地去左 VCD 舖買 VCD ，買完就行去太和搭火車，因為美子今晚要去上水同 Friend 慶生．橫掂都無咩做，就同佢去埋上水，係火車上竟然見到舊同事阿 Bell ，仲要同一卡，傾左一陣佢就係粉嶺落車．我同美子就係上水分別 lu ！

　　跟住搭番火車返大圍，去左銀行攞錢，其間收到份令我好開心既禮物 ^O^ 之後去左剪頭髮，本來諗住去埋睇醫生，點知原來醫生四點先開（仲諗住係兩點開添），於是返左屋企．返到去諗住媽咪應該去左機場，點知佢仲係度，仲捉埋我落去，最後送左佢搭巴士就返屋企．

　　係屋企磨到七點先落去睇醫生，夜晚同細佬食飯，細佬話： "相信呢餐應該係媽咪返黎前最豐富既一餐！" 但係雖然咁 "豐富" ，我都要篤一舊腐乳送飯，看來黎緊既日子都會幾坎坷 >.<

>>August 27, 2007 at 2:20:48 PM GMT+8

2007 年 8 月 25 日 星期六 【陰】

Title：秋風起

　　今朝返工既時候，感覺都有少少秋風，秋天終於黎到，希望之後慢慢唔好咁熱．

　　之後返工，見到排隊既人龍有少少，所以就開機幫手收錢．估唔到室內都有秋風，感到一陣涼意！

　　星期日既兒童部係天堂，靜靜地咁補下貨，可以講話係 "鬧市中既世外桃源" ！（有 D 似樓盤廣告 =P ）

>>August 27, 2007 at 2:27:04 PM GMT+8

2007 年 8 月 24 日 星期五 【綿綿細雨】

Title：第一次遇見簽名會

　　今日係朱薰 E 大駕光臨本店開簽名會， Ivan 同華姐姐一早就忙住執野，將櫥窗同平時擺 Anti-Virus 既檯一掃而空．我地都要因而由三班食飯變左兩班食飯，跟住我地就幫手將 D 書鋪晒係檯面，再貼促銷 Label ，搞到個度全係 "正音功" ．

　　之後小恩恩就叫左我出去食飯，所以同左 Macy 、青媽媽同埋阿珊一齊去左 "泰寮" 食飯．本來諗住星期六會好多人，實要等位，點知唔駛等位不特止，仲要大把位！跟住我地點左 "必食" 既肉碎煲仔飯同埋另外幾碟野，係等野食既期間，青媽媽繼續大放笑彈（唔記得講今次係第一次同青媽媽食飯），其中佢話上次去飲 "牧羊牛奶" 可以話係絕頂，因為我問："點解牧羊場會有牛?" 青媽媽就話："D羊有牛奶！"

　　跟住就返番沙商，阿華叫我出黎維持秩序，但係人唔咪好多，所以走左去幫美子包書，順手看門口．之後發現好似有賊，就周圍巡來巡去．簽名會反應都無預期咁熱烈，所以提早 15 分鐘收場．跟住我地就迅速還原返個場，應該比起未執起 D 野之前仲整齊．

　　之後又去將英文部 D 架拍番整齊，連兒童部都執埋．美子同小恩恩問我做咩執英文兒童書張檯，我話："呢 D 都係英文部既財產丫嘛！" 當然唔咪因為係英文部既野啦，拍架可以認識多 D 書既擺法同分佈，又學多 D 兒童部既野，遲下有機會去頂兒童部都唔駛咁驚，幾好！

　　夜晚驚險地係第一班食既時候，偷食左成包咁多既薯條，見到 "大頭目" 要即刻匿埋，好彩大頭目無出聲！夜晚個餐同蠢呠呠食，好多野講，咩都講一餐！之後就包書包到收工．

　　ps. 對不起何亨！

>>August 25, 2007 at 5:20:31 PM GMT+8

2007 年 8 月 23 日 星期四 【微雨】

Title：一面天堂，一面地獄

"大頭目" 出現前：
　　今朝返十一點三，好彩趕到部巴士，唔咪就遲到．返到去唔知點解好多野做，做黎做去都未去執自己個架．但係唔知自己做過 D 咩，隱約記得係包書掛．

"大頭目" 出現後：
　　突然叫我去後面，原來有棟書擺左係檯面， "大頭目" 話得閒要留意下個架，睇下 D 同事有時做咩會留左 D 書係度，唔可以令讀者覺得個場咁亂．於是之後就去左執架，圍繞左英文部一個圈，將 D 書整番齊．夜晚問青媽媽個 Fiction 架點先可以無咁多窿，搞到佢係咁執，執到唔知自己原來係收 8:30 ，白白 OT 左半個鐘．之後今晚又去清 3 號機，好彩係多左錢，唔駛賠錢 =P

