2007 年 6 月 19 日 星期二 【晴】

Title：精選遊覽團

許志安 --- 前程錦繡

那年一起靜坐抗議
那年一起玩物喪志
那年一起暗戀　然後失戀了默默扶持
那年班長競選才學會政治

當走進大社會　奉獻少　罵戰多
相識接著拆夥　朋友仔沒有幾個　幾個
敵人很多　少一個不算少　多一個都太多

當初唱字母歌　學會的未算多
終於領悟再多　人跌倒又上一課　一課
校門即使逐一給光陰上鎖　都謹記當初

當走進大社會　是與非　右與左
當中價值太多　朋友仔沒有幾個　幾個
聚頭不多　推搪有工作多　多親切都變疏

不想唱勵志歌　勵志歌　勵志麼
彼此背負太多　隨每天習慣經過　經過
為誰奔波獲得比當初再多
比不上當初

>>June 19, 2007 at 5:04:36 PM GMT+8

2007 年 6 月 18 日 星期一 【晴】

Title：Last Day @ 匯豐促銷

　　今日終於到匯豐促銷既最後一日，二十天既戰事終於結束．由於係端午節既關係，一大朝早已經有好多人黎．人龍基本上成個晏晝都係度，平均都去到文具部中間，最長好似去到集郵區．而小弟今日基本上有一半時間係收銀處收錢，實行做無名既 "第七收" ．第一次講野講到喉嚨都沙埋，好似當年係馬會聽電話一樣，不過都好耐無試過！（註：多年來無咩收過錢既青媽媽亦都要係小弟去食飯既時候， "出山" 相助，可想當時既場面係幾咁墟冚）

　　當收緊錢既時候，羅小姐話："嘩，阿匯你用收銀機熟過我喇！" 而的確收完一日錢之後，真係想唔熟都唔得！！只要收完匯豐之後，對平時既收銀程序已經係 "手到拿來" ，依家仲爭退貨同埋 "咭紙" 係未識收．當然，當羅小姐之後再重覆講呢句說話之後，我同另一位同事都 Suggest 羅小姐要編自己做一日 "主收" ，之後就會識得用新既收銀機架喇！

　　臨收工之前，Dinner 時間比較靜少少，有機會係收銀處 Hea 下．阿珊同琪琪話好少男仔咁鍾意收錢，而我基本上無咩話鍾唔鍾意收，既然幫得到手就當然要幫．不過其實間唔中收下錢都幾好玩既，只要搵到一件事既樂趣，先至會令自己做得開心！跟住負責企門口送客，由 9:40 開始清場，要到十點先落得閘，讀者認真捧場！

　　之後就會將舖頭既裝飾拆左佢，其中門口櫥窗兩邊既大貼紙，認真黏力十足，用左兩三個字都係搣左三分一，結果要出動 "沙商大力士" 阿健黎搣，唔駛兩三分鐘就搣完一塊，超勁！最後搞到十一點半先有得返屋企．

>>June 20, 2007 at 4:23:29 PM GMT+8

2007 年 6 月 16 日 星期六 【綿綿細雨】

Title：眼訓應否收錢??

　　今日繼續間歇性係收銀處 "佔用" 四號機收錢，只不過唔知點解明明琴晚都幾夠訓，但係都係好眼訓，結果係碌卡機噤銀碼時，曾經將 153 蚊噤左 53 蚊，同最離奇係將 93.1 蚊噤左 9.1 蚊，連 3 都食左．幸好出收據既時間 Double Check 到，要再碌番 D 餘數，但只怕係冰山一角，希望聽日返去問番唔會 Short 數啦！

ps. 今日見番以前教 Chem 既 Miss Fung ，當然佢唔認得我啦，不過從佢口中問到當年既班主任 Mr Lee 仲係呂中教書，真係長情！！~

>>June 18, 2007 at 3:32:27 PM GMT+8

2007 年 6 月 15 日 星期五 【晴】

Title：第幾收??

　　今日係匯豐促銷最後一個週末，終於都叫做好忙 lu ！排隊既人龍差唔多去到文具部 Counter 或者大專書架．當見到咁長既人龍既時候，而收銀處既同事又忙到出煙，當然唔能夠袖手旁觀．雖然小弟既收銀功夫仲差一大截，但幫得幾多得幾多，"膽粗粗" 儸左四號機去收錢，實行做 "第四收" 之後既無名收銀員．結果大概返工既四份之一時間，都係係收銀處收錢，幸好清機時都係未駛交學費住！ ^O^

>>June 18, 2007 at 3:23:09 PM GMT+8

2007 年 6 月 11 日 星期一 【陰】

Title：晨早優先場

　　今日小弟開早會，Email 既報告無咩難度，有唔少要報告番俾同事們聽（最驚係無野講！！）．而諗到講書既安排就較煩惱，因為琴日應該講既阿琦病左無講，由今日應該講既 Ling 姐講左；而今日應該輪番阿琦講，但係等極佢都唔返．之後阿華就話："梗係唔會返啦！佢今日例休嘛！"

　　結果阿華同我係短時間內就 "兵分兩路" ，佢就負責講 "酒書" ，而我就講番之前聽講座既野，合力泡製一個內容豐富既早會．見到同事們反應唔錯，令我原本跌落谷底既心情都好番少少！　^.^

　　ps. 不過今日出左 "殺手鐧" ，咁黎緊 20 號講咩好呢 ??

