2007 年 10 月 3 日 星期三 【晴】

Title：精選遊覽團

謝安琪 --- 8 份 3

一朝驚醒已在目前　怎麼走了這麼遠
屈指一算突然發現　很多好戲已上演
離原本想的有些遠
好比揀選歌舞的路線
但拍了一齣打鬥片

由這裡　行過去
行過去　下一區
誠實地　無懼地
隨遇地　行過去
彈指間　第幾關
原來都走到這裡
別說出發以後習慣失去
鮮花開過掌心裡

把握青春最後十年
珍惜中午的光線
很多支票未曾兌現
只因長大了看穿
成名得獎一概不算
不可更改的最佳路線
何謂幸福秒秒在變

由這裡　行過去
行過去　下一區
誠實地　無懼地
隨遇地　行過去
彈指間　第幾關
原來都走到這裡
但我高興繼續漫遊於這裡
寫好這刻這一句

掌握青春經歷老死　中間不免有唏噓
今天這一家用　至少不只可以談空虛

行過去　行過去
行過去　下一區
華麗地　懷舊地
前衛地　行過去
路彎彎　共深山
由無知走到這裡
但我高興繼續漫遊多幾歲

由這裡　行過去
行過去　下一區
成熟地　緩慢地
回味地　行過去
彈指間　又一關
誰要劃時代創舉
只想懂得慶賀目前
不早不晚的一歲
平常心境中探取
沿路的風裡

>>October 4, 2007 at 6:14:24 PM GMT+8

2007 年 10 月 2 日 星期二 【晴】

Title：英文部搖籃

　　美美今朝晨早起身，就要同 Ivan 去青衣賣碟，賣到 12 點幾就返，辛苦了！

　　青媽媽終於都返工喇，見佢無咩事就好 lu ！再加埋 Ivan 係度，安全感 100 分！！比起琴日不停俾 D 客衝擊，今日可以話係安枕無憂，突然間覺得好似有 Mammy 同 Daddy 係身邊，咩都可以唔理，好幸福既感覺呢！

　　ps. 心情低落，是我真的太小朋友嗎??

>>October 4, 2007 at 5:58:26 PM GMT+8

2007 年 10 月 1 日 星期一 【晴】

Title：一面天堂，一面地獄

　　今日青媽媽都仲係返唔到工，睇黎病得好犀利呢！ Ivan 大佬又例休，返左黎一陣就走 lu ，英文部得番我、Davis 同 Canny ．而 Davis 今日仲要 "處男下海" ，要收錢呢，英文部人手更加足襟見肘．

　　但係朝早 + 晏晝都係好靜，靜到無得再靜，開舖時 D 同事多過客，好難得可以係沙商出現呢！連收銀姐姐阿珊都可以得閒包書，而我就得閒到搶佢 D 書黎包．

　　之後夜晚第一班食飯既時候，唔知點解突然勁忙， Canny 又去左食飯，Davis 又要收錢，英文部得番我一個．Counter 又排左兩三個客， D 電話又叫英文部，忙到周圍跑來跑去，成身汗呢！比起今朝可以話係天堂同地獄既分別！忙完之後又靜番落黎，安安靜靜等收工 lu ！

>>October 4, 2007 at 5:50:01 PM GMT+8

2007 年 10 月 1 日 星期一 【晴】

Title：禮物

　　持續地咳嗽中，今朝打開 Locker 見到好貼心既禮物呢！



>>October 4, 2007 at 5:37:05 PM GMT+8

2007 年 9 月 30 日 星期日 【晴】

Title：國慶日

　　今日係國慶日，遇岩係例休，好幸福呢！訓到十點幾先起身，美美十一點先起身，我就搭火車去大埔等佢，到左美美都岩岩出到黎．之後諗唔到去邊，所以咁岩我諗到可以去下馬鞍山，於是我地就向馬鞍山進發！

