2007 年 5 月 6 日 星期日 【晴】

Title：又再倒亂字典架＠沙商

　　今日青媽媽返工，兼夾係星期一，所以十萬個放心去大執 Language 架．呢次係第二次執字典架，上一次係星光執，看來有點上癮 lu ！

　　今日成績：外語 字典 + Study Materials

　　ps. 外語 = 日、法、意、韓、西、中?!

>>May 7, 2007 at 2:35:29 PM GMT+8

2007 年 5 月 1 日 星期二 【陰】

Title：第二次負責促銷

　　今朝門先岩岩開，羅小姐就召集我同美子，叫我地兩個諗下門口張 '主題展覽"' 檯擺 D 咩書，同埋諗下主題．係選擇極少既情況之下，就揀左英文書+中文譯本既小說做主題．

　　跟住就去揀書，我地 + Ivan 就儸住個 Handheld ，係英文小說同翻譯小說兩邊走．而當美子拎個 Handheld 去 Upload Data 既時候， Delete 左全部 Data ，同我上次開退單 Delete 晒 D Data 差唔多，Haha !! 好彩都唔咪好多書．跟住交左俾美子同 Ivan 再去 Du 過 D 書，我就去左食飯．

　　之後要諗題目，我隨口諗左個 "中英小說對對碰" ，覺得幾得意，有 "小說" 同 "一對" 既 IDEA ，又吸引到人地既注意，只係稍嫌有 D 低 B ，估唔到 Ivan 同美子都話 OK ，好開心．

（按：第二日同羅小姐講呢個 Title ，話要諗得深入 D >.< 　結果諗到個超保守既 Title -- 就係 "中英小說兩面睇"，不過我都係喜歡 "中英小說對對碰" 多 D ！）

>>May 7, 2007 at 3:32:53 PM GMT+8

2007 年 4 月 30 日 星期一 【陰】

Title：第一次負責促銷

　　先前羅小姐講過，會俾我負責小型促銷，估唔到真係有得做．今朝一大朝早返到去，羅小姐間房就傳出佢既聲音，跟住行出黎拎左十本字典出黎．原來朗文三十週年紀念，五月大獻禮就係 "朗文實用醫學辭典" ，做半價優惠．羅小姐就吩咐小弟，諗下將 D 字典擺係邊．

　　結果係 Ivan 既幫忙之下，就幫呢五十本字典，搵到三個棲身之所，再自己整個 POP ，就聽天由命 lu ！

>>May 7, 2007 at 2:49:25 PM GMT+8

2007 年 4 月 29 日 星期日 【陰】

Title：獨留在家的兒童

　　今日 Ivan 放假，Davis 又去左大圍，Canny 又要收錢，阿青朝早又要 Pack 箱，結果小弟大多數時間都係獨留係英文部．似乎獨自負責一個部門，係o係沙商既必然事情，而同時又要負責隔離既昂貴文具同 VCD ．

　　雖然靜靜咁留係 Counter 同電腦為伍，但同時心裡經常唸住："唔好有事發生，俾我安然渡過算啦！"

>>April 30, 2007 at 3:52:49 PM GMT+8

2007 年 4 月 23 日 星期一 【乍寒還暖】

Title：沙商怪事錄

　　本來之前諗住要同沙商講再見，但係依家又 Extend 左三個月俾小弟 "再續前緣" ．還記得臨離開既一日，除左同事之外，還有以下特別既 "客人" ．沙商有好多怪人，而最刻骨銘心有以下幾位：

1. 雪人
　　基本上佢地係一對姊妹，"雪人" 既稱呼源自小弟同佢地 "邂逅" 既一天．當日話凍唔凍，話暖唔暖，但係絕對負荷唔到著大褸同埋戴冷帽出街．而當日呢對雪人當日就身穿呢副裝束，黎我地門市睇野．本來都無咩留意佢地，但係去到睇影音時，身旁嗅覺靈敏既 Davis 就話要行開下，因為有陣異味傳過黎．經觀察之後，發現雪人所到之處，方圓七八米之內，都會有讀者移動或者面容有變．

　　最近天氣回暖，發現其中一位雪人雖身穿風褸，但仍需戴帽，看來需要多一點安全感！

2. 膠袋怪客（沙商同事稱 Davis 個 Friend ）
　　膠袋怪客最主要既特徵，就係永遠拎住同一個膠袋，同埋會大字型攤係地下睇書，仲據聞會出現係文具部，將 D 鎖匙扣公仔擺出 III 級 / IIB 級既動作．當同事趕佢走，佢會由 A 點去左 B 點棲身，而轉眼又會出現係 A 點，或者 C 點，總之係神出鬼沒．另外，當佢睇到某 D 字唔識，佢會自己去搵字典查，又會自己 Drop Notes ，可以話係自給自足．佢既膠袋就係儸黎裝呢本記事簿．

