2007 年 7 月 23 日 星期一 【酷熱】

Title：沙商防霉法

　　平靜的星期二，除左教科書同埋收銀處之外，基本上同事們都係非常得閒，而我更係悶到發霉，有咩解決方法?

　　1) 狂 Check Email （但係基本上係無新 Email ，只係 Check ）
　　2) Delete 舊 Email （比較有建設性）
　　3) 圍埋一齊傾計
　　4) 趁機走去收銀處收錢
　　5) 見到有外聯，即刻去開單，做到 "即叫即做"
　　6) 拆 D Harry Potter 7 出黎賣（共拆左 3 箱）
　　7) 聽 Davis 出既幻想題

>>July 24, 2007 at 5:09:30 PM GMT+8

2007 年 7 月 22 日 星期日 【晴】

Title：例休＠沙商

今日係期待多日既例假，但係都係一早起身，開機係MSN見到同樣係第四組休假既美子online，同佢傾左個幾鐘，感覺好左 D．

跟住執野出門口返沙商，返到去岩岩第二組同事係度食飯，平時佢地都出去食，點知除左 Canny 同 Macy 之外，全部都係度食．恩慧姐姐仲請我食一舊叉燒，算係早餐 lu！之後就係後場 Non-Stop 開外聯單，平時返工等放假，但係放假竟然返工，大概係傻左 lu！

羅小姐三點幾返左去，佢話 "今日好多人返工" ，所以拎 500 幾蚊出黎請我地食 Pizza，結果第一次食到新出既 "閃亮帶子 Pizza " ，好好味 ^o^ 雖然今日 OT 無人工，但係都有有兩塊 Pizza 做人工！！~

做做下野收到何亨既電話，咁岩我地夜晚都無飯食．於是約埋係沙田食飯．跟住繼續開單，開到 7 點幾，何亨出左黎．由於我地都未肚餓，所以係沙田行來行去，首先買左個呔夾，諗住買定做自己既禮物，幾時用？遲 D 咪知囉～跟住我地有行左太陽眼鏡舖，見識下可以摺埋既太陽眼鏡．

行左個幾鐘之後，就去左 "百瀧" 食飯，未到 "百瀧" 之前發生趣事：就係我地明明記得係四樓，點知行左成個圈都搵唔到間野，跟住走左上去五樓，點知都係無．我就用左 "海市辰樓" 黎形容，要我地肚餓先會見到，結果我地都係四樓搵番．

跟住我地叫左一個意粉餐同埋一個燒餅，個杯 "Cappuccino Soup" 、墨魚汁意粉仲有成個面咁大既燒餅，令到已經有少少飽既我地，岩岩到左食唔落既 Tangent Point ．當然食還係其次，散席前講起 "愛神" 可以講話係達到全晚既高潮位，笑到肚都痛埋！！>.<

之後企左係大堂傾左成半個鐘，先盡慶而歸，真係想同何亨講 "有你真好" ！

ps. 正能量增加中，謝謝美子 + 何亨 + 沙商同事們～

>>July 24, 2007 at 4:22:11 PM GMT+8

2007 年 7 月 19 日 星期四 【酷熱】

Title：精選遊覽團

楊千樺 --- 亦舒說

即使衷心相愛結局不要問
即使他一走了再無人想吻
就當早生百年　他哪曾識你
你會很甘心

即使將他封最愛亦不要恨
一般都得不到　正如亦舒說
做到生子結婚
終須都與較平凡那位至會襯

現實還是公平　太耀眼激情　亦如即興
下個季節　轉心境
得到了原是虛榮
求他採星星都答應　但誰保證
難受為了太好勝

失戀可將工作放大得決絕
光陰怎花可看見林夕都說
別怨心底滴血
專心工作過勞才有資格吐血

他走了解封了　得到了某些損失某些總要
試驗難得的寂寥　未必天天要燃燒
殘酷現實還是公平　太耀眼激情　亦如即興
下個季節　轉心境

失戀了無謂痴情
人開心傷心講慣性
若憑悟性　定能夠有
更高的戀愛本領

現實還是公平　有他約定見證
便會害怕失約的震驚
他不愛沒法講情　和他講分手不掃興
換來尊敬　未圓滿愛情也雋永

>>July 24, 2007 at 4:36:12 PM GMT+8

2007 年 7 月 17 日 星期二 【酷熱】

Title：中學回顧日

　　琴晚唔知係咪飲得太多茶，搞到唔眼訓，要五點鐘先訓．但係唔知係咪身體已經 Set 左 10 點後不准訓覺，依舊係未夠 10 點起身，聽到 "股壇神棍" 既聲就覺得煩厭，今次叫人去 "西藏之旅" ！