>>August 24, 2007 at 5:04:36 PM GMT+8

2007 年 8 月 22 日 星期三 【微雨】

Title：包書日

　　今日一大堆 Pearson + Oxford + 英採黎既貨， Davis 同青媽媽係度拆拆拆，我就做最容易既包書任務．不過包還包，我都有去上吓書既，唔咪成日都企係 Counter 包書．

　　晏晝包完英文書，走去門口 Counter 幫美子包書．包中文書仲係未熟手，仲要俾琪琪大聲話："包得咁核突架！" 遙望英文部 Counter 都幾忙下，多謝 Canny 同 Davis 原諒！

　　ps. 多謝 ~ 感覺到喇 ~

>>August 24, 2007 at 3:36:31 PM GMT+8

2007 年 8 月 21 日 星期二 【陰】

Title：請 Tea 日

　　今日好多同事返工，包括本來應該係例休既我．見今朝早幾靜，終於可以請各同事食 Tea ．但係朝早靜完之後，晏晝就好忙，其實唔咪忙英文部既野，而係忙學校攞書，對一份書閒閒地都最少要 5 分鐘，搞得唔好 15 分鐘都試過，而 D 家長一係就唔黎，一黎就一個接一個．加上 Davis 要長駐大圍， Ivan 晏晝又突然要出去開會，得我同青媽媽留係 Counter "活受罪" ，英文部真係正式成為 "雜務部" ！

　　夜晚要開主管會， 8:30 開始，議程寫 9:30 完結，點知講下講下， 10:45 先搞掂．夜晚開主管會已經好累，所以無咩出聲，又成日忍住 "打喊路" ，希望無俾 "大頭目" 見到啦！

　　ps. 夜晚 MSN 儲了一日既 "牛脾氣" 大爆發，對不起！
　　ps2. 我都想同你睇千嬅呢 ~

>>August 24, 2007 at 3:28:14 PM GMT+8

2007 年 8 月 20 日 星期一 【微雨】

Title：精選遊覽團

新歌：張敬軒 --- 我的天
　　　新碟：張敬軒 --- 酷愛
　　　新歌：李克勤 --- Twins @ My Cup Of Tea
　　　新歌：鄭融 --- 大女仔
　　　新歌：何山 @ Pixel Toy --- 喔噢

>>August 21, 2007 at 5:19:29 PM GMT+8

2007 年 8 月 20 日 星期一 【微雨】

Title：後場 Day

　　今朝一早返去準備開早會，只可惜聽日唔咪放假，有 D 累．

　　開左門之後，好乖咁去執架，平時淨係執個堆乜乜 In Use．由於琴日無時間執架，所以今朝見到個架 D 書訓低晒，於是決定將櫃筒 D 存貨擺上架．最後執左 45 分鐘，跟住去左兒童部做左陣 Part-Time ，點知部電腦無得上網，唯有繼續 Delete Email ．

　　之後 1 點做左青媽媽既替身，代左放緊假既佢食飯，被恩慧姐姐捉埋出去食飯．跟住追埋阿珊同景怡去嚼江南食飯，雖然去到未有位住，但係迎賓姐姐好細心咁叫我地點左野食先，等我地坐低有得食．之後入到去坐左陣，真係好快有得食，但係最尾杯野飲就好遲先黎．跟住同恩慧姐姐行先，去左 Starbuck 幫戀姐買野飲．買完就去番英文部 Counter ，今日比琴日靜左好多．

　　過左無幾耐聽到 Canny 幫手傳出既 "恩慧之呼喚" ，今次無用 ＊3301 ，只係用左 107＊ ，應該係失色不少，不過我都係即刻係後場出現．原來有份報價單要做，之後原來張報價單得一本書有貨，好快搞掂．跟住問恩慧姐姐有無外聯單要開，佢就醒左幾單俾我開．發覺放低左幾個星期既野，有 D 生疏左，同時部電腦超爆慢，開張單淨 "等" 都要半個鐘，真係攞命！

　　如是者係後場渡過左成個下晝，下午茶有李姑娘請食 Pizza ，平時佢已經夠辛苦，辛苦得黎既錢都攞出黎請我地食野，好感動！最後我認真捧場，間斷地食左三塊 Pizza + 一盒檸蜜 ^o^

>>August 21, 2007 at 5:08:11 PM GMT+8