　　通常佢同呢個膠袋雙宿雙棲，形影不離，但係有次竟然發現地面得番個膠袋（當時小弟還未到沙商），偉大既 Davis 為民除害，好勇敢將個膠袋拎左出去垃圾桶丟左，自始 Davis 被各同事封為偶像，每次講起呢件事都會好佩服當時 Davis 既勇氣，而及後亦都以 "Davis 個 Friend" 作代號．

3. 口罩女士
　　呢位女士最特別既特徵，就係長時間戴住個口罩，而個口罩係真係只罩住個口，唔罩個鼻；有時又淨係罩住下唇，唔罩上唇，所以呢個口罩係一個 100% 既口罩．佢平時睇落係無咩問題，但係當佢係門市出現，就會突然有怪聲出現，而當你抬頭望下邊個發聲，又會唔知係邊個．當日晨早開門同佢 "邂逅" ，做做下野突然聽到怪聲，但係抬頭又見到唔有怪人；之後又有怪聲係收銀處傳來，當時朝早少人，得佢一個人係收銀處俾錢，就知道 "兇手" 是誰．另外，呢位女士好敏感，稍有刺激就會好大反應+好大聲講野，所以都係列為 "特別照顧既讀者" ．

　　以上三位主角係比較為人熟悉，但係仲有不計其數既 "綠葉" 讀者．有左佢地，返工先會無咁悶，所以黎緊呢三個月，真係要佢地多多支持喇！（<- 這傢伙也傻了嗎??）

>>April 24, 2007 at 5:41:55 PM GMT+8

2007 年 4 月 22 日 星期日 【乍寒還暖】

Title：重回沙商

　　經過一天半係屋企 "足不出戶" 既生活，今日重拾心情返沙田門市．一大朝早，諗住早 D 返去，點知都未有同事返，連門口都入唔到．於是轉折去惠康買洗潔精，諗住黎緊呢三個月都會食完飯去洗碗，始終都係頂唔住個飯盒污污糟糟咁拎番屋企．

　　之後返到去李姑娘已經返左去，所以有得入門口．然後去參觀我既 "單位" --- 就係 Locker ，經過差唔多 15 分鐘既糾纏，終於將塊鐵板固定係 Locker 頂，變相打通左上下兩格，見駛好多！！但係搞完都成身汗，因為後場始終都係好熱．

　　跟住就開早會，臨尾羅小姐介紹我，成班同事全部眼光一致望過黎既感覺，都依家都記得，而我只係好 "怕醜" 咁點左一下頭．

　　開左工無幾耐，阿華就黎召集我三點鐘去開主管會，我就話："唔咪掛?! 我都要去??"

　　阿華話："係呀! 羅小姐叫架! " 搞到我鬼咁緊張，而之後 Ivan 編左個 Language 架俾我管，終於又有架管 lu．

　　之後唔驚唔覺又到三點，等左一陣就齊人，係平時食飯既圓檯開會，都係第一次參與主管會．期間羅小姐交代左新既分工，舊個幾位主管做既野都差唔多，但係身為 "一級店務員" 既小弟，被安排負責管 Language 架、參與小型店內速銷同埋外聯事務．小弟自問未係好熟悉各部門既運作，於是都係立即請各主管到時指點小弟，如果唔咪就會搞亂檔攤．

　　跟住就講下門市既事務，氣氛都相當融洽，唔似以前係星光聽到既主管會咁沙塵滾滾．最後，我提出想係兒童部加部電話，原來幾位主管都覺得有咁既需要，亦都有同事話聽親搵兒童部既電話，都索性自己幫手搵埋，羅小姐就話要搵個最合乎經濟效益既方法先．開完會，原來都開左成兩個鐘，非常急，即刻飛奔去 Toilet ．

　　之後出去 Counter 企左陣，就到 Dinner 時間，同左 Davis 去奇興食飯，係沙田住左咁耐都係第一次去．食完飯都成八點半，好快就渡過埋呢個 Honey Moon 既一日喇！

>>April 23, 2007 at 4:00:41 PM GMT+8

2007 年 4 月 19 日 星期四 【晴】

Title：度假之旅 Day 11

　　今朝一大朝早，就約埋 D 同學仔 --- Crystal 、Yuki 同 Kitty，一齊邁向德福商務，因為今日係正式 "轉正" 既大日子．一去到，本來淨係諗住得詹小姐同羅小姐，點知當日 In 我地既人事部副經理吳小姐都係度，當然仲有一直照顧我地既 "褓姆" Karen ，搞到好大陣仗咁．