>>June 12, 2007 at 4:44:02 PM GMT+8

2007 年 6 月 9 日 星期六 【乍寒還暖】

Title：

　　今天返到公司，立即揭開報紙，得知昨天那位去世的馬會職員，應該是當年我所屬那個 Center 的其中一位 Auntie ．雖然還未肯定是哪一位，反正已沒有意義，但願她安息吧！

>>June 12, 2007 at 4:29:36 PM GMT+8

2007 年 6 月 8 日 星期五 【乍寒還暖】

Title：精選遊覽團

演員：陶大宇 @ 學警出更
　　　工作：匯豐促銷 @ 商務
　　　新歌：衛蘭 --- 愛你還愛你
　　　演出：衛蘭 @ APM ( 很Cutie既衛蘭 ^o^ )
　　　http://www.youtube.com/watch?v=d7jGmyZY9ZA

>>June 8, 2007 at 4:54:17 PM GMT+8

2007 年 6 月 7 日 星期四 【乍寒還暖】

Title：荃灣一日遊

　　今朝比平時遲左 5 分鐘落街，但係目的地唔咪沙田，而係約左嘉敏同心心仔去荃灣唱 K ． 11 點準時集合，跟住就去左 Green Box ，估唔到呢間 Karaoke Box 竟然開 8 點鐘，仲有埋自助早餐，實行開早場．而歡樂既時光過得特別快，我地 1 點半就要走．

　　之後就去左三聯觀摩一下，行左一個圈就去左捐血．可惜嘉敏兄身體不適，只可以做觀眾睇住我地兩個捐，不過唔緊要，下次仲有機會架！！雖然已經係第 9 次捐血，不過插針既時候都仲係有 D 緊張，但結果都係順利捐到！

　　捐完就行左去愉景新城，發現左原來嘉敏係唔可以入有防盜既賣衫舖，因為佢地個防盜會咇咇聲響，但係其他類型既舖頭就無事，我地稱呢個現象係一個謎！

　　緊接我地就去左荃灣廣場，本來諗住去玩具反斗城，點知個商場裝修完就無左，得間 "歷久不衰" 既吉之島可以行下．而係臨走之前，竟然發現有間同商務差唔多既書店．上到去先發現原來係中華書局，裡面除左招牌既文史書外，流行書又有，英文書又有，基本上同一間商務同三聯差唔多，唔怪得話 D 讀者分唔清我地三間書店．

　　然後行番去千色店，送嘉敏搭巴士．我同心心仔就行左千色店同埋城市廣場，然後諗住行去葵涌．行行下見到搭小巴都係三蚊，所以都係懶，等小巴，點知等左成四五個字先等到部車上．落車之後就去左葵涌廣場行，行完去新都會行，又行左大眾添．

　　最後去左麥當當叔叔食新出既 "雙層魚柳飽" ，一嘗心願．食完大約八點半就返屋企 lu ．

　　今日收穫：花千樹 --- 香港天氣常識及觀察

>>June 8, 2007 at 4:47:49 PM GMT+8

2007 年 6 月 5 日 星期二 【晴】

Title：震.......憾！

　　今晚收工返屋企，睇 "學警出更" ，發現原來陶大宇今次係戲裡面，做一個有江湖味既警察，做得非常好．比起係 "青出於藍" 裡面，做一個好 Nice 好好笑，但係睇落笑容有 D 牽強而又太過正經既教師，可以話係判若兩人．

　　不過，重點唔咪呢度，而係一個廣告．麥當當叔叔既廣告，睇左廿幾年，每次如果唔咪故事性既話，都會係 Close Up 佢地既招牌食物，好似將蘋果批 "Bak" 開兩邊、或者將巨無霸裡面 D 材料一層層咁疊上去．今次係傳統既魚柳包，鏡頭出現一塊 "底包" + 一塊魚柳，然後疊一塊芝士上去，理論上應該疊番塊 "面包" 上去，但係今次竟然疊多塊魚柳上去．

　　OH NO！！係我眼花嗎? 係電視機播錯野嗎? 點解會多左塊魚柳架? 非常震撼！！

　　原來係麥當當叔叔最新出既 "雙層魚柳包" ，真係好想去食呀，要搵日去食下先得！　^.^

>>June 8, 2007 at 4:34:31 PM GMT+8

2007 年 6 月 5 日 星期二 【晴】

Title：精選遊覽團

陳奕迅 --- 快樂男生

怎麼讓人生　拿滿分
當個不平凡的人　努力加上運氣
能不能　替明天開個門

永遠當學生　永遠特別認真
雖然未來老是沒有準
忍耐加上時間　我負責任
面對我目標飛奔

快一秒太悶　慢一秒太笨
抓住時代的氣氛
我的夢就是一張通行證

做個快樂的人　敲開全世界的門
我比誰都大聲　當第一人
是的　我有這樣的天份

聽這快樂男生　衝過了天空翻滾
我不怕一個人　打起精神
好壞都別問　都要等

永遠當學生　永遠特別認真
雖然未來老是沒有準
忍耐加上時間　我負責任
面對我目標飛奔

快一秒太悶　慢一秒太笨
抓住時代的氣氛
我的夢就是一張通行證
勇敢一點不要問別人

做個快樂的人　敲開全世界的門
我比誰都大聲　當第一人
是的　我有這樣的天份

聽這快樂男生　衝過了天空翻滾
我不怕一個人　打起精神
好壞都別問　都要等

愛是我心的風火輪
這關鍵的時分　我還在等什麼
倒數一秒　我應該為自由發聲
用快樂唱歌的人
用快樂唱歌的人

做個快樂的人　敲開全世界的門
我比誰都大聲　當第一人
是的　我有這樣的天份

做個快樂的人　敲開全世界的門
我比誰都大聲　當第一人
是的　我有這樣的天份

聽這快樂男生　衝過了天空翻滾
我不怕一個人　打起精神
好壞都別問　都要等

>>June 6, 2007 at 4:01:23 PM GMT+8