　　轉巴士去到馬鞍山，輾轉地去左麥當勞叔叔食午餐，食到 "新出" 既香芋批，幾好味呢！之後就行商場，當然包括主打既千色店呢．

　　行左一陣就去左馬鞍山公園，本來諗住行去海邊既，不過出面整緊海濱長廊，全個海邊都圍住晒．



　　幾驚辛苦先搵到個窿，可以行出去，但係企左一陣覺得幾危險，所以都係覺得 "此地不宜久留" ．之後再向前行，沿路都好大風呢，太陽唔咪好猛，不過就好熱，唔知點解！行到去錦泰苑，終於都係要搭巴士返沙田，上左車舒服好多 ^o^ 之後搭左去禾輋落車，又去河邊坐左一陣．坐完就去沙田行下，去左去西田，終於等到 D 底衫特價 lu ，而美美都買到泳衣．

　　之後等埋何亨 + Patient 、KKPoon、King同禎培，美子都有一齊去，第一次見到我 D Friend 呢！跟住我地去左沙角大排檔諗住食飯，但係佢地太旺 lu ，所以無等佢地．於是走左過去乙明村既廣東館食小菜，補祝番 King 既生日．

　　食完我地行番去沙田分別，我同美子返大埔，落左火車又行路 lu ，希望美子唔會行到腳軟啦！

>>October 4, 2007 at 5:31:59 PM GMT+8

2007 年 9 月 29 日 星期六 【晴】

Title：沙商茄哩啡

　　今日青媽媽例假，加埋前兩日既病假，好似好多日無見過佢 lu ，希望佢無事啦！

　　今朝華姐姐問 Ivan 傍晚要人去大圍，搵邊個去．本來諗住 Davis 去既，但係我見我未去過，所以舉手話要去，之後 Ivan 都話："好丫！去下囉！" 於是決定派我去 lu ！之後文具部就話九點後唔夠人，叫我地搵人去頂，之後我又舉手話我去頂，成為今日最大既 "茄哩啡" ！連華姐姐都話："嘩！做咩咁主動既? "

　　但係五點幾先要去，所以繼續係沙商做野，好似唔咪好忙，大頭目又唔係度，所以都幾 Hea ．

　　五點半過到去大圍，見到銀姐，佢就話："噢！今日你黎呀? 唔該晒！幫我得閒望下 D 人同拍下架得架喇！" 之後我就駐守左係 Counter ，無咩好做，得閒望下 D 人，又上網睇新聞同貪得意打左一篇日記．

　　七點就返沙商，返到去就有飯食，因為美美幫我叮呢！今餐係粟米肉粒腸仔飯，好好味呢 ^o^ 不過唔記得左影相 >.<

　　食完出去等收工，九點鐘去左文具部陪 Macy ．發覺原來對文具部 D 排位唔咪好清楚，好似幫唔到 D 咩手．九點四就入去 "打碟" ，有得早 D 收工！

　　收左工同美美去左城門河邊行左一陣，又坐左一陣．之後美美就自己走先，因為我約左何亨、 King 同欣去左娛樂城打麻雀．好耐無打 lu ，最後打左五圈，打到兩點九就走 lu ．

>>October 4, 2007 at 5:08:31 PM GMT+8

2007 年 9 月 29 日 星期六 【晴】

Title：精選遊覽團

　　　舊歌：吳浩康 --- 擇日失戀
舊歌：Tank --- 三國戀
新歌：側田 --- 男人 KTV
新歌：小肥 --- 寵物
新歌：楊千嬅 --- 陌路

From：首次身處大圍商務的滙 ~~

>>September 30, 2007 at 10:01:04 AM GMT+8

2007 年 9 月 28 日 星期五 【晴】

Title：打回原形

　　今朝開早會，由於太眼訓既關係，好晏先起身，只係比平時早左 20 分鐘返去準備．跟住執左陣架就去開門，大頭目原定係 11:15 返既，但係開左門唔夠一分鐘就返左黎，好明顯係睇下我地有無準時開門啦，抹一把冷汗！之後收到青媽媽既電話，原來佢太病喇，連工都返唔到，跟住佢話： "爭兩日都攞唔到勤工！" 之後我話："唔緊要啦！升一個價位都唔止啦！" 搞到佢都幾開心，之後佢臨收線前叫我記得抽黎緊既一隻新股，聽到佢講得好辛苦，但係都仲要講，係咪真係咁好??