　　之後晏晝一盡 "孝順仔" 既責任，同左媽咪去美心皇宮飲茶（其實只係因為股市有斬獲 =P ）飲完茶就三點鐘，約左 KK 同何亨係六樓既 Pacific Coffee 飲野，同埋睇中五既紀念冊．期間除左互換紀念冊睇之外，仲睇番八年前寫俾 KK 同何亨既野，耐到基本上都唔記得！

　　而我亦都好驚嚇當年點解寫得咁 "坦白" ，完全無諗過後果，一心只係寫自己想寫既野，可能當時已經得罪左好多人！不過，如果俾我揀多次，我都會一樣寫得咁 "坦白" ，雖然未必係 Full Picture ，但係至少係我認為真既野．當然還有圍繞住 "Best Friend" 呢個 Topic ，笑到停唔到！！跟住又回憶番當年既校園生活，又係度諗當時邊個同學坐係邊，發現有一半既位都諗唔番邊個坐，證明有 D 同學已經從我地既記憶中消失左 >.<

　　之後亦都發現我地 "自卑醜男小圈子" 既人腳 "買少見少" ，Camel 與曉龍係咪唔返黎香港架喇? 月餅又係咪繼續被軟禁，好似 "大丈夫" 入面既 "九哥" 一樣? ... 一切既問題都係未有答案！跟住我地又再係 "孖寶賽車" 既賽道激戰，打到六點鐘，KK 就返屋企先．我同何亨就係電器舖之間遊弋，行到七點幾就返屋企．

　　今晚媽咪為 "慶祝" 我係屋企食晚飯，特別買左好耐無食既蟹，好味！對上一次食蟹已經係足足三個月前，就係 "德福蟹粥" 事件！

>>July 18, 2007 at 4:01:36 PM GMT+8

2007 年 7 月 16 日 星期一 【晴】

Title：宵夜@旺角

　　今日繼續長駐係後場開外聯單，看來係後場既時間多過係前場．之後終於等到放工，由於約左何亨同 KKPoon 去食壽司，所以隆重其事都要換番衫出去．結果有數位同事問我係咪收工去蒲，而我既答案："係！" 跟住佢地問我去邊度蒲，我就話去 "潮人既熱點 --- 旺角！" 當然佢地會有以下疑問："潮人既熱點真係旺角咩?? " 唔理 lu =P

　　之後搭巴士出去，去到 10 點鐘，本來何亨同 KK 已經提早半個鐘等，點知去到都係未等到．而該壽司舖外面排左成五六十人，不禁引起疑問："係咪唔駛錢??" 非也，只係人家 10 點後全部半價，算起黎都算幾抵既！而我地 3 個一邊排隊，一邊同一對唔識既情侶連線打 "孖寶賽車" ，而身邊竟然都有好多人都係打 "孖寶賽車" ，賽車聲此起彼落．

　　結果我地等到 11 點先有得入去，入到去二話不說就叫左兩份刺身，還有掃左運輸帶上既幾碟壽司．價錢還算不錯，一碟兩件三文魚壽司正價先係 9 蚊，特價後 4 個半！還有海膽壽司， 26 蚊兩件，必吃！！

　　其中原價 35 蚊一件既 "金箔拖羅" ，何亨一食落去就大讚 "入口即溶" ，形容到好似蔡瀾咁，搞到我鬼咁想食．之後我都夾左一件擺入口，未溶，我只能夠用 "等待爆炸糖爆炸" 黎形容呢個等待既感覺．結果等左好耐都無溶，亦只能夠用 "唔爆炸既爆炸糖" 黎形容呢個 "唔溶係口" 既結局．當然何亨就話："你估咁容易就做到食神咩??" ，而我亦都只能夠用 "牛o趙牡丹" 形容番自己！

　　席間講到何亨呢排執屋，執番好多舊既野，其中有中五時既紀念冊，講番當年既留言都幾搞笑，佢仲講睇番當年我寫俾佢個篇幾好笑，我都唔咪好記得寫左 D 咩 lu ，淨係記得 10 年之約．於是我地約埋聽日出黎睇紀念冊，要睇番 8 年前同依家有咩唔同 lu =P

　　最後我地 12 點半就走 lu ，應該破左 KK 出夜街既最夜紀錄吧 ?!