　　之後我地八個人圍左係張圓檯仔坐低傾計，一心諗住完左 "實習期" 會被 "貶" 為一級店務員，但係頭目一開腔就話："黎緊呢三個月就要將你地之前六個月所學既武功全部駛出黎，三個月之後，你地就會成為正式既主管！"，搞到之前已經變成死灰既心再度復燃，希望今次係講真架啦！

　　 本來諗住係傾下評核既成績同埋講下 "實習期" 既體會，點知除左後面少部份時間係講 "體會" 之外，有好大部份既時間都係聽 "頭目" 講下佢地既經驗，同埋講下我地之前寫既報告，有 D 咩好既 Point ．仲有要我地講下黎緊 3 個月既 "展望" ，而最大壓力係每位同學仔輪住講，呢 D 完全係先前無 Prepare 過既，完全係爆肚，嚇得一把汗，好彩德福既冷氣都夠凍，如果係沙田，我就實濕晒都得 lu ．（而事後發現，頭目們無同我地講過我地評核既成績！！）

　　經歷左 "驚心動魄兩個半小時" ，我地就上左去上面既 "稻香酒樓" 食飯．一直都係叫點心同炒粉麵．最尾既 "蟹粥" 可以話係壓軸之作，由於小弟懶得 "咬蟹" ，所以揀左個蟹鉗，貪佢剝左殼就有大舊肉食．點知個蟹鉗殼竟係係無 Bok 碎，要儸個口咬碎 D 殼，每咬一次都發出 Bok Bok 聲，嚇得連我都諗緊係蟹殼聲定係 "碎牙" 既聲．之後 Crystal 好好咁叫左個鉗俾我，但係黎左既鉗細到岩岩好擺得個 "鉗" 入去，完全無發力既餘地，都係儸個口好過．經過艱辛既搏鬥，終於有得食．

　　正當諗住食完呢隻就收手，發現只得我同對面既頭目食蟹，而頭目亦話："得我同你食咋，食多幾舊喇！" 唯有繼續食．結果諗起我細佬出去應酬要 "吸煙飲酒" ，而我就要食蟹！好彩第二隻蟹鉗有 Bok 度，如果唔咪真係連牙都無得剩！

　　食完就落番去商務，Crystal 同 Yuki 要試衫，我同 Kitty 就係門口等，見到傳說中既子健，傾左幾句．之後，Crystal 同 Yuki 要各自返門市繼續返工，我同 Karen and Kitty 就搭巴士返去大埔 Office ．返到去都成三點鐘，我就 Send 番 D 手頭工作俾 Emily ，之後就上網．

　　到左大約五點度，Karen 就帶我地落去貨倉，學埋最後一樣工作 --- 就係 "執制服" ，當然我地都要順手試埋制服．搞到六點三就走，係第一次真係有野做既 OT ，亦完成左我地門統既實習之旅．

　　星期一就落番門市，各位同學仔繼續努力！

>>April 22, 2007 at 3:29:26 AM GMT+8

2007 年 4 月 18 日 星期三 【炎熱】

Title：渡假之旅 Day 10

今日重點：

1. 上網 Check Email 同睇新聞

2. 同 Kitty and Susanna 落去貨倉執 "世界讀書日" 嘅贈書

3. 打電話俾會員（今日成績：屯門 + 大埔）

ps1. 今年嘅 "世界讀書日" 喺四月二十三日

ps2. 收工同嘉敏、阿溢 and 心心仔去唱 K ，好期待哦！

ps3. 明天派成績表喇！！更期待！

>>April 19, 2007 at 7:03:25 AM GMT+8

2007 年 4 月 17 日 星期二 【晴】

Title：渡假之旅 Day 9

今日重點：

1. 同 Yuki 、Kitty、Ann去左旺角既帝京酒店聽 "溝通講座" ．跟住聽完去食飯，結果返到去成三點鐘．

2. 難得地勁打電話叫會員去換卡（今日成績：德福+北角）

>>April 18, 2007 at 2:24:53 PM GMT+8

2007 年 4 月 16 日 星期一 【陰】

Title：最近匯匯之諢號

右腦之廢人

源出 "NDS Game --- 右腦之達人"，因某日與心心仔激戰數回合大敗而得名．由於右腦主要負責處理圖像、聲音、韻律、節奏、幻想、創造、色彩、感受、空間．此名詞後被引申為，形容對以上幾項較弱之人類．

〔鳴謝：http://www.brain.idv.tw/POP668.htm 及 字典 "匯匯之教室" 〕

>>April 18, 2007 at 2:18:48 PM GMT+8