　　今日雖然係星期六，但係都唔咪好忙，起碼黎問大專書既人潮已經好疏落，但係仲有 D 書未黎，究竟幾時先黎?? 朝早推左好多貨出去英文部 Counter 拆，但係全部都係秋銷既備貨，好多都唔駛上架，全部擺晒去櫃筒度．

　　晏晝本來諗住叮飯食，但係太多同事帶左飯等叮，於是我都係決定夜晚先叮飯，走左去大家樂買 "至愛" 既焗豬扒飯，好味！晏晝都仲係唔咪好忙，於是撇低 Davis ，入左後場幫恩慧姐姐開外聯單，好耐無開過單喇，有 D 陌生，不過做做下又上番手 lu ．做完就出去 Counter ，都仲係無野做，於是去左收銀處幫阿珊入膠袋，都係好耐無做過 lu ！之後有個客拎本書黎問阿珊："呢本係咩黎?" 阿珊就第一時間答："書囉！" 搞到個客望左阿珊一下，而我就係隔離笑，之後靜少少，連隔離既 Macy 同琪琪都笑阿珊．

　　夜晚食完自己盒飯，仲好肚餓，開左美子個 Locker 偷左包蝦條黎食．點知正就黎食完之際，諗住 "神不知，鬼不覺" ，點知美子就走左入黎，結果俾佢怒睥呢 ~~

　　夜晚無驚無險就等到收工，好準時走！

>>September 29, 2007 at 4:32:45 PM GMT+8

2007 年 9 月 27 日 星期四 【晴】

Title：一個月快樂

　　今日英文部得兩個半同事駐守，Davis 例休 + 青媽媽補假，得我、Ivan 同埋 Canny ．仲係要特別鳴謝 Canny 一聲，因為佢為左讓我食第二班，犧牲左同 Macy "二人世界" 既機會．於是今日可以同調左食第二班既美子同埋恩慧姐姐 + Macy 去食晏．我地本來諗住去和民食，點知幾多人，於是無等到，去左連城，見到 Euro Go Go 有位，二話不說就坐低左．今日竟然無飯食，所以全檯都係食意粉．

　　之後就返去繼續坐 Counter ，由於係星期四既關係，無咩人黎，成個場都好靜，悶到勁打 "喊路" ．之後 Ivan 食完飯返黎，當然更加唔駛驚， Ivan 認真夠安全感哦！

　　無驚無險就到收工，我就早 D 走先，去大會堂既樓梯坐左一陣，等美子出黎．之後就行左去博康村大排檔食 "劉萬利" 既雲吞麵，我叫左碗雲吞麵，美子就叫左碗淨雲吞．好耐都無食過雲吞麵呢，非常好味，好似第二度都食唔番咁彈牙既麵呢！！而雲吞 D 蝦又好大隻，美子既淨雲吞都有十粒，好抵食呢！

　　食完就行番去沙田，本來諗住行去火炭既，不過好似幾熱咁，唔行喇！之後就搭火車返大埔，又同美子行番屋企．跟住係樓下企左好耐，唔捨得走，連尾班巴士都走埋 lu ．最後都係要走，我最後搭左兩程的士 + 一程火車先返到屋企呢！

　　ps. 跟美子說一句：很喜歡你！ ^o^

>>September 29, 2007 at 3:46:18 PM GMT+8

2007 年 9 月 25 日 星期二 【晴】

Title：精選遊覽團

古巨基 --- 完美的一天

平日共你見面　每天一遍
太快太趕多敷衍
就算椅子仍未坐 暖
陪著你光陰太短
天真的我　有個心願
日曆上原來有多一天
特別贈送的一天

何時為你套現買支火箭
看看世間可是圓
若叫光陰定律逆轉
情事會怎麼發展
只想可以快過閃電
高速飛過時間的起點
白白賺了多一天

若這一生多出這一天
願這天輕鬆一點
放下手中緊張的急件　跟你相見
毋須趕鐘點的一天
談情是今天的特權
完整的將溫馨一天奉獻

若這一生多出這一天
願這天興致不變
製造可堪珍惜的畫面　來日夢見
隨便於家中躺一天
纏綿是今天的特權
完整的將溫馨一天奉獻

>>September 27, 2007 at 5:02:47 PM GMT+8