　　ps1. 恭喜晒！！

　　ps2. 打得 "孖寶賽車" 多係會有幻聽架，包括食緊壽司時，耳邊突然會傳來 "開車倒數" 既聲音！

>>July 17, 2007 at 7:08:08 PM GMT+8

2007 年 7 月 14 日 星期六 【酷熱】

Title：Wanted

　　今日從 Crystal 口中，得知一個我好掛念既人 --- "前特大頭目" 出現係德福商務！

　　然後與青媽媽慨嘆 "好人總係早死" ，咁岩玲兒經過，於是問佢："你覺唔覺得好人總係早死? "

　　還是玲兒腦筋轉得快，反問我："咁你早唔早死? "

　　差 D 被殺個措手不及既我，亦不示弱： "我聽日就死架喇！"

　　ps. 給特大頭目：無穿無爛就好 lu ，起碼都會黎買野，記得保重身體，我會懷念你架！

>>July 15, 2007 at 4:56:12 PM GMT+8

2007 年 7 月 13 日 星期五 【酷熱】

Title：著火事件

　　今日翻看電郵，嚇見一封從某分店既回信．原來問人家轉書，也要 "睇情況" 的．

　　要看你的情況沒所謂，但我們應怎樣回覆讀者 "看你的情況" ?? 完全不負責任！！

　　用 "不知所謂" 這四個大字，來回應這個 "情況" 倒不覺得過份！下次若再以這張臭口向過來，信不信我開 49 單轉一支嗽口水給你 ?!

>>July 14, 2007 at 4:49:48 PM GMT+8

2007 年 7 月 12 日 星期四 【酷熱】

Title：例休了

　　今日係例休，由於心心仔被殘酷的調左班，所以心心仔繼續返工，而我就繼續係屋企訓覺．結果還是 10 點幾就起左身，跟住睇股市、打機、食飯同再訓覺．訓得多幾好，精神番少少．

　　之後起身就沖涼出門口，返左尖商．然後等埋心心仔放工就去食壽司 lu ，還是壽司好吃！！

>>July 14, 2007 at 4:55:40 PM GMT+8

2007 年 7 月 11 日 星期三 【晴】

Title：死亡預告

　　今朝要開早會，好似平時咁早差唔多一個鐘返去，行到去後門見到羅小姐，同佢講左聲早晨就一齊行．期間羅小姐問我係咪呢排唔開心，見我無咩心機咁，我就話可能係眼訓．感覺有點突然，也有 "受寵若驚" ．其實一個好既上司，除左要留意員工既工作表現，仲要關心下屬既情緒．別以為羅小姐成日都好忙咁走黎走去，其實都幾留意同事既，呢點要好好學習先得！

　　至於今日既主要工作，一朝早就執架同埋補貨，發現那邊打仗中既教科書部，對小弟既 "... Grammar In Use" 都幾渴求，看來就黎會 "乾塘" lu ！而青媽媽對於英文部 Counter 既 "死亡預告" ，好彩今日無發生，因為青媽媽連續幾日係英文部 Counter 俾人鬧，所以叮囑我地坐 Counter 既時候要小心 D ．亦由於呢個 "死亡預告" ，所以都係覺得 "此地不宜久留" ，下晝就入左去後場幫恩慧做外聯，繼續做番 "外聯王子" ！(大家唔好嘔住，因為唔咪我改既，係有同事認同既，哈 =P )

ps1. 找到自己的存在價值，就係 --- 收銀處！

ps2. 究竟有無唔開心?? ... 好似係有少少...

ps3. 戰友們既日記都寫工作好忙碌，點解小弟好似相對地好得閒?? 你們要努力呀！

>>July 13, 2007 at 5:26:57 PM GMT+8

2007 年 7 月 10 日 星期二 【晴】

Title：開主管會

　　今朝一早返去開主管會，內容圍繞匯豐促銷既回顧．由於 Ivan 今朝唔知醒，所以當問到英文部既部份，就要我黎報告．其實係主管會入面報告，仲驚過考試，因為考試可以 "吹水" ，只要有一個 Point 都可以寫成篇文出黎；但係銷售數字，你知，我知，店長當然一定知，所以講既野有幾成係真，一聽就會知，於是將平時觀察到既野，有八、九成把握先講，應該 "雖不中，亦不遠" 掛 ?!

　　開到最尾，羅小姐問我地有無野要補充，結果我都係要幫兒童部 + 收銀處 Counter 申請一張凳，等 D 同事唔駛企得咁辛苦，結果羅小姐今次態度幾開放，一口就應承左，之後就去教科書儸張凳俾兒童部 lu ！

>>July 13, 2007 at 4:59:13 PM GMT+8